Advertisements

ನಾನು ಮತ್ತು ಗುಂಡನ ಅಯ್ಯೋ ರಾಮನ ಸಾಂಗ್ ಕೇಳಿದ್ರ…?

ಸೆನ್ಸಾರ್’ನಿಂದ ಶಬಾಶ್’ಗಿರಿ ಪಡೆದ ಉತ್ಸಾಹದಲ್ಲಿ ಬಿಡುಗಡೆಗೆ ಸಿದ್ದಗೊಂಡಿರೋ ‘ನಾನು ಮತ್ತು ಗುಂಡ’ ಚಿತ್ರತಂಡ ಚಿತ್ರದ ಮತ್ತೊಂದು ಹಾಡನ್ನ ಬಿಡುಗಡೆಗೊಳಿಸಿದೆ.

ಆನಂದ್ ಆಡಿಯೋ ಯುಟ್ಯೂಬ್ ಚಾನೆಲ್’ನಲ್ಲಿ ಬಿಡುಗಡೆಗೊಂಡ ಅಯ್ಯಯ್ಯೋ ರಾಮ ರಾಮ ಎಂಬ ಹಾಡು ಕ್ಯಾಚಿ ಲಿರಿಕ್ಸ್’ನಿಂದ ಈಗಾಗಲೇ ಚಿತ್ರಪ್ರೇಮಿಗಳನ್ನ ರಂಜಿಸುತ್ತಿದೆ.

ಆಟೋ ಡ್ರೈವರ್ ಶಂಕರನ ಬೆನ್ಹತ್ತೋ ಗುಂಡನ ಕಾಟ ತಡೆಯಲಾರದ ಶಂಕರನ ಪರಿಸ್ಥಿತಿ ಈ ಹಾಡಿನಲ್ಲಿ ತಿಳಿಹಾಸ್ಯದೊಂದಿದೆ ವ್ಯಕ್ತವಾಗಿ ಜನಮೆಚ್ಚುಗೆ ಪಡೆಯುತ್ತಿದೆ. ಕಾರ್ತಿಕ್ ಶರ್ಮಾ ಕಂಪೋಸ್ ಮಾಡಿರೋ ಕ್ಯಾಚಿ ಟ್ಯೂನ್’ಗೆ ರೋಹಿತ್ ರಮಣ್ ಅಷ್ಟೇ ಕ್ಯಾಚಿಯಾಗಿರೋ ಸಾಹಿತ್ಯವನ್ನ ಕಟ್ಟಿದ್ದಾರೆ. ಈ ಹಾಡು ಚಿತ್ರಪ್ರೇಮಿಗಳ ಹಾಗೂ ಶ್ವಾನಪ್ರೇಮಿಗಳ ಆಸಕ್ತಿಯನ್ನ ಮತ್ತಷ್ಟು ಹೆಚ್ಚಿಸುತ್ತಿದೆ.

Advertisements

ಪಾಪ್​ಕಾರ್ನ್ ಮಂಕಿ ಟೈಗರ್​ ಯಾಕೆ ಹೊಸ ಅಲೆ ಸೃಷ್ಠಿಸಲಿದೆ ಅಂದ್ರಾ ..?

ಸೂರಿ ಯವರ ಭಾರಿ ನಿರೀಕ್ಷೆ ಹುಟ್ಟಿಸಿರುವ ಪಾಪ್ ಕಾರ್ನ್ ಮಂಕಿ ಟೈಗರ್ ಚಿತ್ರ. ಈ ಚಿತ್ರ ಹಲವಾರು ವಿಶೇಷತೆಗಳಿಂದ ಕೂಡಿದೆ.

ಟ್ರೈಲರ್ ಇತ್ರೀಚೆಗಷ್ಟೆ ಬಿಡುಗಡೆ ಹೊಂದಿದ್ದು ಪಿಎಮ್ ಟಿಯ ರಾ ಲುಕ್ ಗಾಂಧಿನಗರದಲ್ಲಿ ಗುಲ್ಲೆಬಿಸಿದೆ.

ವಿಲನ್ ಕ್ಯಾರೆಕ್ಟರ್ ನಿಂದಲೆ ದಿನೇ ದಿನೆ ಲೈಕ್ಸ್ ಹೆಚ್ಚಿಸಿಕೊಳ್ಳುವುದಷ್ಟೇ ಅಲ್ಲದೆ ಒಬ್ಬ ಕಮರ್ಷಿಯಲ್ ಹೀರೋ ಗೂ ಮೀರಿದ ಪಾಪ್ಯುಲಾರಿಟಿ ಪಡೆದುಕೊಂಡ ಡಾಲಿ ಧನಂಜಯ್ ಯೂ ಟ್ಯೂಬ್​ ನಲ್ಲಿ ಪ್ರಸಿದ್ದಿ ಪಡೆಯುತ್ತಾ ಇಡೀ ತಂಡವನ್ನು ಮುನ್ನೆಡೆಸುತ್ತಿದ್ದಾರೆ.

ಇದಕ್ಕೆ ಸೂರಿ ಕಾರಣಕರ್ತ ಎಂದು ಗಾಂಧಿನಗರದ ಮಂದಿ ಮಾತನಾಡಿಕೊಂಡರೂ ಅವರ ಲೆವಲ್ ಗೆ ಒಬ್ಬ ನಟ ಕೆಲಸ ಮಾಡಬೇಕಾದ್ರೆ ಅದಕ್ಕೆ ಟ್ಯಾಲೆಂಟ್ ಬೇಕು ಎಂದು ಇನ್ನೂ ಕೆಲವರು ಅಭಿಪ್ರಾಯ ಪಟ್ಟಿದ್ದಾರೆ.

ಈ ಚಿತ್ರ ಹೊಸ ಅಲೆ ಸೃಷ್ಠಿಸಲಿದೆ ಎಂದು ನಮ್ಮ ನೆಚ್ಚಿನ ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್ ಹೇಳಿಕೊಂಡಿದ್ದಾರೆ. ತಮ್ಮ ಮಾತುಗಳಿಂದ ನೂರಾರು ಮಿಲಿಯನ್ ಲೈಕ್ಸ್ ಪಡೆದಷ್ಟು ಸಂತೋಷವನ್ನು ಸೂರಿಯ ಪಿಎಮ್​ಟಿ ತಂಡಕ್ಕೆ ನೀಡಿದ್ದಾರೆ.

ಈ ಹಿಂದೆ ಪುನೀತ್ ಜೊತೆ ಸೂರಿ ಸೇರಿ ಜಾಕಿ, ಅಣ್ಣಾ ಬಾಂಡ್ ಮತ್ತು ಡೊಡ್ಮನೆ ಹುಡಗ ದಂತಹ ಹಿಟ್ ಚಿತ್ರಗಳನ್ನು ಪ್ರೇಕ್ಷಕರಿಗೆ ನೀಡಿದ್ದಾರೆ.

