2028ಕ್ಕೆ ರಾಜ್ಯಕ್ಕೆ ಮೊದಲ ಮಹಿಳಾ ಸಿಎಂ…!

2028ಕ್ಕೆ ಲಕ್ಷ್ಮೀ ಹೆಬ್ಬಾಳ್ಕರ್ ರಾಜ್ಯದ ಮೊದಲ ಮಹಿಳಾ ಸಿಎಂ ಆಗ್ತಾರೆ ಎಂದು ಕೂಡಲಸಂಗಮದ ಬಸವಮೃತ್ಯುಂಜಯ ಸ್ವಾಮೀಜಿ ಭವಿಷ್ಯ ನುಡಿದಿದ್ದಾರೆ.

ಬೆಳಗಾವಿಯಲ್ಲಿ ಲಕ್ಷ್ಮೀ ಹೆಬ್ಬಾಳ್ಕರ್ ಅವರ ಜನ್ಮ ದಿನಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಶ್ರೀಗಳು, ಹೆಬ್ಬಾಳ್ಕರ್ 2018ರಲ್ಲಿ ಶಾಸಕರಾಗಿದ್ದಾರೆ, ಇದು ಕ್ವಾಟರ್ ಫೈನಲ್.2023 ಮತ್ತು 2028ರಲ್ಲೂ ಬೆಳಗಾವಿ ಗ್ರಾಮೀಣ ಜನತೆ ಹೆಬ್ಬಾಳ್ಕರ್ ಅವರನ್ನು ಗೆಲ್ಲಿಸಬೇಕು.ಆಗ ಅದು ನಿಜವಾದ ಸೆಮಿ ಫೈನಲ್.

2028ಕ್ಕೆ ಗೆಲ್ಲಿಸಿ ತಂದ್ರೆ ಮಹಿಳಾ ಮುಖ್ಯಮಂತ್ರಿ ಆಗುವ ಶಕ್ತಿ ಲಕ್ಷ್ಮೀ ಹೆಬ್ಬಾಳಕರ್ ಅವರಿಗಿದೆ.ಲಕ್ಷ್ಮೀ ಹೆಬ್ಬಾಳ್ಕರ್ ಇಡೀ ಕರ್ನಾಟಕದ ಕಿತ್ತೂರು ರಾಣಿಯಾಗಿ ಆಗ ಆಡಳಿತ ನಡೆಸುತ್ತಾರೆ ಶ್ರೀಗಳು ಹಾರೈಸಿದರು.

Advertisements

ಅಪ್ಪನಿಗೆ Accident ಆಗಲು ನಾನೇ ಕಾರಣನಾದೆನಲ್ಲ…

ಮೇ 11 ರಂದು ಪ್ರಸಾರವಾದ ವಿಕೇಂಡ್ ವಿದ್ ರಮೇಶ್ ಕಾರ್ಯಕ್ರಮದ ವೀಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದೆ. ನಟ ಶಶಿಕುಮಾರ್ ಅವರನ್ನು ಸಾಧಕರ ಕುರ್ಚಿಯಲ್ಲಿ ಕೂರಿಸಿದ್ದು, ನಿಜಕ್ಕೂ ಕಾರ್ಯಕ್ರಮಕ್ಕೊಂದು ಮೆರುಗು ತಂದಿದೆ ಅನ್ನುವ ಅಭಿಪ್ರಾಯ ವೀಕ್ಷಕರಿಂದ ಕೇಳಿ ಬಂದಿದೆ.

ಅದರಲ್ಲೂ ತಂದೆಯ ಅಪಘಾತ ಕುರಿತಂತೆ ಮಗಳು ಐಶ್ವರ್ಯಾ ಹೇಳಿದ ಮಾತುಗಳು ಹಲವರ ಮನ ಕಲುಕಿದೆ.

ಶಶಿಕುಮಾರ್ ರಾಜಕೀಯ ಎಂಟ್ರಿ ಹಿಂದಿದೆ ಖಡಕ್ಕ್ ಪೊಲೀಸ್ ಅಧಿಕಾರಿಯ ನೆರಳು

ನಟರಾಗಿದ್ದ ಶಶಿಕುಮಾರ್ ರಾಜಕಾರಣಿಯಾಗಬೇಕು ಎಂದು ಬಯಸಿದವರಲ್ಲ. ಐಪಿಎಸ್ ಅಧಿಕಾರಿಯಾಗಬೇಕು ಅನ್ನುವುದು ಅವರ ಕನಸಾಗಿತ್ತು. ಆದರೆ ಅದು ನನಸಾಗಲಿಲ್ಲ. ಆದರೆ ಚಲನಚಿತ್ರಗಳ ಮೂಲಕ ಅವರು ಪೇದೆಯಿಂದ ಹಿಡಿದು ಪೊಲೀಸ್ ಇಲಾಖೆಯ ಎಲ್ಲಾ ಪಾತ್ರಗಳಿಗೆ ಬಣ ಹಚ್ಚಿ ಮಿಂಚಿದ್ದಾರೆ.

