Advertisements

ಚಿತ್ರರಂಗಕ್ಕೆ ಪ್ರಥಮ್ ಗುಡ್ ಬೈ …. ಬೆಂಗಳೂರಿನಿಂದ ಗಂಟು ಮೂಟೆ ಕಟ್ಟಲು ಕಾರಣ ಗೊತ್ತಾ….?

ಒಳ್ಳೆ ಹುಡುಗ, ಕನ್ನಡ ಕಂದ, ಬಿಗ್ ಬಾಸ್ ವಿನ್ನರ್ ಪ್ರಥಮ್ ಬೆಂಗಳೂರು ತೊರೆಯಲು ನಿರ್ಧರಿಸಿದ್ದಾರೆ. ಬೆಂಗಳೂರು ತೊರೆಯುವುದರೊಂದಿಗೆ ಚಂದನವನಕ್ಕೂ ಗುಡ್ ಬೈ ಹೇಳಲು ಒಳ್ಳೆ ಹುಡುಗ ನಿರ್ಧರಿಸಿದ್ದಾರೆ.

ಊರಿಗೆ ತೆರಳುವ ಅವರು ಕೃಷಿಯೊಂದಿಗೆ ಬದುಕು ಸಾಗಿಸಲು ಮುಂದಾಗಿದ್ದಾರೆ. ಇಷ್ಟು ದಿನಗಳ ಕಾಲ ಮನುಷ್ಯರ ತಲೆ ತಿನ್ನುತ್ತಿದ್ದ ಪ್ರಥಮ್, ಇನ್ಮುಂದೆ ಪ್ರಾಣಿ, ಗಿಡ ಮರಗಳೊಂದಿಗೆ ಮಾತನಾಡಬೇಕಾಗಿದೆ. ಊರಿನಲ್ಲೇ ನೆಲೆಯಾಗಬೇಕು ಅನ್ನುವ ಕಾರಣದಿಂದ ಈಗಾಗಲೇ ಬೆಂಗಳೂರಿನಿಂದ ಅರ್ಧದಷ್ಟು ಲಗೇಜ್ ಅನ್ನು ಅವರು ಸಾಗಿಸಿದ್ದಾರೆ. ಇನ್ನು ಕುರಿ ಖರೀದಿಸಿರುವ ಅವರು ಸಾಕಾಣಿಕೆ ಪ್ರಾರಂಭಿಸಿದ್ದಾರೆ.

ಇದರೊಂದಿಗೆ ತಮ್ಮ ತೋಟದಲ್ಲಿ ತೆಂಗಿನ ಗಿಡ ನೆಡಲು ನಿರ್ಧರಿಸಿರುವ ಅವರು ಒಂದಿಷ್ಟು ವರ್ಷಗಳಲ್ಲಿ ಕಾಸು ಸಂಪಾದಿಸುವ ಕನಸು ಹೊಂದಿದ್ದಾರೆ.

ಹಾಗಾದರೆ ಪ್ರಥಮ್ ಅದ್ಯಾಕೆ ಬೆಂಗಳೂರು ತೊರೆಯುವ ನಿರ್ಧರಿಸಿದರು. ಗೊತ್ತಿಲ್ಲ. ದೊಡ್ಡ ಮಟ್ಟದಲ್ಲಿ ಮನಸ್ಸಿಗೆ ಘಾಸಿ ಮಾಡಿಕೊಂಡ ಕಾರಣಕ್ಕೆ ಅವರು ಈ ನಿರ್ಧಾರಕ್ಕೆ ಬಂದಿದ್ದಾರೆ ಅನ್ನುವುದು ಸ್ಪಷ್ಟ.

ತಾವು ಊರಿಗೆ ಹೋಗುತ್ತಿರುವ ಕುರಿತಂತೆ ಪ್ರತಿಕ್ರಿಯೆ ನೀಡಿರುವ ಪ್ರಥಮ್,”ಸಿನಿಮಾದಿಂದ ಜೀವನ ಕಟ್ಟಿಕೊಳ್ಳುವುದು ಕಷ್ಟ. ಕಷ್ಟ ಪಟ್ಟು ಸಿನಿಮಾ ಮಾಡಿದರೆ ಒಂದು ವಾರ ಓಡಿಸುವುದು ಕಷ್ಟ. ಹೀಗಾಗಿ ಬೆಂಗಳೂರು ಸಹವಾಸ ಸಾಕಾಗಿದೆ, ಒತ್ತಡ ಪೂರ್ವ ಜೀವನ ಹಿಂಸೆಯಾಗುತ್ತಿದೆ. ಬಹಳಷ್ಟು ಆಸೆ ಇಟ್ಟುಕೊಂಡು ಬೆಂಗಳೂರಿಗೆ ಬಂದೆ. ಏನಾದರೂ ಸಾಧಿಸಬೇಕು ಅನ್ನುವ ಹಂಬಲವಿತ್ತು. ಪರವಾಗಿಲ್ಲ ಒಂದಿಷ್ಟು ಸಾಧಿಸಿದ್ದೇನೆ” ಅಂದಿದ್ದಾರೆ.

ಆದರೆ ಚಿತ್ರರಂಗದ ಕೆಲವೊಂದು ವಿಷಯಗಳಿಂದ ಬೇಸರಗೊಂಡಿರುವ ಪ್ರಥಮ್, ಬಣ್ಣದ ಲೋಕದ ಚಟುವಟಿಕೆ ನಿಲ್ಲಿಸಲು ನಿರ್ಧರಿಸಿದ್ದಾರೆ.  ನಟ ಭಯಂಕರ ಪ್ರಥಮ್ ಅವರ ಕೊನೆ ಸಿನಿಮಾವಾಗಲಿದೆ.

ಬಿಗ್ ಬಾಸ್ ಗೆದ್ದ ಹಿರಿಮೆ ಮತ್ತು ಮೂರು ಸಿನಿಮಾದ ಗರಿಮೆಯೊಂದಿಗೆ ಪ್ರಥಮ್ ಊರಿಗೆ ಹಿಂತಿರುಗಲು ನಿರ್ಧರಿಸಿದ್ದಾರೆ.

ಹಾಗೇ ನೋಡುವುದಾದರೆ ಪ್ರಥಮ್ ಅನ್ನುವ ಹೆಸರು ಕರ್ನಾಟಕಕ್ಕೆ ಗೊತ್ತಿರಲಿಲ್ಲ. ಬಿಗ್ ಬಾಸ್ ಮನೆ ಮೂಲಕ ಮನೆ ಮಾತಾದ ಪ್ರಥಮ್ ಮನೆ ಮಗ ಎಂದು ಅನ್ನಿಸಿಕೊಂಡರು. ನೂರು ವರ್ಷ ಕಳೆದರೂ ಲಾರ್ಡ್ ಪ್ರಥಮ್ ಅನ್ನುವ ಪಾತ್ರವನ್ನು ಯಾರಿಂದಲೂ ಮರೆಯಲು ಸಾಧ್ಯವಿಲ್ಲ. ಖಂಡಿಸುತ್ತೇನೆ ಅನ್ನುವ ಡೈಲಾಗ್ ಅಳಿಸಲು ಸಾಧ್ಯವಿಲ್ಲ.

