Advertisements

ವಾರ ಭವಿಷ್ಯ : ಲಾಕ್ ಡೌನ್ ಸಂದರ್ಭದಲ್ಲೊಂದು ಉತ್ತಮ ಸಂದೇಶ

Advertisements

ಲಾಕ್ ಡೌನ್ ನಡುವೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ನಿರ್ದೇಶಕ ಎಂಪಿ ಅರ್ಜುನ್

ಚಂದನವನದ ನಿರ್ದೇಶಕ ಎಪಿ ಅರ್ಜುನ್ ಇಂದು ಅವರ ಸ್ವಗೃಹದಲ್ಲಿ ಅನ್ನಪೂರ್ಣ ಎಂಬುವವರ ಜೊತೆಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.
ಅರ್ಜುನ್ ಹಾಸನ ಮೂಲದ ಬಿ.ಆರ್.ಅನ್ನಪೂರ್ಣ ಜೊತೆ ಸರಳವಾಗಿ ಮದುವೆಯಾಗಿದ್ದಾರೆ. ರಾಮಸಂದ್ರದ ಮಹಾಲಕ್ಷ್ಮಿ ಎನ್‍ಕ್ಲೇವ್ ನಲ್ಲಿ ಅರ್ಜುನ್ ಮತ್ತು ಅನ್ನಪೂರ್ಣ ಸಪ್ತಪದಿ ತುಳಿದ್ದಾರೆ.

ಲಾಕ್ ಡೌನ್ ಹಿನ್ನಲೆಯಲ್ಲಿ ಅರ್ಜುನ್ ಮದುವೆಗೆ ಸ್ಯಾಂಡಲ್‌ವುಡ್ ಕಲಾವಿದರಿಗೆ ಬರಲಾಗಲಿಲ್ಲ ಹೀಗಾಗಿ. ಮನೆಯಲ್ಲಿಯೇ ಸರಳವಾಗಿ ವಿವಾಹ ಕಾರ್ಯ ನಡೆಸಿದ್ದಾರೆ.

ಇವರ ಮದುವೆಗೆ ನಟ ಧ್ರುವ ಸರ್ಜಾ ಮತ್ತು ಕಿಸ್ ಸಿನಿಮಾ ಖ್ಯಾತಿಯ ವಿರಾಟ್ ಸೇರಿದಂತೆ ಕೆಲ ಕಲಾವಿದರು ಮಾತ್ರ ಭಾಗಿಯಾಗಿದ್ದು, ನವ ಜೋಡಿಗೆ ಶುಭಾ ಹಾರೈಸಿದ್ದಾರೆ.

ತಂಗಿಗಾಗಿ’ ಚಿತ್ರದಲ್ಲಿ ಗೀತರಚನೆಕಾರನಾಗಿ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟ ಅರ್ಜುನ್ ‘ಅಂಬಾರಿ’, ‘ಅದ್ದೂರಿ’, ‘ರಾಟೆ’, ‘ಐರಾವತ’ ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ. ಗೀತರಚನೆಕಾರರಾಗಿ ಹಲವು ಸಿನಿಮಾಗಳಿಗೆ ಕೆಲಸ ಮಾಡಿದ್ದಾರೆ, ಸಹಾಯಕ ನಿರ್ದೇಶಕನಾಗಿಯೂ ಕೂಡ ಅವರು ಕೆಲ ಸಿನಿಮಾಗಳಿಗೆ ಕೆಲಸ ಮಾಡಿದ್ದರು.

ಅರ್ಜುನ್ ನಿರ್ದೇಶನದ ‘ಕಿಸ್’ ಸಿನಿಮಾ ಕಳೆದ ವರ್ಷ ರಿಲೀಸ್ ಆಗಿತ್ತು. ವಿರಾಟ್ ಈ ಚಿತ್ರದ ನಾಯಕನಾಗಿ, ಶ್ರೀಲೀಲಾ ನಾಯಕಿಯಾಗಿ ನಟಿಸಿದ್ದರು. ಅದರ ಜೊತೆಗೆ ವಿರಾಟ್ ಹೀರೋ ಆಗಿ ನಟಿಸಲಿರುವ ಇನ್ನೊಂದು ಚಿತ್ರಕ್ಕೆ ಎಪಿ ಅರ್ಜುನ್ ನಿರ್ದೇಶನ ಮಾಡಲಿದ್ದಾರೆ. ಹಾಗೆಯೇ ನಿಖಿಲ್ ಕುಮಾರಸ್ವಾಮಿ ಮುಂದಿನ ಸಿನಿಮಾಕ್ಕೂ ಇವರೇ ನಿರ್ದೇಶನದ ಜವಾಬ್ದಾರಿ ಹೊರಲಿದ್ದಾರೆ.

ಜೇರ್ವರ್ಗಿಯ ಅಂಕಲಗಿಯಲ್ಲಿ ಸಹೋದರರಿಬ್ಬರ ಬರ್ಬರ ಕೊಲೆ…

ಕಲಬುರಗಿ : ಸಹೋದರರಿಬ್ಬರನ್ನು ಕೊಚ್ಚಿ ಕೊಲೆ ಮಾಡಿರುವ ಘಟನೆ ಕಲಬುರಗಿಯಲ್ಲಿ ನಡೆದಿದೆ. ಜೇರ್ವರ್ಗಿ ಅಂಕಲಗಿಯಲ್ಲಿ ಈ ದುರ್ಘಟನೆ ನಡೆದಿದೆ

ಮಾರಾಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಲಾಗಿದ್ದು, ಮೃತರನ್ನು ಯಲ್ಲಾಲಿಂಗ ಮತ್ತು ಗಂಗಣ್ಣ ಎಂದು ಗುರುತಿಸಲಾಗಿದೆ.ಹಳೇ ದ್ವೇಷದಿಂದ ಈ ಕೃತ್ಯ ಎಸಗಲಾಗಿದೆ ಎನ್ನಲಾಗಿದೆ. 

