Advertisements

ಮನೆಗೆ ಟಿವಿ ಖರೀದಿಸೋ ಪ್ಲಾನ್ ಇದೆಯೇ…. ಸಪ್ಟೆಂಬರ್ 29 ರ ತನಕ ತಡೆಯಿರಿ

ಮಾರುಕಟ್ಟೆಯಲ್ಲಿ ಮೊಬೈಲ್ ಉತ್ಪನ್ನಗಳ ಮೂಲಕ ಸಂಚಲನ ಮೂಡಿಸಿದ್ದ MI ಕಂಪನಿ ಬಳಿಕ ನಂತರ ದಿನಗಳಲ್ಲಿ ವಿವಿಧ ಎಲೆಕ್ಟ್ರಾನಿಕ್ ಉತ್ಫನ್ನಗಳನ್ನು ಮಾರುಕಟ್ಟೆಗೆ ಪರಿಚಯಿಸಿತು.

ಪ್ರತಿಷ್ಟಿತ ಬ್ರಾಂಡ್ ಗಳಿಗೆ ಸ್ಪರ್ಧೆಯೊಡ್ಡುವ ನಿಟ್ಟಿನಲ್ಲಿ ದರ ಸಮರಕ್ಕಿಳಿದ ಶಿಯೋಮಿ, ತನ್ನ ಯಾವುದೇ ಹೊಸ ಉತ್ಪನ್ನ ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಮೂಲಕ ಸಂಚಲನ ಮೂಡಿಸುತ್ತಿತ್ತು.

ಈಗಾಗಲೇ ನೂರು ದಶ ಲಕ್ಷ ಮೊಬೈಲ್ ಗಳನ್ನು ಮಾರಿರುವ MI, ಮಧ್ಯಮ ವರ್ಗದ ಮಂದಿಯನ್ನು ಆಕರ್ಷಿಸುವ ನಿಟ್ಟಿನಲ್ಲಿ ನಾಲ್ಕು ಹೊಸ ಟಿವಿಗಳನ್ನು ಬಿಡುಗಡೆ ಮಾಡಿದೆ.

ಈ ಟಿವಿಗಳು ಸೆಪ್ಟಂಬರ್ 29 ರ ಮಧ್ಯರಾತ್ರಿಯಿಂದ Flip Kart ನಲ್ಲಿ ಮಾರಾಟವಾಗಲಿದೆ.

MI tv 4X

56 ಸಾವಿರ MRP ಯ ಈ ಟಿವಿ163.9 ಸೆಂ.ಮಿ ಡಿಸ್ ಪ್ಲೇ ಹೊಂದಿದೆ. ನೆಟ್ ಫ್ಲೆಕ್ಸ್, ಅಮೆಜಾನ್ ಪ್ರೈಮ್ ಸೇರಿದಂತೆ ಅನೇಕ ಸುದ್ದಿ ವಾಹಿನಿಗಳನ್ನು ಇದರೊಂದಿಗೆ ಸಿಗಲಿದೆ. ಡೇಟಾ ಸೇವರ್ ಆಯ್ಕೆಯೂ ಇದರಲ್ಲಿದ್ದು ಕಣ್ಣಿಗೆ ಹಿತದೊಂದಿಗೆ ಪರ್ಸ್ ಗೂ ಈ ಟಿವಿ ಹಿತ ಅನ್ನಿಸಲಿದೆ.

ಇನ್ನುಳಿದಂತೆ ಉಳಿದ ಟಿವಿಗಳ ದರ  ಕ್ರಮವಾಗಿ 30 ಸಾವಿರ, 25 ಸಾವಿರ, 18 ಸಾವಿರ ಎಂದು ನಿಗದಿಪಡಿಸಲಾಗಿದೆ. ಟಿವಿಯ ಗಾತ್ರಕ್ಕೆ ಅನುಗುಣವಾಗಿ ದರದಲ್ಲೂ ವ್ಯತ್ಯಾಸವಾಗಲಿದೆ.

ಇನ್ನು ಸ್ಪೆಷಲ್ ಡಿಸ್ಕೌಂಟ್ ಬೇಕು ಅನ್ನುವುದಾದರೆ ಈ ಲಿಂಕ್ ಕ್ಲಿಕ್ ಮಾಡಿ ಟಿವಿಯನ್ನು ಮನೆಗೆ ತರಿಸಿಕೊಳ್ಳಬಹುದು.

Advertisements

ಪಾತಾಳ ಭಯಂಕರಿ ರಾಧಿಕಾ ಕುಮಾರಸ್ವಾಮಿ : ಅನುಷ್ಕಾ ಕೈ ತಪ್ಪಿದ್ಯಾಕೆ ದಮಯಂತಿ ಪಾತ್ರ

ರಾಧಿಕಾ ಕುಮಾರಸ್ವಾಮಿ ಅಭಿನಯದ ದಮಯಂತಿ ಚಿತ್ರದ ಟೀಸರ್ ಬಿಡುಗಡೆಯಾಗಿದೆ. ಅದ್ಯಾವ ತೆಲುಗಿನ ಭಾಗಮತಿ, ಆರುಂಧತಿ ಪಾತ್ರಗಳಿಗೆ ಕಡಿಮೆ ಇಲ್ಲಂದತೆ ರಾಧಿಕಾ ಕುಮಾರಸ್ವಾಮಿ ನಟಿಸಿದ್ದಾರೆ.

ರಾಧಿಕಾರ ಕುಮಾರಸ್ವಾಮಿ ಹೊಡೆಯೋ ಡೈಲಾಗ್ ನೋಡಿದ್ರೆ ಚಿತ್ರ ಸದ್ದು ಮಾಡುವ ಎಲ್ಲಾ ಲಕ್ಷಣಗಳು ಗೋಚರಿಸುತ್ತಿದೆ.

ಫಸ್ಟ್ ಟೀಸರ್ ನೋಡ್ತಾ ಹೋದ್ರೆ ದೇವರ ರೂಪದ ದೆವ್ವದ ಕಹಾನಿ ಇದೊಂದು ಅನ್ನುವ ಸುಳಿವು ನೀಡುತ್ತಿದೆ.

ಒಟ್ಟು ಮೂರು ಶೇಡ್ ಗಳಲ್ಲಿ ರಾಧಿಕಾ ಕುಮಾರಸ್ವಾಮಿ ಈ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಈವರೆಗೆ ಅಭಿನಯಿಸಿದ್ದ ಪಾತ್ರಕ್ಕಿಂತ ವಿಭಿನ್ನವಾಗಿ ಕಾಣಿಸಿಕೊಂಡಿದ್ದಾರೆ.

ಇನ್ನು ದಮಯಂತಿಯನ್ನು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬಿಡುಗಡೆಗೊಳಿಸಲು ಚಿತ್ರದ ನಿರ್ಮಾಪಕ, ನಿರ್ದೇಶಕ, ನವರಸನ್ ನಿರ್ಧರಿಸಿದ್ದಾರೆ.

ಈ ಸಂಬಂಧ ಈಗಾಗಲೇ ಕನ್ನಡ, ತೆಲುಗು, ತಮಿಳು, ಮಲಯಾಳಂ ಟೀಸರ್ ಬಿಡುಗಡೆಯಾಗಿದ್ದು ಹಿಂದಿಯ ಟೀಸರ್ ಬಿಡುಗಡೆಗೆ ಸಿದ್ದವಾಗುತ್ತಿದೆ.