ಏನೇ, ಕೃಷಿ ರಂಗಕ್ಕೆ ಇಳಿಯುವ ಪ್ರಥಮ್ ಕೈ ಕೆಸರಾಗಲಿ, ಬಾಯಿ ಮೊಸರಾಗಲಿ ಅನ್ನುವುದೇ ನಮ್ಮ ಹಾರೈಕೆ. ಪ್ರಥಮ್ ಈ ನಿರ್ಧಾರ ಕೇಳಿದಾಗ ನೆನಪಾಗಿದ್ದು, ಹುಚ್ಚ ವೆಂಕಟ್ ಹಾಡಿರುವ ಈ ಹಾಡು…

Advertisements

ಸೆಕ್ಸ್ ಮಾಡುವಾಗ ಮಂಚ ಮುರಿಯಿತು – ಪರಿಹಾರಕ್ಕಾಗಿ ಕೋರ್ಟ್ ಮೆಟ್ಟಿಲೇರಿದ ಮಹಿಳೆ

ಪ್ರಿಯಕರನ ಜೊತೆ ಮಂಚದಾಟವಾಡುವಾಗ ಮಂಚ ಮುರಿದು ಸೊಂಟವೂ ಮುರಿದಿದೆ ಎಂದು ಬೆಡ್ ಕಂಪನಿಯ ವಿರುದ್ಧ ಮಹಿಳೆಯೊಬ್ಬರು ಕೋರ್ಟ್ ಮೆಟ್ಟಿಲೇರಿದ ಪ್ರಕರಣ ಲಂಡನ್‍ನಿಂದ ವರದಿಯಾಗಿದೆ..

ಕ್ಲೇರ್ (46) ಎಂಬವರು ತನ್ನ ಮೊದಲ ಪತಿಗೆ ವಿಚ್ಛೇದನ ನೋಡಿ ಒಬ್ಬಳೇ ಜೀವನ ಸಾಗಿಸುತ್ತಿದ್ದರು. ಈ ವೇಳೆ ಅವರಿಗೆ ಪ್ರಿಯಕರನೊಬ್ಬ ಸಿಕ್ಕಿದ್ದ. ಕ್ಲೇರ್ ತನ್ನ ಪ್ರಿಯಕರ ಜಾನ್ ಮರ್ಷಾಲ್ ಜೊತೆ ಸೆಕ್ಸ್ ನಲ್ಲಿ ತೊಡಗಿಕೊಂಡಿದ್ದ ವೇಳೆ ಬೆಡ್ ಮುರಿದಿದೆ.

ಮೂರು ದಿನಗಳ ಹಿಂದೆ ಖರೀದಿಸಿದ ಬೆಡ್ ಮುರಿಯೋದು ಅಂದರೆ ಅರ್ಥವೇನು. ಮಾತ್ರವಲ್ಲ ಬೆಡ್ ಮುರಿಗ ರಭಸಕ್ಕೆ ಪ್ರಿಯಕರ ಜಾನ್ ಗಾಯಗೊಂಡಿದ್ದಾನೆ. ನನಗೆ ತೀವ್ರ ಪ್ರಮಾಣದಲ್ಲಿ ಪೆಟ್ಟು ಬಿದ್ದಿದ್ದು, ಸ್ಪೈನಲ್ ಕಾರ್ಡ್ ಮುರಿದಿದೆ. ವೀಲ್ ಚೇರ್ ನಲ್ಲಿ ಜೀವನ ಕಳೆಯುಬೇಕಾಗಿದೆ.

ಹೀಗಾಗಿ ಕ್ಲೇರ್ ಬಕ್ರ್ಷೈರ್ ಬೆಡ್ ಕಂಪನಿ ಲಿ. 1 ಮಿಲಿಯನ್ ಡಾಲರ್ ಹಣ ಕೊಡಬೇಕು ಎಂದು ಆಗ್ರಹಿಸಿದ್ದಾರೆ.
ಆದರೆ ಆರೋಪವನ್ನು ಕಂಪನಿ ನಿರಾಕರಿಸಿದ್ದು, ಮಂಚವನ್ನು ಖರೀದಿಸಿದಾಗ ಸರಿಯಾಗಿ ಜೋಡಿಸಿ ಕೊಟ್ಟಿದ್ದೇವೆ. ಮಂಚದಲ್ಲಿ ಯಾವುದೇ ದೋಷವಿರಲಿಲ್ಲ ಎಂದಿದೆ.

ಮಗಳು ಜನಿಸುವ ಹೊತ್ತಿಗೆ ವೀರಯೋಧ ಭಾರತಮಾತೆಗೆ ಉಸಿರು ಚೆಲ್ಲಿದ್ದ….

ವೀರಯೋಧನ ಪಾರ್ಥಿವ ಶರೀರಕ್ಕೆ ಅಗ್ನಿ ಸ್ಪರ್ಶಿಸಲು ಇನ್ನೊಂದು ಗಂಟೆ ಬಾಕಿ ಇತ್ತು. ಅಂತ್ಯ ಸಂಸ್ಕಾರಕ್ಕೆ ಬೇಕಾದ ಸಿದ್ದತೆಗಳು ಜೋರಾಗಿ ನಡೆದಿತ್ತು. ಇಡೀ ಗ್ರಾಮ ಕಣ್ಣೀರಿನಲ್ಲಿ ಕೈ ತೊಳೆಯುತ್ತಿದ್ದರೆ, ಆಗ ಬಂದಿತ್ತು ಗುಡ್ ನ್ಯೂಸ್.

ಆದರೆ ಶುಭ ಸುದ್ದಿಯನ್ನು ಸಂಭ್ರಮಿಸುವ ಸ್ಥಿತಿಯಲ್ಲಿ ಯಾರೊಬ್ಬರೂ ಇರಲಿಲ್ಲ. ಇಂತಹುದೊಂದು ಕರುಳು ಹಿಂಡುವ ಘಟನೆ ನಡೆದದ್ದು ಜಮ್ಮು ಮತ್ತು ಕಾಶ್ಮೀರದ ಸುಲಿಗಾಮ್ ಗ್ರಾಮ.

ರವಿವಾರ ರಜೌರಿಯಲ್ಲಿನ ಗಡಿ ನಿಯಂತ್ರಣ ರೇಖೆಯಲ್ಲಿ ನುಸುಳುಕೋರರ ವಿರುದ್ಧ ನಡೆದ ಎನ್‌ ಕೌಂಟರ್‌ನಲ್ಲಿ ಹುತಾತ್ಮರಾದ ಲ್ಯಾನ್ಸ್‌ ನಾಯಕ್‌ ರಂಜೀತ್‌ ಸಿಂಗ್‌ (36) ಪಾರ್ಥಿವ ಶರೀರ ಸೋಮವಾರ ಸುಲಿಗಾಮ್‌ ಗ್ರಾಮಕ್ಕೆ ಬಂದಿತ್ತು. ಆದರೆ ಕೆಲವೊಂದು ಕಾರಣಗಳಿಂದ ಅಂತ್ಯ ಸಂಸ್ಕಾರ ನಡೆಸಲು ಸಾಧ್ಯವಾಗಿರಲಿಲ್ಲ. ಹೀಗಾಗಿ ಮಂಗಳವಾರಕ್ಕೆ ಕಾರ್ಯಕ್ರಮವನ್ನು ಮುಂದೂಡಲಾಗಿತ್ತು.

ಈ ನಡುವೆ ಸೋಮವಾರ ರಾತ್ರಿ ಶಿಮು ದೇವಿಗೆ ಹೆರಿಗೆ ನೋವು ಕಾಣಿಸಿಕೊಂಡಿದೆ. ತಕ್ಷಣ ಅವರನ್ನು ಸಮೀಪದ ಜಿಲ್ಲಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯ್ತು. ಮುದ್ದಾದ ಹೆಣ್ಣು ಮಗುವಿಗೆ ಮಂಗಳವಾರ ಮುಂಜಾನೆ 5 ಗಂಟೆಗೆ ಜನ್ಮವನ್ನೂ ನೀಡಿದರು. ಆದರೆ ಮಗುವಿನ ಮುಖ ನೋಡಿ ಸಂಭ್ರಮಿಸ ಬೇಕಾಗಿದ್ದ ತಂದೆ ಚಿರ ನಿದ್ರೆಗೆ ಜಾರಿದ್ದರು.

