Advertisements

ರಶ್ಮಿಕಾ ತಾಯಿಗೆ ಶುರುವಾಯ್ತು ಸಂಕಷ್ಟ…!

ದಕ್ಷಿಣ ಭಾರತದ ಬಹು ಭಾಷಾ ನಟಿ ರಶ್ಮಿಕಾ ಮಂದಣ್ಣ ಅವರ, ವಿರಾಜಪೇಟೆ ಸಮೀಪದ ಕುಕ್ಲೂರಿನ ನಿವಾಸದ ಮೇಲೆ ಆದಾಯ ತೆರಿಗೆ ಇಲಾಖೆ (ಐ.ಟಿ) ಅಧಿಕಾರಿಗಳು ಗುರುವಾರ ಬೆಳಿಗ್ಗೆ ದಾಳಿ ನಡೆಸಿದ್ದಾರೆ.

ರಶ್ಮಿಕಾ ಅವರ ಕಕ್ಲೂರಿನ ಎರಡು ಅಂತಸ್ತಿನ ನಿವಾಸ, ಅವರ ತಂದೆಗೆ ಸೇರಿದ ಸೆರೆನಿಟಿ ಹಾಲ್‌,ಬೃಹತ್‌ ವಾಣಿಜ್ಯ ಸಂಕೀರ್ಣದ ಮೇಲೆ ದಾಳಿ ನಡೆದಿದೆ.

ರಶ್ಮಿಕಾ ಹುಟ್ಟೂರು ಮೈತಾಡಿ ಗ್ರಾಮದಲ್ಲಿನ ಅಂದಾಜು 25 ಎಕರೆ ಕಾಫಿ ತೋಟ, ಬಿಟ್ಟಂಗಾಲದಲ್ಲಿ ಹೊಸ
ದಾಗಿ ಖರೀದಿಸಿದ್ದ 5 ಎಕರೆ ಜಾಗವನ್ನು ಪರಿಶೀಲಿಸಿರುವ ಐ.ಟಿ ಅಧಿಕಾರಿಗಳು, ಪತ್ತೆಯಾದ ಆಸ್ತಿಯ ಮೌಲ್ಯವನ್ನು ಬಹಿರಂಗಪಡಿಸಿಲ್ಲ.

ಈ ನಡುವೆ ಐಟಿ ಇಲಾಖೆ ತುರ್ತು ನೊಟೀಸ್ ಹಿನ್ನಲೆಯಲ್ಲಿ ರಶ್ಮಿಕಾ ಕುಕ್ಲೂರಿಗೆ ಗುರುವಾರ ರಾತ್ರಿ ಆಗಮಿಸಿದ್ದಾರೆ. ಬಳಿಕ ಅವರನ್ನು 10 ಜನ ಐಟಿ ಅಧಿಕಾರಿಗಳು ವಿಚಾರಣೆಗೆ ಗುರಿಪಡಿಸಿದ್ದರು.

ಇನ್ನು ತಡರಾತ್ರಿ ಮನೆಗೆ ಆಗಮಿಸಿರುವ ರಶ್ಮಿಕಾ ತಾಯಿ ಸುಮನ ಮಂದಣ್ಣ ಅವರನ್ನು ಇಂದು ಬೆಳಗ್ಗೆ ಐಟಿ ಅಧಿಕಾರಿಗಳು ವಿಚಾರಣೆಗೆ ಒಳಪಡಿಸಿದ್ದಾರೆ.

ರಶ್ಮಿಕಾ ಅವರ ಬಹುತೇಕ ವ್ಯವಹಾರಗಳನ್ನು ಸುಮನ ಅವರೇ ನೋಡಿಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ. ರಶ್ಮಿಕಾ ಅವರ ಚಿತ್ರ ವ್ಯವಹಾರಗಳು ತಾಯಿಗೆ ಗೊತ್ತಿರುವ ಹಿನ್ನಲೆಯಲ್ಲಿ ಅವರನ್ನು ಐಟಿ ಅಧಿಕಾರಿಗಳು ಪ್ರಶ್ನಿಸಲಿದ್ದಾರೆ.

Advertisements

ಇನ್ಮುಂದೆ ರಾಜ್ಯದಲ್ಲಿ ನಳಿನ್ v/s ಡಿಕೆಶಿ ಫೈಟ್… ಗೆಲ್ಲುವವರಾರು…

ಅತ್ತ ಬಿಜೆಪಿಗೆ ನೂತನ ರಾಜ್ಯಾಧ್ಯಕ್ಷರ ಆಯ್ಕೆಯಾಗುತ್ತಿದ್ದಂತೆ ಇತ್ತ ಕರ್ನಾಟಕ ಪ್ರದೇಶ ಕಾಂಗ್ರೆಸ್‌ ಸಮಿತಿಗೆ ನೂತನ ಅಧ್ಯಕ್ಷರ ನೇಮಕದ ಸರ್ಕಸ್ ಕೂಡಾ ಅಂತಿಮ ಘಟ್ಟ ತಲುಪಿದೆ.

ಕೆಪಿಸಿಸಿ ಅಧ್ಯಕ್ಷರನ್ನಾಗಿ ಕನಕಪುರ ಕ್ಷೇತ್ರದ ಶಾಸಕ ಡಿ.ಕೆ. ಶಿವಕುಮಾರ್ ಅವರನ್ನು ನೇಮಕ ಮಾಡಲು ದೆಹಲಿ ವರಿಷ್ಠರು ಒಲವು ತೋರಿಸಿದ್ದಾರೆ. ಡಿಕೆಶಿ ವಿರುದ್ಧವಾಗಿರುವ ಎಲ್ಲಾ ಅಂಶಗಳನ್ನು ಪರಿಗಣಿಸಿದ ಮೇಲೂ, ರಾಜ್ಯದಲ್ಲಿ ಕಾಂಗ್ರೆಸ್ ಗೆ ಬಲ ತುಂಬುವ ಏಕೈಕ ಸಮರ್ಥ ವ್ಯಕ್ತಿ ಡಿಕೆಶಿ ಎಂದು ಹೈಕಮಾಂಡ್ ಮನಗಂಡಿದೆ.

