ಮುಂದಿನ ಭಾನುವಾರದಿಂದ ಬಸ್ ಪ್ರಯಾಣ ದುಬಾರಿ

ಈಗಾಗಲೇ ಹಲವು ವಸ್ತುಗಳ ದರ ಏರಿಕೆಯಿಂದ ತತ್ತರಿಸಿರುವ ಜನರಿಗೆ ರಾಜ್ಯ ಸರ್ಕಾರ ಗಣೇಶ ಚತುರ್ಥಿ ಕೊಡುಗೆ ನೀಡಿದೆ. ಹೀಗಾಗಿ ರಾಜ್ಯದ ಜನ ಮತ್ತೊಂದು ಹೊರೆ ಹೊರಲು ಸಿದ್ದರಾಗಬೇಕಾಗಿದೆ.

ಪೆಟ್ರೋಲ್ ಕೈ ಸುಡುತ್ತಿರುವ ಬೆನ್ನಲ್ಲೇ KSRTC ಬಸ್ ಪ್ರಯಾಣ ದರ ಜೇಬು ಸುಡಲಿದೆ.

ಬರುವ ಸಂಬಳದಲ್ಲಿ ತೆರಿಗೆ ಅದು ಇದು ಎಂದು ಕತ್ತರಿ. ಹೋಗ್ಲಿ ಪೆಟ್ರೋಲ್ ದರ ಏರಿಕೆಯಾಯ್ತು ಅಂತಾ ಸಂಬಳ ಏರಿಕೆಯಾಗುತ್ತಾ ಇಲ್ಲ.

ಬರೋ ಸಂಬಳದಲ್ಲಿ ಜೀವನ ಸಾಗಿಸಬೇಕು ಅನ್ನುವುದಾದರೆ ಕೆಂಪು ಬಸ್ ನಲ್ಲೇ ಊರಿಗೆ ಹೋಗಿ ಬರುವುದು ಬೆಟರ್, ಇನ್ನು ರೈಲ್ವೆ ಅವಕಾಶವಿದ್ದರೆ ಅದನ್ನೇ ನೆಚ್ಚಿಕೊಳ್ಳಬೇಕು. ಯಾಕಪ್ಪ ಬಸ್ ಗೆ ಅಷ್ಟೊಂದು ದುಡ್ಡು ಇನ್ನೊಂದು ಐನೂರು ಸೇರಿಸಿದರೆ ವಿಮಾನವನ್ನೇ ಹತ್ತಬಹುದು.

( Image : ಪಬ್ಲಿಕ್ ಟಿವಿ ಕೃಪೆ – ಟಿವಿ ಸ್ಕ್ರೀನ್ ನಿಂದ ಪಡೆಯಲಾಗಿದೆ)

courtesy public tv
courtesy public tv
courtesy public tv
courtesy public tv

9876

courtesy public tv
courtesy public tv
4
courtesy public tv
3
courtesy public tv
courtesy public tv
courtesy public tv
courtesy public tv
courtesy public tv

ನೀರು ಹಾಕಿ ಬಸ್ ಓಡಿಸೋಕೆ ಆಗುತ್ತಾ….ದೇವೇಗೌಡರ ಪ್ರಶ್ನೆ

ಗಣೇಶ ಚತುರ್ಥಿಯ ಒಳಗಾಗಿ ಸಾರಿಗೆ ಸಂಸ್ಥೆಗಳ ಪ್ರಯಾಣಿಕ ದರ ಏರಿಕೆಯ ಅನಿವಾರ್ಯತೆಗೆ ಸರ್ಕಾರ ಸಿಲುಕಿದೆ. ಪ್ರಯಾಣಿಕರ ದರ ಏರಿಸದಿದ್ದರೆ ಕೋಟಿ ಕೋಟಿ ನಷ್ಟ ಗ್ಯಾರಂಟಿ.

ಆದರೆ ಜನತೆಯ ಆಕ್ರೋಶಕ್ಕೆ ತುತ್ತಾಗಬೇಕಾಗುತ್ತದೋ ಅನ್ನುವ ಆತಂಕವೂ ಕಾಡುತ್ತಿದೆ.

ಈ ನಡುವೆ ಭಾನುವಾರ ಸುದ್ದಿಗಾರರೊಂದಿಗೆ ಮಾತನಾಡಿರುವ ಮಾಜಿ ಪ್ರಧಾನಿ ದೇವೇಗೌಡರು ಸಾರಿಗೆ ಸಂಸ್ಥೆಯ ಬಸ್ ದರ ಏರಿಕೆ ನಿರ್ಧಾರವನ್ನು ಸಮರ್ಥಿಸಿಕೊಂಡಿದ್ದಾರೆ.

ಇಂಧನ ದರ ಹೀಗೆ ಏರಿಕೆಯಾಗುತ್ತಿದ್ದರೆ ಬಸ್ ಅನ್ನು ನೀರು ಹಾಕಿ ಓಡಿಸಲು ಆಗುತ್ತಾ..? ಎಂದು ಪ್ರಶ್ನಿಸಿದ್ದಾರೆ.

ಬಸ್ ಪ್ರಯಾಣವನ್ನು ಸುಮ್ಮನೆ ಏರಿಕೆ ಮಾಡುತ್ತಿಲ್ಲ. ಕಾರಣ ಕೊಟ್ಟು ದರ ಏರಿಕೆ ಮಾಡುತ್ತಿದ್ದಾರೆ. ಪರಿಸ್ಥಿತಿ ನೋಡಿದರೆ ಇಂಧನ ದರ ಇಳಿಯುವ ಲಕ್ಷಣ ಕಾಣಿಸುತ್ತಿಲ್ಲ. ಹೀಗಾಗಿ ಪ್ರಯಾಣ ದರ ಏರಿಕೆ ಮಾಡುವುದರಲ್ಲಿ ತಪ್ಪಿಲ್ಲ ಎಂದು ಎಂದು ಅವರು ಸರ್ಕಾರದ ಪರ ಬ್ಯಾಟಿಂಗ್ ಮಾಡಿದ್ದಾರೆ.