Lance Naik Ranjit Singh

ನಂತರ ನಡೆದ ಅಂತಿಮ ವಿಧಿ ವಿಧಾನದಲ್ಲಿ ಒಂದು ದಿನದ ಹೆಣ್ಣು ಮಗುವಿನೊಂದಿಗೆ ವೀರಯೋಧನ ಪತ್ನಿ ಪಾಲ್ಗೊಂಡರು.
ಶಿಮು ದೇವಿ ಮತ್ತು ಯೋಧ ರಂಜಿತ್ ಸಿಂಗ್ 10 ವರ್ಷದ ಹಿಂದೆ ವಿವಾಹವಾಗಿದ್ದರು. ಸಂತಾನ ಭಾಗ್ಯಕ್ಕಾಗಿ 10 ವರ್ಷಗಳ ಕಾಲ ರಂಜಿತ್ ಸಿಂಗ್ ಕಾದಿದ್ದರು. ಆದರೆ ಮಗಳ ಮುಖವನ್ನು ನೋಡುವ ಭಾಗ್ಯವನ್ನು ಆ ಭಗವಂತ ಕರುಣಿಸಲೇ ಇಲ್ಲ.

Lance Naik Ranjit Singh2

2003ರಲ್ಲಿ ಸೇನೆಗೆ ಸೇರಿದ್ದ ರಂಜಿತ್ ಸಿಂಗ್ ತಾನು ತಂದೆಯಾಗುತ್ತೇನೆ ಅನ್ನುವ ಸಂಭ್ರಮದಲ್ಲಿದ್ದರು. ಆದರೆ ವಿಧಿ ಅನ್ನುವ ಪಾಪಿ ಹೇಗೆಲ್ಲಾ ಆಟ ಆಡಿ ಬಿಡ್ತು.

ಪೇದೆ ಅಮಾನತು : ಬಂದ ಮೂರೇ ದಿನಕ್ಕೆ ಖದರ್ ತೋರಿದ ಅಣ್ಣಾಮಲೈ

ಖಡಕ್​ ಅಧಿಕಾರಿ ಅಣ್ಣಾಮಲೈ ಅವರು ಬೆಂಗಳೂರು ದಕ್ಷಿಣ ವಿಭಾಗದ ಡಿಸಿಪಿಯಾಗಿ ಅಧಿಕಾರ ಸ್ವೀಕರಿಸಿದ ಮೂರೇ ದಿನದಲ್ಲಿ ಲೈಂಗಿಕ ಕಿರುಕುಳ ಆರೋಪ ಹೊತ್ತಿರುವ ಪೇದೆಗೆ ಗೇಟ್​ ಪಾಸ್​ ನೀಡಿದ್ದಾರೆ.

ಬೆಂಗಳೂರು ದಕ್ಷಿಣ ವಿಭಾಗದ ಡಿಸಿಪಿಯಾಗಿ ಅಧಿಕಾರ ಸ್ವೀಕರಿಸಿರುವ ಅಣ್ಣಾಮಲೈ ಅವರು ಗಿರಿನಗರ ಠಾಣೆಯ ಪೇದೆ ಸುದರ್ಶನ ಆಸ್ಕಿನ್​ನನ್ನು ಅಮಾನತು ಮಾಡಿ ಆದೇಶ ಹೊರಡಿಸಿದ್ದಾರೆ.

ಪೇದೆ ಅಮಾನತು : ಬಂದ ಮೂರೇ ದಿನಕ್ಕೆ ಖದರ್ ತೋರಿದ ಅಣ್ಣಾಮಲೈ

ದಂತ ವೈದ್ಯೆಯೊಬ್ಬರು ಸುದರ್ಶನ್​ ವಿರುದ್ಧ ಲೈಂಗಿಕ ಕಿರುಕುಳ ಹಾಗೂ ಜೀವ ಬೆದರಿಕೆ ಇದೆ ಎಂದು ಆರೋಪಿಸಿ ಜ್ಞಾನ ಭಾರತಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.

ಮೊದಲಿಗೆ ಹಲ್ಲು ನೋವಿನ ವಿಚಾರವಾಗಿ ವೈದ್ಯಕೀಯ ಚಿಕಿತ್ಸೆಗೆ ವೈದ್ಯೆಯನ್ನ ಸುದರ್ಶನ್​ ಭೇಟಿಯಾಗಿದ್ದ. ಈ ವೇಳೆ ಇಬ್ಬರ ನಡುವೆ ನಂಬರ್​ ವಿನಿಮಯವಾಗಿತ್ತು. ಮೊದಲಿಗೆ ಮಾಮೂಲಿಯಂತಿದ್ದ ಸುದರ್ಶನ್ ನಂತರ ಪೋನಿನಲ್ಲಿ ಅಸಭ್ಯವಾಗಿ ಮಾತಾಡಲು ಶುರು ಮಾಡಿದ್ದ ಎಂದು ವೈದ್ಯೆ ಆರೋಪಿಸಿದ್ದಾರೆ.

ಮನೆ ಬದಲಾಯಿಸಿದರೂ ಪೋನ್ ಮಾಡುವುದನ್ನು ಬಿಡದ ಸುದರ್ಶನ್, ಸಲುಗೆಯಿಂದ ವರ್ತಿಸದಿದ್ದರೆ ಕೊಲೆ ಮಾಡುವುದಾಗಿ ಬೆದರಿಸುತ್ತಿದ್ದ.

ಬೆಂಗಳೂರಿಗೆ ಎಂಟ್ರಿ ಕೊಟ್ಟ ಅಣ್ಣಾಮಲೈ ಮೊದಲ ದಿನ ಮಾಡಿದ್ದೇನು ಗೊತ್ತಾ..?

ಈ ಹಿನ್ನಲೆ ಇದೇ ತಿಂಗಳ 6ರಂದು ಜ್ಞಾನ ಭಾರತಿ ಠಾಣೆಗೆ ದೂರು ನೀಡಿದ್ದರು. ಆಗ ಸುದರ್ಶನ್​ನಿಂದ ಮುಚ್ಚಳಿಕೆ ಬರೆಯಿಸಿಕೊಂಡು ರಾಜಿ ಸಂಧಾನ ಮಾಡಲಾಗಿತ್ತು.

ಆದರೆ, ಪುನಃ ಕರೆ ಮಾಡಿ ಬೆದರಿಕೆ ಹಾಕುವುದು ಮುಂದುವರಿಸಿದ್ದ. ಹೀಗಾಗಿ ಜ್ಞಾನ ಭಾರತಿ ಠಾಣೆಯಲ್ಲಿ ಸೆಕ್ಷನ್ 354, 506 ಅಡಿಯಲ್ಲಿ ಮತ್ತೆ ಪ್ರಕರಣ ದಾಖಲಿಸಲಾಗಿತ್ತು.

#MeToo ನಲ್ಲಿ ಅರೆ ಬೆತ್ತಲಾಗಿದ್ದ ನಟಿ ಯಾರು..ಹರ್ಷಿಕಾ ಹೇಳಿದ್ದು ಸತ್ಯವೇ..?

ಇಂದು ಮೀಟೂ ಆರೋಪ ಮಾಡುತ್ತಿರುವ ನಟಿಯರೇ ಅಂದು ಖ್ಯಾತ ವ್ಯಕ್ತಿಗಳ ಜೊತೆ ಅರ್ಧ ನಗ್ನರಾಗಿದ್ದರು ಎಂದು ನಟಿ ಹರ್ಷಿಕಾ ಪೂಣಚ್ಚ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿ ಹೊಸ ಬಾಂಬ್ ಸಿಡಿಸಿದ್ದಾರೆ.

ಬುಧವಾರ ಗಂಡ ಹೆಂಡತಿಯ ಖ್ಯಾತಿಯ ಜಾತಕ ಬಯಲು…?

ಗಂಡ ಹೆಂಡತಿ ಖ್ಯಾತಿಯ ಸಂಜನಾ ಬೀಸಿದ #MeToo ಚಾಟಿಗೆ ಅದೇ ಚಿತ್ರದ ನಿರ್ದೇಶಕ ಪ್ರತಿಕ್ರಿಯಿಸಿದ್ದಾರೆ. ಫೇಸ್ ಬುಕ್ ನಲ್ಲಿ  ಸಂಬಂಧ ಸುದೀರ್ಘ ಪತ್ರ ಬರೆದಿರುವ ಅವರು ಮೌನ ಮುರಿದಿದ್ದಾರೆ. ಜೊತೆಗೆ ಬುಧವಾರ ಮಾಧ್ಯಮಗೋಷ್ಟಿಯಲ್ಲಿ ಮತ್ತಷ್ಟು ಮಾಹಿತಿ ನೀಡುವುದಾಗಿಯೂ ಹೇಳಿದ್ದಾರೆ.