ಇನ್ನು ದಮಯಂತಿ ಚಿತ್ರದಲ್ಲಿ ಅನುಷ್ಕಾ ಶೆಟ್ಟಿ ನಟಿಸಬೇಕಾಗಿತ್ತು. ನಿರ್ದೇಶಕ ನವರಸನ್ ಅನುಷ್ಕಾ ಅವರಿಗೆ ಕಥೆಯನ್ನು ಕೂಡಾ ಹೇಳಿದ್ದರು. ಆದರೆ ಮತ್ತೊಂದು ಚಿತ್ರಕ್ಕೆ ಸಿಕ್ಕಾಪಟ್ಟೆ ದಪ್ಪವಾಗಿದ್ದ ಅನುಷ್ಕಾ ಶೆಟ್ಟಿ ಎರಡು ವರ್ಷಗಳ ನಂತರ ಪ್ರಾಜೆಕ್ಟ್ ಕೈಗೆತ್ತಿಕೊಂಡರೆ ನಟಿಸುವುದಾಗಿ ಹೇಳಿದ್ದರು. ಆದರೆ ಅಷ್ಟೊಂದು ವಿಳಂಭ ಸರಿಯಲ್ಲ ಅನ್ನುವ ಕಾರಣಕ್ಕೆ ರಾಧಿಕಾ ಅವರಿಗೆ ನಿರ್ದೇಶಕರು ಆಫರ್ ಕೊಟ್ಟಿದ್ದರು. ಹೀಗಾಗಿ ಕರಾವಳಿಯ ಕುವರಿ ಅನುಷ್ಕಾ ಶೆಟ್ಟಿಯ ಕೈ ತಪ್ಪಿದ್ದ ದಮಯಂತಿ ಪಾತ್ರ ಕರಾವಳಿಯ ಮತ್ತೊಬ್ಬಳು ಚೆಲುವೆ ರಾಧಿಕಾ ಕುಮಾರ ಸ್ವಾಮಿ ಪಾಲಾಯ್ತು.

ಸೃಜನ್ ಲೋಕೇಶ್ ಜೊತೆ ಲಿಪ್ ಲಾಕ್ ಮಾಡಿದ ಹರಿಪ್ರಿಯಾ….!

ಸೃಜನ್ ಲೋಕೇಶ್ ಮತ್ತು ಹರಿಪ್ರಿಯಾ ಜೊತೆಯಾಗಿ ನಟಿಸುತ್ತಿರುವ ‘ಎಲ್ಲಿದೆ ಇಲ್ಲಿ ತನಕ ’ ಚಿತ್ರದಲ್ಲಿ ಕಿಸ್ಸಿಂಗ್ ದೃಶ್ಯವೊಂದು ಸದ್ದು ಮಾಡುತ್ತಿದೆ.

‘ಎಲ್ಲಿದೆ ಇಲ್ಲಿ ತನಕ ’ ಈ ಚಿತ್ರದ ಹಾಡೊಂದು ಬಿಡುಗಡೆಯಾಗಿದ್ದು, ಈ ಹಾಡಿನಲ್ಲಿ ಸೃಜನ್ ಹಾಗೂ ಹರಿಪ್ರಿಯಾ ಕಿಸ್ಸಿಂಗ್ ಸೀನ್ ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಅಂದ ಹಾಗೇ ಈ ಚಿತ್ರದಲ್ಲಿ ಸೃಜನ್ ಲೋಕೇಶ್ ಅವರ ಪುತ್ರ ಕೂಡ ಕಾಣಿಸಿಕೊಳ್ಳಲಿದ್ದಾರಂತೆ.

ಕಾಲಚಕ್ರ ಕೊಟ್ಟ ಶಾಕ್ : ಡಿಕೆಶಿಗೆ ಇನ್ನೆರಡು ದಿನ ತಿಹಾರ್ ಜೈಲೂಟವೇ ಗತಿ

ಅಕ್ರಮ ಆಸ್ತಿ ಸಂಪಾದನೆ ಆರೋಪ ಎದುರಿಸುತ್ತಿರುವ ಕನಕಪುರ ಬಂಡೆ ಖ್ಯಾತಿಯ ಡಿಕೆ ಶಿವಕುಮಾರ್ ಅವರಿಗೆ ಇಂದು ಜಾಮೀನು ಭಾಗ್ಯ ಸಿಗಲೇ ಇಲ್ಲ.

ಆರೋಗ್ಯಗ ಕಾರಣವೊಡ್ಡಿ ಜಾಮೀನು ಅರ್ಜಿ ಸಲ್ಲಿಸಿದ್ದ ಡಿಕೆಶಿ ಪರ ವಕೀಲರು ಇಂದು ವಾದ ಮಂಡಿಸಲು ಅವಕಾಶ ಸಿಗದ ಪರಿಸ್ಥಿತಿ ನಿರ್ಮಾಣವಾಯ್ತು.

ಇಂದು ಜಾಮೀನು ಅರ್ಜಿಯ ವಿಚಾರಣೆ ಪ್ರಾರಂಭವಾಗುತ್ತಿದ್ದಂತೆ ಬುಧವಾರ ತಡವಾಗಿ ಆಗಮಿಸಿರುವುದಕ್ಕೆ ಕ್ಷಮೆ ಕೋರಿದ ಇಡಿ ಪರ ವಕೀಲರ ನಟರಾಜ್ ವಾದ ಪ್ರಾರಂಭಿಸಿದರು.

ಡಿಕೆಶಿ ಪರ ವಕೀಲ ಅಭಿಷೇಕ್ ಮನು ಸಿಂಘ್ವಿ ಅನುಪಸ್ಥಿತಿಯಲ್ಲಿ ವಾದ ಮಂಡನೆ ಪ್ರಾರಂಭಿಸಿದ ನಟರಾಜ್ ಬ್ರೇಕ್ ಇಲ್ಲದೆ 2 ಗಂಟೆ ಕಾಲ ವಾದ ಮಂಡಿಸಿದರು.

ಡಿಕೆಶಿ ಅಕ್ರಮ ವ್ಯವಹಾರಗಳ ಕುರಿತಂತೆ ನ್ಯಾಯಾಧೀಶರಿಗೆ ಮನವರಿಕೆ ಮಾಡಲು ಮುಂದಾದ ನಟರಾಜ್ ಡಿಕೆಶಿ ಪರ ವಕೀಲರ ನಿನ್ನೆಯ ವಾದಕ್ಕೆ ಕೌಂಟರ್ ಕೊಡುವುದನ್ನು ಮರೆಯಲಿಲ್ಲ. ಮಾತ್ರವಲ್ಲದೆ ತನಿಖೆಯ ಹಲವು ದಾಖಲೆಗಳನ್ನು ನ್ಯಾಯಾಧೀಶರಿಗೆ ಸಲ್ಲಿಸಿದರು.

ವಿದೇಶಿ ಬ್ಯಾಂಕ್‌ಗಳಲ್ಲೂ ಡಿಕೆ ಶಿವಕುಮಾರ್‌ ಖಾತೆ ಹೊಂದಿರುವುದು ಪತ್ತೆಯಾಗಿದೆ. ಈ ಬ್ಯಾಂಕ್‌ಗಳಿಂದಲೂ ಮಾಹಿತಿ ಪಡೆಯಬೇಕಾಗಿದೆ ಎಂದು ತಿಳಿಸಿದರು.