ಮಾತ್ರವಲ್ಲದೆ ರಾಜಕೀಯ ಒತ್ತಡದ ಸಂದರ್ಭದಲ್ಲೂ ಕಾಂಗ್ರೆಸ್ ಪಕ್ಷಕ್ಕೆ ಅವರು ತೋರಿದ ನಿಷ್ಟೆ ಮತ್ತು ಪಕ್ಷದ ನಾಯಕರ ಮೇಲಿನ ನಿಷ್ಠೆಯೂ ಕೂಡಾ ‘ಹಸ್ತಾ’ಧಿಪತಿಯಾಗಲು ಕಾರಣ ಎನ್ನಲಾಗಿದೆ.

ದಿನೇಶ್ ಗುಂಡೂರಾವ್‌ ರಾಜೀನಾಮೆ ಕೊಟ್ಟಿದ್ದರಿಂದಾಗಿ ಹೊಸ ಅಧ್ಯಕ್ಷರ ನೇಮಕ ಪ್ರಕ್ರಿಯೆಯನ್ನು ಕಾಂಗ್ರೆಸ್‌ ಹೈಕಮಾಂಡ್‌ ಆರಂಭಿಸಿತ್ತು. ನೇಮಕ ಕುರಿತಂತೆ ಮುಖಂಡರ ಅಭಿಪ್ರಾಯ ಸಂಗ್ರಹ ಕಾರ್ಯ ಪೂರ್ಣಗೊಂಡಿದೆ. ಶುಕ್ರವಾರ ಅಥವಾ ಶನಿವಾರ ನೇಮಕದ ಆದೇಶ ಪ್ರಕಟಗೊಳ್ಳಬಹುದು.

ಅಧ್ಯಕ್ಷ ಸ್ಥಾನಕ್ಕೆ ಶಿವಕುಮಾರ್ ಹಾಗೂ ಎಂ.ಬಿ. ಪಾಟೀಲ ಮಧ್ಯೆ ನೇರ ಪೈಪೋಟಿ ಏರ್ಪಟ್ಟಿದೆ. ಎಚ್.ಕೆ. ಪಾಟೀಲ ಹಾಗೂ ಕೆ.ಎಚ್. ಮುನಿಯಪ್ಪ ಕೂಡ ಆಕಾಂಕ್ಷಿಗಳಾಗಿದ್ದಾರೆ.

ಹಿರಿಯ ಮುಖಂಡರ ಅಭಿಪ್ರಾಯ ಆಲಿಸಿರುವ ಪಕ್ಷದ ವರಿಷ್ಠರು ಈ ಕುರಿತ ವರದಿಯನ್ನೂ ಎಐಸಿಸಿ ಅಧ್ಯಕ್ಷೆ ಸೋನಿಯಾಗಾಂಧಿ ಅವರಿಗೆ ಸಲ್ಲಿಸಿದ್ದಾರೆ. ಪಕ್ಷದ ರಾಜ್ಯ ಉಸ್ತುವಾರಿ ಕೆ.ಸಿ. ವೇಣುಗೋಪಾಲ್‌ ಅವರು ಈ ಬಗ್ಗೆ ಸೋನಿಯಾ ಗಾಂಧಿ ಅವರೊಂದಿಗೆ ಗುರುವಾರ ಸಂಜೆ ಸಭೆ ನಡೆಸಿದರು.

ಇನ್ಮುಂದೆ ರಾಜ್ಯದಲ್ಲಿ ಪಕ್ಷ ಸಂಘಟನೆ ಸಲುವಾಗಿ ನಳಿನ್ ಕುಮಾರ್ ಮತ್ತು ಡಿಕೆಶಿ ಪೈಪೋಟಿ ನಡೆಸಲಿದ್ದಾರೆ. ಜೆಡಿಎಸ್ ಶಕ್ತಿ ವಿಪರೀತಿವಾಗಿ ಕಳೆಗುಂದಿದ ಕಾರಣ ದಳಪತಿಗಳು ರೇಸ್ ನಲ್ಲಿ ಕಾಣಿಸಿಕೊಳ್ಳುವುದಿಲ್ಲ.

ಹಾಗೇ ನೋಡಿದರೆ ಪಕ್ಷ ಸಂಘಟನೆಯ ಚತುರ ಅಂದ್ರೆ ಡಿಕೆಶಿ. ನಳಿನ್ ಆ ಮಟ್ಟಿನ ಸಾಮರ್ಥ್ಯವನ್ನು ಹೊಂದಿಲ್ಲ. ಆದರೆ ಕಾಂಗ್ರೆಸ್ ಪಕ್ಷದಲ್ಲಿ ನಾಯಕರು ಮತ್ತು ಕಾರ್ಯಕರ್ತರ ನಡುವಿನ ಕಚ್ಚಾಟವನ್ನು ನಿಯಂತ್ರಿಸುವುದೇ ದೊಡ್ಡ ಸವಾಲು. ಬಿಜೆಪಿಗೆ ಆ ಸಮಸ್ಯೆಯಿಲ್ಲ.

ಇನ್ನು ಡಿಕೆಶಿ ಪ್ರಬಲ ನಾಯಕ ನಿಜ, ಆದರೆ ಉತ್ತರ ಕರ್ನಾಟಕ ಮತ್ತು ಕರಾವಳಿ ಭಾಗದಲ್ಲಿ ಪ್ರಭಾವಶಾಲಿ ನಾಯಕನಲ್ಲ. ಇನ್ನು ನಳಿನ್ ಡಿಕೆಶಿಯಷ್ಟು ಪ್ರಬಲ ನಾಯಕನಲ್ಲ. ಮೋದಿ ಹೆಸರು ಸಂಘದ ಸಹಕಾರವೇ ಅವರಿಗೆ ಶ್ರೀರಕ್ಷೆ.

ಹೀಗಾಗಿ ಮುಂಬರುವ ರಾಜ್ಯ ವಿಧಾನಸಭೆ ಚುನಾವಣೆಯಲ್ಲಿ ಇಬ್ಬರಿಗೂ ಗೆಲುವು ಪ್ರತಿಷ್ಟೆಯ ಪ್ರಶ್ನೆ. ಆದರೆ ಅಷ್ಟು ಹೊತ್ತಿಗೆ ಅಕ್ರಮ ಆಸ್ತಿ ಡಿಕೆಶಿ ಕೊರಳು ಬಿಗುಗೊಂಡರೆ ನಳಿನ್ ಹಾದಿ ಸುಗಮ.