ಹಾಗಾದರೆ ಸಂಜನಾ ಅವರ ಆರೋಪಕ್ಕೆ ರವಿಶ್ರೀವತ್ಸ ಕೊಟ್ಟಿರುವ ಪ್ರತಿಕ್ರಿಯೆ ಏನು..?

೧೭ರ ಅಕ್ಟೋಬರ್ ಸಂಜೆ ೭ರ ವೇಳೆಗೆ ಟಿವಿ ಮಾಧ್ಯಮದಲ್ಲಿರುವ ನನ್ನ ಸಂಬಂಧಿಯಿಂದ ನನಗೊಂದು call ಬರುತ್ತೆ.. “ಯಾರೋ ಒಬ್ಬ ನಟಿ ಈ ರೀತಿ ನಿಮ್ಮ ಮೇಲೆ ಆರೋಪ ಮಾಡಿದ್ದಾರೆ, ಅವರ ಆರೋಪಗಳಿಗೆ ನಿಮ್ಮ ಉತ್ತರ ಏನೂ?”

ನಾನು ಆಶ್ಚರ್ಯಕರವಾಗಿ ಹನ್ನೆರಡು ವರುಷಗಳ ನಂತರ ಅದೂ ಈಗ ಈ ರೀತಿ ಹೇಳಿಕೇನಾ? ಇದೆಲ್ಲ ಅಸಹ್ಯ! ಹೋಗಲಿ ಬಿಟ್ಟು ಬಿಡೂ ಅಣ್ಣಯ್ಯ, ಆರೋಪ, ಆಪಾದನೆ, ನಿಂದನೆ ಇವುಗಳಿಗೆ ತಿರಸ್ಕಾರವೇ ಮದ್ದು ಎಂದು ಹೇಳುತ್ತಾ ಕರೆ ಕೊನೆಗಳಿಸಿದೆ.

ಆದರೆ ಅದರ ನಂತರ ನನ್ನ ಫೋನ್ ನಿರಂತರವಾಗಿ ಒಂದಲ್ಲ ಒಂದು ಕರೆ ಹೊತ್ತು ತರಲಿಕ್ಕೆ ಶುರುಮಾಡಿತು.. ಕರೆ ಮಾಡಿದ ಪ್ರತಿಯೊಬ್ಬ ಮಿತ್ರರೂ, “ನೀವು ಯಾಕೆ ಮಾತಾಡ್ತಿಲ್ಲಾ? ಯಾಕೆ ಸುಮ್ಮನೆ ಆರೋಪ ಹೊತ್ತು ಕೂರ್ತಾ ಇದ್ದೀರಿ?? ಸತ್ಯಾ ಅಸತ್ಯತೆಗಳೇನು” ಅಂತ ಕೇಳಿಕ್ಕೆ ಶುರುಮಾಡಿದರು. ಮೌನವಾಗೇ ಇದ್ದೇ ಆದರೇ..

ನನ್ನ ಮೌನಕ್ಕೆ ತಪ್ಪಾದ ಅರ್ಥ ಹೊರಹೊಮ್ಮಲಿಕ್ಕೆ ಶುರುವಾಗಿತ್ತು,

“ಹೆಣ್ಣು ಮಗಳು” ಮಾತಿಗೆ ಮಾತು ಬೇಡಾ, ಅದೂ ನನ್ನ ಸಿನಿಮಾ ಕುಟುಂಬದ ಸಂಬಂಧಗಳನ್ನ ಹಾಳುಮಾಡುತ್ತೆ ಅಂತ ಸುಮ್ಮನಾಗಿದ್ದೆ..

But it was an issue of my Credentials! Life!! Career!!! Above all the Film n Other Films which has given Name Fame Bread n Butter everything to me!!!!

ಮೌನವನ್ನ ಮುರಿಯದಿದ್ದಲ್ಲಿ ಸುಳ್ಳಿನ ಆರೋಪಗಳಿಗೆ ನಾನೆ ನೀರೆರೆದೂ ಆಕೆಯನ್ನ ಮತ್ತಷ್ಟು ಬೆಳೆಸಿದಂತಾಗುತ್ತದೆಂದೂ ಭಾವಿಸಿದೆ.

Well, ನಾನಗೆ ಜನುಮ ಕೊಟ್ಟವರು ಒಂದು ಹೆಣ್ಣು! ತಾಯಿ!! ನಾನು ಪ್ರತಿಯೊಬ್ಬ ಹೆಣ್ಣುಮಗಳನ್ನು ಗೌರವಿಸುತ್ತೇನೆ. ಅದು ಎಷ್ಟರಮಟ್ಟಿಗೆ ಸರೀ ಎಂಬುದೂ ನನ್ನೊಟ್ಟಿಗೆ ಇರುವವರಿಗೆ ಗೊತ್ತು, ಬಲ್ಲವರಿಗೆ ಗೊತ್ತು, ಇಲ್ಲಿರುವ ನನ್ನ ಅಕ್ಕ ತಂಗಿಯರಿಗೂ ಗೊತ್ತು.

ನಟಿಯೆಂದು ಕರೆಸಿಕೊಳ್ಳುವ ಆ ಹೆಣ್ಣು ಮಗಳ ಮಾತಿನ ಹಿಂದಿರುವ ಉದ್ದೇಶಗಳೇನೂ ನನಗೆ ಗೊತ್ತಿಲ್ಲ..

ಸಾಕ್ಷಿ ಪುರಾವೆಗಳಿಲ್ಲದೇ ಏಕಾಏಕಿ ಮಾಧ್ಯಮದ ಮುಂದೇ ಅವರಿವರಲ್ಲಿ, ಈ ಫೇಸ್ ಬುಕ್, ಟ್ವಿಟರ್, ಇನ್ಸ್ತಗ್ರಮ್ ಅಲ್ಲಿ ಇಲ್ಲಿ ಮಾತಾಡುವುದು, ಪ್ರಚಾರಕ್ಜೆ ಸುಖಾಸುಮ್ಮನೆ ಕೂರುವುದು ಸರಿ ಅಲ್ಲಾ, ಕಾರಣ…

ನಾನು ನಿರ್ದೇಶಕ ರವಿ ಶ್ರೀವತ್ಸ!! ಎಲ್ಲವನ್ನ ಇಟ್ಕೊಂಡೂ ಬೊಂಬೆ ಆಡ್ಸೊನು..

೨೪ ವರುಷದ ನನ್ನ ವೃತ್ತಿ ಜೀವನಕ್ಕೆ ಈಗ ಮತ್ತೊಂದು ತಿರುವು

ಸ್ನೇಹಿತರೇ, ಇಲ್ಲಿಯವರೆಗೆ ನನ್ನ ಜೊತೆಯಾಗಿದ್ದರೀ, ನಡೆಸ್ಕೊಂಡು ಕರ್ಕೊಂಡು ಬಂದ್ರೀ, ನನ್ನ ಹೆಸರಿಗೆ ಒಂದು ಸ್ಥಾನ ಮಾನ ಗೌರವ ಸಿಗುವ ಹಾಗೆ ಮಾಡಿದ್ರೀ….

ಇದೆಲ್ಲ ನನ್ನ ತಂದೆ, ತಾಯಿ, ನನ್ನ ಯಜಮಾನ, ನನ್ನ ಗುರು ಹಿರಿಯರು, ಸ್ನೇಹಿತರು ಮತ್ತು ನೀವೆರಲ್ಲರು ಒಟ್ಟಾಗಿ ಒಂದುಗೂಡಿ ಕೊಟ್ಟಿರುವ ಭಿಕ್ಷೆ!!!

