torrentspree

ಖಡಕ್​ ಅಧಿಕಾರಿ ಅಣ್ಣಾಮಲೈ ಅವರು ಬೆಂಗಳೂರು ದಕ್ಷಿಣ ವಿಭಾಗದ ಡಿಸಿಪಿಯಾಗಿ ಅಧಿಕಾರ ಸ್ವೀಕರಿಸಿದ ಮೂರೇ ದಿನದಲ್ಲಿ ಲೈಂಗಿಕ ಕಿರುಕುಳ ಆರೋಪ ಹೊತ್ತಿರುವ ಪೇದೆಗೆ ಗೇಟ್​ ಪಾಸ್​ ನೀಡಿದ್ದಾರೆ.

ಬೆಂಗಳೂರು ದಕ್ಷಿಣ ವಿಭಾಗದ ಡಿಸಿಪಿಯಾಗಿ ಅಧಿಕಾರ ಸ್ವೀಕರಿಸಿರುವ ಅಣ್ಣಾಮಲೈ ಅವರು ಗಿರಿನಗರ ಠಾಣೆಯ ಪೇದೆ ಸುದರ್ಶನ ಆಸ್ಕಿನ್​ನನ್ನು ಅಮಾನತು ಮಾಡಿ ಆದೇಶ ಹೊರಡಿಸಿದ್ದಾರೆ.

ಪೇದೆ ಅಮಾನತು : ಬಂದ ಮೂರೇ ದಿನಕ್ಕೆ ಖದರ್ ತೋರಿದ ಅಣ್ಣಾಮಲೈ

ದಂತ ವೈದ್ಯೆಯೊಬ್ಬರು ಸುದರ್ಶನ್​ ವಿರುದ್ಧ ಲೈಂಗಿಕ ಕಿರುಕುಳ ಹಾಗೂ ಜೀವ ಬೆದರಿಕೆ ಇದೆ ಎಂದು ಆರೋಪಿಸಿ ಜ್ಞಾನ ಭಾರತಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.

ಮೊದಲಿಗೆ ಹಲ್ಲು ನೋವಿನ ವಿಚಾರವಾಗಿ ವೈದ್ಯಕೀಯ ಚಿಕಿತ್ಸೆಗೆ ವೈದ್ಯೆಯನ್ನ ಸುದರ್ಶನ್​ ಭೇಟಿಯಾಗಿದ್ದ. ಈ ವೇಳೆ ಇಬ್ಬರ ನಡುವೆ ನಂಬರ್​ ವಿನಿಮಯವಾಗಿತ್ತು. ಮೊದಲಿಗೆ ಮಾಮೂಲಿಯಂತಿದ್ದ ಸುದರ್ಶನ್ ನಂತರ ಪೋನಿನಲ್ಲಿ ಅಸಭ್ಯವಾಗಿ ಮಾತಾಡಲು ಶುರು ಮಾಡಿದ್ದ ಎಂದು ವೈದ್ಯೆ ಆರೋಪಿಸಿದ್ದಾರೆ.

ಮನೆ ಬದಲಾಯಿಸಿದರೂ ಪೋನ್ ಮಾಡುವುದನ್ನು ಬಿಡದ ಸುದರ್ಶನ್, ಸಲುಗೆಯಿಂದ ವರ್ತಿಸದಿದ್ದರೆ ಕೊಲೆ ಮಾಡುವುದಾಗಿ ಬೆದರಿಸುತ್ತಿದ್ದ.

ಬೆಂಗಳೂರಿಗೆ ಎಂಟ್ರಿ ಕೊಟ್ಟ ಅಣ್ಣಾಮಲೈ ಮೊದಲ ದಿನ ಮಾಡಿದ್ದೇನು ಗೊತ್ತಾ..?

ಈ ಹಿನ್ನಲೆ ಇದೇ ತಿಂಗಳ 6ರಂದು ಜ್ಞಾನ ಭಾರತಿ ಠಾಣೆಗೆ ದೂರು ನೀಡಿದ್ದರು. ಆಗ ಸುದರ್ಶನ್​ನಿಂದ ಮುಚ್ಚಳಿಕೆ ಬರೆಯಿಸಿಕೊಂಡು ರಾಜಿ ಸಂಧಾನ ಮಾಡಲಾಗಿತ್ತು.

ಆದರೆ, ಪುನಃ ಕರೆ ಮಾಡಿ ಬೆದರಿಕೆ ಹಾಕುವುದು ಮುಂದುವರಿಸಿದ್ದ. ಹೀಗಾಗಿ ಜ್ಞಾನ ಭಾರತಿ ಠಾಣೆಯಲ್ಲಿ ಸೆಕ್ಷನ್ 354, 506 ಅಡಿಯಲ್ಲಿ ಮತ್ತೆ ಪ್ರಕರಣ ದಾಖಲಿಸಲಾಗಿತ್ತು.

ಬೆಂಗಳೂರು ದಕ್ಷಿಣ ವಿಭಾಗದ ಡಿಸಿಪಿಯಾಗಿ ಅಣ್ಣಾಮಲೈ ಅವರು ಇಂದು ಅಧಿಕಾರ ಸ್ವೀಕಾರ ಮಾಡಿದ್ದಾರೆ.
ಖಡಕ್ ಆಫೀಸರ್ ಅಂತಾ ಫೇಮಸ್ ಆಗಿರುವ ಅಣ್ಣಾಮಲೈ,ನಿರ್ಗಮಿತ ಡಿಸಿಪಿ ಡಾ. ಶರಣಪ್ಪ ಎಸ್.ಡಿ. ಅವರಿಂದ ದಂಡ ಸ್ವೀಕರಿಸಿದರು.

