ಸೂಕ್ತ ವ್ಯಕ್ತಿಯೇ ಸಿಕ್ಕಿಲ್ಲ… ಇನ್ನೇಲ್ಲಿ ಉತ್ತರಾಧಿಕಾರಿ

ಶೀರೂರು ಮಠಕ್ಕೆ ಇನ್ನೊಂದಿಷ್ಟು ದಿನ ಉತ್ತರಾಧಿಕಾರಿ ನೇಮಕವಾಗುವ ಸಾಧ್ಯತೆಗಳಿಲ್ಲ. ಬದಲಾಗಿ ಕಾದು ನೋಡುವ ತಂತ್ರಕ್ಕೆ ಉತ್ತರಾಧಿಕಾರಿ ನೇಮಕದ ಜವಾಬ್ದಾರಿ ಹೊತ್ತಿರುವ ದ್ವಂದ ಮಠದ ವಿಶ್ವವಲ್ಲಭ ತೀರ್ಥರು ನಿರ್ಧರಿಸಿದ್ದಾರೆ.

ಈ ಮೊದಲು ಚಾತುರ್ಮಾಸ ಪ್ರಾರಂಭವಾಗುವುದರೊಳಗೆ ಉತ್ತರಾಧಿಕಾರಿ ನೇಮಕವಾಗುವ ನಿರೀಕ್ಷೆ ಇತ್ತು. ಆದರೆ ಶ್ರೀಗಳ ಸಾವಿನ ಬಗ್ಗೆ ಪೊಲೀಸರು ನಡೆಸುತ್ತಿರುವ ತನಿಖೆಗೆ ಅಡ್ಡಿಯಾಗಬಾರದು ಎಂದು ಉತ್ತರಾಧಿಕಾರಿ ಪ್ರಕ್ರಿಯೆಯನ್ನು ಮುಂದೂಡಲಾಗಿದೆ.ಶೀರೂರು ಮೂಲ ಮಠ ಪೊಲೀಸರ ಸುಪರ್ದಿಯಲ್ಲಿರುವುದೇ ಇದಕ್ಕೆ ಕಾರಣ.

ಇನ್ನು ಪೊಲೀಸ್ ತನಿಖೆ ಮುಕ್ತಾಯವಾದ ನಂತರ ಹಾದಿ ತಪ್ಪಿರುವ ಶೀರೂರು ಮಠದ ಆಡಳಿತ ವ್ಯವಸ್ಥೆ ಮತ್ತು ಪೂಜೆಯನ್ನು ಸರಿ ದಾರಿಗೆ ತರಬೇಕಾಗಿದೆ. ಉತ್ತರಾಧಿಕಾರಿ ನೇಮಕವಾದರೆ ಇದು ಕಷ್ಟ. ಇದು ಕೂಡಾ ಉತ್ತರಾಧಿಕಾರಿ ನೇಮಕ ಪ್ರಕ್ರಿಯೆ ವಿಳಂಭಕ್ಕೆ ಕಾರಣ ಎನ್ನಲಾಗಿದೆ.

ಇನ್ನು ಉತ್ತರಾಧಿಕಾರಿಯಾಗುವವರಿಗೆ 18 ವರ್ಷ ತುಂಬಿರಬೇಕು, ಜಾತಕ ಕೂಡಿಬರಬೇಕು. ಶಾಸ್ತ್ರಾಭ್ಯಾಸ ಮಾಡಿರಬೇಕು. ಅಂಥವರು ಸಿಕ್ಕ ಬಳಿಕ ಅವರ ಪೂರ್ವಾಪರಗಳನ್ನು ತಿಳಿಯಬೇಕು. ಅಂತಹ ಯಾವ ವ್ಯಕ್ತಿಗಳು ಸೋದೆ ಶ್ರೀಗಳ ಗಮನಕ್ಕೆ ಬಂದಿಲ್ಲ.

ಚಾರ್ತುಮಾಸ ಸಂದರ್ಭದಲ್ಲಿ ಉತ್ತರಾಧಿಕಾರಿಯನ್ನು ಹುಡುಕಿಕೊಂಡು ಕೂರಲು ಅಷ್ಟ ಮಠಕ್ಕೆ ಸಮಯವಿಲ್ಲ. ಹೀಗಾಗಿ ಚಾರ್ತುಮಾಸ ಮುಗಿಯುವ ತನಕ ಉತ್ತರಾಧಿಕಾರಿ ನೇಮಕ ಪ್ರಸ್ತಾಪವಾಗುವುದಿಲ್ಲ.

ಚಾರ್ತುಮಾಸ ಮುಗಿದ ಮೇಲೂ ಸಾಕಷ್ಟು ಸಮಯ ತೆಗೆದುಕೊಳ್ಳುವ ಸಾಧ್ಯತೆಗಳಿದೆ. ಅಷ್ಟು ಹೊತ್ತಿಗೆ ಪೊಲೀಸ್ ತನಿಖೆ ಒಂದು ಹಂತಕ್ಕೆ ಬಂದಿರುತ್ತದೆ. ಮಠದೊಳಗಿನ ರಹಸ್ಯ, ಪಟ್ಟದರಸಿಯ ಕಾಟ, ಆಸ್ತಿ ಪಾಸ್ತಿಯಲ್ಲಿ ಕೈಯಾಡಿಸಿದವರ ವಿವರ ಬಹಿರಂಗವಾಗಿರುತ್ತದೆ.

ಇನ್ನು ಆ ತನಕ ಶಿರೂರು ಮಠ ಮತ್ತು ಮೂಲ ಮಠದ ಉಸ್ತುವಾರಿ ನೋಡಿಕೊಳ್ಳಲು 5 ಮಂದಿಯ ಸಮಿತಿ ನೇಮಕವಾಗಲಿದೆ. ಸಮಿತಿ ಶೀರೂರು ಮಠದಲ್ಲಿ ಇದ್ದ ಆಸ್ತಿ, ಕರಗಿದ ಆಸ್ತಿ, ಯಾರು ಏನೇನೂ ಮಾಡಿದರೂ ಅನ್ನುವ ಮಾಹಿತಿ ಕಲೆ ಹಾಕಲಿದೆ.

Advertisements

ದೇವೇಗೌಡರಿಗೆ ನಿರಾಶೆ – ಭಾರತದ ಮುಂದಿನ ಪ್ರಧಾನಿ ಮಮತಾ ಬ್ಯಾನರ್ಜಿ..!

ಬಿಜೆಪಿಯನ್ನು ಸೋಲಿಸಬೇಕು ಎಂದು ಪಣ ತೊಟ್ಟಿರುವ ಕಾಂಗ್ರೆಸ್ ತ್ಯಾಗಮಯಿಯಾಗಲು ನಿರ್ಧರಿಸಿದೆ. ಕರ್ನಾಟಕದಲ್ಲಿ ಮುಖ್ಯಮಂತ್ರಿ ಸ್ಥಾನವನ್ನು ಕಾಂಗ್ರೆಸ್ ಗೆ ನೀಡಿದಂತೆ, ಪ್ರಧಾನಿ ಹುದ್ದೆಯನ್ನು ಮಿತ್ರಪಕ್ಷಗಳಿಗೆ ನೀಡಲು ನಿರ್ಧರಿಸಿದೆ.

ರಾಹುಲ್ ಗಾಂಧಿ ಮೇಲೆ ಸಾಕಷ್ಟು ಆರೋಪಗಳಿರುವುದರಿಂದ ಮುಂದೆ ಇದು ಸಮಸ್ಯೆಯಾಗಬಹುದು ಅನ್ನುವ ಕಾರಣದಿಂದ ರಾಹುಲ್ ಗಾಂಧಿ ಮಿತ್ರ ಪಕ್ಷಗಳ ಪೈಕಿ ಯಾರಾದರೂ ಪ್ರಧಾನಿಯಾಗಲಿ, ಮೋದಿ ಮತ್ತೊಂದು ಅವಧಿ ಪ್ರಧಾನಿಯಾಗಬಾರದು ಅನ್ನುವ ಸಂದೇಶ ಕೊಟ್ಟಿದ್ದರು.

ಇದರ ಬೆನ್ನಲ್ಲೇ ಪದ್ಮನಾಭನಗರದಲ್ಲಿ ಕೂತಿದ್ದ ಮಾಜಿ ಪ್ರಧಾನಿಗಳ ಕಣ್ಣ ಮುಂದೆ ಕೆಂಪು ಕೋಟೆಯ ಚಿತ್ರ ಹಾದು ಹೋಗಿದ್ದು ಸುಳ್ಳಲ್ಲ.

ಈಗ ರಾಹುಲ್ ಸ್ಥಾನಕ್ಕೆ ಮಮತಾ ಬ್ಯಾನರ್ಜಿ ಬರುವ ಲಕ್ಷಣ ಕಾಣಿಸುತ್ತಿದೆ. ಈ ಬಗ್ಗೆ ಜಮ್ಮು-ಕಾಶ್ಮೀರ ಮಾಜಿ ಸಿಎಂ ಓಮರ್ ಅಬ್ದುಲ್ಲಾ ಸುಳಿವು ಕೊಟ್ಟಿದ್ದಾರೆ.

ಪಶ್ಚಿಮ ಬಂಗಾಳದ ಸಚಿವಾಲಯದಲ್ಲಿ ಮಮತಾ ಬ್ಯಾನರ್ಜಿ ಅವರನ್ನು ಭೇಟಿ ಮಾಡಿರುವ ಓಮರ್ ಅಬ್ದುಲ್ಲಾ, “ನಾವು ಮಮತಾ ಬ್ಯಾನರ್ಜಿಯವರನ್ನು ರಾಷ್ಟ್ರ ರಾಜಧಾನಿಗೆ ಕರೆದುಕೊಂಡು ಹೋಗುತ್ತೇವೆ, ಆ ಮೂಲಕ ಮಮತಾ ಬ್ಯಾನರ್ಜಿಯವರು ಕೋಲ್ಕತ್ತಾದಲ್ಲಿ ಮಾಡಿರುವ ಕೆಲಸಗಳನ್ನು ಇಡೀ ದೇಶಕ್ಕೂ ಅಳವಡಿಸಬಹುದು ಎಂದು ಹೇಳಿದ್ದಾರೆ.

ಅಬ್ದುಲ್ಲಾ ಹೇಳಿಕೆ ಮಮತಾ ಪ್ರಧಾನಿ ಎಂಬ ಅರ್ಥ ಕೊಡ್ತೋ, ಓಮರ್ ಅಬ್ದುಲ್ಲಾ, 2019 ರ ಲೋಕಸಭಾ ಚುನಾವಣೆ ಇನ್ನೂ ಘೋಷಣೆಯಾಗಿಲ್ಲ. ಆದ್ದರಿಂದ ಪ್ರಧಾನಿ ಅಭ್ಯರ್ಥಿ ಬಗ್ಗೆ ಈಗಲೇ ಚರ್ಚೆ ಬೇಡ ಎಂದರು.