ಮಾರುಕಟ್ಟೆಯಲ್ಲಿ ಬಿಂದಾಸ್ ಆ್ಯಸಿಡ್ ಸೇಲ್ – ದೀಪಿಕಾ ಪಡುಕೋಣೆ ರಿಯಾಲಿಟಿ ಚೆಕ್

ದೇಶದಲ್ಲಿ ಆ್ಯಸಿಡ್ ದಾಳಿ ಪ್ರಕರಣಗಳು ವಿಪರೀತವಾಗಿ ಹೆಚ್ಚಿದ ಹಿನ್ನಲೆಯಲ್ಲಿ ಸರ್ಕಾರ ಆ್ಯಸಿಡ್ ಮಾರಾಟ ಕುರಿತಂತೆ ಅನೇಕ ಕಠಿಣ ನಿಯಮಗಳನ್ನು ರೂಪಿಸಿದೆ.

ಆದರೆ ಇದೀಗ ಅವೆಲ್ಲಾ ಕೇವಲ ಪುಸ್ತಕದಲ್ಲಿ ಮಾತ್ರ ಅನ್ನುವುದು ಬಯಲಾಗಿದೆ.

ಆ್ಯಸಿಡ್ ಸಂತ್ರಸ್ಥೆಯೊಬ್ಬಳ ಕುರಿತಂತೆ ಛಪಾಕ್ ಚಿತ್ರದಲ್ಲಿ ನಟಿಸುವ ದೀಪಿಕಾ ಪಡುಕೋಣೆ ತನ್ನ ತಂಡದೊಂದಿಗೆ ಈ ಸಂಬಂಧ ರಿಯಾಲಿಟಿ ಚೆಕ್ ನಡೆಸಿದ್ದಾರೆ.

ದೀಪಿಕಾ ಪಡುಕೋಣೆ ಶೇರ್ ಮಾಡಿರುವ 5 ನಿಮಿಷ 27 ಸೆಕೆಂಡ್ ಗಳ ವಿಡಿಯೋದಲ್ಲಿ ಚಿತ್ರತಂಡದವರು ಹಿಡನ್ ಕ್ಯಾಮರಾ ಇಟ್ಟುಕೊಂಡು ನಗರದ ಸುತ್ತಮುತ್ತ ಅಂಗಡಿಗಳಿಗೆ ಹೋಗಿ ಆ್ಯಸಿಡ್ ಖರೀದಿಸಿದ್ದಾರೆ.

ದೀಪಿಕಾ ಅವರೇ ಈ ಸಮಯದಲ್ಲಿ ಇಡೀ ಘಟನೆಗಳನ್ನು ತಮ್ಮ ಕಾರಿನಲ್ಲಿ ಕುಳಿತುಕೊಂಡು ನಿಗಾ ವಹಿಸಿದ್ದು ಜನರು ಎಷ್ಟು ಸುಲಭವಾಗಿ ಅಂಗಡಿಗಳಿಗೆ ಹೋಗಿ ಆ್ಯಸಿಡ್ ಖರೀದಿಸುತ್ತಾರೆ ಎಂದು ತೋರಿಸಿದ್ದಾರೆ.ಈ ಸಮಯದಲ್ಲಿ ಒಬ್ಬರೇ ಒಬ್ಬ ಅಂಗಡಿ ಮಾಲಿಕ ಆ್ಯಸಿಡ್ ಕೇಳಿಕೊಂಡು ಬಂದವರಲ್ಲಿ ಐಡಿ ಕಾರ್ಡು ತೋರಿಸಿ ಇಲ್ಲದಿದ್ದರೆ ಆ್ಯಸಿಡ್ ಕೊಡುವುದಿಲ್ಲ ಎಂದು ಹೇಳಿದ್ದಾರೆ. ಒಂದೇ ದಿನದಲ್ಲಿ 24 ಬಾಟಲ್ ಆ್ಯಸಿಡ್ ಮಾರಾಟವಾಗಿದ್ದು ಕಂಡೆನು ಎಂದು ದೀಪಿಕಾ ಹೇಳಿಕೊಂಡಿದ್ದಾರೆ.

ದೀಪಿಕಾ ಪಡುಕೋಣೆ ಮತ್ತು ಅವರ ತಂಡದ ಪ್ರಯತ್ನಕ್ಕೆ ಅನೇಕರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.

ಭಜರಂಗಿ 2 ಸಿನಿಮಾ ಸೆಟ್ ಬೆಂಕಿಗಾಹುತಿ -ಶಿವರಾಜ್ ಕುಮಾರ್ ನ ಕಾಪಾಡಿದ್ದು ಆಂಜನೇಯ…

ಶಾರ್ಟ್ ಸರ್ಕ್ಯೂಟ್ ನಿಂದ ಸ್ಯಾಂಡಲ್ ವುಡ್  ಹ್ಯಾಟ್ರಿಕ್ ಹೀರೊ ಶಿವರಾಜ್ ಕುಮಾರ್ ಅಭಿನಯಿಸುತ್ತಿರುವ ಬಹು ನಿರೀಕ್ಷಿತ ಭಜರಂಗಿ -2 ಚಿತ್ರದ ಸೆಟ್ ಬೆಂಕಿಗೆ ಆಹುತಿಯಾಗಿದೆ.

ಸೆಟ್ ಆಕಸ್ಮಿಕವಾಗಿ ಸುಟ್ಟಿದ್ದರಿಂದ ಚಿತ್ರೀಕರಣ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ‌‌. 

ಗುರುವಾರ ಬೆಳಿಗ್ಗೆ ಅಕಸ್ಮಿಕ  ಬೆಂಕಿ ಕಾಣಿಸಿಕೊಂಡ ತಕ್ಷಣ ಕಲಾವಿದರೆಲ್ಲಾ ಹೊರ ಓಡಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಕೂಡಲೇ ಆಗ್ನಿಶಾಮಕ  ಸಿಬ್ಬಂದಿ ಧಾವಿಸಿ 4 ಗಂಟೆಗಳ ಕಾಲ ಶ್ರಮಿಸಿ ಬೆಂಕಿ ನಂದಿಸಿದ್ದಾರೆ.

