ರಶ್ಮಿಕಾ V/S ಅಭಿಮಾನಿಗಳು –  ಅತೀಯಾದ ರೋಮಾನ್ಸ್ ಅಪಾಯಕಾರಿ

ಕಿರಿಕ್ ಪಾರ್ಟಿಯ ಬೆಡಗಿ ಸದಾ ಸುದ್ದಿಯಲ್ಲಿರುತ್ತಾರೆ. ಸದ್ದು ಮಾಡುತ್ತಿರುತ್ತಾರೆ. ಅವರ ನಟಿಸಿದ ಪ್ರತಿಯೊಂದು ಸಿನಿಮಾವೂ ಸಾಮಾಜಿಕ ಜಾಲ ತಾಣಗಳಲ್ಲಿ ಸದ್ದು ಮಾಡುತ್ತದೆ.

ಕೆಲ ದಿನಗಳಿಂದ ಗೀತಾ ಗೋವಿಂದಂ ತೆಲುಗು ಚಿತ್ರದ ಆಡಿಯೋ ಲಾಂಚ್ ಕಾರ್ಯಕ್ರಮದಲ್ಲಿ ಆಡಿದ ಮಾತಿನ ಕಾರಣದಿಂದ ವೈರಲ್ ಆಗಿರುವ ರಶ್ಮಿಕಾ ಇದೀಗ ರೋಮಾನ್ಸ್ ಕಾರಣಕ್ಕೆ ಟ್ರೋಲ್ ಆಗುತ್ತಿದ್ದಾರೆ.

ಅಲ್ಲು ಅರ್ಜುನ್-ವಿಜಯ್ ಅಭಿಮಾನಿಗಳಿಗೆ ರಶ್ಮಿಕಾ ಆ್ಯಸಿಡ್ ಹಾಕ್ತಾರಂತೆ

ಗೀತಾ ಗೋವಿಂದಂ ಚಿತ್ರದಲ್ಲಿ ನಟ ವಿಜಯ್ ದೇವರಕೊಂಡ ಜೊತೆ ಅತಿಯಾದ ರೋಮಾನ್ಸ್ ಮಾಡಿರುವುದಕ್ಕೆ ಅಭಿಮಾನಿಗಳು ರಶ್ಮಿಕಾ ಮಂದಣ್ಣ ಮೇಲೆ ಬೇಸರ ಮಾಡಿಕೊಂಡಿದ್ದಾರೆ.

ಗೀತಾ ಗೋವಿಂದಂ ಚಿತ್ರದ ಪೋಸ್ಟರ್ ಗೆ ಕಮೆಂಟ್ ಮಾಡುತ್ತಿರುವ ಅಭಿಮಾನಿಗಳು ಕಾಲೆಳೆಯುತ್ತಿದ್ದಾರೆ.

tr

ನಟ ರಕ್ಷಿತ್ ಶೆಟ್ಟಿ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದು ಇದೀಗ ಬೇರೆ ನಟನ ಜೊತೆ ಅತಿಯಾದ ರೋಮಾನ್ಸ್ ಮಾಡುವುದು ಸರಿನಾ? ಎಂದು ಟ್ವೀಟರಿಗರು ಪ್ರಶ್ನಿಸಿದ್ದಾರೆ.

ಅಷ್ಟು ಹೊತ್ತು ತಾಳ್ಮೆ ಕಾಪಾಡಿಕೊಂಡಿದ್ದ ರಶ್ಮಿಕಾ, ರಕ್ಷಿತ್ ಹೆಸರು ಪ್ರಸ್ತಾಪವಾದ ಬೆನ್ನಲ್ಲೇ “ಗೀತಾ ಗೋವಿಂದಂ ಚಿತ್ರದಲ್ಲಿ ನಾನು ವಿಜಯ್ ದೇವರಕೊಂಡ ಅವರ ಪತ್ನಿಯಾಗಿ ಅಭಿನಯಿಸಿದ್ದು ಹೀಗಾಗಿ ರೋಮಾನ್ಸ್ ದೃಶ್ಯಗಳು ಇರುವುದು ಸಾಮಾನ್ಯ” ಎಂದಿದ್ದಾರೆ.

