ರಶ್ಮಿ ಸಂಶೋಧನೆ-  ಗಂಡಸರಿಗಿಂತ ಹೆಂಗಸರೇ ಹೆಚ್ಚು ಕಾಂಡೋಮ್ ಖರೀದಿಸುತ್ತಾರೆ

ಆರ್ ಜೆ ರಶ್ಮಿ ಇದೀಗ ರೇಡಿಯೋಗಿಂತ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಸಕ್ರಿಯವಾಗಿದ್ದರೆ. ತಮ್ಮದೇ ಯೂಟ್ಯೂಬ್ ವಾಹಿನಿ ತೆರೆದಿರುವ ಅವರು ಸಿಕ್ಕಾಪಟ್ಟೆ ಫೇಮಸ್ ಆಗುತ್ತಿದ್ದಾರೆ.

ಹಾಗಂತ ವಿವಾದಗಳಿಂದ ಅವರು ದೂರವಿಲ್ಲ. ಇತ್ತೀಚೆಗೆ ಸೆಲೆಬ್ರೆಟಿಯೊಬ್ಬರನ್ನು ಸಂದರ್ಶನ ಮಾಡುವ ವೇಳೆ ಎಡವಟ್ಟು ಮಾಡಿಕೊಂಡು ವಾಣಿಜ್ಯ ಮಂಡಳಿ ಮುಂದೆ ಕೈ ಕಟ್ಟಿ ತಲೆಬಗ್ಗಿಸುವ ಪರಿಸ್ಥಿತಿಯೂ ಬಂದಿತ್ತು.

ಆದರೆ ಅವೆಲ್ಲವನ್ನೂ ನಿಭಾಯಿಸುವ ತಾಕತ್ತಿನ ರಶ್ಮಿ ಎಂದಿನಂತೆ ತಮ್ಮ ಸಂದರ್ಶನವನ್ನು ಮುಂದುವರಿಸಿಕೊಂಡು ಹೋಗುತ್ತಿದ್ದಾರೆ. ಇದೀಗ Action Reaction ಅನ್ನುವ ಹೊಸ ಕಾರ್ಯಕ್ರಮವೊಂದನ್ನು ಶುರುವಿಟ್ಟುಕೊಂಡಿದ್ದಾರೆ. ಮೊದಲೇ ರಶ್ಮಿ ನಾಲಗೆಗೆ ಬ್ರೇಕ್ ಹಾಕಿದವರಲ್ಲ. ಹೀಗಾಗಿ Action Reaction ಕಾರ್ಯಕ್ರಮದ ಮೊದಲ ಎಪಿಸೋಡ್ ನಲ್ಲಿ ಅವರು ಆಯ್ದುಕೊಂಡಿದ್ದು ಕಾಂಡೋಮ್.

ಕಾಂಡೋಮ್ ಕುರಿತಂತೆ ಸಾಕಷ್ಟು ಮಾಹಿತಿಗಳನ್ನು ಕೊಟ್ಟಿರುವ ರಶ್ಮಿ ಒಂದಿಷ್ಟು ಮಸಾಲೆಗಳನ್ನು ಸೇರಿಸಿದ್ದಾರೆ. ಆದರೆ ಕಾಂಡೋಮ್ ಕುರಿತಂತೆ ಅವರು ಶುರುವಿಟ್ಟುಕೊಂಡಿರುವ ಜಾಗೃತಿ ಕಾರ್ಯಕ್ರಮವನ್ನು ಮೆಚ್ಚಿಕೊಳ್ಳಲೇ ಬೇಕು. ಕಾಂಡೋಮ್ ಖರೀದಿ ಅಂದರೆ ಅದೇನೋ ದೊಡ್ಡ ಅಪರಾಧ ಅನ್ನುವಂತೆ ನಮ್ಮ ಸಮಾಜ ನೋಡುತ್ತಿದೆ. ಆದರೆ ಕಾಂಡೋಮ್ ನಿಂದ ಆಗಬಹುದಾದ ಅನುಕೂಲದ ಬಗ್ಗೆ ನಮ್ಮ ಸಮಾಜಕ್ಕೆ ಅರಿವೆಯೇ ಇಲ್ಲ. ಈ ಎಲ್ಲದರ ಸುತ್ತ ಸುತ್ತಿರುವ ಕಾರ್ಯಕ್ರಮದಲ್ಲಿ ಸಾಕಷ್ಟು ಮಾಹಿತಿಗಳಿದೆ. ಮೈ ಚಳಿ ಬಿಟ್ಟು, ಒಳ್ಳೆಯ ಮನಸ್ಸಿನಿಂದ ಕೂತು ನೋಡಿದರೆ ಸಾಕಷ್ಟು ಮಾಹಿತಿಗಳನ್ನು ಇಲ್ಲಿ ತಿಳಿದುಕೊಳ್ಳಬಹುದು.

RR- Rashmi1

ಅದರಲ್ಲೂ ಮೆಡಿಕಲ್ ಸ್ಟೋರ್ ಮಾಲೀಕನನ್ನು ಸಂದರ್ಶನ ಮಾಡಿರುವ ರಶ್ಮಿ, ಇತ್ತೀಚಿನ ದಿನಗಳಲ್ಲಿ ಗಂಡಸರು ಬಳಸುವ ಕಾಂಡೋಮ್ ಗಳನ್ನು ಮಹಿಳೆಯೇ ಹೆಚ್ಚು ಖರೀದಿಸುತ್ತಿದ್ದಾರೆ. ಶನಿವಾರ ಮತ್ತು ಭಾನುವಾರ ಕಾಂಡೋಮ್ ವ್ಯಾಪಾರ ಜೋರಾಗಿರುತ್ತದೆ ಅನ್ನುವ ಮಾಹಿತಿಯನ್ನೂ ಹೊರ ಹಾಕಿದ್ದಾರೆ.

Action Reaction|Episode- 1 – Why is buying a Condom still a taboo in India ?

Advertisements

ಶೀರೂರು ಶ್ರೀ ಸಾವಿನ ಬೆನ್ನಲ್ಲೇ ಕಾರ್ಪೊರೇಶನ್‌ ಬ್ಯಾಂಕ್‌ ಅಧಿಕಾರಿಗಳಿಗೆ ತಲೆ ನೋವು

ಶೀರೂರು ಶ್ರೀಗಳ ಸಾವಿನ ಕುರಿತಂತೆ ತನಿಖೆ ಮುಂದುವರಿದಿದೆ. ಪೊಲೀಸರು ಸಾವಿಗೆ ನಿಖರ ಕಾರಣದ ಬೆನ್ನು ಹತ್ತಿ ಹೊರಟಿದ್ದಾರೆ. ಸಾವಿಗೆ ಕಾರಣ ಬೆನ್ನು ಹತ್ತಿದವರಿಗೆ ಹತ್ತು ಹಲವಾರು ವಿಷಯಗಳು ಸಿಕ್ಕಿದೆ. ಸ್ವಾಮೀಜಿಯ ಕುರಿತಾದ ವರ್ಣರಂಜಿತ ಕಥೆಗಳು ಕೂಡಾ ಮಾಧ್ಯಮಗಳಲ್ಲಿ ಪ್ರಸಾರವಾಗಿದೆ.

ಈ ನಡುವೆ ಶೀರೂರು ಮಠದ ದ್ವಂದ್ವ ಮಠವಾದ ಶ್ರೀ ಸೋದೆ ಮಠದ ಶ್ರೀ ವಿಶ್ವವಲ್ಲಭತೀರ್ಥ ಶ್ರೀಪಾದರು ಚಾತುರ್ಮಾಸ್ಯ ವ್ರತ ಆಚರಣೆಗಾಗಿ ಶಿರಸಿ ಸಮೀಪದ ಸೋಂದಾ ಕ್ಷೇತ್ರಕ್ಕೆ ಉಡುಪಿಯಿಂದ ತೆರಳಿದ್ದಾರೆ.

ತೆರಳುವ ಮುನ್ನ ಶೀರೂರು ಮಠದ ವ್ಯವಸ್ಥಾಪನೆಗೆ ಸಮಿತಿಯೊಂದನ್ನು ರಚಿಸಿದ್ದಾರೆ. ಅದಕ್ಕೆ ಸೂಕ್ತ ಮಾರ್ಗದರ್ಶನ ನೀಡಿದ ಸ್ವಾಮೀಜಿಯವರು ಕೈಗೊಳ್ಳಬೇಕಾದ ಕ್ರಮಗಳ ಕುರಿತಂತೆ ಸೂಚನೆಯನ್ನು ಕೊಟ್ಟಿದ್ದಾರೆ. ಸೋದೆ ಶ್ರೀಗಳು ಹಿಂತಿರುಗಿ ಬರುವ ವೇಳೆಗೆ ಮತ್ತಷ್ಟು ಮಠದ ರಹಸ್ಯಗಳು ಹೊರಬರುವುದರಲ್ಲಿ ಸಂಶಯವಿಲ್ಲ.