ನೆಲೋಗಿ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಾಗಿದೆ.

ಇವರಿಬ್ಬರನ್ನು ಮಾರಾಕಾಸ್ತ್ರಗಳಿಂದ ಬರ್ಬರವಾಗಿ ಕೊಲೆಗೈಯಲಾಗಿದೆ, ಕೊಲೆಗೆ ಕಾರಣ ಹಳೆ ದ್ವೇಷ ಎನ್ನಲಾಗಿದೆ.

ಯಲ್ಲಾಲಿಂಗ್ ಅವರ ರುಂಡವನ್ನು ಕತ್ತರಿಸಿರುವ ದುಷ್ಕರ್ಮಿಗಳು ಅದನ್ನು ಗಂಗಣ್ಣನ ಶವದ ಪಕ್ಕ ತಂದಿಟ್ಟಿದ್ದಾರೆ.

ಕೊರೋನಾಗೆ ಮತ್ತೊಂದು ಬಲಿ – ಕರ್ನಾಟಕದಲ್ಲಿ ಸಾವಿನ ಸಂಖ್ಯೆ 31ಕ್ಕೆ

ಬೆಂಗಳೂರು : ಕರ್ನಾಟಕದಲ್ಲಿ ಕೊರೋನಾಗೆ ಮತ್ತೊಂದು ಬಲಿಯಾಗಿದೆ. ಈ ಮೂಲಕ ಕರ್ನಾಟಕದಲ್ಲಿ ಕೊರೋನಾ ಸಾವಿನ ಸಂಖ್ಯೆ 31ಕ್ಕೆ ಏರಿಕೆಯಾಗಿದೆ.

ಬೆಂಗಳೂರಿನಲ್ಲಿ ಈ ಸಾವು ಸಂಭವಿಸಿದ್ದು, ಇದೀಗ ಬೆಂಗಳೂರಿನಲ್ಲಿ ಕೊರೋನಾಗೆ ಬಲಿಯಾದವರ ಸಂಖ್ಯೆ 7ಕ್ಕೆ ಏರಿದಂತಾಗಿದೆ. ಮೃತರನ್ನು ಹೆಣ್ಣೂರು ಬಾಣಸವಾಡಿಯ 57 ವರ್ಷದ ಮಹಿಳೆ ಎಂದು ಗುರುತಿಸಲಾಗಿದೆ.

ಇನ್ನು ಈ ಪ್ರಕರಣದಲ್ಲಿ HBR lay out ನಲ್ಲಿರುವ ಖಾಸಗಿ ಆಸ್ಪತ್ರೆ ಎಡವಟ್ಟು ಮಾಡಿಕೊಂಡಿದೆ ಅನ್ನುವ ಮಾಹಿತಿ ಲಭ್ಯವಾಗಿದೆ.

ಉಸಿರಾಟದ ಸಮಸ್ಯೆ ಸೇರಿದಂತೆ ಕೊರೋನಾ ಸೋಂಕಿನ ಲಕ್ಷಣಗಳಿದ್ದರೂ ಮಹಿಳೆ ಮತ್ತು ಆಕೆಯ ಕುಟುಂಬಸ್ಥರು ಆ ವಿಚಾರವನ್ನು ಮುಚ್ಚಿಟ್ಟಿದ್ಜರು ಎನ್ನಲಾಗಿದೆ. ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ ಬಳಿಕ ಸ್ಯಾಂಪಲ್ ಕಳುಹಿಸಲಾಗಿತ್ತು, ಯಾವಾಗ ಲ್ಯಾಬ್ ರಿಪೋರ್ಟ್ ಕೊರೋನಾ ಪಾಸಿಟಿವ್ ಎಂದು ಬಂತೋ ಆರೋಗ್ಯ ಇಲಾಖೆ ಎಚ್ಚೆತ್ತುಕೊಂಡು ಸೂಕ್ತ ಕ್ರಮಗಳನ್ನು ಕೈಗೊಂಡಿದೆ.

ಮೇ 7 ರಂದು ಮಹಿಳೆ ಸಾವನ್ನಪ್ಪಿದ್ದರು ಅನ್ನೋ ಮಾಹಿತಿ ಇದೀಗ ಲಭ್ಯವಾಗಿದೆ. ಇದೀಗ ಖಾಸಗಿ ಆಸ್ಪತ್ರೆಗೆ ಬೀಗ ಜಡಿಯಲಾಗಿದೆ. 15 ದಿನಗಳ ಆಸ್ಪತ್ರೆ ಬಾಗಿಲು ಹಾಕೋದು ಅನಿವಾರ್ಯ.

ಇನ್ನು ಆಸ್ಪತ್ರೆಯ ರೋಗಿಗಳನ್ನು ಬೇರೆ ಕಡೆ ಸ್ಥಳಾಂತರಿಸಲಾಗಿದೆ. ಜೊತೆಗೆ ಆಸ್ಪತ್ರೆ ವೈದ್ಯರು ಮತ್ತು ನರ್ಸ್ ಹಾಗೂ ಇತರ ಸಿಬ್ಬಂದಿಯನ್ನು ಕ್ವಾರಂಟೈನ್ ಗೆ ಒಳಪಡಿಸಲಾಗಿದೆ.