ಮಕರ ಸಂಕ್ರಾಂತಿ ಹಬ್ಬದ ದಿನವೇ ಭಜರಂಗಿ-2 ಚಿತ್ರದ ಪೋಸ್ಟರ್ ರಿಲೀಸ್ ಆಗಿದ್ದು, ಪ್ರೇಕ್ಷಕರಲ್ಲಿ ಭಾರಿ ಕುತೂಹಲ ಮೂಡಿಸಿತ್ತು. ಆದರೆ ಇದೀಗ ಅಗ್ನಿ ಆಕಸ್ಮಿಕ ಸಂಭವಿಸಿದ ಕಾರಣದಿಂದ ಚಿತ್ರತಂಡ ಆಂಜನೇಯನ ಆಕ್ರೋಶಕ್ಕೆ ತುತ್ತಾಯಿತೇ ಅನ್ನುವ ಮಾತುಗಳು ಕೇಳಿ ಬರುತ್ತಿದೆ.

ಇನ್ನು ಅವಘಡ ಕುರಿತಂತೆ ಪ್ರತಿಕ್ರಿಯಿಸಿರುವ ಶಿವರಾಜ್ ಕುಮಾರ್, ಭಜರಂಗಿಯೇ ನಮ್ಮನ್ನು ಕಾಪಾಡಿದ್ದಾನೆ. ಗ್ಯಾಸ್ ಓಪನ್ ಆಗಿದ್ದರೆ ದೊಡ್ಡ ಅವಘಡ ಸಂಭವಿಸುತ್ತಿತ್ತು, ಆದರೆ, ಸೆಟ್ ಗೆ ಗೋಣಿಚೀಲ ಬಳಸಿದ್ದರಿಂದ ದೊಡ್ಡ ಅನಾಹುತ ತಪ್ಪಿದೆ.

ಚಿತ್ರೀಕರಣದಲ್ಲಿ ತಾವು ಸೇರಿ 15 ರಿಂದ 20 ಜನ ಮುಖ್ಯ ಕಲಾವಿದರು ಹಾಗೂ ಸರಿಸುಮಾರ 200 ಜನ ಸಹಾಯಕ ಕಲಾವಿದರು ಇದ್ದರು. ಆದರೆ, ಯಾರೊಬ್ಬರಿಗೂ ಯಾವುದೇ ಹಾನಿ ಆಗಿಲ್ಲ, ಅನಾಹುತನೂ ಆಗಿಲ್ಲ. ಇಂದು ಭಜರಂಗಿಯೇ ನಮ್ಮನ್ನು ಕಾಪಾಡಿದ್ದಾನೆ ಅಂದಿದ್ದಾರೆ.

ಕುಟುಂಬದವರ ಪರವಾಗಿ ಧನ್ಯವಾದ – ಶ್ರೀರಾಮುಲುಗೆ ಪತ್ರ ಬರೆದ ತನ್ವೀರ್ ಶೇಠ್…

ಮೈಸೂರಿನಲ್ಲಿ ಮದುವೆ ಸಮಾರಂಭವೊಂದರಲ್ಲಿ ಪಾಲ್ಗೊಂಡಿದ್ದ ವೇಳೆ ನವೆಂಬರ್ 17 ರಂದು ದುಷ್ಕರ್ಮಿಯೊಬ್ಬ ತನ್ವೀರ್ ಸೇಠ್ ಮೇಲೆ ಮಾರಣಾಂತಿಕ ಹಲ್ಲೆ ಮಾಡಿದ್ದ. ಮೈಸೂರಿನಲ್ಲಿ ಚಿಕಿತ್ಸೆ ಪಡೆದ ಅವರು ಬಳಿಕ ವಿದೇಶದಲ್ಲಿ ವಿಶ್ರಾಂತಿ ಪಡೆಯುತ್ತಿದ್ದರು. ಇತ್ತೀಚಿಗಷ್ಟೆ ಪ್ರಕರಣದ ತನಿಖೆ ಹಿನ್ನೆಲೆಯಲ್ಲಿ ವಿದೇಶದಿಂದ ಮೈಸೂರಿಗೆ ಸೇಠ್ ಆಗಮಿಸಿದ್ದರು.

ಮೈಸೂರಿಗೆ ಆಗಮಿಸಿದ ಕೆಲ ದಿನಗಳ ಬಳಿಕ ಶ್ರೀರಾಮುಲು ಅವರಿಗೆ ಪತ್ರ ಬರೆದಿರುವ ತನ್ವೀರ್ ಶೇಠ್, ‘ಮಾನ್ಯ ಶ್ರೀರಾಮುಲು ಅವರೇ, ಸಾವಿರಾರು ಜನರ ಪ್ರೀತಿ, ಪ್ರಾರ್ಥನೆಗಳಿಂದ ನನಗೆ ಪುನರ್ಜನ್ಮ ಸಿಕ್ಕಿದೆ. ತಾವು ನನ್ನ ಆರೋಗ್ಯ ವಿಚಾರಿಸಲು ಆಸ್ಪತ್ರಗೆ ಬಂದಿದ್ದು, ದೂರವಾಣಿ ಕರೆ ಮಾಡಿ ನನ್ನಲ್ಲಿ ಹಾಗೂ ನನ್ನ ಕುಟುಂಬದವರಲ್ಲಿ ಆತ್ಮಸ್ಥೈರ್ಯ ತುಂಬಿದ್ದಕ್ಕೆ ನಾನು ವೈಯಕ್ತಿಕವಾಗಿ ಹಾಗೂ ನನ್ನ ಕುಟುಂಬದವರ ಪರವಾಗಿ ಧನ್ಯವಾದಗಳನ್ನು ಸಲ್ಲಿಸುತ್ತೇವೆ. ವೈದ್ಯರ ಸಲಹೆಯಂತೆ ಇನ್ನೂ 5 ರಿಂದ 6 ವಾರಗಳ ಕಾಲ ಸಂಪೂರ್ಣ ವಿಶ್ರಾಂತಿ ಪಡೆಯಬೇಕಾಗಿದೆ.  ತಮ್ಮ ವಿಶ್ವಾಸ ಹಾಗೂ ಆಶೀರ್ವಾದ ಸದಾ ನನ್ನ ಮತ್ತು ನನ್ನ ಕುಟುಂಬವದರ ಮೇಲಿರಲೆಂದು ಕೋರುತ್ತೇವೆ’ ಅಂದಿದ್ದಾರೆ.