ಕೃಪೆ – zee kannada

ಹಾಗಾದರೆ ಶಶಿಕುಮಾರ್ ರಾಜಕೀಯಕ್ಕೆ ಬಂದಿದ್ದು ಹೇಗೆ. ಅದು ಸಖತ್ ಇಂಟ್ರರೆಸ್ಟಿಂಗ್ ವಿಷಯ.  ಅದು 1999 ರ ಲೋಕಸಭಾ ಚುನಾವಣೆ ಸಂದರ್ಭ. ರಾಜ್ಯ ರಾಜಕೀಯದಲ್ಲಿ ಸಾಕಷ್ಟು ಬೆಳವಣಿಗೆಗಳು ನಡೆದಿತ್ತು. ಜೆ.ಎಚ್. ಪಟೇಲ್ ಆಗ ಮುಖ್ಯಮಂತ್ರಿಗಳಾಗಿದ್ದು. ಈ ಸಂದರ್ಭದಲ್ಲಿ ಚಿತ್ರದುರ್ಗ ಲೋಕಸಭಾ ಕ್ಷೇತ್ರದಿಂದ JDU ಪಕ್ಷದಿಂದ ಸ್ಪರ್ಧಿಸಲು ಅವರಿಗೊಬ್ಬ ಅಭ್ಯರ್ಥಿ ಬೇಕಾಗಿತ್ತು.

ಹಾಗಾದ್ರೆ ಮುಂದೇನಾಯ್ತು…ಈ ವಿಡಿಯೋ ನೋಡಿ…

ಮೋದಿ ಮನೆ ಹಾಳಾಗ… ಸಿದ್ದರಾಮಯ್ಯ ಆಕ್ರೋಶದ ನುಡಿ

2014ರ ಲೋಕಸಭಾ ಚುನಾವಣೆಯಲ್ಲಿ ಪ್ರತಿಯೊಬ್ಬರ ಖಾತೆಗೆ 15 ಲಕ್ಷ ರೂ. ಹಣ ಜಮೆ ಮಾಡುತ್ತೇನೆ. ವಿದೇಶದಲ್ಲಿರುವ ಕಪ್ಪು ಹಣ ವಾಪಾಸ್ ತರುತ್ತೇನೆ ಎಂದು ಮೋದಿ ಹೇಳಿದ್ದರು. ಐದು ವರ್ಷದಲ್ಲಿ ಒಂದೇ ಒಂದು ರೂಪಾಯಿ ಕೂಡ ಕೊಟ್ಟಿಲ್ಲವಲ್ಲ, ಮೋದಿ ಮನೆ ಹಾಳಾಗ ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಕಿಡಿಕಾರಿದ್ದಾರೆ.

ಚಿಂಚೋಳಿಯ ಐನೊಳ್ಳಿಯಲ್ಲಿ ನಡೆದ ಕಾಂಗ್ರೆಸ್ ಸಮಾವೇಶದಲ್ಲಿ ಮಾತನಾಡಿದ ಅವರು ನಾಟಕ ಮಾಡುವುದರಲ್ಲಿ ಮಾಸ್ಟರ್ ಹಿರಣ್ಣಯ್ಯ ಅವರನ್ನು ಮೋದಿ ಮೀರಿಸುತ್ತಾರೆ. ಮೋದಿ ಹೇಳುವುದೆಲ್ಲಾ ಬಂಡಲ್ ಎಂದು ಟೀಕಿಸಿದರು.

ನಿಖಿಲ್ ಎಲ್ಲಿದ್ದೀಯಪ್ಪ : ಸಿಎಂ ಪುತ್ರ ಹಿರೋ, ಸಚಿವ ಪುಟ್ಟರಾಜು ಪ್ರೊಡ್ಯೂಸರ್….!

ನಿಖಿಲ್ ಎಲ್ಲಿದ್ದೀಯಪ್ಪ ಫಿಲ್ಮಗೆ ನಾನೇ ಹೀರೋ, ಪುಟ್ಟರಾಜಣ್ಣನೇ ಪ್ರೊಡ್ಯೂಸರ್ ಎಂದು ಮಂಡ್ಯ ಲೋಕಸಭಾ ಕ್ಷೇತ್ರದ ಮೈತ್ರಿ ಅಭ್ಯರ್ಥಿ ನಿಖಿಲ್ ಕುಮಾರಸ್ವಾಮಿ ಹೇಳಿದ್ದಾರೆ.