ಇದಕ್ಕೂ ಮುನ್ನ ಅಣ್ಣಾಮಲೈ ತಮ್ಮ ಅಧಿಕಾರ ವ್ಯಾಪ್ತಿಯನ್ನು, ಏರಿಯಾವನ್ನು ಪರಿಚಯ ಮಾಡಿಕೊಂಡರ. ಅಧಿಕಾರ ಸ್ವೀಕರಿಸಿದ ನಂತರ ಎಲ್ಲಾ ಠಾಣೆಗಳಿಗೆ ತೆರಳಿ ಸಿಬ್ಬಂದಿ ಜೊತೆ ಮಾತುಕತೆ ನಡೆಸಿದ್ದಾರೆ.

ಅಧಿಕಾರ ಸ್ವೀಕರಿಸಿದ ಮೊದಲ ದಿನವೇ ಎಲ್ಲಾ ಠಾಣೆಗಳಿಗೆ ತೆರಳಿದ ಅಧಿಕಾರಿಗಳು ಬೆರಳೆಣಿಕೆ ಮಂದಿ ಅನ್ನುವುದು ಇಲ್ಲಿ ಗಮನಾರ್ಹ.

ರಾಮನಗರ, ಉಡುಪಿ, ಚಿಕ್ಕಮಗಳೂರಿನಲ್ಲಿ ಸೇವೆ ಸಲ್ಲಿಸಿದ್ದ ಅಣ್ಣಾ ಮಲೈ ಕಾಫಿನಾಡಿನಲ್ಲಿ ಖಡಕ್ ಅಧಿಕಾರಿಯಾಗಿ ಜನಪ್ರಿಯತೆ ಪಡೆದಿದ್ದರು. ನಕ್ಸಲ್,ಮಟ್ಕಾ ದಂಧೆ ಸೇರಿದಂತೆ ಅನೇಕ ಸಮಾಜಘಾತುಕ ಶಕ್ತಿಗಳನ್ನು ಹೊಸಕಿ ಹಾಕಿದ ಖ್ಯಾತಿ ಇವರದ್ದು. ದತ್ತಪೀಠ ವಿವಾದ ತಾರಕಕ್ಕೇರಿದಾಗ ಲಾಠಿ ಹಿಡಿದು ಕಾನೂನು ಸುವ್ಯವಸ್ಥೆ ಕಾಪಾಡಿದ ಹಿರಿಮೆ ಇವರದ್ದು.

ಒಂದೆಡೆ ರೌಡಿಗಳ ಚಳಿ ಬಿಡಿಸಿದ್ರೆ ಮತ್ತೊಂದು ಕಡೆ, ತಮ್ಮ ಇಲಾಖೆ ಸಿಬ್ಬಂದಿ ಮೇಲೂ ಕಟ್ಟು ನಿಟ್ಟಿನ ನಿಯಮಗಳನ್ನು ಜಾರಿಗೆ ತಂದಿದ್ದರು. ಹೊಟ್ಟೆ ಹೊತ್ತ ಅಧಿಕಾರಿಗಳ ತೂಕ ಕರಗಿಸಲು ವರ್ಗಾವಣೆ ಆಫರ್ ಕೊಟ್ಟು, ತಮ್ಮ ಕೈ ಕೆಳಗಿನ ಸಿಬ್ಬಂದಿಯನ್ನು ಫಿಟ್ ಆಗಿಸಿದ್ದರು.

ಈವರೆಗಿನ ತಮ್ಮ ಸೇವಾವಧಿಯಲ್ಲಿ ಬೆಂಗಳೂರಿಗೆ ಮೊದಲ ಬಾರಿಗೆ ಅಣ್ಣಾಮಲೈ ಎಂಟ್ರಿ ಕೊಟ್ಟಿದ್ದಾರೆ.
ಈಗಾಗಲೇ ತಮ್ಮ ಸಬ್ ಡಿವಿಶನ್ ಬಗ್ಗೆ ಪರಿಚಯ ಮಾಡಿಕೊಂಡಿರುವ ಅಣ್ಣಾಮಲೈ, ಮಾಧ್ಯಮದವರ ವಾಟ್ಸಾಪ್ ಗ್ರೂಪ್ ನಲ್ಲಿ ನನ್ನ ನಂಬರ್ ಸೇರಿಸಿಕೊಳ್ಳಿ ಎಂದು ಮನವಿ ಮಾಡಿದ್ದಾರೆ.

ಜನರಿಗಾಗಿ ನೀವು ನಮಗೆ ಸಹಕಾರ ಕೊಡಿ, ನಿಮಗೆ ನಾವು ಸಹಕಾರ ಕೊಡುತ್ತೇವೆ. ಟಿವಿಯಲ್ಲಿ ಬರುವಷ್ಟು ದೊಡ್ಡ ಮನುಷ್ಯ ನಾನಲ್ಲ. ಹಾಗಂತ ಸುದ್ದಿ ವಾಹಿನಿಗಳ ಕ್ಯಾಮಾರ ಬೈಟ್ ಅಗತ್ಯ ಇತ್ತು ಅಂದರೆ ಖಂಡಿತಾ ಕೊಡುತ್ತೇನೆ ಅನ್ನುವ ಮೂಲಕ, ದಕ್ಷಿಣ ವಿಭಾಗದಲ್ಲಿ ತಮ್ಮ ಕಾರ್ಯ ಪ್ರಾರಂಭಿಸಿದ್ದಾರೆ.