ಯುಪಿಎ ಮೈತ್ರಿ ಕೂಟದಲ್ಲಿ ಇನ್ನಷ್ಟು ಮಂದಿ ಮುಖಂಡರು ಪ್ರಧಾನಿ ಹುದ್ದೆ ಮೇಲೆ ಕಣ್ಣಿಟ್ಟಿದ್ದಾರೆ. ಓಮರ್ ಅಬ್ದುಲ್ಲಾ ಕೇಳಿ ಮಾಯಾವತಿ ಕೆಲವೇ ದಿನಗಳಲ್ಲಿ ಕೆಮ್ಮುವ ಸಾಧ್ಯತೆಗಳಿದೆ ಕಾದು ನೋಡಿ.

ಸಹೋದರ ಸಾವಿಗೆ ನ್ಯಾಯ ಕೊಡಿ – ಸಾವಿರ ದಿನಕ್ಕೆ ಕಾಲಿಟ್ಟ ಕೇರಳ ಯುವಕನ ಹೋರಾಟ

ಗುರುವಾರ ಬೆಳಗ್ಗೆ ದಿನ ಪತ್ರಿಕೆ ನೋಡಿದವರಿಗೆ ನೆಮ್ಮದಿಯ ಸುದ್ದಿಯೊಂದು ಸಿಕ್ಕಿತ್ತು. ನೋವಿನಲ್ಲೂ ನಿಟ್ಟುಸಿರು ಬಿಟ್ಟ ಸುದ್ದಿಯದು. ಮಗನ ಸಾವಿಗೆ ನ್ಯಾಯ ಕೊಡಿ ಎಂದು ಪದ್ಮಾವತಿ ಅಮ್ಮ ಹೋರಾಡಿದ ಸುದ್ದಿಯದು.

13 ವರ್ಷಗಳ ಕಾಲ ಹೋರಾಡಿದ 67ರ ಹರೆಯದ ಹಿರಿಯ ಜೀವವೊಂದು ಮಗನನ್ನು ಕೊಂದ ಪೊಲೀಸರಿಗೆ ಗಲ್ಲು ಶಿಕ್ಷೆ ವಿಧಿಸುವಂತೆ ಮಾಡುವಲ್ಲಿ ಯಶಸ್ವಿಯಾಗಿತ್ತು.

ಈ ನಡುವೆ ಸಹೋದರ ಸಾವಿಗೆ ನ್ಯಾಯ ಬೇಕು,ಅಣ್ಣನನ್ನು ಕೊಂದ ಪೊಲೀಸರಿಗೆ ಶಿಕ್ಷೆಯಾಗಬೇಕು ಎಂದು ಯುವಕನೊಬ್ಬ ಕೇರಳ Secretariat ಮುಂದೆ ಪ್ರತಿಭಟನೆ ನಡೆಸುತ್ತಿದ್ದಾರೆ.

ಶ್ರೀಜಿತ್  ತನ್ನ ಸಹೋದರ ಶ್ರೀಜೀವ್ ಸಾವಿಗೆ ನ್ಯಾಯ ಕೇಳುತ್ತಿದ್ದು, ಪ್ರತಿಭಟನೆ 957ನೇ ದಿನಕ್ಕೆ ಕಾಲಿಟ್ಟಿದೆ.

ಶ್ರೀಜೀವ್ ಸಾವು ಹೇಗಾಯ್ತು..?

ಶ್ರೀಜಿತ್ ಸಹೋದರ ಶ್ರೀಜೀವ್ ನನ್ನು ಪರಶಾಲಾ ಪೊಲೀಸರು ಕಳ್ಳತನ ಪ್ರಕರಣವೊಂದರಲ್ಲಿ ಬಂಧಿಸಿದ್ದರು. ಮಾರ್ಚ್ 2014 ರಂದು ಬಂಧಿಸಿದ ಕೆಲವೇ ದಿನಗಳಲ್ಲಿ ಶ್ರೀಜೀವ್ ಮೃತಪಟ್ಟಿದ್ದ. ಪೊಲೀಸರ ಪ್ರಕಾರ ವಿಷ ಸೇವಿಸಿ ಆತ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಆದರೆ ಕುಟುಂಬಸ್ಥರ ಪ್ರಕಾರ ಇದೊಂದು ಲಾಕಪ್ ಡೆತ್. ಪೊಲೀಸರೇ ಕೊಲೆಗಾರರು ಎಂದು ಆರೋಪಿಸಿರುವ ಕುಟುಂಬ ನ್ಯಾಯದ ನಿರೀಕ್ಷೆಯಲ್ಲಿದೆ.

ಇದಕ್ಕೆ ಪೂರಕ ಅನ್ನುವಂತೆ 2016 ರಲ್ಲಿ Police Complaint Authority ನಡೆಸಿದ ತನಿಖೆಯಲ್ಲಿ ಶ್ರೀಜೀವ್ ನದ್ದು ಲಾಕಪ್ ಡೆತ್ ಎಂದು ಬಯಲಾಗಿತ್ತು. ಜೊತೆಗೆ ಪೊಲೀಸರು ಹೇಳಿದ್ದು ಕಟ್ಟು ಕಥೆ ಎಂದು ಸಾರಿತ್ತು.

ಬಳಿಕ ನ್ಯಾಯಕ್ಕಾಗಿ ಮತ್ತೊಂದು ಸುತ್ತಿನ ಹೋರಾಟ ಪ್ರಾರಂಭವಾಯ್ತು. ಕೇರಳದ ಅನೇಕ ಮಂದಿ ಶ್ರೀಜಿತ್ ಹೋರಾಟಕ್ಕೆ ಕೈ ಜೋಡಿಸಿದರು. ಇದರಿಂದ ಒತ್ತಡಕ್ಕೆ ಮಣಿದ ಕೇರಳ ಸರ್ಕಾರ ಪ್ರಕರಣವನ್ನು ಸಿಬಿಐ ತನಿಖೆ ಒಪ್ಪಿಸಿದೆ. ಇದೇ ವೇಳೆ ಕೇರಳ ಸರ್ಕಾರ 10 ಲಕ್ಷ ರೂಪಾಯಿ ಪರಿಹಾರವನ್ನೂ ಘೋಷಿಸಿತ್ತು.

ಸಿಬಿಐ ಶ್ರೀಜೀವ್ ಸಾವಿನ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶ್ರೀಜಿತ್ ನ ಹೇಳಿಕೆಯನ್ನು ಇದೇ ಜನವರಿಯಲ್ಲಿ ಪಡೆದುಕೊಂಡ ನಂತರ ಪ್ರತಿಭಟನೆ ನಿಲ್ಲಿಸಿದ್ದಾರೆ. ಅಷ್ಟು ಹೊತ್ತಿಗೆ ಪ್ರತಿಭಟನೆ 767 ದಿನಗಳನ್ನು ತಲಪಿತ್ತು. ಆದರೆ ಹೋರಾಟ ಮುಂದುವರಿದಿದೆ. ಉದಯ್ ಕುಮಾರ್ ಸಾವಿಗೆ ನ್ಯಾಯ ಸಿಕ್ಕಂತೆ ನನ್ನ ಸಹೋದರ ಸಾವಿಗೂ ಸಿಬಿಐ ತನಿಖೆಯಿಂದ ನ್ಯಾಯ ಸಿಗಲಿದೆ ಅನ್ನುವುದು ಇವರ ವಿಶ್ವಾಸ.

ಮದ್ಯ ಮಾನಿನಿಯ ಪ್ರೇಮಿ ಸ್ವಾಮೀಜಿಗೆ ವೃಂದಾವನ ಬೇಕಾ…?

ಶಿರೂರು ಮಠದ ಶ್ರೀಲಕ್ಷ್ಮಿವರ ತೀರ್ಥ ಸ್ವಾಮೀಜಿ ಒಬ್ಬ ಭ್ರಷ್ಟ ಸನ್ಯಾಸಿ ಅವರು ಮಠಾಧೀಶರೇ ಅಲ್ಲ ಎಂದು ಪೇಜಾವರ ಶ್ರೀಗಳು ಹೇಳಿದ್ದರು.

ಜೊತೆಗೆ ಶೀರೂರು ಶ್ರೀಗಳ ಸಾವಿನ ಸಂದರ್ಭದಲ್ಲಿ ಅಂತಿಮ ದರ್ಶನ ಪಡೆಯಲು ಹೋಗಿರಲಿಲ್ಲ.ಮಠಾಧೀಶರಿಗೆ ಬೇರೆ ಮಠಾಧೀಶರು ನಿಧನರಾದ ವೇಳೆ ಮುಖ ದರ್ಶನ ಮಾಡಲು ಅವಕಾಶವಿದೆ. ಆದರೆ ಮಠಾಧೀಶರಲ್ಲದವರು ನಿಧನ ಹೊಂದಿದ್ದರೆ ಮುಖ ದರ್ಶನಕ್ಕೆ ಅವಕಾಶವಿಲ್ಲ.

ಪೇಜಾವರ ಶ್ರೀಗಳು ಶೀರೂರು ಸ್ವಾಮೀಗಳನ್ನು ಮಠಾಧೀಶರೇ ಅಲ್ಲ ಎಂದಿದ್ದರು. ಆದರೂ ಸಮಾಧಿ ಬಳಿಕ ಅಂತಿಮ ಗೌರವ ಸಲ್ಲಿಸಿದ್ದರು.

ಇದೀಗ ಶೀರೂರು ಶ್ರೀಗಳ ಬಂಗಾರದ ವ್ಯಾಮೋಹ, ರಿಯಲ್ ಎಸ್ಟೇಟ್ ಉದ್ಯಮ ಪ್ರೇಮ ಬಹಿರಂಗವಾಗಿದೆ. ಮಾತ್ರವಲ್ಲದೆ ಹೆಣ್ಣು, ಹೆಂಡದ ಸಹವಾಸ, ಮಾನಿನಿ, ಮದಿರೆಯೇ ಸಾವಿಗೆ ಕಾರಣ ಅನ್ನುವುದು ಬಹಿರಂಗವಾಗಿದೆ.

ಈ ನಡುವೆ ಶೀರೂರು ಶ್ರೀಗಳಿಗೆ ವೃಂದಾವನ ನಿರ್ಮಿಸಬೇಕಾ ಅನ್ನುವ ಪ್ರಶ್ನೆ ಎದ್ದಿದೆ.ಸಂಪ್ರದಾಯದಂತೆ ಸಮಾಧಿ ಮಾಡಿದ ಜಾಗದಲ್ಲಿ 12 ನೇ ದಿನ ಆರಾಧನೆ ನೆರವೇರಿಸಿ ಕಲ್ಲಿನ ವೃಂದಾವನ ನಿರ್ಮಿಸುವುದು ಸಂಪ್ರದಾಯ.