ಸಂಬಂಧ ಉಳಿಸಲು ಕುಟುಂಬಸ್ಥರು ಸಾಕಷ್ಟು ಶ್ರಮಿಸಿದ್ದರು..?

ಕಿರಿಕ್ ಪಾರ್ಟಿ ಖ್ಯಾತಿಯ ಜೋಡಿ ರಕ್ಷಿತ್ ಶೆಟ್ಟಿ ಹಾಗೂ ರಶ್ಮಿಕಾ ಮಂದಣ್ಣ ಯಾವಾಗ ಸುದ್ದಿಯಲ್ಲಿ ಇರಲಿಲ್ಲ ಹೇಳಿ. ಚಿತ್ರ ಬಂದ ದಿನದಿಂದ ಇವರಿಬ್ಬರು ಸದಾ ಸುದ್ದಿಯಲ್ಲಿದ್ದರು.

ಮೊದಲಿಗೆ ಚಿತ್ರದ ವಿಷಯ,ನಂತರ ಇವರಿಬ್ಬರೂ ಪ್ರೀತಿಸುತ್ತಿದ್ದಾರೆ ಅನ್ನುವ ಗಾಸಿಪ್, ಬಳಿಕ ಇವರಿಬ್ಬರ ಪ್ರೀತಿ. ನಂತರ ನಿಶ್ಚಿತಾರ್ಥ, ಬಳಿಕ ತೆಲುಗಿಗೆ ಸವಾರಿ, ಗೋವಿಂದಂ ಚಿತ್ರದಲ್ಲಿ ಕಿಸ್ಸಿಂಗ್ ಹೀಗೆ ಪುರಾಣ ಮುಂದುವರಿಯುತ್ತದೆ.

ಇದೀಗ ನಿಶ್ಚಿತಾರ್ಥ ಮುರಿದು ಬಿದ್ದಿರುವುದಾಗಿ ಆಪ್ತ ಮೂಲಗಳು ಹೇಳಿವೆ.

ಗೀತ ಗೋವಿಂದಂ ಸಿನಿಮಾದಲ್ಲಿ ರಶ್ಮಿಕಾ ಮತ್ತು ವಿಜಯ್ ಲಿಪ್ ಲಾಕ್ ಮಾಡಿಕೊಂಡಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಈ ಸಂದರ್ಭದಲ್ಲಿ ರಕ್ಷಿತ್, ರಶ್ಮಿಕಾ ನಡುವಿನ ಸಂಬಂಧದಲ್ಲಿ ಬಿರುಕು ಕಾಣಿಸಿಕೊಳ್ಳಲಾರಂಭಿಸಿತ್ತು ಎಂಬ ಗುಸುಗುಸು ಹಬ್ಬಿತ್ತು. ಆದರೆ ಇದು ಸುಳ್ಳು ಎಂದು ಇಬ್ಬರೂ ಹೇಳಿಕೊಂಡಿದ್ದರು.

ರಶ್ಮಿಕಾ, ರಕ್ಷಿತ್ ನಿಶ್ಚಿತಾರ್ಥ ಮುರಿದು ಬಿದ್ದ ಬಗ್ಗೆ ಸುದ್ದಿಯಾದ ವೇಳೆ ಇಬ್ಬರೂ ತಳ್ಳಿಹಾಕಿದ್ದರು. ಆದರೆ ಇದೀಗ ಇಬ್ಬರೂ ದೂರವಾಗುತ್ತಿರುವುದು ನಿಜ ಎಂದು ಆಪ್ತ ವಲಯ ಹೇಳಿದೆ.

ಮಾಹಿತಿ ಪ್ರಕಾರ ಇಬ್ಬರಿಗೂ ಹೊಂದಾಣಿಕೆಯ ಸಮಸ್ಯೆ ಉಂಟಾಗಿದೆಯಂತೆ. ಇಬ್ಬರ ನಡುವೆ ಹಲವು ವಿಷಯಗಳಲ್ಲಿನ ಅಭಿಪ್ರಾಯ ವ್ಯತ್ಯಾಸವೇ ಇದಕ್ಕೆ ಮೂಲ ಕಾರಣ ಎನ್ನಲಾಗಿದೆ.

ಆದರೂ ಇವರಿಬ್ಬರ ನಡುವೆ ಹೊಂದಾಣಿಕೆ ಸಮಸ್ಯೆ ಬಗೆಹರಿಸಿ ಸಂಬಂಧ ಮುಂದುವರಿಸಲು ಉಭಯ ಕುಟುಂಬಗಳ ಸದಸ್ಯರು ಸಾಕಷ್ಟು ಪ್ರಯತ್ನಿಸಿದ್ದರು. ಆದರೆ ಅದ್ಯಾಕೋ ಸರಿ ಹೊಂದಿ ಬರಲಿಲ್ಲ. ಕೆಲವೊಂದು ಕಡೆ ಇಗೋ ಕೂಡಾ ಪುಟ್ಟ ಸಮಸ್ಯೆಯನ್ನು ಬೆಟ್ಟದಂತೆ ಮಾಡಿದೆ ಎನ್ನಲಾಗಿದೆ.

ಈ ಎಲ್ಲಾ ಬೆಳವಣಿಗೆಯ ನಡುವೆಯೇ ರಕ್ಷಿತ್ ಶೆಟ್ಟಿ ಫೇಸ್ ಬುಕ್, ಟ್ವಿಟರ್, ಇನ್ ಸ್ಟಾಗ್ರಾಮ್ ದಿಢೀರ್ ಹೊರನಡೆದಿದ್ದಾರೆ. ಈ ನಿರ್ಧಾರ ಯಾಕೆ ಕೈಗೊಂಡರೂ ಎಂಬುದು ತಿಳಿದು ಬಂದಿಲ್ಲ.

