Advertisements

ಅಚಲ ಮನಸ್ಸಿನ ಗುರಿಕಾರ – ಪೋಖ್ರಾನ್ ನಲ್ಲಿ ಅಣು ಪರೀಕ್ಷೆ ನಡೆಸಿದ ವೀರ

ಮೊದಲ ಅವಧಿಯಲ್ಲಿ ಪ್ರಧಾನ ಮಂತ್ರಿಯಾಗಿ ಅಧಿಕಾರ ಸ್ವೀಕರಿಸಿದಾಗ ಕವಿ ಹೃದಯದ ವಾಜಪೇಯಿ ಅವರಲ್ಲಿ ಕನಸುಗಳು ಸಾಕಷ್ಟಿತ್ತು. ವಿಶ್ವದ ಮುಂದೆ ಭಾರತ ತಲೆ ಎತ್ತಿ ನಡೆಯುವಂತೆ ಮಾಡಬೇಕು ಅನ್ನುವ ಹುಮ್ಮಸ್ಸಿತ್ತು. ಹೀಗಾಗಿಯೇ  ವಿಜ್ಞಾನಿಗಳನ್ನು ಕರೆದ ವಾಜಪೇಯಿ ಕೇಳಿದ್ದು ಒಂದೇ ಮಾತು,”ಭಾರತವನ್ನು ಗಂಡು ರಾಷ್ಟ್ರವಾಗಿಸುತ್ತೀರಾ” ಎಂದು. ಮುಂದೆ ಕೂತಿದ್ದ ವಿಜ್ಞಾನಿಗಳ ಸಂತೋಷಕ್ಕೆ ಪಾರವೇ ಇರಲಿಲ್ಲ. ತಮ್ಮ ಸಾಹಸಕ್ಕೆ ಬೆನ್ನೆಲುಬಿನಂತೆ ನಿಲ್ಲಬಲ್ಲ ವ್ಯಕ್ತಿಯೊಬ್ಬನಿದ್ದಾನೆ ಎಂದು ಅವರು ಮಂದಹಾಸ ಸೂಚಿಸಿದರು.

ಕೆಲಸವೇನೋ ಶುರುವಾಯ್ತು, ಆದರೆ 13 ದಿನಕ್ಕೆ ಸರ್ಕಾರ ಪತನಗೊಂಡಿತು. ಹೀಗಾಗಿ ಹೊಸ ಉತ್ಸಾಹದಿಂದ ಅಣು ಪರೀಕ್ಷೆಯ ಸಿದ್ದತೆ ಮಾಡಿಕೊಂಡಿದ್ದ ವಿಜ್ಞಾನಿಗಳು ನಿರಾಶೆಗೊಂಡರು. ಆದರೂ ಪಟ್ಟು ಬಿಡದೆ ಬಳಿಕ ಪ್ರಧಾನಿ ಪಟ್ಟಕ್ಕೇರಿದ ದೇವೇಗೌಡ, ಐಕೆ ಗುಜ್ರಾಲ್ ಮುಂದೆ ಅಣು ಪರೀಕ್ಷೆಯ ಕಡತವಿಟ್ಟರು. ಆದರೆ ಇಚ್ಛಾಶಕ್ತಿಯ ಕೊರತೆ ವಿಜ್ಞಾನಿಗಳ ಕನಸಿಗೆ ತಣ್ಣೀರು ಎರಚಿತು.

ಹಾಗಂತ ವಿಜ್ಞಾನಿಗಳು ನಿರಾಸೆಗೊಂಡಿರಲಿಲ್ಲ.ಭಾರತವನ್ನು ಜಗತ್ತಿನ ಅಣ್ವಸ್ತ್ರ ರಾಷ್ಟ್ರಗಳ ಸಾಲಿನಲ್ಲಿ ನಿಲ್ಲಿಸಬಲ್ಲ ಧೀರನೊಬ್ಬ ಬಂದೇ ಬರುತ್ತಾನೆ, ವೀರತ್ವ ತೋರಿಸಿಯೇ ತೋರುತ್ತಾನೆ ಎಂದು ಅವರು ಕಾದಿದ್ದರು.

ಹಾಗೇ ಆಯ್ತು ದೈವದ ಇಚ್ಛೆ ಅನ್ನುವಂತೆ 1998ರ ಮಾರ್ಚ್ ತಿಂಗಳಲ್ಲಿ ದೇಶದ ಆಡಳಿತ ಚುಕ್ಕಾಣಿಯನ್ನು ವಾಜಪೇಯಿ ಹಿಡಿದರು. ಆಗ ಅವರು ಕೈಗೆತ್ತಿಕೊಂಡಿದ್ದು ಅಪರೇಷನ್ ಶಕ್ತಿ ಹೆಸರಿನ ಅಣು ಪರೀಕ್ಷೆ ಯೋಜನೆ. 1974ರಲ್ಲಿ ಇಂದಿರಾ ಗಾಂಧಿ ಪ್ರಧಾನಿಯಾಗಿದ್ದ ವೇಳೆ ಅಣು ಪರೀಕ್ಷೆ ಮಾಡಿ ಭಾರತದ ಸಾಮರ್ಥ್ಯವನ್ನು ಜಗತ್ತಿಗೆ ತೋರಿಸಿದ್ದರು. ಆದರೆ ಬಳಿಕ ಭಾರತ ತನ್ನ ಸಾಮರ್ಥ್ಯ ತೋರಿಸಿರಲಿಲ್ಲ.