ಗೀತಾಗೋವಿಂದಂ ಟೀಸರ್

 ಅಭಿಮಾನಿಗಳ ಕಾಳಜಿಗೂ ಕಾರಣವಿದೆ. ಈ ಹಿಂದೆ ರಶ್ಮಿಕಾ ಅಭಿನಯಿಸಿದ್ದ ಕಿರಿಕ್ ಪಾರ್ಟಿ, ಅಂಜನಿಪುತ್ರ, ಚಮಕ್ ಹಾಗೂ ತೆಲುಗಿನ ಚಲೋ ಚಿತ್ರಗಳಲ್ಲಿ ಇಷ್ಟೊಂದು ರೋಮಾನ್ಸ್ ದೃಶ್ಯಗಳು ಇರಲಿಲ್ಲ. ಆದರೆ ವಿಜಯ್ ದೇವರಕೊಂಡ ಚಿತ್ರದಲ್ಲಿ ಅತಿಯಾದ ರೋಮಾನ್ಸ್ ದೃಶ್ಯಗಳಲ್ಲಿ ರಶ್ಮಿಕಾ ಮಂದಣ್ಣ ನಟಿಸಿದ್ದಾರೆ. ಇದನ್ನು ಅಭಿಮಾನಿಗಳಿಗೆ ಸಹಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಅದು ರಶ್ಮಿಕಾ ಮೇಲಿನ ಕಾಳಜಿಯೋ, ರಕ್ಷಿತ್ ಮೇಲಿನ ಅಕ್ಕರೆ ಅನ್ನಬೇಕೋ ಗೊತ್ತಿಲ್ಲ.

ಪ್ರಥಮ ರಾತ್ರಿಯನ್ನು ಚಿತ್ರೀಕರಿಸಲು ವಿಡಿಯೋಗ್ರಾಫರ್ಸ್ ಬೇಕಾಗಿದ್ದಾರೆ…!

Advertisements

ಸೆಲೆಬ್ರೆಟಿಗಳಿಗೆ ಹಿಡಿದ ಕಿಕಿ ಭೂತವನ್ನು ಬಿಡಿಸುವ ಐಡಿಯಾ ನಿಮ್ಮಲ್ಲಿದೆಯೇ..?

ವಿದೇಶದಿಂದ ಬಂದ ಕಿಕಿ ಭೂತ ಈಗ ಕನ್ನಡದ ಸೆಲೆಬ್ರೆಟಿಗಳ ಮನೆ ಬಾಗಿಲಿಗೆ ಬಂದಿದೆ. ಯಾರನ್ನಾದರೂ ಸಾಯಿಸದೆ ಇವರಿಗೆ ನೆಮ್ಮದಿ ಇಲ್ಲ ಅನ್ನಿಸುತ್ತದೆ. ನಿನ್ನೆ ನಿವೇದಿತಾ ಹುಚ್ಚಾಟ ಮೆರೆದ್ರೆ ಇದೀಗ ನಟಿ ಪ್ರಣೀತಾ ಕೂಡಾ ಚಾಲೆಂಜ್ ತೆಗೆದುಕೊಂಡಿದ್ದಾರೆ.

ಯಾರಪ್ಪ ಈ ಪ್ರಣೀತಾ ಅಂತೀರಾ, ಪೊರ್ಕಿ, ಜರಾಸಂಧ,, ಭೀಮಾ ತೀರದಲ್ಲಿ, ಮಿಸ್ಟರ್ 420 ಹೀಗೆ ಅನೇಕ ಕನ್ನಡ ಸಿನಿಮಾದಲ್ಲಿ ಇವರು ನಟಿಸಿದ್ದಾರೆ. ಜೊತೆಗೆ ತೆಲುಗು, ತಮಿಳು ಚಿತ್ರಗಳಲ್ಲೂ ನಟಿಸಿದ ಅನುಭವ ಇವರಿಗಿದೆ.