ಕ್ಷಣ ಮಾತ್ರದಲ್ಲಿ ಕಾರ್ಮಿಕರೊಂದಿಗೆ ಕುಸಿದು ಬಿದ್ದ ನಿರ್ಮಾಣ ಹಂತದ ಕಟ್ಟಡ

ಅಪಘಾತ ಅನ್ನುವುದು ಯಾವಾಗ ನಡೆಯುತ್ತದೆ ಎಂದು ಊಹಿಸಲು ಸಾಧ್ಯವಿಲ್ಲ. ಎಲ್ಲಿ,ಯಾವಾಗ, ಹೇಗೆ ಕೆಲವೊಂದು ಅಪಘಾತದಲ್ಲಿ ನಡೆಯುತ್ತದೆ ಎಂದು ಭವಿಷ್ಯ ನುಡಿಯುವುದು ಅಸಾಧ್ಯ.

ಹಾಗಂತ ಎಲ್ಲಾ ಅಪಘಾತಗಳು ಹಾಗಲ್ಲ. ಕೆಲವೊಂದು ಸಲ ನಮ್ಮದೇ ತಪ್ಪುಗಳಿಂದ ನಡೆದು ಹೋಗುತ್ತದೆ.ಅದರಲ್ಲೂ ನಿರ್ಮಾಣ ಹಂತದ ಕಟ್ಟಡ ಕುಸಿಯುವುದಕ್ಕೆ ನಿರ್ಲಕ್ಷ್ಯವೇ ಕಾರಣವಾಗಿರುತ್ತದೆ.

ಕಟ್ಟಡ ನಿರ್ಮಾಣ ಸಂದರ್ಭದಲ್ಲಿ ಒಂದಿಷ್ಟು ಎಚ್ಚರ ತಪ್ಪಿದರೆ ಸಾಕು ಆಗಬಹುದಾದ ಅನಾಹುತವನ್ನು ಊಹಿಸಲು ಸಾಧ್ಯವಿಲ್ಲ.

ಇಂತಹುದೇ ಒಂದು ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಕಟ್ಟಡ ಕಾರ್ಮಿಕರು ಸೈಟ್ ನಲ್ಲಿ ತಮ್ಮ ಕೆಲಸದಲ್ಲಿ ನಿರತರಾಗಿದ್ದರು.ಮೊದಲ ಮಹಡಿಯ ಪ್ಲೋರ್ ನಿರ್ಮಾಣ ಕಾರ್ಯ ಭರದಿಂದ ಸಾಗಿತ್ತು.

2018-09-10_13-58-05

ಕೆಲವೇ ಕ್ಷಣ ಕಣ್ಣ ರೆಪ್ಪೆ ಮುಚ್ಚಿ  ತೆಗೆಯುವ ಹೊತ್ತಿಗೆ ಅದ್ಯಾವ ಆಧಾರ ಕುಸಿದು ಬಿತ್ತೋ ಗೊತ್ತಿಲ್ಲ. ನಿರ್ಮಾಣದ ಹಂತದ ಮಹಡಿ ಕುಸಿಯಲಾರಂಭಿಸಿದೆ.

3

ಕ್ಷಣ ಮಾತ್ರದಲ್ಲಿ ನಡೆದ ಘಟನೆಯಲ್ಲಿ ಕೆಲಸದಲ್ಲಿ ನಿರತರಾಗಿದ್ದ ಅರ್ಧದಷ್ಟು ಕಾರ್ಮಿಕರು ನೆಲಕ್ಕೆ ಉರುಳಿದ್ದಾರೆ. ಇನ್ನುಳಿದವರು ಬದುಕಿದರೆ ಸಾಕು ಎಂದು ಓಡಿ ಹೋಗಿದ್ದಾರೆ.

2

ಆದರೆ ಅದೃಷ್ಟ ಚೆನ್ನಾಗಿತ್ತು. ಬಿದ್ದ ಕಾರ್ಮಿಕರು ಒಬ್ಬೊಬ್ಬರಾಗಿ ಎದ್ದು ಬಂದಿದ್ದಾರೆ. ಘಟನೆ ನಡೆದದ್ದು ಎಲ್ಲಿ ಎಂದು ಗೊತ್ತಾಗಿಲ್ಲ. ಆದರೆ ಇಡೀ ಘಟನೆಯಿಂದ ಕಲಿಯಬೇಕಾದ ಪಾಠ ಬಹಳಷ್ಟಿದೆ.

https://www.facebook.com/plugins/video.php?href=https%3A%2F%2Fwww.facebook.com%2FTechnology55Learn%2Fvideos%2F690933027933701%2F&show_text=0&width=560

ಈ ಗಣೇಶನನ್ನು ಪೂಜಿಸಿದರೆ ಕ್ಯಾನ್ಸರ್ ಬರುತ್ತದೆ….!

ಗಣೇಶ ವಿಘ್ನ ನಿವಾರಕ, ಸಕಲ ಸಮಸ್ಯೆಗಳನ್ನು ನಿವಾರಿಸುವವನು, ಆದಿ ವಂದಿತನನ್ನು ಪೂಜಿಸಿದರೆ ಕ್ಯಾನ್ಸರ್ ಬರುತ್ತದೆ ಅಂದರೆ ಅರ್ಥವಿದೆಯೇ ಎಂದು ನೀವು ಪ್ರಶ್ನಿಸಬಹುದು.

ಖಂಡಿತವಾಗಿಯೂ ಅರ್ಥವಿದೆ. ಈಗಾಗಲೇ ಗಣೇಶನನ್ನು ಪೂಜಿಸಿ ಅರ್ಧ ಅಪಾಯವನ್ನು ಮೈ ಮೇಲೆ ಎಳೆದುಕೊಂಡಾಗಿದೆ. ಮತ್ತಷ್ಟು ಪೂಜೆ ಮಾಡಿದರೆ ಪೂರ್ತಿ ಅಪಾಯ ಗ್ಯಾರಂಟಿ.

ಹಾಗಂತ ಅದು ಗಣೇಶನ ಪೂಜೆಯಿಂದಲ್ಲ, ಬದಲಾಗಿ POP ( ಪ್ಲಾಸ್ಟರ್ ಆಫ್ ಪ್ಯಾರಿಸ್ ) ನಿಂದ ತಯಾರಿಸಿದ ಗಣೇಶನನ್ನು ಪೂಜೆಯಿಂದ.