ಸತ್ಯದ ಗೆಲುವಿಗಾಗೀ ಅಸತ್ಯಾನ ಬೆತ್ತಲೆ ಮಾಡಿ ನಿಲ್ಲಸಲೇಬೇಕು ಇದು ಜಗದ ನಿಯಮ! ಹಾಲುಣಿಸಿದ ತಾಯಿಯನ್ನು ಸಮಾಜದ ನಡು ಬೀದಿಯಲ್ಲಿ ಬೆತ್ತಲೆ ಮಾಡಿ ನಿಲ್ಲಸುವ ಮಗ ನಾನಲ್ಲ!! ಇವತ್ತಿಗೂ, ಸಾಯುವ ಕೊನೆ ಘಳಿಗೆಯಲ್ಲಿ ಕೂಡ ನಾನು ಹೆಮ್ಮೆಯಿಂದ ಹೇಳುತ್ತೇನೆ “ಗಂಡ ಹೆಂಡತಿ” ಚಿತ್ರ ಅದು ನನಗೆ ಅನ್ನಕೊಟ್ಟ ತಾಯಿ!!!

ನಿಮ್ಮೆಲ್ಲರ ಆಶೀರ್ವಾದ ಬೆಂಬಲಾನ ನಂಬಿ, ಬೊಂಬೆಯಾಟದ ಮೊದಲನೇ ಷೋ ಈಗ ಶುರು ಮಾಡ್ತಾ ಇದ್ದೇನೆ.. ಕೆಳಗೆ ಇರುವ ವೀಡಿಯೋ ಲಿಂಕ್ ನ ಒಮ್ಮೆ ಸಂಪೂರ್ಣವಾಗಿ ನೋಡಿ ಪ್ಲೀಸ್‌.

Deadly is Mr. Clean and Mr. Perfect ಅಂತ ಮತ್ತೆ ಪ್ರೂವ್ ಮಾಡಿ ತೋರುಸ್ತೀನಿ.
ನೆನಪಿರಲೀ….
ನಾವು “ಕನ್ನಡಿಗರು” ಮೊದಲು ಬಿಟ್ಟು ಆಮೇಲೆ ಹೊಡಿತೀವಿ!!!
ಧನ್ಯೋಸ್ಮಿ
ಡೆಡ್ಲಿ ….

https://www.facebook.com/plugins/post.php?href=https%3A%2F%2Fwww.facebook.com%2Fravisrivatsa%2Fposts%2F10210116721272991&width=500

https://www.facebook.com/plugins/post.php?href=https%3A%2F%2Fwww.facebook.com%2Fravisrivatsa%2Fposts%2F10210116335223340&width=500

https://www.facebook.com/plugins/post.php?href=https%3A%2F%2Fwww.facebook.com%2Fravisrivatsa%2Fposts%2F10210114926268117&width=500

ಸರ್ಜಾ ಮೇಲೆ #MeToo ವಿಷ ಬಾಣ :ತಾರಾ,ಸುಧಾರಾಣಿ ಆಯ್ತು ಇದೀಗ ಖುಷ್ಬೂ ಸರದಿ

ಅರ್ಜುನ್ ಸರ್ಜಾ ವಿರುದ್ಧ ಕೇಳಿ ಬಂದಿರುವ #MeToo ಆರೋಪ ಇದೀಗ ಚಂದನವನದಲ್ಲಿ ಬಿರುಗಾಳಿ ಎಬ್ಬಿಸಿದೆ. ದುರಂತ ಅದರೆ ನ್ಯೂಸ್ ಚಾನೆಲ್ ಗಳ ಸ್ಟುಡಿಯೋದಲ್ಲಿ ಶೃತಿ ಆರೋಪದ ಬಗ್ಗೆ ಚರ್ವಿತ ಚರ್ವಣ ಚರ್ಚೆಯಾಗುತ್ತಿದೆ. ನಿಜಕ್ಕೂ ನ್ಯಾಯ ಸಿಗಬೇಕಾದರೆ, ಪೊಲೀಸ್ ಮತ್ತು ನ್ಯಾಯಾಲಯದಲ್ಲಿ ವಾದ ಪ್ರತಿವಾದ ನಡೆಯಬೇಕಾಗಿದೆ. ಚಾನೆಲ್ ಗಳಲ್ಲಿ ಚರ್ಚೆಯಾದರೆ ಯಾರಿಗೆ ನ್ಯಾಯ ಸಿಗಲು ಸಾಧ್ಯ.?

ದೂರು ದಾಖಲಾಗದಿದ್ದರೆ, ಪ್ರಕರಣಕ್ಕೆ ತಾರ್ಕಿಕ ಅಂತ್ಯ ಸಿಗಲು ಸಾಧ್ಯವೇ. ಇದನ್ನು ಎಲ್ಲರೂ ಯೋಚನೆ ಮಾಡಬೇಕಾಗಿದೆ.

ಈ ನಡುವೆ ಅರ್ಜುನ್ ಪರ ಬ್ಯಾಟಿಂಗ್ ಮಾಡಿರುವ ಖುಷ್ಬೂ,ಇಡೀ ಜಗತ್ತೇ ಅರ್ಜುನ್ ಸರ್ಜಾರತ್ತ ಬೊಟ್ಟು ಮಾಡಿದರೂ ನಾನು ನಂಬುವುದಿಲ್ಲ ಎಂದು ಹೇಳಿದ್ದಾರೆ.

ಅರ್ಜುನ್ ಸರ್ಜಾರನ್ನು ನಾನು 34 ವರ್ಷಗಳಿಂದಲೂ ನೋಡಿದ್ದೇನೆ. ನನ್ನ ಮೊದಲ ಚಿತ್ರದ ಹೀರೋ ಅರ್ಜುನ್. ಮೊದಲ ಬಾರಿಗೆ ನನ್ನನ್ನು ರಕ್ಷಣೆ ಮಾಡಿದ್ದ ಹೀರೋ ಅವರು. ಅವರು ಎಂದಿಗೂ ಅಸಭ್ಯವಾಗಿ ವರ್ತಿಸಿಲ್ಲ. ಸರ್ಜಾ ವಿರುದ್ಧ ಈ ರೀತಿಯ ಆರೋಪ ಕೇಳಿ ನನಗೆ ಅಚ್ಚರಿಯಾಯಿತು. ಕನ್ನಡ, ತೆಲುಗು ಮತ್ತು ತಮಿಳು ಭಾಷೆಯ ಸಿನಿಮಾಗಳಲ್ಲಿ ಇಬ್ಬರೂ ಒಟ್ಟಾಗಿ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿದ್ದೇವೆ.

ಸರ್ಜಾ ಮೇಲಿನ ಆರೋಪ ಅವರ ಎರಡು ಹೆಣ್ಣು ಮಕ್ಕಳ ಮೇಲೆ ಎಂತಹ ಪರಿಣಾಮ ಬೀರಿರುತ್ತದೆ ಎಂದು ನನಗೆ ತಿಳಿದಿದೆ. ನಾನು ಗ್ಯಾರೆಂಟಿ ಕೊಡುತ್ತೇನೆ. ಅರ್ಜುನ್ ಎಂದಿಗೂ ಯಾರೊಂದಿಗೂ ಆ ರೀತಿ ನಡೆದುಕೊಂಡಿರುವುದಿಲ್ಲ. ಇಡೀ ಜಗತ್ತೇ ಅವರತ್ತ ಕೈ ತೋರಿದರೂ ನಾನು ನಂಬುವುದಿಲ್ಲ. ಅವರ ಪರ ನಾನು ಮಾತನಾಡಲಿಲ್ಲ ಅಂದ್ರೆ ನನಗೆ ಶೇಮ್ ಅಗುತ್ತದೆ. ಅವರ ಕುಟುಂಬದಂತೆಯೇ ನಾನು ಅವರನ್ನು ನಂಬುತ್ತೇನೆ. ನಾನು ನಿನ್ನ ಪರ ಇದ್ದೇನೆ ಎಂದು ನಟ ಅರ್ಜುನ್‌ ಸರ್ಜಾಗೆ ಬೆಂಬಲ ನೀಡಿದ್ದಾರೆ.