ಆದರೆ ಬ್ರಹ್ಮಚರ್ಯ ಕಳೆದುಕೊಂಡ, ಸನ್ಯಾಸಿಯೇ ಆಗಿರದ ಶೀರೂರು ಶ್ರೀಗಳಿಗೆ ಬೃಂದಾವನದ ಅಗತ್ಯವೇನಿದೆ ಅನ್ನುವ ಪ್ರಶ್ನೆ ಎಲ್ಲರನ್ನೂ ಕಾಡುತ್ತಿದೆ. ಹೌದು ಶೀರೂರು ಶ್ರೀಗಳಿಗೆ ಮಠಾಧೀಶ, ಸ್ವಾಮೀಜಿ, ಸನ್ಯಾಸಿ ಅನ್ನುವ ಕಾರಣಕ್ಕೆ ಬೃಂದಾವನದ ಅಗತ್ಯವಿಲ್ಲ. ಬದಲಾಗಿ ಸಮಾಧಿಯೊಂದನ್ನು ನಿರ್ಮಿಸಿದರೆ ಸಾಕು. ಶ್ರೀಗಳು ಮಾಡಿದ ಒಳ್ಳೆಯ ಕಾರ್ಯಕ್ಕೆ ಸಮಾಧಿ ನಿರ್ಮಿಸಿ ಗೌರವ ಸಲ್ಲಿಸುವುದು ಉತ್ತಮ.

ಬೃಂದಾವನ ನಿರ್ಮಿಸಿ ಉಡುಪಿ ಅಷ್ಟ ಮಠಗಳ ಚರಿತ್ರೆಯಲ್ಲಿ ಕಪ್ಪು ಚುಕ್ಕೆಯಾಗಿ ಕಾಣಿಸಿಕೊಂಡ ಘಟನೆಯನ್ನು ಶಾಶ್ವತವಾಗಿಸುವುದರಲ್ಲಿ ಅರ್ಥವಿಲ್ಲ. ಬದಲಾಗಿ ಎಲ್ಲಾ ಶ್ರೀಗಳಿಗೆ ಬೃಂದಾವನ ಭಾಗ್ಯ ಸಿಕ್ಕರೆ, ಇವರಿಗೆ ಸಮಾಧಿ ಭಾಗ್ಯ ಸಿಕ್ತು ಇದಕ್ಕೆ ಕಾರಣ ಮದಿರೆ, ಮಾನಿನಿಯ ಸಹವಾಸ ಅನ್ನುವ ಸಂದೇಶವೊಂದು ಮುಂದಿನ ಪೀಳಿಗೆಗೆ ಹೋದರೆ ಸಾಕು, ಕನಿಷ್ಠ ಮುಂದಿನ ಪೀಳಿಗೆ ಶ್ರೀಗಳೆಂದರೆ ಹೀಗಿರಬೇಕು ಅಂದುಕೊಳ್ಳುತ್ತಾರೆ.

ಶೀರೂರು ಶ್ರೀಗಳು ಸನ್ಯಾಸತ್ವಕ್ಕೆ ಮಾತ್ರವಲ್ಲ, ಮಾನವೀಯತೆಗೂ ಅವಮಾನ ಮಾಡಿದ ವ್ಯಕ್ತಿ. ತಮಗೊಂದು ಮಗುವಿದೆ ಎಂದು ಹೇಳಿದವರು, ಆ ಮಗುವನ್ನು ಸಮಾಜದಿಂದ ದೂರವಿಟ್ಟಿದ್ದಾರೆ ಅಂದ ಮೇಲೆ ಇದು ಅಮಾನವೀಯತೆ ತಾನೇ. ಅಂತಹ ವ್ಯಕ್ತಿಗೆ ಬೃಂದಾವನ ಕಟ್ಟಿ ಆರಾಧಿಸುವುದರಲ್ಲಿ ಅರ್ಥವೇನಿದೆ.

ಶೀರೂರು ಗೆಳತಿಗೆ ದುಬೈ ಲಿಂಕ್ – ಸ್ವಾಮೀಜಿ ಸಾವಿನ ಸಿಕ್ರೇಟ್ ನೊಳಗೆ ಹೊಸ ಕ್ಯಾರೆಕ್ಟರ್ ಎಂಟ್ರಿ

ಶೀರೂರು ಶ್ರೀಗಳ ಖಾಸಗಿ ಕೋಣೆಗೆ ಎಂಟ್ರಿ ಹೊಡೆದಿದ್ದ ರಮ್ಯಾ ಶೆಟ್ಟಿ ಆಡಿದ ಖತರ್ ನಾಕ್ ವಿಷಯಗಳು ಈಗ ಬಯಲಾಗತೊಡಗಿದೆ. ಈ ನಡುವೆ ಶೀರೂರು ಶ್ರೀಗಳ ಸಾವಿನ ವಿಚಾರದಲ್ಲಿ ಹೊಸದೊಂದು ಕ್ಯಾರೆಕ್ಟರ್ ಎಂಟ್ರಿಯಾಗಿದೆ.

ಭಾನುವಾರ ಪರಾರಿಯಾಗಲು ಯತ್ನಿಸಿದ್ದ ರಮ್ಯಾಳನ್ನು ಕರೆದುಕೊಂಡು ಬಂದ ಉಡುಪಿ ಪೊಲೀಸರು ಕಾರಿನಲ್ಲಿದ್ದ ಎಲ್ಲರನ್ನೂ ವಿಚಾರಣೆಗೆ ಒಳಪಡಿಸಿದ್ದಾರೆ. ಈ ವೇಳೆ ರಮ್ಯಾ ಶೆಟ್ಟಿ ಜೊತೆಗಿದ್ದ ಮೂರು ಮಂದಿ ಮುಸ್ಲಿಂ ಮಹಿಳೆಯರಿಗೂ ಈ ಪ್ರಕರಣಕ್ಕೂ ಸಂಬಂಧವಿಲ್ಲ ಎಂದು ಗೊತ್ತಾಗಿದ್ದು ಅವರನ್ನು ಬಿಟ್ಟು ಕಳುಹಿಸಿದ್ದಾರೆ.

ಆದರೆ ಕಾರು ಚಾಲಕನಾಗಿದ್ದ ಇಕ್ಭಾಲ್ ಪರಾರಿ ಯೋಚನೆಯ ರೂವಾರಿ ಅನ್ನುವುದು ಪೊಲೀಸರಿಗೆ ಗೊತ್ತಾಗಿದೆ. ಈ ಮೂಲಕ ಶೀರೂರು ಸಾವಿನ ತನಿಖೆ ನಡೆಸುತ್ತಿರುವ ಪೊಲೀಸರಿಗೆ ಹೊಸದೊಂದು ವ್ಯಕ್ತಿಯನ್ನು ವಿಚಾರಣೆಗೆ ಕರೆಸಿದ್ದಾರೆ. ಹಾಗಂತ ಪೊಲೀಸರ ಬಲೆಗೆ ಬಿದ್ದಿರುವ ಇಕ್ಭಾಲ್ ಪೊಲೀಸರಿಗೆ ಹೊಸ ಪರಿಚಯವಲ್ಲ.ಶೀರೂರು ಸಾವಿನ ಕುರಿತು ತನಿಖೆ ನಡೆಸಿ ಎಂದು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾದ ದಿನವೇ

ಇಕ್ಭಾಲ್ ಕಾಪು ಮೂಲದ ವ್ಯಕ್ತಿಯಾಗಿದ್ದು, ದುಬೈನಲ್ಲಿ ಕೆಲಸ ಮಾಡಿಕೊಂಡಿದ್ದ ಈತ 6 ತಿಂಗಳ ಹಿಂದೆ ಊರಿಗೆ ಬಂದು ಸರ್ವೀಸ್ ಸೆಂಟರ್ ಒಂದನ್ನು ನಡೆಸುತ್ತಿದ್ದ. ರಮ್ಯಾ ಶೆಟ್ಟಿಗೂ ಈತನಿಗೂ ಹಲವು ವರ್ಷದಿಂದ ಆತ್ಮೀಯತೆ ಇತ್ತು.

ಶೀರೂರು ಶ್ರೀಗಳು ಆಸ್ಪತ್ರೆ ಸೇರಿದ ದಿನ ಇಕ್ಭಾಲ್ ಸಹಾಯ ಯಾಚಿಸಿದ್ದಳು. ಹೀಗಾಗಿ ಹಳೆಯ ಗೆಳತಿಗೆ ಸಹಾಯ ಮಾಡಲು ಮುಂದಾಗಿದ್ದ ಇಕ್ಭಾಲ್ ಕಾಪು ಬಳಿಯ ಕೊಂಬಗುಡ್ಡೆಯ ತನ್ನ ಮನೆಯಲ್ಲಿ ಆಶ್ರಯವನ್ನೂ ಕೊಟ್ಟಿದ್ದ.

ಪೊಲೀಸರು ಯಾವಾಗ ವಿಚಾರಣೆ ಮುಗಿಸಿ ರಮ್ಯಾಳನ್ನು ಕಳುಹಿಸಿಕೊಟ್ಟರೋ,ಪರಾರಿ ಪ್ಲಾನ್ ನೊಂದಿಗೆ ಫೀಲ್ಡಿಗಿಳಿದ ಇಕ್ಭಾಲ್ ತಮ್ಮ ಸಂಬಂಧಿಕರನ್ನು ಕಾರು ಹತ್ತಿಸಿ ಚಿಕ್ಕಮಗಳೂರಿಗೆ ಹೋಗುವ ಪ್ಲಾನ್ ಮಾಡಿದ್ದಾನೆ. ಜೊತೆಗೆ ರಮ್ಯಾಳಿಗೆ ಬುರ್ಖಾ ತೊಡಿಸಿ ಇವರು ನನ್ನ ಸಂಬಂಧಿಕರು ಎಂದು ಕಥೆ ಕಟ್ಟಿದ್ದ. ಹೀಗಾಗಿ ನಾನು ಕಾರು ತೆಗೆದುಕೊಂಡು ಹೋಗಿ ಬಿಟ್ಟು ಬರುತ್ತೇನೆ ಎಂದಿದ್ದ. ಆದರೆ ಕಾಲನ ಆಟ ಬೇರೆಯಾಗಿತ್ತು.

ಪೊಲೀಸರ ಕಣ್ಣು ತಪ್ಪಿಸಿ ಪರಾರಿಯಾಗಲು ಮುಂದಾದವರಿಗೆ ಕೃಷ್ಣನ ಕಣ್ಣು ತಪ್ಪಿಸಲಾಗಲಿಲ್ಲ. ಸತ್ಯದೇವತೆ ಗುಡಿ ಮುಂದೇಯ ಟಯರ್ ಪಂಕ್ಚರ್ ಆಗಿ ಪೊಲೀಸರ ಕೈಗೆ ಸಿಕ್ಕಿ ಬಿದ್ದರು.

