Advertisements

ಎರಡನೇ ಬಾರಿಗೆ ಅಮಾನತುಗೊಳ್ತಾರ ಅಲೋಕ್ ಕುಮಾರ್ ಐಪಿಎಸ್

ಹಿಂದೊಮ್ಮೆ ಒಂದಂಕಿ ಲಾಟರಿ ಪ್ರಕರಣದಲ್ಲಿ ಸಿಕ್ಕಿ ಹಾಕಿಕೊಂಡಿದ್ದ ಐಪಿಎಸ್ ಅಧಿಕಾರಿ ಅಲೋಕ್ ಕುಮಾರ್ ಅಮಾನತುಗೊಂಡಿದ್ದರು.

ಸಿದ್ದರಾಮಯ್ಯ ಮುಖ್ಯಮಂತ್ರಿಯಾಗಿದ್ದ ಸಂದರ್ಭದಲ್ಲಿ ದಂಧೆಕೋರ ಪಾರಿ ರಾಜನ್ ಜೊತೆ ನಿಕಟ ಸಂಬಂಧ ಹೊಂದಿದ್ದರು ಅನ್ನುವ ಕಾರಣಕ್ಕೆ ಅವರನ್ನು ಅಮಾನತು ಮಾಡಲಾಗಿತ್ತು. ಆದಾದ ಕೆಲವು ತಿಂಗಳ ನಂತರ ಅಮಾನತು ಆದೇಶವನ್ನು ರಾಜ್ಯ ಸರ್ಕಾರ ಹಿಂದಕ್ಕೆ ಪಡೆದಿತ್ತು.

ಮೈತ್ರಿ ಸರ್ಕಾರ ಬರುತ್ತಿದ್ದಂತೆ ಆಯಾಕಟ್ಟಿನ ಜಾಗದಲ್ಲಿ ಬಂದು ಕೂತಿದ್ದ ಅಲೋಕ್ ಕುಮಾರ್, ಯಡಿಯೂರಪ್ಪ ಸರ್ಕಾರ ಕೆಂಗಣ್ಣಿಗೂ ಗುರಿಯಾಗಿರುವುದು ಹಳೆಯ ವಿಷಯ.

ಇದೀಗ ಅಲೋಕ್ ಕುಮಾರ್ ಹೆಸರು ಫೋನ್ ಕದ್ದಾಲಿಕೆ ಪ್ರಕರಣದಲ್ಲಿ ಕೇಳಿ ಬಂದಿದ್ದು, ಪ್ರಕರಣವನ್ನು ರಾಜ್ಯ ಸರ್ಕಾರ ಸಿಬಿಐಗೆ ಒಪ್ಪಿಸಿದೆ.

ಇದರ ಬೆನ್ನಲ್ಲೇ ಅಲೋಕ್ ಕುಮಾರ್ ಅವರನ್ನು ಅಮಾನತುಗೊಳಿಸಿ ಅನ್ನುವ ಒತ್ತಡ ಹೆಚ್ಚಾಗಿದೆ. ಬಿಜೆಪಿಯ ಕೆಲ ನಾಯಕರು ಸಿಎಂಗೆ ಈ ಸಂಬಂಧ ಮನವಿ ಸಲ್ಲಿಸಿದ್ದು, ಸಿಬಿಐ ತನಿಖೆ ಸಂದರ್ಭದಲ್ಲಿ ಅವರು ಅಧಿಕಾರದಲ್ಲಿದ್ದರೆ ತನಿಖೆ ಮೇಲೆ ಪ್ರಭಾವ ಬೀರುವ ಸಾಧ್ಯತೆಗಳಿದೆ. ಹೀಗಾಗಿ ಅವರನ್ನು ಅಮಾನತುಗೊಳಿಸಿ ಎಂದು ಒತ್ತಾಯಿಸಿದ್ದಾರೆ.

ಒಂದು ವೇಳೆ ಅವರು ಅಮಾನತುಗೊಂಡರೆ ಎರಡನೇ ಬಾರಿಗೆ ಅಮಾನತುಗೊಂಡ ಹಾಗಾಗುತ್ತದೆ.

ಖಡಕ್ಕ್ ಅಧಿಕಾರಿ ಎಂದು ಹೆಸರು ಮಾಡಿರುವ ಅಲೋಕ್ ಹೀಗೆ ಅಮಾನತುಗೊಳ್ತಾರೆ ಅಂದರೆ ಅವರ ಸೇವೆಯ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಅನುಮಾನಗಳು ಮೂಡುವುದು ಸಹಜ.

ಐಪಿಎಸ್ ಅಧಿಕಾರಿಗಳೇ ಹೀಗಾದರೆ ಇನ್ನು ಕೆಳ ಹಂತದ ಅಧಿಕಾರಿಗಳು ಹೇಗಿರಬೇಡ. ಪರಿಸ್ಥಿತಿ ನೋಡಿದರೆ ಹೌದು ಪ್ರಜಾಪ್ರಭುತ್ವ ಅಪಾಯದಲ್ಲಿದೆ.

Advertisements

ಸರಿಗಮಪ ಲಿಟಲ್ ಚಾಂಪ್ಸ್ ಸೀಸನ್ 16: ಓಂಕಾರ್ ಪತ್ತರ್ ಗೆ ಸಿಕ್ಕ ಬಹುಮಾನವೇನು ಗೊತ್ತಾ..?

ಜೀ಼ ಕನ್ನಡದ ಮ್ಯೂಸಿಕ್ ರಿಯಾಲಿಟಿ ಶೋ, ಸರಿಗಮಪ ಲಿಟಲ್ ಚಾಂಪ್ಸ್ ಸೀಸನ್ 16 ಮುಕ್ತಾಯವಾಗಿದ್ದು ಈ ಬಾರಿಯ ಫಿನಾಲೆ ವಿಜೇತರಾಗಿ ಓಂಕಾರ್ ಪತ್ತರ್ ಹೊರಹೊಮ್ಮಿದ್ದಾರೆ.

ಇದೇ ಆವೃತ್ತಿಯಲ್ಲಿ ಗುರುಕಿರಣ್ ಹೆಗಡೆ ಮೊದಲ ರನ್ನರ್ ಅಪ್ ಆದರೆ ಸುನಾದ್ ಪ್ರಸಾದ್ ಎರಡನೇ ರನ್ನರ್ ಅಪ್ ಆಗಿದ್ದಾರೆ.ಅಭಿಸ್ಯಂತ್ ಮೂರನೇ ರನ್ನರ್ ಅಪ್ ಸ್ಥಾನ ಪಡೆದುಕೊಂಡಿದ್ದಾರೆ.