ಕೆ.ಆರ್ ಪೇಟೆಯಲ್ಲಿ ಜೆಡಿಎಸ್ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದ ಅವರು, ನಿಖಿಲ್ ಎಲ್ಲಿದ್ದೀಯಪ್ಪ ಡೈಲಾಗ್ ಅಮೆರಿಕದಲ್ಲೂ ಫುಲ್ ಫೇಮಸ್ ಆಗಿದೆಯಂತೆ.

ಈ ಟೈಟಲ್‍ಗೆ ಭಾರೀ ಬೇಡಿಕೆ ಇದೆ ಎನ್ನಲಾಗುತ್ತಿದೆ. ಹೀಗಾಗಿ ಈ ಟೈಟಲ್ ಅನ್ನು ಯಾರಿಗೂ ಕೊಡದಂತೆ ಚಲನಚಿತ್ರ ವಾಣಿಜ್ಯ ಮಂಡಳಿಗೆ ಮನವಿ ಮಾಡಿಕೊಂಡಿದ್ದೇನೆ.

ಸಿನಿಮಾವನ್ನು ಸಚಿವ ಸಿ.ಎಸ್.ಪುಟ್ಟರಾಜು ಅವರೇ ಪ್ರೊಡ್ಯೂಸರ್ ಮಾಡ್ತಾರೆ ಎಂದು ತಮಾಷೆಯಾಗಿ ನಿಖಿಲ್ ಎಲ್ಲಿದ್ದೀಯಪ್ಪ ಡೈಲಾಗ್ ಟ್ರೋಲ್ ಮಾಡಿದವರಿಗೆ ಟಾಂಗ್ ಕೊಟ್ಟರು.

ಮಂಡ್ಯಕ್ಕೆ ಸುಮ್ಮನೆ ಟೀ, ಕಾಫಿ ಕುಡಿಯಲು ಬರೋದಿಲ್ಲ : ಅಂಬಿ ಪುತ್ರನಿಗೆ ನಿಖಿಲ್ ಟಾಂಗ್

ಮಂಡ್ಯಕ್ಕೆ ಸುಮ್ಮನೆ ಟೀ, ಕಾಫಿ ಕುಡಿಯಲು ಬರುವುದಿಲ್ಲ. ನಾನು ಕಳೆದ ಹದಿನೈದು ದಿನದಿಂದಲೂ ಮಂಡ್ಯದಲ್ಲಿ ಸ್ಮಾರ್ಟ್ ಸ್ಕೂಲ್, ಉದ್ಯೋಗ ಸೃಷ್ಟಿಗೆ ಬೇಕಾದ ಕೆಲಸ ಮಾಡುತ್ತಿದ್ದೇನೆ ಎಂದು ಮಂಡ್ಯಕ್ಕೆ ಬಂದು ಟೀ ಕುಡಿದು ಹೋದ ಅಭಿಷೇಕ್‍ಗೆ ಪರೋಕ್ಷವಾಗಿ ಮಂಡ್ಯ ಲೋಕಸಭಾ ಕ್ಷೇತ್ರದ ಮೈತ್ರಿ ಅಭ್ಯರ್ಥಿ ನಿಖಿಲ್ ಕುಮಾರಸ್ವಾಮಿ ಹೇಳಿದ್ದಾರೆ ಟಾಂಗ್ ಕೊಟ್ಟಿದ್ದಾರೆ.

ಕೆ.ಆರ್ ಪೇಟೆಯಲ್ಲಿ ನಡೆದ ಜೆಡಿಎಸ್ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದ ಅವರು ಯಾರೇ 20 ವರ್ಷಗಳ ಕಾಲ ರಾಜಕೀಯ ಮಾಡಿದ್ದರೂ ಈ ರೀತಿಯ ಚುನಾವಣೆ ಎದುರಿಸಲು ಆಗುವುದಿಲ್ಲ. ಆದರೆ ನಾನು ಮೊದಲ ಚುನಾವಣೆಯಲ್ಲೇ ಆ ರೀತಿಯ ಚುನಾವಣೆ ಎದುರಿಸಿದ್ದೇನೆ. ಈ ಗೆಲುವು ನನ್ನದಲ್ಲ. 45 ದಿನಗಳ ಕಾಲ ದುಡಿದ ಕಾರ್ಯಕರ್ತರ ಶ್ರಮದ ಗೆಲುವು ಎಂದಿದ್ದಾರೆ.