ಈ ಎಲ್ಲದರ ನಡುವೆ ಶೀರೂರು ಸಾವಿನ ತನಿಖೆ ನಡೆಸುತ್ತಿರುವ ಪೊಲೀಸರು ರಮ್ಯಾ ಮತ್ತು ಇಕ್ಭಾಲ್ ಮೇಲೆ ಅವರಿಗೆ ಅರಿವಿಲ್ಲದೆ ಕಣ್ಣಿಟ್ಟಿದ್ದರು. ಇಕ್ಬಾಲ್ ಓಡಾಡುತ್ತಿದ್ದ ಕಾರು ಹಾಗೂ ಆತ ಬಳಸುತ್ತಿದ್ದ ಮೊಬೈಲ್ ಮೇಲೆ ನಿಗಾ ಇಟ್ಟಿದ್ದರು. ಯಾವಾಗ ಇಕ್ಭಾಲ್ ತನ್ನ ಕಾರನ್ನು ಬಿಟ್ಟು ಪರಾರಿಯಾಗಿದ್ದಾನೆ ಎಂದು ಗೊತ್ತಾಯೋ, ದಕ್ಷಿಣ ಕನ್ನಡ ಪೊಲೀಸರ ಸಹಾಯ ಪಡೆದ ಉಡುಪಿ ಪೊಲೀಸರು ರಮ್ಯಾ ಶೆಟ್ಟಿಯನ್ನು ಹಿಂಬಾಲಿಸಿದ್ದರು.

ಇದಕ್ಕೂ ಮುನ್ನ ರಮ್ಯಾ ಶೆಟ್ಟಿ ಚಲನವನನ್ನು ಪೊಲೀಸರಿಗೆ ತಿಳಿದುಕೊಳ್ಳಬೇಕಿದ್ದು, ಹೀಗಾಗಿ ರಮ್ಯಾ ಶೆಟ್ಟಿಗೆ ಸಂಶಯ ಬಾರದಂತೆ ವಿಚಾರಣೆ ಮುಗಿಸಿ ಬಿಟ್ಟು ಕಳುಹಿಸಿದ್ದರು.ಸ್ವಾಮೀಜಿ ಹಾಗೂ ಶೆಟ್ಟಿ ನಡುವಿನ ಸಂಬಂಧವನ್ನು ಮತ್ತಷ್ಟು ಬಗೆಯಲು ಬಯಸಿದ ಪೊಲೀಸರು ರಮ್ಯಾಳನ್ನು ಬಂಧಿಸಿರಲಿಲ್ಲ. ಪೊಲೀಸರು ಯಾವಾಗ ಬಿಟ್ಟು ಕಳುಹಿಸಿದರೋ ನಾನು ಇನ್ನು ಎಸ್ಕೇಪ್ ಆಗಬಹುದು ಅನ್ನುವುದು ಆಕೆಯ ಲೆಕ್ಕಚಾರವಾಗಿತ್ತು. ಆದರೆ ಪೊಲೀಸರು ಸದ್ದಿಲ್ಲದೆ ರಮ್ಯ ಬೆನ್ನ ಹಿಂದೆ ಬಿದ್ದಿದ್ದರು.

ಇದೀಗ ಶೀರೂರು ಸಾವಿಗೆ ಇಕ್ಭಾಲ್ ಗೂ ಸಂಬಂಧ ಇದೆಯೇ ಎಂದು ತನಿಖೆ ನಡೆಯುತ್ತಿದೆ. ಸಂಬಂಧ ಇದೆಯೋ ಇಲ್ಲವೋ, ಶೀರೂರು ಶ್ರೀಗಳ ಪಟ್ಟದರಸಿಯಾಗಿ ಮೆರೆದವಳಿಗೆ ಇಕ್ಭಾಲ್ ಜೊತೆಗೆ ಅದೇನು ನಂಟು ಅನ್ನುವುದು ಕೆಲವೇ ದಿನಗಳಲ್ಲಿ ಬಯಲಾಗಲಿದೆ.

ಸುಳ್ಯ TO ಶಿರೂರು – ಪಟ್ಟದರಸಿಯ ಬಯೋಡೇಟಾ

ಶೀರೂರು ಶ್ರೀಯ ಸ್ತ್ರೀ ಸಹವಾಸ ಇದೀಗ ದೊಡ್ಡ ಸುದ್ದಿಯಾಗಿದೆ. ಶಿರೂರು ಸಾವಿನ ಸುದ್ದಿಯಲ್ಲಿ ಅಷ್ಠ ಮಠಗಳು ಸುದ್ದಿಯಾಗಬೇಕಿತ್ತು. ಆದರೆ ಸುದ್ದಿಯಾಗಿರುವುದು ಸಾವಿನ ರಹಸ್ಯ.

ಇದಕ್ಕೆ ಕಾರಣ ಸಡಿಲವಾದ ಸ್ವಾಮೀಜಿಯ ಪಂಚೆ. ಇಷ್ಟವಿಲ್ಲದೆ ಸನ್ಯಾಸ ಸ್ವೀಕಾರವಾಗಿದೆ ಅನ್ನುವುದಾದರೆ ಹಿಂದಿನವರು ಎದ್ದು ಹೋದಂತೆ ಹೋಗಬೇಕಿತ್ತು.

ಹಿರಿಯವಳು, ಕಿರಿಯವಳು ಎಂದು ಕಟ್ಟಿಕೊಂಡು ಬದುಕಬೇಕಾಗಿರಲಿಲ್ಲ. ಹಾಗಂತ ಈಗ ಸ್ವಾಮೀಜಿ ಬಗ್ಗೆ ಆಕ್ರೋಶದ ನುಡಿ ಬರೆದು ಪ್ರಯೋಜನವೇನು. ಸತ್ತು ಹೋದ ಸ್ವಾಮಿ ಮೇಲೆ ಓದುವುದಿಲ್ಲ.

ಈ ನಡುವೆ ಸಿಕ್ಕಾಪಟ್ಟೆ ಸುದ್ದಿಯಾದ ರಮ್ಯಾ ಶೆಟ್ಟಿಯ ಬಯೋಡೇಟಾ ಸಿಕ್ಕಿದೆ. ರಮ್ಯ ಶೆಟ್ಟಿ ಅಲ್ಲಿಯವಳು, ಇಲ್ಲಿಯವಳು ಅನ್ನುವ ಸುದ್ದಿ ಹರಿದಾಡಿತ್ತು. ಆದರೆ ಈಗ ಗೊತ್ತಾಗಿದೆ. ರಮ್ಯ ಶೆಟ್ಟಿಯ ಮೂಲ.

ದಕ್ಷಿಣ ಕನ್ನಡ ಜಿಲ್ಲೆಯ ಸುಳ್ಯ ತಾಲೂಕಿನ ಪೆರುವಾಜೆಯ ನಿವಾಸಿ. ಪುತ್ತೂರಿನಿಂದ ಸುಳ್ಯಕ್ಕೆ ಹೋಗುವ ದಾರಿಯಲ್ಲಿ ಪೆರುವಾಜೆ ಸಿಗುತ್ತದೆ. ಆಕೆಗೆ ಈಗ 42 ವಯಸ್ಸು. ಪ್ರೇಮನಾಥ ಶೆಟ್ಟಿ, ಇಂದಿರಾ ಶೆಟ್ಟಿ ಹೆತ್ತವರು. ರಮ್ಯಾ ಶೆಟ್ಟಿಗೊಬ್ಬಳು ಸಹೋದರಿಯಿದ್ದು, ನೆಮ್ಮದಿಯ ಸಂಸಾರ ಸಾಗಿಸುತ್ತಿದ್ದಾರೆ. ( ಈಗ ಶ್ರೀಗಳ ರಮ್ಯಾಯಾಣ ಅವರ ನೆಮ್ಮದಿ ಕೆಡಿಸಿದೆ)

ರಮ್ಯಾ ಶೆಟ್ಟಿಯನ್ನು ಉಡುಪಿ ಮೂಲದ ಪ್ರಸಾದ್ ಶೆಟ್ಟಿ ಎಂಬವರಿಗೆ ವಿವಾಹ ಮಾಡಿಕೊಡಲಾಗಿತ್ತು. ದುಬೈ ನಲ್ಲಿ ಕೆಲಸ ಮಾಡುತ್ತಿದ್ದ ಅವರೊಂದಿಗೆ ರಮ್ಯಾ ಶೆಟ್ಟಿಯೂ ದುಬೈಗೆ ಹೋಗಿದ್ದರು.ಅಲ್ಲಿ ಒಂದಿಷ್ಟು ಸ್ನೇಹಿತರನ್ನು ಕೂಡಾ ಅವರು ಸಂಪಾದಿಸಿದ್ದರು.ಆದರೆ ಅಕಾಲಿಕವಾಗಿ ಪ್ರಸಾದ್ ಶೆಟ್ಟಿ ನಿಧನ ಹೊಂದಿದ ಬಳಿಕ ಇದ್ದ ಮಗನೊಂದಿಗೆ ಅವರು ಜೀವನ ಸಾಗಿಸಬೇಕಾಗಿ ಬಂತು.

ಈ ವೇಳೆ ಉಡುಪಿ ಸೇರಿದ ರಮ್ಯಾ ಶೆಟ್ಟಿ ಪೋಷಕರು ಮತ್ತು ಮಕ್ಕಳೊಂದಿಗೆ ವಾಸವಾಗಿದ್ದರು ಎನ್ನಲಾಗಿದೆ. (ಈ ಬಗ್ಗೆ ಇನ್ನೂ ಸ್ಪಷ್ಟತೆ ಸಿಕ್ಕಿಲ್ಲ).

ಇದೇ ಸಂದರ್ಭದಲ್ಲಿ ಶೀರೂರು ಪರಿಚಯವಾಯ್ತು. ಪರಿಚಯ ಎಲ್ಲಿಗೆ ಕರೆದುಕೊಂಡು ಹೋಯ್ತು ಅನ್ನುವುದನ್ನು ಹೇಳಬೇಕಾಗಿಲ್ಲ.

ಸದ್ಯ ಪೆರುವಾಜೆ ಮನೆಗೆ ಬೀಗ ಜಡಿಯಲಾಗಿದೆ.

ಕರಾವಳಿ ಹುಡುಗಿ ಅನುಶ್ರೀ ಮೇಲೆ ಇದೀಗ ಕರಾವಳಿಗರಿಗೆ ಕೆಂಡದಂಥ ಕೋಪವೇಕೆ..?