ಪಿಓಪಿಯಲ್ಲಿ ತಯಾರಿಸಿದ ಗಣೇಶನ ಮೂರ್ತಿ ನೋಡಲು ಎಷ್ಟು ಸುಂದರವೋ, ಎಷ್ಟು ಆಕರ್ಷಕವೋ, ಅಷ್ಟೇ ಅಪಾಯಕಾರಿ. ಕೇವಲ ಮಾನವನ ದೇಹಕ್ಕೆ ಮಾತ್ರವಲ್ಲ, ಪರಿಸರ, ಜೀವ ಸಂಕುಲಕ್ಕೆ ಈ ಗಣೇಶನ ವಿಗ್ರಹಗಳು ಅಪಾಯ ತರುತ್ತದೆ.

ಈ ವಿಗ್ರಹ ತಯಾರಿಕೆಯಲ್ಲಿ ಬಳಸುವ ರಾಸಾಯನಿಕ ನೀರಿನಲ್ಲಿ ಬೆರೆಯುತ್ತದೆ, ಭೂಮಿ ಸೇರುತ್ತದೆ, ಬಳಿಕ ಸಸ್ಯಗಳು ಹೀರುತ್ತದೆ. ಪ್ರಾಣಿ, ಪಕ್ಷಿಗಳು ಇದೇ ನೀರನ್ನು ಕುಡಿಯುತ್ತದೆ. ಹೀಗೆ ಚೈನ್ ರೀತಿಯಲ್ಲಿ ಅಪಾಯನ್ನು ಹೊತ್ತೊಯ್ಯುತ್ತದೆ.

ಇನ್ನು ವೈದ್ಯರ ಪ್ರಕಾರ ಪಿಒಪಿ ತಯಾರಿಕೆಗೆ ಬಳಸುವ ರಾಸಾಯನಿಕದಲ್ಲಿ ಅಸ್ ಬೆಸ್ಟಾಸ್ ಎಂಬ ಅಂಶವಿದ್ದು, ಇದು ಕ್ಯಾನ್ಸರ್ ಕಾರಕವಂತೆ.

ಮಾತ್ರವಲ್ಲದೆ ಪಿಓಪಿ ವಿಗ್ರಹಗಳಲ್ಲಿ ಭಾರ ಲೋಹಗಳಾದ ಕ್ರೋಮಿಯಂ, ಸೀಸ, ನಿಕ್ಸಲ್, ಕ್ಯಾಡಿಯಂ,ಸತು ಸೇರಿದಂತೆ ಮುಂತಾದ ಅಂಶಗಳಿರುತ್ತದೆ. ಈ ಅಪಾಯಕಾರಿ ಲೋಹಗಳು ನೀರಿನಲ್ಲಿ ನಿಧಾನವಾಗಿ ಕರಗುತ್ತದೆ ಬಳಿಕ ಭೂಮಿ ಸೇರುತ್ತದೆ. ಇದನ್ನು ಸೇವಿಸಿ ಬೆಳೆದ ಸಸ್ಯ ಸಂಕುಲ, ಪ್ರಾಣಿ ಪಕ್ಷಿಗಳ ಮೇಲೆ ವ್ಯತಿರಿಕ್ತ ಪರಿಣಾಮ ಉಂಟಾಗುತ್ತದೆ.

ಜೊತೆಗೆ ಈ ಗಣಪತಿ ವಿಗ್ರಹಕ್ಕೆ ಬಳಸುವ ತೈಲ ವರ್ಣದಲ್ಲಿ ವಿಷಕಾರಿ ಅಂಶಗಳಿರುತ್ತದೆ. ಹೀಗಾಗಿ ಪಿಓಪಿ ಹಾಗೂ ತೈಲ ವರ್ಣ ಬಳಸಿ ತಯಾರಿಸುವ ಎಲ್ಲಾ ಗಣೇಶನ ಮೂರ್ತಿಗಳನ್ನು ದೂರವಿಟ್ಟು ಸಂಕಷ್ಟ ಆಹ್ವಾನದಿಂದ ದೂರವುಳಿಯುವುದು ಒಳಿತಲ್ಲವೇ..?

ರಕ್ಷಿತ್ –ರಶ್ಮಿಕಾ ಬ್ರೇಕ್ ಅಪ್ – ಮುರಿದು ಬಿತ್ತು ಕಿರಿಕ್ ಪಾರ್ಟಿ ಜೋಡಿಯ ನಿಶ್ಚಿತಾರ್ಥ

2017 ಜುಲೈ 3ರಂದು ಈ ಜೋಡಿ ವಿರಾಜಪೇಟೆಯಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡು  ಅಭಿಮಾನಿಗಳಿಗೆ ಅಚ್ಚರಿಯ ಸುದ್ದಿ ನೀಡಿದ್ದ ಕಿರಿಕ್‌ ಪಾರ್ಟಿ ಚಿತ್ರದ ಜೋಡಿ  ರಕ್ಷಿತ್ ಶೆಟ್ಟಿ ಮತ್ತು ರಶ್ಮಿಕಾ ಮಂದಣ್ಣ  ಇನ್ನು ಕೆಲವೇ ವರ್ಷಗಳಲ್ಲಿ ಮದುವೆ ಎಂದು ಘೋಷಿಸಿಕೊಂಡಿತ್ತು. ಆದರೆ ಇದೀಗ ಹಸೆಮಣೆ ಏರಬೇಕಾದ ಜೋಡಿ ನಾನೊಂದು ತೀರ, ನೀನೊಂದು ತೀರಾ ಅಂದಿದೆ.

ಚಂದನವನ ಮೆಚ್ಚಿಕೊಂಡಿದ್ದ ಕ್ಯೂಟ್‌  ಜೋಡಿಯ ನಿಶ್ಚಿತಾರ್ಥ ಮುರಿದು ಬಿದ್ದಿರುವ ಸುದ್ದಿ ಬಂದಿದ್ದು, ಕಿರಿಕ್‌ ಪಾರ್ಟಿಯ ಕರ್ಣ ಮತ್ತು ಸಾನ್ವಿ ತಮ್ಮ ವೃತ್ತಿ ಜೀವನದ ಕಾರಣದಿಂದ ದೂರವಾಗಲು ನಿರ್ಧರಿಸಿದ್ದಾರೆ.