ಹಾಗಾಗಿಯೇ ಚಿತ್ರವೊಂದರ ಫಸ್ಟ್ ಟೀಸರ್ ಬಿಡುಗಡೆ ಆಗುತ್ತಿದ್ದಂತೆ ಎಲ್ಲಡೆ ಪ್ರಶಂಸೆಗಳ ಸುರಿಮಳೆಯಾಗಿರುವುದರ ಬಗ್ಗೆ ಅಪ್ಪು ವಿಗೂ ಖುಷಿಯಿದೆ. ಈ ಚಿತ್ರದ ಆಡಿಯೋ ರೈಟ್ಸ್ ತಮ್ ಪಿಆರ್​ಕೆ ಸಂಸ್ಥೆಗೆ ನೀಡಿರುವ ವಿಚಾರವಾಗಿ ಮಾತನಾಡಿದ ಪವರ್ ಸ್ಟಾರ್ ಧನಂಜಯ್ ಲುಕ್ಸ್ ಜತಜತೆಗೆ ಚರಣ್ ರಾಜ್ ಸಂಗೀತ ನಿರ್ದೇಶನವನ್ನ ಹಾಡಿ ಹೊಗಳಿದ್ದಾರೆ.

“ಸೂರಿ ಸರ್ ಪಿಕ್ಚರ್ ಅಂದ್ರೆ ತುಂಬಾ ರಾ ಆಗಿರುತ್ತೆ, ಟೀಸರ್ ಅಮೋಘವಾಗಿದೆ. ಬಹಳಷ್ಟು ಎಕ್ಸೈಟ್​ಮೆಂಟ್ ಇದೆ. ತಂಡಕ್ಕೆ ಆಲ್ ದಿ ಬೆಸ್ಟ್ ಹಾಗು ಈ ಚಿತ್ರದ ಬಗ್ಗೆ ನನಗೆ ಹೆಮ್ಮೆ ಇದೆ. ಟಗರು ನಂತರ ಇದು ಡಾಲಿ ಮತ್ತು ಸೂರಿ ಕಾಂಬಿನೇಷನ್ ನ ಎರಡನೇ ಚಿತ್ರ ಹಾಗಾಗಿ ಆಲ್ ದ ದಿ ಬೆಸ್ಟ್,” ಎಂದು ಅಪ್ಪು ವಿಷ್ ಮಾಡಿದ್ದಾರೆ.

ಪಿಎಮ್​ಟಿ ಗೆ ಸುರೇಂದ್ರ ನಾಥ್ (ಸೂರಿ) ಕಥೆ, ಸೂರಿ ಮತ್ತು ಅಮೃತ ಭಾರ್ಗವ್ ಸಂಭಾಷಣೆ ಇದೆ.
ಶೇಕರ್ ಅವರ ಛಾಯಾಗ್ರಹಣಕ್ಕೂ ಅಪ್ಪು ಫುಲ್ ಮಾರ್ಕ್ಸ್ ನೀಡಿರೋದು ಮತ್ತೊಂದು ವಿಶೇಷ.
ಸುಧೀರ್ ಕೆ.ಎಂ.ಅವರ ನಿರ್ಮಾಣದಲ್ಲಿ ಪಾಪ್ ಕಾರ್ನ್ ಮಂಕಿ ಟೈಗರ್ ಹೊಸ ಅಲೆಯನ್ನೇಬಿಸೋ ಸೂಚನೆ ನೀಡಿದೆ.

ಪುಕ್ಸಟ್ಟೆ ಲೈಫು ಸಿನಿಮಾದಲ್ಲೊಂದು ಅಯ್ಯಪ್ಪನ ಭಕ್ತಿ ಗೀತೆ….

ಪುಕ್ಸಟ್ಟೆ ಲೈಫು ಸಿನಿಮಾವನ್ನ ಜನರ ಮುಂದಿಡುವ ಮುನ್ನ ನಿರ್ದೇಶಕ ಅರವಿಂದ್ ಕುಪ್ಲೀಕರ್ ಸಾಂಗ್ ರಿಲೀಸ್ ಮಾಡ್ತಿದ್ದಾರೆ. ಅದು ಯಾವುದೋ ಸಾಂಗ್ ಅಲ್ಲ ಬದಲಾಗಿ ಸ್ವಾಮಿ ಶರಣಂ ಎನ್ನುವ ಭಕ್ತಿ ಗೀತೆಯನ್ನ ಅಯ್ಯಪ್ಪ ಭಕ್ತರಿಗೆಂದೇ ಮೀಸಲಿಟ್ಟಿದ್ದಾರೆ.

ಈ ಸಾಂಗ್ ಶುಕ್ರವಾರ 10 ಜನವರಿಯಂದು ಬೆಳಗ್ಗೆ ಎಲ್ಲಾ ಸಾಮಾಜಿಕ ಜಾಲತಾಣಗಳಲ್ಲಿ ಭಕ್ತಿಯ ಸುಧೆ ಹರಿಸಲಿದೆ.

ರಾಷ್ಟ್ರ ಪಶಸ್ತಿ ವಿಜೇತ ಸಂಚಾರಿ ವಿಜಯ್ ಮುಖ್ಯ ಭೂಮಿಕೆಯ ಪುಕ್ಸಟ್ಟೆ ಲೈಫು, ಎಮ್ ಎಸ್ ರಮೇಶ್ ಬರೆದ ಕಥೆಯನ್ನಾಧರಿಸಿ ಸೃಷ್ಟಿಸಿದರೂ ಅರವಿಂದ್ ಸ್ವತಃ ಸನಿಮಾ ಗೆ ಹೋಲುವ ಡೈಲಾಗ್ ಬೆರೆದು ಕಥೆಯನ್ನು ಮರುಸೃಷ್ಠಿಸಿ ಜೀವ ತುಂಬಿಸಿದ್ದಾರೆ. ಅದರಲ್ಲೂ ಕಲಾವಿದರೆಲ್ಲರೂ ರಂಗಭೂಮಿ ಕಲಾವಿದರೆ ಅನ್ನುವುದು ವಿಶೇಷ. ಇನ್ನೊಂದೆಡೆ ಈ ಚಿತ್ರವನ್ನು ಪ್ರಯೋಗಾತ್ಮಕ ಸಿನಿಮಾ ಎಂದೆ ಕರೆಯಲಾಗುತ್ತಿದೆ. ಆದರೆ ಕಮರ್ಷಿಯಲ್ ಟಚ್ ಇಲ್ಲ ಎಂದು ಹೇಳುವಂತಿಲ್ಲ.