ಇಷ್ಟೊಂದು ಅನುಭವ ಇದ್ದರೂ ಮಾಡಿದ್ದು ಮಾತ್ರ ಮೂರನೇ ದರ್ಜೆಯ ಕೆಲಸ. ಸೆಲೆಬ್ರೆಟಿ ಅನ್ನಿಸಿಕೊಂಡವರು ಸಮಾಜಕ್ಕೆ ಮಾದರಿಯಾಗಿರಬೇಕು. ಕಂಟಕವಾಗಬಾರದು. ಒಳ್ಳೆಯದ್ದನ್ನು ಮಾಡಲು ಸಾಧ್ಯವಾಗದಿದ್ದರೂ ಪರವಾಗಿಲ್ಲ. ಕೆಟ್ಟದ್ದನ್ನು ಮಾಡಬಾರದು.

‘ನಿವಿ’ಗೆ ‘ಕಿಕಿ’ ಕಂಟಕ – ಪೊಲೀಸರಿಂದ ಕಾನೂನು ಕ್ರಮದ ಸಾಧ್ಯತೆ

ಆದರೆ ಪ್ರಣೀತಾ ಮಾಡಿದ್ದು ಕಿಕಿ ಡ್ಯಾನ್ಸ್ ಹೆಸರನಲ್ಲಿ ಹುಚ್ಚಾಟ.

ಚಲಿಸುತ್ತಿರುವ ಕಾರಿನಿಂದ ಇಳಿದು ನೃತ್ಯ ಮಾಡುವ ಪ್ರಣೀತಾ, ಕಾರು ಮುಂದೆ ಹೋಗುತ್ತಿದ್ದಂತೆ ಹಿಂದೆ ಓಡೋಡಿ ಬಂದು ಕಾರು ಹತ್ತುವುದು ಸೆರೆಯಾಗಿದ್ದು, ಅದನ್ನೂ ಸಾಮಾಜಿಕ ಜಾಲತಾಣ ಫೇಸ್ ಬುಕ್ ನಲ್ಲಿ ಹಾಕಿಕೊಂಡಿದ್ದಾರೆ.

ಕೆಲ ದಿನಗಳ ಹಿಂದೆ ಇದನ್ನು ಚಿತ್ರೀಕರಿಸಲಾಗಿದ್ದು, ಈಗ ಫೇಸ್ ಬುಕ್ ನಲ್ಲಿ ಹಾಕಿಬಿಟ್ಟಿದ್ದೇನೆ. ಖಾಲಿ ರಸ್ತೆ, ಅಥವಾ ವಸತಿ ಪ್ರದೇಶದಲ್ಲಿ ಇಂತಹ ಚಾಲೆಂಜ್ ಮಾಡಬೇಕು ಎಂದು ಸಲಹೆ ಬೇರೆ ಕೊಟ್ಟಿದ್ದಾರೆ.

ಕಿಕಿ ಚಾಲೆಂಜ್ ಸ್ವೀಕರಿಸಿ ಕನ್ನಡಿಗರಿಂದ ಉಗಿಸಿಕೊಂಡ ನಿವೇದಿತಾ ಗೌಡ – ಚಂದನ್ Answer please

ಪೊಲೀಸರು ಕೇಸು ಜಡಿದು ಜೈಲಿಗಟ್ಟದ ಹೊರತು ನಿಮಗೆ ಬುದ್ದಿ ಬರುವುದಿಲ್ಲ. ಸೆಲೆಬ್ರೆಟಿಗಳಾದವರು ಸೆಲೆಬ್ರೆಟಿಗಳಾಗಿದ್ದರೆ ಚೆಂದ. ಪುನೀತ್, ದರ್ಶನ್, ಸುದೀಪ್, ಗಣೇಶ್, ವಿಜಯ್ ಹೀಗೆ ಸಾಲು ಸಾಲು ಕನ್ನಡ ನಾಯಕ ನಟರನ್ನು, ರಚಿತಾ, ರಶ್ಮಿಕಾ, ರಾಗಿಣಿ, ರಾಧಿಕಾ, ರಕ್ಷಿತಾರನ್ನು ನೋಡಿಯಾದರು ಕಲಿಯಿರಿ.

ಕಿಕಿ ಡ್ಯಾನ್ಸ್ ಅಪಾಯಕಾರಿ ಎಂದು ಪೊಲೀಸರು ಸಾರಿ ಸಾರಿ ಹೇಳುತ್ತಿದ್ದಾರೆ. ಆದರೂ ಮೋಜಿಗೆ ಕೈ ಹಾಕುತ್ತಿರುವ ಸೆಲೆಬ್ರೆಟಿಗಳಿಗೊಂದು ಧಿಕ್ಕಾರವಿರಲಿ.