ಆದರೆ ವಾಜಪೇಯಿಯವರು ಭಾರತದ ತಾಕತ್ತನ್ನು ವಿಶ್ವದ ಮುಂದೆ ಪ್ರದರ್ಶಿಸಲೇಬೇಕು ಎಂದು ದೃಢ ಸಂಕಲ್ಪ ಮಾಡಿದ್ದರು. ಹೀಗಾಗಿಯೇ ಅಣು ಪರೀಕ್ಷೆಯ ನಡೆಸುವ ನಿರ್ಧಾರಕ್ಕೆ ಬಂದರು. ಸರ್ಕಾರ ಎಷ್ಟು ದಿನ ಇರುತ್ತದೆ ಅನ್ನುವುದು ಅವರಿಗೆ ಗೊತ್ತಿರಲಿಲ್ಲ. ಜೊತೆಗೆ ಅಣ್ವಸ್ತ್ರ ಪರೀಕ್ಷೆಯಿಂದ ಬರುವ ವಿಶ್ವದ ವಿರೋಧವನ್ನು ಎದುರಿಸಲು ಸಜ್ಜಾಗಬೇಕಿತ್ತು.  ಹೀಗಾಗಿ ಅಬ್ದುಲ್ ಕಲಾಂ ,ಡಾ. ಆರ್ ಚಿದಂಬರಂರನ್ನು ಕರೆದು ಯೋಜನೆ ಜಾರಿಗೊಳಿಸಲು ಸಾಧ್ಯವೇ ಎಂದು ಕೇಳಿದರು.

ನೀವು ಅಧಿಕಾರದಿಂದ ಕೆಳಗಿಳಿದ ನಂತರವೂ, ನಮ್ಮ ಸಂಶೋಧನೆ ನಿಂತಿರಲಿಲ್ಲ. ಹೀಗಾಗಿ ಅಣ್ವಸ್ತ್ರ ಯಾಕೆ, ಹೈಡ್ರೋಜನ್ ಬಾಂಬ್ ಸಿಡಿಸಲು ಅನುಮತಿ ಕೊಡಿ ಎಂದರು. ದೇಶದ ಪರಮೋಚ್ಛ ನಾಯಕ ಹಸಿರು ನಿಶಾನೆ ತೋರಿದರು. ಆದರೆ ಜಾರಿ ಅಷ್ಟು ಸುಲಭವಿರಲಿಲ್ಲ. ಅಮೆರಿಕಾ ಉಪಗ್ರಹಗಳು ಭಾರತದ ನೆಲವನ್ನು ಅಂಗುಲ ಬಿಡದಂತೆ ಸ್ಕ್ಯಾನಿಂಗ್ ಮಾಡುತ್ತಿತ್ತು. ಅಮೆರಿಕಾ ಹಾಗೂ ಪಾಕಿಸ್ತಾನದ ಗೂಢಚಾರರು ಭಾರತದ ನೆಲದಲ್ಲಿ ಓಡಾಡುತ್ತಿದ್ದರು. ಆದರೂ ವಿಜ್ಞಾನಿಗಳು ಇಟ್ಟ ಹೆಜ್ಜೆಯನ್ನು ಹಿಂದಿಡಲಿಲ್ಲ.

ಉಪಗ್ರಹ ಮತ್ತು ಗೂಢಚಾರರ ಕಣ್ಣಿಗೆ ಮಣ್ಣೆರಚಿ ಮಾಡಬೇಕಾದ ಕೆಲಸದ ನೀಲ ನಕ್ಷೆ ರಚನೆಯಾಯ್ತು. ನೀರಾವರಿ ಕಾಮಗಾರಿ ಹೆಸರಿನಲ್ಲಿ ಪೋಖ್ರಾನ್ ನೆಲದಲ್ಲಿ ದೇಶದ ವೀರ ಸೈನಿಕರು ಗುಂಡಿ ಅಗೆದರು. ಯಾರೊಬ್ಬರಿಗೂ ತಾವು ಏನು ಮಾಡುತ್ತಿದ್ದೇವೆ ಎಂದು ಗೊತ್ತಿರಲಿಲ್ಲ. ಕಲಾಂ, ಚಿದಂಬರಂ , ವಾಜಪೇಯಿ ಹಾಗೂ ಅವರ ಕಾರ್ಯದರ್ಶಿ ಬ್ರಿಜೇಶ್ ಮಿಶ್ರಾರಿಗೆ ಅವರಿಗೆ ಮಾತ್ರ ಏನಾಗುತ್ತಿದೆ ಅನ್ನುವುದು ಗೊತ್ತಿತ್ತು.

ರಕ್ಷಣಾ ಸಚಿವ ಹಾಗೂ ಗೃಹ ಸಚಿವರಿಗೆ ಇಂತಹುದೊಂದು ಕೆಲಸ ನಡೆದಿದೆ ಎಂದು ಗೊತ್ತಾಗಿದ್ದು ಮೇ 10ರ ಸಂಜೆ.

ಹಗಲಿನಲ್ಲಿ ವಿಶ್ರಾಂತಿ ಪಡೆಯುತ್ತಿದ್ದ ಸೈನಿಕರು ರಾತ್ರಿ ಹೊತ್ತಿನಲ್ಲಿ ಮಾತ್ರ ಕೆಲಸ ಮಾಡುತ್ತಿದ್ದರು. ಯಾರಿಗೂ ಅನುಮಾನ ಬಾರದಿರಲಿ ಎಂದು ಎಲ್ಲರೂ ಸೈನಿಕರ ಸಮವಸ್ತ್ರ ಧರಿಸಿದ್ದರು.