ಝೀ ಕನ್ನಡ ವಾಹಿನಿಯ ರಿಯಾಲಿಟಿ ಶೋವೊಂದರಲ್ಲಿ ‘ಮುಕಾಬಲಾ’ ಸಿನಿಮಾ ಹಾಡಿಗೆ ತಂಡವೊಂದು ಯಕ್ಷಗಾನ ವೇಷ ಧರಿಸಿ ನೃತ್ಯ ಮಾಡಿದ್ದು ಕರಾವಳಿಗರ ಕೆಂಗಣ್ಣಿಗೆ ಗುರಿಯಾಗಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ಈ ಬಗ್ಗೆ ಆಕ್ರೋಶ ವ್ಯಕ್ತವಾಗುತ್ತಿದ್ದು, ಝೀ ಕನ್ನಡ ಪದೇ ಪದೇ ನಮ್ಮ ಸಹನೆ ಕೆಣಕುತ್ತಿದೆ. ಕಾರ್ಯಕ್ರಮದಲ್ಲಿ ತೀರ್ಪುಗಾರರಾಗಿ ಕೂತವರಿಗೂ ಕರಾವಳಿಯ ಭಾವನೆಗಳು ಅರ್ಥವಾಗದಿರುವುದು ದುರಂತ ಅನ್ನುವ ಟೀಕೆಗಳು ಕೇಳಿ ಬಂದಿದೆ.

ಯಕ್ಷಗಾನದ ಆರಾಧನಾ ಪರಂಪರೆಯನ್ನು ಬುಡಮೇಲು ಮಾಡುವ ರೀತಿಯಲ್ಲಿ ಕಲೆಗೆ ಅಪಚಾರ ಎಸಗಲಾಗಿದೆ. ಹೀಗಾಗಿ ಅನೇಕರು ವಾಹಿನಿ ಕಚೇರಿಗೂ ದೂರವಾಣಿ ಕರೆ ಮಾಡಿ ತೀವ್ರ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಮೊದಲೇ ‘ಯಕ್ಷಗಾನ ಕಲೆ ಸಂಕಷ್ಟದಲ್ಲಿದೆ. ಅದನ್ನು ಉಳಿಸಿ ಬೆಳೆಸಲು ಹರ ಸಾಹಸ ಪಡುತ್ತಿರುವ ಸಂದರ್ಭದಲ್ಲಿ ಅನ್ಯ ರಂಗದತ್ತ ಈ ಕಲೆಯನ್ನು ಕೊಂಡೊಯ್ಯುವುದು ಸರಿಯಲ್ಲ. ಇದರಿಂದ ವೀಕ್ಷಕರಿಗೆ ಯಕ್ಷಗಾನದ ಬಗ್ಗೆ ತಪ್ಪು ಸಂದೇಶ ಹೋಗುತ್ತದೆ ಅನ್ನುವ ಆತಂಕ ಯಕ್ಷಗಾವ ಪ್ರಿಯರದ್ದು.

ಈ ನಡುವೆ ಯಕ್ಷಗಾನ ಪ್ರಿಯರ ಕೋಪ ಝೀ ಕನ್ನಡ ವಾಹಿನಿಯಿಂದ ನಿರೂಪಕಿ ಅನುಶ್ರೀಯತ್ತ ತಿರುಗಿದೆ. ಕರಾವಳಿಯವರಾದ ಅನುಶ್ರೀ ಅವರಿಗೆ ಯಕ್ಷಗಾನ ಕಲೆಯ ಬಗ್ಗೆ ಅರಿವಿದೆ.ಯಕ್ಷಗಾನ ಎಷ್ಟು ಪವಿತ್ರ ಕಲೆ ಅನ್ನುವುದು ಗೊತ್ತಿದೆ. ಕನಿಷ್ಠ ಪಕ್ಷ ಅವರು ಈ ಬಗ್ಗೆ ಮಾತನಾಡಬಹುದಿತ್ತು.

ಅಸಾಧ್ಯವಾಯ್ತು ಅಂದರೆ ಕಾರ್ಯಕ್ರಮ ಮುಗಿದ ಮೇಲಾದರೂ ಮಾತನಾಡಬಹುದಿತ್ತು ಎಂದು ಕೆಂಡ ಕಾರುತ್ತಿದ್ದಾರೆ.

ಒಂದು ನಿಟ್ಟಿನಲ್ಲಿ ಝೀ ಕನ್ನಡ ಬಹುಸಂಖ್ಯಾತರ ಸಹನೆ ಕೆಣಕುತ್ತಿದೆ. ಹಿಂದೊಮ್ಮೆ ಬ್ರಾಹ್ಮಣ ಸಮುದಾಯ ಆಕ್ರೋಶಕ್ಕೆ ಚಾನೆಲ್ ಗುರಿಯಾಗಿತ್ತು. ಜೊತೆಗೆ ಇದೇ ವಾಹಿನಿಯಲ್ಲಿ ಬರುತ್ತಿರುವ ಹಾಸ್ಯ ಕಾರ್ಯಕ್ರಮ ಅಶ್ಲೀಲತೆಯಿಂದ ಕೂಡಿದೆ ಅನ್ನುವುದು ಸತ್ಯ. ಆದರೆ TRP ಈ ಕಾರ್ಯಕ್ರಮಗಳಿಗೆ ಬರುತ್ತಿರುವುದರಿಂದ ಝೀ ಕನ್ನಡ ಮುಖ್ಯಸ್ಥರು ಇಂಥ ಆಕ್ರೋಶಗಳಿಗೆ ತಲೆ ಕೆಡಿಸಿಕೊಳ್ಳುವುದು ಅನ್ನುವುದು ನೆನಪಿರಲಿ.

ಹಾಡಿ ಹೊಗಳುವ ಕರಾವಳಿ ಮೂಲದ ನಿರೂಪಕಿಗೆ ಧಿಕ್ಕಾರವಿರಲಿ

ಸಾವಿಗೆ ಕಾರಣ…? ಪಟ್ಟದ ದೇವರ ಕೋಪವೇ…ಪಟ್ಟದರಸಿಯ ಶಾಪವೇ …!

ಪಂಚೆಯೊಂದು ಗಟ್ಟಿ ಇಲ್ಲದೆ ಹೋದರೆ ಸಮಾಜದಲ್ಲಿ ಮಾನ ಮರ್ಯಾದೆ ಹೊರಟು ಹೋಗುತ್ತದೆ ಅನ್ನುವುದಕ್ಕೆ ಸಾವಿರ ಸಾಕ್ಷಿಗಳು ನಮ್ಮಲ್ಲಿವೆ. ಅದರಲ್ಲೂ ಖಾವಿಧಾರಿಗಳು ಜಾರಿದರೆ ಸಮಾಜ ಅವರನ್ನು ಕೆಟ್ಟದಾಗಿ ಟೀಕಿಸುತ್ತದೆ.

ಇದಕ್ಕೆ ಸಾಕ್ಷಿ ಶಿರೂರು ಶ್ರೀಗಳ ಸಾವು. ಹಾಗೇ ನೋಡಿದರೆ ಶಿರೂರು ಶ್ರೀಗಳ ಸಾವು ಸುದ್ದಿಯಾಗಬೇಕಿತ್ತು. ಅವರ ಕೆಲಸಗಳು ಸದ್ದು ಮಾಡಬೇಕಿತ್ತು. ಆದರೆ ಶ್ರೀಗಳ ಸಾವಿನ ಸುದ್ದಿಗಿಂತ ಸಾವಿನ ಕಾರಣವೇ ದೊಡ್ಡ ಸುದ್ದಿಯಾಗಿದೆ.

ಸ್ವಾಮೀಜಿ ಸಾವಿಗೆ ಕಾರಣವೇನು, ವಿಷ ಕನ್ಯೆ ಕಾರಣವೇ.. ರಿಯಲ್ ಎಸ್ಟೇಟ್ ಉದ್ಯಮ ಕುತ್ತಿಗೆ ಬಿಗಿಯಿತೇ ಅನ್ನುವುದು ಪೊಲೀಸ್ ತನಿಖೆಯಿಂದ ಗೊತ್ತಾಗಬೇಕಿದೆ.

ಆದರೆ ಶಿರೂರು ಶ್ರೀಗಳ ಹಲವು ರಹಸ್ಯಗಳು ಇದೀಗ ಬಯಲಾಗತೊಡಗಿದೆ. ಶಿರೂರು ಶ್ರೀಗಳು ಹೊರ ಪ್ರಪಂಚಕ್ಕೆ ತೋರಿದ ಮುಖವೇ ಬೇರೆ. ಮಠದೊಳಗೆ ಆಡಿದ ಆಟವೇ ಬೇರೆ ಅನ್ನುವ ಮಾತುಗಳು ಉಡುಪಿಯಲ್ಲಿ ಓಡಾಡುತ್ತಿದೆ.

ಸ್ವಯಂ ಕೃತ್ಯ ಅಪರಾಧ, ಖಾವಿ ತೊಟ್ಟು ಕಂಡವರ ಕಣ್ಣಿಗೆ ಮಣ್ಣು ಎರಚಿದ್ದು ಶಾಪವಾಗಿ ಪರಿಣಮಿಸಿದೆ. ಅತ್ತ ಕೃಷ್ಣ ಕೂಡಾ ಸ್ವಾಮೀಜಿಯ ಪಾಪದ ಕೊಡ ತುಂಬುವುದನ್ನೇ ಕಾಯುತ್ತಿದ್ದ.

ಖಾವಿ ತೊಟ್ಟ ಸ್ವಾಮಿಗೆ, ವಿಠ್ಠಲ ಪೂಜೆಗಿಂತ, ಪಲ್ಲಂಗ ಧ್ಯಾನ ಹೆಚ್ಚಾಗಿತ್ತು. ಹಾಗಂತ ಅದು ಅವರ ತಪ್ಪು ಅನ್ನುವ ಹಾಗಿಲ್ಲ. ತಾನು ಎಡವಿದ್ದೇವೆ ಎಂದು ಗೊತ್ತಾದ ತಕ್ಷಣ ಖಾವಿ ತೊರೆದು ಸಂಸಾರಿಯಾಗಬಹುದಿತ್ತು. ಸಮಾಜ ಅವರನ್ನು ಮೆಚ್ಚಿಕೊಳ್ಳುತ್ತಿತ್ತು. ಆದರೆ ಹಾಗೇ ಮಾಡಲಿಲ್ಲ.

ಆಸೆಗೆ ಬೇಲಿ ಹಾಕಿಕೊಂಡು ಸನ್ಯಾಸ ಸ್ವೀಕರಿಸಿದವರಿಗೆ ಹರೆಯ ಬಂದಾಗ ಖಾವಿಯೊಳಗಿನ ಮನಸ್ಸು ಕೇಳಲಿಲ್ಲ. ಇಂದ್ರಿಯ ನಿಗ್ರಹಿಸುವ ತಾಕತ್ತನ್ನು ರೂಢಿಸಿಕೊಳ್ಳುವುದು ಅಸಾಧ್ಯವಾಯ್ತು. ಆ ವೇಳೆ ಸಂಪರ್ಕಕ್ಕೆ ಸಿಕ್ಕ ಮಂದಿ ಕಾಸಿನ ರುಚಿ ತೋರಿಸಿದ್ದರು.