317 ಬ್ಯಾಂಕ್ ಖಾತೆಗಳ ಕುರಿತಂತೆ ತನಿಖೆ ನಡೆಸಬೇಕಾಗಿದೆ.ಹೀಗಾಗಿ ಆರೋಪಿಗೆ ಜಾಮೀನು ಕೊಡಬಾರದು. ತಾನು ಆರೋಪಿಯಲ್ಲ ಅನ್ನುವುದನ್ನು ಆರೋಪಿಯೇ ಸಾಬೀತುಪಡಿಸಬೇಕು ಅನ್ನುವ ಕುರಿತಂತೆ ಸುಪ್ರೀಂಕೋರ್ಟ್ ಆದೇಶವನ್ನು ಉಲ್ಲೇಖೀಸಿದ ನಟರಾಜ್ ಒಂದು ಹಂತದಲ್ಲಿ ನನಗೆ ವಾದ ಮಂಡಿಸಲು ಇನ್ನೂ ಸಮಯ ಬೇಕು ಎಂದು ನ್ಯಾಯಾಧೀಶರನ್ನು ಮನವಿ ಮಾಡಿದರು.

ಇದನ್ನು ಪುರಸ್ಕರಿಸಿದ ನ್ಯಾಯಾಧೀಶರು ಶನಿವಾರ 11 ಗಂಟೆಗೆ ಜಾಮೀನು ಅರ್ಜಿ ವಿಚಾರಣೆಯನ್ನು ಮುಂದೂಡಿದರು.

ಡಿಕೆಶಿ ಆದಾಯ ನೋಡಿದರೆ ಕೃಷಿ ಭೂಮಿಯಲ್ಲಿ ಚಿನ್ನ ಬೆಳೆದಂತಿದೆ….!

ಅಕ್ರಮ ಆಸ್ತಿ ಸಂಪಾದನೆ ಆರೋಪದಲ್ಲಿ ತಿಹಾರ್ ಜೈಲು ಸೇರಿರುವ ಮಾಜಿ ಸಚಿವ ಡಿಕೆ ಶಿವಕುಮಾರ್ ಅವರಿಗೆ ಜಾಮೀನು ಮಂಜೂರು ಮಾಡುವುದಕ್ಕೆ ಇಡಿ ಪರ ವಕೀಲ ASG ಕೆಎಂ ನಟರಾಜ್ ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ.

ಡಿಕೆಶಿ ಮಾಡಿದ್ದಾರೆ ಎನ್ನಲಾದ ಆರ್ಥಿಕ ಅಪರಾಧಗಳ ಕುರಿತಂತೆ ಇಂಚಿಂಚು ಮಾಹಿತಿಯನ್ನು ನ್ಯಾಯಾಧೀಶರಿಗೆ ಒಪ್ಪಿಸಿದ ಕೆಎಂ ನಟರಾಜ್ ಒಂದು ಹಂತದಲ್ಲಿ, ಕೃಷಿ ಭೂಮಿಯಲ್ಲಿ ಭತ್ತ ಬೆಳೆಯಬಹುದು ಆದರೆ ಚಿನ್ನ ಬೆಳೆಯಲು ಸಾಧ್ಯವೇ ಎಂದು ಪ್ರಶ್ನಿಸಿದ್ದಾರೆ.

ನಿನ್ನೆ ಡಿಕೆಶಿ ಪರ ವಕೀಲ ಅಭಿಷೇಕ್ ಮನು ಸಿಂಘ್ವಿ ಮಾಡಿದ ವಾದಕ್ಕೆ ಕೌಂಟರ್ ಕೊಟ್ಟ ನಟರಾಜ್, ಕೃಷಿ ಭೂಮಿಯಲ್ಲಿ ಭತ್ತ, ರಾಗಿ ಹೀಗೆ ಆಹಾರ ಮತ್ತು ವಾಣಿಜ್ಯ ಬೆಳೆ ಬೆಳೆಯುಲು ಸಾಧ್ಯ. ಆದರೆ ಇವರ ಆದಾಯ ನೋಡಿದರೆ ಚಿನ್ನ ಬೆಳದಂತಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ : ಡಿಕೆಶಿ ಒಬ್ಬ ಕೃಷಿಕರಂತೆ : ಕೃಷಿಯಿಂದ ಅವರ ಆದಾಯ ಹೆಚ್ಚಾಗಿದೆಯಂತೆ….!

ಆರೋಪಿ ಡಿಕೆಶಿಯವರ ಆಸ್ತಿ ಏರಿಕೆಯಾಗಿದ್ದು, ಬೆಳೆಯಿಂದ ಬಂದ ಹಣದಿಂದಲ್ಲ ಎಂದು ವಾದ ಮಂಡಿಸಿರುವ ನಟರಾಜ್. 800 ಕೋಟಿ ಹಣ ವಾಣಿಜ್ಯ ವ್ಯವಹಾರಗಳಿಂದ ಬಂದಿದೆ ಅನ್ನುತ್ತಿದ್ದಾರೆ. ಆದರೆ ವಾಣಿಜ್ಯ ವ್ಯವಹಾರಕ್ಕೆ ಹೂಡಿಕೆ ಯಾವುದು ಅನ್ನುವುದನ್ನು ಬಹಿರಂಗಪಡಿಸಿಲ್ಲ.

ಇನ್ನು ಕೃಷಿಯಿಂದ ಆದಾಯ ಬಂದಿದೆ ಅನ್ನುವ ವಾದವನ್ನು ನೋಡುವುದಾದರೆ 20 ವರ್ಷದ ಕೃಷಿಯಲ್ಲಿ ಬಂದಿದ್ದು ಕೆಲವೇ ಕೋಟಿ ಆದಾಯ. ಆದರೆ ಹೂಡಿಕೆಯಾಗಿದ್ದು ಹಲವಾರು ಕೋಟಿ ಎಂದರು.

ತಿಹಾರ್ ಜೈಲು ಸೇರಿದ ಎರಡನೇ ಕನ್ನಡಿಗ ರಾಜಕಾರಣಿ : ಮೊದಲನೆಯವರು ಯಾರು ಗೊತ್ತಾ…?

ತಿಹಾರ್ ಜೈಲು ಮೊದಲ ಕರ್ನಾಟಕದ ಶಾಸಕ ಅನ್ನುವ ಹೆಸರನ್ನು ಮಾಜಿ ಸಚಿವ ಡಿಕೆ ಶಿವಕುಮಾರ್ ತನ್ನದಾಗಿಸಿಕೊಂಡಿದ್ದಾರೆ. ಅವರು ಕ್ಲೀನ್ ಹ್ಯಾಂಡ್ ಆಗಿ ಹೊರ ಬರುವ ತನಕ ಇದೊಂದು ಕಳಂಕ ಅವರಿಗೆ ಸದಾ ಅಂಟಿಕೊಂಡಿರುತ್ತದೆ.

ಹಾಗಂತ ತಿಹಾರ್ ಜೈಲು ಸೇರುತ್ತಿರುವ ಮೊದಲ ರಾಜಕಾರಣಿ ಇವರಲ್ಲ. ಹಲವು ವರ್ಷಗಳ ಹಿಂದೆ ಕನ್ನಡಿಗ ರಾಜಕಾರಣಿಯೊಬ್ಬರು ತಿಹಾರ್ ಜೈಲೂಟ ಸವಿದಿದ್ದರು.

ತಿಹಾರ್ ಜೈಲು ಸೇರಿದ ಮೊದಲ ಕನ್ನಡಿಗ ರಾಜಕಾರಣಿ ಎಂದರೆ ಅವರು ಜಾರ್ಜ್ ಫರ್ನಾಂಡೀಸ್. ಇಂದಿರಾ ಗಾಂಧಿ ಹೇರಿದ್ದ ತುರ್ತು ಪರಿಸ್ಥಿತಿ ಸಂದರ್ಭದಲ್ಲಿ ಬರೋಡಾ ಬಾಂಬ್ ಕೇಸ್ ಎಂದು ಪ್ರಸಿದ್ಧವಾದ ನಕಲಿ ಕೇಸ್ ಒಂದರಲ್ಲಿ ಫಿಟ್ ಮಾಡಿ ಜಾರ್ಜ್ ಅವರನ್ನು ತಿಹಾರ್ ಜೈಲಿಗೆ ಕಳುಹಿಸಲಾಗಿತ್ತು.