ಅಣು ಪರೀಕ್ಷೆಗೆ ಬೇಕಾದ ಎಲ್ಲಾ ಕೆಲಸಗಳು ಮುಕ್ತಾಯವಾಯ್ತು. ಇನ್ನೇನು ಕೆಲವೇ ಹೊತ್ತಿನಲ್ಲಿ ಇಡೀ ವಿಶ್ವ ಭಾರತದತ್ತ ತಿರುಗುತ್ತದೆ. ದೆಹಲಿಯ ಪ್ರಧಾನಮಂತ್ರಿಗಳ ಮನೆಯಲ್ಲಿ ಅಟಲ್ ಜೀ, ಅಡ್ವಾಣಿ ಮತ್ತು ಜಾರ್ಜ್ ಹಾಗೂ ಬ್ರಿಜೇಶ್ ಮಿಶ್ರಾ ಆತಂಕದಲ್ಲಿ ಕೂತಿದ್ದರು.

ಆದರೆ ಮೇ 10ಕ್ಕೆ ಆಕಾಶ ಬಿರಿಯುವಂತಹ ಮಳೆ ಮರುಭೂಮಿಯಲ್ಲಿ ಸುರಿಯಿತು.ಗುಡುಗು ಸಿಡಿಲುಗಳು ಎಲ್ಲರನ್ನೂ ಆತಂಕಕ್ಕೆ

ನೂಕಿತು. ಈ ನಡುವೆ ಯೋಜನೆಯ ಮಹತ್ವದ ಕೊಂಡಿಯಾಗಿದ್ದ ವಿಜ್ಞಾನಿ ಕಾಕೋಡ್ಕರ್ ರ ತಂದೆ ತೀರಿಕೊಂಡ ಸುದ್ದಿ ಬಂತು. ಊರಿಗೆ ಧಾವಿಸಿದ ಕಾಕೋಡ್ಕರ್ ತಂದೆಯ ಅಂತ್ಯ ಸಂಸ್ಕಾರ ಮುಗಿಸಿ , ಮುಂದಿನ ಕೆಲಸಗಳಿಗೆ ಕಾಯದೇ ವಾಪಾಸ್ ಬಂದಿದ್ದರು.

ಮರುದಿನದ ವೇಳೆಗೆ ಮೋಡಗಳೂ ತಿಳಿಯಾದವು. ಬಿರುಬಿಸಿಲೂ ಬಂತು. ಇನ್ನೇನು ಪರೀಕ್ಷೆ ಶುರುವಾಗಬೇಕು, ಅಷ್ಟರಲ್ಲಿ ಅನಿರೀಕ್ಷಿತವಾಗಿ ಬಿರುಗಾಳಿ ಎದ್ದಿತು. ಅಣ್ವಸ್ತ್ರ ಪರೀಕ್ಷೆ ಒಂದು ಗಂಟೆ ಮುಂದೆ ಹೋಯ್ತು. ವಿಜ್ಞಾನಿಗಳ ಮುಖದಲ್ಲಿ ಆತಂಕದ ಗೆರೆಗಳು ಮೂಡಿತ್ತು.

ಆದರೆ ಅದೃಷ್ಟ ವಿಜ್ಞಾನಿಗಳ ಕಡೆಗಿತ್ತು. ಒಂದು ಗಂಟೆಯ ನಂತರ ಬಿರುಗಾಳಿ ನಿಂತಿತು. ಮರಳು ಶಾಂತವಾಯ್ತು. ಒಂದು ಎರಡು ಮೂರು ಎಂದು ವಿಜ್ಞಾನಿಗಳು ಕೌಂಟ್ ಡೌನ್ ಎಣಿಸುತ್ತಿದ್ದಂತೆ ದೊಡ್ಡದೊಂದು ಸದ್ದು ಅಮೆರಿಕಾದ ವೈಟ್ ಹೌಸ್ ಕಿವಿಗೆ ತಟ್ಟಿತು. ಡೆಲ್ಲಿ ನಕ್ಕರೆ, ವಿಜ್ಞಾನಿಗಳು ಕುಣಿದರು, ದೇಶದ ಜನ ಭೇಷ್ ಅಂದರು. ನಂತರ ಎಲ್ಲವೂ ಇತಿಹಾಸ.

Advertisements

ದಿ ವಿಲನ್ ಆಡಿಯೋ ಲಾಂಚ್ ಪಾಸ್ ಬೇಕಾ…?

ಪ್ರೇಮ್ ನಿರ್ದೇಶನದ, ಶಿವಣ್ಣ ಮತ್ತು ಕಿಚ್ಚ ಅಭಿನಯದ ದಿ ವಿಲನ್ ತೆರೆ ಮೇಲೆ ಯಾವಾಗ ಬರುತ್ತದೆ ಅನ್ನುವ ಕಾತುರ ಎಲ್ಲರಿಗಿದೆ. ಅದಕ್ಕೂ ಮುಂಚೆಯೇ ಯೂ ಟ್ಯೂಬ್ ನಲ್ಲಿ ಬಿಟ್ಟಿರುವ ಹಾಡುಗಳು ಚಿಂದಿ ಉಡಾಯಿಸಿವೆ. ಇನ್ನಷ್ಟು ಹಾಡುಗಳು ಪ್ರೇಮ್ ಬತ್ತಳಿಕೆಯಲ್ಲಿದ್ದು, ಅವುಗಳ ಬಿಡುಗಡೆಗೂ ಮುಹೂರ್ತ ಫಿಕ್ಸ್ ಆಗಿದೆ.