ಗೀತ ಗೋವಿಂದಂ ಸಿನಿಮಾದಲ್ಲಿ ರಶ್ಮಿಕಾ ಮತ್ತು ವಿಜಯ್‌ ಲಿಪ್‌ಲಾಕ್‌ ಮಾಡಿಕೊಂಡಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿತ್ತು. ಆವಾಗಲೇ ರಶ್ಮಿಕಾ ಮತ್ತು ರಕ್ಷಿತ್‌ ದೂರವಾಗುತ್ತಿದ್ದಾರೆ ಎಂಬ ಮಾತು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿತ್ತು. ಆದರೆ ಇದು ಸುಳ್ಳು ಎಂದು ಇಬ್ಬರೂ ಹೇಳಿಕೊಂಡಿದ್ದರು.

ಆದರೆ ಸುಳ್ಳು ಸುಳ್ಳು ಸುಳ್ಳು ಅಂದಿದ್ದು ನಿಜವಾಗಿದೆ.ಎರಡೂ ಕುಟುಂಬಗಳು ಕುಳಿತು ಮಾತನಾಡಿ ನಿಶ್ಚಿತಾರ್ಥ ಮುರಿದುಕೊಳ್ಳುವ ನಿರ್ಧಾರಕ್ಕೆ ಬಂದಿದೆ ಎನ್ನಲಾಗಿದೆ.

ಎರಡೂ ಕುಟುಂಬದ ಹಿರಿಯರು ಮತ್ತು ಸ್ನೇಹಿತರ ಜೊತೆ ಸಮಾಲೋಚನೆ ನಡೆಸಿ ದೂರವಾಗುವ ನಿರ್ಧಾರಕ್ಕೆ ಬರಲಾಗಿದೆ ಅನ್ನಲಾಗಿದೆ.

ಇವರಿಬ್ಬರ ಬ್ರೇಕ್ ಅಪ್ ಸುದ್ದಿ ಯಾವಾಗ ಗಾಸಿಪ್ ಸ್ವರೂಪದಲ್ಲಿ ಹುಟ್ಟಿಕೊಂಡಿತ್ತೋ…. ಅವರಿಬ್ಬರೂ ಸುಳ್ಳು ಎಂದು ಸಾರಿದರು. ಆದರೆ ಈ ಸುದ್ದಿಯ ಬೆನ್ನಲ್ಲೇ ರಕ್ಷಿತ್ ಶೆಟ್ಟಿ ಸಾಮಾಜಿಕ ಜಾಲತಾಣಗಳಿಂದ ದೂರ ಸರಿದಿದ್ದರು.ತಮ್ಮ ಎಲ್ಲಾ ಸಾಮಾಜಿಕ ಜಾಲ ತಾಣ ಖಾತೆಗಳನ್ನು ಸ್ಥಗಿತಗೊಳಿಸಿದ್ದರು.

ಜೊತೆಗೆ ತೆಲುಗಿನ ಕೆಲ ಸಿನಿ ಪ್ರೇಮಿಗಳು ರಶ್ಮಿಕಾ ಅವರು ವಿಜಯ್ ದೇವರಕೊಂಡ ಅವರ ಕೈ ಹಿಡಿಯಬೇಕು ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಬರೆದುಕೊಂಡಿದ್ದರು.

rashmika-mandanna-rakshit-shetty

paper

ರೈಲಿನಲ್ಲಿ ಸೀಟು ಸಿಗದೆ ನಿಂತುಕೊಂಡು ಮಗುವಿಗೆ ಹಾಲುಣಿಸಿದ ಮಹಾತಾಯಿ

ಮಗು ಹಸಿವಿನಿಂದ ಅಳುತ್ತಿತ್ತು. ಆದರೆ ರೈಲಿನಲ್ಲಿ ಕೂತಿದ್ದ ಸಹ ಪ್ರಯಾಣಿಕರ ಮನಸ್ಸು ಕರಗಲೇ ಇಲ್ಲ. ಕೈಯಲ್ಲಿ ಮಗು ಹಿಡಿದುಕೊಂಡಿದ್ದ ಮಹಿಳೆ ಅನೇಕ ಸಲ ಸಹ ಪ್ರಯಾಣಿಕರತ್ತ ನೋಡಿದರು, ಆದರೆ ಯಾರೊಬ್ಬರು ಮಗು ಅಳುತ್ತಿದೆ, ಆಕೆಯ ಸಂಕಷ್ಟವೇನು ಎಂದು ಕೇಳಲಿಲ್ಲ.

ಸಹ ಪ್ರಯಾಣಿಕರು ಸೀಟು ಬಿಟ್ಟು ಕೊಡುತ್ತಿಲ್ಲವೆಂದು ಮಗುವಿನ ಹಸಿವನ್ನು ತಡೆಯಲು ಸಾಧ್ಯವೇ. ಹೀಗಾಗಿ ತಾಯಿ ನಿಂತೆ ಮಗುವಿಗೆ ಹಾಲುಣಿಸಿದ್ದಾಳೆ ತಾಯಿ.

ರೈಲಿನಲ್ಲಿ ತನ್ನ ಆರು ತಿಂಗಳ ಮಗು ಚಾರ್ಲಿಯನ್ನು ಎತ್ತಿಕೊಂಡು ಕೇಟ್ ತನ್ನ ಮನೆಯಿಂದ ವಿಕ್ ಫೋರ್ಡ್ ಗೆ ಪ್ರಯಾಣಿಸುತ್ತಿದ್ದರು. ಈ ವೇಳೆ ಪ್ರಯಾಣಿಕರು ಕಿಕ್ಕಿರಿದ್ದಿದ್ದರು. ಲಂಡನ್ ನಲ್ಲಿ ಈ ಘಟನೆ ನಡೆದಿದ್ದು ಕೇಟ್ ಹಿಚ್ಚೆನ್ಸ್ ನಿಂತುಕೊಂಡು ಮಗುವಿಗೆ ಸ್ತನ್ಯಪಾನ ಮಾಡಿಸಿದ್ದಾರೆ.