ನಾನು ಈಗ ಮಗುವಾಗಿದ್ದೇನೆ. ಮಗು ಹುಟ್ಟಿದ್ದಾಗ ಹೇಗೆ ಇರುತ್ತೋ ಹಾಗಿದ್ದೇನೆ. ಬೆಂಗಳೂರು ಬಗ್ಗೆ ನನಗೆ ಏನೂ ಗೊತ್ತಿಲ್ಲ. ಸಿಟಿಯ ಏರಿಯಾಗಳ ಹೆಸರು ಕೂಡಾ ಗೊತ್ತಿಲ್ಲ. ಒಂದು ವಾರದಲ್ಲಿ ಎಲ್ಲಾ ತಿಳಿದುಕೊಳ್ಳುತ್ತೇನೆ ಎಂದು ಮುಗ್ದವಾಗಿ ಹೇಳಿದ್ದಾರೆ.

ಆದರೆ ಅಣ್ಣಾ, ಬೆಂಗಳೂರಿಗೆ ಬರುವಾಗ ಹೋಮ್ ವರ್ಕ್ ಮಾಡಿ ಬಂದಿದ್ದಾರೆ ಅನ್ನುವುದು ಪಕ್ಕಾ. ಬೆಂಗಳೂರಿನಲ್ಲಿ ಸುದ್ದಿಗಳು ಪೊಲೀಸರಿಗೆ ತಲುಪುವ ಮುನ್ನ ವರದಿಗಾರರಿಗೆ ತಲುಪುತ್ತದೆ ಅನ್ನುವ ಅರಿವು ಅವರಿಗಿದೆ. ಅದರಲ್ಲೂ ಅಪರಾಧ ಸುದ್ದಿಗಳು ಪೊಲೀಸರ ಕಿವಿಗೆ ಬೀಳುವ ಮುನ್ನ, ಟಿವಿಗಳಲ್ಲಿ Breaking news  ಆಗಿರುತ್ತದೆ. ಹೀಗಾಗಿಯೇ ಎಲ್ಲಿಂದ ಕೆಲಸ ಪ್ರಾರಂಭಿಸಬೇಕು. ಯಾರ ವಿಶ್ವಾಸವಿಟ್ಟುಕೊಳ್ಳಬೇಕು ಎಂದು ಅರಿತು, ಸಿಲಿಕಾನ್ ಸಿಟಿಗೆ ಎಂಟ್ರಿ ಕೊಟ್ಟಿದ್ದಾರೆ. ಗುಡ್ ಲಕ್ ಸಾರ್.

ಚಂದನವನದಲ್ಲಿ ಎದ್ದಿರುವ #MeToo ಆಂದೋಲನವನ್ನು ಹೊಸಕಿ ಹಾಕುವ ಕೆಲಸ ನಡೆಯುತ್ತಿದೆಯೇ.. ಇಲ್ಲ ಅನ್ನುವಂತಿಲ್ಲ. ಆಂದೋಲನದಲ್ಲಿ ಬರಬಾರದ ಮುಖಗಳು ಪ್ರವೇಶ ಮಾಡಿರುವುದರಿಂದ ಹೋರಾಟ ಹಾದಿ ತಪ್ಪುತ್ತಿದೆ.

ಪ್ರಕಾಶ್ ರೈ ಮತ್ತು ಚೇತನ್ ಎಂಟ್ರಿಯಿಂದ ಹೋರಾಟ ರಾಜಕೀಯ ಬಣ್ಣದೊಂದಿಗೆ ಹೊಳೆಯಲಾರಂಭಿಸಿದೆ. ಬಣ್ಣ ಬಳಿದರೋ, ಬಣ್ಣ ಬಯಲಾಯ್ತೋ ಗೊತ್ತಿಲ್ಲ.

ಈ ನಡುವೆ ನಟ ಅರ್ಜುನ್ ಸರ್ಜಾ ವಿರುದ್ಧ ಮಾಡಿರುವ ಮೀಟೂ ಆರೋಪ ಹಿಂದೆ ಹಳೆಯ ದ್ವೇಷ ಇದೆ ಎಂದು ಫೀಲ್ಮ್ ಚೇಂಬರ್ ಕಾರ್ಯದರ್ಶಿ ಭಾಮಾ ಹರೀಶ್ ಆರೋಪಿಸಿದ್ದಾರೆ.

ಖಾಸಗಿ ವಾಹಿನಿಯೊಂದರ ಚರ್ಚಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಅವರು, ಚೇಂಬರ್ ಗೆ ಲಭಿಸಿರುವ ಮಾಹಿತಿಗಳ ಪ್ರಕಾರ ನಟಿ ಶೃತಿ ಹರಿಹರನ್ ಅವರು ಅರ್ಜುನ್ ಸರ್ಜಾ ಅವರ ಅಳಿಯ ಧೃವ ಸರ್ಜಾರೊಂದಿಗೆ ನಟಿಸುವ ಅವಕಾಶ ನೀಡಲು ಮನವಿ ಮಾಡಿದ್ದರು.