ಸೀಸನ್ 16 ರ ಫೈನಲಿಸ್ಟ್‌ ತಲುಪಿದವರೆಂದರೆ ಸುನಾದ್, ಅಭಿಸ್ಯಂತ್, ಅಪ್ರಮೇಯ, ಗುರು ಕಿರಣ್, ಸಾಕ್ಷಿ ಕಲ್ಲೂರು, ಮತ್ತು ಓಂಕಾರ್ ಪತ್ತರ್ ಇದರಲ್ಲಿ ಓಂಕಾರ್ ಗೆ ವಿಜಯಲಕ್ಷ್ಮಿ ಒಲಿದಿದ್ದಾಳೆ.

ಸ್ಪರ್ಧೆಯಲ್ಲಿ ವಿಜೇತರಾದ ಓಂಕಾರ್ ಪತ್ತರ್ ಗೆ 30 ಲಕ್ಷ ಮೌಲ್ಯದ ಸೈಟನ್ನು ಬಹುಮಾನವಾಗಿ ನೀಡಲಾಗಿದೆ.ಮೊದಲ ರನ್ನರ್ ಅಪ್ ಗುರುಕಿರಣ್ ಗೆ ಐದು ಲಕ್ಷ, ಎರಡನೇ ರನ್ನರ್ ಅಪ್ ಸುನಾದ್ ಗೆ ಮೂರು ಲಕ್ಷ ರು. ನಗದು ಬಹುಮಾನ ಸಿಕ್ಕಿದೆ.

ದ.ಕೊರಿಯಾದಲ್ಲಿ ಪಾಪಿ ಪಾಕಿಗಳ ಬೆವರಿಳಿಸಿದ ಶಾಜಿಯಾ ಇಲ್ಮಿ -ವಿಡಿಯೋ

ನರೇಂದ್ರ ಮೋದಿ ನೇತೃತ್ವದ ಸರ್ಕಾರ ಆರ್ಟಿಕಲ್ 370 ರದ್ದುಗೊಳಿಸಿದ ಬಳಿಕ ಕಾರಣವಿಲ್ಲದೆ ಪಾಕಿಗಳು ಕೆರೆದುಕೊಳ್ಳಲಾರಂಭಿಸಿದ್ದಾರೆ.

ಇದೊಂದು ಭಾರತದ ಆಂತರಿಕ ವಿಚಾರವಾಗಿದ್ದರೂ ಕೆಲ ಪಾಕಿಗಳು ವಿಕೃತಿ ಮೆರೆಯಲಾರಂಭಿಸಿದ್ದಾರೆ.

ಈಗ ಪಾಕ್ ಪ್ರಧಾನಿ ಅಂತರ್ ರಾಷ್ಟ್ರೀಯ ಮಟ್ಟದಲ್ಲಿ ಮಾನ ಹರಾಜು ಹಾಕಿಕೊಂಡಿದ್ದರೂ ಮತ್ತೆ ಮತ್ತೆ ತಮ್ಮ ದೇಶದ ಮಾನವನ್ನು ಪಾಕಿಗಳೇ ಹರಾಜು ಹಾಕಲಾರಂಬಿಸಿದ್ದಾರೆ.

ದಕ್ಷಿಣ ಕೊರಿಯಾದ ಸಿಯೋಲ್ ನಲ್ಲಿ  ಗ್ಲೋಬಲ್ ಸಿಟಿಜನ್ ಫೋರಂ ನಿಯೋಗದೊಂದಿಗೆ ಯುನೈಟೆಡ್ ಫೀಸ್ ಫೆಡರೇಶನ್ ಸಮ್ಮೇಳನದಲ್ಲಿ ಭಾಗವಹಿಸಲು ಬಿಜೆಪಿ ನಾಯಕಿ ಶಾಜಿಯಾ ಇಲ್ಮಿ ತೆರಳಿದ್ದರು. ಈ ವೇಳೆ ಸಮ್ಮೇಳನ ಮುಗಿಸಿಕೊಂಡು ಭಾರತದ ರಾಯಭಾರಿ ಕಚೇರಿಗೆ ತೆರಳುವ ಸಂದರ್ಭದಲ್ಲಿ ಕೆಲ ಪಾಕಿಗಳು ಶಾಜಿಯಾ ಹಾಗೂ ಇತರ ಭಾರತೀಯರನ್ನು ಸುತ್ತುವರೆದರು.

ಭಾರತ ಮತ್ತು ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಘೋಷಣೆಗಳನ್ನು ಕೂಗಲಾರಂಭಿಸಿದರು. ಆಗ ಅಲ್ಲಿಗೆ ಎಂಟ್ರಿ ಕೊಟ್ಟ ಶಾಜಿಯಾ ಇಲ್ಮಿ ಮೋದಿ ವಿರುದ್ಧ ಘೋಷಣೆ ಕೂಗದಂತೆ ಧಮ್ಕಿ ಎಚ್ಚರಿಕೆ ಕೊಟ್ಟಿದ್ದು ಮಾತ್ರವಲ್ಲದೆ ಇಂಡಿಯಾ ಜಿಂದಾಬಾದ್ ಎಂದು ಘೋಷಣೆ ಕೂಗಿದರು. ಸ್ಥಳದಲ್ಲಿದ್ದ ಭಾರತೀಯರು ಕೂಡಾ ಇದಕ್ಕೆ ದನಿಗೂಡಿಸಿದರು.

ಇದೇ ವೇಳೆ ಪಾಕಿಗಳನ್ನು ತರಾಟೆಗೆ ತೆಗೆದುಕೊಂಡ ಶಾಜಿಯಾ, ಮತ್ತೊಂದು ದೇಶದ ನೆಲದಲ್ಲಿ ನಿಂತು ಇನ್ನೊಂದು ದೇಶ ಹಾಗೂ ಅದರ ಮುಖ್ಯಸ್ಥರ ವಿರುದ್ಧ ಘೋಷಣೆ ಕೂಗುವುದು ಎಷ್ಟು ಸರಿ ಎಂದು ಪ್ರಶ್ನಿಸಿದ್ದಾರೆ.

ಒಟ್ಟಿನಲ್ಲಿ ಒಂಟಿ ಹೆಣ್ಣು ಮಗಳೊಬ್ಬಳು ಪಾಪಿ ಪಾಕಿಗಳ ಎದುರು ಇಂಡಿಯಾ ಜಿಂದಾಬಾದ್ ಎಂದು ಕೂಗಿರುವುದು ಗ್ರೇಟ್ ಅಂದ್ರೆ ತಪ್ಪಗಲಾರದರು.

ಆದರೆ ದುರಂತ ಅದಲ್ಲ, ಹಿಂದೊಮ್ಮೆ ನಮ್ಮ ನಟಿ ಮಣಿಯೊಬ್ಬರಿಗೆ ಪಾಕಿಸ್ತಾನ ಸ್ವರ್ಗದಂತೆ ಕಾಣಿಸಿತ್ತು.