ಈ ನಡುವೆ ಹಿರಿಯ ನಟಿ ಸುಧಾರಾಣಿ ಈ ಬಗ್ಗೆ ಮಾಧ್ಯಮಗಳ ಜೊತೆ ಮಾತನಾಡಿ, ಶೃತಿ ಅವರು ಮಾಡಿರುವ ಆರೋಪ ಎಷ್ಟು ಸತ್ಯ ಎಂಬುದು ನನಗೆ ಗೊತ್ತಿಲ್ಲ. ನಾನು ಅರ್ಜುನ್ ಸರ್ಜಾ ಅವರ ಜೊತೆ ಹಲವು ವರ್ಷಗಳಿಂದ ಕೆಲಸ ಮಾಡಿದ್ದೇನೆ. ಅವರು ನನಗೆ ಒಳ್ಳೆಯ ಸ್ನೇಹಿತ, ನನಗೆ ಅವರಿಂದ ಯಾವುದೇ ರೀತಿಯ ಅನುಭವವಾಗಿಲ್ಲ. ಇದೇ ಮೊದಲ ಬಾರಿಗೆ ಈ ರೀತಿ ಆರೋಪ ಕೇಳಿ ಬಂದಿದೆ ಎಂದಿದ್ದಾರೆ.

ಬೆಂಗಳೂರಿಗೆ ಎಂಟ್ರಿ ಕೊಟ್ಟ ಅಣ್ಣಾಮಲೈ ಮೊದಲ ದಿನ ಮಾಡಿದ್ದೇನು ಗೊತ್ತಾ..?

ಬೆಂಗಳೂರು ದಕ್ಷಿಣ ವಿಭಾಗದ ಡಿಸಿಪಿಯಾಗಿ ಅಣ್ಣಾಮಲೈ ಅವರು ಇಂದು ಅಧಿಕಾರ ಸ್ವೀಕಾರ ಮಾಡಿದ್ದಾರೆ.
ಖಡಕ್ ಆಫೀಸರ್ ಅಂತಾ ಫೇಮಸ್ ಆಗಿರುವ ಅಣ್ಣಾಮಲೈ,ನಿರ್ಗಮಿತ ಡಿಸಿಪಿ ಡಾ. ಶರಣಪ್ಪ ಎಸ್.ಡಿ. ಅವರಿಂದ ದಂಡ ಸ್ವೀಕರಿಸಿದರು.

ಇದಕ್ಕೂ ಮುನ್ನ ಅಣ್ಣಾಮಲೈ ತಮ್ಮ ಅಧಿಕಾರ ವ್ಯಾಪ್ತಿಯನ್ನು, ಏರಿಯಾವನ್ನು ಪರಿಚಯ ಮಾಡಿಕೊಂಡರ. ಅಧಿಕಾರ ಸ್ವೀಕರಿಸಿದ ನಂತರ ಎಲ್ಲಾ ಠಾಣೆಗಳಿಗೆ ತೆರಳಿ ಸಿಬ್ಬಂದಿ ಜೊತೆ ಮಾತುಕತೆ ನಡೆಸಿದ್ದಾರೆ.

ಅಧಿಕಾರ ಸ್ವೀಕರಿಸಿದ ಮೊದಲ ದಿನವೇ ಎಲ್ಲಾ ಠಾಣೆಗಳಿಗೆ ತೆರಳಿದ ಅಧಿಕಾರಿಗಳು ಬೆರಳೆಣಿಕೆ ಮಂದಿ ಅನ್ನುವುದು ಇಲ್ಲಿ ಗಮನಾರ್ಹ.

ರಾಮನಗರ, ಉಡುಪಿ, ಚಿಕ್ಕಮಗಳೂರಿನಲ್ಲಿ ಸೇವೆ ಸಲ್ಲಿಸಿದ್ದ ಅಣ್ಣಾ ಮಲೈ ಕಾಫಿನಾಡಿನಲ್ಲಿ ಖಡಕ್ ಅಧಿಕಾರಿಯಾಗಿ ಜನಪ್ರಿಯತೆ ಪಡೆದಿದ್ದರು. ನಕ್ಸಲ್,ಮಟ್ಕಾ ದಂಧೆ ಸೇರಿದಂತೆ ಅನೇಕ ಸಮಾಜಘಾತುಕ ಶಕ್ತಿಗಳನ್ನು ಹೊಸಕಿ ಹಾಕಿದ ಖ್ಯಾತಿ ಇವರದ್ದು. ದತ್ತಪೀಠ ವಿವಾದ ತಾರಕಕ್ಕೇರಿದಾಗ ಲಾಠಿ ಹಿಡಿದು ಕಾನೂನು ಸುವ್ಯವಸ್ಥೆ ಕಾಪಾಡಿದ ಹಿರಿಮೆ ಇವರದ್ದು.

ಒಂದೆಡೆ ರೌಡಿಗಳ ಚಳಿ ಬಿಡಿಸಿದ್ರೆ ಮತ್ತೊಂದು ಕಡೆ, ತಮ್ಮ ಇಲಾಖೆ ಸಿಬ್ಬಂದಿ ಮೇಲೂ ಕಟ್ಟು ನಿಟ್ಟಿನ ನಿಯಮಗಳನ್ನು ಜಾರಿಗೆ ತಂದಿದ್ದರು. ಹೊಟ್ಟೆ ಹೊತ್ತ ಅಧಿಕಾರಿಗಳ ತೂಕ ಕರಗಿಸಲು ವರ್ಗಾವಣೆ ಆಫರ್ ಕೊಟ್ಟು, ತಮ್ಮ ಕೈ ಕೆಳಗಿನ ಸಿಬ್ಬಂದಿಯನ್ನು ಫಿಟ್ ಆಗಿಸಿದ್ದರು.

ಈವರೆಗಿನ ತಮ್ಮ ಸೇವಾವಧಿಯಲ್ಲಿ ಬೆಂಗಳೂರಿಗೆ ಮೊದಲ ಬಾರಿಗೆ ಅಣ್ಣಾಮಲೈ ಎಂಟ್ರಿ ಕೊಟ್ಟಿದ್ದಾರೆ.
ಈಗಾಗಲೇ ತಮ್ಮ ಸಬ್ ಡಿವಿಶನ್ ಬಗ್ಗೆ ಪರಿಚಯ ಮಾಡಿಕೊಂಡಿರುವ ಅಣ್ಣಾಮಲೈ, ಮಾಧ್ಯಮದವರ ವಾಟ್ಸಾಪ್ ಗ್ರೂಪ್ ನಲ್ಲಿ ನನ್ನ ನಂಬರ್ ಸೇರಿಸಿಕೊಳ್ಳಿ ಎಂದು ಮನವಿ ಮಾಡಿದ್ದಾರೆ.

ಜನರಿಗಾಗಿ ನೀವು ನಮಗೆ ಸಹಕಾರ ಕೊಡಿ, ನಿಮಗೆ ನಾವು ಸಹಕಾರ ಕೊಡುತ್ತೇವೆ. ಟಿವಿಯಲ್ಲಿ ಬರುವಷ್ಟು ದೊಡ್ಡ ಮನುಷ್ಯ ನಾನಲ್ಲ. ಹಾಗಂತ ಸುದ್ದಿ ವಾಹಿನಿಗಳ ಕ್ಯಾಮಾರ ಬೈಟ್ ಅಗತ್ಯ ಇತ್ತು ಅಂದರೆ ಖಂಡಿತಾ ಕೊಡುತ್ತೇನೆ ಅನ್ನುವ ಮೂಲಕ, ದಕ್ಷಿಣ ವಿಭಾಗದಲ್ಲಿ ತಮ್ಮ ಕಾರ್ಯ ಪ್ರಾರಂಭಿಸಿದ್ದಾರೆ.