ಹೀಗಿರುವಾಗ ಅಯ್ಯಪ್ಪ ಭಕ್ತರ ಕೂಗು ಕೇಳಿದಂತೆ ಧನುರ್ಮಾಸದ ಚಳಿಬಿಡಿಸಿ ಕುಣಿಯುವಂತೆ ಮಾಡುವ ಹಾಡೊಂದರ ಬಿಡುಗಡೆ ಸ್ವಾಗತಾರ್ಹ.

ಪುಕ್ಸಟ್ಟೆ ಲೈಫು ಸಿನಿಮಾದ ಚಿತ್ರೀಕರಣ ಬಹುತೇಕ ಪೂರ್ಣಗೊಂಡಿದ್ದು ದೇವರಿಗೆ ತಮ್ಮ ಕಾಣಿಕೆಯನ್ನಾಗಿ ಈ ಸಾಂಗ್ ಹೊರಬೀಳುತ್ತಿದೆ.

ಸೀರಿಯಸ್ ಆಗಿ ಹೇಳಬೇಕೆಂದ್ರೆ ಇದು ಕಾಮಿಡಿ ಕಿಕ್ ನೀಡೋ ಚಿತ್ರ . ಸಂಚಾರಿ ವಿಜಯ್ ತಂಡದೊಂದಿಗೆ ರಂಗಕ್ಷೇತ್ರದಲ್ಲಿ ಇಂಚಿಂಚು ಬಿಡದೆ ಡೈಲಾಗ್ ಹೊಡೆದು ತಮ್ಮ ನಟನೆಯಿಂದ ಪ್ರೇಕ್ಷಕರ ಮನ ಗೆದ್ದ ರಂಗಾಯಣ ರಘು ಮತ್ತು ಅಚ್ಯುತ್ ಕುಮಾರ್ ಚಿತ್ರದ ಸ್ವರ್ಣಾಶ್ವಗಳಿದ್ದಂತೆ. ಇದಕ್ಕಿಂತ ಹೆಚ್ಚೇನು ಬೇಕು ಎನ್ನುತ್ತಾ ಸರ್ವಸ್ವ ಪ್ರೊಡಕ್ಷನ್ಸ್ ಜನರಿಗೆ ಶ್ರೀಘ್ರದಲ್ಲೆ ಚಿತ್ರದ ರಸದೌತಣಕ್ಕೆ ಆಮಂತ್ರಣ ನೀಡಲಿದೆ. ಅಲ್ಲಿಯವರೆಗು ಸ್ವಾಮಿ ಶರಣಂ.

ಸುಕ್ಕಾ ಸೂರಿ ದುನಿಯಾದ ಮತ್ತೊಂದು ಘೋರ ಕಥೆಯ ಅನಾವರಣ ಪಿಎಮ್​ಟಿ…?

ವಿಭಿನ್ನ ಶೀರ್ಷಿಕೆಯಿಂದಲೆ ಚಿತ್ರದ ಮೇಲೆ ಬಹಳಷ್ಟು ನಿರೀಕ್ಷೆ ಹುಟ್ಟಿಸಿದ ಗಾಂಧಿನಗರದ ಮಾಸ್​ ಚಿತ್ರ ಪಾಪ್​ಕಾರ್ನ್ ಮಂಕಿ ಟೈಗರ್.

ಈಗ ತೀವ್ರ ಕುತೂಹಲ ಹುಟ್ಟಿಸಿದ್ದ ಪಾಪ್ ಕಾರ್ನ್ ಮಂಕಿ ಟೈಗರ್ ಚಿತ್ರ ತನ್ನ ಟ್ರೈಲರ್ ಮೂಲಕ ಅಭಿಮಾನಿಗಳ ಮನ ಸೆಳೆಯುತ್ತಿದೆ. ಒಂದು ಲಕ್ಷಕ್ಕೂ ಅಧಿಕ ವೀವ್ಸ್ ದಾಟಿರುವುದರ ಹಿಂದೆ ಡಾಲಿ ಧನಂಜಯ್ ಶ್ರಮ, ಸೂರಿಯ ಖಡಕ್ ನಿರ್ದೇಶನವಿದೆ. ಅದರಂತೆ ನಾಯಕಿ ಸ್ಮಿತ ಹಾಗು ಡಾಲಿ ಜೊತೆಯಾಗಿ ಕಂಡಿಬರುವ ಅನೇಕ ಪಾತ್ರಗಳು ಕಥೆಯಲ್ಲಿ ಸೆಳೆದಿಡುವ ನೈಜತೆ ಹೊಂದಿದೆ. ಕೇವಲ ಟ್ರೈಲರ್ ಒಂದರ ಬಿಡುಗಡೆಯಿಂದಲೆ ಮೈ ಜುಮ್ಮೆನಿಸುವ ಈ ಪಾತ್ರಗಳು ತೆರೆಗಪ್ಪಳಿಸಿದರೆ ಅದರ ಎಫೆಕ್ಟ್ ಹೇಗಿರಬೇಕು? ಎನಿಸುತ್ತದೆ.

ದುನಿಯಾ ಖ್ಯಾತಿಯ ನಿರ್ದೇಶಕ ಸೂರಿ ಡಾಲಿ ಧನಂಜಯ್​ಗೆ ಹೇಳಿ ಮಾಡಿಸಿದ ಪಾತ್ರ ನೀಡಿರುವುದು ಮೇಲ್ನೋಟಕ್ಕೆ ಕಂಡುಬಂದರೂ ಅದಕ್ಕೆ ಡಾಲಿ ಧನಂಜಯ್ ಜೀವ ತುಂಬಿದ್ದಾರೆ. ಸುಕ್ಕಾ ಸೂರಿಗೆ ಪಕ್ಕಾ ಲೋಕಲ್​ನಂತೆ ಧನಂಜಯ್ ನೀಡಿರುವ ಬಿಲ್ಡ್​ಅಪ್ ಸೀನ್ ಎಲ್ಲರಿಗೂ ಇಷ್ಟವಾಗಿದೆ.

ಆದರೆ ಪಾಪ್​ಕಾರ್ನ್ ಮಂಕಿ ಟೈಗರ್ ಚಿತ್ರತಂಡ ಹಿಂಸಾಚಾರದ ಸುತ್ತ ಹೆಣೆದಿರುವ ಕಥೆ ಎಂದು ಬರೆದುಕೊಂಡು ಕಥಾನಾಯಕ ಹಾಗು ನಾಯಕಿ ಅನುಭವಿಸುವ ಘಟನೆ ಹಾಗು ಎದುರಿಸುವ ಸನ್ನಿವೇಶಳಿಂದ ಬದಲಾವಣೆಗಳು? ಎಂಬುದನ್ನು ಪ್ರಶ್ನೆಯಾಗಿಗೆಯೆ ಉಳಿಸಿದೆ.