.ಮುಂಬೈಯಲ್ಲಿ ಇಂತಹ  ಹುಚ್ಚಾಟ ನಡೆಸಲು ಹೋದಾಗ ದುಷ್ಕರ್ಮಿಗಳು ನಟಿಯೊಬ್ಬರ ಬ್ಯಾಗ್  ಕದ್ದು ಕೊಂಡು ಹೋಗಿದ್ದಾರೆ. ನಿಮಗೂ ಹಾಗೇ ಆದರೆ ಮಾತ್ರ ಬುದ್ಧಿ ಬರುತ್ತದೆ. ಪೊಲೀಸರು ಗಂಟಲು ನೋವಾಗುವಂತೆ ಕೂಗಿದರು ನಿಮ್ಮ ಕಿವಿ ಕಿವುಡಾಗಿದೆಯಲ್ಲ.

ಪ್ರಥಮ ರಾತ್ರಿಯನ್ನು ಚಿತ್ರೀಕರಿಸಲು ವಿಡಿಯೋಗ್ರಾಫರ್ಸ್ ಬೇಕಾಗಿದ್ದಾರೆ…!

ಹೆಡ್ ಲೈನ್ ನೋಡಿ ದಯವಿಟ್ಟು ನಮ್ಮನು ಬೈಯಬೇಡಿ. ಸಭ್ಯ ಸೈಟ್ ನಲ್ಲಿ ಇದ್ಯಾವ ಸುದ್ದಿ ಎಂದು. ಆದರೆ ಜಗತ್ತಿನಲ್ಲಿ ಅದೆಂಥ ಮೆಂಟಲ್ ಜನ ಇರುತ್ತಾರೆ ಅನ್ನುವುದನ್ನು ತಿಳಿಸುವುದಷ್ಟೇ ನಮ್ಮ ಉದ್ದೇಶ.

ಮದುವೆಯ ನಂತ್ರದ ಪ್ರಥಮ ರಾತ್ರಿ ಅಥವಾ ಶೋಭಾನೆ ಅನ್ನುವ ಕಾರ್ಯವನ್ನು ಹಿಂದಿನ ಕಾಲದಿಂದಲೂ ಮದುವೆಯಷ್ಟೇ ಪವಿತ್ರ ಕಾರ್ಯ ಅನ್ನುವಂತೆ ನೋಡಿಕೊಂಡು ಬರಲಾಗಿದೆ.ವಿದೇಶಿಯರ ಫಸ್ಟ್ ನೈಟ್ ಅನ್ನುವ ಟೈಟಲ್ ಸಿಕ್ಕ ಮೇಲೆ ಪ್ರಸ್ಥಕ್ಕೆ ಪಾವಿತ್ರತೆ ಇಲ್ಲದಂತಾಗಿದೆ.

ಹೀಗಾಗಿಯೇ ಮದುವೆಯ ದಿನದ ರಾತ್ರಿ ನಾಲ್ಕು ಗೋಡೆಯ ನಡುವೆ ಎರಡು ಮನಸ್ಸುಗಳ ಮಿಲನವನ್ನು ಚಲನಚಿತ್ರಗಳಲ್ಲಿ ಆಗೆಲ್ಲಾ ರಸವತ್ತಾಗಿ ತೋರಿಸಿರುವುದು. ಈಗ ಕಾಲ ಕೆಟ್ಟು ಹೋಗಿದೆ ಬಿಡಿ.

ಆದರೆ ಬ್ರಿಟನ್ ಜೋಡಿಯೊಂದು ನಾಲ್ಕು ಗೋಡೆಯ ನಡುವೆ ಎರಡೇ ಎರಡು ವ್ಯಕ್ತಿಯ ಖಾಸಗಿ ಕೆಲಸಕ್ಕೆ ಮೂರನೇಯವನ ಎಂಟ್ರಿ ಕೊಡಲು ನಿರ್ಧರಿಸಿದೆ. ನಮ್ಮ ಮದುವೆ ಮಾತ್ರ ದಾಖಲಾದರೆ ಸಾಲದು, ಪ್ರಥಮ ರಾತ್ರಿಯೂ ಶೂಟ್ ಆಗಬೇಕು ಎಂದು ಬಯಸಿದ್ದಾರೆ.