ಮೂರು ವರ್ಷದಷ್ಟು ಕಾಲ ಜಾರ್ಜ್ ಫರ್ನಾಂಡೀಸ್  ತಿಹಾರ್ ಜೈಲಿನಲ್ಲಿದ್ದರು. ಮಾತ್ರವಲ್ಲದೆ ಜಾರ್ಜ್ ಫರ್ನಾಂಡೀಸ್ ಅವರೊಂದಿಗೆ ಸ್ನೇಹ ಇದೆ ಅನ್ನುವ ಕಾರಣಕ್ಕೆ ತೆಲುಗು ನಟಿ ಸ್ನೇಹಲತಾ ಮತ್ತು ಅವರ ಪತಿಯನ್ನು ಕೂಡ ಬೆಂಗಳೂರಿನಲ್ಲಿ ಬಂಧಿಸಿ ಜೈಲಿಗೆ ಹಾಕಲಾಗಿತ್ತು.

ಚಾರ್ಜ್ ಶೀಟ್ ನಲ್ಲಿ ಸ್ನೇಹಲತಾ ಅವರ ಹೆಸರು ಇಲ್ಲದೆ ಇದ್ದರೂ ಕೂಡ ಅವರನ್ನು ಆಕ್ರಮವಾಗಿ ಜೈಲಿನಲ್ಲಿ ಇರಿಸಿ ಚಿತ್ರ ಹಿಂಸೆ ಕೊಡಿಸಿತ್ತು ಆಗಿನ ಸರ್ಕಾರ. ಕೊನೆಗೆ ಜೈಲಿನಿಂದ ಬಿಡುಗಡೆಗೊಂಡ ವಾರದೊಳಗೆ ಅವರು ಮೃತಪಟ್ಟರು.

ಜಾರ್ಜ್ ಫರ್ನಾಂಡೀಸ್  ಅವರನ್ನು ಬಂಧಿಸಿದ ವೇಳೆ ಕೈಕೋಳ ಹಾಕಲಾಗಿತ್ತು. ಆ ವೇಳೆ ತೆಗೆದ ಚಿತ್ರ ಆಗ ಎಲ್ಲಾ ಪತ್ರಿಕೆಗಳ ಮುಖಪುಟದಲ್ಲಿ ಪ್ರಕಟವಾಗಿತ್ತು. ಮುಂದೆ ಅದೇ ಚಿತ್ರವನ್ನು ಮುಂದಿಟ್ಟುಕೊಂಡು ಜಾರ್ಜ್ ಜೈಲಿನಿಂದಲೇ ಚುನಾವಣೆಗೆ ನಿಂತು 3 ಲಕ್ಷಕ್ಕೂ ಅಧಿಕ ಮತವನ್ನು ಪಡೆದು ಗೆದ್ದಿದ್ದು ಇತಿಹಾಸ.

ಇದೀಗ ಅದೇ ತಿಹಾರ್ ಜೈಲಿಗೆ ಕರ್ನಾಟಕದ ಮತ್ತೊಬ್ಬ ರಾಜಕಾರಣಿ ಎಂಟ್ರಿ ಕೊಟ್ಟಿದ್ದಾರೆ. ಈ ಮೂಲಕ ತಿಹಾರ್ ಜೈಲು ಪಾಲಾದ ಕರ್ನಾಟಕದ ಮೊದಲ ಮತ್ತು ಎರಡನೇ ಕನ್ನಡಿಗ ರಾಜಕಾರಣಿ ಎಂಬ ಕೀರ್ತಿಗೆ ಡಿಕೆಶಿ ಪಾತ್ರವಾಗಿದ್ದಾರೆ.

ಆದರೆ ಡಿಕೆಶಿ ತಿಹಾರ್ ಜೈಲು ಸೇರಿರುವುದು ಹವಾಲ ಪ್ರಕರಣ, ಅಕ್ರಮ ಹಣ ವರ್ಗಾವಣೆ ಮತ್ತು ಇತರೆ ಆರೋಪಗಳನ್ನು ಹೊತ್ತುಕೊಂಡು.

ಬೆದರಿದ ಅಮಿತ್ ಶಾ ಯು ಟರ್ನ್ : ಪ್ರಾದೇಶಿಕ ಭಾಷೆಯ ಮೇಲೆ ಹಿಂದಿ ಹೇರುವ ಪ್ರಶ್ನೆಯೇ ಇಲ್ಲ

ಒಂದು ದೇಶ ಒಂದೇ ಭಾಷೆ ಅನ್ನು ಕಾನ್ಸೆಪ್ಟ್ ಅಡಿಯಲ್ಲಿ ಗೃಹ ಸಚಿವ ಅಮಿತ್ ಶಾ ಹಿಂದಿ ಭಾರತವನ್ನು ಗುರುತಿಸುವ ಭಾಷೆಯಾಗಬೇಕು ಎಂದು ಹೇಳಿದ್ದರು.

ಹಿಂದಿ ದಿವಸ್ ಸಂದರ್ಭದಲ್ಲಿ ಮಾತನಾಡಿದ್ದ ಅವರು ದೇಶದಲ್ಲಿ ಹಿಂದಿ ಭಾಷೆಯೇ ಪ್ರಮುಖವಾಗಬೇಕು. ಹಿಂದಿ ಭಾಷೆಯ ಮೂಲಕವೇ ಭಾರತ ವಿಶ್ವದಲ್ಲಿ ಗುರುತಿಸಿಕೊಳ್ಳುವಂತಾಗಬೇಕು ಎಂದು ಹೇಳಿಕೆ ಕೊಟ್ಟಿದ್ದರು.

ಆದರೆ ಇದು ದಕ್ಷಿಣ ಭಾರತ ಸೇರಿದಂತೆ ದೇಶದ ಅನೇಕ ಭಾಗಗಳಲ್ಲಿ ಪ್ರತಿಭಟನೆಗೆ ಕಾರಣವಾಯ್ತು. ಅದು ಎಲ್ಲಿಟ ಮಟ್ಟಿಗೆ ಅಂದರೆ ಬಿಜೆಪಿ ತನ್ನ ಮತ ಬ್ಯಾಂಕ್ ಗಳನ್ನು ಕಳೆದುಕೊಳ್ಳುವ ಮಟ್ಟಕ್ಕೆ ಹೋಯ್ತು.

ಆದರೆ ಬಿಜೆಪಿ ಬೆಂಬಲಿಗರು ಅಮಿತ್ ಸಾ ಹೇಳಿದ್ದು ಸರಿಯಾಗಿದೆ ಅನ್ನುವಂತೆ ವಾದ ಮಂಡಿಸಿದರು. ಕರ್ನಾಟಕದ ಕೆಲ ಬಿಜೆಪಿ ಸಂಸದರಂತು ತಾವು ಕನ್ನಡಿಗರು ಅನ್ನುವುದನ್ನು ಮರೆತು ಶಾ ಬೆಂಬಲಕ್ಕೆ ನಿಂತರು. ಇನ್ನು ಕೆಲವು ಮೋದಿ ಅಭಿಮಾನಿಗಳು ಹಿಂದಿ ಹೇರಿಕೆಯ ಸಾಧಕ ಬಾಧಕವನ್ನು ಚಿಂತಿಸಲೇ ಇಲ್ಲ. ಅಮಿತ್ ಶಾ ಹೇಳಿದ್ದು ಸರಿಯಾಗಿದೆ ಅಂದರು.