ಶಿರೂರು ಶ್ರೀಗಳಿಗೆ ಯಾವಾಗ ಪಟ್ಟದ ದೇವರಿಗಿಂತ, ಪಟ್ಟದರಿಸಿಯರ ಕಾಟ ಶುರುವಾಯ್ತೋ ಸ್ವಾಮೀಜಿ ಕುಗ್ಗಿ ಹೋಗಿದ್ದರು. ಕೈ ಹಾಕಿದ ವ್ಯವಹಾರಗಳು ಸುಡ ತೊಡಗಿತ್ತು. ಹೀಗಾಗಿ ಮರ್ಯಾದೆ ಉಳಿಸಿಕೊಳ್ಳಲು ಉಳಿದವರ ಮೇಲೆ ಆರೋಪ ಹೊರೆ ಹೊರಿಸಿದರು. ಅವರಿಗೆ ಗೊತ್ತಿಲ್ಲದಂತೆ ತಮ್ಮ ಕಾವಿಯ ಮೇಲೆ ಕೆಸರು ಅಂಟಿಸಿತೊಡಗಿದ್ದರು. ತನ್ನ ಮೈ ಮೇಲೆ ಸತ್ತರೂ ಮಾಯವಾಗದ ಕಲೆ ಉಂಟಾಗುತ್ತಿದೆ ಅನ್ನುವುದು ಅವರ ಅರಿವಿಗೆ ಬರಲೇ ಇಲ್ಲ. ಅರಿವಿಗೆ ಬರುವಷ್ಟು ಹೊತ್ತಿಗೆ ಯಮ ಧರ್ಮನ ದೂತರ ಆಗಮನವಾಗಿತ್ತು.

ಮಾಧ್ಯಮವೊಂದರ ವರದಿ ಪ್ರಕಾರ ಶಿರೂರು ಶ್ರೀಗಳಿಗೆ 25 ವರ್ಷಗಳ ಹಿಂದೆ ಮಹಿಳೆಯೊಂದಿಗೆ ಸಂಬಂಧ ಇತ್ತು ಎನ್ನಲಾಗಿದೆ. ಲೌಕಿಕ ಲೋಕದತ್ತ ಒಲವು ತೋರಿದ್ದ ಸ್ವಾಮಿ ಸಿಕ್ಕಾಪಟ್ಟೆ ಸೋಷಿಯಲ್ ಆಗಿದ್ದರು. ಇತರ ಸ್ವಾಮೀಜಿಗಳಂತೆ ಮಡಿವಂತಿಕೆ ಕಡಿಮೆ ಇದ್ದ ಕಾರಣ ಜನ ಸಾಮಾನ್ಯರಿಗೆ ಇಷ್ಟವಾಗಿ ಹೋದರು.

ಆದರೆ 25 ವರ್ಷಗ ಹಿಂದೆ ಬೆಳೆಸಿ ಸಂಬಂಧವನ್ನು ಏನೂ ಮಾಡುವಂತಿರಲಿಲ್ಲ. ಸೆರಗಿನಲ್ಲಿ ಕಟ್ಟಿಕೊಂಡ ಕೆಂಡವಾಗಿತ್ತು.ಸಂಬಂಧಕ್ಕೆ ಸಾಕ್ಷಿಯಾಗಿ ಪುತ್ರ ಸಂತಾನ ಬೇರೆ ಇತ್ತು. ಜೊತೆಗೆ ಜೊತೆಗಿದ್ದವಳ ಪ್ರೀತಿ, ಅಕ್ಕರೆ, ಆರೈಕೆ ಎಲ್ಲವೂ ಸ್ವಾಮೀಜಿಯನ್ನು ಮೈ ಮರೆಯುವಂತೆ ಮಾಡಿತ್ತು.

ಶ್ರೀಗೆ ಸ್ತ್ರೀ ಸಂಬಂಧ ಇದೆ ಇಡೀ ಉಡುಪಿಗೆ ಗೊತ್ತಿತ್ತು. ಆದರೆ ಬಹಿರಂಗವಾಗಿ ಮಾತನಾಡುವ ಸ್ಥಿತಿ ಇರಲಿಲ್ಲ. ಜೊತೆಗೆ ಪಟ್ಟದರಿಸಿಯಂತೆ ಬಂದವಳು ಸ್ವಾಮೀಜಿಯನ್ನು ಮೀರಾ ಕೃಷ್ಣನನ್ನು ಪ್ರೀತಿಸಿದಂತೆ ಪ್ರೀತಿಸಿದ್ದಳು. ಮಠದ ಮೇಲು ಅಂತಸ್ತಿನಲ್ಲಿ ವಾಸವಾಗಿದ್ದ ಆಕೆ ಶ್ರೀಗಳ ಸೇವೆಗಾಗಿ ಬದುಕು ಮುಡಿಪಾಗಿಟ್ಟಿದ್ದಳು. ಕೃಷ್ಣನ ಮೇಲೆ ಭಕ್ತಿ ಇತ್ತೋ ಇಲ್ಲವೋ, ಸ್ವಾಮೀಜಿ ಅಂದರೆ ಆಕೆಗೆ ಪಂಚಪ್ರಾಣ. ಸ್ವಾಮೀಜಿ ಗೌರವಕ್ಕೆ ಕುತ್ತು ಬರಬಾರದು ಎಂದು ಪುತ್ರನನ್ನು ಹಾಗೇ ಬೆಳೆಸಿದ್ದಳು.

ಆದರೆ ಯಾವಾಗ ಎರಡು ವರ್ಷದ ಹಿಂದೆ ಸ್ವಾಮೀಜಿ ಬದುಕಿನಲ್ಲಿ ಮತ್ತೊಬ್ಬ ಮಹಿಳೆಯ ಎಂಟ್ರಿ ಹೊಡೆಯಿತೋ, ಮೊದಲಾಕೆ ಕಾದ ಕೆಂಡವಾದಳು. ತನ್ನ ಸ್ಥಾನಕ್ಕೆ ಮತ್ತೊಬ್ಬಳನ್ನು ಸ್ವಾಮೀಜಿ ಕರೆದುಕೊಂಡು ಬಂದಿರುವುದನ್ನು ಆಕೆ ಸಹಿಸಲಿಲ್ಲ.

ಇಡೀ ಮಠದಲ್ಲಿ ಅಧಿಕಾರಕ್ಕಾಗಿ ಹೋರಾಟ ಪ್ರಾರಂಭವಾಯ್ತು. ಪಟ್ಟದರಿಸಿಯ ಸ್ಥಾನಕ್ಕಾಗಿ ಹಳೆ ಮತ್ತು ಹೊಸ ಸಂಬಂಧದ ನಡುವೆ ಕಿತ್ತಾಟ ಪ್ರಾರಂಭವಾಯ್ತು.

ಕಿರಿಯವಳು ಮಠದಲ್ಲಿ ಅಧಿಕಾರ ಚಲಾವಣೆ ಶುರು ಮಾಡುತ್ತಿದ್ದಂತೆ,ಸಂತೆ ಕಟ್ಟೆಯ ಶಾಖಾ ಮಠಕ್ಕೆ ಸ್ವಾಮೀಜಿ ಮತ್ತು ಹಿರಿಯವಳು ಶಿಫ್ಟ್ ಆದರು. ಆದರೆ ಅಲ್ಲೂ ಕಿರಿಯವಳ ಕಾಟ ಶುರುವಾಯ್ತು. ಹೀಗಾಗಿ ಮತ್ತೆ ಮೂಲ ಮಠಕ್ಕೆ ಸ್ವಾಮೀಜಿ ಹಿಂತಿರುಗಿದರು
ಆರಾಧ್ಯ ದೈವ ಎಂದೇ ಪೂಜಿಸಿದ್ದ ತನಗೆ ಸ್ವಾಮೀಜಿ ಮಾಡಿದ ದ್ರೋಹವನ್ನು ಹಿರಿಯವಳಿಗೆ ಸಹಿಸಲು ಸಾಧ್ಯವಾಗಲಿಲ್ಲ.ಕಿರಿಯವಳು ಹಿರಿಯವಳನ್ನು ಬೈದ್ರೆ ಸ್ವಾಮೀಜಿ ಮೌನವಾಗಿರುತ್ತಿದ್ದರು. ಅದು ಮತ್ತಷ್ಟು ನೋವಿಗೆ ಕಾರಣವಾಯ್ತು.

ಹೀಗಾಗಿ ನೊಂದ ಹೆಂಗರುಳು,ಮಗನಿದ್ದಾನೆ ಎಂದು ಮರೆತು ಬಿಟ್ಟ ನಿಮನ್ನು ಕೃಷ್ಣ ಕ್ಷಮಿಸುವುದಿಲ್ಲ ಎಂದು ಶಾಪವಿಟ್ಟು ಹೊರಟು ಹೋದ ಹಿರಿಯವಳು ಮತ್ತೆ ಬರಲಿಲ್ಲ. ಆದರೆ ತೆರೆ ಮರೆಯಲ್ಲಿ ಆಟ ಮುಂದುವರಿದಿತ್ತು.

ಹಿರಿಯವಳು ಹೋಗುತ್ತಿದ್ದಂತೆ ಕಿರಿಯವಳ ಆಟ ಶುರುವಾಯ್ತು. ರಮ್ಯ ಮನೋಹರವಾಗಿ ಕಾವಿ ಸಂಸಾರ ಪ್ರಾರಂಭವಾಯ್ತು. ಮಠದ ಉಸ್ತುವಾರಿಯಾಗಿ ರಮ್ಯ ಪಟ್ಟಾಭಿಷೇಕ ಮಾಡಿಸಿಕೊಂಡಳು. ಆಮೇಲೆ ಏನು ನಡೆಯಿತು ಅನ್ನುವುದು ಎಲ್ಲರಿಗೂ ಗೊತ್ತಿದೆ.
S-BG

ಇಲ್ಲಿ ಫಿಲ್ಮಂ ನೋಡಿ ಬಾಯಾರಿಕೆಯಾದರೆ ಎಳನೀರು ಮಾತ್ರ ಕುಡಿಯಬೇಕು…?

ಚಿತ್ರಮಂದಿರಗಳು ಅದರಲ್ಲೂ ಮಾಲ್ ನಲ್ಲಿರುವ ಚಿತ್ರ ಮಂದಿರಗಳು ಗ್ರಾಹಕರಿಂದ ಹಣ ಸುಲಿಗೆ ಮಾಡಲು ಹಸಿದ ಹೆಬ್ಬುಲಿಯಂತೆ ನಿಂತಿರುತ್ತದೆ. 20 ರೂಪಾಯಿ ನೀರಿನ ಬಾಟಲ್ 60 ರೂಪಾಯಿ. ಮುಷ್ಠಿಯಷ್ಟೇ ಸಿಗುವ ಚಿಪ್ಸ್ ಬೆಲೆ ನೂರು ರೂಪಾಯಿ. ಹೀಗೆ ಒಂದೊಂದು ಮಾಲ್ ನಲ್ಲಿ ಒಂದೊಂದು ದರ.