ಮಗುವನ್ನು ಕೈಯಲ್ಲಿ ಹಿಡಿದುಕೊಂಡಿದ್ದರು ಇದನ್ನು ಕಂಡ ಯಾರೂ ಆಕೆ ಸೀಟು ಬಿಟ್ಟುಕೊಡಲಿಲ್ಲ. ಇದರಿಂದ ಕೇಚ್ ಅರ್ಧ ಗಂಟೆ ನಿಂತುಕೊಂಡೇ ಮಗುವಿಗೆ ಹಾಲುಣಿಸಿದ್ದಾರೆ.

ಕೇಟ್ ತನ್ನ ಇನ್ ಸ್ಟಾಗ್ರಾಂನಲ್ಲಿ ಮಗುವಿಗೆ ಸ್ತನ್ಯಪಾನ ಮಾಡಿಸುತ್ತಿರುವ ಫೋಟೋ ಹಾಕಿ ಜನರ ವರ್ತನೆ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.


View this post on Instagram

 

On my way home from London on a packed commuter train and this is what I faced. What has the world come to that a mother has to stand up on a moving train breast feeding a wriggling and writhing 6 month old, 20lb baby?! The point here isn’t just that I found it difficult because I was nursing (although that was bloody difficult!), but that not one person offered a mother carrying a small child a seat for around half an hour, or 3 stops! I could have asked, but I didn’t. I felt silly. I shouldn’t have to ask. Maybe some people didn’t see. I know for a fact some did; they made eye contact and actually smiled at me. I was thinking stop smiling and offer me your seat please! One lady looked up from her book and immediately offered me her seat, another lady then sat in it and when the lovely lady said ‘Oh excuse me I actually gave up my seat so this lady with a baby could sit down’ the sitting lady shrugged, plugged her earphones in and closed her eyes! I like to think that she needed that seat more than me, perhaps she was newly pregnant and in that early exhaustion period, perhaps she was knackered after a day at work, perhaps she was ill. Or perhaps she was just a twat. I hope not. I can somewhat understand not offering your seat to someone elderly; perhaps they might be offended you think they look old! I can understand not offering your seat to someone you suspect might be pregnant; maybe it’s just their time of the month or perhaps they are just naturaly curvy and they aren’t pregnant; perhaps you worry you might offend them. I cannot get my head around not offering a parent with a child a seat. Next time you see someone with a child on a train – if you’re able bodied and fit and healthy please offer your seat to them!

A post shared by Hitchens’ Kitchen BLW Club (@baby_led_weaning_club) on

 

ಸೋನಾಲಿ ಬೇಂದ್ರೆಯನ್ನು ಸಾಯಿಸಿದ ಬಿಜೆಪಿ ಶಾಸಕ…?

ನಿಮ್ಮನ್ನು ಒಲ್ಲೆ ಎಂದ ಯುವತಿಯನ್ನು ತೋರಿಸಿ ನಾನು ಕಿಡ್ನಾಪ್ ಮಾಡಿ ತಂದು ನಿಮ್ಮ ಜೊತೆ ಸೇರಿಸುತ್ತೇನೆ ಎಂದು ಹೇಳಿ ವಿವಾದಕ್ಕೆ ಗುರಿಯಾಗಿದ್ದ ಮಹಾರಾಷ್ಟ್ರದ ಬಿಜೆಪಿ ಶಾಸಕ ರಾಮ್ ಕದಮ್ ಮತ್ತೊಂದು ಎಡವಟ್ಟು ಮಾಡಿಕೊಂಡಿದ್ದಾರೆ.

ಬಿಜೆಪಿ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡುವ ವೇಳೆ ಎಡವಟ್ಟು ಮಾಡಿಕೊಂಡಿದ್ದ ಶಾಸಕನ ವರ್ತನೆ ಇದೀಗ ಅವರ ಯೋಗ್ಯತೆ ಬಗ್ಗೆ ಪ್ರಶ್ನೆ ಮಾಡುವಂತೆ ಮಾಡಿದೆ.

ಕ್ಯಾನ್ಸರ್ ರೋಗದಿಂದ ಬಳಲುತ್ತಿರುವ ಬಾಲಿವುಡ್ ನಟಿ ಸೋನಾಲಿ ಬೇಂದ್ರೆ ಅಮೆರಿಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು ಈ ಮಧ್ಯೆ ಸೋನಾಲಿ ಬೇಂದ್ರೆ ಇನ್ನಿಲ್ಲ ಎಂದು ಇದೇ ಶಾಸಕ ರಾಮ್ ಕದಮ್ ಟ್ವೀಟ್ ಮಾಡಿ ಛೀ..ಥೂ ಅನ್ನಿಸಿಕೊಂಡಿದ್ದಾರೆ.

Ram

ಸಾಮಾಜಿಕ ಮಾಧ್ಯಮಗಳಲ್ಲಿ ಸೋನಾಲಿ ಬೇಂದ್ರೆ ಇನ್ನಿಲ್ಲ ಎಂಬ ಸುಳ್ಳು ಸುದ್ದಿ ನಂದಬಿ ಶಾಸಕ ರಾಮ್ ಕದಮ್ ಕೂಡಾ ಹಿಂದೆ ಮುಂದೆ ನೋಡಲಿಲ್ಲ. ಸುದ್ದಿ ಸತ್ಯವೋ ಎಂದು ಪರೀಕ್ಷೆ ಮಾಡಲಿಲ್ಲ. ಬದಲಿಗೆ ಟಿವಿಗಿಂತ ನಾನೇ ಮೊದಲು ಬ್ರೇಕಿಂಗ್ ಸುದ್ದಿ ಕೊಡಬೇಕು ಎಂದು ಸೋನಾಲಿ ಬೇಂದ್ರೆ ಇನ್ನಿಲ್ಲ ಎಂದು ಟ್ವೀಟ್ ಮಾಡಿ ಅಪಹಾಸ್ಯಕ್ಕೀಡಾಗಿದ್ದಾರೆ.

