ನಿರೀಕ್ಷಿಸಿದಷ್ಟು ಮಕ್ಕಳನ್ನು ಪಡೆಯಬೇಕಾ..ಹೀಗೆ ಮಾಡಿ

ಅಮೆರಿಕಾದ ಕಾರ್ನೆಲ್ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕರು ಸಂಶೋಧನ ವರದಿಯೊಂದನ್ನು ಬಿಡುಗಡೆ ಮಾಡಿದ್ದು, ಸಂಶೋಧನೆಯ ವರದಿಯಲ್ಲಿ, ಸಾಮಾನ್ಯ ಮಹಿಳೆಯರಿಗೆ ಹೋಲಿಕೆ ಮಾಡಿದರೆ, 5 ತಿಂಗಳು ಅಥವಾ ಅದಕ್ಕಿಂತಲೂ ಹೆಚ್ಚು ಕಾಲ ಸ್ತನಪಾನ ಮಾಡಿರುವ ಮಹಿಳೆಯರಿಗೆ ಹೆಚ್ಚೆಚ್ಚು ಮಕ್ಕಳಾಗುತ್ತವೆ ಎಂದು ಹೇಳಲಾಗಿದೆ.

5 ತಿಂಗಳು ಅಥವಾ ಅದಕ್ಕಿಂತಲೂ ಹೆಚ್ಚು ಕಾಲ ಸ್ತನಪಾನ ಮಾಡಿರುವ ಮಹಿಳೆಯರಿಗೆ ಸಂತಾನ ಶಕ್ತಿ ಹೆಚ್ಚಾಗಿರುತ್ತದೆ ಅನ್ನುವುದನ್ನು ಈ ಸಂಶೋಧನೆ ಖಚಿತ ಪಡಿಸಿದೆ.

ಯಾರು ಕಡಿಮೆ ಸಮಯ ಸ್ತನಪಾನ ಮಾಡಿಸುತ್ತಾರೋ ಅಂತಹ ಮಹಿಳೆಯರಲ್ಲಿ ಸಂತಾನ ಶಕ್ತಿ ಕಡಿಮೆಯಾಗಿರುತ್ತದೆಯಂತೆ.ಹೆಚ್ಚು ಕಾಲ ಸ್ತನಪಾನ ಮಾಡಿಸುವ ಮಹಿಳೆಯಲು ತಾವು ನಿರೀಕ್ಷಿಸಿದಷ್ಟು ಮಕ್ಕಳನ್ನು ಪಡೆಯಬಹುದಾಗಿದೆಯಂತೆ.

ಕಾರ್ನೆಲ್ ವಿಶ್ವವಿದ್ಯಾಲಯದ ಪ್ರಾಧ್ಯಪಕಿ ವಿದಾ ಮರಾಲಾನಿಯವರು ಈ ಮಾಹಿತಿ ನೀಡಿದ್ದು, ಸಂಶೋಧನೆ ಸಲುವಾಗಿ ರಾಷ್ಟ್ರೀಯ ಪ್ರತಿನಿಧಿಗಳಿಂದ ದತ್ತಾಂಶಗಳನ್ನು ಸಂಗ್ರಹಿಸಿದ್ದು, 1979ರಿಂದ 2012ರವರೆಗೂ 3,700 ತಾಯಿಯಂದಿರ ಮಾಹಿತಿಗಳನ್ನು ಸಂಗ್ರಹಿಸಿಲಾಗಿದೆ.

ಆದರೆ ಸಂಶೋಧನೆ ಪ್ರಕಾರ ಸ್ತನಪಾನ ಮಾಡಿಸುವ ಮಹಿಳೆಯರು ಎಷ್ಟು ಮಕ್ಕಳನ್ನು ಹೆರಬಹುದು ಎಂದು ಹೇಳಲು ಸಾಧ್ಯವಿಲ್ಲ. ಆದರೆ, ಎಷ್ಟು ಸಮಯ ಮಹಿಳೆ ಸ್ತನಪಾನ ಮಾಡಿಸಬಲ್ಲಳು ಎಂಬುದನ್ನು ತಿಳಿದ ಬಳಿಕ ಆಕೆಯ ಸಂತಾನ ಶಕ್ತಿಯನ್ನು ತೀರ್ಮಾನಿಸಬಹುದು ಎಂದು ವರದಿಯಲ್ಲಿ ತಿಳಿಸಲಾಗಿದೆ.

ಅಕ್ಟೋಬರ್ 29ರ ವರೆಗೆ ಮಂಗಳೂರು ಬೆಂಗಳೂರು ರೈಲು ಓಡುವುದಿಲ್ಲ

ಬೆಂಗಳೂರು: ಸಕಲೇಶಪುರ – ಸುಬ್ರಹ್ಮಣ್ಯ ರೋಡ್ ಘಾಟ್ ವಿಭಾಗದಲ್ಲಿ ದುರಸ್ತಿ ಕಾರ್ಯ ವಿಳಂಬವಾಗುತ್ತಿರುವುದರಿಂದ ಅಕ್ಟೋಬರ್ 29ರವರೆಗೆ ಬೆಂಗಳೂರು-ಮಂಗಳೂರು ಮಧ್ಯೆ ರೈಲ್ವೆ ಸಂಚಾರ ರದ್ದಾಗಲಿದೆ.

ಕೆಂಪೇಗೌಡ ಸಂಗೊಳ್ಳಿ ರಾಯಣ್ಣ ನಿಲ್ದಾಣದಿಂದ -ಕಣ್ಣೂರು/ಕಾರವಾರ ಎಕ್ಸ್ ಪ್ರೆಸ್ ರೈಲು ಸಂಖ್ಯೆ 16511/16513 ರೈಲು ಅಕ್ಟೋಬರ್ 28ರವರೆಗೆ, ಕೆಎಸ್ಆರ್ ಬೆಂಗಳೂರು-ಕಣ್ಣೂರು/ಕಾರವಾರ ಎಕ್ಸ್ ಪ್ರೆಸ್ ರೈಲು ಸಂಖ್ಯೆ 16517/ 16523 ಅಕ್ಟೋಬರ್ 25ರವರೆಗೆ, ಕಣ್ಣೂರು/ಕಾರವಾರ-ಕೆಎಸ್ಆರ್ ಬೆಂಗಳೂರು ಎಕ್ಸ್ ಪ್ರೆಸ್ ರೈಲು ಸಂಖ್ಯೆ 16512/16524 ಅಕ್ಟೋಬರ್ 29ರವರೆಗೆ ರದ್ದು ಗೊಂಡಿದೆ.