ಇದೇ ಭಾನುವಾರ ಆಗಸ್ಟ್ 19 ರಂದು ಮಾನ್ಯತಾ ಟೆಕ್ ಪಾರ್ಕ್ ಒಳಗಿರುವ ವೈಟ್ ಆರ್ಕೀಡ್ ನಲ್ಲಿ ಅದ್ದೂರಿಯಲ್ಲಿ ಆಡಿಯೋ ಲಾಂಚ್ ಕಾರ್ಯಕ್ರಮ ನಡೆಯಲಿದೆ.

ಈ ಆಡಿಯೋ ಲಾಂಚ್ ಕಾರ್ಯಕ್ರಮದ ಎಲ್ಲಾ ರೈಟ್ಸ್ ಗಳನ್ನು ಝೀ ಕನ್ನಡ ವಾಹಿನಿ ಪಡೆದುಕೊಂಡಿದ್ದು, ಸಮಾರಂಭಗ ರೂಪುರೇಷೆಗಳನ್ನು ವಾಹಿನಿಯೇ ನಿರ್ಧರಿಸಲಿದೆ.

ಹೀಗಾಗಿ ಕಾರ್ಯಕ್ರಮ ಅಚ್ಚುಕಟ್ಟಾಗಿ ನಡೆಯಬೇಕು ಅನ್ನುವ ಕಾರಣದಿಂದ ಪಾಸ್ ಇದ್ದವರಿಗೆ ಮಾತ್ರ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಅವಕಾಶ ಮಾಡಿಕೊಡಲಾಗಿದೆ. ಹೀಗಾಗಿ ಇಂದೇ ಪಾಸ್ ಪಡೆಯರಿ, ಆಗಸ್ಟ್ 19 ರ ಕಾರ್ಯಕ್ರಮವನ್ನು ಲೈವ್ ಆಗಿ ಎಂಜಾಯ್ ಮಾಡಿ.

ಯಾಕಮ್ಮ ಲೇಟು..? ನೀವು ಬೇಗ ಬಂದ್ರೆ ಡಿಸಿನೂ ಬರಬೇಕಾ…?

ಹಾಸನ ಜಿಲ್ಲಾಧಿಕಾರಿ ರೋಹಿಣಿ ಸಿಂಧೂರಿ ವಿರುದ್ಧ ಹಾಸನ ಉಸ್ತುವಾರಿ ಸಚಿವ ರೇವಣ್ಣ ಗರಂ ಆದ ಘಟನೆ ನಡೆದಿದೆ.ಹಾಸನ ಜಿಲ್ಲಾಡಳಿತ ವತಿಯಿಂದ ಆಯೋಜಿಸಲಾಗಿದ್ದ ಸ್ವಾತಂತ್ರ್ಯೋತ್ಸವ ಸಮಾರಂಭ 9 ಗಂಟೆಗೆ ಆಯೋಜಿತವಾಗಿತ್ತು. ಪ್ರತೀ ಸಲ ಲೇಟಾಗಿ, ಅಥವಾ ಕಾರ್ಯಕ್ರಮ ಶುರುವಾಗಲು ಇನ್ನೊಂದಿಷ್ಟು ನಿಮಿಷ ಇರುತ್ತದೆ ಅನ್ನುವಾಗ ಬರುವಾಗ ರೇವಣ್ಣ ಇಂದು 20 ನಿಮಿಷ ಮುಂಚೆಯೇ ಸ್ಥಳಕ್ಕೆ ಬಂದಿದ್ದರು.

ಆದರೆ ಸಚಿವರು ಲೇಟಾಗಿ ಬರ್ತಾರೆ ಎಂದು ಡಿಸಿ ಮೇಡಂ ಕೂಡಾ ನಿಧಾನವಾಗಿಯೇ ಬಂದಿದ್ದಾರೆ. ಆದರೆ ಸಚಿವರು ಬಂದ್ರೂ ಡಿಸಿ ಬಂದಿಲ್ಲ ಅಂದ್ರೆ ಏನರ್ಥ ಎಂದು ರೇವಣ್ಣ ಪಿತ್ತ ನೆತ್ತಿಗೇರಿದೆ.

ಹೀಗಾಗಿ 9 ಗಂಟೆ ದಾಟುತ್ತಿದ್ದಂತೆ ಸ್ಥಳಕ್ಕೆ ಬಂದ ಸಿಂಧೂರಿಯವರನ್ನು ರೇವಣ್ಣ ತರಾಟೆಗೆ ತೆಗೆದುಕೊಂಡಿದ್ದಾರೆ. ಹೀಗೆಲ್ಲಾ ಮಾಡಿದ್ರೆ ಆಗಲ್ಲ ಎಂದು ಲೈಟಾಗಿ ಗದರಿದ್ದಾರೆ.

ಇನ್ನು ಡಿಸಿ ಮೇಲಿನ ಸಿಟ್ಟು ಕೆಲ ಹೊತ್ತು ಹಾಗೇ ಇತ್ತು. ಹೀಗಾಗಿ ಡಿಸಿಯವರನ್ನು ಮಾತನಾಡಿಸುವ ಗೋಜಿಗೆ ರೇವಣ್ಣ ಹೋಗಲಿಲ್ಲ. ಒಂದಿಷ್ಟು ಹೊತ್ತಾದ ಮೇಲೆ ಸಿಟ್ಟು ತಣಿದ ರೇವಣ್ಣ ಕೂಲ್ ಆಗಿಯೇ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು.