ನಾನು ಈಗ ಮಗುವಾಗಿದ್ದೇನೆ. ಮಗು ಹುಟ್ಟಿದ್ದಾಗ ಹೇಗೆ ಇರುತ್ತೋ ಹಾಗಿದ್ದೇನೆ. ಬೆಂಗಳೂರು ಬಗ್ಗೆ ನನಗೆ ಏನೂ ಗೊತ್ತಿಲ್ಲ. ಸಿಟಿಯ ಏರಿಯಾಗಳ ಹೆಸರು ಕೂಡಾ ಗೊತ್ತಿಲ್ಲ. ಒಂದು ವಾರದಲ್ಲಿ ಎಲ್ಲಾ ತಿಳಿದುಕೊಳ್ಳುತ್ತೇನೆ ಎಂದು ಮುಗ್ದವಾಗಿ ಹೇಳಿದ್ದಾರೆ.

ಆದರೆ ಅಣ್ಣಾ, ಬೆಂಗಳೂರಿಗೆ ಬರುವಾಗ ಹೋಮ್ ವರ್ಕ್ ಮಾಡಿ ಬಂದಿದ್ದಾರೆ ಅನ್ನುವುದು ಪಕ್ಕಾ. ಬೆಂಗಳೂರಿನಲ್ಲಿ ಸುದ್ದಿಗಳು ಪೊಲೀಸರಿಗೆ ತಲುಪುವ ಮುನ್ನ ವರದಿಗಾರರಿಗೆ ತಲುಪುತ್ತದೆ ಅನ್ನುವ ಅರಿವು ಅವರಿಗಿದೆ. ಅದರಲ್ಲೂ ಅಪರಾಧ ಸುದ್ದಿಗಳು ಪೊಲೀಸರ ಕಿವಿಗೆ ಬೀಳುವ ಮುನ್ನ, ಟಿವಿಗಳಲ್ಲಿ Breaking news  ಆಗಿರುತ್ತದೆ. ಹೀಗಾಗಿಯೇ ಎಲ್ಲಿಂದ ಕೆಲಸ ಪ್ರಾರಂಭಿಸಬೇಕು. ಯಾರ ವಿಶ್ವಾಸವಿಟ್ಟುಕೊಳ್ಳಬೇಕು ಎಂದು ಅರಿತು, ಸಿಲಿಕಾನ್ ಸಿಟಿಗೆ ಎಂಟ್ರಿ ಕೊಟ್ಟಿದ್ದಾರೆ. ಗುಡ್ ಲಕ್ ಸಾರ್.

ಧೃವ ಸರ್ಜಾರೊಂದಿಗೆ ಅವಕಾಶ ಸಿಕ್ಕಿಲ್ಲ ಎಂದು #MeToo ಬಾಣ ಹೂಡಿದರೇ… ಶೃತಿ ಹರಿಹರನ್…?

ಚಂದನವನದಲ್ಲಿ ಎದ್ದಿರುವ #MeToo ಆಂದೋಲನವನ್ನು ಹೊಸಕಿ ಹಾಕುವ ಕೆಲಸ ನಡೆಯುತ್ತಿದೆಯೇ.. ಇಲ್ಲ ಅನ್ನುವಂತಿಲ್ಲ. ಆಂದೋಲನದಲ್ಲಿ ಬರಬಾರದ ಮುಖಗಳು ಪ್ರವೇಶ ಮಾಡಿರುವುದರಿಂದ ಹೋರಾಟ ಹಾದಿ ತಪ್ಪುತ್ತಿದೆ.

ಪ್ರಕಾಶ್ ರೈ ಮತ್ತು ಚೇತನ್ ಎಂಟ್ರಿಯಿಂದ ಹೋರಾಟ ರಾಜಕೀಯ ಬಣ್ಣದೊಂದಿಗೆ ಹೊಳೆಯಲಾರಂಭಿಸಿದೆ. ಬಣ್ಣ ಬಳಿದರೋ, ಬಣ್ಣ ಬಯಲಾಯ್ತೋ ಗೊತ್ತಿಲ್ಲ.

ಈ ನಡುವೆ ನಟ ಅರ್ಜುನ್ ಸರ್ಜಾ ವಿರುದ್ಧ ಮಾಡಿರುವ ಮೀಟೂ ಆರೋಪ ಹಿಂದೆ ಹಳೆಯ ದ್ವೇಷ ಇದೆ ಎಂದು ಫೀಲ್ಮ್ ಚೇಂಬರ್ ಕಾರ್ಯದರ್ಶಿ ಭಾಮಾ ಹರೀಶ್ ಆರೋಪಿಸಿದ್ದಾರೆ.

bama1

ಖಾಸಗಿ ವಾಹಿನಿಯೊಂದರ ಚರ್ಚಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಅವರು, ಚೇಂಬರ್ ಗೆ ಲಭಿಸಿರುವ ಮಾಹಿತಿಗಳ ಪ್ರಕಾರ ನಟಿ ಶೃತಿ ಹರಿಹರನ್ ಅವರು ಅರ್ಜುನ್ ಸರ್ಜಾ ಅವರ ಅಳಿಯ ಧೃವ ಸರ್ಜಾರೊಂದಿಗೆ ನಟಿಸುವ ಅವಕಾಶ ನೀಡಲು ಮನವಿ ಮಾಡಿದ್ದರು.

ಈ ವೇಳೆ ಅವರ ಜೋಡಿ ಹಾಗೂ ವಯಸ್ಸಿನ ಹೊಂದಾಣಿಕೆ ಕಾರಣ ನೀಡಿ ಅರ್ಜುನ್ ಸರ್ಜಾ ಅವರು ಶೃತಿ ಅವರ ಮನವಿಯನ್ನು ನಿರಾಕರಿಸಿದ್ದರು. ಅಂದಿನ ದ್ವೇಷ ದೊಡ್ಡದಾಗಿ ಇಂದು ಮೀಟೂವರೆಗೂ ಬಂದಿದೆ ಎಂದು ಆರೋಪಿಸಿದ್ದಾರೆ.

Sruthi-Arjun

ದ್ವೇಷದಿಂದ ಆರೋಪ ಮಾಡಿದ್ದಾರೆ. ಇದು ಸರಿಯಲ್ಲ. ಇಲ್ಲ ಸಲ್ಲದ ಆರೋಪ ಮಾಡುವುದು ಉತ್ತಮ ಬೆಳವಣಿಗೆ ಅಲ್ಲ ಎಂದಿರುವ ಭಾಮಾ ಹರೀಶ್ ದೊಡ್ಡದೊಂದು ಬಾಂಬ್ ಸಿಡಿಸಿದ್ದಾರೆ.

ಬೇರೆ ಯಾರಾದರೂ ಈ ಮಾತು ಹೇಳಿದ್ರೆ ತೇಲಿಸಿ ಬಿಡಬಹುದಿತ್ತು. ಹೇಳಿರುವುದು ಫಿಲ್ಮ್ ಚೇಂಬರ್ ಕಾರ್ಯದರ್ಶಿ, ಹೀಗಾಗಿ ಆರೋಪವನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಕಿದೆ.

ಜೊತೆಗೆ ಸರ್ಜಾ ವಿರುದ್ಧ ಆರೋಪ ಬಂದ ವೇಳೆ ಧೃವ ಸರ್ಜಾ ಅಬ್ಬರಿಸಿದ ರೀತಿಯೂ ಇದಕ್ಕೆ ಪುಷ್ಟಿ ನೀಡಿದೆ.

ಈಗಾಗಲೇ 10 ಲಕ್ಷದ ವಿಚಾರಕ್ಕೆ ಸಂಬಂಧಿಸಿದಂತೆ ಚೇತನ್ ಮತ್ತು ಅರ್ಜುನ್ ಸರ್ಜಾ ನಡುವೆ ಭಿನ್ನಾಭಿಪ್ರಾಯ ಮೂಡಿತ್ತು. ಹೀಗಾಗಿ ಚೇತನ್ ಆಂದೋಲನದ ಲಾಭ ಪಡೆದುಕೊಳ್ಳುತ್ತಿದ್ದಾರೆ ಅನ್ನುವ ಆರೋಪ ಈಗಗಾಲೇ ಕೇಳಿ ಬಂದಿದೆ.