ಹೊಸ ರೀತಿಯ ಬಿಟ್ರೋಟ್ ಕ್ಯಾರೆಟ್ ಪಲ್ಯ

ರೆಸಿಪಿ : ಕುಸುಮಾ ಸತೀಶ್

ಬಿಟ್ರೋಟ್ ಕ್ಯಾರೆಟ್ ಪಲ್ಯವನ್ನ ಎಲ್ಲರೂ ಮಾಡ್ತಾರೆ. ಇವತ್ತು ಹೊಸ ರೀತಿಯ ಬಿಟ್ರೋಟ್ ಕ್ಯಾರೇಟ್ ಪಲ್ಯ ಓದುಗರಿಗಾಗಿ.

ಬೇಕಾದ ಸಾಮಗ್ರಿಗಳು

•  ಬಿಟ್ರೋಟ್  ಮತ್ತು ಕ್ಯಾರೆಟ್ ತಲಾ  300ಗ್ರಾಂ 
• ಟೊಮೇಟೋ ಒಂದು ದೊಡ್ದದು 
• ಈರುಳ್ಳಿ ಒಂದು ದೊಡ್ಡದು 
• ಹಸಿಮೆಣಸಿನಕಾಯಿ ಒಂದು ಅಥವಾ ಎರಡು 
• ಶುಂಠಿ ಅರ್ಧ ಇಂಚು ತುರಿದದ್ದು 
• ಕಾಯಿತುರಿ ಅರ್ಧ ಬಟ್ಟಲು 
• ಕೊತ್ತಂಬರಿ ಸೊಪ್ಪು ಎರಡು ಚಮಚ 
• ಒಗ್ಗರಣೆಗೆ ಎಣ್ಣೆ, ಜೀರಿಗೆ ಸಾಸಿವೆ, ಅರಿಶಿನ 
• ಅಚ್ಚ ಖಾರದ ಪುಡಿ ಒಂದು ಚಮಚ (ಸಿಹಿ ತರಕಾರಿ ಆದ್ದರಿಂದ ಬೇಕಾದಲ್ಲಿ ಹೆಚ್ಚು )
• ನಿಂಬೆ ರಸ ಒಂದು ಚಮಚ

ಮಾಡುವ ವಿಧಾನ

1. ಬಿಟ್ರೋಟ್ ಮತ್ತು  ಕ್ಯಾರೆಟ್  ಅನ್ನು ಸಣ್ಣದಾಗಿ ಕತ್ತರಿಸಿ ಕೊಳ್ಳಿ (ತುಂಬಾ ಸಣ್ಣದಾಗಿ ಬೇಡ)

2. ಸಮಯವಿಲ್ಲದಿದ್ದಲ್ಲಿ ಕುಕ್ಕರ್ ನಲ್ಲಿ ಬೇಕಿದ್ದರೇ ಬೀಯಿಸಿಟ್ಟು ಕೊಳ್ಳಬಹುದು

3.  ಟೋಮ್ಯಾಟೋ , ಈರುಳ್ಳಿ , ಹಸಿಮೆಣಸಿನಕಾಯಿ ಹೆಚ್ಚಿಕೊಳ್ಳಿ

4. ಪ್ಯಾನ್ ಗೆ ಎಣ್ಣೇ ಹಾಕಿ ಅರಿಶಿನ , ಜೀರಿಗೆ, ಸಾಸಿವೆ, ಒಗ್ಗರಣೆ ಮಾಡಿ

5. ಇದಕ್ಕೆ ಮೊದಲು ಹಸಿಮೆಣಸಿನಕಾಯಿ ಹಾಕಿ ನಂತರ ಟೋಮ್ಯಾಟೋ, ಈರುಳ್ಳಿ ಹೋಳುಗಳನ್ನು ಹಾಕಿ ಬಾಡಿಸಿ

6. ಇದು ಮೆತ್ತಗಾದ ನಂತರ ಬಿಟ್ರೋಟ್ ಕ್ಯಾರೆಟ್ ಹೋಳು, ಉಪ್ಪು ,ಹಾಕಿ ಬೇಯಿಸಿ (ಕುಕ್ಕರ್ ನಲ್ಲಿ ಬೇಯಿಸಿದ್ದರೆ ಹಾಗೇ ಹಾಕಿ )

7. ಅಚ್ಚ ಖಾರದ ಪುಡಿ ಹಾಕಿ ಚೆನ್ನಾಗಿ ಬೆರೆಸಿ ಒಂದೈದು ಸೌಟಾಡಿಸಿ

8. ಕೆಳಗಿಳಿಸಿ ಕಾಯಿತುರಿ ನಿಂಬೆ ಹಣ್ಣಿನ ರಸ ಹಾಕಿದರೆ ಪಲ್ಯ ರೆಡಿ