ಈ ವೇಳೆ ಅವರ ಜೋಡಿ ಹಾಗೂ ವಯಸ್ಸಿನ ಹೊಂದಾಣಿಕೆ ಕಾರಣ ನೀಡಿ ಅರ್ಜುನ್ ಸರ್ಜಾ ಅವರು ಶೃತಿ ಅವರ ಮನವಿಯನ್ನು ನಿರಾಕರಿಸಿದ್ದರು. ಅಂದಿನ ದ್ವೇಷ ದೊಡ್ಡದಾಗಿ ಇಂದು ಮೀಟೂವರೆಗೂ ಬಂದಿದೆ ಎಂದು ಆರೋಪಿಸಿದ್ದಾರೆ.

ದ್ವೇಷದಿಂದ ಆರೋಪ ಮಾಡಿದ್ದಾರೆ. ಇದು ಸರಿಯಲ್ಲ. ಇಲ್ಲ ಸಲ್ಲದ ಆರೋಪ ಮಾಡುವುದು ಉತ್ತಮ ಬೆಳವಣಿಗೆ ಅಲ್ಲ ಎಂದಿರುವ ಭಾಮಾ ಹರೀಶ್ ದೊಡ್ಡದೊಂದು ಬಾಂಬ್ ಸಿಡಿಸಿದ್ದಾರೆ.

ಬೇರೆ ಯಾರಾದರೂ ಈ ಮಾತು ಹೇಳಿದ್ರೆ ತೇಲಿಸಿ ಬಿಡಬಹುದಿತ್ತು. ಹೇಳಿರುವುದು ಫಿಲ್ಮ್ ಚೇಂಬರ್ ಕಾರ್ಯದರ್ಶಿ, ಹೀಗಾಗಿ ಆರೋಪವನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಕಿದೆ.

ಜೊತೆಗೆ ಸರ್ಜಾ ವಿರುದ್ಧ ಆರೋಪ ಬಂದ ವೇಳೆ ಧೃವ ಸರ್ಜಾ ಅಬ್ಬರಿಸಿದ ರೀತಿಯೂ ಇದಕ್ಕೆ ಪುಷ್ಟಿ ನೀಡಿದೆ.

ಈಗಾಗಲೇ 10 ಲಕ್ಷದ ವಿಚಾರಕ್ಕೆ ಸಂಬಂಧಿಸಿದಂತೆ ಚೇತನ್ ಮತ್ತು ಅರ್ಜುನ್ ಸರ್ಜಾ ನಡುವೆ ಭಿನ್ನಾಭಿಪ್ರಾಯ ಮೂಡಿತ್ತು. ಹೀಗಾಗಿ ಚೇತನ್ ಆಂದೋಲನದ ಲಾಭ ಪಡೆದುಕೊಳ್ಳುತ್ತಿದ್ದಾರೆ ಅನ್ನುವ ಆರೋಪ ಈಗಗಾಲೇ ಕೇಳಿ ಬಂದಿದೆ.

ನಟ ಅರ್ಜುನ್ ಸರ್ಜಾ ವಿರುದ್ಧ ಮೀಟೂ ಆರೋಪ ಮಾಡಿದ್ದ ಶೃತಿ ಹರಿಹರನ್ ಬೆನ್ನಿಗೆ ಶ್ರದ್ಧಾ ಶ್ರೀನಾಥ್ ಹಾಗೂ ರಾಗಿಣಿ ದ್ವಿವೇದಿ ನಿಂತ ಬೆನ್ನಲ್ಲೇ ಇದೀಗ ಮತ್ತೊಬ್ಬ ನಟಿ ಸಂಯುಕ್ತಾ ಹೆಗ್ಡೆ ಕೂಡ ಅವರಿಗೆ ಸಾಥ್ ನೀಡಿದ್ದಾರೆ.

ಹರಿಹರನ್ ಕಿರಿಕ್ ಹುಡುಗಿ ಸಂಯುಕ್ತಾ ಹೆಗ್ಡೆ ಬ್ಯಾಟ್ ಬೀಸಿದ್ದು, ಟ್ವೀಟ್ ಮೂಲಕ ಬೆಂಬಲ ವ್ಯಕ್ತಪಡಿಸಿರುವ ಸಂಯುಕ್ತಾ ಸರ್ಜಾ ಕುಟುಂಬದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ನಮ್ಮ‌ ಚಿತ್ರರಂಗದಲ್ಲಿ ಹೆಣ್ಣು ಮಕ್ಕಳು ‌ಮುಂದೆ ಬಂದು ತಮಗಾದ ಅನ್ಯಾಯದ ಬಗ್ಗೆ ಮಾತನಾಡಲು ಭಯಪಡುತ್ತಾರೆ. ನಮ್ಮಂತ ನಟಿಯರು ಧೈರ್ಯವಾಗಿ ಮುಂದೆ ಬಂದು ಮಾತನಾಡಿದರೆ ಟೀಕೆ ಮತ್ತು ಟ್ರೋಲ್ಗೆ ಗುರಿಯಾಗುತ್ತೇವೆ. ಈಗ ಶ್ರುತಿ ಬಗ್ಗೆಯು ಎಲ್ಲ ವಿರೋಧ ವ್ಯಕ್ತಪಡಿಸುತ್ತಿದ್ದಾರೆ ಎಂದು ಕಿಡಿಕಾರಿದ್ದಾರೆ.