ಕ್ಯಾನ್ಸರ್  ಟ್ರೀಟ್ಮೆಂಟ್ ನಡುವೆ ಮಗನಿಗೆ ಪತ್ರ ಬರೆದ ಸೋನಾಲಿ ಬೇಂದ್ರೆ

ಮರಾಠಿ ಭಾಷೆಯಲ್ಲಿ ರಾಮ್ ಕದಮ್ ಟ್ವೀಟ್ ಮಾಡಿದ್ದು. ಟ್ವೀಟ್ ನಲ್ಲಿ ಅಮೋಘ ಅಭಿನಯದ ಮೂಲಕ ಅಭಿಮಾನಿಗಳನ್ನು ರಂಜಿಸಿದ ಬಾಲಿವುಡ್ ಮತ್ತು ಮರಾಠಿ ದಿವಾ ಸೋನಾಲಿ ಬೇಂದ್ರೆ ಇನ್ನಿಲ್ಲ. ಅಮೆರಿಕದಲ್ಲಿ ಅವರು ನಿಧನರಾಗಿದ್ದಾರೆ ಎಂದು ಟ್ವೀಟಿಸಿದ್ದಾರೆ.

ಸತ್ಯ ಗೊತ್ತಾಗುತ್ತಿದ್ದಂತೆ ರಾಮ್ ಕದಮ್ ಮತ್ತೊಂದು ಟ್ವೀಟ್ ಮಾಡಿ ಕ್ಷಮೆಯಾಚಿಸಿದ್ದಾರೆ. ಕಳೆದ ಎರಡು ದಿನಗಳಿಂದ ಸೋನಾಲಿ ಬೇಂದ್ರೆ ಬಗ್ಗೆ ವದಂತಿಗಳು ಹರಿದಾಡುತ್ತಿವೆ. ಸೋನಾಲಿ ಆದಷ್ಟು ಬೇಗ ಗುಣಮುಖರಾಗಲಿ ಎಂದು ಟ್ವೀಟ್ ನಲ್ಲಿ ಹಾರೈಸಿದ್ದಾರೆ.

 

ಬಿಜೆಪಿಯೊಂದಿಗೆ ರಜನಿ ಹೆಜ್ಜೆ – ಸೂಪರ್ ಸ್ಟಾರ್ ಪಕ್ಷ ಕಮಲದೊಂದಿಗೆ ವಿಲೀನ..?

2017 ಡಿಸೆಂಬರ್ 31 ರಂದು ರಾಜಕೀಯ ಪ್ರವೇಶ ಕುರಿತು ಘೋಷಣೆ ಮಾಡಿದ್ದ ರಜನಿ 2021ರ ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧೆ ನಡೆಸುವುದಾಗಿ ತಿಳಿಸಿದ್ದರು. ಮಾತ್ರವಲ್ಲದೆ ತಮಿಳುನಾಡು ರಾಜಕೀಯದಲ್ಲಿ ನಡೆದಿರುವ ಕೆಲ ಘಟನೆಗಳು ನಾಚಿಕೆಯಿಂದ ತಲೆ ತಗ್ಗಿಸುವಂತೆ ಮಾಡಿದೆ. ಉಳಿದ ರಾಜ್ಯಗಳು ನಮ್ಮತ್ತ ನೋಡಿ ನಗುತ್ತಿವೆ ಎಂದು ಬೇಸರ ವ್ಯಕ್ತಪಡಿಸಿದ್ದರು.

ಬಳಿಕ ನಡೆದ ರಾಜಕೀಯ ಬೆಳವಣಿಗೆಗಳಲ್ಲಿ ರಜನಿಕಾಂತ್ ರಜಿನಿ ಮಕ್ಕಳ್ ಮಂದ್ರಂ ಪಕ್ಷ ಸ್ಥಾಪಿಸಿದರು. ಮಾತ್ರವಲ್ಲದೆ ಯಾವುದೇ ರಾಷ್ಟ್ರೀಯ ಪಕ್ಷಗಳೊಂದಿಗೆ ಕೈ ಜೋಡಿಸುವುದಿಲ್ಲ ಎಂದು ಘೋಷಿಸಿದ್ದರು.

modi-rajani

ಆದರೆ ಇದೀಗ ಪರಿಸ್ಥಿತಿ ಬದಲಾಗಿದೆ.ದೆಹಲಿಯಲ್ಲಿ ಬೀಡು ಬಿಟ್ಟಿರುವ ರಜನಿಕಾಂತ್ ಬಿಜೆಪಿ ನಾಯಕರೊಂದಿಗೆ ಸರಣಿ ಸಭೆಗಳನ್ನು ನಡೆಸುತ್ತಿದ್ದಾರೆ ಎಂದು ಕೆಲ ರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿವೆ.

ಈ ಮೂಲಕ ತಮಿಳುನಾಡು ರಾಜಕೀಯದಲ್ಲಿ ಭಾರೀ ಬೆಳವಣಿಗೆ ಕಾಣಿಸಿಕೊಂಡಿದ್ದು, ಸೂಪರ್ ಸ್ಟಾರ್ ರಜನಿಕಾಂತ್ ನಡೆಯೇನು ಎಂದು ದೇಶ ಕಾಯುತ್ತಿದೆ.

ವರದಿಗಳ ಪ್ರಕಾರ ರಜನಿಕಾಂತ್ ಮಕ್ಕಳ್ ಮಂದ್ರಂ ಪಕ್ಷವನ್ನು ಬಿಜೆಪಿಯೊಂದಿಗೆ ವಿಲೀನಗೊಳಿಸಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ. ಈ ಬಗ್ಗೆ ಬಿಜೆಪಿ ನಾಯಕರೊಂದಿಗೆ ಚರ್ಚೆ ನಡೆದಿದ್ದು, 5 ದಿನಗಳಲ್ಲಿ 7 ಸಭೆಗಳು ಬಿಜೆಪಿ ನಾಯಕರೊಂದಿಗೆ ನಡೆದಿದೆಯಂತೆ. ಬಿಜೆಪಿಯ ಎರಡು ಹಿರಿಯ ನಾಯಕರೊಂದಿಗೆ ಅವರು ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿದೆ.