ಕಥಾನಾಯಕ ರಕ್ತದ ಮಡುವಿನಲ್ಲಿ ಬಿದ್ದು ಅಲ್ಲಲ್ಲಿ ಕ್ರೌರ್ಯ ಪ್ರದರ್ಶಿಸಿದರೆ, ನಾಯಕಿ ಸ್ಮಿತಾ ಕೂಡ ರಾ ಲುಕ್​ನಲ್ಲಿ ಮೇಕಪ್​ ಇಲ್ಲದೆ ರುದ್ರಿಯಂತೆ ಯಾರನ್ನೋ ಚಂಡಾಡುತ್ತಿದ್ದಾರೆ. ಇಡೀ ಕ್ರೈಮ್ ಬ್ಯಾಕ್​ಡ್ರಾಪ್ ಹಿಂದಿನ ಕಥೆಯನ್ನು ಟ್ರೈಲರ್​ನಲ್ಲಿ ಅನಾವರಣಗೊಳಿಸಿದರೂ ಕಥೆಯೇನು ಎಂಬುದನ್ನು ಸೂರಿ ಸಸ್ಪೆನ್ಸ್ ಆಗಿಯೇ ಇರಿಸಿದ್ದಾರೆ. ಇದೇ ಅವರ ಸ್ಪೆಷಾಲಿಟಿ.

ಪಿಎಮ್​ಟಿ ಗೆ ಸುರೇಂದ್ರ ನಾಥ್ (ಸೂರಿ) ಕಥೆ ಬರೆದಿದ್ದು, ಸೂರಿ ಮತ್ತು ಅಮೃತ ಭಾರ್ಗವ್ ಸಂಭಾಷಣೆ ಬರೆದಿದ್ದಾರೆ. ಸೂರಿ ಅವರೇ ನಿರ್ದೇಶಿಸಿರೋ ಈ ಚಿತ್ರ ಪಾಪ್ ಕಾರ್ನ್ ಮಂಕಿ ಟೈಗರ್ ಸಾಕಷ್ಟು ವಿಶೇಷತೆಗಳಿಂದ ಕೂಡಿದೆ.

ಚಿತ್ರಕ್ಕೆ ಚರಣ್ ರಾಜ್ ಸಂಗೀತವಿದ್ದರೆ, ಶೇಕರ್ ಅವರ ಛಾಯಾಗ್ರಹಣವಿದೆ. ಸುಧೀರ್ ಕೆ.ಎಂ.ಅವರು ಚಿತ್ರದ ನಿರ್ಮಾಪಕರು. ಈಗಾಗಲೇ ಸಾಕಷ್ಟು ವಿಚಾರಗಳಿಂದ ಸಖತ್ ಸುದ್ದಿ ಮಾಡಿರೋ ಪಾಪ್ ಕಾರ್ನ್ ಮಂಕಿ ಟೈಗರ್ ಟೀಸರ್ ಹೊಸ ಅಲೆಯನ್ನೇಬಿಸೋ ಸೂಚನೆ ನೀಡಿದೆ.

ನಾನು ಮತ್ತು ಗುಂಡ…ಟ್ರೈಲರ್ ಗೆ ಕಾಯುತ್ತಿದೆ ಕರ್ನಾಟಕ

ಬಹಳಷ್ಟು ವರ್ಷಗಳ ಬಳಿಕ ಚಂದನವನದಲ್ಲಿ ಮನುಷ್ಯ ಹಾಗು ಸಾಕು ಪ್ರಾಣಿ ಸಂಬಂಧ ಅನಾವರಣಗೊಳಿಸುವ ಚಿತ್ರ ನಾನು ಮತ್ತು ಗುಂಡ ತೆರೆಗೆ ಬರಲು ಸಿದ್ಧವಾಗಿದೆ.

ಸಂಪೂರ್ಣ ಸಿನಿಮಾ, ಫಸ್ಟ್ ಲುಕ್, ಟೀಸರ್ ಗಳಿಂದ ವಿಶೇಷವಾಗಿ ಸದ್ದು ಮಾಡುತ್ತಿರುವ ಚಿತ್ರ ಇದಾಗಿದೆ. ಕಾಮಿಡಿ ಕಿಲಾಡಿಗಳು ಖ್ಯಾತಿಯ ಶಿವರಾಜ್ ಕೆ.ಆರ್. ಪೇಟೆ, ಸಂಯುಕ್ತ ಹೊರನಾಡು ಹಾಗು ಸಿಂಬಾ ಅನ್ನುವ ಶ್ವಾನ ಅಭಿನಯದ ಚಿತ್ರ ಇದಾಗಿದೆ. ಶ್ರೀನಿವಾಸ್ ತಿಮ್ಮಯ್ಯ ನಿರ್ದೇಶನದಲ್ಲಿ ಪೊಯಂ ಪಿಕ್ಚರ್ಸ್ ಬ್ಯಾನರ್ಸ್ ನಡಿ ಗಾಂಧಿಗಿರಿ ಚಿತ್ರದ ನಿರ್ದೇಶಕ ರಘು ಹಾಸನ್ ಅವರು ನಿರ್ಮಿಸಿರುವ ಚಿತ್ರ ಇದಾಗಿದೆ. ಚಿತ್ರಕ್ಕೆ ಶರತ್ ಚಕ್ರವರ್ತಿ ಸಂಭಾಷಣೆ ಬರೆದಿದ್ದರೆ, ಕಾರ್ತಿಕ್ ಶರ್ಮಾ ಸಂಗೀತ ಸಂಯೋಜಿಸಿದ್ದಾರೆ.

ಚಿತ್ರದಲ್ಲಿ ಶ್ವಾನವನ್ನೇ ಮುಖ್ಯ ಪಾತ್ರದಾರಿಯನ್ನಾಗಿಸಿಕೊಂಡು ತೆರೆಗೆ ಬರಲು ಹೊರಟಿಸುವ ಈ ಚಿತ್ರ, ಕನ್ನಡ ಚಿತ್ರರಂಗದಲ್ಲಿ ವಿಶೇಷ ನಿರೀಕ್ಷೆಯನ್ನಿಟ್ಟುಕೊಂಡಿದ್ದು, ತೆರೆಗೆ ಬರಲು ಸಿದ್ಧವಾಗಿದೆ.