#wearewithshru pic.twitter.com/7YMNoSgNsb

— Samyuktha Hegde (@SamyukthaHegde) October 21, 2018

ಹೌದು ಸರ್ಜಾ ಅವರ ಕುಟುಂಬಕ್ಕೆ ಇತಿಹಾಸವಿದೆ. ಪವರ್ ಇದೆ ಹಾಗೂ ಹಣ ಬಲ ಇದೆ. ಹಾಗಂತ ಅವರಿಗೆ ಅಸಹ್ಯವಾಗಿ ನಡೆದಕೊಳ್ಳುವ ಅಧಿಕಾರ ಕೊಟ್ಟವರು ಯಾರು? ನಮ್ಮ ಚಿತ್ರರಂಗದಲ್ಲಿ ನಾವು ಈ ರೀತಿಯ ಹೋರಾಟದಲ್ಲಿ ಸೋಲುತ್ತೇವೆ. ಅನೇಕರು ಶ್ರುತಿ ಹೇಳಿದ ಮಾತನ್ನು ಸುಳ್ಳು ಎನ್ನುತ್ತಿದ್ದಾರೆ. ಬೇರೆ ಸ್ಥಳದಿಂದ ಬಂದು ಇಲ್ಲಿ ಭಾಷೆ ಕಲಿತು ಸುಳ್ಳು ಹೇಳುತ್ತಾರೆ ಎನ್ನುವ ಆರೋಪ ಮಾಡುತ್ತಾರೆ. ಇದು ಎಷ್ಟರ ಮಟ್ಟಿಗೆ ಸರಿ ಎಂದು ಪ್ರಶ್ನಿಸಿದರು.

ನಾಯಕಿಯರಿಗೆ ಸಂಭಾವನೆಯಲ್ಲಂತೂ ಸಮಪಾಲು ಇಲ್ಲ. ಹಾಗಂತ ಈ ವಿಚಾರವನ್ನು ಪ್ರಶ್ನೆ ಮಾಡಬಾರದೇ? ತಪ್ಪನ್ನು ಪ್ರಶ್ನಿಸುವ ಹಕ್ಕು ಎಲ್ಲರಿಗೂ ಇದೆ. ನ್ಯಾಯಕ್ಕಾಗಿ ಹೋರಾಟ ಮಾಡಲೇ ಬೇಕು. ನಿಮ್ಮ ಮನೆ ಹಣ್ಮಕ್ಕಳಿಗೆ ಹೀಗಾಗಿದ್ದರೆ ಸುಮ್ಮನಿರುತ್ತೀರಾ ಅಂತ ಕಿರಿಕ್ ನಟಿ ಸಂಯುಕ್ತಾ ಹೆಗ್ಡೆ ಪ್ರಶ್ನಿಸಿದ್ದಾರೆ. ಎಂದು ಟೀಕಾ ಪ್ರಹಾರ ನಡೆಸಿದ್ದಾರೆ.

ನಟಿ ರಾಗಿಣಿ ಕೂಡ ಶೃತಿ ಹರಿಹರನ್ ಬೆನ್ನಿಗೆ ನಿಂತಿದ್ದು, ಮೀಟೂ ಅಭಿಯಾನದಿಂದ ಸಮಸ್ಯೆ ಹೇಳಿಕೊಳ್ಳುವುದು ಒಳ್ಳೆಯ ವಿಷಯ. ಅದನ್ನು ಕೆಲವರು ದುರುಪಯೋಗ ಪಡಿಸಿಕೊಳ್ಳುತ್ತಿದ್ದಾರೆ. ಆದರೆ ಶೃತಿ ಹರಿಹರನ್ ಒಳ್ಳೆ ಹುಡುಗಿ, ಅನಗತ್ಯವಾಗಿ ಹೇಳಿಕೊಳ್ಳಲ್ಲ. ಶೃತಿ ಅವರಿಗೆ ನಿಜವಾಗಿ ಅಂತಹ ಘಟನೆ ನಡೆದಿದ್ದರೆ ತಪ್ಪು ಮಾಡಿದವರಿಗೆ ಶಿಕ್ಷೆ ಆಗಬೇಕು. ಮೀಟೂ ಅಭಿಯಾನವನ್ನು ಯಾರು ಕೂಡ ಸ್ವಾರ್ಥಕ್ಕೆ ಬಳಸುವುದು ಸರಿಯಲ್ಲ ಎಂದು ತಿಳಿಸಿದ ರಾಗಿಣಿ, ಪ್ರತಿ ದಿನ ಈ ಅಭಿಯಾನ ಹೆಚ್ಚಾಗುತ್ತಿದೆ. ಇದು ಕೇವಲ ಹುಡುಗಿಯರಿಗೆ ಮಾತ್ರವಲ್ಲ, ಹುಡುಗರಿಗೂ ಅನ್ವಯವಾಗುತ್ತದೆ. ಈ ಅಭಿಯಾನ ಆಗುತ್ತಿರುವುದು ನನಗೆ ಸಂತಸ ತಂದಿದೆ. ನಾನು ಮೀಟೂ ಪರವಾಗಿ ನಿಲ್ಲುತ್ತೇನೆ ಎಂದಿದ್ದಾರೆ.