ಸಿದ್ದರಾಮಯ್ಯನವರಾದ್ರು ಬುದ್ದಿ ಹೇಳಬಾರದಿತ್ತೇ ಈ ನಟಿಗೆ – ಮಾಸ್ಕ್ ಹಾಕದೇ ಪೋಸ್ ಕೊಟ್ಟು ಟ್ರೋಲಾದ ಕಾರುಣ್ಯ

ಬೆಂಗಳೂರು :  ಕೊರೋನಾ ಸಂಕಷ್ಟ ಸಮಯದಲ್ಲಿ ಮಾಸ್ಕ್ ಧರಿಸುವುದು ಎಷ್ಟು ಅಗತ್ಯ ಅನ್ನುವುದು ಎಲ್ಲರಿಗೂ ಗೊತ್ತಿದೆ. ಗೊತ್ತಿಲ್ಲದವರಿಗೆ ತಿಳಿ ಹೇಳುವ ಕೆಲಸವನ್ನು ಸರ್ಕಾರ ಮಾಡುತ್ತಿದೆ.

ಜೊತೆಗೆ ಸರ್ಕಾರದ ಆದೇಶವನ್ನು ಉಲ್ಲಂಘಿಸುವ ಪುಂಡರ ಬಾಲ ಕತ್ತರಿಸುವ ಸಲುವಾಗಿ ಮಾಸ್ಕ್ ಧರಿಸದಿರುವವರ ಮೇಲೆ ದಂಡ ಹಾಕುವ ಕಾನೂನು ಕೂಡಾ ಜಾರಿಯಾಗಿದೆ.

ಈ ನಡುವೆ ಮಾಸ್ಕ್ ಧರಿಸದೇ ಮಾಜಿ ಸಿಎಂ ಸಿದ್ದರಾಮಯ್ಯ ಜೊತೆಗೆ ಫೋಸ್ ಕೊಟ್ಟು ನಟಿ ಕಾರಣ್ಯ ರಾಮ್ ಟ್ರೋಲ್ ಪೇಜ್ ಗಳಿಗೆ ಆಹಾರವಾಗಿದ್ದಾರೆ.

ಇತ್ತೀಚೆಗೆ ಕಾರುಣ್ಯ ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಂಡಿದ್ದರು. ಅದ್ಯಾವ ಕಾರ್ಯಕ್ರಮ ಅನ್ನುವುದನ್ನು ಅವರೇ ಹೇಳಿದ್ದಾರೆ.

View this post on Instagram

ಕಾಯಕವೇ ಕೈಲಾಸ ,ಜನರ ಸೇವೆಯೇ ಜನಾರ್ಧನ ಸೇವೆ ಎಂದು ಸುಮಾರು 35 ವರ್ಷಗಳಿಂದ ಜನರ ಹಾಗು ಸರ್ಕಾರದ ಸೇವೆಯನ್ನು ಮಾಡುತ್ತಾ ಬಂದಿರುವ ಸಹೃದಯವಂತರು,ಹೃದಯ ಶ್ರೀಮಂತರು ಆದ MLC Narayan Swamy @narayan459 ಕರ್ನಾಟಕ ವಿಧಾನ ಪರಿಷತ್ತು ವಿರೋಧ ಪಕ್ಷದ ಮುಖ್ಯ ಸಚೇದಕರು ಸುಮಾರು ೧೦,000 ಕುಟುಂಬಗಳಿಗೆ ರೇಷನ್ ಹಾಗೂ ತರಕಾರಿಗಲ್ಲನ್ನ ನಮ್ಮ ಸ್ವಂತ ವೆಚ್ಚದಿಂದ ವಿತರಿಸಿದರು ,ಮತ್ತು ಲಾಕ್ ಡಾನ್ ಪ್ರಾರಂಭದಿಂದಲೂ ಪ್ರತಿ ದಿನಾ ಸುಮಾರು ೧೦೦೦ ದ ಊಟ ವ್ಯವಸ್ಥೆ ಮಾಡುತ್ತಲೇ ಬಂದಿದ್ಧಾರೆ ನಿಮಗೆ ಆ ತಾಯಿ ಚಾಮುಂಡೇಶ್ವರಿ ಮತ್ತಷ್ಟು ಆರೋಗ್ಯ,ಸಂಪತ್ತು ಹಾಗು ರಾಜಕೀಯ ಕ್ಷೇತ್ರದಲ್ಲಿ ಇನ್ನಷ್ಟು ಉತ್ತಮ ಮಟ್ಟಕ್ಕೆ ಬೆಳೆಯಲು ಆಶೀರ್ವದಿಸಲಿ 🤗🎉💐👏🏼👍🏼 ಇವರ ಈ ಕೆಲಸವನ್ನು ಶ್ಲಾಘಿಸಲು ನಮ್ಮ X CM ಸಿದ್ಧರಾಮಯ್ಯನವರು ಭಾಗಿಯಾಗಿದ್ದರು 🙏🏻💐🎉👏🏼 : : #karunyaram #socialwork #mlcnarayanswamay #sidhramiah #helpinghands #fightagainstcorona #forneedy #work #dogood #bekind #begood