ಸರ್ಜಾ ಬಳಿ ದುಡ್ಡು, ಹೆಸರಿದೆ: ಶೃತಿ ಬೆನ್ನಿಗೆ ನಿಂತ ಸಂಯುಕ್ತಾ ಹೆಗ್ಡೆ

ನಟ ಅರ್ಜುನ್ ಸರ್ಜಾ ವಿರುದ್ಧ ಮೀಟೂ ಆರೋಪ ಮಾಡಿದ್ದ ಶೃತಿ ಹರಿಹರನ್ ಬೆನ್ನಿಗೆ ಶ್ರದ್ಧಾ ಶ್ರೀನಾಥ್ ಹಾಗೂ ರಾಗಿಣಿ ದ್ವಿವೇದಿ ನಿಂತ ಬೆನ್ನಲ್ಲೇ ಇದೀಗ ಮತ್ತೊಬ್ಬ ನಟಿ ಸಂಯುಕ್ತಾ ಹೆಗ್ಡೆ ಕೂಡ ಅವರಿಗೆ ಸಾಥ್ ನೀಡಿದ್ದಾರೆ.

ಹರಿಹರನ್ ಕಿರಿಕ್ ಹುಡುಗಿ ಸಂಯುಕ್ತಾ ಹೆಗ್ಡೆ ಬ್ಯಾಟ್ ಬೀಸಿದ್ದು, ಟ್ವೀಟ್ ಮೂಲಕ ಬೆಂಬಲ ವ್ಯಕ್ತಪಡಿಸಿರುವ ಸಂಯುಕ್ತಾ ಸರ್ಜಾ ಕುಟುಂಬದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ನಮ್ಮ‌ ಚಿತ್ರರಂಗದಲ್ಲಿ ಹೆಣ್ಣು ಮಕ್ಕಳು ‌ಮುಂದೆ ಬಂದು ತಮಗಾದ ಅನ್ಯಾಯದ ಬಗ್ಗೆ ಮಾತನಾಡಲು ಭಯಪಡುತ್ತಾರೆ. ನಮ್ಮಂತ ನಟಿಯರು ಧೈರ್ಯವಾಗಿ ಮುಂದೆ ಬಂದು ಮಾತನಾಡಿದರೆ ಟೀಕೆ ಮತ್ತು ಟ್ರೋಲ್ಗೆ ಗುರಿಯಾಗುತ್ತೇವೆ. ಈಗ ಶ್ರುತಿ ಬಗ್ಗೆಯು ಎಲ್ಲ ವಿರೋಧ ವ್ಯಕ್ತಪಡಿಸುತ್ತಿದ್ದಾರೆ ಎಂದು ಕಿಡಿಕಾರಿದ್ದಾರೆ.

ಹೌದು ಸರ್ಜಾ ಅವರ ಕುಟುಂಬಕ್ಕೆ ಇತಿಹಾಸವಿದೆ. ಪವರ್ ಇದೆ ಹಾಗೂ ಹಣ ಬಲ ಇದೆ. ಹಾಗಂತ ಅವರಿಗೆ ಅಸಹ್ಯವಾಗಿ ನಡೆದಕೊಳ್ಳುವ ಅಧಿಕಾರ ಕೊಟ್ಟವರು ಯಾರು? ನಮ್ಮ ಚಿತ್ರರಂಗದಲ್ಲಿ ನಾವು ಈ ರೀತಿಯ ಹೋರಾಟದಲ್ಲಿ ಸೋಲುತ್ತೇವೆ. ಅನೇಕರು ಶ್ರುತಿ ಹೇಳಿದ ಮಾತನ್ನು ಸುಳ್ಳು ಎನ್ನುತ್ತಿದ್ದಾರೆ. ಬೇರೆ ಸ್ಥಳದಿಂದ ಬಂದು ಇಲ್ಲಿ ಭಾಷೆ ಕಲಿತು ಸುಳ್ಳು ಹೇಳುತ್ತಾರೆ ಎನ್ನುವ ಆರೋಪ ಮಾಡುತ್ತಾರೆ. ಇದು ಎಷ್ಟರ ಮಟ್ಟಿಗೆ ಸರಿ ಎಂದು ಪ್ರಶ್ನಿಸಿದರು.

ನಾಯಕಿಯರಿಗೆ ಸಂಭಾವನೆಯಲ್ಲಂತೂ ಸಮಪಾಲು ಇಲ್ಲ. ಹಾಗಂತ ಈ ವಿಚಾರವನ್ನು ಪ್ರಶ್ನೆ ಮಾಡಬಾರದೇ? ತಪ್ಪನ್ನು ಪ್ರಶ್ನಿಸುವ ಹಕ್ಕು ಎಲ್ಲರಿಗೂ ಇದೆ. ನ್ಯಾಯಕ್ಕಾಗಿ ಹೋರಾಟ ಮಾಡಲೇ ಬೇಕು. ನಿಮ್ಮ ಮನೆ ಹಣ್ಮಕ್ಕಳಿಗೆ ಹೀಗಾಗಿದ್ದರೆ ಸುಮ್ಮನಿರುತ್ತೀರಾ ಅಂತ ಕಿರಿಕ್ ನಟಿ ಸಂಯುಕ್ತಾ ಹೆಗ್ಡೆ ಪ್ರಶ್ನಿಸಿದ್ದಾರೆ. ಎಂದು ಟೀಕಾ ಪ್ರಹಾರ ನಡೆಸಿದ್ದಾರೆ.

ನಟಿ ರಾಗಿಣಿ ಕೂಡ ಶೃತಿ ಹರಿಹರನ್ ಬೆನ್ನಿಗೆ ನಿಂತಿದ್ದು, ಮೀಟೂ ಅಭಿಯಾನದಿಂದ ಸಮಸ್ಯೆ ಹೇಳಿಕೊಳ್ಳುವುದು ಒಳ್ಳೆಯ ವಿಷಯ. ಅದನ್ನು ಕೆಲವರು ದುರುಪಯೋಗ ಪಡಿಸಿಕೊಳ್ಳುತ್ತಿದ್ದಾರೆ. ಆದರೆ ಶೃತಿ ಹರಿಹರನ್ ಒಳ್ಳೆ ಹುಡುಗಿ, ಅನಗತ್ಯವಾಗಿ ಹೇಳಿಕೊಳ್ಳಲ್ಲ. ಶೃತಿ ಅವರಿಗೆ ನಿಜವಾಗಿ ಅಂತಹ ಘಟನೆ ನಡೆದಿದ್ದರೆ ತಪ್ಪು ಮಾಡಿದವರಿಗೆ ಶಿಕ್ಷೆ ಆಗಬೇಕು. ಮೀಟೂ ಅಭಿಯಾನವನ್ನು ಯಾರು ಕೂಡ ಸ್ವಾರ್ಥಕ್ಕೆ ಬಳಸುವುದು ಸರಿಯಲ್ಲ ಎಂದು ತಿಳಿಸಿದ ರಾಗಿಣಿ, ಪ್ರತಿ ದಿನ ಈ ಅಭಿಯಾನ ಹೆಚ್ಚಾಗುತ್ತಿದೆ. ಇದು ಕೇವಲ ಹುಡುಗಿಯರಿಗೆ ಮಾತ್ರವಲ್ಲ, ಹುಡುಗರಿಗೂ ಅನ್ವಯವಾಗುತ್ತದೆ. ಈ ಅಭಿಯಾನ ಆಗುತ್ತಿರುವುದು ನನಗೆ ಸಂತಸ ತಂದಿದೆ. ನಾನು ಮೀಟೂ ಪರವಾಗಿ ನಿಲ್ಲುತ್ತೇನೆ ಎಂದಿದ್ದಾರೆ.