#Me too ಬಿರುಗಾಳಿ ಚಂದನವನದಲ್ಲಿ ಸುಂಟರಗಾಳಿಯಾಗಿದೆ. ತಪ್ಪು ಮಾಡಿದವರು ಯಾರು..? ಯಾರು ತಪ್ಪು ಮಾಡಿಲ್ಲ ಒಂದೂ ಅರ್ಥವಾಗುತ್ತಿಲ್ಲ. ಕನಿಷ್ಠ ಪ್ರಕರಣ ಪೊಲೀಸ್ ಠಾಣೆ ಮೆಟ್ಟಿಲು ಹತ್ತಿದ್ದರೆ ತನಿಖೆಯ ಮೂಲಕವಾದರೂ ಸತ್ಯ ಗೊತ್ತಾಗುತ್ತಿತ್ತು. ಆದರೆ ಇಲ್ಲಿ ಬರೀ ಮಾತಿನ ಸಮರ. ಪರ ವಿರೋಧ ಬ್ಯಾಟಿಂಗ್ ನಡೆಯುತ್ತಿದೆ.

ಈ ನಡುವೆ ಅರ್ಜುನ್ ಅವರ ತಾಯಿ ಲಕ್ಷ್ಮಿ ದೇವಮ್ಮ ಮಾತನಾಡಿದ್ದು, ಖಾಸಗಿ ವಾಹಿನಿಯೊಂದರ ಸ್ಟುಡಿಯೋದಲ್ಲಿ ಮಾತನಾಡಿದ ಅವರು ಹಲವು ಪ್ರಶ್ನೆಗಳನ್ನು ಎತ್ತಿದ್ದಾರೆ. ಅವುಗಳು ಹೀಗಿವೆ

ಆಟೋದಲ್ಲಿ ನಮ್ಮ ಮನೆಗೆ ಆಕೆ ಬಂದಿದ್ಯಾಕೆ..?

ವಿಸ್ಮಯ ಸಿನಿಮಾ ಮುಗಿದಿತ್ತು. ಅರ್ಜುನ್ ಸರ್ಜಾ ಅವತ್ತು ಮದ್ರಾಸ್ ಗೆ ಹೋಗಿದ್ದ. ಆ ವೇಳೆ ಶ್ರುತಿ ಆಟೋದಲ್ಲಿ ನಮ್ಮ ಮನೆಗೆ ಬಂದಿದ್ದರು. ನಾನು ಬಾಗಿಲಿನಲ್ಲಿ ನಿಂತಿದ್ದೆ. ಅರ್ಜುನ್ ಸರ್ಜಾ ಸರ್ ಇದ್ದರಾ ಎಂದು ಕೇಳಿದ್ರು. ಅವರಿಲ್ಲ ನೀವು ಯಾರಮ್ಮ ಅಂದೆ. ನನ್ನ ಹೆಸರು ಶ್ರುತಿ ಹರಿಹರನ್, ನಾನು ಅವರ ಜೊತೆಯಲ್ಲಿ ಒಂದು ಸಿನಿಮಾ ಮಾಡಿದ್ದೇನೆ ಅಂದರು. ಆ ದಿನ ಅವರು ನಮ್ಮ ಮನೆಗೆ ಯಾಕೆ ಬಂದ್ಲು. ಬಂದಿಲ್ಲ ಎಂದು ನನ್ನ ಮುಂದೆ ಬಂದು ಆಕೆ ಹೇಳಲಿ.

ಕೆಟ್ಟ ಸ್ಪರ್ಶ ಅಂದರೇನು..?

ನನ್ನ ಮಗ ಡೈರೆಕ್ಟರ್, ನಿಮಾರ್ಪಕ, ದೃಶ್ಯ,ನಟನೆ ಚೆನ್ನಾಗಿ ಬಂದಿಲ್ಲ ಅಂದ್ರೆ ಹೇಳಿಕೊಡ್ತಾನೆ. ಅದು ಅವನ ಕರ್ತವ್ಯ.ಅದನ್ನ ಹೀಗೆ,ಈಗ ತಪ್ಪು ಅಂದ್ರೆ ಸರಿನಾ’? ಪಕ್ಕಾ ಅನುಭವವಾಗಿರುವುದರಿಂದ ಕೆಟ್ಟ ಸ್ಪರ್ಶ ಯಾವುದು, ಒಳ್ಳೆಯ ಸ್ಪರ್ಶ ಯಾವುದು ಅಂತ ಆಕೆಗೆ ಗೊತ್ತಿದೆ.

ಮಗನ ಕಾಲಿಗೆ ಬಿದ್ದು ಕ್ಷಮೆ ಕೇಳಲೇಬೇಕು…

ಯಾವುದೇ ಕಾರಣಕ್ಕೂ ನನ್ನ ಮಗ ಕ್ಷಮೆ ಕೇಳಲ್ಲ. ನಮ್ಮ ಮನೆಯಲ್ಲಿ ಎಲ್ಲರೂ ಒಂದೇ. ನನ್ನ ಮಗನ ಮರ್ಯಾದೆ ಕಳೆದಿದ್ದಾಳೆ. ಯಾರೇ  ಬಿಟ್ಟರೂ ನಾನಂತೂ ಬಿಡಲ್ಲ, ನನ್ನ ಮಗನ ಕಾಲಿಗೆ ಬಿದ್ದು ಕ್ಷಮಾಪಣೆ ಕೇಳಬೇಕು’

ಪ್ರಕಾಶ್ ರೈ ಏನು ಸಾಚಾ..?