A post shared by Karunya (@ikarunya) on

ಈ ಕಾರ್ಯಕ್ರಮದಲ್ಲಿ ಮಾಜಿ ಸಿಎಂ ಸಿದ್ದರಾಮಯ್ಯ ಕೂಡಾ ಭಾಗಿಯಾಗಿದ್ದರು, ಕಾರ್ಯಕ್ರಮ ಮುಗಿದ ನಂತ್ರ ಕಾರುಣ್ಯ ಸಿದ್ದರಾಮಯ್ಯ ಜೊತೆಗೆ ಫೋಟೋ ತೆಗೆಸಿಕೊಂಡಿದ್ದಾರೆ. ತಪ್ಪೇನಿಲ್ಲ ಬಿಡಿ. ಆದರ ತಪ್ಪಾಗಿರುವುದು ಕಾರುಣ್ಯ ಕಡೆಯಿಂದ. ಕೊರೋನಾದಂತಹ ಮಹಾಮಾರಿ ಸಂದರ್ಭದಲ್ಲಿ ಮಾಸ್ಕ್ ಹಾಕದೇ ಫೋಟೋ ತೆಗೆಸಿಕೊಂಡಿರುವುದೇ ಎಡವಟ್ಟಾಗಿದೆ.

ಹೀಗಾಗಿ ಕಾರುಣ್ಯ ಅವರನ್ನು ಜನ ಟ್ರೋಲ್ ಮಾಡುತ್ತಿದ್ದಾರೆ. ಒಬ್ಬ ಸೆಲೆಬ್ರೆಟಿಯಾಗಿ ಹೀಗೆ ಮಾಡೋದು ಸರಿಯೇ ಎಂದು ಪ್ರಶ್ನಿಸುತ್ತಿದ್ದಾರೆ.

ಹೋಗ್ಲಿ ಕಾರುಣ್ಯ ಅವರು ಇನ್ನು ಚಿಕ್ಕವರ ಗೊತ್ತಾಗಲಿಲ್ಲ. ಆದರೆ ನಮ್ಮ ಮಾಜಿ ಸಿಎಂ ಸಿದ್ದರಾಮಯ್ಯ ಅವರಾದ್ರು ಈ ಹುಡುಗಿಗೆ ಬುದ್ದಿ ಹೇಳಬೇಕು ತಾನೇ. ನೋಡಮ್ಮ ಮಾಸ್ಕ್ ಹಾಕದೇ ಹೀಗೆಲ್ಲಾ ಫೋಟೋ ತೆಗೆಯಬಾರದು. ಜನರಿಗೆ ತಪ್ಪು ಸಂದೇಶ ಹೋಗುತ್ತದೆ ಎಂದು ಹೇಳಬೇಕಿತ್ತು ತಾನೇ.

ಮಾಜಿ ಸಿಎಂ ಕ್ಷೇತ್ರದಲ್ಲಿ ಕೊರೋನಾ ಅಬ್ಬರ – ರಾಜಧಾನಿಯಿಂದಲೇ ಕಟ್ಟು ನಿಟ್ಟಿನ ಸೂಚನೆ ನೀಡಿದ ಸಿದ್ದರಾಮಯ್ಯ

ಮಾಜಿ ಸಿಎಂ ಸಿದ್ದರಾಮಯ್ಯ ಅವರ ಸ್ವಕ್ಷೇತ್ರ ಬಾದಾಮಿಯಲ್ಲಿ 14 ಜನರಿಗೆ ಕೊರೋನಾ ಸೋಂಕು ಕಾಣಿಸಿಕೊಂಡಿದ್ದು, ಬಾಗಲಕೋಟೆ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 48ಕ್ಕೆ ಏರಿಕೆಯಾಗಿದೆ.

ಈ ನಡುವೆ ಜಿಲ್ಲಾಧಿಕಾರಿ ಸೇರಿದಂತೆ ಬಾದಾಮಿ ತಾಲೂಕು ಮಟ್ಟದ ಅಧಿಕಾರಿಗಳನ್ನು ಫೋನ್‌ ಮೂಲಕ ಸಂಪರ್ಕಿಸಿದ ಸಿದ್ದರಾಮಯ್ಯ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳುವಂತೆ ತಾಲೂಕು ಅಧಿಕಾರಿಗಳಿಗೆ ಕಟ್ಟು ನಿಟ್ಟಿನ ಸೂಚನೆ ನೀಡಿದ್ದಾರೆ.


ಕೊರೊನಾ ಸೋಂಕು ಹರಡದಂತೆ ಎಚ್ಚರ ವಹಿಸುವಂತೆ ಅಧಿಕಾರಿಗಲಿಗೆ ಅವರು ಸೂಚನೆ ನೀಡಿದ್ದಾರೆ

ಸಿದ್ದರಾಮಯ್ಯ ಕ್ಷೇತ್ರದಲ್ಲಿ ಕೊರೋನಾ ರಣ ಕೇಕೆ – ಸಾಹೇಬ್ರು ಮಾತ್ರ ಬೆಂಗಳೂರಿನಲ್ಲೇ ಸ್ಲೆಟ್

ಬೆಂಗಳೂರು : ಕರ್ನಾಟಕದಲ್ಲಿ ಕೊರೋನಾ ಅಬ್ಬರಿಸುತ್ತಿದೆ. ದಿನದಿಂದ ದಿನಕ್ಕೆ ಸೋಂಕಿತರ ಸಂಖ್ಯೆಯೂ ಹೆಚ್ಚಾಗುತ್ತಿದೆ. ಇಂದು ಬಾಗಲಕೋಟೆಯಲ್ಲಿ ಕೊರೋನಾ ಮತ್ತೆ ಅಬ್ಬರಿಸಿದೆ. ಕಳೆದ ಕೆಲವು ದಿನಗಳಿಂದ ಬಾಗಲಕೋಟೆಯಲ್ಲಿ ಕೊರೋನಾ ಪಾಸಿಟಿವ್ ಸಂಖ್ಯೆ ವಿಪರೀತವಾಗಿ ಏರುತ್ತಿದೆ.