ಈ ನಡುವೆ ಶ್ರೀಗಳ ಸಾವಿನ ಬೆನ್ನಲ್ಲೇ ಕಾರ್ಪೊರೇಶನ್‌ ಬ್ಯಾಂಕ್‌ ಅಧಿಕಾರಿಗಳಿಗೆ ತಲೆ ನೋವು ಶುರುವಾಗಿದೆ. ಕಲ್ಸಂಕ ಬಳಿಯ ಕನಕ ಮಾಲ್‌ ನಿರ್ಮಾಣಕ್ಕೆ ಶ್ರೀಗಳು ಬ್ಯಾಂಕ್ ನಿಂದ ಸಾಲ ಪಡೆದಿದ್ದಾರೆ.
ಪಡೆದ ಮೊತ್ತ, ಕೊಟ್ಟ ಶ್ಯೂರಿಟಿ ಯಾವುದು ಅನ್ನುವುದು ಗೊತ್ತಾಗಿಲ್ಲ. ಆದರೆ ಸೋದೆ ಶ್ರೀಗಳು ಶಿರಸಿಗೆ ತೆರಳುವ ಮುನ್ನ ಕಾರ್ಪೊರೇಶನ್‌ ಬ್ಯಾಂಕ್‌ ಅಧಿಕಾರಿಗಳು ಸ್ವಾಮೀಜಿಯವರನ್ನು ಭೇಟಿ ಮಾಡಿದ್ದಾರೆ. ಹೀಗಾಗಿ ಪ್ರಕರಣ ಗಂಭೀರವಾಗಿದೆ ಎಂದೇ ಅರ್ಥ.

ಸ್ವಾಮೀಜಿ ಮತ್ತು ಶ್ರೀಗಳ ನಡುವೆ ಸಾಲ ಇತ್ಯರ್ಥಪಡಿಸಲು ಚರ್ಚೆ ನಡೆಸಿದರು ಎಂದು ತಿಳಿದುಬಂದಿದೆ.

ಕೆಟ್ಟು ನಿಂತ ರೈಲಿನಿಂದ ಪರೀಕ್ಷೆ ತಪ್ಪಿಸಿಕೊಂಡ 3 ಸಾವಿರ ಮಂದಿ

ಒಂದೇ ಒಂದು ರೈಲು ಕೆಟ್ಟು ನಿಂತ ಕರ್ಮದಿಂದ ಬೆಂಗಳೂರಿನಲ್ಲಿ ಭಾನುವಾರ ಡಿಆರ್ ಪರೀಕ್ಷೆ ಬರೆಯಬೇಕಾಗಿದ್ದ ಹುಬ್ಬಳ್ಳಿ – ಧಾರವಾಡದ 3 ಸಾವಿರಕ್ಕೂ ಹೆಚ್ಚು ಅಭ್ಯರ್ಥಿಗಳು ಪರೀಕ್ಷೆಯಿಂದ ವಂಚಿತರಾಗಿದ್ದಾರೆ.

ಮಾರ್ಗಮಧ್ಯೆ ಗೂಡ್ಸ್ ಟ್ರೈನ್‌ ಕೆಟ್ಟು ನಿಂತ ಕಾರಣ, ಪ್ರಯಾಣ ಪ್ರಾರಂಭಿಸಬೇಕಾಗಿದ್ದ ರಾಣಿ ಚೆನ್ನಮ್ಮ ಎಕ್ಸ್‌ಪ್ರೆಸ್‌ ರೈಲು ರಾತ್ರಿ ಪೂರ್ತಿ ನಿಂತಲ್ಲೇ ನಿಂತಿತು. ಇದರಿಂದ ಕಂಬಾರಗಣವಿ ನಿಲ್ದಾಣದಲ್ಲಿ ಪ್ರಯಾಣಿಕರು ರಾತ್ರಿ ಕಳೆಯಬೇಕಾಯಿತು.

ಶನಿವಾರ ರಾತ್ರಿ 9.45ಕ್ಕೆ ಧಾರವಾಡಕ್ಕೆ ಬರಬೇಕಿದ್ದ ರೈಲು ಬಂದಾಗ ಭಾನುವಾರ ಬೆಳಗ್ಗೆ 5.30ಕ್ಕೆ ಆಗಿತ್ತು. ಹೀಗಾಗಿ ಡಿಆರ್ ಪರೀಕ್ಷೆಯಿಂದ ನಾವೆಲ್ಲಾ ವಂಚಿತರಾಗಿದ್ದು, ರೈಲ್ವೆ ಇಲಾಖೆ ವಿರುದ್ಧ ಪ್ರತಿಭಟನೆ ಪ್ರಾರಂಭಿಸಿದ್ದಾರೆ.

ಧಾರವಾಡ ಬೆಳಗಾವಿ ಸೋಲಾಪುರ ಸೇರಿ ವಿವಿಧ ಜಿಲ್ಲೆಗಳಿಂದ ಬಂದಿರುವ ಅಭ್ಯರ್ಥಿಗಳು, ರೈಲ್ವೆಯ ಲೋಪದಿಂದ ಬೆಂಗಳೂರು ತಲುಪದೇ ಹುಬ್ಬಳ್ಳಿಯಲ್ಲಿಯೇ ಉಳಿದಿದ್ದು, ಪರೀಕ್ಷೆಯನ್ನು ಮುಂದೂಡಬೇಕು, ಅಥವಾ ಮತ್ತೊಮ್ಮೆ ಪರೀಕ್ಷೆಗೆ ಅವಕಾಶ ಮಾಡಿಕೊಡಬೇಕು ಎಂದು ಆಗ್ರಹಿಸಿದ್ದಾರೆ.

ರಾತ್ರಿಯಿಡೀ ಮಾರ್ಗಮಧ್ಯೆ ರೈಲು ಕೆಟ್ಟು ನಿಂತ ಕಾರಣ ಡಿಆರ್ ಪರೀಕ್ಷೆಗೆ ಹೋಗಬೇಕಿದ್ದ 3,000ಕ್ಕೂ ಹೆಚ್ಚು ಅಭ್ಯರ್ಥಿಗಳು ತೊಂದರೆ ಸಿಲುಕಿದ್ದಾರೆ.

ನಿಗದಿಯಂತೆ ಭಾನುವಾರ ಬೆಳಗ್ಗೆ 10.30ಕ್ಕೆ ಬೆಂಗಳೂರಿನಲ್ಲಿ ಡಿಆರ್ ಪರೀಕ್ಷೆ ನಡೆಯಲಿದೆ.

ಸೋಷಿಯಲ್ ಮೀಡಿಯಾದಲ್ಲಿ ಬರೆಯುವ ಮುನ್ನ ಸಾವಿರ ಸಲ ಯೋಚಿಸಿ

ಸಾಮಾಜಿಕ ಜಾಲತಾಣ ಅನ್ನುವುದು ಇದೀಗ ಕೊಚ್ಚೆ ಗುಂಡಿಯಾಗಿದೆ. ಮೊದ ಮೊದಲು ಸದುಪಯೋಗ ಅನ್ನಿಸುತ್ತಿತ್ತು. ಆದರೆ ಇದೀಗ ದುರುಪಯೋಗ ಹೆಚ್ಚಾಗಿದೆ.ಟ್ರೋಲ್ ಹೆಸರಿನಲ್ಲಿ ತೇಜೋವಧೆ ನಡೆಯುತ್ತಿದೆ.

ಅದರಲ್ಲೂ ರಾಜಕೀಯ ವ್ಯಕ್ತಿಗಳನ್ನು ಹಿಗ್ಗಾ ಮುಗ್ಗಾ ಜಾಡಿಸಲಾಗುತ್ತಿದೆ. ಟೀಕಿಸುವ ಭರಾಟೆಯಲ್ಲಿ ಎಲ್ಲೆ ಮೀರುತ್ತಿರುವುದೇ ಅಪಾಯಕಾರಿ.

ಹೀಗೆ ರಾಜ್ಯದ ಮುಖ್ಯಮಂತ್ರಿ ಕುಮಾರಸ್ವಾಮಿಯವರನ್ನು ಟೀಕಿಸಿದ ಕುಡ್ಲ ಟ್ರೋಲ್ ಪೇಜ್ ಆಡ್ಮಿನ್ ಪೊಲೀಸರ ಅತಿಥಿಯಾಗಿದ್ದಾನೆ.
ಅವಹೇಳನಕಾರಿ ಬರಹ ಪೋಸ್ಟ್  ಹಾಕಿದ ಕರ್ಮಕ್ಕೆ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಭಾರತೀಯ ಅಪರಾಧ ಕಾಯ್ದೆ  ಸೆಕ್ಷನ್ 153 ಮತ್ತು 504 ರ ಅಡಿಯಲ್ಲಿ ಆತನ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ರಾಜಕೀಯ ವ್ಯಕ್ತಿಗಳನ್ನು ಟೀಕಿಸುವ ಅಧಿಕಾರ ಎಲ್ಲರಿಗಿದೆ. ಹಾಗಂತ ಅದಕ್ಕೊಂದು ಇತಿಮಿತಿ ಬೇಕು ತಾನೇ. ಕುಮಾರಸ್ವಾಮಿ ತಪ್ಪು ಮಾಡಿದಾಗ ಅದನ್ನು ಬರೆಯುವ ಹಕ್ಕು ಖಂಡಿತಾ ಇದೆ. ಆದರೆ ಅದು ವೈಯುಕ್ತಿಕ ನಿಂದನೆಯಾಗಬಾರದು. ರಾಜ್ಯದ ಮುಖ್ಯಮಂತ್ರಿಯ ಕಣ್ಣು ತೆರೆಸುವಂತಿರಬೇಕು.

ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ವಿರುದ್ಧ ಕಳೆದ ತಿಂಗಳು ಫೇಸ್ ಬುಕ್ ನಲ್ಲಿ ಅವಹೇಳನಕಾರಿ ಬರಹ ಪ್ರಕಟಿಸಿದ್ದಕ್ಕಾಗಿ ವ್ಯಕ್ತಿಯೊಬ್ಬನನ್ನು ಆಗ್ರಾ ಪೊಲೀಸರು ಬಂಧಿಸಿದ್ದರು.

ಈ ಎರಡೂ ಪ್ರಕರಣಗಳು ಕಾರಣವಿಲ್ಲದೆ ನಿಂದಿಸುವ ಮಂದಿಗೆ ಪಾಠವಾಗಲಿ.

ಬದಲಾಗುತ್ತಿದೆ ಕರ್ನಾಟಕ ಪೊಲೀಸ್ ಪೇದೆಗಳ ಟೋಪಿ..!

ಕರ್ನಾಟಕದ ಪೊಲೀಸ್‌ ಕಾನ್‌ಸ್ಟೆಬಲ್‌ಗಳು ಧರಿಸುತ್ತಿರುವ ಟೋಪಿಯಿಂದ ಆರೋಗ್ಯದ ಮೇಲೆ ದುಷ್ಪರಿಣಾಮ ಉಂಟಾಗುತ್ತಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ನೀಡಿರುವ ಎಚ್ಚರಿಕೆಯನ್ನು ಗಂಭೀರವಾಗಿ ಪರಿಗಣಿಸಿರುವ ಕರ್ನಾಟಕ ಪೊಲೀಸ್ ಇಲಾಖೆ, ಟೋಪಿ ಬದಲಾವಣೆಗೆ ನಿರ್ಧರಿಸಿದೆ.

ಈ ಕುರಿತು ಇಂದು ನಡೆದ  ಡಿಜಿ ಮತ್ತು ಐಜಿಪಿಗಳ ಸಭೆಯಲ್ಲಿ ಕಾನ್ ಸ್ಟೇಬಲ್ ಗಳಿಗೆ ಹೊಸ ಮಾದರಿಯ ಪಿ-ಕ್ಯಾಪ್ ಧರಿಸುವ ಕುರಿತು ಚರ್ಚೆ ನಡೆಸಲಾಗಿದೆ.

ಸಭೆಯಲ್ಲಿ ಕಾನ್‌ಸ್ಟೆಬಲ್‌ಗಳಿಗೆ ಹೊಸ ಮಾದರಿಯ ಪಿ-ಕ್ಯಾಪ್‌ ಧರಿಸಲು ಅವಕಾಶ ಮಾಡಿಕೊಟ್ಟು ಪರಿಶೀಲನೆ ನಡೆಸಲಾಯ್ತು. ಈ ಮೂಲಕ ಪೊಲೀಸ್‌ ಅಧಿಕಾರಿಗಳು ಬಳಸುವ ಮಾದರಿಯ ಕ್ಯಾಪ್ ಜಾರಿಗೆ ಸಿದ್ದತೆ ನಡೆಸಲಾಗಿದೆ.ಈ  ಹಿನ್ನೆಲೆಯಲ್ಲಿ ತಮಿಳುನಾಡು ಹಾಗೂ ಕೇರಳ ಪೊಲೀಸರ ಮಾದರಿಯಲ್ಲಿ ಪಿ-ಕ್ಯಾಪ್‌ ಬಳಕೆಗೆ ಚಿಂತನೆ ಮಾಡಲಾಗಿದೆ.

ಪೊಲೀಸ್​ ಪೇದೆಗಳು ಸದ್ಯ ಈ ಹಿಂದೆ ರೂಪಿಸಿದಂತಹ ಸ್ಲೋಚಾಟ್​ನಂತಹ ಟೋಪಿಗಳನ್ನು ಧರಿಸುತ್ತಿದ್ದಾರೆ. ಅಂದುಕೊಂಡ ಹಾಗೇ ಎಲ್ಲವೂ ನಡೆದರ ಕೆಲವೇ ದಿನಗಳಲ್ಲಿ ರಾಜ್ಯದ ಪೊಲೀಸ್‌ ಕಾನ್‌ಸ್ಟೆಬಲ್‌ಗಳ ಟೋಪಿ ಸ್ಲೊಚಾಟ್‌ ಕ್ಯಾಪ್‌ನಿಂದ ಪಿ-ಕ್ಯಾಪ್‌ಗೆ ಬದಲಾವಣೆಯಾಗಲಿದೆ.

police-cap

ಕೋಟಿ ಕೊಟ್ಟರೂ ಅದೊಂದು ಪಾತ್ರ ಮಾಡುವುದಿಲ್ಲವಂತೆ ಚಿಕ್ಕಣ್ಣ

ಚಿಕ್ಕಣ್ಣ  ಟಿವಿಯಲ್ಲಿ ನಿರೂಪಕನಾಗಿದ್ದ ವೇಳೆ ಈಗಿನಂತೆ ಹಾಸ್ಯಭರಿತ ರಿಯಾಲಿಟಿ ಶೋ ಗಳು ಇರಲಿಲ್ಲ. ಒಂದು ವೇಳೆ ಆಗ್ಲೇ ಕಾಮಿಡಿ  ರಿಯಾಲಿಟಿ ಶೋ ಇರುತ್ತಿದ್ದರೆ ಚಿಕ್ಕಣ್ಣ ಹೇಗಿರುತ್ತಿದ್ದರು ಊಹಿಸಿ.ಆದರೆ ಅದು ಅವರ ಪಾಲಿಗೆ ಒಳ್ಳೆಯದೇ ಆಯ್ತು ಅನ್ನಿಸುತ್ತದೆ.

ಟಿವಿ ಶೋ ನಡೆಸಿಕೊಡುತ್ತಿದ್ದ ಚಿಕ್ಕಣ್ಣ ಆಗ ಜೇಬಿನಲ್ಲಿ ಫೋಟೋ ಹಿಡಿದುಕೊಂಡೇ  ತಿರುಗುತ್ತಿದ್ದರು. ಮುಹೂರ್ತ ಸಮಾರಂಭಗಳಿಗೆ ಹೋಗಿ ನಿರ್ದೇಶಕರನ್ನು ಭೇಟಿಯಾಗಿ ಅವಕಾಶ ಕೊಡಿ ಸಾರ್ ಎಂದು ಫೋಟೋ ಕೊಟ್ಟು ಬರುತ್ತಿದ್ದರು. ಆದರೆ ಆಗ ಅವಕಾಶ ಸಿಗಬಹುದು ಅನ್ನುವ ನಿರೀಕ್ಷೆ ಇತ್ತು. ಆದರೆ ಈ ಮಟ್ಟಿಗೆ ಸ್ಟಾರ್ ಪಟ್ಟ ಸಿಗುತ್ತದೆ ಅನ್ನುವ ನಿರೀಕ್ಷೆ ಇರಲಿಲ್ಲ.

ಆ ದಿನಗಳಲ್ಲಿ ದಿನದ ಖರ್ಚು ಹೇಗಪ್ಪ ನಿಭಾಯಿಸುವುದು ಅನ್ನುವುದೇ ಅವರ ತಲೆನೋವಾಗಿತ್ತು.

ಸಿಕ್ಕರೆ ಸಿಗುತ್ತದೆ, ಹೇಗೋ ಕಿರುತೆರೆಯಲ್ಲಿ ಹಾಸ್ಯ ಕಾರ್ಯಕ್ರಮ ಕೈ ಬಿಡುವುದಿಲ್ಲ ಅನ್ನುವ ನಿರೀಕ್ಷೆ ಇತ್ತು.  ಅದರಲ್ಲೇ ಜೀವನ ನಡೆಸಬಹುದು ಅನ್ನುವ ಧೈರ್ಯವೂ ಇತ್ತು.

ಆದರೆ ಯಶ್ ತಮ್ಮ ಕಿರಾತಕ ಸಿನಿಮಾದಲ್ಲಿ ಕೊಟ್ಟ ಅವಕಾಶ ಚಿಕ್ಕಣ್ಣ ಅವರನ್ನು ದೊಡ್ಡಣ್ಣನಾಗಿ ಮಾಡಿತು.  ಹಾಸ್ಯ ನಟರಿಗಾಗಿ ಪರದಾಡುತ್ತಿದ್ದ ಚಂದನವನಕ್ಕೆ ಚಿಕ್ಕಣ್ಣ ನಕ್ಷತ್ರವಾಗಿ ಹೋದರು. ಈಗ ಅವರು ನಟಿಸಿದ ಸಿನಿಮಾಗಳ ಸಂಖ್ಯೆ 50 ಗಡಿ ದಾಟಿದೆ.

7 ವರ್ಷಗಳಲ್ಲಿ 50ಕ್ಕೂ ಹೆಚ್ಚು ಸಿನಿಮಾದಲ್ಲಿ ನಟಿಸುವುದು ಅಂದರೆ ಸುಲಭದ ಮಾತಲ್ಲ.