ಜಾನಕಿಯನ್ನು ಮಗಳೆಂದು ಕಂಡು ಹಿಡಿಯುತ್ತಾರೆಯೇ CSP

ಕಲರ್ಸ್ ಸೂಪರ್ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಮಗಳು ಜಾನಕಿ ಕುತೂಹಲಕರ ಘಟ್ಟ ತಲುಪಿದೆ. ಮನೆಯಿಂದ ಓಡಿ ಬಂದಿರುವ ಜಾನಕಿಯನ್ನು ಭಾರ್ಗಿ ಮತ್ತು ರಶ್ಮಿ ಬೆನ್ನು ಹತ್ತಿದ್ದಾರೆ. ಮತ್ತೊಂದು ಕಡೆ ಲಕ್ಷ್ಮಿ ಸಹಾಯದಿಂದ ಜಾನಕಿ ಮತ್ತು ಆನಂದ್ ಸಿಎಸ್ಪಿ ಮನೆಗೆ ಬಂದು ತಲುಪಿಯಾಗಿದೆ.

ಆನಂದ್ ಮತ್ತು ಜಾನಕಿ ಮದುವೆಯನ್ನು ಮಾಡಿಸುವುದಾಗಿ CSP ಒಪ್ಪಿಕೊಂಡಿರುವುದೇ ಇಡೀ ಧಾರಾವಾಹಿಯ ಟ್ವಿಸ್ಟಿಂಗ್ ಪಾಯಿಂಟ್ ಅನ್ನಿಸಿಕೊಂಡಿದೆ.

ಜಾನಕಿಯನ್ನು ನೋಡಿದ CSP ಇವಳು ನನ್ನ ಮಗಳಂತೆ ಅನ್ನಿಸುತ್ತಿದೆ ಅನ್ನುವಂತೆ ದಿಟ್ಟಿಸಿ ನೋಡಿದ್ದಾರೆ. ಆದರೆ ಜಾನಕಿ ಹೆಸರು ಚಾರುಲತ ಎಂದು ಗೊತ್ತಾಗುತ್ತಿರುವಂತೆ ನಿಟ್ಟುಸಿರು ಬಿಟ್ಟಿದ್ದಾರೆ. ಆದರೆ ಜಾನಕಿ ಹೆಸರನ್ನು ಸುಳ್ಳು ಹೇಳುತ್ತಿದ್ದಾಳೆ ಅನ್ನುವ ಸಂಶಯ CSP ಗೆ ಬಂದಿದೆ.

ಹಾಗಾದರೆ CSP ಜಾನಕಿಯನ್ನು ಗುರುತು ಹಿಡಿಯುತ್ತಾರೋ, ಅಥವಾ ತನಗೆ ಗೊತ್ತಿಲ್ಲದಂತೆ ಮಗಳನ್ನು ಧಾರೆಯೆರೆದು ಕೊಡ್ತಾರೋ..

ಇವೆಲ್ಲವನ್ನೂ ಹೊರತುಪಡಿಸಿ ನಿರಂಜನ್ ಎಂಟ್ರಿ ಹೊಡೆದು, ಊಹೆಗಳನ್ನು ಉಲ್ಟಾ ಪಲ್ಟಾ ಮಾಡಿ, ತಾನೊಬ್ಬ ನಕಲಿ ಐಎಎಸ್ ಅಧಿಕಾರಿ ಅನ್ನುವುದು ಬಹಿರಂಗವಾಗುತ್ತದೋ…ಅದರೆ ಇವೆರಡೂ ಸಾಧ್ಯತೆಗಳು ತುಂಬಾ ಕಡಿಮೆ.

ಏನಿವೇ ನೀವು ಈ ಧಾರಾವಾಹಿಯನ್ನು ಇಷ್ಟಪಡುತ್ತಿದ್ದರೆ… ಕಥೆಯನ್ನು ಮುಂದುವರಿಸಿ ಏನಾಗುತ್ತದೆ ಅನ್ನುವುದನ್ನು ಗುರುವಾರ ರಾತ್ರಿ 9.30ಕ್ಕೆ ನೋಡೋಣ.

ಚಿತ್ರ ಫ್ಲಾಪ್ ಆದ ಬಳಿಕ ಕಳ್ಳತನಕ್ಕಿಳಿದಿದ್ದ ನಟ ಆರೆಸ್ಟ್

ತೆಲುಗು ಚಿತ್ರರಂಗದ ಹಿರೋ ಮಹೇಶ್ ಹಾಗೂ ಆತನ ಸಹಾಯಕ ಬಾಲಾಜಿ ಅನ್ನುವವರನ್ನು ಕಳ್ಳತನ ಆರೋಪದ ಹಿನ್ನಲೆಯಲ್ಲಿ ಪೊಲೀಸರು ಬಂಧಿಸಿದ್ದಾರೆ.

ಬಂಧಿತರಿಂದ 15 ಲಕ್ಷಕ್ಕೂ ಅಧಿಕ ಮೌಲ್ಯದ ಚಿನ್ನಾಭರಣ ಹಾಗೂ 3 ಸಾವಿರ ನಗದನ್ನು ವಶಪಡಿಸಿಕೊಳ್ಳಲಾಗಿದೆ. ಬಂಧಿತರನ್ನು ವಿಕ್ಕಿ ರಾಜ್ ಮತ್ತು ಮಹೇಶ್ ಎಂದು ಗುರುತಿಸಲಾಗಿದೆ.

ರಂಗಾರೆಡ್ಡಿ ಜಿಲ್ಲೆಯ ಇವರಿಬ್ಬರು ಬಾಲ್ಯ ಸ್ನೇಹಿತರಾಗಿದ್ದರು. ಈ ವೇಳೆಯೇ ಇವರಿಗೆ ಸಿನಿಮಾ ಹುಚ್ಚು ಹಿಡಿದಿತ್ತು. ಹೀಗಾಗಿ ಚಿತ್ರರಂಗದಲ್ಲಿ ಕೆಲಸವನ್ನೂ ಕೂಡಾ ಮಾಡುತ್ತಿದ್ದರು. ಬಳಿಕ ಇವರಿಬ್ಬರು ಸೇರಿ ನಿವಿರು ಅನ್ನುವ ಚಿತ್ರವನ್ನು ಕಳೆದ ವರ್ಷ ನಿರ್ಮಿಸಿದ್ದರು.