ಇತ್ತೀಚೆಗಷ್ಟೇ ಸೆನ್ಸಾರ್ ಪರೀಕ್ಷೆಯಲ್ಲಿ ಪಾಸ್ ಆಗಿರುವ ನಾನು ಮತ್ತು ಗುಂಡ ಚಿತ್ರವನ್ನು ನೋಡಿ ಮೆಚ್ಚಿಕೊಂಡಿರುವ ಸೆನ್ಸಾರ್ ಮಂಡಳಿ ಚಿತ್ರಕ್ಕೆ ಯು ಸರ್ಟೀಫಿಕೆಟ್ ನೀಡಿದೆ.

ಎಲ್ಲಾ ವರ್ಗದ ಜನರು ನೋಡುವಂತಹ ಮನುಷ್ಯ ಹಾಗು ಪ್ರಾಣಿಗಳ ನಡುವಿನ ಭಾವನಾತ್ಮಕ ಸಂಬಂಧ ಬೆಸೆಯುವ ಅದ್ಬುತ ಚಿತ್ರವೆಂದು ಅದು ಬಣ್ಣಿಸಿದೆ. ಅಪರೂಪದ ಪ್ರಯೋಗಗಳನ್ನು ಬೆಂಬಲಿಸುವ ಅಂತಹ ಚಿತ್ರಗಳನ್ನು ವಿತರಿಸಿ ಯಶಸ್ಸು ಕಂಡಿರುವ ಮೈಸೂರು ಟಾಕೀಸ್ ನ ಜಾಕ್ ಮಂಜು ಅವರು ನಾನು ಮತ್ತು ಗುಂಡ ಚಿತ್ರವನ್ನು ನೋಡಿ ಮೆಚ್ಚಿ ವಿತರಣೆಗೆ ಮುಂದಾಗಿದ್ದಾರೆ.

ಈ ಹಿಂದೆ ಯು ಟರ್ನ್, ಒಂದು ಮೊಟ್ಟೆಯ ಕಥೆ, ಗಂಟು ಮೂಟೆ ಸೇರಿದಂತೆ, ಹಲವು ವಿಶಿಷ್ಠ ಬಗೆ ಸಿನಿಮಾಗಳನ್ನ ವಿತರಿಸಿ, ಯಶಸ್ಸು ಕಂಡಿರುವ ಜಾಕ್ ಮಂಜು, ಈ ವರ್ಷದ ಆರಂಭದಲ್ಲೇ ನಾನು ಮತ್ತು ಗುಂಡ ಚಿತ್ರವನ್ನು ವಿತರಣೆಗೆ ತೆಗೆದುಕೊಂಡು, ಈ ಚಿತ್ರದ ಮೇಲೆ ತುಂಬಾ ಭರವಸೆಯನ್ನು ವ್ಯಕ್ತಪಡಿಸಿದ್ದಾರೆ. ನಾನು ಮತ್ತು ಗುಂಡ ಚಿತ್ರತಂಡ ಈ ಮೂಲಕ ಭರ್ಜರಿ ಪ್ರಚಾರವನ್ನು ಆರಂಭಿಸಿದ್ದು, ಸದ್ಯದಲ್ಲೇ ಚಿತ್ರದ ಕುರಿತಂತೆ ಮತ್ತಷ್ಟು ವಿಶೇಷ ವಿಚಾರಗಳನ್ನು ಹಿಂಚಿಕೊಳ್ಳುವ ಧಾವಂತದಲ್ಲಿದೆ. ಇದೀಗ ನಾನು ಮತ್ತು ಗುಂಡ ಚಿತ್ರದ ಟ್ರೈಲರ್ ಬಿಡುಗಡೆಗೆ ದಿನಾಂಕ ಪ್ರಕಟಿಸುವ ಸನ್ನಾಹದಲ್ಲಿದೆ.

ಅರ್ನಬ್ ಗೋಸ್ವಾಮಿ ತನಕ ತಲುಪಿದೆ ದೀಪಿಕಾ ಶೈನ್ ಶೆಟ್ಟಿ ಲವ್ ಸ್ಟೋರಿ….

ಈ ಬಾರಿಯ ಕನ್ನಡ ಬಿಗ್ ಬಾಸ್ ಮನೆಯಲ್ಲಿ ಯಾರು ಮನರಂಜನೆ ಕೊಟ್ಟರೋ ಬಿಟ್ಟರೋ, ದೀಪಿಕಾ ಮತ್ತು ಶೈನ್ ಶೆಟ್ಟಿ ವೀಕ್ಷಕರನ್ನು ಹಿಡಿದಿಟ್ಟುಕೊಂಡಿದ್ದಾರೆ.

ಬಿಗ್ ಬಾಸ್ ಮನೆಯಲ್ಲಿ ಇವರಿಬ್ಬರೂ ಆಟ ಆಡುತ್ತಿದ್ದಾರೋ, ನಿಜಕ್ಕೂ ಪ್ರೀತಿಯಲ್ಲಿ ಬಿದ್ದಿದ್ದಾರೆಯೇ, ಫ್ಲಟ್ ನಡೆಯುತ್ತಿದೆಯೇ ಎಲ್ಲವನ್ನೂ ಅವರು ಮನೆಯಿಂದ ಹೊರ ಬಂದ ಮೇಲಷ್ಟೇ ತಿಳಿದುಕೊಳ್ಳಬೇಕು.

ಈ ನಡುವೆ ಇವರಿಬ್ಬರ ಪ್ರೀತಿಯಾಟದಿಂದ ದೀಪಿಕಾ ತಾಯಿ ಫುಲ್ ಟೆನ್ಸನ್ ಮಾಡಿಕೊಂಡಿದ್ದಾರೆ. ಕೆಲ ದಿನಗಳ ಹಿಂದೆ ಮನೆಗೆ ಹೋಗಿದ್ದ ಅವರು ಮಗಳಿಗೆ ಎಚ್ಚರಿಕೆಯನ್ನೂ ಕೊಟ್ಟು ಬಂದಿದ್ದಾರೆ.

ಜೊತೆಗೆ ಹೊರ ಬಂದ ಮೇಲೆ ಮಾಧ್ಯಮಗಳ ಜೊತೆ ಮಾತನಾಡಿರುವ ಅವರು ಆತಂಕವನ್ನೂ ವ್ಯಕ್ತಪಡಿಸಿದ್ದಾರೆ.