ನಾವು ದಾಂಪತ್ಯಕ್ಕೆ ಕಾಲಿಡುತ್ತಿರುವ ಯಾವುದೇ ಕ್ಷಣಗಳನ್ನು ಅದು ಹಗಲು ಅಥವಾ ಇರುಳು..ಯಾವ ನೆನಪನ್ನು ಮರೆಯಲು ಇಚ್ಛಿಸುವುದಿಲ್ಲ ಹಾಗಾಗಿ ನಾವು ಈ ನಿರ್ಧಾರ ಮಾಡಿದ್ದೇವೆ ಎಂದಿದೆ ಜೋಡಿ.

ಅಂದ ಹಾಗೇ ಮುಂದಿನ ತಿಂಗಳು ಮದುವೆಯಾಗಲಿರುವ ಜೋಡಿ ಜಾಹೀರಾತು ಒಂದನ್ನು ಕೊಟ್ಟಿದೆ.

request

2016ರಲ್ಲೇ ಮದುವೆಯಾಗಲಿರುವ ಜೋಡಿ ನಿಶ್ಚಿತಾರ್ಥ ಮುಗಿಸಿಕೊಂಡಿದೆ. ಅಂದಿನಿಂದ ನಾವು ಮದುವೆ ನಂತರದ ಕ್ಷಣಗಳನ್ನು ಶೂಟ್ ಮಾಡಲು ವಿಡಿಯೋಗ್ರಾಫರ್ ಅನ್ನು ಈ ಜೋಡಿ ಹುಡುಕುತ್ತಿದೆ. ಆದರೆ ಇವರು ಕೇಳುತ್ತಿರುವುದು ಫಸ್ಟ್ ನೈಟ್ ಶೂಟ್ ಅನ್ನುವುದನ್ನು ಕೇಳಿದ ವಿಡಿಯೋಗ್ರಾಫರ್ ಎಜೆನ್ಸಿಗಳು ಆಫರ್ ಅನ್ನು ತಿರಸ್ಕರಿಸುತ್ತಿದೆ.

£2,000 ಅಂದರೆ 1,79,573 ರೂಪಾಯಿ ಕೊಡಲು ನಾವು ಸಿದ್ದರಿದ್ದೇವೆ. ರಾತ್ರಿ 1 ಗಂಟೆಯಿಂದ 3 ಗಂಟೆ ಮಾತ್ರ ಕೆಲಸ ಅಂದರೂ ಯಾರೊಬ್ಬರೂ ಕೆಲಸ ವಹಿಸಿಕೊಳ್ಳಲು ಸಿದ್ದರಿಲ್ಲ.

ಇದೀಗ ಕೊನೆಯ ಪ್ರಯತ್ನ ಅನ್ನುವಂತೆ ಜಾಹೀರಾತು ಕೊಟ್ಟಿರುವ ಜೋಡಿ ನಮ್ಮ ಮದುವೆ ಚಿತ್ರೀಕರಿಸಲು ಬೇಕಾದಷ್ಟು ಮಂದಿ ಸಿದ್ದರಿದ್ದಾರೆ. ಆದರೆ ಪ್ರಥಮ ರಾತ್ರಿ ಚಿತ್ರೀಕರಿಸಲು ಯಾರೊಬ್ಬರೂ ಸಿದ್ದರಿಲ್ಲ. ಹೀಗಾಗಿ ಯಾರಾಗದರೂ ನಾವು ಕೊಡುವ ಅಸೈನ್ಮೆಂಟ್ ಅನ್ನು ಪೂರ್ತಿ ಮಾಡುವುದಿದ್ದರೆ ಸಂಪರ್ಕಿಸಿ ಎಂದಿದ್ದಾರೆ.

ಹೌದು… ಇವರು ಹೇಳಿದಂತೆ ಫಸ್ಟ್ ನೈಟ್ ಶೂಟ್ ಮಾಡಲು ವಿಡಿಯೋ ಗ್ರಾಫರ್ ಗಳಿಗೆ ತಲೆ ಕೆಟ್ಟಿದೆಯೇ… ಇಂಥ ದೃಶ್ಯಗಳ ಚಿತ್ರೀಕರಣಕ್ಕೆ ಬೇರೆಯದ್ದೇ ಹೆಸರಿದೆ ಅನ್ನುವುದು ಈ ಜೋಡಿಗೆ ಗೊತ್ತಿಲ್ಲ ಅನ್ನಿಸುತ್ತದೆ.