ಇಂದು ಕೊರೋನಾ ಮಾಜಿ ಸಿಎಂ ಸಿದ್ದರಾಮಯ್ಯ ಅವರು ಪ್ರತಿನಿಧಿಸುವ ಬಾದಾಮಿ ಕ್ಷೇತ್ರಕ್ಕೂ ವ್ಯಾಪಿಸಿದೆ. ಬಾದಾಮಿ ಕ್ಷೇತ್ರದ ಡಾಣಕಶಿರೂರದಲ್ಲಿ ಗರ್ಭಿಣಿ ಮಹಿಳೆಯೊಬ್ಬರಲ್ಲಿ ಕೊರೋನಾ ಸೋಂಕು ಕಾಣಿಸಿಕೊಂಡಿತ್ತು. ಇದೀಗ ಅದೇ ಜಾಗದಲ್ಲಿ ಇಂದು 13 ಮಂದಿಗೆ ಸೋಂಕು ಹರಡಿದೆ.ಮಾತ್ರವಲ್ಲದೆ ಗರ್ಭಿಣಿ ಮಹಿಳೊಬ್ಬರಿಂದಲೇ 12 ಮಂದಿಗೆ ಸೋಂಕು ಹರಡಿದೆ. ಇನ್ನೊಬ್ಬರಿಗೆ ಸೋಂಕು ಹೇಗೆ ಅಂಟಿಕೊಳ್ತು ಅನ್ನುವುದು ನಿಗೂಢವಾಗಿದೆ.

ಈ ನಡುವೆ ಕೊರೋನಾ ಸೋಂಕಿತ ಜಿಲ್ಲೆಗಳಲ್ಲಿ ಅಲ್ಲಿನ ಜನಪ್ರತಿನಿಧಿಗಳು ಸಕ್ರಿಯವಾಗಿ ಕೆಲಸ ನಿರ್ವಹಿಸುತ್ತಿದ್ದಾರೆ. ಕಿಟ್ ಹಂಚಿಕೆ ಸೇರಿದಂತೆ ಅನೇಕ ಕಾರ್ಯಗಳನ್ನು ಸ್ಥಳೀಯಕ ಶಾಸಕರು ಮಾಡುತ್ತಿದ್ದಾರೆ. ಆದರೆ ಸಂಕಷ್ಟ ಕಾಲದಲ್ಲೂ ಬಾದಾಮಿ ಕ್ಷೇತ್ರದ ಕಡೆ ಸಿದ್ದರಾಮಯ್ಯ ಹೋಗಿಯೇ ಇಲ್ಲ. ಎಲ್ಲವನ್ನೂ ಅವರ ಬೆಂಬಲಿಗರೇ ನೋಡಿಕೊಳ್ಳುವಂತೆ ಕಾಣಿಸುತ್ತಿದೆ.

ಕಾಂಗ್ರೆಸ್ ನಾಯಕರು ಬಿಜೆಪಿ ಎಂಪಿಗಳು ನಾಪತ್ತೆ ಎಂದು ನಿತ್ಯ ದೂರುತ್ತಿದ್ದಾರೆ. ಆದರೆ ಮಾಜಿ ಸಿಎಂ ಸಿದ್ದರಾಮಯ್ಯ ಅವರೇ ತಮ್ಮ ಕ್ಷೇತ್ರದ ಕಡೆ ಹೋಗದಿರುವುದು ದುರಂತವೇ ಸರಿ. ಕನಿಷ್ಟ ಪಕ್ಷ ಸ್ವ ಕ್ಷೇತ್ರದಲ್ಲೇ ಕೊರೋನಾ ರಣ ಕೇಕೆ ಹಾಕುತ್ತಿದೆ ಅಂದಾಗ ಕ್ಷೇತ್ರದಲ್ಲಿ ಮೊಕ್ಕಾಂ ಹೂಡಬೇಕಿತ್ತು. ಅಧಿಕಾರಿಗಳ ಕಾರ್ಯಕ್ಕೆ ಚುರುಕುಮುಟ್ಟಿಸಬೇಕಿತ್ತು. ಜನತಯಲ್ಲಿ ಧೈರ್ಯ ಮೂಡಿಸಬೇಕಿತ್ತು.

ಗೆಲ್ಲಿಸಿದ ಕ್ಷೇತ್ರಕ್ಕೆ ಒಬ್ಬ ಮಾಜಿ ಮುಖ್ಯಮಂತ್ರಿಯೇ ಸಂಕಷ್ಟ ಕಾಲದಲ್ಲಿ ತೆರಳದಿರುವುದು ನಿಜಕ್ಕೂ ದುರಂತವೇ ಸರಿ. ಚುನಾವಣೆ ಬಂದಾಗ ಮತ ಕೇಳಲು ಮನೆ ಮನೆಗೆ ತೆರಳುವ ಜನಪ್ರತಿನಿಧಿಗಳು ಜನತೆಗೆ ಸಂಕಷ್ಟ ಬಂದಿದೆ ಅಂದಾಗ ದೂರ ಸರಿಯುವುದು ದುರಂತವೇ ಸರಿ.