ಇನ್ನು ವಿಶೇಷ ರೈಲು ಸಂಖ್ಯೆ 06515 ಯಶವಂತಪುರದಿಂದ ಹಾಸನದವರೆಗೆ ಅಕ್ಟೋಬರ್ 22 ಮತ್ತು 29ರಂದು, ವಿಶೇಷ ರೈಲು ಸಂಖ್ಯೆ 06576 ಹಾಸನದಿಂದ ಯಶವಂತಪುರದವರೆಗೆ ಅಕ್ಟೋಬರ್ 23ರಂದು ಸಂಚರಿಸಲಿದೆ.

ಕಳೆದ ಕೆಲ ತಿಂಗಲ ಹಿಂದೆ ಸುರಿದ ಭಾರೀ ಮಳೆಗೆ ಈ ಮಾರ್ಗದ ಹಳಿ ಮೇಲೆ ಗುಡ್ಡ ಕುಸಿದು ಬಿದ್ದಿತ್ತು.

ಸಕಲೇಶಪುರದವರೆಗೆ ಪ್ರಯಾಣಿಕರು ರೈಲಿನಲ್ಲಿ ಹೋಗಲು ಯಾವುದೇ ಅಡ್ಡಿಯಿಲ್ಲ, ಅಲ್ಲಿಯವರೆಗೆ ರೈಲಿನಲ್ಲಿ ಸಂಚರಿಸಿ ಅಲ್ಲಿಂದ ಪ್ರಯಾಣಿಕರು ಬೇರೆ ಸಂಚಾರ ವಾಹನಗಳನ್ನು ಬಳಸಬೇಕಾಗುತ್ತದೆ.

ದೊಡ್ಡಣ್ಣನಿಂದ ‘ಸುಖ’ ಸಿಗಲಿಲ್ಲ – ಟ್ರಂಪ್ ಜೊತೆ ಲೈಂಗಿಕ ಕ್ರಿಯೆ ಅತ್ಯಂತ ಕನಿಷ್ಠ ಸಂತಸ ನೀಡಿತ್ತು

ಅಮೆರಿಕದ ವಿವಾದಿತ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಪಲ್ಲಂಗ ಪುರಾಣಗಳು ಒಂದೊಂದೇ ಬೆಳಕಿಗೆ ಬರುತ್ತಿವೆ. ನೀಲಿ ಚಿತ್ರಗಳ ತಾರೆಯರೊಂದಿಗೆ ಚಕ್ಕಂದವಾಡಿ ಮಾಧ್ಯಮಗಳಿಗೆ ಸುದ್ದಿಗಳ ಭರ್ಜರಿ ಭೋಜನ ನೀಡುತ್ತಿರುವ ಅಧ್ಯಕ್ಷರ ರಸಿಕತೆ ಬಗ್ಗೆ ಅನೇಕ ಸ್ವಾರಸ್ಯಕರ ಸಂಗತಿಗಳು ಕೇಳಿಬರುತ್ತಿವೆ. ಇದೇ ವೇಳೆ ಅಮೆರಿಕದ ಪೋರ್ನ್ ಸ್ಟಾರ್ ಸ್ಟ್ರೋಮಿ ಡೇನಿಯಲ್ಸ್, ಪಲ್ಲಂಗದಲ್ಲಿ ಟ್ರಂಪ್ ವಿಫಲತೆ ಬಗ್ಗೆ ಇದೇ ಮೊದಲ ಬಾರಿಗೆ ಬಾಯಿ ಬಿಟ್ಟಿದ್ದಾಳೆ.

ಫುಲ್ ಡಿಸ್ಕ್ಲೋಷರ್ ಎಂಬ ಪುಸ್ತಕದಲ್ಲಿ ಡೊನಾಲ್ಡ್ ಟ್ರಂಪ್ ಬಗ್ಗೆ ಬರೆದಿರುವ ಸ್ಟಾರ್ಮಿ ಡೇನಿಯಲ್ಸ್, ” ಡೊನಾಲ್ಡ್ ಟ್ರಂಪ್ ಅಸಾಮಾನ್ಯ ಶಿಶ್ನ ಹೊಂದಿದ್ದರು. 2006 ರಲ್ಲಿ ಕ್ಯಾಲಿಫೋರ್ನಿಯಾದಲ್ಲಿ ನಡೆದ ಸೆಲಬ್ರಿಟಿ ಗಾಲ್ಫ್ ಕಾರ್ಯಕ್ರಮದಲ್ಲಿ ಡೊನಾಲ್ಡ್ ಟ್ರಂಪ್ ಜೊತೆಗೆ ಹಾಸಿಗೆ ಹಂಚಿಕೊಂಡಿದ್ದಾಗಿ ಸ್ಟಾರ್ಮಿ ಡೇನಿಯಲ್ಸ್ ಹೇಳಿದ್ದಾರೆ.

ನೀಲಿ ಚಿತ್ರ ತಾರೆ ಸ್ಟಾರ್ಮಿ ಡೇನಿಯಲ್ಸ್ ಈ ಮೂಲಕ ಹೊಸ ವಿವಾದವನ್ನು ಸೃಷ್ಟಿಸಿದ್ದಾರೆ.