ಆದರೆ ಇಷ್ಟೆಲ್ಲಾ ಬೇಡಿಕೆ ಚಿಕ್ಕಣ್ಣ ಒಂದಿಷ್ಟು ಬದಲಾಗಿಲ್ಲ. ಅವರೇ ಹೇಳುವಂತೆ

  “ ಆಗ 10 ರೂಪಾಯಿ ಊಟ ಮಾಡುತ್ತಿದ್ದೆ, ಈಗ 25 ರೂಪಾಯಿ ಊಟ. ಅದು ಬಿಟ್ಟರೆ ಎಲ್ಲಾ ಹಾಗೇ ಇದೆ. ಲೈಫ್ Change ಆಗಿಲ್ಲ”

ಹಾಗಂತ ಚಿಕ್ಕಣ್ಣ ಎಂದಿಗೂ ದೊಡ್ಡ ನಟನಾಗಬೇಕು ಎಂದು ಬಯಸಿದವರಲ್ಲ. ಸ್ಟಾರ್ ಪಟ್ಟ ಗಿಟ್ಟಬೇಕು ಎಂದು ಇಚ್ಛಿಸಿದವರಲ್ಲ. ನಟನೆಯ ಕಾರಣಕ್ಕೆ ಜನ ಮೆಚ್ಚಿದರು. ಚಿಕ್ಕಣ್ಣ ಇದ್ದರೆ ಚಿತ್ರಕ್ಕೆ ತೂಕ ಅಂದರು. ಹೀಗಾಗಿ ದೊಡ್ಡ ನಟನಾದರು, ಸ್ಟಾರ್ ಪಟ್ಟ ಗಿಟ್ಟಿಸಿಕೊಂಡರು.

ಇಷ್ಟೆಲ್ಲಾ ಸಾಧಿಸಿರುವ ಚಿಕ್ಕಣ್ಣ ಬಳಿ, ಸರ್ ನೀವು ಹೀರೋ ಯಾವಾಗ ಎಂದು ಕೇಳಿ ನೋಡಿ.

“ಈಗ ಚೆನ್ನಾಗಿದ್ದೇನೆ. ಚೆನ್ನಾಗಿರೋದು ಬೇಡ್ವ..? ಅವೆಲ್ಲಾ ಬೇಕಾ. ರಾಜಾ ಹುಲಿ ಬಿಡುಗಡೆಯಾದ ಸಂದರ್ಭದಲ್ಲಿ ಹಿರೋ ಆಗುವ ಅವಕಾಶ ಬಂದಿತ್ತು. ನಾನೇ ಬೇಡ ಅಂದೆ. ಹಿರೋ ಆಗಿ ಚಿತ್ರ ಗೆದ್ದರೆ ಸರಿ. ಸೋತರೆ..”?

ಚಿತ್ರ ಸೋತರೆ ನಿರ್ಮಾಪಕರು ಆ ಮೇಲೆ ಬೇರೆ ಚಿತ್ರಗಳಿಗೆ ಕರೆಯುವುದನ್ನೇ ನಿಲ್ಲಿಸುತ್ತಾರೆ. ಹಾಗಾಗಿಯೇ ನಾಯಕನಾಗುವ ಯೋಚನೆ ಬಿಟ್ಟು ಪಾತ್ರಗಳಿಗೆ ಸೀಮಿತವಾಗಲು ನಿರ್ಧರಿಸಿರುವ ಚಿಕ್ಕಣ್ಣ, ಕೋಟಿ ಕೊಟ್ಟರೂ ನಾಯಕನಾಗುವುದಿಲ್ಲ ಅನ್ನುತ್ತಾರೆ.

ಮೂರು ತಿಂಗಳು ಅವಮಾನ ಅನುಭವಿಸಿದ ಹರಿಪ್ರಿಯಾ….!

ರಮ್ಯ ಕೈ ಕೊಟ್ಟು ಹೋದ ‘ನೀರ್ ದೋಸೆ’ ಚಿತ್ರವನ್ನು ಕೈ ಹಿಡಿದದ್ದು ಹರಿಪ್ರಿಯಾ. ಅವತ್ತು ಹರಿಪ್ರಿಯಾ ನಟನೆ ಕಂಡವರು ಅಚ್ಚರಿಗೊಂಡಿದ್ದರು. ಇಷ್ಟು ಚೆನ್ನಾಗಿ ಬೋಲ್ಡ್ ಆಗಿ ಈಕೆ ನಟಿಸಬಲ್ಲ ನಟಿ ಅನ್ನುವುದೇ ಗೊತ್ತಾಗಿತ್ತು ಅವತ್ತು.

ಆದರೆ ಚಿತ್ರ ಹಿಟ್ ಆದರೂ ಹರಿಪ್ರಿಯಾ ವೃತ್ತಿ ಬದುಕಿಗೆ ಆ ಹಿಟ್ ಅನುಕೂಲಕ್ಕಿಂತ ಅನಾನುಕೂಲ ಮಾಡಿಕೊಟ್ಟಿತು.

ಅವಕಾಶ ಹುಡುಕಿಕೊಂಡು ಬಂತು. ಆದರೆ ಎಲ್ಲವೂ ‘ನೀರ್ ದೋಸೆ’ ಛಾಯೆಯ ಪಾತ್ರಗಳು. ಹೀಗಾಗಿ ಅವರು ಆಫರ್ ಗಳನ್ನು ಒಪ್ಪಿಕೊಳ್ಳಲಿಲ್ಲ. ಇದರಿಂದ ಕೈಯಲ್ಲಿ ಅವಕಾಶವಿಲ್ಲದಂತೆ ಕೂರುವ ಹಾಗಾಯ್ತು. ನಡುವೆ ಬಂದ ‘ಅಂಜನಿಪುತ್ರ’ ಮತ್ತು ‘ಭರ್ಜರಿ’ಯಲ್ಲಿ ಆಕೆ ಮುಖ್ಯ ಭೂಮಿಕೆಯಲ್ಲಿ ಇರಲಿಲ್ಲ.

ಈ ಕಾರಣದಿಂದ ಹರಿಪ್ರಿಯಾ ಚಂದನವನಕ್ಕೆ ದೂರದ ಮಾತು ಅನ್ನುವಂತಾಯ್ತು. ಮಾಧ್ಯಮಗಳು ಕೂಡಾ ಹರಿಪ್ರಿಯಾ ಚಿತ್ರರಂಗದಿಂದ ದೂರ, ಅವಕಾಶವೇ ಇಲ್ಲ ಅನ್ನುವಂತೆ ಬಿಂಬಿಸಿತು. ಹಾಗಾಗಿಯೇ ಅವತ್ತು ಆಕೆ ಅನುಭವಿಸಿದ ಹಿಂಸೆಗಳು ಒಂದಲ್ಲ, ಎರಡಲ್ಲ. ಶ್ರೀಮುರಳಿ ಜೊತೆ ನಟಿಸಿದ ‘ಉಗ್ರಂ’ ಚಿತ್ರ ದೊಡ್ಡ ಮಟ್ಟಿಗೆ ಬ್ರೇಕ್ ಕೊಟ್ಟಿತು. ಆದರೆ ‘ನೀರ್ ದೋಸೆ’ ಮನೆಯಲ್ಲೇ ಕೂರವಂತೆ ಮಾಡಿತು.

ಸದಾ ಬ್ಯುಸಿಯಾಗಿರುತ್ತಿದ್ದ ಹರಿಪ್ರಿಯಾ ಮೂರು ತಿಂಗಳು ಕೆಲಸವಿಲ್ಲದೆ ಕೂತಾಗ ಸಾಕಷ್ಟು ಹಿಂಸೆ ಅನುಭವಿಸಿದರು. ಅವಮಾನ ಎದುರಿಸಿದರು. ಆ ದಿನಗಳಿಂದ ಹೊರ ಬರಲು ಆಕೆ ಪಟ್ಟ ಪಾಡು ಅಷ್ಟಿಷ್ಟಲ್ಲ.

ನಿಧಿ ಸುಬ್ಬಯ್ಯ ತೆಗೆಸಿಕೊಂಡ ಒಂದೇ ಒಂದು ಫೋಟೋ ರಾಡಿ ಎಬ್ಬಿಸಲಿದೆ

ಅದೇ ಸಂದರ್ಭಕ್ಕೆ ಕೈ ಹಿಡಿದದ್ದು ‘ಕನಕ’. ಅಲ್ಲಿ ಸಿಕ್ಕ ವಿಧವೆ ಪಾತ್ರವನ್ನು ಅಚ್ಚುಕಟ್ಟಾಗಿ ನಿಭಾಯಿಸಿದರು. ಬಳಿಕ ಹಿಂತಿರುಗಿ ನೋಡಲಿಲ್ಲ. ಸೂಜಿದಾರ, ಸಂಹಾರ ಚಿತ್ರದಲ್ಲಿ ಅವಕಾಶ ಸಿಕ್ತು. ಇದೀಗ  ಹರಿಪ್ರಿಯಾ ನಟನೆ ಆರು ಚಿತ್ರಗಳು ಬಿಡುಗಡೆಗೆ ಕಾದಿದೆ.

ಲೈಫ್ ಜೊತೆಗೊಂದು ಸೆಲ್ಫಿ,ಸೂಜಿದಾರ, ಡಾಟರ್ ಆಫ್ ಪಾರ್ವತಮ್ಮ, ಕಥಾ ಸಂಗಮ, ಬೆಲ್ ಬಾಟಮ್,  ಹಾಗೂ ಕುರುಕ್ಷೇತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆಯನ್ನು ಹರಿಪ್ರಿಯಾ ಇಟ್ಟುಕೊಂಡಿದ್ದಾರೆ.