ಪುನೀತ್ ಕೈಯಲ್ಲಿ ಕಪ್ಪು ದಾರ ಯಾಕೆ ಬಂತು…?

ದೊಡ್ಮನೆ ಹುಡುಗ ಪುನೀತ್ ರಾಜ್ ಕುಮಾರ್ ನಟಿಸುತ್ತಿರುವ ನಟ ಸಾರ್ವಭೌಮ ಚಿತ್ರ ಮೊದಲ ದಿನದಿಂದಲೂ ಕುತೂಹಲ ಹುಟ್ಟಿಸಿದೆ. ಪವನ್ ಒಡೆಯರ್ ಕೈ ಹಾಕಿರುವ ಪ್ರಾಜೆಕ್ಟ್ ಒಳಗೆ ಏನಿದೆ ಅನ್ನುವ ಕುತೂಹಲ ಎಲ್ಲರನ್ನೂ ಕಾಡುತ್ತಿದೆ.

ಆದರೆ ಚಿತ್ರದ ಕಥೆಯೇನು ಅನ್ನುವುದರ ಒಂದಿಷ್ಟು ಸುಳಿವನ್ನೂ ಬಿಟ್ಟುಕೊಟ್ಟಿಲ್ಲ ಚಿತ್ರ ತಂಡ. ಆದರೆ ಚಿತ್ರದ ಶೂಟಿಂಗ್ ಪ್ರಾರಂಭವಾದ ನಂತರ ಪುನೀತ್ ಕೈಯಲ್ಲೊಂದು ಕಪ್ಪು ದಾರ ಬಂದಿತ್ತು. ಎಂದಿಗೂ ಏನನ್ನೂ ಕೈಗೆ ಕಟ್ಟಿಕೊಳ್ಳದ ಪುನೀತ್ ಕಪ್ಪು ದಾರ ಕಟ್ಟಿದ್ದು ಯಾಕೆ ಅನ್ನುವುದು ಎಲ್ಲರ ಪ್ರಶ್ನೆಯಾಗಿತ್ತು.

ವಿಡಿಯೋ ನೋಡಲು : ಇವೆಲ್ಲ ಚಿತ್ರದ ಪ್ರಮೋಷನ್ ಎಂದು ಅವರು ಮಾತು ತೇಲಿಸಿದ್ದರು. ಹಾಗಾದರೆ ಕಪ್ಪು ದಾರದ ರಹಸ್ಯವೇನು..

ಕಥೆಯ ರಹಸ್ಯ ಕಾಪಾಡಿಕೊಂಡಿದ್ದ ನಟ ಸಾರ್ವಭೌಮನ ಸ್ಟೋರಿ ಲೈಟಾಗಿ ಬಯಲಾಗಿದೆ. ಪುನೀತ್ ಪಾತ್ರದ ಚಿಕ್ಕ ಎಳೆಯೊಂದು ಇದೀಗ ರಿವೀಲ್ ಆಗಿದೆ.

ಬಳ್ಳಾರಿ, ಮೈಸೂರಿನಲ್ಲಿ ಶೂಟಿಂಗ್ ಮುಗಿಸಿರುವ ಚಿತ್ರತಂಡ ಇದೀಗ ಬೆಂಗಳೂರಿನಲ್ಲಿ ಬೀಡು ಬಿಟ್ಟಿದ್ದು. ಪುನೀತ್ ಅವರನ್ನು ಪೊಲೀಸರು ಬಂಧಿಸುತ್ತಿರುವ ದೃಶ್ಯಗಳನ್ನು ಚಿತ್ರೀಕರಣ ಮಾಡಲಾಗಿದೆ.