2462

ಸೆಲೆಬ್ರಿಟಿ ಗಾಲ್ಫ್ ಟೂರ್ನಿಮೆಂಟ್ ವೇಳೆ ಟ್ರಂಪ್ ಮತ್ತು ನನ್ನ ಸಮಾಗಮ ಆಗಿತ್ತು. ಆಗ ಟ್ರಂಪ್ ಪತ್ನಿ ಟೆಲಿವಿಷನ್ ಸ್ಟಾರ್ ಮೆಲಾನಿಯಾ, ಬರೋನ್ ಹೆಸರಿನ ಗಂಡು ಮಗುವಿಗೆ ಜನ್ಮ ನೀಡಿ ಬಾಣಂತನದಲ್ಲಿದ್ದರು. ಇದೇ ವೇಳೆ ಟ್ರಂಪ್ ನನ್ನೊಂದಿಗೆ ಚಕ್ಕಂದ ಆಡಿದರು. ಆದರೆ ಅದು ಅತ್ಯಂತ ಕನಿಷ್ಠ ಸಂತಸ ನೀಡಿತ್ತು ಎಂದು ಹೇಳಿರುವ ಸ್ಟಾರ್ಮಿ ಡೇನಿಯಲ್ಸ್, ಡೊನಾಲ್ಡ್ ಟ್ರಂಪ್ ಅವರ ಮರ್ಮಾಂಗ ಮಾರಿಯೋ ಕಾರ್ಟ್ ನಲ್ಲಿ ಬರುವ ಮಶ್ರೂಮ್ ಪಾತ್ರದ ರೀತಿಯಲ್ಲಿತ್ತು ಎಂದು ಪುಸ್ತಕದಲ್ಲಿ ಬರೆದಿರುವುದನ್ನು ದಿ ಗಾರ್ಡಿಯನ್ ವರದಿ ಮಾಡಿದೆ.

maxresdefault

ಈ ಬ್ಲೂಫಿಲ್ಮ್ ಸ್ಟಾರ್ ಬರೆದಿರುವ ಪುಸ್ತಕಕ್ಕೆ ಬಿಡುಗಡೆಗೆ ಮುನ್ನ ಭಾರೀ ಡಿಮ್ಯಾಂಡ್ ಲಭಿಸಿದೆ. ಟ್ರಂಪ್‍ನ ಪಲ್ಲಂಗ ಪುರಾಣಗಳು, ಆತನ ವಿಫಲ ಮೈಥುನಗಳ ಇತ್ಯಾದಿಗಳ ವಿವರಗಳು ಇದರಲ್ಲಿವೆ ಎನ್ನಲಾಗಿದೆ. ಅಮೆರಿಕದ ಮಹತ್ವದ ಮಧ್ಯಂತರ ಚುನಾವಣೆ ಮುನ್ನವೇ ಅಕ್ಟೋಬರ್ 2ರಂದು ಈ ಪುಸ್ತಕ ಬಿಡುಗಡೆಯಾಗಲಿದ್ದು, ಇದರ ಪ್ರತಿ ಗಾರ್ಡಿಯನ್ ಪತ್ರಿಕೆಗೆ ಲಭಿಸಿದೆ.

TrumpDaniels_may03

ಕುಮಾರಸ್ವಾಮಿಗಳೇ ರಸ್ತೆ ಗುಂಡಿ ಮುಚ್ಚಿಸಲು ಹೈಕೋರ್ಟ್ ಬರಬೇಕಾಯ್ತಲ್ಲ

ನಿಜಕ್ಕೂ ಇದೊಂದು ದುರಂತ ಅನ್ನದೆ ವಿಧಿಯಿಲ್ಲ. ಕೋರ್ಟ್ ಗಳಿಗೆ ಮಾಡಬೇಕಾದ ಕೆಲಸ ಸಾವಿರಾರಿದೆ. ಆದರೆ ಜನಪ್ರತಿನಿಧಿಗಳಾದವರು ಬದುಕಿದ್ದಾರೆಯೇ ಅನ್ನುವ ಪ್ರಶ್ನೆ ಉದ್ಭವಿಸಿದ ಕಾರಣ ಜನರ ಜೀವ ಉಳಿಸಲು, ನಗರದ ಸೌಂದರ್ಯ ಕಾಪಾಡಲು ಹೈಕೋರ್ಟ್ ಮಧ್ಯ ಪ್ರವೇಶ ಮಾಡುವಂತಾಗಿದೆ.

ಈಗಾಗಲೇ ಫ್ಲೆಕ್ಸ್, ಬ್ಯಾನರ್ ಕುರಿತಂತೆ ಖಡಕ್ಕ್ ಆದೇಶ ಕೊಟ್ಟಿರುವ ಹೈಕೋರ್ಟ್, ಬೆಂಗಳೂರಿನ ರಸ್ತೆ ಗುಂಡಿಗಳ ಬಗ್ಗೆ ತೀವ್ರ ಆಕ್ರೋಶ ವ್ಯಕ್ತಪಡಿಸಿದೆ. ಗುರುವಾರ ಸಂಜೆ ವೇಳೆಗೆ ನಗರದಲ್ಲಿ ಒಂದೇ ಒಂದು ಗುಂಡಿ ಕಾಣಿಸಬಾರದು ಎಂದು ಬಿಬಿಎಂಪಿಗೆ ಕಠಿಣ ಎಚ್ಚರಿಕೆ ನೀಡಿದೆ.

ರಸ್ತೆ ಗುಂಡಿ ವಿಚಾರಕ್ಕೆ ಸಂಬಂಧಿಸಿದ ಪಿಐಎಲ್ ಅರ್ಜಿಯ ವಿಚಾರಣೆ ನಡೆಸಿದ ಮುಖ್ಯ ನ್ಯಾಯಮೂರ್ತಿ ದಿನೇಶ್ ಮಾಹೇಶ್ವರಿ ನೇತೃತ್ವದ ವಿಭಾಗೀಯ ಪೀಠ, ಬಿಬಿಎಂಪಿಯನ್ನು ಹಿಗ್ಗಾ ಮುಗ್ಗಾ ಜಾಡಿಸಿದೆ.