ಹಾಗಂತ ಹರಿಪ್ರಿಯಾ ಚಿತ್ರರಂಗಕ್ಕೆ ಕಾಲಿಟ್ಟ ವೇಳೆ ಸುಲಭವಿರಲಿಲ್ಲ. ಪರಭಾಷಾ ನಟಿಯರು ಕನ್ನಡ ಚಿತ್ರರಂಗದಲ್ಲಿ ಮೆರೆಯುತ್ತಿದ್ದರು. ಇದರ ಬಿಸಿ ಹರಿಪ್ರಿಯಾಗೂ ತಟ್ಟಿತ್ತು.16ನೇ ವಯಸ್ಸಿನಲ್ಲಿ ಚಿತ್ರರಂಗಕ್ಕೆ ಬಂದವರು ಧೃತಿಗೆಡಲಿಲ್ಲ. ಮುಂದೊಂದು ದಿನ ಒಳ್ಳೆಯ ದಿನ ಬರುತ್ತದೆ ಎಂದು ಕಾದರು. ಆ ದಿನಗಳು ಇದೀಗ ಬಂದಿದೆ.

ಮುರಿದು ಬಿತ್ತಾ ರಶ್ಮಿಕಾ – ರಕ್ಷಿತ್​ ಶೆಟ್ಟಿ ಎಂಗೇಜ್​ಮೆಂಟ್​…..

ಗಾಢ್ ಫಾದರ್ ಇಲ್ಲದೆ ಬಂದ ಹರಿಪ್ರಿಯಾ ಅವರಿಗೆ ಅಮ್ಮನೇ ಗಾಢ್ ಫಾದರ್. ಹೀಗಾಗಿ ಎರಡು ಮೂರು ಸಿನಿಮಾ ಮಾಡಿದಾಗ ನಿರ್ಗಮಿಸುವ ಕಾಲ ಬರುತ್ತದೆ ಅಂದುಕೊಂಡಿದ್ದರು. ಆದರೆ ಅದೃಷ್ಟ ಕೈ ಬಿಡಲಿಲ್ಲ. ಹಾರ್ಡ್ ವರ್ಕ್ ಅವರ ಕೈ ಹಿಡಿಯಿತು.

ಇನ್ನೊಂದಿಷ್ಟು ವರ್ಷದ ಮಟ್ಟಿಗೆ ಹರಿಪ್ರಿಯಾ ಬೇಡಿಕೆಯ ನಟಿಯಾಗಿರುತ್ತಾರೆ. ಕೈಯಲ್ಲಿರುವ ಚಿತ್ರಗಳು ಬಿಡುಗಡೆಯ ನಂತರ ಮತ್ತಷ್ಟು ಅವಕಾಶ ಅವರನ್ನು ಹುಡುಕಿಕೊಂಡು ಬರುವುದು ಗ್ಯಾರಂಟಿ.

ನಿಧಿ ಸುಬ್ಬಯ್ಯ ತೆಗೆಸಿಕೊಂಡ ಒಂದೇ ಒಂದು ಫೋಟೋ ರಾಡಿ ಎಬ್ಬಿಸಲಿದೆ

ವಿಶ್ವವಿಖ್ಯಾತ ಮೈಸೂರು ಅರಮನೆಯೊಳಗೆ ಸರ್ಕಾರಿ ಅಧಿಕಾರಿಯೊಬ್ಬರು ತಮ್ಮ ಪುತ್ರಿಯ ವಿವಾಹಪೂರ್ವ ಫೋಟೋ ಶೂಟ್ ನಡೆಸಿ ವಿವಾದಕ್ಕೆ ಸಿಲುಕಿಕೊಂಡಿದ್ದರು. ಎಷ್ಟಾದರೂ ಸರ್ಕಾರಿ ಅಧಿಕಾರಿ ತಾನೇ, ಕೈಗೊಳ್ಳಬೇಕಾಗಿದ್ದ ಕಾನೂನು ಕ್ರಮಗಳು ಅಷ್ಟೇನು ಕಠಿಣವಾಗಲೇ ಇಲ್ಲ.

ಆದರೆ ಇದೀಗ ನಟಿ ನಿಧಿ ಸುಬ್ಬಯ್ಯ ತೆಗೆಸಿಕೊಂಡ ಫೋಟೋ ಒಂದು ರಾಡಿ ರಂಪಾಟ ಎಬ್ಬಿಸುವ ಲಕ್ಷಣಗಳಿದೆ.

ಅರಮನೆಯ ಒಳಾಂಗಣ ಹಾಗೂ ಜಯಮಾರ್ತಾಂಡಾ ದ್ವಾರದ ಬಳಿ ಫೋಟೋ ಶೂಟ್ ಮಾಡುವ ಹಾಗಿಲ್ಲ ಅನ್ನುವ ನಿಯಮವಿದೆ. ಅರಮನೆಯ ಭದ್ರತೆಯನ್ನ ಗಮನದಲ್ಲಿ ಇಟ್ಟುಕೊಂಡು ದರ್ಬಾರ್ ಹಾಲ್ ಸೇರಿದಂತೆ ಅರಮನೆಯ ಒಳಾಂಗಣವನ್ನ ಹೈ ಸೆಕ್ಯೂರಿಟಿ ಏರಿಯಾ ಎಂದು ಗುರುತಿಲಾಗಿದೆ.
ಮೈಸೂರು ಅರಮನೆಯ ಒಳಗೆ ನಿಧಿ ಸುಬ್ಬಯ್ಯ ಫೋಟೋ ತೆಗೆಸಿಕೊಂಡಿದ್ದು ಮಾತ್ರವಲ್ಲದೆ ಅರಮನೆಯ ದರ್ಬಾರ್ ಹಾಲ್ ನಲ್ಲಿ ಕುಳಿತು ನಿಧಿ ಸುಬ್ಬಯ್ಯ ಪೋಸ್ ಕೊಟ್ಟಿದ್ದಾರೆ.

ಪೋಟೋ ತೆಗೆಸಿಕೊಂಡು ತಾವೇ ನೋಡಿ ಸಂಭ್ರಮಿಸಿದ್ದರೆ ಪರವಾಗಿರಲಿಲ್ಲ. ಫೋಟೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಬೇರೆ ಹಾಕಿದ್ದಾರೆ. ವಿಶ್ವ ವಿಖ್ಯಾತ ಮೈಸೂರು ಅರಮನೆಯ ದರ್ಬಾರ್ ಹಾಲ್ ನಲ್ಲಿ ಫೋಟೋ ತೆಗೆಸಿಕೊಳ್ಳುವ ಹಾಗಿಲ್ಲ. ಅಂದ ಮೇಲೆ ನಿಧಿ ಸುಬ್ಬಯ್ಯ ಹೇಗೆ ಫೋಟೋ ತೆಗೆಸಿಕೊಂಡರು ಅನ್ನುವುದೇ ಪ್ರಶ್ನೆ. ಸಾಮಾನ್ಯರಿಗೊಂದು ಕಾನೂನು ಸೆಲೆಬ್ರೆಟಿಗಳಿಗೊಂದು ಕಾನೂನು ಇದೆಯೇ ಅನ್ನುವುದು ಈಗ ಎದ್ದಿರುವ ಪ್ರಶ್ನೆ.

ಏಕಾಏಕಿಯಾಗಿ ನಿಧಿ ಸುಬ್ಬಯ್ಯ ಅವರನ್ನು ಟೀಕಿಸುವ ಹಾಗಿಲ್ಲ. ಭದ್ರತಾ ಸಿಬ್ಬಂದಿ,ಅಧಿಕಾರಿಗಳಿಗೆ ಗೊತ್ತಿಲ್ಲದೆ ಇಂತಹುದೊಂದು ಫೋಟೋ ಕ್ಲಿಕಿಸಲು ಸಾಧ್ಯವೇ ಇಲ್ಲ. ಹಾಗಾದರೆ ಇದು ಭದ್ರತಾ ವೈಫಲ್ಯ ತಾನೇ ಅನ್ನುತ್ತಿದ್ದಾರೆ ನೆಟ್ಟಿಗರು.

ಆದರೆ ನಿಧಿ ಸುಬ್ಬಯ್ಯ ಫೋಟೋ ತೆಗೆಸಿಕೊಂಡ ಜಾಗದಲ್ಲಿ ಎಲ್ಲರಿಗೂ ಫೋಟೋ ತೆಗೆಯಲು ಅವಕಾಶವಿದೆ. ಇದೇ ಜಾಗದಲ್ಲಿ ತುಂಬಾ ಜನ ಫೋಟೋ ತೆಗೆಸಿಕೊಂಡಿದ್ದಾರೆ. ಆದರೆ ಫೋಟೋ ಶೂಟ್ ಮಾಡಿಸಿಕೊಳ್ಳಲು ಅವಕಾಶವಿಲ್ಲ. ಅದ್ಯಾಕೆ ಜನ ತಪ್ಪು ಭಾವಿಸಿಕೊಂಡರೋ ಗೊತ್ತಿಲ್ಲ.

ಕಾಂಗ್ರೆಸ್ ಗೆ ಅರಿವಾಗದ ಹಿಂದೂಗಳ ಮಹತ್ವ ಜೆಡಿಎಸ್ ಅರಿವಾಯ್ತೆ..?

ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಕರಾವಳಿಯಲ್ಲಿ ಕಾಂಗ್ರೆಸ್ ಸಂಪೂರ್ಣ ನೆಲ ಕಚ್ಚಿತ್ತು. ಆಡಳಿತ ವಿರೋಧಿ ಅಲೆಗಿಂತಲೂ, ಕಾಂಗ್ರೆಸ್ ಗೆ ಮುಳುವಾಗಿದ್ದು, ನಾಯಕರ ಒಣ ಪ್ರತಿಷ್ಟೆ.

ಯುಟಿ ಖಾದರ್ ಒಬ್ಬರೇ ಕಾಂಗ್ರೆಸ್ ನ ಮರ್ಯಾದೆಯನ್ನು ಸ್ವಲ್ಪ ಮಟ್ಟಿಗೆ ಉಳಿಸಿಕೊಟ್ಟಿದ್ದರು.ಆದರೆ ಕಾಂಗ್ರೆಸ್ ಗೆ ಸೋಲಿನ ಕಾರಣವನ್ನು ಅರಿಯುವಲ್ಲಿ ವಿಫಲರಾಗಿದ್ದಾರೆ. ಒಂದು ವೇಳೆ ಸೋಲಿಗೆ ಕಾರಣ ಗೊತ್ತಿದ್ದರೆ ರಮಾನಾಥ ರೈ ಅವರನ್ನು ಲೋಕಸಭಾ ಚುನಾವಣೆಯಲ್ಲಿ ಕಣಕ್ಕೆ ಇಳಿಸುವ ನಿರ್ಧಾರಕ್ಕೆ ಬರುತ್ತಿರಲಿಲ್ಲ.

ಆದರೆ ಕಾಂಗ್ರೆಸ್ ಸೋಲಿಗೆ ಕಾರಣವನ್ನು ಅರಿಯುವ ಪ್ರಯತ್ನಕ್ಕೆ ಜೆಡಿಎಸ್ ಕೈ ಹಾಕಿದೆ. ಮಂಗಳೂರಿನಲ್ಲಿ ಮಾತನಾಡಿರುವ ಜೆಡಿಎಸ್ ನ ವಿಧಾನ ಪರಿಷತ್ ಸದಸ್ಯ ಎಲ್ ಭೋಜೇಗೌಡ , ಕಳೆದ ವಿಧಾನಸಭೆ ಚುನಾವಣೆ ವೇಳೆ ಕರಾವಳಿಯಲ್ಲಿ ಹಿಂದೂಗಳನ್ನು ಕಡೆಗಣಿಸಿದ್ದೇ  ಕಾಂಗ್ರೆಸ್ ಹೀನಾಯ ಸೋಲಿಗೆ ಕಾರಣವಾಯ್ತು ಎಂದಿದ್ದಾರೆ.

ಭೋಜೇಗೌಡರ ಹೇಳಿಕೆಯನ್ನು ಸುಮ್ಮನೆ ತೇಲಿ ಬಿಡುವ ಹಾಗಿಲ್ಲ. ಕಾಂಗ್ರೆಸ್ ನ ವೈಫಲ್ಯವನ್ನು ಕಂಡುಕೊಂಡಿರುವ ಜೆಡಿಎಸ್ ಹಿಂದುತ್ವ ಟ್ರಂಪ್ ಕಾರ್ಡ್ ಅನ್ನು ತೇಲಿ ಬಿಡಲಿದೆಯೇ ಅನ್ನುವ ಅನುಮಾನ ಹುಟ್ಟುವಂತೆ ಮಾಡಿದೆ. ಕರಾವಳಿಯಲ್ಲಿ ನೆಲೆ ಕಳೆದುಕೊಂಡಿರುವ ಜೆಡಿಎಸ್ ಈ ಮೂಲಕ ನೆಲೆ ಕಂಡುಕೊಳ್ಳಲು ಯತ್ನಿಸುತ್ತಿದೆಯೇ ಅನ್ನುವ ಪ್ರಶ್ನೆ ಮೂಡುವಂತೆ ಮಾಡಿದೆ.

ಪ್ರತ್ಯೇಕ ರಾಜ್ಯದ ಬೇಡಿಕೆಗೆ ಅಪ್ಪಾಜಿ ಕ್ಯಾಂಟೀನ್ ನಲ್ಲಿ ಮುಲಾಮು?

ಈಗಾಗಲೇ ಕುಮಾರಸ್ವಾಮಿ ನಮ್ಮ ಮುಖ್ಯಮಂತ್ರಿಯಲ್ಲ ಅನ್ನುವ ಆಂದೋಲನ ಕರಾವಳಿಯಲ್ಲಿ ಸದ್ದು ಮಾಡಿದೆ. ಹೀಗಿರುವಾಗ ಕರಾವಳಿಗರ ಮನ ಗೆಲ್ಲುವ ಪ್ರಯತ್ನಕ್ಕೆ ಜೆಡಿಎಸ್ ಕೈ ಹಾಕಿದೆಯೇ..?

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿರುವ ಭೋಜೇಗೌಡರು, 2013ರ ವಿಧಾನಸಭಾ ಚುನಾವಣೆಯಲ್ಲಿ ಕರಾವಳಿ ಭಾಗದಲ್ಲಿ ಹೆಚ್ಚು ಸ್ಥಾನ ಗಳಿಸಿತ್ತು. ಆದರೆ ಈಗ ಹೀನಾಯವಾಗಿ ಸೋತಿದೆ,ಈ ಚುನಾವಣೆಯಲ್ಲಿ ಹಿಂದೂಗಳ ಮತಗಳು ಎಲ್ಲಿ ಹೋದವು ಎಂಬುದನ್ನು ಪಕ್ಷ ತಿಳಿಯಬೇಕು ಎಂದು ಹೇಳಿದ್ದಾರೆ.

ಮೂರೇ ಮೂರು ಪ್ರಶ್ನೆಗೆ ಉತ್ತರಿಸಿ ದೇವೇಗೌಡರೇ…

ಐದು ವರ್ಷಗಳ  ಕಾಂಗ್ರೆಸ್ ಆಡಳಿತದಲ್ಲಿ ನಡೆದ ಬೆಳವಣಿಗಗಳು ಹಿಂದೂಗಳ ಮತ ಧ್ರುವೀಕರಣಕ್ಕೆ ಕಾರಣವಾಯ್ತು,ಹೀಗಾಗಿ ಕಾಂಗ್ರೆಸ್ ಸೋಲ ಬೇಕಾಯ್ತು ಎಂದಿದ್ದಾರೆ.

ಪ್ರತ್ಯೇಕ ರಾಜ್ಯದ ಬೇಡಿಕೆಗೆ ಅಪ್ಪಾಜಿ ಕ್ಯಾಂಟೀನ್ ನಲ್ಲಿ ಮುಲಾಮು?

ಐದು ರೂಪಾಯಿಗೆ ಮುದ್ದೆ ಬಸ್ಸಾರು ಊಟ ನೀಡುವ ಅಪ್ಪಾಜಿ ಕ್ಯಾಂಟೀನ್ ನಲ್ಲಿ ಇನ್ನು ಮುಂದೆ ಜೋಳದ ರೊಟ್ಟಿ ಎಣ್ಣೆಗಾಯಿ ಪಲ್ಯ ಸಿಗಲಿದೆ.

ಉತ್ತರ ಕರ್ನಾಟಕವನ್ನು ಮುಖ್ಯಮಂತ್ರಿ ಕುಮಾರಸ್ವಾಮಿ ನಿರ್ಲಕ್ಷ್ಯಿಸುತ್ತಿದ್ದಾರೆ ಅನ್ನುವ ಆರೋಪವನ್ನು ತೊಡೆದು ಹಾಕುವ ಸಲುವಾಗಿಯೇ ಅಪ್ಪಾಜಿ ಕ್ಯಾಂಟೀನ್ ಮಾಲೀಕ ಜೆಡಿಎಸ್ ಹಾಗೂ ವಿಧಾನಪರಿಷತ್ ಸದಸ್ಯ ಟಿ.ಎ ಶರವಣ, ಉತ್ತರ ಕರ್ನಾಟಕದ ಊಟವನ್ನು ಪರಿಚಯಿಸಲು ಈ ನಿರ್ಧರಿಸಿದ್ದಾರೆ. ಈ ಮೂಲಕ ಕರ್ನಾಟಕದ ಏಕತೆಯನ್ನು ತೋರಿಸುವ ಸಾಹಸಕ್ಕೆ ಮತ್ತೊಂದು ಹೆಜ್ಜೆ ಇಟ್ಟಿದ್ದಾರೆ.