ಆದರೆ ಚಿತ್ರ ಕೈ ಹಿಡಿಯಲಿಲ್ಲ,ತೆಲುಗಿನ ನಿವಿರು ಚಿತ್ರ ಫ್ಲಾಪ್ ಆಗಿತ್ತು. ಇದರಿಂದ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದ ಮಹೇಶ್ ಕಳ್ಳತನಕ್ಕೆ ಇಳಿದಿದ್ದರು.

ಮಹೇಶ್ ಹಗಲಿನಲ್ಲಿ ಕೇಬಲ್ ಆಪರೇಟರ್ ಸೋಗಿನಲ್ಲಿ ಮನೆಗಳನ್ನು ಸುತ್ತಾಡುತ್ತಿದ್ದ, ರಾತ್ರಿ ಬೀಗ ಹಾಕಿರಬಹುದಾಗಿದ್ದ ಮನೆಗಳನ್ನು ನೋಟ್ ಮಾಡಿಕೊಳ್ಳುತ್ತಿದ್ದ. ಬಳಿಕ ರಾತ್ರಿಯಾಗುವುದನ್ನೇ ಕಾಯುತ್ತಿದ್ದ ಇವರಿಬ್ಬರು ಕಳ್ಳತನ ಮಾಡುತ್ತಿದ್ದರು.
ಇನ್ನು ವಿಕ್ಕಿ ಇದಕ್ಕೂ ಮುನ್ನ 2016 ರಲ್ಲಿ ಕಳ್ಳತನ ಪ್ರಕರಣದಲ್ಲಿ ಸಿಲುಕಿ ಜೈಲು ಪಾಲಾಗಿದ್ದ. ಪೊಲೀಸರು ರೌಂಡ್ಸ್ ಹೊಡೆಯುವ ಸಂದರ್ಭದಲ್ಲಿ ಅವರಿಬ್ಬರು ಅನುಮಾನಸ್ಪದವಾಗಿ ತಿರುಗಾಡುತ್ತಿದ್ದರು. ಆಗ ಪೊಲೀಸರ ಕೈಗೆ ಸಿಕ್ಕಿ ಬಿದ್ದಿದ್ದರು.

nivuru_

ಸ್ವಾತಂತ್ರ್ಯೋತ್ಸವದ ದಿನದಂದೇ ಕಣ್ಣೀರು ಹಾಕಿದ ವಿದ್ಯಾರ್ಥಿಗಳು….

ದೇಶದೆಲ್ಲೆಡೆ 72ನೇ ಸ್ವಾತಂತ್ರ್ಯ ದಿನವನ್ನು ಸಡಗರ ಸಂಭ್ರಮದಿಂದ ಆಚರಿಸಲಾಗಿದೆ. ಆದರೆ ಧಾರವಾಡದ ಪ್ರೆಸೆಂಟೆಷನ್ ಸ್ಕೂಲ್ ಮಕ್ಕಳಿಗೆ ಇದು ಎಂದಿಗೂ ಮರೆಯಲಾಗದ ಸ್ವಾತಂತ್ರ್ಯ ದಿನ. ಜೀವನಪೂರ್ತಿ ನೆನಪಿಟ್ಟುಕೊಳ್ಳುವಂತ ಕೊಡುಗೆಯೊಂದನ್ನು ಪಡೆದ ದಿನ.

ಧಾರವಾಡದ ಪ್ರೆಸೆಂಟೆಷನ್ ಸ್ಕೂಲ್ ಮಕ್ಕಳ ಬ್ಯಾಂಡ್ ತಂಡದ ಸಾಧನೆಯನ್ನು ಕಂಡ ಜಿಲ್ಲಾಧಿಕಾರಿ ಮಂಗಳವಾರ ಪಥ ಸಂಚಲನದಲ್ಲಿ ಬ್ಯಾಂಡ್ ಬಾರಿಸಲು ಅನುಮತಿ ನೀಡಿದ್ದರಂತೆ. ಆದರೆ RN ಶೆಟ್ಟಿ ಕ್ರೀಡಾಂಗಣದಲ್ಲಿ ಸ್ವಾತಂತ್ರ್ಯೋತ್ಸವದ ಪಥ ಸಂಚಲನದಲ್ಲಿ ಬ್ಯಾಂಡ್ ಬಾರಿಸಲು ಪೊಲೀಸ್ ಬ್ಯಾಂಡ್ ತಂಡವು ಪ್ರೆಸೆಂಟೆಷನ್ ಸ್ಕೂಲ್ ಮಕ್ಕಳ ಬ್ಯಾಂಡ್ ತಂಡಕ್ಕೆ ಅನುಮತಿಯನ್ನೇ ಕೊಡಲಿಲ್ಲ.

ಇದರಿಂದ ತೀವ್ರಗೊಂಡ ಮಕ್ಕಳು ಕಣ್ಣೀರು ಹಾಕುತ್ತಾ ಹೊರ ಬಂದಿದ್ದಾರೆ. ಡಿಸಿ ಆಹ್ವಾನದ ಮೇರೆಗೆ ಎಲ್ಲಾ ತಯಾರಿ ಮಾಡಿಕೊಂಡು ಬಂದ ಮಕ್ಕಳು ಪೊಲೀಸರ ವರ್ತನೆಯಿಂದ ತೀವ್ರ ನೊಂದುಕೊಂಡಿದ್ದಾರೆ.