ಗೆಲುವಿನ ಸ್ಪಷ್ಟ ಸೂಚನೆ ಕೊಟ್ಟ ರಾಂಧವ

ಬಿಗ್ ಬಾಸ್ ಖ್ಯಾತಿಯ ಭುವನ್ ಪೊನ್ನಣ್ಣ ಅಭಿನಯದ ರಾಂಧವ ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದ್ದು, ಟ್ರೈಲರ್ ನಲ್ಲೇ ಚಿತ್ರ ಸಾಕಷ್ಟು ನಿರೀಕ್ಷೆ ಹುಟ್ಟಿಸಿದೆ.

ಸುನಿಲ್ ಆಚಾರ್ಯ ನಿರ್ದೇಶನದ ಚೊಚ್ಚಲ ಚಿತ್ರ ಇದಾಗಿದ್ದು, ಬಿಗ್‍ಬಾಸ್ ಖ್ಯಾತಿಯ ಭುವನ್ ಪೊನ್ನಣ್ಣರಿಗೂ ನಾಯಕನಾಗಿ ಇದು ಮೊದಲ ಸಿನಿಮಾ.

ಕನ್ನಡ ಸೆಲೆಬ್ರೆಟಿಗಳಿಗೆ ಆದರ್ಶಪ್ರಾಯರಾದ ಭುವನ್ : ಬಿರುದು ಬಾವಲಿ ಹೊತ್ತ ನಾಯಕರೆಲ್ಲಿ ಹೋದರು

ಎರಡು ವರ್ಷಗಳಿಗೂ ಹೆಚ್ಚು ಕಾಲ ಈ ಚಿತ್ರಕ್ಕಾಗಿ ಕೆಲಸ ನಡೆದಿದ್ದು, ಗೆಲುವಿನ ಸ್ಪಷ್ಟ ಸೂಚನೆಯನ್ನು ಟ್ರೈಲರ್ ಕೊಟ್ಟಿದೆ.

ಯಡಿಯೂರಪ್ಪ ವಿರುದ್ಧದ ಟ್ವೀಟ್ ಡಿಲೀಟ್ ಮಾಡಿದ KPCC…!

ರಾಜ್ಯ ರಾಜಕೀಯದಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಸಿದ್ದ ದೂರವಾಣಿ ಕದ್ದಾಲಿಕೆ ಪ್ರಕರಣವನ್ನು ಸಿಬಿಐ ತನಿಖೆಗೆ ವಹಿಸಿದ ಸಿಎಂ ಯಡಿಯೂರಪ್ಪ ನಿರ್ಧಾರವನ್ನು ಮಾಜಿ ಸಿಎಂ ಸಿದ್ದರಾಮಯ್ಯಮನವರು ಸ್ವಾಗತಿಸಿದ್ದಾರೆ.

ಆದರೆ ಯಡಿಯೂರಪ್ಪ ನಿರ್ಧಾರವನ್ನು ರಾಜ್ಯ ಕಾಂಗ್ರೆಸ್ ಟೀಕಿಸಿತ್ತು.

“ಫೋನ್ ಕದ್ದಾಲಿಕೆ ಹಗರಣದ ತನಿಖೆಯನ್ನು ಸಿಬಿಐಗೆ ಒಪ್ಪಿಸಿರುವ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ನಿರ್ಧಾರ ಸ್ವಾಗತಾರ್ಹ. ಆದರೆ ಬಿಜೆಪಿ ಸಿಬಿಐಯನ್ನು ಕೈಗೊಂಬೆ ಮಾಡಿಕೊಂಡು ರಾಜಕೀಯ ಸೇಡಿಗಾಗಿ ದುರ್ಬಳಕೆ ಮಾಡಿಕೊಳ್ಳುತ್ತಾ ಬಂದಿರುವುದನ್ನು ದೇಶ ಕಂಡಿದೆ. ಇಂತಹ ದುಷ್ಟ ಆಲೋಚನೆ ಬಿಜೆಪಿ ನಾಯಕರಿಗಿಲ್ಲ ಎಂದು ನಂಬಿದ್ದೇನೆ” ಎಂದು ಸಿದ್ದರಾಮಯ್ಯ ಟ್ವೀಟ್‍ನಲ್ಲಿ ತಿಳಿಸಿದ್ದಾರೆ.

ಇದಾದ ಬೆನ್ನಲ್ಲೇ ಫೋನ್ ಕದ್ದಾಲಿಕೆ ಎಂಬುದೊಂದು ಸುಳ್ಳು, ದ್ವೇಷ ರಾಜಕಾರಣ ಸಂಚು ಎಂದು ಕೆಪಿಸಿಸಿ ಮಾಡಿದ್ದ ಟ್ವೀಟ್ ಅನ್ನು ಡಿಲೀಟ್ ಮಾಡಲಾಗಿದೆ.

ಅಂದರೆ ಕಾಂಗ್ರೆಸ್ ನಾಯಕರಲ್ಲಿ ಒಗ್ಗಟ್ಟಿಲ್ಲ, ಒಡಕಿದೆ ಅನ್ನುವುದು ಸ್ಪಷ್ಟವಾಯಿತು.

ಈ ಹಿಂದೆ ಫೋನ್ ಕದ್ದಾಲಿಕೆ ವಿಚಾರ ಬಂದಾಗ ಸಿದ್ದರಾಮಯ್ಯನವರು ಈ ಬಗ್ಗೆ ತನಿಖೆಯಾಗಲಿ ಎಂದು ಆಗ್ರಹಿಸಿದ್ದರು. ಆದರೆ ಡಿಕೆ ಶಿವಕುಮಾರ್ ಅವರು ಫೋನ್ ಕದ್ದಾಲಿಕೆ ನಡೆದಿಲ್ಲ ಎಂದು ಹೇಳಿದ್ದ ಕುಮಾರಸ್ವಾಮಿ ಹೇಳಿಕೆಯನ್ನು ಬೆಂಬಲಿಸಿದ್ದರು.

ಬಸುರಿ ಶ್ವೇತಾ ಚೆಂಗಪ್ಪ ಅವರ ಮನದಾಸೆಯೇನು ಗೊತ್ತಾ..?

ನಿರ್ದೇಶಕ ಎಸ್. ನಾರಾಯಣ್ ಅವರ `ಸುಮತಿ’ ಧಾರಾವಾಹಿ ಮೂಲಕ ಕಿರುತೆರೆಗೆ ಪರ್ದಾಪಣೆ ಮಾಡಿದ ಶ್ವೇತಾ ಚೆಂಗಪ್ಪ, ‘ಯಾರಿಗುಂಟು ಯಾರಿಗಿಲ್ಲ’ ಎಂಬ ಕಾರ್ಯಕ್ರಮದ ನಿರೂಪಣೆ ಮೂಲಕ ಕನ್ನಡ ಜನತೆಗೆ ಮತ್ತಷ್ಟು ಹತ್ತಿರವಾಗಿದ್ದರು.