ರಾಜ್ಯದ ಎಲ್ಲಾ ಭಾಗದ ಜನರ ತ್ಯಾಗದ ಪರಿಣಾಮವಾಗಿ ಅಖಂಡ ಕರ್ನಾಟಕ ನಿರ್ಮಾಣವಾಗಿದೆ,ಆದರೆ ಕೆಲವು ಪಟ್ಟಭದ್ರ ಹಿತಾಸಕ್ತಿಗಳಿಂದಾಗಿ ರಾಜಕೀಯ ಹೆಸರಿನಲ್ಲಿ ರಾಜ್ಯವನ್ನು ಒಡೆಯಲು ಪ್ರಯತ್ನಿಸುತ್ತಿದ್ದಾರೆ, ಅಪ್ಪಾಜಿ ಕ್ಯಾಂಟೀನ್ ಮೂಲಕ ಉತ್ತರ ಕರ್ನಾಟಕ ಮತ್ತು ದಕ್ಷಿಣ ಕರ್ನಾಟಕ ಊಟವನ್ನು ಒಂದೇ ಸ್ಥಳದಲ್ಲಿ ನೀಡುತ್ತೇವೆ ಎಂದು ಅವರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

ಮೂರೇ ಮೂರು ಪ್ರಶ್ನೆಗೆ ಉತ್ತರಿಸಿ ದೇವೇಗೌಡರೇ…

ಪ್ರಸ್ತುತ ಪ್ರತಿದಿನ ಸುಮಾರು 650 ರಾಗಿ ಮುದ್ದೆ ಅಪ್ಪಾಜಿ ಕ್ಯಾಂಟಿನ್ ನಲ್ಲಿ ತಯಾರಾಗುತ್ತಿದೆ. ಮಂಡ್ಯ ಮೂಲದ ಅಡುಗೆಯವರು ಇದನ್ನು ಮಾಡುತ್ತಾರೆ. ಈಗ ಜೋಳದ ರೊಟ್ಟಿ ತಯಾರಿಸಲು ಉತ್ತರ ಕರ್ನಾಟಕ ಅಡುಗೆಯವರನ್ನು ಕರೆ ತರಲಾಗಿದೆ.

ಅಕ್ರಮ ಸಂಬಂಧ ಬಯಲಾದ ಭೀತಿ – ಗಂಡನ ಮರ್ಮಾಂಗವನ್ನು ಕಚ್ಚಿದ ಪತ್ನಿ

ಇದನ್ನು ಪ್ರಚಾರ ಪಡಿಸುವ ಸಲುವಾಗಿಯೇ ಶನಿವಾರ ವಿಶೇಷ ಸ್ಪರ್ಧೆ ಆಯೋಜಿಸಲಾಗಿದೆ. 10 ನಿಮಿಷದಲ್ಲಿ ಯಾರು ಹೆಚ್ಚು ಜೋಳದ ರೊಟ್ಟಿ ಹಾಗೂ ಮುದ್ದೆ ತಿನ್ನುತ್ತಾರೋ ಅವರಿಗೆ ಒಂದು ತಿಂಗಳು ಪೂರ್ತಿ ಅಪ್ಪಾಜಿ ಕ್ಯಾಂಟೀನ್ ನಲ್ಲಿ ಉಚಿತ ಊಟ ಸಿಗಲಿದೆ.

ಶರವಣ ಪ್ಲಾನ್ ಬಗ್ಗೆ ನಾವೇನು ಹೇಳುವುದಿಲ್ಲ. ಓದುಗರಾದ ನೀವೇ ಕಮೆಂಟ್ ಮಾಡಬೇಕು.

ದೊಡ್ಡ ಅಪಾಯದಿಂದ ಪಾರಾದ ದೊಡ್ಡಗೌಡರು

ಅಕ್ರಮ ಸಂಬಂಧ ಬಯಲಾದ ಭೀತಿ – ಗಂಡನ ಮರ್ಮಾಂಗವನ್ನು ಕಚ್ಚಿದ ಪತ್ನಿ

ಪ್ರಿಯಕರನ ಜೊತೆಗಿನ ಪ್ರಣಯದಾಟವನ್ನು ಪತಿ ನೋಡಿದ್ದು,ಅದನ್ನು ಗ್ರಾಮಸ್ಥರಿಗೆ ಹೇಳುತ್ತಾನೆ ಅನ್ನುವ ಭೀತಿಯಿಂದ ಗಂಡನ ಮರ್ಮಾಂಗವನ್ನೇ ಪತ್ನಿಯೊಬ್ಬಳು ಕಚ್ಚಿ ತುಂಡರಿಸಿದ ಘಟನೆ ತಮಿಳುನಾಡಿನ ವೆಲ್ಲೂರು ಜಿಲ್ಲೆಯಲ್ಲಿ ನಡೆದಿದೆ.

ಕಳೆದ ಸೋಮವಾರ ಗುಡಿಯಾಟಂನ ಥುರೈಮೂಲೈ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು,ಪತಿ ಸೆಂತಮಾರೈ ನ ಮರ್ಮಾಂಗ ಕಚ್ಚಿದ ಪತ್ನಿ ಜಯಂತಿಯನ್ನು(45)ಯನ್ನು ಪೊಲೀಸರು ಬಂಧಿಸಿದ್ದಾರೆ.

ಸೆಂತಮಾರೈನನ್ನು ಸ್ಥಳೀಯರು ವೆಲ್ಲೂರು ಸರ್ಕಾರಿ ಆಸ್ಪತ್ರೆಗೆ ಸೇರಿಸಿದ್ದು,ಹೆಚ್ಚಿನ ಚಿಕಿತ್ಸೆಗಾಗಿ ರಾಜೀವ್‌ ಗಾಂಧಿ ಸರ್ಕಾರಿ ವೈದ್ಯಕೀಯ ಆಸ್ಪತ್ರೆಗೆ ರವಾನಿಸಲಾಗಿದ್ದು, ಸೆಂತಮಾರೈ ಆರೋಗ್ಯ ಸ್ಥಿತಿ ಸ್ಥಿರವಾಗಿದೆ.

ಜಯಂತಿ ಹಾಗೂ ಸೆಂತಮಾರೈ ಕಳೆದ ಭಾನುವಾರ ರಾತ್ರಿ ಗ್ರಾಮದ ಆಷಾಢ ಮಾಸದ ವಿಶೇಷ ಹಬ್ಬಕ್ಕಾಗಿ ದೇವಸ್ಥಾನಕ್ಕೆ ತೆರಳಿದ್ದರು. ಸುಮಾರು ಮಧ್ಯರಾತ್ರಿ 1.30 ರ ವೇಳೆ ಜಯಂತಿ ಸೆಂತಮಾರೈ ನ ಕಣ್ಣು ತಪ್ಪಿಸಿದ್ದಾಳೆ. ಒಂದು ಗಂಟೆಗೂ ಹೆಚ್ಚು ಹೊತ್ತಾದರೂ,ಜಯಂತಿ ಕಾಣದೇ ಇದ್ದುದರಿಂದ ಪತ್ನಿಯನ್ನು ಹುಡುಕಿಕೊಂಡು ಸೆಂತಮಾರೈ ತೆರಳಿದ್ದಾನೆ. ಈ ವೇಳೆ ಪತ್ನಿ ಗ್ರಾಮದ ದಚ್ಚನಮೂರ್ತಿ ಎಂಬಾತನ ಜೊತೆ ಇರುವುದನ್ನು ನೋಡಿದ್ದಾನೆ.

ಈ ವೇಳೆ  ನಿಮ್ಮಿಬ್ಬರ ಅಕ್ರಮ ಸಂಬಂಧವನ್ನು ಗ್ರಾಮದಲ್ಲಿ ಬಹಿರಂಗಪಡಿಸುವುದಾಗಿ ಸೆಂತಮಾರೈ ಬೆದರಿಕೆ ಹಾಕಿದ್ದಾನೆ. ಈ ವೇಳೆ ಗಲಾಟೆ ನಡೆದಿದೆ. ಸೆಂತಮಾರೈ ನ ಪಂಚೆ ಕಳಚಿ ಬಿದ್ದಿದೆ. ಗ್ರಾಮಸ್ಥರಿಗೆ ವಿಚಾರ ಗೊತ್ತಾದರೆ,ಇಬ್ಬರಿಗೂ ಧರ್ಮದೇಟು ಬೀಳುತ್ತದೆ ಎಂಬ ಭಯದಲ್ಲಿಯಂತಿ ಸೆಂತಮಾರೈ ನ ಮರ್ಮಾಂಗವನ್ನು ಕಚ್ಚಿ ಹಲ್ಲೆ ನಡೆಸಿದ್ದಾಳೆ.

ಘಟನೆಗೆ ಸಂಬಂಧಿಸಿದಂತೆ ಪತ್ನಿ ಜಯಂತಿ ವಿರುದ್ಧ ಕೊಲೆ ಯತ್ನದ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಬೆಂಗಳೂರು ಪೊಲೀಸ್ ಆಯುಕ್ತರನ್ನೇ ಕರೆಸಿದ್ಯಾಕೆ ಹೈಕೋರ್ಟ್..?

ಕೆಲ ದಿನಗಳ ಹಿಂದಷ್ಟೇ ನಗರದಲ್ಲಿ ಫ್ಲೆಕ್ಸ್ ಹಾವಳಿ ವಿರುದ್ಧ ಗುಡುಗಿದ್ದ ಹೈಕೋರ್ಟ್, ಬಿಬಿಎಂಪಿಯನ್ನು ಹಿಗ್ಗಾ ಮುಗ್ಗಾ ಜಾಡಿಸಿತ್ತು. ಆದರೆ ದಪ್ಪ ಚರ್ಮದ ಬಿಬಿಎಂಪಿಗೆ ಅದೆಷ್ಟರ ಮಟ್ಟಿಗೆ ತಟ್ಟಿದೆ ಅನ್ನುವುದು ಅರಿವಾಗಲು ಇನ್ನೊಂದಿಷ್ಟು ದಿನ ಬೇಕು. ಹೈಕೋರ್ಟ್ ಚಾಟಿ ಎಂದು ಮಾಧ್ಯಮಗಳಲ್ಲಿ ವರದಿಯಾದ ಕಾರಣ  ಬಿಬಿಎಂಪಿ ಅಕ್ರಮವಾಗಿ ಹಾಕಿದ ಜಾಹೀರಾತನ್ನು ತೆರವು ಮಾಡುತ್ತಿದೆ.