ಆದರೆ ಇದೀಗ ತಾನು ಕೊಟ್ಟ ಹೇಳಿಕೆ ತಪ್ಪಾಗಿದೆ ಅನ್ನುವುದು ಅಮಿತ್ ಶಾ ಅವರಿಗೆ ಅರಿವಾಗಿದೆ. ಪ್ರತಿಭಟನೆಯ ಬಿಸಿ ಅವರಿಗೂ ತಟ್ಟಿದ್ದು, ದೇಶದ ಎಲ್ಲೆಡೆ ಹಿಂದಿ ಭಾಷೆಯನ್ನು ಹೇರುವಂತೆ ಯಾವತ್ತೂ ಹೇಳಿಲ್ಲ. ಆದರೆ ಮಾತೃಭಾಷೆಯ ನಂತರ ಹಿಂದಿಯನ್ನು ಎರಡನೇ ಭಾಷೆಯನ್ನಾಗಿ ಬಳಸುವಂತೆ ಸಲಹೆ ನೀಡಿದ್ದೇನೆ ಅನ್ನುವ ಮೂಲಕ ವಿವಾದಕ್ಕೆ ತೆರೆ ಎಳೆಯುವ ಪ್ರಯತ್ನ ಮಾಡಿದ್ದಾರೆ.

ರಾಂಚಿಯಲ್ಲಿ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು ನಾನೂ ಕೂಡಾ ಹಿಂದಿಯೇತರ ರಾಜ್ಯದಿಂದ ಬಂದವನು. ನಾನು ಗುಜರಾತ್ ಮೂಲದವನು. ಗುಜರಾತಿ ನನ್ನ ಮಾತೃಭಾಷೆ, ಹಿಂದಿ ಅಲ್ಲ. ಹೀಗಾಗಿ ನನ್ನ ಭಾಷಣವನ್ನು ಸೂಕ್ಷ್ಮವಾಗಿ ಕೇಳಿಸಿಕೊಳ್ಳಿ. ಒಂದು ವೇಳೆ ಯಾರಾದರು ರಾಜಕೀಯಕ್ಕೆ ಬರುತ್ತಾರೆ ಎಂದಾದರೆ, ಆವಾಗ ಹಿಂದಿ ಭಾಷೆಯ ಅಗತ್ಯವಿದೆ ಎಂದು ಹೇಳಿರುವುದಾಗಿ ಶಾ ಸಮಜಾಯಿಷಿ ನೀಡಿದ್ದಾರೆ.

ಭಾರತೀಯ ಭಾಷೆಗಳು ಮತ್ತಷ್ಟು ಬಲಗೊಳ್ಳಬೇಕಾಗಿದೆ. ಅಲ್ಲದೇ ಪ್ರಾದೇಶಿಕ ಭಾಷೆಗಳೂ ಬೆಳೆಯಬೇಕಾಗಿದೆ ಎಂದು ಇದೇ ವೇಳೆ ಅಮಿತ್ ಶಾ ಹೇಳಿದ್ದಾರೆ.

ಅಲ್ಲಿಗೆ ಅಮಿತ್ ಶಾ ಅವರಿಗೆ ಪ್ರಾದೇಶಕ ಭಾಷೆಯ ತಾಕತ್ತು ಏನು ಅನ್ನುವುದು ಗೊತ್ತಾಗಿದೆ. ಆದರೆ ಅವತ್ತು ಅಮಿತ್ ಶಾ ಕೊಟ್ಟ ಎಡವಟ್ಟು ಹೇಳಿಕೆಯನ್ನು ಬೆಂಬಲಿಸಿದ ಕೆಲ ಸಜ್ಜನ ರಾಜಕಾರಣಿಗಳು, ಹಿಂದು ಮುಂದಿ ಯೋಚಿಸದೆ ಮೋದಿಯನ್ನು ಬೆಂಬಲಿಸುವ ಮಂದಿ ಏನು ಹೇಳುತ್ತಾರೋ…?

ಒಳ್ಳೆಯ ಪವರ್ ಬ್ಯಾಂಕ್ ಆಯ್ಕೆ ಮಾಡುವುದು ಹೇಗೆ..? ಇಲ್ಲಿದೆ ಬೆಸ್ಟ್ ಟಿಪ್ಸ್

ಹಿಂದೆಲ್ಲಾ ಒಂದ್ಸಲ ಮೊಬೈಲ್ ಚಾರ್ಚ್ ಮಾಡಿದ್ರೆ ಇಡೀ ದಿನ ಜಾರ್ಜ್ ಇಲ್ಲ ಅನ್ನು ಆತಂಕವಿರಲಿಲ್ಲ. ಆದರೆ ಈಗ ಬಂದಿರುವ ಮೊಬೈಲ್ ಗಳಲ್ಲಿ ನೂರಾರು APP ಗಳನ್ನು ತುಂಬಿಸಬಹುದಾಗಿದೆ. ಹೀಗಾಗಿ ಒಂದ್ಸಲ ಮಾಡಿದ ಜಾರ್ಜ್ ಅನ್ನು ಇಡೀ ದಿನ ಉಪಯೋಗಿಸುವುದು ಅಸಾಧ್ಯ. ಈ ಕಾರಣದಿಂದ ಮೊಬೈಲ್ ಜೊತೆಗೊಂದು ಪವರ್ ಬ್ಯಾಂಕ್ ಅನಿವಾರ್ಯವಾಗಿದೆ.

ಮೊಬೈಲ್ ಬಳಕೆದಾರರ ಬೇಡಿಕೆಯನ್ನು ಗಮನದಲ್ಲಿಟ್ಟುಕೊಂಡು ಅನೇಕ ಕಂಪನಿಗಳು ಪವರ್ ಬ್ಯಾಂಕ್ ಅನ್ನು ಪರಿಚಯಿಸಿದೆ. ಆದರೆ ಅವೆಲ್ಲವೂ ಒಳ್ಳೆಯ ಕ್ವಾಲಿಟಿ ಹೊಂದಿರುವುದಿಲ್ಲ. ಹಾಗಾದರೆ ಯಾವುದಪ್ಪ ಬೆಸ್ಟ್ ಪವರ್ ಬ್ಯಾಂಕ್ ಎಂದು ಚಿಂತಿಸುತ್ತೀರಾ ಅದನ್ನ ನಾವು ಹೇಳ್ತಿವಿ. ಇಲ್ಲಿರುವ ಇಮೇಜ್ ಗಳನ್ನು ಕ್ಲಿಕ್ ಮಾಡಿದ್ರೆ ನೀವು ಬೆಸ್ಟ್ ಪವರ್ ಬ್ಯಾಂಕ್ ಗಳನ್ನು ಖರೀದಿಸಬಹುದಾಗಿದೆ.

ಆದರೆ ಖರೀದಿಗೂ ಮುನ್ನ ಈ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಿ.

1. ಪವರ್ ಬ್ಯಾಂಕ್ ಸಾಮರ್ಥ್ಯ :

ನಿಮ್ಮ ಮೊಬೈಲ್ ಬ್ಯಾಟರಿಯ ದುಪ್ಪಟ್ಟು ಸಾಮರ್ಥ್ಯವನ್ನು ಪವರ್ ಬ್ಯಾಂಕ್ ಹೊಂದಿರಲಿ. ಅದನ್ನು mAh (ಮಿಲಿಆ್ಯಂಪ್’ಅವರ್ಸ್) ನಲ್ಲಿ ಅಲೆಯಲಾಗುತ್ತದೆ.  mAh ಹೆಚ್ಚಿದ್ದಷ್ಟು ಪವರ್ ಬ್ಯಾಂಕ್ ಸಾಮರ್ಥ್ಯ ಹೆಚ್ಚಿರುತ್ತದೆ. ನಿಮ್ಮ ಫೋನ್ ಬ್ಯಾಟರಿ ಸಾಮರ್ಥ್ಯ 1500 mAh ಆಗಿದ್ದರೆ, ನೀವು 3000 mAh ಸಾಮರ್ಥ್ಯದ ಪವರ್ ಬ್ಯಾಂಕ್ ಅನ್ನು ಬುಕ್ ಮಾಡಿ.