ಮಜಾ ಟಾಕೀಸ್‍ನಲ್ಲಿ ರಾಣಿ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಮೂಲಕ, ರಾಣಿ ಎಂದೇ ಪ್ರಸಿದ್ಧರಾಗಿದ್ದರು. ಇದೀಗ ಶ್ವೇತಾ ಚೆಂಗಪ್ಪ ತುಂಬು ಗರ್ಭಿಣಿಯಾಗಿದ್ದು, ಹೊಸ ಜೀವವೊಂದರ ನಿರೀಕ್ಷೆಯಲ್ಲಿದ್ದಾರೆ.

ಈ ಹಿನ್ನಲೆಯಲ್ಲಿ ಪತಿ ಕಿರಣ್ ಅಪ್ಪಚ್ಚು ಜೊತೆಗೆ ಫೋಟೋ ಶೂಟ್ ಮುಗಿಸಿಕೊಂಡಿರುವ ಅವರು, ಈ ಪೋಟೋಗಳನ್ನು ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಹಂಚಿಕೊಂಡಿದ್ದು, “ಒಂದು ಅರ್ಥಪೂರ್ಣ ಮಾತಿದೆ. ಕೊಡವರ ಹೆಣ್ಣು ಹೆತ್ತರೆ ಸ್ವರ್ಗ. ಹೀಗಾಗಿ ವೀರನಾಡು ಕೊಡಗಿನ ಹೆಣ್ಣಾಗಿ, ಆ ಒಂದು ಸುದಿನಕ್ಕೆ ಕಾಯುತ್ತಿರುವೆ” ಎಂದು ಬರೆಯುವ ಮೂಲಕ ತಮ್ಮ ಮನೆದಾಸೆಯನ್ನು ಹೇಳಿಕೊಂಡಿದ್ದಾರೆ.

ಸಮರಕ್ಕೂ ಸಿದ್ದ ಸ್ನೇಹಕ್ಕೂ ಬದ್ಧ : ಕನ್ನಡ ವಿರೋಧಿಗಳ ಚಳಿ ಬಿಡಿಸಿದ ಕರವೇ

ಬೆಂಗಳೂರು ಈಗಾಗಲೇ ಕನ್ನಡಿಗರ ನೆಲ ಅನ್ನುವುದಕ್ಕಿಂತ ಅದು ಪರ ಭಾಷಿಕರ ನೆಲವಾಗಿ ಹೋಗಿದೆ ಅನ್ನುವುದಕ್ಕೆ ಸಾವಿರ ಸಾಕ್ಷಿಗಳಿವೆ.

ಈಗಾಗಲೇ ಬಿಡುಗಡೆಯಾಗಿರುವ ಜನಗಣತಿ ವರದಿ ಕೂಡಾ ಬೆಂಗಳೂರಿನಲ್ಲಿ ಕನ್ನಡಿಗರ ಪಾಡೇನು ಅನ್ನುವುದನ್ನು ಸಾರಿ ಸಾರಿ ಹೇಳಿದೆ. ವಲಸಿಗರ ಕಾರಣದಿಂದ ಕೆಂಪೇಗೌಡರು ಕಟ್ಟಿದ ಬೆಂಗಳೂರಿನಲ್ಲಿ ಕನ್ನಡಕ್ಕಾಗಿ ಕೈ ಎತ್ತುವ ಪರಿಸ್ಥಿತಿ ನಿರ್ಮಾಣವಾಗಿದೆ.

ಹೀಗೆ ಬೆಂಗಳೂರಿನಲ್ಲಿ ಕನ್ನಡಕ್ಕಾಗಿ ಎತ್ತಿದ ಕನ್ನಡಿಗರೊಬ್ಬರ ಮೇಲೆ ದೌರ್ಜನ್ಯ ಎಸಗಿದ ರೌಡಿಶೀಟರ್ ಗಳ ಚಳಿಯನ್ನು ಕರವೇ ಕಾರ್ಯಕರ್ತರು ಬಿಡಿಸಿದ್ದಾರೆ.

ಕರವೇ ರಾಮಮೂರ್ತಿ ಫೇಸ್ ಬುಕ್ ಖಾತೆಯ ವಿಡಿಯೋ

ಶನಿವಾರ ರಾತ್ರಿ ಜೆಜೆ ನಗರ ಬಳಿಯ ಮಾರ್ಕಂಡೇಶ್ವರ ನಗರದಲ್ಲಿ ಗಂಗಮ್ಮ ದೇವಿ ಉತ್ಸವದ ಸಂದರ್ಭದಲ್ಲಿ ಆರ್ಕೆಸ್ಟ್ರಾ ಆಯೋಜಿಸಲಾಗಿತ್ತು. ಈ ಕಾರ್ಯಕ್ರಮದಲ್ಲಿ ಕನ್ನಡ ಹಾಡುಗಳನ್ನು ನಿರ್ಲಕ್ಷ್ಯ ಮಾಡಿ ಕೇವಲ ತಮಿಳು ಹಾಡನ್ನು ಹಾಡಲಾಗುತ್ತಿತ್ತು. ಇದನ್ನು ಪ್ರಶ್ನಿಸಿದ ಕರವೇ ಕಾರ್ಯಕರ್ತರ ಮೇಲೆ ದೌರ್ಜನ್ಯ ಕೂಡಾ ನಡೆದಿತ್ತು ಎನ್ನಲಾಗಿದೆ.

ಇದರಿಂದ ಕುಪಿತಗೊಂಡ ಕರವೇ ಕಾರ್ಯಕರ್ತರು ಒಟ್ಟಾಗಿ ಕಾರ್ಯಕ್ರಮದ ವೇದಿಕೆಗೆ ನುಗ್ಗಿ ಕರ್ನಾಟಕದಲ್ಲಿ ಕನ್ನಡಿಗನೇ ಯಜಮಾನ ಅನ್ನುವುದನ್ನು ತೋರಿಸಿ ಬಂದಿದ್ದಾರೆ.

ಈ ಆರ್ಕೆಸ್ಟ್ರಾದ ಉಸ್ತುವಾರಿಯನ್ನು ರೌಡಿಶೀಟರ್‍ ಗಳಾದ ಲವ, ಕುಶ ನೋಡಿಕೊಳ್ಳುತ್ತಿದ್ದರು ಎನ್ನಲಾಗಿದೆ.

ಕುಮಾರಸ್ವಾಮಿಗೆ ಫೋನ್ ಟ್ಯಾಪಿಂಗ್ ಉರುಳು : ಫೋನ್ ಕದ್ದಾಲಿಕೆ ಪ್ರಕರಣ ಸಿಬಿಐ ಅಂಗಳಕ್ಕೆ

ರಾಜ್ಯದಲ್ಲಿ ಸದ್ದು ಮಾಡಿದ್ದ ದೂರವಾಣಿ ಕದ್ದಾಲಿಕೆ ಪ್ರಕರಣವನ್ನು ಸಿಬಿಐ ತನಿಖೆಗೆ ವಹಿಸಲು ಸಿಎಂ ಯಡಿಯೂರಪ್ಪ ನಿರ್ಧರಿಸಿದ್ದಾರೆ.