BJP-Rajani

ಗಮನಿಸಬೇಕಾದ ಅಂಶ ಅಂದರೆ ರಜನಿಕಾಂತ್ ತಾವು ಪಕ್ಷ ಸ್ಥಾಪಿಸುವ ಮುನ್ನ ಪ್ರಧಾನಿ ಮೋದಿ ಅವರನ್ನು ಹಲವು ಬಾರಿ ಭೇಟಿ ಮಾಡಿ ಮಾತುಕತೆ ನಡೆಸಿದ್ದರು.

ಇದೀಗ ತಮಿಳುನಾಡು ರಾಜಕೀಯ ಮಗ್ಗುಲು ಬದಲಾಯಿಸಿದೆ. ತಮಿಳು ರಾಜಕೀಯದಿಂದ ಜಯಲಲಿತಾ ಹಾಗೂ ಕರುಣಾನಿಧಿ ಮರೆಯಾಗಿದ್ದಾರೆ. ಒಂದೇ ಒಡೆಯರಿದ್ದ ಪಕ್ಷಗಳಲ್ಲಿ ಅನೇಕರು ಹುಟ್ಟಿಕೊಂಡಿದ್ದಾರೆ. ಕಚ್ಚಾಡುತ್ತಿದ್ದಾರೆ. ಇದರ ಲಾಭವನ್ನು ಪಡೆದು ತಮಿಳುನಾಡು ರಾಜಕೀಯದಲ್ಲಿ ತನ್ನ ಪ್ರಭಾವ ಬೀರಲು ಬಿಜೆಪಿ ಮುಂದಾಗಿದೆ.

ಈ ನಡುವೆ ರಜನಿಕಾಂತ್ ಪಕ್ಷ ಬಿಜೆಪಿಯೊಂದಿಗೆ ವಿಲೀನಗೊಂಡರೆ, ಕೇರಳಕ್ಕೂ ಬಿಜೆಪಿ ಕಾಲಿಡಲಿದ್ದು, ಇದಕ್ಕಾಗಿ ಮೋಹನ್ ಲಾಲ್ ಅವರ ಬೆಂಬಲ ಪಡೆಯುವ ಸಾಧ್ಯತೆಗಳಿದೆ.

ಸಕ್ಕರೆ ನಾಡಿನಲ್ಲಿ ಮೈಸೂರು ಮಹಾರಾಜರೇ ಬಿಜೆಪಿ ಅಭ್ಯರ್ಥಿ….?

ಕಳೆದ ಮಾರ್ಚ್ ತಿಂಗಳಲ್ಲಿ ಕರ್ನಾಟಕ ಪ್ರವಾಸದಲ್ಲಿದ್ದ ಅಮಿತ್ ಶಾ ಮೈಸೂರು ಅರಮನೆಗೆ ಭೇಟಿ ಕೊಟ್ಟು ರಾಜವಂಶಸ್ಥರನ್ನು ಭೇಟಿ ಮಾಡಿದ್ದರು.

ರಾಜ್ಯ ಬಿಜೆಪಿ ನಾಯಕರೊಂದಿಗೆ ತೆರಳಿದ್ದ ಅವರು ಯಧುವೀರ್ ಹಾಗೂ ಪ್ರಮೋದಾ ದೇವಿ ಜೊತೆ ಮಾತುಕತೆ ಕೂಡಾ ಮಾಡಿ ಬಂದಿದ್ದರು. ಅಗ್ಲೇ ಯದುವೀರ್ ರಾಜಕೀಯಕ್ಕೆ ಬರುತ್ತಾರೆ ಅನ್ನುವ ಸುದ್ದಿ ಹಬ್ಬಿತ್ತು. ಆದರೆ ಬಳಿಕ ಎಲ್ಲವೂ ತಣ್ಣಗಾಯ್ತು.

ಇದೀಗ ಮತ್ತೆ ಮೈಸೂರು ಮಹಾರಾಜ ಯಧುವೀರ್ ಒಡೆಯರ್ ರಾಜಕೀಯಕ್ಕೆ ಬರುತ್ತಾರೆ ಅನ್ನುವ ಸುದ್ದಿ ತೇಲಿ ಬಂದಿದೆ.

ಯದುವೀರ್ ಅವರನ್ನು ಬಿಜೆಪಿಗೆ ಕರೆ ತಂದು ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಮೈಸೂರು ಮಂಡ್ಯ ಭಾಗದಲ್ಲಿ ಕಮಲ ಅರಳಿಸಲು ಬಿಜೆಪಿ ತಂತ್ರ ರೂಪಿಸುತ್ತಿದೆಯಂತೆ.

ಅಂದುಕೊಂಡಂತೆ ನಡೆದರೆ ಮೈಸೂರು ಮಹಾರಾಜರು ಮಂಡ್ಯದಲ್ಲಿ ಚುನಾವಣಾ ಕಣಕ್ಕೆ ಇಳಿಯಲಿದ್ದು, ಜೆಡಿಎಸ್ ಪ್ರಾಬಲ್ಯವಿರುವ ಜಿಲ್ಲೆಯಲ್ಲಿ ಜೆಡಿಎಸ್ ಹಾಗೂ ಕಾಂಗ್ರೆಸ್ ಜೊತೆ ಸೆಣಸಲಿದ್ದಾರೆ.

ಈಗಾಗಲೇ ಬಿಜೆಪಿಯು ಯಧುವೀರ್ ಜೊತೆ ಒಂದು ಸುತ್ತಿನ ಮಾತುಕತೆ ಮುಗಿಸಿದ್ದು, ಸಕ್ಕರೆ ನಾಡಿನ ಜನರು ನಿಮ್ಮ ಕೈ ಹಿಡಿಯುತ್ತಾರೆ ಅನ್ನುವ ಭರವಸೆ ಕೊಟ್ಟಿದೆ.

ಆದರೆ ಮೈಸೂರು ಮಹಾರಾಜರು ಇನ್ನೂ ಈ ಬಗ್ಗೆ ಏನೂ ಹೇಳಿಲ್ಲ.