ಆದರೆ ತಮಿಳುನಾಡಿನ ಥಿಯೇಟರ್ವೊಂದು ಸುದ್ದಿಯಾಗಿರುವುದು ತನ್ನ ಅಪ್ಪಟ ದೇಸಿತನದಿಂದ. ‘ಕತ್ತಿ’ ಚಿತ್ರದ ಬಳಿಕ ಕೋಕ್ ಸೇರಿದಂತೆ ವಿದೇಶಿ ಪಾನೀಯಗಳಿಗೆ ಪ್ರವೇಶವಿಲ್ಲ. ಬದಲಾಗಿ ತಂಪು ಪಾನೀಯಗಳನ್ನು ಬಹಿಷ್ಕರಿಸುವ ಅಭಿಯಾನ ಆರಂಭಿಸಿರುವ ಕೆಲ ಯುವಕರು ಎಳನೀರು ಮಾರಾಟಕ್ಕೆ ಮುಂದಾಗಿದ್ದಾರೆ.

ಥಿಯೇಟರ್ ಮಾಲೀಕರೊಬ್ಬರು ಕೃಷಿಕರಿಗೆ ಸಾಥ್ ನೀಡಲು ಮುಂದಾಗಿದ್ದಾರೆ. ತಿರುನೆಲ್ವೇಲಿಯ ‘ರಾಮ್ ಮುತ್ತುರಾಮ್’ ಚಿತ್ರಮಂದಿರದಲ್ಲಿ ತಂಪು ಪಾನೀಯಗಳ ಬದಲಾಗಿ ಎಳನೀರನ್ನು ಮಾರಲಾಗುತ್ತಿದೆ.

ಸಿನಿಮಾದ ವಿರಾಮದ ವೇಳೆ ಬಾಯಾರಿಕೆ ನೀಗಿಸಲು ಈ ಚಿತ್ರಮಂದಿರದ ಸ್ಟಾಲ್ಗ್ ಳಲ್ಲಿ ಸಿಗುವುದು ಅಪ್ಪಟ ದೇಸಿ ಎಳನೀರು ಮಾತ್ರ.
ಕರ್ನಾಟಕದಲ್ಲೂ ಹೀಗೆ ಆದ್ರೆ ಚೆನ್ನಾಗಿರುತ್ವಲ್ಲ. ಹೊರಗಿನ ಆಹಾರವನ್ನೇ ಒಳಗೆ ತೆಗೆದುಕೊಂಡು ಹೋಗಲು ಬಿಡದ ಮಾಲ್ ಗಳು ನಮ್ಮಲ್ಲಿವೆ. ಅಂತಹುದರಲ್ಲಿ ಅನ್ನೂ ಏಳ ನೀರು ಮಾರುವುದೇ. ಸರ್ಕಾರ ಮನಸ್ಸು ಮಾಡಿದರೆ ದೊಡ್ಡ ವಿಷಯವಲ್ಲ.

Magalu Janaki Kannada serial Actor Ganavi Laxman Rare pic

ಎಣ್ಣೆ ಹೊಡೆದೈತೆ ಹಕ್ಕಿ ಎಣ್ಣೆ ಹೊಡೆದೈತೆ – ಇಂಗ್ಲೆಂಡ್ ನಲ್ಲಿ ಕಿಕ್ಕೇರಿಸಿಕೊಂಡ ಪಕ್ಷಿಗಳು

ಮನುಷ್ಯ ಅನ್ನುವ ಪ್ರಾಣಿಗೆ ಉಳಿದವರ ಜೀವನದಲ್ಲಿ, ಜೀವದೊಂದಿಗೆ ಆಟವಾಡುವುದು ಎಂದರೆ ಬಲು ಪ್ರಿಯ. ಅದರಲ್ಲೂ ಮನುಷ್ಯ ಪ್ರಾಣಿ, ಪಕ್ಷಿಯನ್ನು ಹಿಂಸಿಸುವುದರಲ್ಲಿ ಎತ್ತಿದ ಕೈ.

ಆದರೆ ಸೌತರ್ನ್ ಇಂಗ್ಲೆಂಡ್ನಲ್ಲಿ ಜನ ಮಾಡುತ್ತಿರುವ ಎಡವಟ್ಟುಗಳು ಮಾತ್ರ ನಾಗರಿಕ ಸಮಾಜ ತಲೆತಗ್ಗಿಸುವಂತದ್ದು. ಇಲ್ಲಿನ ಅಪರೂಪದ ಪಕ್ಷಿಗಳು ಮದ್ಯದ ಅಮಲಿನಲ್ಲಿ ತೇಲಾಡುತ್ತಿರುವುದನ್ನು ಕಂಡು ಜನ ಸಂಭ್ರಮಿಸುತ್ತಿದ್ದಾರೆ.

ನೈರುತ್ಯ ಇಂಗ್ಲೆಂಡ್ ಭಾಗಗಳಲ್ಲಿ ಆಲ್ಕೋಹಾಲ್ ಕುಡಿದಿರುವ ಸೀಗುಲ್ ಪಕ್ಷಿಗಳು ಹಾರಾಲಾಗದೆ, ನಿಲ್ಲಲಾಗದೇ ಒದ್ದಾಡುತ್ತಿದೆ.

ಸ್ಥಳೀಯರು ಎಸೆಯುವ ಬಿಯರ್ ಬಾಟಲಿ ಮತ್ತು ಆಲ್ಕೋಹಾಲ್ನ ತಾಜ್ಯಗಳನ್ನು ತಿಂದ ಪಕ್ಷಿಗಳು ಎಣ್ಣೆ ಏಟಿನಲ್ಲಿ ತೇಲುತ್ತಿವೆ. ಎಣ್ಣೆ ಏಟು ಜಾಸ್ತಿಯಾಗಿ ಕೆಲ ಪಕ್ಷಿಗಳು ಪ್ರಾಣವನ್ನೂ ಕೂಡಾ ಕಳೆದುಕೊಂಡಿದೆ.

RSPCA ಎಂಬ ಸಂಸ್ಥೆಯು ಇಂತಹ ಪಕ್ಷಿಗಳ ಆರೈಕೆಯಲ್ಲಿ ತೊಡಗಿದ್ದು, ಈಗಾಗಲೇ ಅಮಲಿನಿಂದ ತತ್ತರಿಸುತ್ತಿರುವ 12 ಕ್ಕೂ ಹೆಚ್ಚಿನ ಸೀಗುಲ್ ಪಕ್ಷಿಗಳಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.

ಆಹಾರವೆಂದು ಪಕ್ಷಿಗಳು ತಿನ್ನುವ ಪದಾರ್ಥಗಳಲ್ಲಿ ಮದ್ಯಸಾರ ಮಿಶ್ರಿತವಾಗಿರುವುದರಿಂದ ವಾಂತಿ ಮಾಡಿಕೊಳ್ಳುತ್ತದೆ. ಹಾಗೆಯೇ ಕೊಳೆತ ಆಹಾರದಲ್ಲಿರುವ ಬ್ಯಾಕ್ಟೀರಿಯಾಗಳಿಂದ ಪಕ್ಷಿಗಳು ಅನಾರೋಗ್ಯಕ್ಕೀಡಾಗುತ್ತಿದ್ದು, ಇದೇ ವೇಳೆ ಆಲ್ಕೋಹಾಲ್ ಕೂಡ ದೇಹ ಸೇರುವುದರಿಂದ ಪಕ್ಷಿಗಳಲ್ಲಿ ಅಸ್ವಸ್ಥತೆ ಕಾಣಿಸುತ್ತಿದೆ ಎಂದು RSPCA ಅಧಿಕಾರಿಗಳು ತಿಳಿಸಿದ್ದಾರೆ.
Drunk’ gull stumbles in footage released by RSPCA
ಜನ ಜಾಗೃತಿಯಾಗದ ಹೊರತು ಈ ಪಕ್ಷಿಗಳನ್ನು ಕಾಪಾಡಲು ಸಾಧ್ಯವಿಲ್ಲ. ದೇವರೇ ಮೂಕ ಪಕ್ಷಿಗಳನ್ನು ಹಿಂಸಿಸುವ ಮನುಷ್ಯರಿಗೆ ಒಳ್ಳೆ ಬುದ್ದಿ ಕೊಡಪ್ಪ.

ಶಿರೂರು ಸ್ವಾಮೀಜಿಯ ಮೇಲೆ ಪೇಜಾವರ ಮಾಡಿದ ಆರೋಪಗಳು ನಿಜವಾಗುತ್ತ…?