ಸಿದ್ದರಾಮಯ್ಯರಂತಹ ನಾಯಕರು ಉಳಿದ ಜನಪ್ರತಿನಿಧಿಗಳು ಮಾದರಿಯಾಗಬೇಕು, ಅದನ್ನು ಬಿಟ್ಟು ತಮ್ಮ ಕ್ಷೇತ್ರಕ್ಕೆ ಹೋಗದೆ ಬೆಂಗಳೂರಿನಿಂದ ಎಲ್ಲವನ್ನೂ ನಿಭಾಯಿಸುವುದು ಸರಿಯೇ.

ಹಿಂದೊಮ್ಮೆ ಕಲಬುರಗಿಯಲ್ಲಿ ಕೊರೋನಾ ಅಬ್ಬರಿಸಿದಾಗ ಉಸ್ತುವಾರಿ ಸಚಿವ ಗೋವಿಂದ ಕಾರಜೋಳ ಜಿಲ್ಲೆಗೆ ಹೋಗಲು ಹಿಂದೇಟು ಹಾಕಿದ್ದರು. ಅದಕ್ಕೆ ಕೊಟ್ಟ ಕಾರಣವೂ ವಿಚಿತ್ರವಾಗಿತ್ತು.

ಇನ್ನಾದರೂ ಸಿದ್ದರಾಮಯ್ಯ ಅವರು ಬಾದಾಮಿಗೆ ತೆರಳಿ ಮತ ಕೊಟ್ಟ ಮತದಾರನಿಗೆ ಧೈರ್ಯ ತುಂಬ್ತಾರ ಕಾದು ನೋಡಬೇಕಿದೆ.

ಸಿದ್ದರಾಮಯ್ಯ ಅವರಿಗೆ ಆನೇಕಲ್ ಗೆ ಹೋಗಿ ಅಲ್ಲಿನ ಶಾಸಕರು ತಯಾರಿಸಿದ ಕಿಟ್ ಗಳನ್ನು ಪರಿಶೀಲನೆ ನಡೆಸಲು ಟೈಮ್ ಇದೆ. ಆದರೆ ತಮ್ಮ ಕ್ಷೇತ್ರದ ಕಿಟ್ ಗಳನ್ನು ಪರಿಶೀಲಿಸಲು ಟೈಮ್ ಇಲ್ಲ ಅಂದ್ರೆ ಏನ್ ಹೇಳೋಣ.

ಕುಡುಕರಿಗೆ ಶಾಕ್ ಕೊಟ್ಟ ಯಡಿಯೂರಪ್ಪ – 17% ಅಬಕಾರಿ ಸುಂಕ ಹೆಚ್ಚಳ

ಬೆಂಗಳೂರು : ಸಿಎಂ ಯಡಿಯೂರಪ್ಪ ರಾಜ್ಯದ ಬೊಕ್ಕಸ ತುಂಬಿಸಲು ಕುಡುಕರನ್ನೇ ನಂಬಿಕೊಂಡಿರುವಂತಿದೆ. ಅವರ ದುಡ್ಡಿನಿಂದಲೇ ಬೊಕ್ಕಸಕ್ಕೆ ಕಾಸು ಹರಿಸಲು ಮುಂದಾಗಿದ್ದಾರೆ.

ಈಗಾಗಲೇ ಕಳೆದ ಬಾರಿಯ ಬಜೆಟ್ ನಲ್ಲಿ ಶೇ6 ರಷ್ಟು ಅಬಕಾರಿ ಸುಂಕ ಹೆಚ್ಚಿಸಲು ಯಡಿಯೂರಪ್ಪ ನಿರ್ಧರಿಸಿದ್ದರು. ಬಳಿಕ ಕೊರೋನಾ, ಲಾಕ್ ಡೌನ್ ಕಾರಣದಿಂದ ಅದು ಜಾರಿಯಾಗಿರಲಿಲ್ಲ.

ಆದರೆ ಇದೀಗ ಶೇ6ರ ಬದಲಾಗಿ ಶೇ17ರಷ್ಟು ಅಬಕಾರಿ ಸುಂಕ ಹೆಚ್ಚಿಸಲು ರಾಜ್ಯ ಸರ್ಕಾರ ನಿರ್ಧರಿಸಿದ್ದು, ಯಡಿಯೂರಪ್ಪ ಅದನ್ನು ಇಂದು ಅಧಿಕೃತವಾಗಿ ಘೋಷಿಸಿದ್ದಾರೆ. ಶೀಘ್ರದಲ್ಲೇ ಈ ಆದೇಶ ಹೊರ ಬೀಳಲಿದ್ದು, ಮೊದಲೇ ಕೆಲಸವಿಲ್ಲದ ಕಂಗಲಾಗಿರುವ ಕುಡುಕರು ಮದ್ಯ ದರ ಏರಿಕೆಯಿಂದ ಕಂಗಲಾಗುವುದು ಗ್ಯಾರಂಟಿ.