ಪ್ರಕಾಶ್ ರೈ ಜೀವನದಲ್ಲೇ ಯಾವುದೂ ಸರಿಯಿಲ್ಲ. ಮೂರ್ನಾಲ್ಕು ಪತ್ನಿಯರನ್ನು ಬಿಟ್ಟಿದ್ದಾರೆ. ಅಂತಹ ವ್ಯಕ್ತಿ ನನ್ನ ಮಗನ ಮೇಲೆ ಆರೋಪ ಮಾಡ್ತಿದ್ದಾರೆ. ಮೊದಲು ಅವರ ವ್ಯಕ್ತಿತ್ವ ನೋಡಿಕೊಳ್ಳಲಿ’

ಶಬರಿಮಲೆಗೆ ಮಹಿಳೆಯರ ಪ್ರವೇಶ ವಿಚಾರ ಮುನ್ನಲೆಗೆ ಬಂದ ಬೆನ್ನಲ್ಲೇ ಮಾಧ್ಯಮಗಳಲ್ಲಿ ಕಾಣಿಸಿಕೊಂಡ ಹೆಸರು ಐಪಿಎಸ್ ಅಧಿಕಾರಿ ಎಸ್.ಶ್ರೀಜಿತ್ ರದ್ದು. ಶಬರಿಮಲೆಯಲ್ಲಿ ಭದ್ರತೆ ಪೂರ್ತಿ ಉಸ್ತುವಾರಿ ವಹಿಸಿಕೊಂಡಿದ್ದ ಶ್ರೀಜಿತ್, ಸುಪ್ರೀಂಕೋರ್ಟ್ ಆದೇಶ ಜಾರಿಗೆ ನಿಂತಿದ್ದರು.

ಕೆಲ ದಿನಗಳ ಹಿಂದೆ ರೆಹನಾ ಫಾತಿಮಾ ಮತ್ತು ಪತ್ರಕರ್ತೆ ಕವಿತಾ ಶಬರಿಮಲೆ ಪ್ರವೇಶಕ್ಕೆ ಬಂದಾಗ ಅವರನ್ನು ಎಸ್ಕಾರ್ಟ್ ಮಾಡಿಕೊಂಡು ಬಂದದ್ದು ಇದೇ ಶ್ರೀಜಿತ್.

ಹರಿಹರಸುತನ ಸನ್ನಿಧಿಯಲ್ಲಿ ಭಕ್ತರ ಆಕ್ರೋಶ ಸಿಡಿ ಗುಂಡಿನಂತೆ ಕಾಣಿಸುತ್ತಿತ್ತು. ಬೇರೆ ಯಾವುದೋ ಸಂದರ್ಭವಾಗಿದ್ದರೆ ಲಾಠಿ ಎತ್ತಿಕೊಳ್ಳಲು ಶ್ರೀಜಿತ್ ಆದೇಶ ನೀಡುತ್ತಿದ್ದರು. ಆದರೆ ಇದೊಂದು ಸೂಕ್ಷ್ಮ ವಿಚಾರವಾಗಿದ್ದ ಕಾರಣ, ಎಲ್ಲವನ್ನೂ ಅಳೆದು ತೂಗಿ ನಿಭಾಯಿಸಬೇಕಾಗಿತ್ತು. ಒಂದಿಷ್ಟು ಹೆಚ್ಚು ಕಡಿಮೆಯಾದರೆ ಊಹಿಸಲು ಅಸಾಧ್ಯವಾದ ಘಟನೆಗೆ ಸನ್ನಿಧಾನ ಸಾಕ್ಷಿಯಾಗಬೇಕಾಗುತ್ತದೆ ಅನ್ನುವ ಅರಿವು ಅವರಿಗಿತ್ತು.

ಹೀಗಾಗಿ ಜಾಣ ನಡೆಯನ್ನು ಶ್ರೀಜಿತ್ ಅನುಸರಿಸುತ್ತಿದ್ದರು. ಪ್ರತಿಯೊಂದು ಹೆಜ್ಜೆ ಇಡುವ ಮುನ್ನ ಸಾಧಕ ಬಾಧಕ ಯೋಚಿಸಿ, ಸಾವಿರ ಸಲ ಚಿಂತಿಸಿ ನಿರ್ಧಾರ ಕೈಗೊಳ್ಳುತ್ತಿದ್ದರು. ಅದ್ಯಾವ ಮಹಿಳೆಯೂ ಶಬರಿಮಲೆಗೆ ಹೋಗ್ತಿನಿ ಎಂದು ಬಂದರೆ ನಾವು ಕಾನೂನು ಪರಿಪಾಲಕರು, ಭದ್ರತೆ ನಾವು ಕೊಡಲು ಸಿದ್ದ ಅನ್ನುತ್ತಿದ್ದರು. ಆದರೆ ಅದು ಎಲ್ಲಿಯ ತನಕ ಭದ್ರತೆ ಅನ್ನುವುದನ್ನು ಅವರು ಸ್ಪಷ್ಟವಾಗಿ ಹೇಳಿದ್ದರು. ಸನ್ನಿಧಾನದ ಮೆಟ್ಟಿಲ ತನಕ ಭದ್ರತೆ ಕೊಡಲು ಸಾಧ್ಯ. ಮೆಟ್ಟಿಲು ಹತ್ತಿಸಲು ಸಾಧ್ಯವಿಲ್ಲ ಅನ್ನುವುದನ್ನು ಪರೋಕ್ಷವಾಗಿ ತಿಳಿಸುತ್ತಿದ್ದರು.