ಈ ನಡುವೆ ತೆರವು ಕಾರ್ಯಾಚರಣೆ ವೇಳೆ ಬಿಬಿಎಂಪಿ ಸಿಬ್ಬಂದಿ ಮೇಲೆ ಹಲ್ಲೆ ನಡೆಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹೈಕೋರ್ಟ್ ನಗರ ಪೊಲೀಸ್ ಆಯುಕ್ತರನ್ನು ಶುಕ್ರವಾರ ತರಾಟೆಗೆ ತೆಗೆದುಕೊಂಡಿದೆ.

ಘಟನೆಗೆ ಸಂಬಂಧಿಸಿದಂತೆ ನಗರ ಪೊಲೀಸ್ ಆಯುಕ್ತ ಟಿ. ಸುನೀಲ್ ಕುಮಾರ್ ಅವರನ್ನು ಕೋರ್ಟ್ ಗೆ ಕರೆಯಿಸಿಕೊಂಡ ಮುಖ್ಯ ನ್ಯಾಯಮೂರ್ತಿ ದಿನೇಶ್ ಮಾಹೇಶ್ವರಿಯವರು, ಆಯುಕ್ತರಿಗೆ ಪ್ರಶ್ನೆಗಳ ಸರಮಾಲೆ ಎಸೆದರು.

ಹಲ್ಲೆ ನಡೆಸಿದವರ ವಿರುದ್ಧ ಪ್ರಕರಣ ದಾಖಲಿಸಿದ್ದೀರಾ..?

ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಷ್ಟು ಆರೋಪಿಗಳನ್ನು ಬಂಧಿಸಿದ್ದೀರಿ?

ಆರೋಪಿಗಳೇನಾದರೂ ಜಾಮೀನು ಕೋರಿ ಅರ್ಜಿ ಸಲ್ಲಿಸಿದ್ದಾರೆಯೇ?

ಎಂದು ಪ್ರಶ್ನಿಸಿದ ಮಾಹೇಶ್ವರಿ, ಹಲ್ಲೆ ನಡೆಸಿದವರ ವಿರುದ್ಧ ಸಮಾಜದಲ್ಲಿ ಶಾಂತಿ ಕದಡಿದ ಆರೋಪದಡಿ ಪ್ರಕರಣ ದಾಖಲಿಸುವಂತೆ ಪೊಲೀಸ್ ಆಯುಕ್ತರಿಗೆ ಕಟ್ಟಪ್ಪಣೆ  ವಿಧಿಸಿದರು.

ಅಧಿಕಾರಿಗಳ ಮೈ ಮುಟ್ಟಿದರೆ ಅವರಿಗೆ ತಕ್ಕ ಶಾಸ್ತಿ ಮಾಡಲಾಗುವುದು ಎಂದು ಎಚ್ಚರಿಕೆ ನೀಡಿದ ಕೋರ್ಟ್, ಹಲ್ಲೆ ನಡೆಸಿದವರ ವಿರುದ್ಧ ನಿರ್ದಾಕ್ಷಿಣ್ಯವಾಗಿ ಕ್ರಮ ತೆಗೆದುಕೊಳ್ಳಿ ಎಂದು ಆಯುಕ್ತರಿಗೆ ಸೂಚಿಸಿದೆ.

ಘಟನೆ ವಿವರ..

ಹೈಕೋರ್ಟ್ ಆದೇಶದಿಂದ ಎಚ್ಚೆತ್ತುಕೊಂಡ ಬಿಬಿಎಂಪಿ ಆಯುಕ್ತರು, ಎಲ್ಲ ಸಿಬ್ಬಂದಿಗೆ ಅನಧಿಕೃತ ಬ್ಯಾನರ್ ಹಾಗೂ ಫ್ಲೆಕ್ಸ್ ತೆರವು ಮಾಡುವಂತೆ ಆದೇಶ ನೀಡಿದ್ದರು. ಹೀಗಾಗಿ ಗುರುವಾರವೂ ಬಿಬಿಎಂಪಿ ಸಿಬ್ಬಂದಿ ಫ್ಲೆಕ್ಸ್ ಹಾಗೂ ಬ್ಯಾನರ್ ತೆರವು ಕಾರ್ಯ ಮುಂದುವರಿಸಿದ್ದರು. ಟಿನ್ ಫ್ಯಾಕ್ಟರಿ ಬಳಿ ಹಾಕಲಾಗಿದ್ದ ಫ್ಲೆಕ್ಸ್ ಹಾಗೂ ಬ್ಯಾನರ್‍ಗಳನ್ನು ತೆಗೆಯುತ್ತಿದ್ದಾಗ ಆರೋಪಿಗಳು ಆಕ್ಷೇಪ ವ್ಯಕ್ತಪಡಿಸಿದ್ದರು. ಈ ವೇಳೆ ಹೆಚ್.ಎ.ಎಲ್ ಸಹಾಯಕ ಕಂದಾಯ ಅಧಿಕಾರಿ ಭಟ್ಟಾಚಾರ್ಯ ಅವರ ಮೇಲೆ ಹಲ್ಲೆ ಮಾಡಿ, ಆರೋಪಿಗಳು ಪರಾರಿಯಾಗಿದ್ದರು.

ಈ ಮಧ್ಯೆ, ಮಹದೇವಪುರ ವಲಯದ ಟಿನ್ ಫ್ಯಾಕ್ಟರಿ ಬಳಿ ಫ್ಲೆಕ್ಸ್ ಹಾಗೂ ಬ್ಯಾನರ್ ತೆರವು ಮಾಡುತ್ತಿದ್ದ ಬಿಬಿಎಂಪಿ ಸಿಬ್ಬಂದಿಯ ಮೇಲೆ ಹಲ್ಲೆ ನಡೆಸಿದ್ದ ನಾಲ್ವರನ್ನು ಪೊಲೀಸರು ಶುಕ್ರವಾರ ಬಂಧಿಸಿದ್ದು, ಟಿನ್ ಫ್ಯಾಕ್ಟರಿ ಸಮೀಪದ ಉದಯನಗರ ನಿವಾಸಿಗಳಾದ ರಾಜೇಂದ್ರ, ಸಿಮ್ಸನ್, ಕಮಲನಾಥ್, ಸೂರ್ಯ ಬಂಧಿತ ಆರೋಪಿಗಳು ಎನ್ನಲಾಗಿದೆ.

ಇಡೀ ಪ್ರಕರಣ ನೋಡಿದರೆ ಕುಮಾರಸ್ವಾಮಿ ಸರ್ಕಾರದ ಲೋಪ ಎದ್ದು ಕಾಣುತ್ತಿದೆ. ಅಕ್ರಮ ಫ್ಲೆಕ್ಸ್ ಪ್ರಕರಣದಲ್ಲಿ ರಾಜ್ಯ ಸರ್ಕಾರ ಸರಿಯಾಗಿ ಕೆಲಸ ಮಾಡಿದ್ದರೆ ಹೈಕೋರ್ಟ್ ಮಧ್ಯ ಪ್ರವೇಶ ಅಗತ್ಯವೇ ಇರಲಿಲ್ಲ. ಕೋರ್ಟ್ ಗೆ ಮಾಡಲು ಸಾಕಷ್ಟು ಕೆಲಸವಿದೆ ಅನ್ನುವ ಅರಿವು, ಕಾಳಜಿ ರಾಜ್ಯ ಸರ್ಕಾರಕ್ಕೆ ಇರುತ್ತಿದ್ದರೆ ಪ್ರಕರಣ ಕೋರ್ಟ್ ಮೆಟ್ಟಿಲು ಏರುತ್ತಿರಲಿಲ್ಲ.

ಇದನ್ನೂ ನೋಡಿ : ಮೋದಿಯವರೇ ನೀವು ಹೀಗೆ ಮಾಡಬಾರದಿತ್ತು

ಅಕ್ರಮ ಜಾಹೀರಾತು ತೆರವುಗೊಳಿಸಿ ಎಂದು ಬೆಂಗಳೂರು ಉಸ್ತುವಾರಿ ಸಚಿವ ಪರಮೇಶ್ವರ್ ಸೂಚಿಸಿದ್ದರೆ ಸಾಕಿತ್ತು. ಪಾಪ ಅವರು ಹೇಗೆ ತಾನೇ ಹೇಳಲು ಸಾಧ್ಯ , ಪ್ಲೆಕ್ಸ್ ಬ್ಯಾನರ್ ಹಾಕುವ ಮಂದಿ ರಾಜಕೀಯ ನಾಯಕರ ಚೇಲಾಗಳು ತಾನೇ.

ಒಟ್ಟಿನಲ್ಲಿ ರಾಜ್ಯ ಸರ್ಕಾರದ ವೈಫಲ್ಯ ರಾಜ್ಯದ ಮಾನವನ್ನು ರಾಷ್ಟ್ರೀಯ ಮಟ್ಟದಲ್ಲಿ ಹರಾಜು ಮಾಡಿದೆ.