ವಿಚಾರಣೆ ವೇಳೆ ನಗರದಲ್ಲಿ 1655 ರಸ್ತೆ ಗುಂಡಿಗಳು ಬಾಕಿ ಇವೆ ಎಂದು ಬಿಬಿಎಂಪಿ ವಕೀಲರು ನೀಡಿದ ಮಾಹಿತಿಯಿಂದ ಕೆಂಡಾಮಂಡಲಾದ ನ್ಯಾಯಮೂರ್ತಿಗಳು, ರಸ್ತೆಗುಂಡಿಗಳಿಂದ ಜನ ತೊಂದರೆ ಅನುಭವಿಸುತ್ತಿದ್ದಾರೆ. ನಿಮ್ಮ ಅಧಿಕಾರಿಗಳಿಗೆ ನಾಚಿಕೆಯಾಗುವುದಿಲ್ಲವೇ. ನಾಳೆ ಸಂಜೆಯೊಳಗೆ ಒಂದೂ ಗುಂಡಿ ಇರಬಾರದು. ಎಲ್ಲಾ ರಸ್ತೆ ಗುಂಡಿ ಮುಚ್ಚಬೇಕು. ಸಂಜೆಯೊಳಗೆ ಮೆಷರ್ ಮೆಂಟ್ ಬುಕ್, ಕಾಮಗಾರಿ ಆದೇಶ, ಅಳತೆ, ಅಂದಾಜುಪಟ್ಟಿ ಸಲ್ಲಿಸಬೇಕು ಎಂದು ನ್ಯಾಯಾಧೀಶರು ಸೂಚಿಸಿದ್ದಾರೆ.

ರಸ್ತೆ ಗುಂಡಿಗಳಿಂದ ಆಗುತ್ತಿರುವ ಅನಾಹುತಗಳು ಒಂದಲ್ಲ,ಎರಡಲ್ಲ. ಕೆಲವು ಕಡೆ ಟ್ರಾಫಿಕ್ ಪೊಲೀಸರೇ ಗುಂಡಿ ಮುಚ್ಚುತ್ತಿದ್ದಾರೆ. ಆದರೆ ಪಾಲಿಕೆ ಸದಸ್ಯರು, ಅಧಿಕಾರಿಗಳು ತಮ್ಮದೇ ಲೋಕದಲ್ಲಿದ್ದಾರೆ. ಇನ್ನು ಬೆಂಗಳೂರಿನಿಂದ ಆಯ್ಕೆ ಶಾಸಕರ ಬಗ್ಗೆ ಕೇಳುವುದೇ ಬೇಡ. ಇವರು ಗೆದ್ದಿರುವುದೇ ಶಾಪ ಅನ್ನುವಂತಾಗಿದೆ.

ಅಧಿಕಾರಿಗಳಿಗೆ ಮೂಗು ದಾರ ಹಾಕಬೇಕಾದ ಕುಮಾರಸ್ವಾಮಿ ಪಾಪ ಸರ್ಕಾರ ಉಳಿಸುವುದರಲ್ಲಿ ಬ್ಯುಸಿಯಾಗಿದ್ದಾರೆ.
ಹಾಗಂತ ಬಿಜೆಪಿ ಅಧಿಕಾರಕ್ಕೆ ಬಂದ ರಸ್ತೆ ಗುಂಡಿಗಳನ್ನು ಮುಚ್ಚುತ್ತಾರೆ ಅಂದುಕೊಂಡರೆ, ಭ್ರಮೆ, ಜನರನ್ನು ಪೀಡಿಸುವುದರಲ್ಲಿ ಪಕ್ಷ ಬೇಧವಿಲ್ಲ.

ಹೋಗ್ಲಿ ಕೊನೆಗೆ ಕೋರ್ಟ್ ಆದರೂ ಜನರ ಪರವಾಗಿ ಮಧ್ಯ ಪ್ರವೇಶ ಮಾಡಿದೆಯಲ್ಲ. ದೇವರಿಗೆ ನಮಸ್ಕಾರ ಮಾಡುವ ಬದಲು ಹೈಕೋರ್ಟ್ ಹೆಬ್ಬಾಗಿಲಿಗೆ ನಮಸ್ಕಾರ ಮಾಡಿದರೆ ಪುಣ್ಯ ಗ್ಯಾರಂಟಿ. ಅದೇ ನಮ್ಮ ಪಾಲಿಗೆ ದೇವಸ್ಥಾನ.

https://www.facebook.com/plugins/post.php?href=https%3A%2F%2Fwww.facebook.com%2FBangaloreTrafficPolice%2Fposts%2F1091112294287810&width=500