ಈ ನಡುವೆ ದೀಪಿಕಾ ಶೈನ್ ಶೆಟ್ಟಿಯ ಆಟ ರಾಷ್ಟ್ರೀಯ ಮಾಧ್ಯಮಗಳನ್ನು ಸುದ್ದಿಯಾಗುತ್ತಿದೆ. ಖ್ಯಾತ ಪತ್ರಕರ್ತ ಅನರ್ಬ್ ಗೋಸ್ವಾಮಿಯವರ ರಿಪಬ್ಲಿಕ್ ಟಿವಿ ವೆಬ್ ಸೈಟ್ ನಲ್ಲೂ ಇವರಿಬ್ಬರ ಬಗ್ಗೆ ಸುದ್ದಿಯೊಂದು ಪ್ರಕಟಗೊಂಡಿದೆ.

Bigg Boss Kannada 7: Are Deepika Das And Shine Shetty The New Lovebirds In The House?

ಅನ್ನುವ ಹೆಡ್ ಲೈನ್ಸ್ ಕೊಟ್ಟಿರುವ ಸುದ್ದಿ ಇದಾಗಿದೆ. ಅಲ್ಲಿಗೆ ಅರ್ನಬ್ ಗೋಸ್ವಾಮಿಗೂ ಶೈನ್ ಶೆಟ್ಟಿ, ದೀಪಿಕಾ ದಾಸ್ ಅವರ ಆಟ ಆಕರ್ಷಿಸಿದೆ ಅಂದಾಯ್ತು.

ಶೈನ್ ಶೆಟ್ಟಿ ಮೇಲೆ ಅಸಮಾಧಾನ ಇತ್ತು… ಇದು ದೀಪಿಕಾ ತಾಯಿ ಮಾತು…

ಬಿಗ್ ಬಾಸ್ ಮನೆಗೆ ದೀಪಿಕಾ ದಾಸ್ ತಾಯಿ ಹೋಗಿ ಬಂದ ಮೇಲೆ ಬಿಗ್ ಬಾಸ್ ಪ್ರೇಮಿಗಳು ಪದ್ಮಲತಾ ವಿರುದ್ಧ ತಿರುಗಿ ಬಿದ್ದಿದ್ದಾರೆ.

ಶೈನ್ ಶೆಟ್ಟಿ ಬಗ್ಗೆ ಪದ್ಮಲತಾ ಆಡಿದ ಮಾತಿನಿಂದ ಹಲವರಿಗೆ ಹರ್ಟ್ ಆಗಿದೆ. ಹೀಗಾಗಿ ಇದೀಗ ದೀಪಿಕಾ ದಾಸ್ ಹಾಗೂ ಪದ್ಮಲತಾ ವಿರುದ್ಧ ತಿರುಗಿ ಬಿದ್ದ ನೆಟ್ಟಿಗರು ತರಾಟೆಗೆ ತೆಗೆದುಕೊಳ್ಳುತ್ತಿದ್ದಾರೆ.

ಈ ನಡುವೆ ಖಾಸಗಿ ವಾಹಿನಿಯೊಂದರ ಜೊತೆಗೆ ಮಾತನಾಡಿರುವ ಪದ್ಮಲತಾ ಹೌದು ಅವತ್ತು ನಾನು ಹಾಗೇ ವರ್ತಿಸಬಾರದಿತ್ತು. ಆದರೆ ಶೈನ್ ಶೆಟ್ಟಿ ಬಗ್ಗೆ ಅಸಮಾಧಾನ ಇತ್ತು ಅಂದಿದ್ದಾರೆ.

ದಾಖಲೆ ಬರೆಯುವತ್ತ ಸಲಗ ಸೂರಿಯಣ್ಣ ಲಿರಿಕಲ್ ವಿಡಿಯೋ ಸಾಂಗ್..

ನಿರೀಕ್ಷೆಯಂತೆ ಸಲಗ ಚಿತ್ರದ ಮೊದಲ ಲಿರಿಕಲ್ ವಿಡಿಯೋ ಸೂರಿಯಣ್ಣ ಸಾಂಗ್ ಗ್ರ್ಯಾಂಡ್ ಆಗಿ ಲಾಂಚ್ ಆಗಿದೆ. ಹ್ಯಾಟ್ರಿಕ್ ಹೀರೋ ಕರುನಾಡ ಚಕ್ರವರ್ತಿ ಸೆಂಚುರಿ ಸ್ಟಾರ್ ಡಾ. ಶಿವರಾಜ್ ಕುಮಾರ್ ಸಲಗ ಚಿತ್ರದ ಮೊದಲ ಲಿರಿಕಲ್ ವಿಡಿಯೋ ಹಾಡನ್ನ ಗ್ರ್ಯಾಂಡ್ ಆಗಿ ರಿಲೀಸ್ ಮಾಡಿದ್ದಾರೆ.

ಎ2 ಆಡಿಯೋ ಮೂಲಕ ಲೋಕಾರ್ಪಣೆಗೊಂಡಿರೋ ಸಲಗ ಚಿತ್ರದ ಸೂರಿಯಣ್ಣ ಸಾಂಗ್ ರಿಲೀಸ್ ಆಗ್ತಿದ್ದಂತೆ. ಸೆನ್ಸೇಷನ್ ಕ್ರಿಯೇಟ್ ಮಾಡ್ತಿದೆ. ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಟಗರು ಚರಣ್ ರಾಜ್ ಸಂಗೀತ ಸಂಯೋಜನೆ ದುನಿಯಾ ವಿಜಯ್ ಕರಣ್ ಸಾಹಿತ್ಯ, ಆಂಟೋನಿ ದಾಸ್ ವಾಯ್ಸ್ ಎಲ್ಲವೂ ಮಿಕ್ಸ್ ಆಗಿ ಸಕ್ಸಸ್ ಸಾಂಗ್ ಆಗಿ ರಿಲೀಸ್ ಆಗಿರೋ ಸೂರಿಯಣ್ಣ ಸಾಂಗ್ ಕನ್ನಡ ಚಿತ್ರರಂಗದಲ್ಲಿ ಹೊಸ ಸೆನ್ಸೇಷನ್ ಕ್ರಿಯೇಟ್ ಮಾಡ್ತಿದೆ. ಎಲ್ಲಾ ವರ್ಗದವರನ್ನೂ ಆಟ್ರ್ಯಾಕ್ಟ್ ಮಾಡ್ತಿದೆ. ಟಿಕ್ ಟಾಕುಲ್ಲಿ ಬೇಜಾನ್ ಟಾಕ್ ಕ್ರಿಯೇಟ್ ಮಾಡ್ತಿದೆ. 2020ಯ ಎಲ್ಲಾ ಫಂಕ್ಷನ್ ಗಳಲ್ಲೂ ಸಲಗ ಸಾಂಗ್ ಸೌಂಡ್ ಮಾಡೋದು ಗ್ಯಾರೆಂಟಿ. ಅಷ್ಟು ಸೌಂಡು ಈಗಾಗ್ಲೇ ಶುರುವಾಗಿದೆ.