ಸಂಪುಟ ರಚನೆ ಸಲುವಾಗಿ ದೆಹಲಿಗೆ ತೆರಳಿದ್ದ ಯಡಿಯೂರಪ್ಪ ಫೋನ್ ಕದ್ದಾಲಿಕೆ ಪ್ರಕರಣ ಕುರಿತಂತೆ ಅಮಿತ್ ಶಾ ಜೊತೆ  ಚರ್ಚೆ ನಡೆಸಿದ್ದರು.

ಸಾಧಕ ಬಾಧಕಗಳ ವಿಮರ್ಶೆ ನಂತರ ಇದೀಗ ಪ್ರಕರಣವನ್ನು ಸಿಬಿಐ ತನಿಖೆಗೆ  ಒಪ್ಪಿಸಲು ನಿರ್ಧರಿಸಲಾಗಿದೆ.

ಈ ಕುರಿತಂತೆ ಮಾತನಾಡಿರುವ ಸಿಎಂ ಯಡಿಯೂರಪ್ಪ, ಪ್ರಕರಣವನ್ನು ಸರ್ಕಾರ ಬಹಳ ಗಂಭೀರವಾಗಿ ತೆಗೆದುಕೊಂಡಿದ್ದು ಸಿಬಿಐಗೆ ವಹಿಸಲಾಗುವುದು ಎಂದಿದ್ದಾರೆ.

ಈಗಾಗಲೇ ಸಿದ್ದರಾಮಯ್ಯ ಸೇರಿದಂತೆ ಪ್ರತಿಪಕ್ಷದ ಅನೇಕ ನಾಯಕರು ಪ್ರಕರಣ ಕುರಿತಂತೆ ತನಿಖೆಗೆ ಆಗ್ರಹಿಸಿದ್ದು ಯಡಿಯೂರಪ್ಪ ಅವರಿಗೆ ವರವಾಗಿ ಪರಿಣಮಿಸಿದೆ. ಈಗಾಗಲೇ ನಡೆದಿರುವ ಪ್ರಾಥಮಿಕ ತನಿಖೆಯಲ್ಲಿ ಫೋನ್ ಕದ್ದಾಲಿಕೆ ಹಿಂದಿನ ರೂವಾರಿಗಳು ಯಾರು ಅನ್ನುವುದು ಕೂಡಾ ಗೊತ್ತಾಗಿದ್ದು, ಮುಂದಿನ ದಿನಗಳಲ್ಲಿ ಬರಬಹುದಾದ ಚುನಾವಣೆಯ ಗೆಲುವಿಗೂ ಇದು ಅಸ್ತ್ರವಾಗಲಿದೆ ಅನ್ನುವುದರಲ್ಲಿ ಅನುಮಾನವಿಲ್ಲ.

ಶೇಮ್..ಶೇಮ್ ಪಿಡಿಓ : ಕ್ಯಾಟ್ ಫಿಶ್ ಹೊಂಡ ಮುಚ್ಚಿಸಲು ರವಿ ಡಿ. ಚನ್ನಣ್ಣನವರ್ ಬರಬೇಕಾಯ್ತು

ರೌಡಿಗಳನ್ನು ಮಟ್ಟಹಾಕಲು ಓಣಿ-ಓಣಿಗಳಲ್ಲಿ ಕಾರ್ಯಾಚರಣೆ ನಡೆಸುತ್ತಿದ್ದ ಖಡಕ್ ಐಪಿಎಸ್ ಅಧಿಕಾರಿ ರವಿ ಡಿ. ಚನ್ನಣ್ಣನವರ್ ಈಗ ಬೆಂಗಳೂರು ಗ್ರಾಮಾಂತರ ಜಿಲ್ಲೆಗೆ ವರ್ಗಾವಣೆಯಾಗಿ ಹೊಲಗಳಲ್ಲಿ ಫೀಲ್ಡ್ ಗೆ ಇಳಿದಿದ್ದಾರೆ.

ನಿಷೇಧಿತ ಕ್ಯಾಟ್ ಫಿಶ್ ಹೊಂಡಗಳ ತೆರವು ಕಾಯಾ೯ಚರಣೆ ಪ್ರಾರಂಭಿಸಿರುವ ಅವರು ಗ್ರಾಮಾಂತರ ಜಿಲ್ಲೆಯ ಹೊಸಕೋಟೆಯ ನಂದಗುಡಿ ಹೋಬಳಿಯ ,ಬೈಲನರಸಾಪುರ, ಬಂಡಹಳ್ಳಿ , ಎನ್. ಹೊಸಹಳ್ಳಿ ಹಾಗೂ ಗೆದ್ದಲಹಳ್ಳಿಪುರ ಗ್ರಾಮಗಳಲ್ಲಿ ಅಕ್ರಮವಾಗಿ ನಿಷೇಧಿತ ಕ್ಯಾಟ್ ಫಿಶ್ ಹೊಂಡಗಳ ಬಗ್ಗೆ ಖಚಿತ ಮಾಹಿತಿಯೊಂದಿಗೆ ದಾಳಿ ನಡೆಸಿ, 30ಕ್ಕೂ ಹೆಚ್ಚು ಕ್ಯಾಟ್ ಫಿಶ್ ಹೊಂಡಗಳನ್ನು ಜೆಸಿಬಿ ಮೂಲಕ ಮುಚ್ಚಿಸಿದ್ದಾರೆ.

ಈ ಮೀನು ತಿಂದರೆ ಕ್ಯಾನ್ಸರ್ ಗ್ಯಾರಂಟಿ…!

ಜಿಲ್ಲಾ ಮೀನುಗಾರಿಕಾ ಇಲಾಖೆ ಮತ್ತು ತಹಶಿಲ್ದಾರರವರ ಜಂಟಿ ಸಹಯೋಗದಲ್ಲಿ ನಂದಗುಡಿ ಠಾಣೆ ಸರಹದ್ದಿನ ತೀರ್ಥಹಳ್ಳಿ,ಇಂಡಿಗನಾಳ ಮತ್ತು ಬೈಲನರಸಾಪುರದಲ್ಲಿ ಈ ಕಾರ್ಯಾಚರಣೆ ನಡೆದಿದ್ದು, ಈ ಸಂಬಂಧ ಪ್ರಕರಣ ದಾಖಲಿಸಿಕೊಳ್ಳುವಂತೆ ನಂದಗುಡಿ ಪೊಲೀಸ್ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ.