ಹಾಗಾದರೆ ಇಂತಹುದೊಂದು ಎಡವಟ್ಟು ನಡೆಯಲು ಕಾರಣವೇನು.. ಪೊಲೀಸ್ ಮುಖ್ಯಸ್ಥರು ಅಥವಾ ಜಿಲ್ಲಾಧಿಕಾರಿಗಳು ಸ್ಪಷ್ಟನೆ ನೀಡಬೇಕು. ಮೇಲ್ನೋಟಕ್ಕೆ ಅಧಿಕಾರಿಗಳ ನಡುವಿನ ಸಮನ್ವಯದ ಕೊರತೆ ಕಾರಣ ಅನ್ನಿಸುತ್ತಿದೆ. ತಪ್ಪಾಗಿದೆ ಅನ್ನುವುದಾದರೆ ಅಧಿಕಾರಿಗಳು ಯಾರೇ ಇರಲಿ, ಎಷ್ಟೇ ದೊಡ್ಡವರು ಇರಲಿ ಮಕ್ಕಳ ಕ್ಷಮೆ ಕೇಳಲೇಬೇಕು. ಇಲ್ಲವಾದರೆ ಇಂಥಹುದೊಂದು ಎಡವಟ್ಟು ಯಾಕೆ ನಡೆಯಿತು ಅನ್ನುವುದನ್ನು ವಿವರಿಸಬೇಕು.

ಅಪ್ಪನಾದ ರಘು – ಅನು ಪ್ರಭಾಕರ್ ಇನ್ಮುಂದೆ ಹೆಣ್ಣುಮಗಳ ತಾಯಿ

ನಟಿ ಅನುಪ್ರಭಾಕರ್​ ಇಂದು ಹೆಣ್ಣು ಮಗುವಿ ತಾಯಿಯಾಗಿದ್ದಾರೆ. ಈ ವಿಷಯವನ್ನು ಅನು ಪ್ರಭಾಕರ್ ಪತಿ ರಘುಮುಖರ್ಜಿ ಟ್ವೀಟ್​ ಮಾಡುವ ಮೂಲಕ ತಿಳಿಸಿದ್ದಾರೆ. ತಾಯಿ ಮಗು ಆರೋಗ್ಯವಾಗಿದ್ದಾರೆಂದು ಕುಟುಂಬ ಮೂಲಗಳು ತಿಳಿಸಿವೆ.

ಅನುಪ್ರಭಾಕರ್​ ಗರ್ಭಿಣಿಯಾಗಿದ್ದಾಗಿನಿಂದ ಸಾಮಾಜಿಕ ಜಾಲ ತಾಣಗಳಲ್ಲಿ ಸಿಕ್ಕಾಪಟ್ಟೆ ಫೋಟೋ ಶೇರ್ ಮಾಡುತ್ತಿದ್ದರು. ಇನ್ನು ರಘು ಮುಖರ್ಜಿ ಟ್ವೀಟ್ ಪ್ರತಿಕ್ರಿಯಿಸಿರುವ ಅನೇಕ ಮಂದಿ ಸಂತಸ ವ್ಯಕ್ತಪಡಿಸಿದ್ದಾರೆ.

 

ಮೂರನೇ ಮಗುವಿನ ನಿರೀಕ್ಷೆಯಲ್ಲಿ ರಂಭಾ – ಸೀಮಂತದಲ್ಲಿ ಸಖತ್ ಸೆಫ್ಟ್

ಸೌತ್​ ಇಂಡಿಯಾದ ಲಕ್ಕಿ ಹೀರೋಯಿನ್ ಎಂದೇ ಕರೆಯಲ್ಪಡುವ ರಂಭಾ ಈಗ ಮೂರನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ.  ಈಗಾಗಲೇ ಇಬ್ಬರು ಮುದ್ದಾದ ಹೆಣ್ಣು ಮಕ್ಕಳ ತಾಯಿಯಾಗಿರುವ ರಂಭಾ ಮೂರನೇ ಮಗುವಿಗೆ ಜನ್ಮ ನೀಡಲು ಸಿದ್ಧರಾಗಿದ್ದಾರೆ.

ಇದರ ಅಂಗವಾಗಿ ಸೀಮಂತ ಕಾರ್ಯಕ್ರಮ  ಕೆನಡಾದಲ್ಲಿ ನಡೆದಿದ್ದು, ಫೋಟೊಗಳನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದಾರೆ. ಆಂಧ್ರದ ಚೆಲುವೆ ಈಗ ಸಿನಿಮಾದಿಂದ ದೂರ ಉಳಿದಿದ್ದು, ಪತಿ ಇಂದ್ರಕುಮಾರ್​ ಜತೆ ಕೆನಡಾದಲ್ಲಿ ಸೆಟಲ್​ ಆಗಿದ್ದಾರೆ.

ನನಗೆ ಈಗಾಗಲೇ ವಿವಾಹವಾಗಿದೆ…ರಾಹುಲ್ ಗಾಂಧಿಯೇ ಬಹಿರಂಗಪಡಿಸಿದ ಸತ್ಯ..

ರಾಹುಲ್ ಗಾಂಧಿ ಮದುವೆಯ ಬಗ್ಗೆ ಚರ್ಚೆಯಾದಷ್ಟು ಭಾರತದ ಮತ್ಯಾವ ರಾಜಕಾರಣಿಯ ಮದುವೆಯ ಬಗ್ಗೆ ಚರ್ಚೆಯಾಗಿಲ್ಲ. ಕೆಲವರಿಗೆ ರಾಹುಲ್ ಮದುವೆ ಟೀಕೆಯ ವಿಷಯವಾದರೆ, ಮತ್ತೆ ಹಲವರಿಗೆ ಕಾಳಜಿಯ ವಿಷಯ.