ಸಲಗ ಚಿತ್ರದ ಮತ್ತೊಂದು ಟ್ರಂಪ್ ಕಾರ್ಡ್ ನಂತೆ ಕಾಣ್ತಿರೋ ಸೂರಿಯಣ್ಣ ಹಾಡಿನ ಲಿರಿಕಲ್ ವಿಡಿಯೋ ರಿಲೀಸ್ ಗೆ ಸಲಗ ಚಿತ್ರತಂಡಕ್ಕೆ ಇಡೀ ಚಿತ್ರೋದ್ಯಮದ ಸಾಥ್ ಕೊಟ್ಟಿದ್ದು ಅದ್ಭುತ ವಿಷ್ಯ. ಕನ್ನಡ ಚಿತ್ರರಂಗದ ನಾಯಕ ಹ್ಯಾಟ್ರಿಕ್ ಹೀರೋ ಡಾ. ಶಿವರಾಜ್ ಕುಮಾರ್ ಸಾರಥ್ಯದಲ್ಲಿ ಶಿವಣ್ಣ ಸೂರಿಯಣ್ಣಹಾಡಿನ ವಿಡಿಯೋವನ್ನ ಅಧಿಕೃತವಾಗಿ ರಿಲೀಸ್ ಮಾಡಿ, ಇಡೀ ಚಿತ್ರತಂಡಕ್ಕೆ ಶುಭ ಹಾರೈಸಿದ್ರು.

ಇದೇ ಕೆ,ಪಿ,ಶ್ರೀಕಾಂತ್ ಅವ್ರ ನಿರ್ಮಾಣದಲ್ಲಿ, ಟಗರು ಚಿತ್ರದಲ್ಲಿ ನಾಯಕನಾಗಿ ಟ್ರೆಂಡ್ ಸೆಟ್ ಮಾಡಿದ ಶಿವಣ್ಣ, ಆಲ್ಮೋಸ್ಟ್ ಅದೇ ಟಗರು ಟೀಮ್ ಮಾಡಿರೋ ಸಲಗಕ್ಕೆ ತಮ್ಮ ಸಂಪೂರ್ಣ ಸಾಥ್ ಕೊಟ್ಟು, ಈ ಸಿನಿಮಾ ಕೂಡ ಟಗರಿನಂತೆ ದೊಡ್ಡ ಯಶಸ್ಸು ಕಾಣಲಿದೆ ಅಷ್ಟು ಸ್ಟಫ್ ಈ ಚಿತ್ರದಲ್ಲಿದೆ ಅನ್ನೋ ಭರವಸೆಯ ಮಾತುಗಳನ್ನಾಡಿದ್ದಾರೆ.

ವಿಶೇಷ ಅಂದ್ರೆ, ಇಲ್ಲಿ ಸಲಗ ಚಿತ್ರದ ಮೂಲಕ ಡೈರೆಕ್ಟರ್ ಕ್ಯಾಪ್ ತೊಟ್ಟಿರೋ ದುನಿಯಾ ವಿಜಯ್ ಅವ್ರನ್ನ ಕನ್ನಡಚಿತ್ರರಂಗದ ಟ್ರೆಂಡಿ ನಿರ್ದೇಶಕರುಗಳಾದ, ತರುಣ್ ಸುಧೀರ್, ಎಪಿ ಅರ್ಜುನ್, ಬಹದ್ದೂರ್ ಚೇತನ್, ಪವನ್ ಒಡೆಯರ್, ಲಕ್ಕಿ ಸೂರಿ, ಮಹೇಶ್ ಕುಮಾರ್ ದುನಿಯಾ ವಿಜಯ್ ಅವ್ರನ್ನ ನಿರ್ದೇಶಕರ ಬಳಗಕ್ಕೆ ಸ್ವಾಗತಿಸಿದ್ರು.

ಅದೇ ರೀತಿ, ನಿರ್ಮಾಪಕರ ಸಂಘದ ವತಿಯಿಂದ ಸಾರಾ ಗೋವಿಂದು, ರಾಮೂರ್ತಿ, ಕೆ. ಮಂಜು, ಎನ್.ಎಸ್ ರಾಜ್ ಕುಮಾರ್ ಸೇರಿ ಸಲಗ ನಿರ್ಮಾಪಕ ಕೆ.ಪಿಶ್ರೀಕಾಂತ್, ಕಾರ್ಯಕಾರಿ ನಿರ್ಮಾಪಕ ನಾಗಿ ಹಾಗೂ ಬಡವ ರಾಸ್ಕೆಲ್ ಮೂಲಕ ನಿರ್ಮಾಪಕರಾಗಿರೋ ಡಾಲಿ ಧನಂಜಯ ಅವ್ರನ್ನ ಗೌರವಿಸಿದ್ರು. ಜೊತೆಗೆ ನಿರ್ಮಾಪಕರೆಲ್ಲಾ ಸೇರಿ ಸಲಗ ಚಿತ್ರಕ್ಕೆ ಶುಭ ಹಾರೈಸಿದ್ರು.

ಕಾರ್ಯಕ್ರಮದಲ್ಲಿ ಚಿತ್ರದ ನಿರ್ದೇಶಕ, ನಾಯಕ ದುನಿಯಾ ವಿಜಯ್ , ಡಾಲಿ ಧನಂಜಯ, ಸಂಜನಾ ಆನಂದ್, ಕಾಕ್ರೋಚ್ ಖ್ಯಾತಿಯ ಸುಧೀ ಸೇರಿದಂತೆ ಇಡೀ ಚಿತ್ರತಂಡ ಭಾಗಿಯಾಗಿತ್ತು.

ಸೈಲೆಂಟಾಗಿ ಬ್ಲಾಸ್ಟ್ ಆಗ್ತಿದೆ ಪಾಪ್ ಕಾರ್ನ್ ಮಂಕಿ ಟೈಗರ್ ಟೀಸರ್

ಸ್ಯಾಂಡಲ್ವುಡ್ ನ ಬಹು ನಿರೀಕ್ಷಿತ ಸಿನಿಮಾ ಪಾಪ್ ಕಾರ್ನ್ ಮಂಕಿ ಟೈಗರ್ ಚಿತ್ರದ ಫಸ್ಟ್ ಟೀಸರ್ ನಾಳೆ ಅಂದ್ರೆ 7ನೇ ತಾರೀಖು ರಿಲೀಸ್ ಆಗ್ತಿದೆ.