ಅಬಕಾರಿ ಸುಂಕ ಹೆಚ್ಚಳದಿಂದ ಬೊಕ್ಕಸಕ್ಕೆ ಕಾಸು ಬರುತ್ತದೆ ನಿಜ, ಆದರೆ ಬಡ ಮತ್ತು ಮಧ್ಯಮ ವರ್ಗದ ಕುಟುಂಬ ಕಥೆ ಏನಾಗಬಹುದು ಅನ್ನುವ ಕಲ್ಪನೆ ರಾಜ್ಯ ಸರ್ಕಾರ ಇರುವಂತೆ ಕಾಣಿಸುತ್ತಿಲ್ಲ. ಕುಡಿತವನ್ನು ಚಟವಾಗಿಸಿದ ಮಂದಿ ದರ ಏರಿಕೆಯಾದರು ಕುಡಿಯುವುದನ್ನು ನಿಲ್ಲಿಸುವುದಿಲ್ಲ. ಇದರಿಂದ ಅಂದಿನ ದುಡಿಮೆಯನ್ನೇ ನಂಬಿರುವ ಕುಟುಂಬಗಳು ಬೀದಿಗೆ ಬರುವುದಂತು ಗ್ಯಾರಂಟಿ.

ಇನ್ನು ಹಾಗೇ ನೋಡಿದರೆ ಕರ್ನಾಟಕದ ಕುಡುಕರೇ ಭಾಗ್ಯವಂತರು ಬೇರೆ ರಾಜ್ಯಗಳಲ್ಲಿ 30%, 40% 50% ಅಬಕಾರಿ ಸುಂಕವನ್ನು ಏರಿಸಲಾಗಿದೆ.

ಸಿಎಂ ಯಡಿಯೂರಪ್ಪ ಸುದ್ದಿಗೋಷ್ಟಿ – 1610 ಕೋಟಿಯ ಪ್ಯಾಕೇಜ್ ಘೋಷಿಸಿದ ಸಿಎಂ

ಬೆಂಗಳೂರು : ಕೊರೋನಾ ನಿಯಂತ್ರಣ ಸಲುವಾಗಿ ಘೋಷಿಸಿದ ಲಾಕ್ ಡೌನ್ ನಿಂದ  ಜನ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಅದರಲ್ಲೂ ರೈತರ ಕಷ್ಟ ಕೇಳುವವರೇ ಇಲ್ಲದಂತಾಗಿದೆ.

ಇದೀಗ ಲಾಕ್ ಡೌನ್ ನಿಂದ ಸಂಕಷ್ಟಕ್ಕೆ ಸಿಲುಕಿರುವವರ ಸಹಾಯಕ್ಕೆ ಯಡಿಯೂರಪ್ಪ ನೇತೃತ್ವದ ರಾಜ್ಯ ಸರ್ಕಾರ ಧಾವಿಸಿದ್ದು, 1610 ಕೋಟಿ ರೂಪಾಯಿ ಮೊತ್ತದ ವಿಶೇಷ ಪ್ಯಾಕೇಜ್ ಘೋಷಿಸಿದೆ.

ಹೂ ಬೆಳೆಗಾರರು ಸಂಕಷ್ಟಕ್ಕೆ ಒಂದಿಷ್ಟು ಸಾಂತ್ವನ ಹೇಳುವ ಸಲುವಾಗಿ 1 ಹೆಕ್ಟೇರ್ ಗೆ 25 ಸಾವಿರ ಪರಿಹಾರ ಧನ ನೀಡುವುದಾಗಿ ಯಡಿಯೂರಪ್ಪ ಘೋಷಿಸಿದ್ದಾರೆ. ಲಭ್ಯ ಮಾಹಿತಿ ಪ್ರಕಾರ ರಾಜ್ಯದಲ್ಲಿ 11687 ಹೆಕ್ಟೇರ್ ವಿಸ್ತೀರ್ಣದಲ್ಲಿ ಹೂ ಬೆಳೆಯಲಾಗಿದೆ.

ಇನ್ನು ನೇಕಾರರು, ಆಟೋ ಚಾಲಕರು, ಕ್ಷೌರಿಕರು ಅಗಸ ಹೀಗೆ ವಿವಿಧ ವರ್ಗಗಳ ಮಂದಿಗೂ ಸಹಾಯ ಹಸ್ತ ಚಾಚುವುದಾಗಿ ಯಡಿಯೂರಪ್ಪ ಹೇಳಿದ್ದಾರೆ.

ರಾಜ್ಯದಲ್ಲಿ ಸುಮಾರು 60,000 ಅಗಸರಿದ್ದು, 2, 30, 00 ಜನ ಕ್ಷೌರಿಕ ವೃತ್ತಿಯಲ್ಲಿರುವರಿಗೆ 5000 ಪರಿಹಾರವನ್ನು ಘೋಷಣೆ ಮಾಡಲಾಗಿದೆ. ನೇಕಾರರಿಗೆ ಅನುಕೂಲ ಮಾಡುವ ನಿಟ್ಟಿನಲ್ಲಿ ನೇಕಾರರ ಸಮ್ಮಾನ್ ಯೋಜನೆ ಜಾರಿಗೊಳಿಸಲಾಗಿದೆ. ಕೈ ಮಗ್ಗ ನೇಕಾರರಿಗೆ 2000 ಪರಿಹಾರ ಘೋಷಣೆ ಮಾಡಲಾಗಿದ್ದು, ನೇರವಾಗಿ ಬ್ಯಾಂಕ್ ಖಾತೆಗೆ ಹಣ ಜಮಾ ಮಾಡಲಾಗುವುದು.