ಪತಿಗೆ ಪತ್ನಿಯ ಟಾರ್ಗೇಟ್ – ಮೂರು ಸರ ಕದಿಯದಿದ್ದರೆ ಮನೆಗೆ ನೋ ಎಂಟ್ರಿ

ಅದು ಜೂನ್ 17 ಜ್ಞಾನಭಾರತಿ ಠಾಣೆ ಪೇದೆ ಚಂದ್ರಕುಮಾರ್‌ ಗಸ್ತಿನಲ್ಲಿದ್ದ ವೇಳೆಯಲ್ಲಿ ಎದುರಿನಿಂದ ಬಂದ ಪಲ್ಸರ್‌ ಬೈಕ್‌ ಏಕಾಏಕಿ ಯು ಟರ್ನ್‌ ಪಡೆದುಕೊಂಡು ವೇಗವಾಗಿ ಹೋಗಿತ್ತು. ತಕ್ಷಣ ಚಂದ್ರಕುಮಾರ್‌ ಅವರು ನಾಲ್ಕು ಕಿ.ಮೀ ತನಕ ಸಾಗಿ ಬೈಕ್‌ಗೆ ಡಿಕ್ಕಿ ಹೊಡೆಸಿ, ಬೈಕ್ ಸವಾರನನ್ನು ಬೀಳಿಸಿದ್ದರು. ಬಳಿಕ ಚಂದ್ರಕುಮಾರ್‌ ಕೊಟ್ಟ ಮಾಹಿತಿ ಪ್ರಕಾರ ಇನ್ನಷ್ಟು ಸಿಬ್ಬಂದಿ ಧಾವಿಸಿ ಬಂದು ಆತನನ್ನು ಹಿಡಿದು ಜ್ಞಾನಭಾರತಿ ಠಾಣೆಗೆ ಕರೆದೊಯ್ದು ವಿಚಾರಣೆ ನಡೆಸಿದ್ದರು. ಈ ವೇಳೆ ಅಚ್ಯುತಕುಮಾರ್‌ ತಾನೊಬ್ಬ ಸರಗಳ್ಳ ಎಂದು ಒಪ್ಪಿಕೊಂಡಿದ್ದ. ಆ ನಂತರ ಸಿಸಿಟಿವಿಯಲ್ಲಿ ದಾಖಲಾಗಿದ್ದ ದೃಶ್ಯಗಳನ್ನು ಪರಿಶೀಲನೆ ನಡೆಸಿದಾಗ ಆತನೇ ಒಂಟಿ ಸರಗಳ್ಳ ಎನ್ನುವುದು ಖಚಿತವಾಗಿತ್ತು.

ಬಳಿಕ ಅಚ್ಯುತನನ್ನು ಸರಗಳ್ಳತನ ಮಾಡಿದ್ದ ಸ್ಥಳಗಳಿಗೆ ಮಹಜರ್‌ಗೆಂದು ಪೊಲೀಸರು ಕರೆದೊಯ್ಯುತ್ತಿದ್ದರು. ಜೂ.18ರ ನಸುಕಿನ 2.30ರ ಸುಮಾರಿಗೆ ಪೊಲೀಸರ ಕಾರಿನಲ್ಲಿ ಆರೋಪಿಯನ್ನು ಮಹಜರ್‌ಗೆ ಕರೆದೊಯ್ಯಲಾಗುತ್ತಿತ್ತು.

ಈ ವೇಳೆ ಅಚ್ಯುತ, ಮೂತ್ರ ವಿಸರ್ಜನೆ ಮಾಡಬೇಕೆಂದು ಪೊಲೀಸರಿಗೆ ವಿನಂತಿಸಿದ್ದ. ಅದರಂತೆ ಸ್ಯಾಟಲೈಟ್‌ ಕ್ಲಬ್‌ ಪಕ್ಕದಲ್ಲಿ ವಾಹನ ನಿಲ್ಲಿಸಲಾಗಿತ್ತು. ಈ ವೇಳೆ ತನ್ನನ್ನು ಹಿಡಿದಿದ್ದ ಇಬ್ಬರು ಪೇದೆಗಳನ್ನು ತಳ್ಳಿದ ಅಚ್ಯುತ ಕುಮಾರ್‌ ಅಲ್ಲಿಂದ ಓಡಿ ಹೋಗಲು ಯತ್ನಿಸಿದ್ದಾನೆ.

ತಕ್ಷಣ ಪೊಲೀಸರು ಆತ ತಪ್ಪಿಸಿಕೊಂಡ ಸ್ಥಳಕ್ಕೆ ಸಂಪರ್ಕ ಹೊಂದಿರುವ ಎಲ್ಲ ರಸ್ತೆಗಳಲ್ಲೂ ನಾಕಾಬಂದಿ ಏರ್ಪಡಿಸಿ ಹೆಚ್ಚುವರಿ ಸಿಬ್ಬಂದಿಯನ್ನು ಸ್ಥಳಕ್ಕೆ ಕರೆಸಿಕೊಂಡು ಹುಡುಕಾಡಿದ್ದಾರೆ.

ಬೆಳಗ್ಗೆ 5.40ರ ವೇಳೆಗೆ ಕೆಂಗೇರಿ ಪೊಲೀಸ್‌ ಠಾಣೆ ವ್ಯಾಪ್ತಿಯ ಬನಶಂಕರಿ 6ನೇ ಹಂತದ ಖಾಲಿ ಜಾಗದಲ್ಲಿದ್ದ ಆರೋಪಿ ಬಚ್ಚಿಕೊಂಡಿರುವುದನ್ನು ಎಎಸ್‌ಐ ವೀರಭದ್ರಯ್ಯ ಪತ್ತೆಹಚ್ಚಿದ್ದರು. ತಕ್ಷಣ ಹೆಚ್ಚಿನ ಸಿಬ್ಬಂದಿಯನ್ನು ಸ್ಥಳಕ್ಕೆ ಕರೆಸಿಕೊಂಡು ಬಂಧಿಸಲು ಮುಂದಾಗಿದ್ದರು.

ಈ ವೇಳೆ ಅಚ್ಯುತ ಚಾಕು ಬೀಸಲು ಆರಂಭಿಸಿದ್ದ. ಅದಕ್ಕೆ ಬೆದರದ ಪೇದೆ ಚಂದ್ರಕುಮಾರ್‌ ಆರೋಪಿಯನ್ನು ಹಿಡಿಯಲು ಮುಂದಾಗಿದ್ದಾರೆ. ಈ ವೇಳೆ ಚಂದ್ರಕುಮಾರ್‌ ಅವರಿಗೆ ಆರೋಪಿ ಇರಿದಿದ್ದಾನೆ. ತಕ್ಷಣ ಸಬ್‌ಇನ್ಸ್‌ಪೆಕ್ಟರ್‌ ಪ್ರವೀಣ್‌ ಎಲಿಗಾರ್‌ ಅವರು ತಮ್ಮ ಸರ್ವಿಸ್ ರಿವಾಲ್ವರ್‌ನಿಂದ ಮೂರು ಸುತ್ತು ಗಾಳಿಯಲ್ಲಿ ಗುಂಡು ಹಾರಿಸಿ ಶರಣಾಗುವಂತೆ ಸೂಚಿಸಿದ್ದರು. ಆದರೆ, ಅಚ್ಯುತ ಚಾಕು ಬೀಸುವುದನ್ನು ನಿಲ್ಲಿಸಿರಲಿಲ್ಲ. ತಕ್ಷಣ ಆತನ ಕಾಲಿಗೆ ಗುಂಡು ಹೊಡೆದು ವಶಕ್ಕೆ ಪಡೆದುಕೊಂಡ ಪೊಲೀಸರು, ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಸೇರಿಸಿದ್ದರು.

CrimeChain_nnr_newsk_32914

ಕಾರ್ಯಾಚರಣೆ ನಡೆಸಿದ ಎಸಿಪಿ ತಂಡಕ್ಕೆ ಒಂದು ಲಕ್ಷ ರೂ. ಬಹುಮಾನ ನೀಡಿದ್ದ ನಗರ ಪೊಲೀಸ್‌ ಆಯುಕ್ತರು ಆರೋಪಿಯನ್ನು ಎರಡು ಬಾರಿ ಬೆನ್ನಟ್ಟಿ ಹಿಡಿದ ಚಂದ್ರಕುಮಾರ್‌ಗೆ ಪ್ರತ್ಯೇಕವಾಗಿ ಒಂದು ಲಕ್ಷ ರೂ ಬಹುಮಾನ ಹಾಗೂ ದಕ್ಷಿಣ ಭಾರತ ಪ್ರವಾಸಕ್ಕೆ ತೆರಳಲು ಒಂದು ತಿಂಗಳ ರಜೆ ನೀಡಿದ್ದರು. ಇದು ದೊಡ್ಡ ಸುದ್ದಿಯಾಗಿರುವುದು ನಿಮಗೆ ನೆನಪಿರಬಹುದು.

ಬಳಿಕ ಅಚ್ಯುತನನ್ನು ವಿಚಾರಣೆ ಮಾಡಿದಾಗ ಬೆಳಗ್ಗೆ ಮೂರು ಗಂಟೆ, ರಾತ್ರಿ ಮೂರು ಗಂಟೆ ಮಾತ್ರ ಸರ ಅಪಹರಣ ಮಾಡುತ್ತಿದ್ದ ಅನ್ನುವ ಕುತೂಹಲಕಾರಿ ಅಂಶ ಬಯಲಾಗಿತ್ತು.

ಬೆಳಗ್ಗೆ 5 ಗಂಟೆಗೆ ಪಲ್ಸರ್‌ ಬೈಕ್ ಹತ್ತುವ ಈತ 8 ಗಂಟೆವರೆಗೂ ಸುತ್ತಾಡಿ ಎರಡು ಕಡೆ ಸರಗಳ್ಳತನ ಮಾಡುತ್ತಿದ್ದ. ಸಂಜೆ 7 ಗಂಟೆಗೆ ಕತ್ತಲು ಆವರಿಸುತ್ತಿದ್ದಂತೆ ಕುಂಬಳಗೋಡಿನಿಂದ ಹೊರಟು ನಗರ ಪ್ರವೇಶಿಸಿ 10 ಗಂಟೆವರೆಗೂ ಸುತ್ತಾಡಿ ಮತ್ತೆರಡು ಸರಗಳ್ಳತನ ಮಾಡಿಕೊಂಡು ಮನೆ ಸೇರುತ್ತಿದ್ದ. ಈ ರೀತಿ 70ಕ್ಕೂ ಹೆಚ್ಚು ಸರಗಳ್ಳತನ ಮಾಡಿದ್ದ. ಗ್ಯಾಂಗ್‌ ಕಟ್ಟಿಕೊಳ್ಳದೆ, ಒಂಟಿಯಾಗಿ ಕೃತ್ಯ ನಡೆಸುತ್ತಿದ್ದ ಹಾಗೂ ಈತ ಇದೇ ಮೊದಲ ಬಾರಿಗೆ ಬಂಧನಕ್ಕೆ ಒಳಗಾಗಿದ್ದ ಅನ್ನುವುದು ಬಯಲಾಗಿತ್ತು.

ಅದ್ಯಾಕೆ ಶಿಫ್ಟ್ ನಲ್ಲಿ ಕಳ್ಳತನ ಮಾಡುತ್ತೀಯಾ ಎಂದು ಪೊಲೀಸರು ಕೇಳಿದರೆ ಅವನು ಕೊಟ್ಟ ಉತ್ತರ ಶಾಕಿಂಗ್ ಆಗಿತ್ತು.
ಅಚ್ಯುತನ ಪತ್ನಿ ಮಹಾದೇವಿ (29) ಪತಿ ಕೈಯಲ್ಲಿ ಸರಗಳ್ಳತನ ಮಾಡಿಸುತ್ತಿದ್ದಳಂತೆ. ಪ್ರತಿ ದಿನ ಕನಿಷ್ಟ ಮೂರು ಚೈನ್ ಕಳ್ಳತನ ಮಾಡಬೇಕು ಎಂದು ಪತಿಗೆ ಟಾರ್ಗೆಟ್ ಬೇರೆ ಕೊಟ್ಟಿದ್ದಳಂತೆ.