ಕರ್ನಾಟಕದಲ್ಲೂ ಹುಟ್ಟಿಕೊಳ್ತು ಸನ್ನಿ ಲಿಯೋನ್ ಅಭಿಮಾನಿ ಸಂಘ…

ಒಂದು ಕಾಲದ ನೀಲಿ ಚಿತ್ರಗಳ ರಾಣಿ ಸನ್ನಿ ಲಿಯೋನ್ ಕಾರ್ಯಕ್ರಮಕ್ಕೆ ಕನ್ನಡ ಪರ ಸಂಘಟನೆಗಳು ಅಡ್ಡಿ ಮಾಡಿದ್ದು, ನಂತ್ರ ಎಂಜಲು ಕಾಸಿಗೆ ಇದೇ ಕನ್ನಡ ಪರ ಸಂಘಟನೆ ಸದಸ್ಯರು ಕೈಯೊಡ್ಡಿದ್ದು ಹಳೆಯ ಸುದ್ದಿ.

ಇದೀಗ ಮತ್ತೊಮ್ಮೆ ಸನ್ನಿ ಲಿಯೋನ್ ಸುದ್ದಿಯಲ್ಲಿದ್ದಾಳೆ. ಅದು ಕೂಡಾ ಉತ್ತರ ಕರ್ನಾಟಕದ ಹಳ್ಳಿಯೊಂದರ ಯುವಕರ ಕಾರಣಕ್ಕೆ.

ಇತ್ತೀಚೆಗೆ ರಾಯಚೂರು ಜಿಲ್ಲೆಯ ಸಿಂಧನೂರು ತಾಲೂಕಿನ ಹುಡಾ ಗ್ರಾಮದ ಅಂಬಾಮಠದಲ್ಲಿ ನಡೆಯುತ್ತಿರುವ ಅಂಬಾದೇವಿ ಜಾತ್ರೆಗಾಗಿ ಹಾಕಿದ್ದ ಬ್ಯಾನರ್ ಗಮನ ಸೆಳೆದಿತ್ತು.

ಶ್ರೀಮತಿ ಸನ್ನಿ ಲಿಯೋನ್ ಯುವಕ ಮಂಡಳದ ಹೆಸರಿನಲ್ಲಿ ಜಾತ್ರೆಗೆ ಶುಭ ಕೋರಲಾಗಿತ್ತು. ಆರೇ ಸನ್ನಿ ಲಿಯೋನ್ ಹೆಸರಿನಲ್ಲಿ ಯುವಕ ಸಂಘವೇ ಅನ್ನುವ ಪ್ರಶ್ನೆ ಜಾತ್ರೆಗೆ ಪರ ಊರಿನಿಂದ ಬಂದವರಿಗೆ ಕಾಡಿತ್ತು.

ಇದೇನು ಸನ್ನಿ ಲಿಯೋನ್ ಅಭಿಮಾನಿ ವರ್ಗವನ್ನು ಸಂಪಾದಿಸಿದ್ದು ನೀಲಿ ಚಿತ್ರಗಳ ಮೂಲಕ. ಆದರೆ ನೀಲಿ ಚಿತ್ರ ನೋಡಿದವರು ಅಭಿಮಾನಿ ಸಂಘ ಕಟ್ಟಿಕೊಳ್ಳಲು ಸಾಧ್ಯವೇ.

ಈ ಅಭಿಮಾನಿ ಸಂಘದ ಅಸಲಿ ಕಥೆಯೇನು ಎಂದು ಹುಡುಕಿಕೊಂಡು ಹೊರಟರೆ ಸಿಕ್ಕಿದ್ದು ಅಚ್ಚರಿಯ ಕಥೆ.

ಗ್ರಾಮದ ಕಾಲೇಜಿಗೆ ಹೋಗುವ ಕೆಲ ವಿದ್ಯಾರ್ಥಿಗಳು ಹಾಗೂ ಕೆಲಸ ಮಾಡುವ ಯುವಕರು ಸೇರಿಕೊಂಡು ಎರಡು ತಿಂಗಳ ಹಿಂದೆ ಶ್ರೀಮತಿ ಸನ್ನಿ‌ ಲಿಯೋನ್ ಯುವಕ ಮಂಡಲ ಹೆಸರಿನಲ್ಲಿ ಸಂಘ ರಚಿಸಿಕೊಂಡಿದ್ದಾರೆ.

ಮೊದಲು ಈ ಹೆಸರು ಇಡುವುದಕ್ಕೆ ಗ್ರಾಮದ ಹಿರಿಯರು ಆಕ್ಷೇಪ ವ್ಯಕ್ತಪಡಿಸಿದ್ದರು. ಕೊನೆಯ ಆಕೆಯ ಬದುಕಿನಲ್ಲಿ ಆದ ಬದಲಾವಣೆ, ಆಕೆಯ ಸಮಾಜ ಸೇವೆಯನ್ನು ಹೇಳಿದ ನಂತ್ರ ಹಿರಿಯರು ಒಕೆ ಅಂದಿದ್ದರು.

ಢಿಪರೆಂಟ್ ಹೆಸರಿನಲ್ಲಿ ಸಂಘ ಸ್ಥಾಪಿಸಿಕೊಂಡ ಯುವಕರು ಇದೀಗಎರಡು ತಿಂಗಳ ಹರೆಯದ ಸಂಘಟನೆ ವತಿಯಿಂದ ಮುಂದಿನ ದಿನಗಳಲ್ಲಿ ಪರಿಸರ ರಕ್ಷಣೆ ಸೇರಿದಂತೆ ಉತ್ತಮ ಕೆಲಸ ಮಾಡಲು ನಿರ್ಧರಿಸಿದ್ದಾರೆ.