ಇನ್ನು ಕಟ್ಟಡ ಕಾರ್ಮಿಕರಿಗೆ ಹೆಚ್ಚುವರಿಗೆ 3000 ಪರಿಹಾರ ಘೋಷಣೆ ಮಾಡಲಾಗಿದೆ. ಇದರಿಂದ ಒಟ್ಟು ಕಟ್ಟಡ ಕಾರ್ಮಿಕರಿಗೆ ಒಟ್ಟು 5000 ಪರಿಹಾರ ನೀಡಿದಂತ್ತಾಗುತ್ತದೆ. ಕಾರ್ಮಿಕರು ರಾಜ್ಯದಿಂದ ಬಿಟ್ಟು ಹೊರ ಹೋಗದಿರಲು ಈ ಪರಿಹಾರ ಘೋಷಣೆ ಸಾಧ್ಯವಾಗಲಿದೆ ಎಂದು ಬಿಎಸ್‌ವೈ ತಿಳಿಸಿದರು.

ನಾಳೆಯಿಂದ ಮದ್ಯ ಸಿಗೋದಿಲ್ಲ.. ಎರಡನೇ ದಿನಕ್ಕೆ ಮದ್ಯದಂಗಡಿ ಬಂದ್…

ಬೆಂಗಳೂರು : ರಾಜ್ಯದ ಬೊಕ್ಕಸಕ ಖಾಲಿಯಾಗಿದೆ. ಹೇಗಾದರೂ ಸರಿ ದುಡ್ಡು ಹೊಂದಿಸಬೇಕು ಎಂದು ನಿರ್ಧರಿಸಿದ ರಾಜ್ಯ ಸರ್ಕಾರಗಳು ಮದ್ಯ ಮಾರಾಟ ಪ್ರಾರಂಭಿಸಿವೆ. ಎರಡು ದಿನಗಳ ಕಾಲ ಭರ್ಜರಿ ವ್ಯಾಪಾರವೂ ನಡೆದಿದೆ.

ಆದರೆ ಇದೀಗ ಎರಡನೇ ದಿನಕ್ಕೆ ಮಹಾರಾಷ್ಟ್ರ ರಾಜ್ಯ ಸರ್ಕಾರ ಮದ್ಯ ಮಾರಾಟ ಮಾಡಿ ಸುಸ್ತಾಗಿ ಹೋಗಿದೆ.  ಮುಂಬೈ ನಲ್ಲಿ ಕುಡುಕರನ್ನು ನಿಯಂತ್ರಿಸುವುದೇ ದೊಡ್ಡ ತಲೆ ನೋವಾಗಿರುವ ಹಿನ್ನಲೆಯಲ್ಲಿ Mumbai Municipal Corporation ಬುಧವಾರದಿಂದ ಮದ್ಯದಂಗಡಿಗಳಿಗೆ ಬಾಗಿಲು ಹಾಕಲು ನಿರ್ಧರಿಸಿದೆ.

ಮದ್ಯದಂಗಡಿಗಳಲ್ಲಿ ಸಿಕ್ಕಾಪಟ್ಟೆ ಜನ ಸೇರುತ್ತಿದ್ದಾರೆ. ಸಾಮಾಜಿಕ ಅಂತರ ಕಾಪಾಡಿಕೊಳ್ಳುತ್ತಿಲ್ಲ. ಕುಡುಕರಿಗೆ ಮಾಸ್ಕ್ ಹಾಕಿ ಅನ್ನುವುದೇ ದೊಡ್ಡ ತಲೆ ನೋವು. ಹೀಗೆ ಹಲವು ಸಮಸ್ಯೆಗಳ ಬಗ್ಗೆ ಫೀಲ್ಡ್ ನಲ್ಲಿರುವ ಅಧಿಕಾರಿಗಳು ಅಳಲು ತೋಡಿಕೊಂಡಿರುವ ಈ ಹಿನ್ನಲೆಯಲ್ಲಿ ಈ ನಿರ್ಧಾರಕ್ಕೆ ಬರಲಾಗಿದೆ.

ಹೀಗಾಗಿ ಎರಡು ದಿನಗಳ ಮುಂಬೈ ನಲ್ಲಿ ಕುಡಿದವನೇ ಹಿರೋ, ರಶ್ ಕಡಿಮೆಯಾಗ್ಲಿ ಆಮೇಲೆ ಹೋಗೋಣ ಅಂದುಕೊಂಡ ಮುಂಬೈ ವಾಲನ ಪಾಲಿಗೆ ಇದೀಗ ನಿರಾಶೆ ಸುದ್ದಿ.

ಆದರೆ ಕರ್ನಾಟಕದಲ್ಲೂ ಇಂತಹುದೇ ಪರಿಸ್ಥಿತಿ ನಿರ್ಮಾಣವಾಗಿದೆ. ಮದ್ಯದಂಗಡಿಗಳ ಮುಂದೆ ಸಾಮಾಜಿಕ ಅಂತರವೇ ಇಲ್ಲದಂತಾಗಿದೆ. ಕುಡುಕರು ಎರಡನೇ ದಿನದಲ್ಲಿ ಮಾಡಿದ ಆವಾಂತರಗಳು ನ್ಯೂಸ್ ಚಾನೆಲ್ ಗಳಲ್ಲಿ ಬಹಿರಂಗವಾಗಿ. ಆದರೆ ಕರ್ನಾಟಕ ಸರ್ಕಾರ ಮದ್ಯದಂಗಡಿಗಳೇ ಬಾಗಿಲು ಹಾಕೋದು ಅನುಮಾನ. ಅದಕ್ಕೆ ಮದ್ಯದಿಂದ ಬರುವ ಆದಾಯ ಬಿಟ್ರೆ ಬೇರೆ ಆದಾಯವೇ ಇಲ್ವಂತೆ.