ಸನ್ಯಾಸಿಯಾದವರು ಹೇಗಿರಬೇಕು ಅನ್ನುವುದಕ್ಕೆ ನಿದರ್ಶನ ಅನ್ನಿಸುವ ಖಾವಿದಾರಿಗಳು ನಮ್ಮಲ್ಲಿ ಸಾಕಷ್ಟು ಮಂದಿ ಇದ್ದಾರೆ. ಹೇಗಿರಬಾರದು ಅನ್ನುವುದಕ್ಕೂ ಅಷ್ಟೇ ಮಂದಿದ್ದಾರೆ. ಹಳೆಯ ನ್ಯೂಸ್ ಪೇಪರ್ ಗಳನ್ನು ತಿರುವಿ ಹಾಕಿದ್ದಾರೆ ಸೆಕ್ಸ್ ಅನ್ನುವ ಆರೋಪ ಹೊತ್ತು ಕೋರ್ಟ್ ಮೆಟ್ಟಿಲೇರಿದವರು, ಪಲ್ಲಂಗದಾಟ ನಡೆಸಿ ಧರ್ಮದೇಟು ತಿಂದವರ ಪಟ್ಟಿಯೇ ನಮಗೆ ಸಿಗುತ್ತದೆ.
ಆದರೆ ಶಿರೂರು ಸ್ವಾಮೀಜಿ ಸತ್ತ ಮೇಲೂ ಕೇಳಿ ಬರುತ್ತಿರುವ ಆರೋಪಗಳು, ಅದಕ್ಕೆ ಮಾಧ್ಯಮಗಳಲ್ಲಿ ಸಿಗುತ್ತಿರುವ ಸಾಕ್ಷಿಗಳನ್ನು ನೋಡಿದರೆ ಶಿರೂರು ಶ್ರೀಗಳು ಹೀಗೆ ಮಾಡಬಾರದಿತ್ತು ಅನ್ನುವ ಉದ್ಗಾರ ಬಂದೇ ಬರುತ್ತದೆ.
ಅಷ್ಟ ಮಠಗಳ ನಂಬಿಕೆಗೆ ಪೆಟ್ಟು ಕೊಟ್ಟರಲ್ಲ ಶ್ರೀಗಳು ಅನ್ನುವ ಖೇದ ನಮ್ಮನ್ನು ಕಾಡುತ್ತಿದೆ. ಪಟ್ಟದ ದೇವರಿಗಾಗಿ ಕಿತ್ತಾಡಿದಾಗ ಪೇಜಾವರ ಹಿರಿಯ ಶ್ರೀಗಳು ಸೇರಿದಂತೆ ಅನೇಕ ಸನ್ಯಾಸಿಗಳ ಮೇಲೆ ಸುಮ್ಮನೆ ಗೂಬೆ ಕೂರಿಸಿ ಬಿಟ್ಟವು ಅನ್ನುವ ಬೇಸರ ಕಾಡುತ್ತಿದೆ.
ಆದರೂ ಶಿರೂರು ಶ್ರೀಗಳಿಗೆ ರಮ್ಯ ಶೆಟ್ಟಿ ಅನ್ನುವ ಮಹಿಳೆ ಆತ್ಮೀಯಳಾಗಿದ್ದಳು, ಮಠದ ಉಸ್ತುವಾರಿ ಆಕೆಯ ಕೈಯಲ್ಲಿತ್ತು ಅನ್ನುವ ಅಂಶ ಸುಳಿಗಾಳಿಯಂತೆ ತೇಲಿ ಹೋಯ್ತು ಬಿಟ್ಟರೆ, ಅದು ಬಿರುಗಾಳಿ ಯಾಕೆ ಆಗಲಿಲ್ಲ. ಅಷ್ಟ ಮಠಗಳ ಅನೇಕರಿಗೆ ಈ ವಿಷಯ ಗೊತ್ತಿದ್ದರೂ ಅದನ್ನು ಯಾರೊಬ್ಬರೂ ಯಾಕೆ ಬಹಿರಂಗಪಡಿಸಲಿಲ್ಲ ಅನ್ನುವ ಪ್ರಶ್ನೆಯೊಂದು ನಮ್ಮನ್ನು ಕಾಡುತ್ತಿದೆ.
ಮಠದ ಸಿಬ್ಬಂದಿ, ಶಿರೂರು ಶ್ರೀಗಳ ಶಿಷ್ಯರು, ಆತ್ಮೀಯರು, ಸ್ನೇಹಿತರು ಗಂಭೀರ ವಿಷಯವೊಂದನ್ನು ಅದು ಹೇಗೆ ಮುಚ್ಚಿಟ್ಟರು. ಅವರಿಗೆ ಗೊತ್ತಿಲ್ಲದೆ ಶ್ರೀಗಳು ಸಂಸಾರ ಸಾಗಿಸಿದ್ದು ಹೇಗೆ ಅನ್ನುವುದೇ ದೊಡ್ಡ ಪ್ರಶ್ನೆ.
ಇಂದು ಅವರಿಗೆ ಮಹಿಳೆಯರ ಸಹವಾಸವಿತ್ತು, ಅವರು ಮದ್ಯ ಸೇವಿಸುತ್ತಿದ್ದರು, ಅವರೊಬ್ಬ ಭ್ರಷ್ಟ ಸನ್ಯಾಸಿ ಎಂದು ಹೇಳುವ ಪೇಜಾವರ ಶ್ರೀಗಳು ಈ ಸತ್ಯವನ್ನು ಎಂದೋ ಹೇಳಬಹುದಿತ್ತು. ಆದರೆ ಅದ್ಯಾಕೆ ಮುಚ್ಚಿಟ್ಟರು. ಅಷ್ಟ ಮಠಗಳ ಮರ್ಯಾದೆ ಉಳಿಸಿಕೊಳ್ಳುವ ಸಲುವಾಗಿ ಎಲ್ಲಾ ನೋವುಗಳನ್ನು ಹಿರಿಯ ಯತಿಗಳು ನುಂಗಿ ಕೂತರೆ..?
ಸಾಮಾಜಿಕ ಜಾಲ ತಾಣಗಳಲ್ಲಿ ಶ್ರೀಗಳ ಅಂತಪುರದ ರಹಸ್ಯವನ್ನು ಇಂದು ಬರೆಯುತ್ತಿರುವ ಮಂದಿ ಅಂದು ಯಾಕೆ ಬರೆಯಲಿಲ್ಲ. ಶ್ರೀಗಳಿಂದ ಅವರಿಗೆ ಬೆದರಿಕೆಯ ಭಯವಿತ್ತಾ.
ಪದೇ ಪದೇ ಶಿರೂರು ಶ್ರೀಗಳ ವಿರುದ್ಧ ಅಷ್ಟ ಯತಿಗಳ ಪೈಕಿ ಕೆಲವರು ಸಭೆ ನಡೆಸಿದರೆ, ಶಿರೂರು ಶ್ರೀಗಳು, ಆ ಶ್ರೀಗೆ ಮಕ್ಕಳಿವೆ, ಈ ಶ್ರೀಗೆ ಪತ್ನಿ ಇದೆ ಎಂದು ಹೇಳುವುದು ಬೆದರಿಕೆಯ ತಂತ್ರವೇ, ಅಥವಾ ಅದರಲ್ಲೂ ಸತ್ಯ ಅಡಗಿದೆಯೇ..
ಈಗ ಬಯಲಾಗುತ್ತಿರುವ ಆಡಿಯೋ ಕ್ಲಿಪ್ ಗಳು ಶಿರೂರು ಶ್ರೀ ತನ್ನನ್ನು ತಾನು ರಕ್ಷಿಸಿಕೊಳ್ಳಲು ರಚಿಸಿದ ವ್ಯೂಹದ ಭಾಗವೇ.
ಅಷ್ಟ ಮಠಗಳ ಪೈಕಿ ಆರು ಮಠಗಳು ಶಿರೂರು ಶ್ರೀ ಅಕ್ರಮವನ್ನು ಬಯಲಿಗೆಳೆಯಲು ಪದೇ ಪದೇ ಸಭೆ ನಡೆಸಿ, ಒತ್ತಡ ತಂತ್ರ ಹೇರಲು ಸಜ್ಜಾಗುತ್ತಿದ್ದಂತೆ ಶ್ರೀಗಳು ಇನ್ಮುಂದೆ ಬದುಕು ಕಷ್ಟವೆಂದು ನಿರ್ಧರಿಸಿದರೆ.
ಹೀಗೆ ಪ್ರಶ್ನೆಗಳ ಮೇಲೆ ಪ್ರಶ್ನೆಗಳು ಕಾಡುತ್ತಿದೆ. ಪೊಲೀಸರ ತನಿಖೆ ಅವರ ಸಾವಿನ ಕುರಿತಂತೆ ನಡೆಯುತ್ತಿದೆ. ಆದರೆ ಉಳಿದೆಲ್ಲಾ ಪ್ರಶ್ನೆಗಳು ಪ್ರಶ್ನೆಗಳಾಗಿಯೇ ಉಳಿದು ಹೋಗಲಿದೆ.
ಎಲ್ಲಾ ಸತ್ಯ ಗೊತ್ತಿರುವುದು ಪೊಡವಿಗೊಡೆಯ ಶ್ರೀಕೃಷ್ಣನಿಗೆ ಮಾತ್ರ. ಶ್ರೀಕೃಷ್ಣನ ಆಟದ ಮುಂದೆ ಮಕಾಡೆ ಮಲಗಿದ ಘಟಾನುಘಟಿಗಳಿಗೆ ಲೆಕ್ಕವಿಲ್ಲ. ಇನ್ನು ಇದ್ಯಾವ ಲೆಕ್ಕ.
ಒಟ್ಟಿನಲ್ಲಿ ಶಿರೂರು ಶ್ರೀಗಳು ಮಾಡಿಕೊಂಡ ಎಡವಟ್ಟಿನಿಂದ ಉಳಿದ ಸ್ವಾಮೀಜಿಗಳನ್ನೂ ಸಂಶಯದಿಂದ ನೋಡುವಂತಾಗಿದೆ.

shiroor swamiji ಸಾವಿಗೆ ದೈವವನ್ನು ಆರೋಪಿ ಮಾಡಬೇಡಿ

ಸೀರೆ ಹೆಸರಿನಲ್ಲಿ ಮಹಿಳೆಯರಿಗೆ ಟೋಪಿ ಹಾಕಿದ ಕುಮಾರಸ್ವಾಮಿ

1

ಜನರಿಗೆ ಟೋಪಿ ಹಾಕುವುದರಲ್ಲಿ ನಮ್ಮ ಜನಪ್ರತಿನಿಧಿಗಳದ್ದು ಎತ್ತಿದ್ದ ಕೈ. ಮತ ಕೊಟ್ಟ ಪ್ರಭುವಿಗೆ ಟೋಪಿ ಹಾಕುವುದೆಂದರೆ ಇವರಿಗೆ ಪಂಚಪ್ರಾಣ. ಈ ಹಿಂದಿನ ಸರ್ಕಾರಗಳು ಹಾಕಿದ ಟೋಪಿಗಳಿಗೆ ಲೆಕ್ಕವಿಲ್ಲ.

ಇದೀಗ ಕುಮಾರಸ್ವಾಮಿ ಸರ್ಕಾರದ ಸರದಿ. ಹಾಗೋ ಹೀಗೋ ಸಾಲ ಮನ್ನಾ ವಿಚಾರದಲ್ಲಿ ಯು ಟರ್ನ್ ತೆಗೆದುಕೊಳ್ಳಲು ಹೋಗಿದ್ದ ಸರ್ಕಾರ ರೈತರ ಒತ್ತಡಕ್ಕೆ ಮಣಿದು ಸಾಲಮನ್ನಾ ಮಾಡಲು ತೀರ್ಮಾನಿಸಿದೆ.

ಆದರೆ ಇದೀಗ ಟೋಪಿ ಹಾಕಿದ ಸರದಿ ರೇಷ್ಮೆ ಸಚಿವ ಸಾ.ರಾ. ಮಹೇಶ್ ಅವರದ್ದು. ವರ ಮಹಾಲಕ್ಷ್ಮೀ ಹಬ್ಬಕ್ಕೆ ಕಡಿಮೆ ದರದಲ್ಲಿ ರೇಷ್ಮೆ ಸೀರೆ ಕೊಡ್ತೀನಿ ಎಂದ ಸಚಿವರು ಕೊಟ್ಟ ಸೀರೆ ಹೇಗಿತ್ತು ಗೊತ್ತಾ. ಪಬ್ಲಿಕ್ ಟಿವಿ ಮಾಡಿದ ವರದಿ ನೋಡಿ.

ರೇಷ್ಮೆ ಸೀರೆ ಕೊಡ್ತೀವಿ ಎಂದು ಸಿಲ್ಕ್ ಸೀರೆ ಕೊಟ್ಟ ಸಾರಾ ಮಹೇಶ್