2.  ಕನೆಕ್ಟಿವಿಟಿ ಆಯ್ಕೆಗಳು ಮತ್ತು ಯುಎಸ್’ಬಿ ಚಾರ್ಜಿಂ ಗ್ :  ಪವರ್ ಬ್ಯಾಂಕಿನಲ್ಲಿ ಇಂತಹ ಆದಷ್ಟು ಹೆಚ್ಚು ಆಯ್ಕೆಗಳಿದ್ದರೆ, ಏಕಲಕಾಲದಲ್ಲಿ ಒಂದಕ್ಕಿಂತ ಹೆಚ್ಚು ಉಪಕರಣಗಳನ್ನು ಚಾರ್ಜ್ ಮಾಡಬಹುದು. ಮೊಬೈಲ್, ಟ್ಯಾಬ್ಲೆಟ್, MP3 ಪ್ಲೇಯರ್, ಇಯರ್ ಫೋನ್ ಹೀಗೆ  ಮುಂತಾದ ಉಪಕರಣಗಳನ್ನು ಏಕಕಾಲದಲ್ಲಿ ಚಾರ್ಜ್ ಮಾಡಬಹುದು.

3 . ಎಲ್’ಇಡಿ ಇಂಡಿಕೇಟರ್ಸ್:

ಪವರ್ ಬ್ಯಾಂಕಿನಲ್ಲಿ ಎಲ್’ಇಡಿ ಇಂಡಿಕೇಟರ್ಸ್ ಇದ್ದರೆ ಬಹಳ ಸೂಕ್ತ. ಪವರ್ ಬ್ಯಾಂಕ್ ಚಾರ್ಜ್ ಆಗುತ್ತಿದೆಯೋ ಇಲ್ಲವೋ, ಎಷ್ಟು ಚಾರ್ಜ್ ಆಯ್ತು ಎಂಬುವುದನ್ನು ತಿಳಿದುಕೊಳ್ಳಲು ಇದು ಸೂಕ್ತ. Fast Charge Power Bank ಖರೀದಿಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ.

4. ವಿಶ್ವಾಸಾರ್ಹ ಬ್ರಾಂಡ್:

ಪವರ್ ಬ್ಯಾಂಕ್ ಖರೀದಿಸುವಾಗ ಮಾರುಕಟ್ಟೆಯಲ್ಲಿ ಚಿರಪರಿಚಿತವಾಗಿರುವ ಬ್ರಾಂಡ್’ನ್ನೇ ಆಯ್ಕೆ ಮಾಡಿ. ಏಕೆಂದರೆ ನಿಮ್ಮ ದುಬಾರಿ ಫೋನ್’ಗಳು ಕಳಪೆ ಚಾರ್ಜಿಂಗ್ ಸಾಧನಗಳಿಂದ ಹಾಳಾಗುವ ಸಾಧ್ಯತೆಗಳಿರುತ್ತವೆ.

5. ಸುರಕ್ಷತೆ:

ಪವರ್ ಬ್ಯಾಂಕ್ ಖರೀದಿಸುವಾಗ ಸುರಕ್ಷತೆಯನ್ನು ಗಮನದಲ್ಲಿಡಬೇಕಾದುದು ಅತೀ ಅಗತ್ಯ. ಪವರ್’ಬ್ಯಾಂಕನ್ನು ದೀರ್ಘಕಾಲ (ಉದಾ. ಮಲಗುವಾಗ) ಚಾರ್ಜಿಂಗ್’ಗಾಗಿ ಇಡುವ ಅಭ್ಯಾಸವಿದ್ದರೆ  ಕಳಪೆ ಗುಣಮಟ್ಟದ ಪವರ್ ಬ್ಯಾಂಕ್’ಗಳು  ಓವರ್ ಚಾರ್ಜಿಂಗ್’ನಿಂದ ಸ್ಫೋಟಗೊಳ್ಳುವ ಸಾಧ್ಯತೆಗಳಿರಬಹುದು.  ಆದುದರಿಂದ ಬ್ಯಾಟರಿಯಲ್ಲಿ ಲೀಥಿಯಂ-ಪಾಲಿಮರ್ ಅಂಶ ಹೆಚ್ಚಿರುವ  ಪವರ್ ಬ್ಯಾಂಕುಗಳನ್ನು ಬಳಸಿ. ಇನ್ನು ಪ್ರಯಾಣದ ವೇಳೆ ಈ ಕೆಳಗಿನ ಪವರ್ ಬ್ಯಾಂಕ್ ಬಳಸುವುದನ್ನು ರೂಢಿಸಿಕೊಳ್ಳಿ.

6 . ಆ್ಯಂಪಿಯರ್ ಕೌಂಟ್ : ಪವರ್ ಬ್ಯಾಂಕ್ ಖರೀದಿಸುವಾಗ ಆ್ಯಂಪಿಯರ್ ಬಗ್ಗೆ ತಿಳಿದಿರಬೇಕಾದುದು ಅಗತ್ಯ. ಆ್ಯಂಪಿಯರ್  ಅಂದರೆ, ಪವರ್ ಬ್ಯಾಂಕಿನಿಂದ ಚಾರ್ಜ್ ಆಗುತ್ತಿರುವ ಉಪಕರಣಕ್ಕೆ ಪ್ರವಾಹವಾಗುತ್ತಿರುವ ವಿದ್ಯುತ್’ನ ಪ್ರಮಾಣ.  ಉದಾಹರಣೆಗೆ, ಉಪಕರಣಕ್ಕೆ 2.1 ಆ್ಯಂಪ್ ವಿದ್ಯುತ್ ಅಗತ್ಯವಿದ್ದರೆ ಪವರ್ ಬ್ಯಾಂಕ್ ಕೂಡಾ ಅಷ್ಟೇ ವಿದ್ಯುತ್’ನ್ನು ಪೂರೈಸಬೇಕು. ಈ ಪ್ರಮಾಣದಲ್ಲಿ ವ್ಯತ್ಯಾಸವಿದ್ದರೆ ಒಂದೋ ಉಪಕರಣ ಚಾರ್ಜ್ ಆಗಲ್ಲ ಅಥವಾ ಬಹಳ ನಿಧಾನಗತಿಯಲ್ಲಿ ಚಾರ್ಜ್ ಆಗುವುದು.