ರೆಹನಾ ಫಾತಿಮಾ ಮತ್ತು ಪತ್ರಕರ್ತೆ ಕವಿತಾ ಮಲೆಗೆ ಬಂದ ವೇಳೆಯಲ್ಲೂ  ಹೀಗೆ ಆಗಿದೆ. ಇಬ್ಬರು ಯುವತಿಯರನ್ನು ಕಂಡ ವೇಳೆ ಪ್ರತಿಭಟನೆ ತೀವ್ರಗೊಂಡಿತು. ನಾನು ಕೂಡಾ ಅಯ್ಯಪ್ಪನ ಭಕ್ತ, ಆದರೆ ನನಗೆ ಕಾನೂನು ಪಾಲನೆ ಆದ್ಯತೆಯಾಗಿದೆ ಎಂದು ಪ್ರತಿಭಟನಾ ನಿರತ ಭಕ್ತರನ್ನು ಮನವೊಲಿಸುವ ಪ್ರಯತ್ನ ನಡೆಸಿದ್ದರು. ಆದರೆ ಸಾಧ್ಯವಾಗಿರಲಿಲ್ಲ.

ಈ ನಡುವೆ 5 ದಿನಗಳ ತಿಂಗಳ ಪೂಜೆ ಸಲುವಾಗಿ ತೆರೆಯಲ್ಪಟ್ಟ ಅಯ್ಯಪ್ಪನ ಗರ್ಭ ಗುಡಿಯ ಬಾಗಿಲು ಮುಚ್ಚುವ ದಿನವಾದ ಇಂದು ಸನ್ನಿಧಾನಕ್ಕೆ ಜನ ಸಾಮಾನ್ಯರಂತೆ ಭೇಟಿ ಕೊಟ್ಟ ಐಜಿ ಶ್ರೀಜಿತ್, ಸಾಕಷ್ಟು ಸಮಯವನ್ನು ಅಯ್ಯಪ್ಪನ ಸನ್ನಿಧಿಯಲ್ಲಿ ಕಳೆದಿದ್ದಾರೆ.

ಮುಂಜಾನೆಯೇ ಅಯ್ಯಪ್ಪನ ಗರ್ಭಗುಡಿ ಸಮೀಪಕ್ಕೆ ಬಂದ ಅವರು ಭಾವುಕರಾಗಿ ಪ್ರಾರ್ಥಿಸಿದ ದೃಶ್ಯ ಕೇರಳದ ಟಿವಿ ವಾಹಿನಿಯೊಂದಕ್ಕೆ ಸಿಕ್ಕಿದೆ. ಐಪಿಎಸ್ ಅಧಿಕಾರಿ ಶ್ರೀಜಿತ್ ಅಯ್ಯಪ್ಪನ ಗರ್ಭಗುಡಿ ಮುಂದೆ ಕಣ್ಣೀರಿಟ್ಟ ದೃಶ್ಯವೂ ಇದರಲ್ಲಿ ಸೇರಿದೆ.

ಅದೇನು ಪ್ರಾರ್ಥಿಸಿದರೋ ಗೊತ್ತಿಲ್ಲ, ಆದರೆ ಅವರ ಕಣ್ಣೀರು ಮಾತ್ರ ಯಾವುದನ್ನೂ ಸೂಚಿಸಿತ್ತೋ ಗೊತ್ತಿಲ್ಲ. ಅದು ಅಯ್ಯಪ್ಪ ಮತ್ತು ಶ್ರೀಜಿತ್ ಗೆ ಮಾತ್ರ ಗೊತ್ತು. ಪೊಲೀಸ್ ಸಮವಸ್ತ್ರವಿಲ್ಲದೆ, ಜನಸಾಮಾನ್ಯರಂತೆ ಅಯ್ಯಪ್ಪನ ಗರ್ಭಗುಡಿ ಮುಂಭಾಗಕ್ಕೆ ಬಂದ ಅವರ ಕಣ್ಣೀನಿಂದ ಕಣ್ಣೀರು ಕೋಡಿಯಾಗಿ ಹರಿದಿತ್ತು.

ಸಮವಸ್ತ್ರ ಧರಿಸಿ, ಎದೆಯುಬ್ಬಿಸಿ ನಡೆಯುವ ಶ್ರೀಜಿತ್ ಇವರೇನಾ ಅನ್ನುವ ಪ್ರಶ್ನೆ ಮೂಡಿಸಿದ್ದು ಸುಳ್ಳಲ್ಲ. ಹಾಗಾದರೆ ಐಪಿಎಸ್ ಅಧಿಕಾರಿ ಕಣ್ಣೀರಡಬಾರದೇ…. ಅವರು ಮನುಷ್ಯರೇ ತಾನೇ..ಅವರಿಗೂ ಮನಸ್ಸಿದೆ ತಾನೇ.