ಆದರೆ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ತಮ್ಮ ವಿವಾಹದ ಬಗ್ಗೆ ಪ್ರಸ್ತಾಪವಾದ ವೇಳೆ ಅದರಿಂದ ಜಾಣ್ಮೆಯಿಂದ ಜಾರಿಕೊಳ್ಳುತ್ತಿದ್ದರು. ಆದರೆ ಹಿಂದೊಮ್ಮೆ ನಾನು ಹಣೆ ಬರಹದ ಮೇಲೆ ನಂಬಿಕೆ ಇಟ್ಟವನು ಎಂದು ತಮ್ಮ ಮದುವೆ ಬಗ್ಗೆ ಪ್ರಶ್ನೆ ಕೇಳಿದವರಿಗೆ ಉತ್ತರಿಸಿದ್ದರು.ಆದರೆ ಇದೀಗ ಈ ಬಗ್ಗೆ ಸ್ವತಃ ರಾಹುಲ್ ಗಾಂಧಿಯೇ ಸ್ಪಷ್ಟನೆ ನೀಡಿದ್ದಾರೆ.

ಆಗಸ್ಟ್ 14 ರಂದು ಹೈದರಾಬಾದ್ ನಲ್ಲಿ ಆಯೋಜಿಸಲಾಗಿದ್ದ ಪತ್ರಕರ್ತರೊಂದಿಗಿನ ಸಂವಾದದಲ್ಲಿ ಮಾತನಾಡಿರುವ ರಾಹುಲ್ ಗಾಂಧಿಗೆ ಪತ್ರಕರ್ತರು “ನಿಮ್ಮ ವಿವಾಹದ ಯೋಜನೆಯೇನು?” ಎಂದು ಪ್ರಶ್ನಿಸಿದ್ದಾರೆ.

ಆಗ ಉತ್ತರಿಸಿರುವ ರಾಹುಲ್ ಗಾಂಧಿ, ನಾನು ಈಗಾಗಲೇ ವಿವಾಹವಾಗಿದ್ದೇನೆ, ನನ್ನ ಪಕ್ಷದೊಂದಿಗೆ ನನ್ನ ವಿವಾಹವಾಗಿದೆ (I am married to Congress) ಎಂದು ಹೇಳಿದ್ದಾರೆ.

ಅಂದರೆ ರಾಹುಲ್ ಗಾಂಧಿ ಮದುವೆಯಾಗುವುದಿಲ್ಲ, ಬ್ರಹ್ಮಚಾರಿಯಾಗಿ ಇರುತ್ತಾರೆ ಎಂದು ಅರ್ಥವೇ ಗೊತ್ತಿಲ್ಲ.
ಇಲ್ಲೊಂದು ವಿಡಿಯೋ ಇದೆ. ಯೂಟ್ಯೂಬ್ ಚಾನೆಲ್ ಮಂದಿ ರಾಹುಲ್ ಗಾಂಧಿ ಮದುವೆ ಬಗ್ಗೆ ಹುಡುಗಿಯರ ಮುಂದೆ ಮೈಕ್ ಹಿಡಿದಿದ್ದಾರೆ. ಉತ್ತರ ಕೇಳಿ ನಕ್ಕು ಹಗುರಾಗಿ.

ಮಗಳು ಜಾನಕಿ ಬಗ್ಗೆ ನಿಮಗೆಷ್ಟು ಗೊತ್ತು…?

ಟಿಎನ್ ಸೀತಾರಾಂ ನಿರ್ದೇಶನದ ಮಗಳು ಜಾನಕಿ ನಿರೀಕ್ಷಿತ ಟಿ ಆರ್ ಪಿಯನ್ನು ತಂದುಕೊಟ್ಟಿಲ್ಲ.ಆದರೆ ಬಲು ಜನಪ್ರಿಯತೆ ಪಡೆದಿದೆ. ಕಲರ್ಸ್ ಸೂಪರ್ ವಾಹಿನಿ ರಾಜ್ಯದ ಎಲ್ಲಾ ಭಾಗಗಳಲ್ಲಿ ಬರುತ್ತಿದ್ದರೆ ದಾಖಲೆಯ TRPಯನ್ನು ಧಾರಾವಾಹಿ ಪಡೆಯುತ್ತಿತ್ತು. ಅಥವಾ ಇದೇ ಧಾರಾವಾಹಿಯನ್ನು ಕಲರ್ಸ್ ವಾಹಿನಿಯಲ್ಲಿ ಹಾಕಿದ್ದರೆ ಚೆನ್ನಾಗಿತ್ತು.

ಆದರೂ ಪರವಾಗಿಲ್ಲ TRP ತಂದುಕೊಟ್ಟಿಲ್ಲವಾದರೂ ಧಾರಾವಾಹಿ ದೊಡ್ಡ ಮಟ್ಟದಲ್ಲಿ ಜನಪ್ರಿಯವಾಗಿದೆ. ಅತ್ತೆ ಸೊಸೆ ಜಗಳ, ಹಾವುಗಳ ಕಥೆ ನೋಡಿದ ಮಂದಿ ಮನಸ್ಸಿಗೆ ಮಗಳು ಜಾನಕಿ ಮುದ ನೀಡಿದೆ ಅನ್ನುವುದು ಸತ್ಯ.