ಈ ಮಾಹಿತಿಯನ್ನು ಆಧರಿಸಿದ ಪೊಲೀಸರು ಮಹಾದೇವಿ ಬಂಧನಕ್ಕೆ ಬಲೆ ಬೀಸಿದ್ದರು, ಆದರೆ ಅಚ್ಯುತನಿಗೆ ಗುಂಡೇಟು ತಗುಲಿದ ಸುದ್ದಿ ಟಿವಿಗಳಲ್ಲಿ ಪ್ರಸಾರವಾಗುತ್ತಿದ್ದಂತೆ ಆಕೆ ಎಸ್ಕೇಪ್ ಆಗಿದ್ದಳು. ಪೊಲೀಸರು ಕಳೆದ ಮೂರು ತಿಂಗಳಿನಿಂದ ಹುಡುಕಾಡಿ ಇದೀಗ ಸುಮಾರು 100 ಸರಗಳ್ಳತನ ಪ್ರಕರಣದಲ್ಲಿ ಭಾಗಿಯಾಗಿರುವ ಕುಖ್ಯಾತ ಚೈನ್ ಸ್ನ್ಯಾಚರ್ ಅಚ್ಯುತ್ ಕುಮಾರ್ ಪತ್ನಿ ಮಹಾದೇವಿಯನ್ನು ಬಂಧಿಸುವಲ್ಲಿ ಕೆಂಗೇರಿ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಆರೋಪಿ ಮಹಾದೇವಿ ಐಷಾರಾಮಿ ಜೀವನಕ್ಕಾಗಿ ಸರಗಳ್ಳತನ ಮಾಡುವಂತೆ ಪತಿಯನ್ನು ಒತ್ತಾಯಿಸಿದ್ದಳು ಎಂದು ಅಚ್ಯುತ್ ಕುಮಾರ್ ವಿಚಾರಣೆ ವೇಳೆ ಬಾಯಿ ಬಿಟ್ಟಿದ್ದು,ಮಹಾದೇವಿ ಐಷಾರಾಮಿ ಜೀವನಕ್ಕಾಗಿ ಮೊದಲ ಪತಿಗೆ ಕೈಕೊಟ್ಟು ಅಚ್ಯುತ್ ಕುಮಾರ್ ನನ್ನು ಮದುವೆಯಾಗಿದ್ದಳು. ಅಷ್ಟೇ ಅಲ್ಲದೇ ಮಹಾದೇವಿ ದಿನಕ್ಕೆ ಕನಿಷ್ಟ ಮೂರ್ನಾಲ್ಕು ಸರಗಳ್ಳತನ ಮಾಡಲೇಬೇಕೆಂದು ಗಂಡನಿಗೆ ತಾಕೀತು ಮಾಡಿದ್ದಳು. ಹೆಂಡತಿ ಮಾತಿನಂತೆಯೇ ಅಚ್ಯುತ್ ಕುಮಾರ್ ಕಳ್ಳತನ ಮಾಡುತ್ತಿದ್ದನ್ನು ಎನ್ನುವ ವಿಚಾರ ತನಿಖೆ ವೇಳೆ ಬೆಳಕಿಗೆ ಬಂದಿದೆ.

ಒಂದೇ ವರ್ಷದಲ್ಲಿ ಅಚ್ಯುತ್ ಕುಮಾರ್ ಸುಮಾರು ಒಂದು ಕೋಟಿ ರು. ಬೆಲೆಬಾಳುವ ಸರಗಳ್ಳತನ ಮಾಡಿದ್ದ ಅನ್ನುವುದೇ ವಿಶೇಷ.

ಹೆಸರು ಬದಲಾಯಿಸಿಕೊಂಡ ಮಾನ್ವಿತಾ ಹರೀಶ್…..!

‘ಕೆಂಡಸಂಪಿಗೆ’ ಸಿನಿಮಾ ಮೂಲಕ ಚಂದನವನಕ್ಕೆ ಕಾಲಿಟ್ಟ ಮಾನ್ವಿತಾ ಅವರನ್ನು ಮಾನ್ವಿತಾ  ಹರೀಶ್ ಎಂದೇ ಜನ ಗುರುತಿಸಿಕೊಳ್ಳುತ್ತಿದ್ದರು. ಸಾಮಾಜಿಕ ಜಾಲತಾಣಗಳನ್ನು ಮಾನ್ವಿತಾ ಹರೀಶ್ ಎಂದೇ ಅವರು ಖಾತೆ ಹೊಂದಿದ್ದರು.

ಟಗರು ಸಿನಿಮಾ ಸದ್ದು ಮಾಡಿದ ವೇಳೆಯಲ್ಲೂ ಮಾನ್ವಿತಾ, ಮಾನ್ವಿತಾ ಹರೀಶ್ ಆಗಿಯೇ ಕಾಣಿಸಿಕೊಂಡಿದ್ದರು. ಆದರೆ ಇದೀಗ  ಮಾನ್ವಿತಾ ಹರೀಶ್ ತಮ್ಮ ಹೆಸರನ್ನು ಬದಲಾಯಿಸಿಕೊಂಡಿದ್ದಾರೆ.

ಚಂದನ ವನಕ್ಕೆ ಬಂದ ದಿನದಿಂದಲೂ ಮಾನ್ವಿತಾ ತಮ್ಮ ತಂದೆಯ ಹೆಸರನ್ನು ಜೊತೆಯಲ್ಲೇ ಇಟ್ಟುಕೊಂಡಿದ್ದರು. ಈಗ ಮಾನ್ವಿತಾ ಹೆಸರು ಮಾನ್ವಿತಾ ಹರೀಶ್ ಬದಲಾಗಿ ಮಾನ್ವಿತಾ ಕಾಮತ್ ಎಂದಾಗಿದೆ.

ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಹೆಸರನ್ನು ಬದಲಾಯಿಸಿಕೊಂಡಿರುವ ಮಾನ್ವಿತಾ ಕಾಮತ್ ತಮ್ಮ ಮುಂದಿನ ಸಿನಿಮಾಗಳಲ್ಲಿ ಮಾನ್ವಿತಾ ಕಾಮತ್ ಆಗಿ ಕಾಣಿಸಿಕೊಳ್ಳುತ್ತಾರೆಯೇ ಗೊತ್ತಿಲ್ಲ.

 

Manvitha

ಕನ್ನಡಕ್ಕೆ 10 ದಿನ ಕೊಟ್ರೆ ಸಾಕಾ….ರಶ್ಮಿಕ

ಕನ್ನಡದಲ್ಲಿ ಖಂಡಿತಾ ಸಿನಿಮಾ ಮಾಡ್ತೇನೆ ಎಂದು ರಶ್ಮಿಕಾ ಮಂದಣ್ಣ ಹೇಳುತ್ತಿದ್ದಾರೆ. ಆದರೆ  ಯಜಮಾನ ಬಿಟ್ಟರೆ ಮತ್ಯಾವ ಕನ್ನಡ ಪ್ರಾಜೆಕ್ಟ್ ರಶ್ಮಿಕಾ ಕೈಯಲ್ಲಿ ಇಲ್ಲ.