ದುರಂತ ಅಂದರೆ ಕ್ಯಾಟ್ ಫಿಶ್ ಕೇಂದ್ರಗಳು ಆಯಾ ಪಿಡಿಓ ಗಳ ಗಮನಕ್ಕೆ ಖಂಡಿತಾ ಬಂದಿರುತ್ತದೆ ಮತ್ತು ಬರಲೇಬೇಕು ಕೂಡಾ. ಗ್ರಾಮದ ಆಗು ಹೋಗುಗಳಿಗೆ ಪಿಡಿಓಗಳೇ ಹೊಣೆಗಾರರಾಗಿದ್ದು, ತಕ್ಷಣ ತಮ್ಮ ಮೇಲಾಧಿಕಾರಿಗಳಿಗೆ ಈ ಸಂಬಂಧ ಅವರು ತಿಳಿಸಬೇಕಾಗಿತ್ತು. ಪಿಡಿಓಗಳಿಗೆ ಗೊತ್ತಾಗಿಲ್ಲ ಸರಿ, ಕಂದಾಯ ಇಲಾಖೆಯಡಿ ಕೆಲಸ ಮಾಡುವ ಗ್ರಾಮಕರಣಿಕರು ಏನು ಮಾಡುತ್ತಿದ್ದರು. ಅವರಿಗಾದರೂ ಗೊತ್ತಾಗಬೇಕಿತ್ತು ತಾನೇ.

ಹೋಗ್ಲಿ ತಹಶೀಲ್ದಾರ್ ಅವರಿಗಾದ್ರು ಗೊತ್ತಾಗಬೇಕಿತ್ತು ತಾನೇ. ಈ ಭಾಗದಲ್ಲಿ ಕ್ಯಾಟ್ ಫಿಶ್ ಕೇಂದ್ರಗಳು ಕಾರ್ಯಾಚರಿಸುತ್ತಿದೆ ಎಂದು ಮಾಧ್ಯಮಗಳು ಹಲವು ಸಲ ಸುದ್ದಿ ಮಾಡಿವೆ. ಇದಾದ ಬಳಿಕ ತಹಶೀಲ್ದಾರ್ ಪಿಡಿಓ, ಗ್ರಾಮಕರಣಿಕರಿಗೊಂದು ಸುತ್ತೋಲೆ ಹೊರಡಿಸಿ, ನಿಮ್ಮ ವ್ಯಾಪ್ತಿಯಲ್ಲಿ ಕ್ಯಾಟ್ ಫಿಶ್ ಹೊಂಡಗಳು ಇರಲೇಬಾರದು ಎಂದು ಹೇಳಿದ್ದರೆ, ರವಿ ಡಿ. ಚನ್ನಣ್ಣನವರ್ ಬರುವ ಅಗತ್ಯವೇ ಇರಲಿಲ್ಲ.

ಪೊಲೀಸರು ಕಾನೂನು ಸುವ್ಯವಸ್ಥೆ ಪಾಲಕರು ಅನ್ನುವುದನ್ನು ಕಂದಾಯ ಇಲಾಖೆ ಅಧಿಕಾರಿಗಳು ಯಾವಾಗ ಅರ್ಥ ಮಾಡಿಕೊಳ್ಳುತ್ತಾರೋ ಗೊತ್ತಿಲ್ಲ. ಒಟ್ಟಿನಲ್ಲಿ ಜನರ ಆರೋಗ್ಯದೊಂದಿಗೆ ಇಷ್ಟು ದಿನ ಚೆಲ್ಲಾಟವಾಡಿದ ಅಧಿಕಾರಿಗಳಿಗೊಂದು ಧಿಕ್ಕಾರ.

ನಮ್ಮ ಕುಡ್ಲ ಪೊಲೀಸರಿಂದ ಹೊಸ ಯೋಜನೆ : ನನ್ನ ಗಸ್ತು..ನನ್ನ ಹೆಮ್ಮೆ

ಹಿಂದೆಲ್ಲಾ ಮಂಗಳೂರಿನಲ್ಲಿ ಕಾನೂನು ಸುವ್ಯವಸ್ಥೆ ಅಂದರೆ ಅದು ಕೋಮು ಸಾಮರಸ್ಯ ಕಾಪಾಡಿಕೊಳ್ಳುವುದು ಪೊಲೀಸರಿಗೆ ಸವಾಲು ಅನ್ನಿಸಿಕೊಂಡಿತ್ತು.

ಆದರೆ ಈಗ ನಗರ ಬೆಳೆದಿದೆ. ಹೊಸ ಕಳ್ಳರು, ಖದೀಮರು ಹುಟ್ಟಿಕೊಂಡಿದ್ದಾರೆ. ಹಟ್ಟಿಗೆ ನುಗ್ಗಿ ದನ ಕದಿಯುತ್ತಾರೆ, ಹಗಲು ಹೊತ್ತಿನಲ್ಲೇ ಕಳ್ಳತನವಾಗುತ್ತದೆ. ಮಾದಕ ವಸ್ತುಗಳ ಜಾಲ ಕರಾವಳಿಯನ್ನು ಹಿಂಡಿ ಹಿಪ್ಪೆ ಮಾಡಿದೆ.

ಈ ಎಲ್ಲವನ್ನೂ ನಿಯಂತ್ರಿಸುವ ಸಲುವಾಗಿ ನಗರ ಪೊಲೀಸ್ ಆಯುಕ್ತರಾಗಿ ಬಂದವರು ತಮ್ಮದೇ ಆದ ರೀತಿಯಲ್ಲಿ ಕಾರ್ಯಕ್ರಮ ಪ್ರಾರಂಭಿಸಿದ್ದರು. ವಾರಕ್ಕೊಮ್ಮೆ ಫೋನ್ ಇನ್ ನಡೆಯುತ್ತದೆ. ಜನ ತಮ್ಮ ದೂರುಗಳನ್ನು ಸಲ್ಲಿಸಬಹುದಾಗಿದೆ.

ಅದರಲ್ಲೂ ಸಂದೀಪ್ ಪಾಟೀಲ್ ಆಯುಕ್ತರಾಗಿ ಬಂದ ಬಳಿಕ ಮಂಗಳೂರು ನಗರದಲ್ಲಿ ರೌಡಿಗಳು, ಕಳ್ಳರು, ಖದೀಮರು ಹೀಗೆ ಸಮಾಜ ಘಾತುಕರ ಪರೇಡ್ ನಡೆಸಲಾಗಿತ್ತು. ಇದರಿಂದ ಒಂದಿಷ್ಟು ಬಿಸಿ ಮುಟ್ಟಿತ್ತು. ಮಾದಕ ವಸ್ತುಗಳ ಜಾಲಕ್ಕೂ ಬ್ರೇಕ್ ಬಿದ್ದಿತ್ತು. ಅವರು ಎತ್ತಂಗಡಿಯಾದ ಬೆನ್ನಲ್ಲೇ ಪುಂಡು ಪೋಕರಿಗಳು ತಲೆ ಎತ್ತಿದ್ದರು.