ಅನುಷ್ಕಾ ಶೆಟ್ಟಿ ಸಂಕ್ರಾತಿ ಶುಭಾಶಯಕ್ಕೆ ಕರಗಿದ ಕರುನಾಡು…

ಈ ಹಿಂದೆ ಅನುಷ್ಕಾ ತಾಯಿ ಪ್ರಫುಲ್ಲಾ ಹುಟ್ಟುಹಬ್ಬದ ಸಂದರ್ಭದಲ್ಲೂ ಅವರು ಕನ್ನಡದಲ್ಲಿಯೇ ಶುಭ ಕೋರಿದ್ದರು. ಸಾಮಾನ್ಯವಾಗಿ ಅವರು ತಮ್ಮ ಕುಟುಂಬದವರ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡಿಕೊಳ್ಳುವುದಿಲ್ಲ. ಆದರೆ ಜುಲೈ 31ರಂದು ಅಮ್ಮನ ಬರ್ತ್‌ಡೇ ಪ್ರಯುಕ್ತ ಕಟುಂಬದವರ ಜತೆ ಇರುವ ಒಂದು ಫೋಟೋವನ್ನು ಹಂಚಿಕೊಂಡು ‘ಜನ್ಮದಿನದ ಹಾರ್ದಿಕ ಶುಭಾಶಯಗಳು ಅಮ್ಮ’ ಎಂದು ಅವರು ಪೋಸ್ಟ್‌ ಮಾಡಿದ್ದರು. ಆಗಲೂ ಈ ಕನ್ನಡತಿಯ ಮಾತೃಭಾಷಾ ಪ್ರೇಮಕ್ಕೆ ಕರುನಾಡಿನ ಜನತೆ ಭೇಷ್‌ ಎಂದಿದ್ದರು.

ತೆಲುಗು-ತಮಿಳಿನಲ್ಲಿ ಸ್ಟಾರ್‌ ನಟಿಯಾಗಿರುವ ಅನುಷ್ಕಾ ಇದೀಗ ಕನ್ನಡದಲ್ಲಿ ಸಂಕ್ರಾಂತಿ ಹಬ್ಬದ ಶುಭ ಕೋರಿದ್ದಾರೆ.

ಅನುಷ್ಕಾ ಶುಭಾಶಯ ನೋಡಿದ ಮಂದಿ ‘ನೀವು ಕನ್ನಡದಲ್ಲಿ ಶುಭಾಶಯ ತಿಳಿಸಿದ್ದು ಎಳ್ಳಿನ ಜೊತೆಗಿರುವ ಬೆಲ್ಲಕ್ಕಿಂತಲೂ ಸಿಹಿಯಾಗಿದೆ’ ಎಂದು ಕಮೆಂಟ್ ಮಾಡುತ್ತಿದ್ದಾರೆ.

ಹಾಗೇ ನೋಡಿದರೆ ಅನುಷ್ಕಾಗೆ ಎಲ್ಲಾ ಭಾಷೆಯಲ್ಲೂ ಅಭಿಮಾನಿಗಳಿದ್ದಾರೆ. ಅವರೆಲ್ಲರನ್ನೂ ಗಮನದಲ್ಲಿ ಇಟ್ಟುಕೊಂಡು ಅವರು ಇಂಗ್ಲಿಷ್‌ನಲ್ಲಿ ಪೋಸ್ಟ್‌ ಹಾಕಬಹುದಿತ್ತು. ಆದರೆ ಅಂಥ ಕುಂಟು ನೆಪಕ್ಕೆ ಅವರು ಗಂಟು ಬೀಳದೇ ಕನ್ನಡದಲ್ಲಿಯೇ ಶುಭ ಕೋರುವ ಮೂಲಕ ಮಾತೃಭಾಷೆಯ ಮೇಲೆ ಅಭಿಮಾನ ಮೆರೆದಿದ್ದಾರೆ.
ಅಂದ ಹಾಗೇ ಅನುಷ್ಕಾ ಈ ವರ್ಷ ಬೆಂಗಳೂರಿನಲ್ಲೇ ಸಂಕ್ರಾತಿ ಆಚರಿಸಿದ್ದಾರೆ.

ವಾಸುಕಿ ಜೊತೆ ಕೆಲಸ ಮಾಡಲು ಬಯಸಿದ ಸುದೀಪ್….!

ಕಿಚ್ಚ ಸುದೀಪ್ ಇತ್ತೀಚಿನ ವರ್ಷಗಳಲ್ಲಿ ಸಾಕಷ್ಟು ಬದಲಾಗಿದ್ದಾರೆ. ಬದಲಾಗಿದ್ದಾರೆ ಅನ್ನುವುದಕ್ಕಿಂತ ಮಾಗಿದ್ದಾರೆ ಅಂದ್ರೆ ತಪ್ಪಗಾದು. ಅನುಭವ ಅವರನ್ನು ಇನ್ನಷ್ಟು ಹಿರಿಯರನ್ನಾಗಿಸಿದೆ. ಅವರ ನಡೆ ನುಡಿಗಳೇ ಅದಕ್ಕೆ ಸಾಕ್ಷಿ.

ಇದು ಮತ್ತೊಮ್ಮೆ ಸಾಬೀತಾಗಿದ್ದು ಭಾನುವಾರ ಪ್ರಸಾರವಾದ ಸೂಪರ್ ಸಂಡೇ ವಿದ್ ಸುದೀಪ್ ಕಾರ್ಯಕ್ರಮದಲ್ಲಿ.

ಕೆಲ ವಾರಗಳ ಹಿಂದೆ ಜೈಲು ಸೇರಿದ್ದ ವಾಸುಕಿ ಮನಸ್ಸಿಂದ ಯಾರೂನು ಕೆಟ್ಟೋರಲ್ಲ ಎಂಬ ಹಾಡು ರಚಿಸಿ, ಹಾಡಿ ಕನ್ನಡಿಗರ ಮನ ರಂಜಿಸಿದ್ದರು. ಈ ಹಾಡಿಗೆ ಮನ ಸೋತಿದ್ದ ಸುದೀಪ್ ತಮ್ಮದೇ ದನಿಯಲ್ಲಿ ಹಾಡಿ ಸಂಭ್ರಮಿಸಿದ್ದರು.

ಇದೀಗ ವಾಸುಕಿ ವೈಭವ್ ಬಿಗ್ ಬಾಸ್ ಮನೆಯಲ್ಲಿ ರೊಮ್ಯಾಂಟಿಕ್ ಗೀತೆಯೊಂದನ್ನು ರಚಿಸಿದ್ದಾರೆ. “ತಲೆ ಗಿರ ಗಿರ ಗಿರ” ಎಂಬ ಹಾಡನ್ನು ವಾಸುಕಿ ವೈಭವ್ ಬರೆಯುವುದರ ಜೊತೆಗೆ ರಾಗವನ್ನೂ ಸಂಯೋಜಿಸಿದ್ದಾರೆ.