ಒಪ್ಪಿಕೊಂಡಿದ್ದ ವೃತ್ರ ಸಿನಿಮಾವನ್ನು ಕೈ ಬಿಟ್ಟಿದ್ದಾರೆ. ಈಗ ಒಳ್ಳೆ ನಿರ್ಮಾಪಕರು, ನಿರ್ದೇಶಕರು ಬಂದರೆ ಖಂಡಿತಾ ಸಿನಿಮಾ ಮಾಡುತ್ತೇನೆ ಅನ್ನುತ್ತಿದ್ದಾರೆ. ಅಂದರೆ ಚೆನ್ನಾಗಿರುವ ಕಥೆ ಸಿಗಲಿಲ್ಲ, ನಿರ್ಮಾಪಕರು ಸಿಗಲಿಲ್ಲ ಎಂದು ರಶ್ಮಿಕಾ ಕಥೆ ಹೇಳುತ್ತಾರೆ ಅನ್ನುವುದು ಪಕ್ಕಾ ಆಗಿದೆ.

ರಶ್ಮಿಕಾ ಅವರ ಇಂದಿನ ಸಂದರ್ಶನ ನೋಡಿದರೆ ಅವರು ಕನ್ನಡ ಚಿತ್ರರಂಗದಿಂದ ದೂರ ಸರಿಯುವ ಲಕ್ಷಣ ಗೋಚರಿಸುತ್ತಿದೆ.

 

ಸರ್ಕಾರಿ ಹಿ.ಪ್ರಾ.ಶಾಲೆ ಚಿತ್ರದ ಕರಾವಳಿ ಹಾಡು

ರಿಷಬ್ ಶೆಟ್ಟಿ ನಿರ್ದೇಶನದ ವಿಜಯ್ ಪ್ರಕಾಶ್, ವಾಸುಕಿ ವೈಭವ್ ಹಾಡಿರುವ ಸರ್ಕಾರಿ ಹಿ.ಪ್ರಾ. ಶಾಲೆ, ಕಾಸರಗೋಡು ಚಿತ್ರದ ಕರಾವಳಿ ಹಾಡನ್ನು ನೋಡಿ.

 

ವಿರಾಟ್ ಅಪ್ಪ ಆಗ್ತಾರಂತೆ – ಅನುಷ್ಕಾ ಪ್ರೆಗ್ನೆನ್ಸಿ ವದಂತಿ

ಸೆಲೆಬ್ರೆಟಿಗಳ ಬದುಕಿನ ಬಗ್ಗೆ ಜನ ಸಾಮಾನ್ಯರಿಗೆ ಇರುವ ಕುತೂಹಲ, ತಮ್ಮ ಬದುಕಿನ ಬಗ್ಗೆ ಇರುತ್ತಿದ್ದರೆ ತುಂಬಾ ಚೆನ್ನಾಗಿರುತ್ತಿತ್ತು. ಆದರೇನು ಮಾಡುವುದು.

ಇದೀಗ ಬಾಲಿವುಡ್ ನಟಿ ಅನುಷ್ಕಾ ಶರ್ಮ ಗರ್ಭಿಣಿ ಅನ್ನುವ ಸುದ್ದಿ ಎಲ್ಲೆಡೆ ಹರಿದಾಡುತ್ತಿದೆ.

ಸೂಯಿಧಾಗ ಸಿನಿಮಾದ ಪ್ರಚಾರ ಕಾರ್ಯಕ್ರಮದಲ್ಲಿ ಬ್ಯುಸಿಯಾಗಿರುವ ಅವರು, ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಂಡಿದ್ದರು. ಈ ವೇಳೆ ಕುರ್ಚಿಯಿಂದ ಮೇಲೆ ಏಳಲು ತುಂಬಾ ಒದ್ದಾಡಿದ್ದಾರೆ. ಆಗ ಅವರ ಮುಖದ ಭಾವನೆ ಕೂಡಾ ಸಾಮಾಜಿಕ ಜಾಲದ ಕಣ್ಣಿಗೆ ಗರ್ಭಿಣಿಯಂತೆ ಕಂಡಿದೆ.

ಇನ್ನು ಕೇಳಬೇಕಾ…. ಈ ವಿಡಿಯೋ ವೈರಲ್ ಆಗಿದ್ದು, ಅನುಷ್ಕಾ ಶೀಘ್ರದಲ್ಲೇ ಗುಡ್ ನ್ಯೂಸ್ ಕೊಡ್ತಾರೆ ಎಂದು ಹೇಳಲಾಗಿದೆ.

ಇನ್ನು ಈ ವದಂತಿಗೆ ಪುಷ್ಟಿ ನೀಡುವಂತೆ ಅನುಷ್ಕಾ ಇತ್ತೀಚೆಗೆ ಸಿಕ್ಕಾಪಟ್ಟೆ ಸಡಿಲವಾಗಿರುವ ಬಟ್ಟೆಗಳನ್ನು ಧರಿಸುತ್ತಿದ್ದಾರೆ. ಜೊತೆಗೆ ಸೂಯಿ ಧಾಗ ಸಿನಿಮಾ ನಂತರ ಅವರು ಯಾವುದೇ ಹೊಸ ಪ್ರಾಜೆಕ್ಟ್ ಗಳಿಗೆ ಸಹಿ ಮಾಡಿಲ್ಲ. ಹೀಗಾಗಿ ವಿರಾಟ್ ಅಪ್ಪ ಆಗುವುದು ಖಚಿತ ಎನ್ನಲಾಗಿದೆ.

cover-10


View this post on Instagram

 

True or false🤨 . . . #instabolly #bollywood

A post shared by Bollywood Entertainment💎 (@lnstabolly) on