ಆದರೆ ಇದೀಗ ಬಂದಿರುವ ಪೊಲೀಸ್ ಆಯುಕ್ತ ಡಾ.ಹರ್ಷ ತಮ್ಮ ಕನಸಿನ ಯೋಜನೆಯಾಗಿರುವ ನನ್ನ ಗಸ್ತು ನನ್ನ ಹೆಮ್ಮೆ ಅನ್ನುವ ಡಿಫರೆಂಟ್ ಯೋಜನೆಯೊಂದನ್ನು ಕರಾವಳಿ ನಗರದಲ್ಲಿ ಪ್ರಾರಂಭಿಸಿದ್ದಾರೆ.

ಈ ವಿನೂತನ ಯೋಜನೆ ಜನರಿಂದ ಜನರಿಗಾಗಿ ಜನರಿಗೋಸ್ಕರ ರೂಪಿಸಲಾಗಿದೆ. ಬೀಟ್‌ ವ್ಯವಸ್ಥೆ ಅನ್ನುವುದು ಇಲಾಖೆಯ ತಳ ಹಂತದ ಒಂದು ವ್ಯವಸ್ಥೆಯಾಗಿದೆ. ಈ ವ್ಯವಸ್ಥೆಯನ್ನು ವ್ಯವಸ್ಥಿತ ರೀತಿಯಲ್ಲಿ ನಡೆಸಿದರೆ ಬಹುತೇಕ ಎಲ್ಲ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಲು ಸಾಧ್ಯ ಅನ್ನುವ ನಿಟ್ಟಿನಲ್ಲಿ ಇದನ್ನು ರೂಪಿಸಲಾಗಿದೆ.

ಪ್ರಸ್ತುತ ನಗರದಲ್ಲಿ 756 ಬೀಟ್‌ ವ್ಯವಸ್ಥೆ ಮಾಡಲಾಗಿದ್ದು, ಪ್ರತಿ ಬೀಟ್‌ನಲ್ಲಿ ಒಬ್ಬರು ಕಾನ್‌ಸ್ಟೇಬಲ್‌ ಇರುತ್ತಾರೆ. ಅವರಿಗೆ ಸರಕಾರದ ವತಿಯಿಂದ ಒಂದು ಮೊಬೈಲ್‌ ನೀಡಲಾಗಿದೆ. ಪ್ರತಿ ಬೀಟ್‌ ಪೊಲೀಸರು ಅವರ ವ್ಯಾಪ್ತಿಯ 250 ಮಂದಿ ಸಾರ್ವಜನಿಕರನ್ನು ಒಳಗಂಡ ಒಂದು ವ್ಯಾಟ್ಸ್‌ಅಪ್‌ ಗ್ರೂಪ್‌ನ್ನು ಮಾಡಿದ್ದಾರೆ. ಆಯಾ ವ್ಯಾಪ್ತಿಯ ದೂರು, ಸಲಹೆಗಳನ್ನು ಈ ಗ್ರೂಪ್‌ಗಳಲ್ಲಿ ಹಾಕಿದರೆ ತಕ್ಷಣ ಇಲಾಖೆ ಸ್ಪಂದಿಸಲಿದೆ.

ಪೊಲೀಸ್‌ ಬೀಟ್‌ ವ್ಯವಸ್ತೆಯಲ್ಲಿ ಸಾರ್ವಜನಿಕರ ಸಹಭಾಗಿತ್ವವನ್ನು ಪಡೆಯುವ ಉದ್ದೇಶದಿಂದ ಹೊಸ ಆ್ಯಪ್‌ನ್ನು ಅಭಿವೃದ್ಧಿಪಡಿಸಲಾಗುತ್ತಿದ್ದು, ಆ್ಯಪ್‌ ಮೂಲಕ ಆಸಕ್ತ ಸಾರ್ವಜನಿಕರು ಬೀಟ್‌ ಪೊಲೀಸರ ಜೊತೆಯಲ್ಲಿ ಕೈಜೋಡಿಸಬಹುದಾಗಿದೆ.
“ನನ್ನ ಗಸ್ತು ನನ್ನ ಹೆಮ್ಮೆ”,

ಮಂಗಳೂರು ನಗರ ಪೊಲೀಸರು ನಗರದ ಗಸ್ತು ವ್ಯವಸ್ಥೆಯನ್ನು ಸಬಲಗೊಳಿಸುವತ್ತ ಒಂದು ಹೊಸ ಯೋಜನೆಯನ್ನು ಈಗ ಜಾರಿಗೆ ತಂದಿರುತ್ತಾರೆ. ಈ ಯೋಜನೆಯ ಹೆಸರು “ನನ್ನ ಗಸ್ತು ನನ್ನ ಹೆಮ್ಮೆ”, ಈ ಯೋಜನೆಯ ವೈಶಿಷ್ಟತೆ ಏನೆಂದರೆ ಈ ಇಡೀ ನಗರವನ್ನು ಚಿಕ್ಕದಾದ ಬೀಟ್‌ಗಳನ್ನಾಗಿ ವಿಂಗಡಿಸಿ ಪ್ರತಿಯೊಂದು ಬೀಟ್‌ಗೆ ಒಬ್ಬ ಕಾನ್ಸ್‌ಟೇಬಲ್‌ ಅಥವಾ ಹೆಡ್‌ ಕಾನ್ಸ್‌ಟೇಬಲ್‌ ಅವರನ್ನು ಮುಖ್ಯಸ್ಥರನ್ನಾಗಿ ನೇಮಿಸಲಾಗಿರುತ್ತದೆ.

ಹಾಗೆಯೇ ಪ್ರತೀ ಬೀಟ್‌ಗೆ ಒಂದು ವಾಟ್ಸಪ್‌ ಗ್ರೂಪ್‌ ರಚಿಸಿ ಅದರಲ್ಲಿ ನಾಗರಿಕ ಸಮಾಜದ ಎಲ್ಲ ವರ್ಗದ, ಎಲ್ಲ ಜಾತಿಯ, ಎಲ್ಲ ಸಮುದಾಯದ ಹಾಗೂ ಎಲ್ಲ ವಯಸ್ಸಿನ ಜವಾಬ್ದಾರಿಯು ನಾಗರಿಕರನ್ನು ಸದಸ್ಯರನ್ನಾಗಿ ನೊಂದಣಿಸಿ ದಿನಂಪ್ರತಿ ಅವರಿಂದ ಸಲಹೆ ಸೂಚನೆ ಮಾಹಿತಿಗಳನ್ನು ವಿನಿಮಯಮಾಡಿಕೊಳ್ಳುವ ವೇದಿಕೆಯನ್ನಾಗಿ ಈ ವಾಟ್ಸಾಪ್‌ ಗ್ರೂಪನ್ನು ಬಳಸಲಾಗುತ್ತದೆ.