ಭಾರಿ ನಿರೀಕ್ಷೆ ಮತ್ತು ಕುಚತೂಹಲ ಹುಟ್ಟಿಸಿರೋ ಪಾಪ್ ಕಾರ್ನ್ ಮಂಕಿ ಟೈಗರ್ ಚಿತ್ರದ ಈ ಟೀಸರ್ ನ ಪಿ ಆರ್ ಕೆ ಯೂಟ್ಯೂಬ್ ಚಾನೆಲ್ ನಲ್ಲಿ ಲಾಂಚ್ ಮಾಡಲಾಗ್ತಿದೆ.

ಸೈಲೆಂಟಾಗಿ ಸಿನಿಮಾ ಮಾಡಿ, ಇದೀಗ ಸೈಲೆಂಟಾಗಿ ಟೀಸರ್ ರಿಲೀಸ್ ಮಾಡಿ, ವೈಲೆಂಟಾಗಿ ಸದ್ದು ಸುದ್ದಿ ಮಾಡೋದಕ್ಕೆ ನಿರ್ದೇಶಕ ಸೂರಿ ಸಜ್ಜಾಗಿದ್ದಾರೆ. ಸುರೇಂದ್ರ ನಾಥ್ ಸೂರಿ ಕಥೆ, ಸೂರಿ ಮತ್ತು ಅಮೃತ ಭಾರ್ಗವ್ ಸಂಭಾಷಣೆ ಬರೆದು, ಸೂರಿ ನಿರ್ದೇಶಿಸಿರೋ ಸಿನಿಮಾ ಪಾಪ್ ಕಾರ್ನ್ ಮಂಕಿ ಟೈಗರ್ ಸಾಕಷ್ಟು ವಿಶೇಷತೆಗಳಿಂದ ಕೂಡಿರೋ ಹೊಸ ಮಾಸ್ ಟ್ರೆಂಡಿ ಸಿನಿಮಾ ಅಂತ ಹೇಳಲಾಗ್ತಿರೋ ಈ ಚಿತ್ರದಲ್ಲಿ, ಡಾಲಿ ಧನಂಜಯ ನಾಯಕನಾಗಿ ವಿಶಿಷ್ಠ ಪಾತ್ರದಲ್ಲಿ ಮಿಂಚಿದ್ದಾರೆ.

ಔಟ್ ಅಂಡ್ ಔಟ್ ರಾ ಮಾಸ್ ಸಿನಿಮಾ ವಿಥ್ ಫ್ಯಾಮಿಲಿ ಎಮೋಷನ್ಸ್ ಅಂತ ಹೇಳಲಾಗ್ತಿರೋ ಈ ಚಿತ್ರಕ್ಕೆ ಚರಣ್ ರಾಜ್ ಸಂಗೀತ, ಶೇಖರ್ ಛಾಯಾಗ್ರಹಣವಿದ್ದು, ಸುಧೀರ್ ಕೆ.ಎಮ್ ಬಂಡವಾಳ ಹೂಡಿದ್ದಾರೆ, ಈಗಾಗ್ಲೇ ಸಾಕಷ್ಟು ವಿಚಾರಗಳಿಂದ ಸದ್ದು ಸುದ್ದಿ ಮಾಡಿರೋ ಪಾಪ್ ಕಾರ್ನ್ ಮಂಕಿ ಟೈಗರ್ ಟೀಸರ್ ನಿಂದ ಹೊಸ ಅಲೆಯನ್ನೆಬ್ಬಿಸೋ ಸೂಚನೆ ಕೊಡ್ತಿದೆ.

ಸೋ ಸೈಲೆಂಟಾಗಿ ನಾಳೆ ರಿಲೀಸ್ ಆಗ್ತಿರೋ ಪಾಪ್ ಕಾರ್ನ್ ಮಂಕಿ ಟೈಗರ್ ಚಿತ್ರದ ಅಸಲಿಯತ್ತೇನು ಅನ್ನೋದು ನಾಳೆ ಗೊತ್ತಾಗಲಿದೆ.

ಬಿಗ್ ಬಾಸ್ ಮನೆಯಲ್ಲಿ ಈ ವಾರ ನಡೆದದ್ದು ಸಿಂಗಲ್ ಎಲಿಮಿನೇಷನ್… ಸೀಕ್ರೇಟ್ ರೂಮ್ ಸೇರ್ತಾರ ಚಂದನ

ಕಳೆದ ಬಾರಿ ಚೈತ್ರಾ ಕೋಟೂರ್ ಬಿಗ್ ಮನೆಯಿಂದ ಹೊರಬಂದಿದ್ದರು. ಈ ವಾರ ಡಬಲ್ ಎಲಿಮಿನೇಶನ್ ನಡೆಯುತ್ತದೆ ಎನ್ನಲಾಗಿತ್ತು. ಆದರೆ ಈ ಬಾರಿ ಕೇವಲ ಸಿಂಗಲ್ ಎಲಿಮಿನೇಶನ್ ನಡೆದಿದೆ.

ಈ ಬಾರಿ ಚಂದನಾ ಬಿಗ್ ಬಾಸ್ ಮನೆಯಿಂದ ಹೊರ ಬಂದಿದ್ದಾರೆ. ಆದರೆ ಅವರನ್ನು ಮನೆಗೆ ಕಳುಹಿಸುತ್ತಾರೋ ಅಥವಾ ಸಿಕ್ರೇಟ್ ರೂಮ್ ಗೆ ಕಳುಹಿಸುತ್ತಾರೋ ಅನ್ನುವ ಕುತೂಹಲವಿದೆ.

ಆದರೆ ಅವರನ್ನು ಸೀಕ್ರೇಟ್ ರೂಮ್ ಕಳುಹಿಸುವ ಸಾಧ್ಯತೆಗಳು ತೀರಾ ಕಡಿಮೆ ಎನ್ನಲಾಗಿದೆ. ಚಂದನಾ ರಹಸ್ಯ ಕೊಠಡಿ ಸೇರಿಕೊಂಡರೇ ಟಿ ಆರ್ ಪಿ ಗಳಿಕೆ ಅಸಾಧ್ಯ ಅನ್ನುವುದು ಎಲ್ಲರಿಗೂ ಗೊತ್ತಿದೆ.

ಶೈನ್ ಶೆಟ್ಟಿ, ಚಂದನ್ ಆಚಾರ್ಯ ಸಿಕ್ರೇಟ್ ರೂಮ್ ಸೇರಿದರೆ ಮಹಾಮನೆಯ ಇತರೆ ಸ್ಪರ್ಧಿಗಳನ್ನು ಮಾತು ಕೇಳಿ ಮಜಾ ಮಾಡಬಹುದಾಗಿದೆ.