7. ಕೇಬಲ್ : ಪವರ್ ಬ್ಯಾಂಕಿನೊಂದಿಗೆ ಬಂದಿರುವ ಕೇಬಲನ್ನೇ ಬಳಸುವುದು ಉತ್ತಮ ಅಭ್ಯಾಸ. ಪವರ್ ಬ್ಯಾಂಕಿನ ಕೇಬಲ್ ಕೂಡಾ ಬಹಳ ಮುಖ್ಯ.  ಪವರ್ ಬ್ಯಾಂಕ್ ಚಾರ್ಜಿಂಗ್’ಗೆ ತೆಗೆದುಕೊಳ್ಳುವ ಸಮಯ ಅದರ ಕೇಬಲ್’ನ ಉದ್ದಳತೆ ಮೆಲೆಯೂ ಅವಲಂಬಿವಾಗಿರುತ್ತದೆ.  ಜೊತೆಗೆ, ವಿದ್ಯುತ್ ಪೂರೈಕೆಯಲ್ಲಾಗುವ ಏರುಪೇರುಗಳಿಂದಲೂ ಕೂಡಾ ಉಪಕರಣವನ್ನು ಕೇಬಲ್ ರಕ್ಷಿಸುತ್ತದೆ. ಹೀಗಾಗಿ ಪವರ್ ಬ್ಯಾಂಕ್ ಜೊತೆಗೆ ಬಂದಿರುವ ಕೇಬಲ್ ಬಳಸಿ. ಒಂದು ವೇಳೆ ಕೇಬಲ್ ಕಳೆದು ಹೋದರೆ ಲೋಕಲ್ ಕೇಬಲ್ ಖರೀದಿಸಬೇಡಿ.

https://linksredirect.com/?pub_id=57646&url=https://www.amazon.in/b%3Fnode=17359505031%26pf_rd_p=bee02d85-e214-4910-995f-511fcaea5f51%26pf_rd_r=C27APJXTQCA5Y7FYR965

ನ್ಯೂಸ್ 18 V/S ಪಬ್ಲಿಕ್ ಟಿವಿ : ಸುದ್ದಿ ವಾಹಿನಿಗಳ ನಡುವೆ ಶುರುವಾಯ್ತು ಬೀದಿ ಕಾಳಗ

ಕನ್ನಡ ಸುದ್ದಿ ವಾಹಿನಿಗಳ ಕಾರ್ಯವೈಖರಿ ಬಗ್ಗೆ ಈಗಾಗಲೇ ಜನರಲ್ಲಿ ಅಸಮಾಧಾನ ಪ್ರಾರಂಭವಾಗಿದೆ. ಅದರಲ್ಲೂ ಸಾಮಾಜಿಕ ಜಾಲತಾಣಗಳು ಮುನ್ನಲೆಗೆ ಬರುತ್ತಿದ್ದಂತೆ ವೀಕ್ಷಕರಿಗೆ ಅಸಹನೆ ಹೊರ ಹಾಕಲು ವೇದಿಕೆ ಸಿಕ್ಕಂತಾಗಿದೆ.

ನೆರೆ ಸಂದರ್ಭದಲ್ಲಿ ಸುದ್ದಿ ವಾಚಕಿಯನ್ನೇ ನೀರಿನಲ್ಲಿ ಮುಳುಗಿಸಿ ಟಿವಿ ವಾಹಿನಿಯೊಂದು ರಾಷ್ಟ್ರೀಯ ಮಟ್ಟದಲ್ಲಿ ಛೀಮಾರಿ ಹಾಕಿಸಿಕೊಂಡಿತ್ತು.

ಈ ನಡುವೆ ಹಲವು ಸುದ್ದಿವಾಹಿನಿಗಳು ಆರ್ಥಿಕ ಸಂಕಷ್ಟವನ್ನು ಎದುರಿಸುತ್ತಿದೆ. ಈ ಕಾರಣದಿಂದ ಕೆಲ ವಾಹಿನಿಗಳು ಬಾಗಿಲು ಹಾಕಿದೆ. ಇನ್ನು ಕೆಲ ವಾಹಿನಿಗಳು ತಮ್ಮ ಟಿ.ಆರ್.ಪಿಯನ್ನು ಏರಿಸಲಾಗದ ಕಾರಣದಿಂದ ಜಾಹೀರಾತು ಸಂಗ್ರಹದಲ್ಲಿ ಸೋತು ಎದುಸಿರು ಬಿಡುತ್ತಿದೆ.

ಇಷ್ಟೆಲ್ಲಾ ಸಂಕಷ್ಟಗಳ ನಡುವೆ ಬ್ರೇಕಿಂಗ್ ಭರಾಟೆಗೇನು ಕಮ್ಮಿಯಿಲ್ಲ. ಜನ ಛೀ..ಥೂ ಅನ್ನುತ್ತಿದ್ದರೂ ಬ್ರೇಕಿಂಗ್ ಸುದ್ದಿ ಜೋರಾಗಿ ಸದ್ದು ಮಾಡುತ್ತಿದೆ. ಸುದ್ದಿಯನ್ನು ಕೊಡುವುದಕ್ಕಿಂತ ಹೆಚ್ಚು ನಾವೇ ಸುದ್ದಿಯನ್ನು ಮೊದಲು ಬ್ರೇಕ್ ಮಾಡಿದ್ದು ಎಂದು ಹೇಳಿಕೊಳ್ಳುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಪರಿಸ್ಥಿತಿ ನೋಡಿದರೆ ಕನ್ನಡ ವಾಹಿನಗಳ ನಡುವೆ ಕೆಟ್ಟ ಸ್ಪರ್ಧೆಯೊಂದು ಪ್ರಾರಂಭವಾಗಿದೆ. ಅನೈತಿಕ ಸಮರದಿಂದಾಗಿ ಸುದ್ದಿಯ ಮೌಲ್ಯಗಳು ಕೂಡಾ ಕುಸಿಯಲಾರಂಭಿಸಿದೆ. ಇದು ಮುಂದೊಂದು ದಿನ ಸಮಾಜಕ್ಕೆ ಮಾರಕವಾದರೂ ಅಚ್ಚರಿ ಇಲ್ಲ. ಯಾಕೆಂದರೆ ಸುದ್ದಿ ಮನೆಗಳು ಇದೀಗ ಉದ್ಯಮವಾಗಿ ಪರಿವರ್ತನೆಯಾಗಿದೆ.

ಇಷ್ಟೆಲ್ಲಾ ಕಥೆ ಯಾಕಂದ್ರೆ, News 18 ಕನ್ನಡ ಮತ್ತು ಪಬ್ಲಿಕ್ ಟಿವಿ ನಡುವೆ ಬ್ರೇಕಿಂಗ್ ಸುದ್ದಿಗಾಗಿ ಜಿದ್ದಾಜಿದ್ದಿ ಶುರುವಾಗಿದೆ. ನಾವೇ ಸುದ್ದಿ ಮೊದಲು ಬ್ರೇಕ್ ಮಾಡಿದ್ದು ಎಂದು ಹೇಳಿಕೊಳ್ಳಲು ವಾಹಿನಿಗಳು ಶುರುವಿಟ್ಟುಕೊಂಡಿದೆ. ಅಷ್ಟಕ್ಕೆ ಸುಮ್ಮನಾಗಿದ್ರೆ ಪರವಾಗಿರಲಿಲ್ಲ. ಬದಲಾಗಿ ನಾವು ಬ್ರೇಕ್ ಮಾಡಿದ ಸುದ್ದಿಯನ್ನು ಬೇರೆಯವರು ಫಾಲೋ ಮಾಡುತ್ತಿದ್ದಾರೆ ಎಂದು ಬೇರೆ ವಾಹಿನಿಗಳನ್ನು ಹಂಗಿಸುವ ಕೆಲಸವೂ ನಡೆಯುತ್ತಿದೆ.

ಇದು ಶುರುವಾಗಿದ್ದು ನ್ಯೂಸ್ 18 ಕಡೆಯಿಂದ, ನಿನ್ನೆ ಲಕ್ಷ್ಮಿ ಹೆಬ್ಬಾಳ್ಕರ್ ವಿಚಾರದಲ್ಲಿ ಸುದ್ದಿ ಪ್ರಸಾರ ಮಾಡಿದ್ದ ನ್ಯೂಸ್ 18 ಬೇರೆ ವಾಹಿನಿಗಳನ್ನು ಹಂಗಿಸಿತ್ತು.