ಈ ಯೋಜನೆಯ ಮತ್ತೊಂದು ವೈಶಿಷ್ಟ್ಯತೆ ಏನೆಂದರೆ ಸಂಬಂಧಪಟ್ಟ ಬೀಟ್‌ ಕಾನ್ಸ್‌ಟೇಬಲ್‌ ಜೊತೆಗೂಡಿ ಮಂಗಳೂರು ನಗರ ಆಯುಕ್ತಾಲಯದ ಎಲ್ಲ ವರಿಷ್ಟ ಪೊಲೀಸ್‌ ಅಧಿಕಾರಿಗಳು ಮಂಗಳೂರು ನಗರ ಕಮಿಷನರ್‌ ರವರನ್ನು ಒಳಗೊಂಡಂತೆ ಪೊಲೀಸ್‌ ಸಬ್ಇನ್ಸೆಕ್ಟರ್‌ ವರೆಗೆ ತಿಂಗಳಿಗೊಂದು ದಿನ ಒಂದು ಬೀಟ್‌ನ ಕರ್ತವ್ಯವನ್ನು ಈ ಹಿರಿಯ ಅಧಿಕಾರಿಗಳೇ ನಿರ್ವಹಿಸುತ್ತಾರೆ. ಇದರಿಂದ ಹಿರಿಯ ಅಧಿಕಾರಿಗಳಿಗೆ ಸಹ ಸ್ಥಳಿಯವಾದ ಸಮಸ್ಯೆಗಳ ನೇರ ಪರಿಚಯ ಆಗುವುದಲ್ಲದೇ ಸ್ಥಳಿಯರ ಪ್ರತಿಯೊಂದು ವಿಚಾರದ ಬಗ್ಗೆ ನಿಲುವುಗಳನ್ನು ತಿಳಿದುಕೊಂಡು ಪೊಲೀಸ್‌ ಸೇವೆಗಳನ್ನು ಹೆಚ್ಚು ಸಮಂಜಸವಾಗಿ ಜನರಿಗೆ ಸಲ್ಲಿಸುವಲ್ಲಿ ಸಹಾಯಕಾರಿಯಾಗಲಿದೆ.

ಈ ವೈಶಿಷ್ಟ್ಯತೆವುಳ್ಳ ಈ ಹೊಸ ಬೀಟ್‌ ವ್ಯವಸ್ಥೆಯಿಂದ ಜನರಿಗೆ ಪಾಸ್-ಪೋಟ್‌ ವೆರಿಫಿಕೇಶನ್‌, ಕೆಲಸಗಳ ಕುರಿತಾದ ವೆರಿಫಿಕೇಶನ್‌ ಮುಂತಾದ ಪೊಲೀಸ್‌ ಸೇವೆಗಳನ್ನು ಪಡೆಯುವಲ್ಲಿ ಹೆಚ್ಚಿನ ಸಹಾಯ ಸಿಗಲಿದೆ.

ಸ್ಥಳೀಯ ಬೀಟ್‌ ಮುಖ್ಯಸ್ಥ ಕಾನ್ಸ್‌ಟೇಬಲ್‌ ಅಥವಾ ಹೆಡ್‌ ಕಾನ್ಸ್‌ಟೇಬಲ್‌ ಅವರು ಈ ಸೇವೆಗಳನ್ನು ನೇರವಾಗಿ ನಾಗರಿಕರ ಬಾಗಿಲಿಗೆ ತಲುಪಿಸುವಲ್ಲಿ ಈ ಒಂದು ಹೊಸ ಯೋಜನೆ ಸಹಕಾರಿಯಾಗಲಿದೆ.

ಹಾಗಾಗಿ ಹೆಚ್ಚು ಹೆಚ್ಚು ಜನ ಈ ಹೊಸ ಯೋಜನೆಗೆ ಕೈಜೋಡಿಸಿದಲ್ಲಿ ಅತ್ಯಂತ ಸಮರ್ಪಕವಾಗಿ ನಗರ ವ್ಯಾಪ್ತಿಯ ಪೊಲೀಸ್‌ ಸೇವೆಗಳನ್ನು ಒದಗಿಸುವಲ್ಲಿ ನಗರ ಪೊಲೀಸರಿಗೆ ಸಹಕಾರಿಯಾಗುತ್ತದೆ. ಈ ಹಿನ್ನಲೆಯಲ್ಲಿ ಮಂಗಳೂರಿನ ಎಲ್ಲ ನಾಗರಿಕರಲ್ಲಿ ಸವಿನಯವಾದ ಮನವಿ ಏನೆಂದರೆ ಎಲ್ಲರೂ ಈ ಯೋಜನೆಯನ್ನು ತಮ್ಮದೇ ಯೋಜನೆಯೆಂದು ಪರಿಗಣಿಸಿ, ಇದನ್ನು ಸದೃಡಗೊಳಿಸಲು ಕೈಜೋಡಿಸಿ ತಮ್ಮ ಸಲಹೆ ಸೂಚನೆಗಳನ್ನು ನೀಡಿದಲ್ಲಿ ಮಂಗಳೂರು ನಗರ ಪೊಲೀಸ್‌ ಹೆಚ್ಚಿನ ದಕ್ಷತೆಯಿಂದ ಹೆಚ್ಚಿನ ಸಕ್ಷಮತೆಯಿಂದ ಪೊಲೀಸ್‌ ಸೇವೆಗಳನ್ನು ಸಲ್ಲಿಸುವಲ್ಲಿ ಸಹಾಯಕಾರಿಯಾಗಲಿದೆ.

ಯೋಜನೆ ಜಾರಿಯಾದ ಬೆನ್ನಲ್ಲೇ ಪೊಲೀಸ್ ಆಯುಕ್ತ ಡಾ. ಹರ್ಷ ಅವರೇ ರಸ್ತೆಗಿಳಿದಿದ್ದು, ಉತ್ತರ ಪೊಲೀಸ್ ಠಾಣಾ ವ್ಯಾಪ್ತಿಯ ಗಸ್ತು ಸಿಬ್ಬಂದಿ ಈಶ ಪ್ರಸಾದ್ ಜೊತೆಗೆ ಎರಡು ಗಂಟೆಗಳ ಕಾಲ ಕಾಲ್ನಡಿಗೆಯಲ್ಲೇ ಏರಿಯಾ ಸುತ್ತಾಡಿದರು. ಹಲವು ಮನೆ, ಅಂಗಡಿ, ಮಸೀದಿ, ಚರ್ಚು, ದೇವಸ್ಥಾನಗಳಿಗೆ ಭೇಟಿ ಕೊಟ್ಟು ಬೀಟ್ ಬಗ್ಗೆ ಮಾಹಿತಿ ತಿಳಿಸಿದರು.