ಬಿಗ್ ಬಾಸ್ ಮನೆಯಲ್ಲೇ ಹೊಸೆದಿರುವ ಈ ಹಾಡು ಕೂಡಾ ಸುದೀಪ್‌ ಅವರ ಮನಸ್ಸಿದೆ ತಟ್ಟಿದ್ದು, ಸೂಪರ್ ಸಂಡೇ ವಿದ್ ಸುದೀಪ್ ಕಾರ್ಯಕ್ರಮದಲ್ಲಿ ತಮಗಾಗಿ ಹಾಡುವಂತೆ ಮನವಿ ಮಾಡಿದರು. ಅತ್ತ ವಾಸುಕಿ ವೈಭವ್ ಹಾಡು ಪ್ರಾರಂಭಿಸಿದರೆ ವೇದಿಕೆಯಲ್ಲಿದ್ದ ಸುದೀಪ್ ಹಾಡು ಕೇಳುತ್ತಾ ತನ್ಮಯರಾದರು, ತಮ್ಮದೇ ಲೋಕಕ್ಕೆ ಜಾರಿ ಹೋದರು. ಹಾಡು ಮುಗಿಯುತ್ತಿದ್ದಂತೆ ಅದ್ಭುತ ಅನ್ನುವ ಎಂದು ಬೆನ್ನು ತಟ್ಟಿದರು.

ಜೀವನದಲ್ಲಿ ಅವಕಾಶ ಸಿಕ್ಕಿದರೆ ನಿಮ್ಮ ಜೊತೆ ಕೆಲಸ ಮಾಡುತ್ತೇನೆ ಎಂದು ಸುದೀಪ್ ಹೇಳುತ್ತಿದ್ದಂತೆ, ಭಾವ ಪರವಶರಾದ ವಾಸುಕಿ ಎದ್ದು ನಿಂತು ಕೈ ಮುಗಿದು ಧನ್ಯವಾದ ಸಲ್ಲಿಸಿದರು. ನಿಮ್ಮಂತಹವರ ಜೊತೆ ಕೆಲಸ ಮಾಡುವುದು ನಮಗೆ ಗೌರವ ಎಂದು ಸುದೀಪ್ ಹೇಳುತ್ತಿದ್ದಂತೆ ಅದೊಂದು ನನ್ನ ಪುಣ್ಯ ಅಂದರು ವಾಸುಕಿ.

ಈ ವೇಳೆ ನಾವೆಲ್ಲ ಕಿರಿಯರು, ನಮ್ಮದು ಏನೂ ಇಲ್ಲ, ಆ ಭಗವಂತ ಮತ್ತು ಪ್ರೇಕ್ಷಕರು ಕೈ ಹಿಡಿದ್ರೆ ನಾವು. ಕ್ಯಾಮಾರಮೆನ್, ಡಿಸೈನರ್, ಮೇಕಪ್ ಕಲಾವಿದರು, ಡೈಲಾಗ್ ಬರೆಯುವವರು, ಸಂಗೀತ ನೀಡುವವರು ನಿಜಯವಾದ ಹಿರೋಗಳು ಅನ್ನುವ ಮೂಲಕ ತೆರೆಯ ಹಿಂದಿನ ಶ್ರಮ ಜೀವಿಗಳಿಗೆ ಗೌರವ ಸಲ್ಲಿಸಿದರು ಸುದೀಪ್.

ಒಟ್ಟಿನಲ್ಲಿ ಸುದೀಪ್ ಅವರ ಮಾತುಗಳನ್ನು ಕೇಳಿದರೆ ಮುಂದೊಂದು ದಿನ ಅಂದ್ರೆ ಮಹಾಮನೆಯಿಂದ ಹೊರ ಬಂದ ಮೇಲೆ ಸುದೀಪ್ ಪ್ರಾಜೆಕ್ಟ್ ನಲ್ಲಿ ವಾಸುಕಿ ವೈಭವ ಕೆಲಸ ಮಾಡುವುದಂತು ಪಕ್ಕಾ.

ಹೆಚ್ಡಿಕೆ ಬಿಟ್ಟ ಸಿಡಿಯಿಂದ ಮಂಗಳೂರು ಪೊಲೀಸರಿಗೆ ಖುಷಿಯೋ ಖುಷಿ….

ಶುಕ್ರವಾರ ಬೆಂಗಳೂರಿನಲ್ಲಿ ಮಂಗಳೂರು ಗಲಭೆಗೆ ಸಂಬಂಧಿಸಿದಂತೆ ಸಿಡಿಯೊಂದನ್ನು ಮಾಜಿ ಸಿಎಂ ಬಿಡುಗಡೆ ಮಾಡಿದ್ದರು.

ಪೊಲೀಸರೇ ಗಲಭೆಗೆ ಕಾರಣ, ಮಂಗಳೂರು ಪೊಲೀಸ್ ಆಯುಕ್ತರೇ ಇವಕ್ಕೆಲ್ಲಾ ನೇರ ಹೊಣೆ ಅನ್ನುವುದು ಅವರ ಆರೋಪವಾಗಿತ್ತು. ಆದರೆ ಅವರು ಕೊಟ್ಟ ವಿಡಿಯೋ ಬಗ್ಗೆ ಅನುಮಾನಗಳು ಹಾಗೇ ಇತ್ತು. ಜಲ್ಲಿ ಕಲ್ಲು ಹೊತ್ತ ಬಂದ ಲಾರಿ, ಸಿಸಿಟಿವಿಯ ದಿಕ್ಕು ಬದಲಾಯಿಸಿದ ದುಷ್ಕರ್ಮಿಗಳು, ಮುಖಕ್ಕೆ ಬಟ್ಟೆ ಕಟ್ಟಿ ಕಲ್ಲು ಎಸೆದವರ ಬಗ್ಗೆ ಕುಮಾರಸ್ವಾಮಿ ಚಕಾರವೆತ್ತಿರಲಿಲ್ಲ.