ಇದರಿಂದ ಕೆರಳಿದ ಪಬ್ಲಿಕ್ ಟಿವಿ, ಇಂದು ಅದಕ್ಕೆ ಟಾಂಗ್ ಕೊಟ್ಟಿದೆ. ಸ್ವಾಮೀಜಿಯೊಬ್ಬರ ಪಲ್ಲಂಗ ಪುರಾಣವನ್ನು ನಾವೇ ಮೊದಲು ಬ್ರೇಕ್ ಮಾಡಿದೆವು, ಬೇರೆಯವರು ಫಾಲೋ ಮಾಡಿದ್ದಾರೆ ಅಂದಿದ್ದಾರೆ.

ಹಿಂದೊಮ್ಮೆ TRP ವಿಚಾರಕ್ಕೆ ಸಂಬಂಧಿಸಿದಂತೆ ಪಬ್ಲಿಕ್ ಟಿವಿ ಮತ್ತು ಟಿವಿ9 ನಡುವೆ ಸ್ಕ್ರೀನ್ ಮೇಲೆ ಸಮರ ನಡೆದಿತ್ತು.

ಆದರೆ ಒಂದನ್ನು ಜನ ಅರ್ಥ ಮಾಡಿಕೊಳ್ಳಬೇಕು.ಪತ್ರಿಕೋದ್ಯಮದಲ್ಲಿ ಎಲ್ಲಾ ಸುದ್ದಿಗಳು ಎಲ್ಲರಿಗೂ ಸಿಗಬೇಕು ಅಂದಿಲ್ಲ. ಅಥವಾ ಮೊದಲು ಬ್ರೇಕ್ ಆದ ಸುದ್ದಿಯೇ ಸತ್ಯವಾಗಿರಬೇಕಾಗಿಲ್ಲ. ಇತ್ತೀಚೆಗೆ ಆರ್.ಟಿ.ಓ ಅಧಿಕಾರಿಯ ಅಪಘಾತ ವಿಚಾರದಲ್ಲಿ ವಾಹಿನಿಗಳು ನಡೆದುಕೊಂಡ ರೀತಿ ಎಲ್ಲರಿಗೂ ಗೊತ್ತಿದೆ.

ಏನೇ ಅನೈತಿಕ ಸ್ಪರ್ಧೆಯಿಂದ ಸುದ್ದಿ ಮನೆಯೊಳಗಿನ ಪತ್ರಕರ್ತರ ಕಥೆ ಏನಾಗಿರಬೇಡ ಊಹಿಸಿಕೊಳ್ಳಿ.

ಡಿಕೆಶಿ ಒಬ್ಬ ಕೃಷಿಕರಂತೆ : ಕೃಷಿಯಿಂದ ಅವರ ಆದಾಯ ಹೆಚ್ಚಾಗಿದೆಯಂತೆ….!

ಅಕ್ರಮ ಹಣ ವರ್ಗಾವಣೆ ಕುರಿತಂತೆ ಇಡಿಯಿಂದ ಬಂಧನಕ್ಕೆ ಒಳಗಾಗಿರುವ ಡಿಕೆಶಿಗೆ ಈಗಾಗಲೇ ನ್ಯಾಯಾಂಗ ಬಂಧನದಲ್ಲಿದ್ದಾರೆ.

ಈ ನಡುವೆ ಡಿಕೆಶಿ ಜಾಮೀನಿಗಾಗಿ ಸಲ್ಲಿಸಿದ ಅರ್ಜಿಯ ವಿಚಾರಣೆ ಇಂದು ನ್ಯಾಯಾಲಯದಲ್ಲಿ ನಡೆಯಿತು. ಈ ವೇಳೆ ಡಿಕೆಶಿ ಪರ ವಾದ ಮಂಡಿಸಿದ ಅಭಿಷೇಕ್ ಮನು ಸಿಂಘ್ವಿ, ತನಿಖೆ ನಡೆಸಬೇಕಾದ ಜಾರಿ ನಿರ್ದೇಶನಾಲಯ ರಿಸರ್ಚ್ ನಡೆಸುತ್ತಿದೆ. ಚುನಾವಣೆ ಆಯೋಗಕ್ಕೆ ಡಿಕೆಶಿಯವರು ಕೊಟ್ಟಿರುವ ಲೆಕ್ಕದ ಮೊತ್ತವನ್ನು ಇಡಿ ಅಕ್ರಮ ಅನ್ನುತ್ತಿದೆ.

ಮಗಳು ಐಶ್ವರ್ಯಾ ಹೆಸರಿನಲ್ಲಿ 108 ಕೋಟಿ ಆಸ್ತಿ ಇದೆ ಎಂದು ಇಡಿ ಹೇಳುತ್ತಿದೆ. ಆದರೆ ಅದರಲ್ಲಿ ದೊಡ್ಡ ಮೊತ್ತದ ಸಾಲ ಕೂಡಾ ಸೇರಿದೆ. ಇನ್ನು ಆಸ್ತಿ ಅವರ ಅಜ್ಜಿಯಿಂದ ಬಂದಿರುವಂತದ್ದು ಹೀಗಿರುವಾಗ ಇದು ಅಕ್ರಮವಾಗಲು ಹೇಗೆ ಸಾಧ್ಯ ಎಂದು ಪ್ರಶ್ನಿಸಿದರು.

ನವರಾತ್ರಿ ಸಂಭ್ರಮಕ್ಕೆ ಡ್ರೆಸ್ ಖರೀದಿ ಮಾಡೋ ಯೋಜನೆಯಲ್ಲಿದ್ದೀರಾ…?

ಡಿಕೆಶಿ ತಾಯಿ ತಂದೆ ಹೆಸರಿನಲ್ಲೂ ಸಾಕಷ್ಟು ಸಾಲ ಇದೆ. ಆದರೆ ಇಡಿ ಮಾತ್ರ ನಮ್ಮ ಕಕ್ಷಿದಾರರ ಗಳಿಕೆಯನ್ನು ಅಕ್ರಮ ಅನ್ನುತ್ತಿದೆ ಎಂದು ಕಿಡಿ ಕಾರಿದರು.

ಇನ್ನು ಡಿಕೆಶಿಯವರ ಆಸ್ತಿಯ ಒಟ್ಟಾರೆ ಮೊತ್ತ ಹೆಚ್ಚಾಗಿದೆ ಎಂದು ಇಡಿ ಹೇಳುತ್ತಿದೆ. ವರ್ಷದಿಂದ ವರ್ಷಕ್ಕೆ ಆಸ್ತಿಯ ಮೌಲ್ಯ ಸಹಜವಾಗಿಯೇ ಹೆಚ್ಚಾಗುತ್ತದೆ ಹೀಗಾಗಿ ಅವರ ಆದಾಯ ಪ್ರಮಾಣದಲ್ಲೂ ಏರಿಕೆಯಾಗಿದೆ.

ಇನ್ನು ಒಕ್ಕಲಿಗರಿಗೆ ಕೃಷಿಯೇ ಪ್ರಧಾನವಾಗಿದ್ದು, ಡಿಕೆಶಿಯವರು ಕೃಷಿಕರಾಗಿದ್ದಾರೆ. ಕೃಷಿಯಲ್ಲೂ ಕೂಡಾ ಆದಾಯ ಹೆಚ್ಚಾಗಿದೆ ಇದನ್ನು ಅಕ್ರಮ ಎಂದು ಹೇಳುವುದು ಸರಿಯೇ ಎಂದು ಸಿಂಘ್ವಿ ವಾದ ಮಂಡಿಸಿದರು.