ಆದರೆ ಇದೀಗ ಕುಮಾರಸ್ವಾಮಿ ಬಿಡುಗಡೆ ಮಾಡಿದ ವಿಡಿಯೋ ಗಲಭೆ ಕುರಿತಂತೆ ತನಿಖೆ ನಡೆಸುತ್ತಿರುವ ಪೊಲೀಸರಿಗೆ ಮಹತ್ವದ ಸಾಕ್ಷಿಯಾಗಿ ಬಿಟ್ಟಿದೆ. ಪೊಲೀಸರ ಕೈಗೆ ಸಿಗದ ಹಲವು ವಿಡಿಯೋಗಳು ಕುಮಾರಸ್ವಾಮಿಯವರು ಬಿಡುಗಡೆ ಮಾಡಿದ ಸಿಡಿಯಲ್ಲಿತ್ತು. 35 ಕ್ಲಿಪ್ ಗಳ ಪೈಕಿ ಹಲವು ಕ್ಲಿಪ್ ಗಳು ಪೊಲೀಸರ ಕೈಗೆ ಸಿಕ್ಕಿಯೇ ಇರಲಿಲ್ಲ.

ಹೀಗಾಗಿ ಕುಮಾರಸ್ವಾಮಿ ಬಿಡುಗಡೆ ಮಾಡಿದ ಸಿಡಿಯನ್ನು ಪರಿಶೀಲನೆ ನಡೆಸಿರುವ ಮಂಗಳೂರು ಪೊಲೀಸರು ಅಲ್ಲಿ ಗಲಭೆಗೆ ಸಾಥ್ ನೀಡಿದ ಅನೇಕರನ್ನು ಗುರುತಿಸಿದ್ದಾರೆ. ಪೊಲೀಸರ ಕೈಗೆ ನಾವು ಸಿಕ್ಕಿ ಹಾಕಿಕೊಳ್ಳದೇ ಪಾರಾದೆವು ಎಂದು ಬೀಗುತ್ತಿದ್ದ ಭಸ್ಮಾಸುರರನ್ನು ಗುರುತಿಸಲು ಕುಮಾರಸ್ವಾಮಿ ಸಿಡಿ ಸಹಾಯ ಮಾಡಿದೆ.

ಹೀಗಾಗಿ ಇದೀಗ ಕುಮಾರಸ್ವಾಮಿ ಬಿಡುಗಡೆ ಮಾಡಿರುವ ಸಿಡಿಯ ಪ್ರತಿಯೊಂದು ಕ್ಲಿಪಿಂಗ್ ಅನ್ನು ಪರಿಶೀಲನೆ ನಡೆಸುತ್ತಿರುವ ಪೊಲೀಸರು ಅವರು ದೃಶ್ಯದಲ್ಲಿ ನಡೆಸುತ್ತಿರುವ ವಿದ್ವಂಸಕ ಕೃತ್ಯಗಳನ್ನು ಪರಿಶೀಲನೆ ನಡೆಸಿ ಇತರೇ ಫೂಟೇಜ್ ಗಳೊಂದಿಗೆ ತಾಳೆ ಮಾಡುತ್ತಿದ್ದಾರೆ.

ಅಲ್ಲಿಗೆ ಮಂಗಳೂರು ಗಲಭೆಯ ಭಸ್ಮಾಸುರರನ್ನು ಗುರುತಿಸಲು ಸಹಾಯ ಮಾಡಿದ ಮಾಜಿ ಮುಖ್ಯಮಂತ್ರಿಗಳಿಗೆ ಕರಾವಳಿಯ ಶಾಂತಿ ಪ್ರಿಯರು ಧನ್ಯವಾದ ಹೇಳಲೇಬೇಕು.

ನಾನು ಮತ್ತು ಗುಂಡನ ಅಯ್ಯೋ ರಾಮನ ಸಾಂಗ್ ಕೇಳಿದ್ರ…?

ಸೆನ್ಸಾರ್’ನಿಂದ ಶಬಾಶ್’ಗಿರಿ ಪಡೆದ ಉತ್ಸಾಹದಲ್ಲಿ ಬಿಡುಗಡೆಗೆ ಸಿದ್ದಗೊಂಡಿರೋ ‘ನಾನು ಮತ್ತು ಗುಂಡ’ ಚಿತ್ರತಂಡ ಚಿತ್ರದ ಮತ್ತೊಂದು ಹಾಡನ್ನ ಬಿಡುಗಡೆಗೊಳಿಸಿದೆ.

ಆನಂದ್ ಆಡಿಯೋ ಯುಟ್ಯೂಬ್ ಚಾನೆಲ್’ನಲ್ಲಿ ಬಿಡುಗಡೆಗೊಂಡ ಅಯ್ಯಯ್ಯೋ ರಾಮ ರಾಮ ಎಂಬ ಹಾಡು ಕ್ಯಾಚಿ ಲಿರಿಕ್ಸ್’ನಿಂದ ಈಗಾಗಲೇ ಚಿತ್ರಪ್ರೇಮಿಗಳನ್ನ ರಂಜಿಸುತ್ತಿದೆ.

ಆಟೋ ಡ್ರೈವರ್ ಶಂಕರನ ಬೆನ್ಹತ್ತೋ ಗುಂಡನ ಕಾಟ ತಡೆಯಲಾರದ ಶಂಕರನ ಪರಿಸ್ಥಿತಿ ಈ ಹಾಡಿನಲ್ಲಿ ತಿಳಿಹಾಸ್ಯದೊಂದಿದೆ ವ್ಯಕ್ತವಾಗಿ ಜನಮೆಚ್ಚುಗೆ ಪಡೆಯುತ್ತಿದೆ. ಕಾರ್ತಿಕ್ ಶರ್ಮಾ ಕಂಪೋಸ್ ಮಾಡಿರೋ ಕ್ಯಾಚಿ ಟ್ಯೂನ್’ಗೆ ರೋಹಿತ್ ರಮಣ್ ಅಷ್ಟೇ ಕ್ಯಾಚಿಯಾಗಿರೋ ಸಾಹಿತ್ಯವನ್ನ ಕಟ್ಟಿದ್ದಾರೆ. ಈ ಹಾಡು ಚಿತ್ರಪ್ರೇಮಿಗಳ ಹಾಗೂ ಶ್ವಾನಪ್ರೇಮಿಗಳ ಆಸಕ್ತಿಯನ್ನ ಮತ್ತಷ್ಟು ಹೆಚ್ಚಿಸುತ್ತಿದೆ.