ಇದನ್ನೂ ಓದಿ : SSLC ವಿದ್ಯಾರ್ಥಿಯೊಂದಿಗೆ ಪರಾರಿಯಾದ 29ರ ಹರೆಯದ ಶಿಕ್ಷಕಿ

ಇದೇ ವೇಳೆ ಮಾತನಾಡುವ  ಚಿಕ್ಕಣ್ಣ, ಅಪ್ಪುವನ್ನು ಪೊಲೀಸರು ಆರೆಸ್ಟ್ ಮಾಡಿದ್ದರ ಹಿಂದೆ ದೆವ್ವದ ಕಾಟವಿದೆ ಅನ್ನುವುದನ್ನು ಮಾಧ್ಯಮದವರಿಗೆ ಹೇಳುವ ದೃಶ್ಯಗಳನ್ನು ಕೂಡಾ ನಿರ್ದೇಶಕರು ರೆಕಾರ್ಡ್ ಮಾಡಿದ್ದಾರೆ.

ಅವನು ಕಪ್ಪು ದಾರ ಕಟ್ಟಿಕೊಂಡಿದ್ದ.ಅವನು ತಾಯತ ಕಳೆದುಕೊಂಡಿದ್ದಾನೆ, ಅಲ್ಲಿಂದ ಪ್ರಾಬ್ಲಂ ಶುರುವಾಗಿದೆ, ಬಾತ್ ರೂಮ್ ನಲ್ಲಿ ರಕ್ತ ಬರುತ್ತದೆ, ಅವನ ಮೈ ಮೇಲೆ ದೆವ್ವ ಬರುತ್ತದೆ ಎಂದೆಲ್ಲಾ ಈ ವೇಳೆ ಚಿಕ್ಕಣ್ಣ ಮಾತನಾಡಿದ್ದಾರೆ.

ಅಲ್ಲಿಗೆ ನಟ ಸಾರ್ವಭೌಮ ಚಿತ್ರದಲ್ಲಿ ಪುನೀತ್ ಗೆ ದುಷ್ಟ ಶಕ್ತಿಯ ಕಾಟವೊಂದು ಕಾಡುತ್ತದೆ. ಅದಕ್ಕಾಗಿ ಅವರು ತಾಯತ ಕಟ್ಟಿಕೊಂಡಿದ್ದರು ಅನ್ನುವುದು ರಿವೀಲ್ ಆಗಿದೆ.

‘ನಿವಿ’ಗೆ ‘ಕಿಕಿ’ ಕಂಟಕ – ಪೊಲೀಸರಿಂದ ಕಾನೂನು ಕ್ರಮದ ಸಾಧ್ಯತೆ

‘ನಿವಿ’ಗೆ ‘ಕಿಕಿ’ ಕಂಟಕ – ಪೊಲೀಸರಿಂದ ಕಾನೂನು ಕ್ರಮದ ಸಾಧ್ಯತೆ

ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದ ಕಿಕಿ ಚಾಲೆಂಜ್ ಸ್ವೀಕರಿಸಬೇಡಿ ಎಂದು ಪೊಲೀಸರು ನೀಡಿದ್ದ ಎಚ್ಚರಿಕೆಯನ್ನು ಉಲ್ಲಂಘಿಸಿ ಬಿಗ್ ಬಾಸ್ ಸ್ಪರ್ಧಿ ನಿವೇದಿತಾ ಗೌಡ ಸುದ್ದಿಯಾಗಿದ್ದರು. ಸಾಮಾಜಿಕ ಜಾಲತಾಣದಲ್ಲಿ ಮಾದಕ ಡ್ಯಾನ್ಸ್ ಮಾಡಿ ತಾನೊಬ್ಬ ಸೆಲೆಬ್ರೆಟಿ ಅದೇನೂ ಮಾಡಲು ಸಾಧ್ಯ ಅನ್ನುವಂತೆ ವರ್ತಿಸಿದ್ದರು.

ಆದರೆ ಇದೀಗ ಮಾಡಿದ ಪಾಪದ ಕೆಲಸಕ್ಕೆ ಶಿಕ್ಷೆ ಅನುಭವಿಸಬೇಕಾಗಿದೆ. ಬೆಂಗಳೂರಿನ ಹಲಸೂರು ಗೇಟ್ ಪೊಲೀಸ್ ಠಾಣೆಯಲ್ಲಿ ಈ ಸಂಬಂಧ ಕನ್ನಡ ಸಂಘಟನೆಯೊಂದು ದೂರು ನೀಡಿದ್ದು, ಕಾನೂನು ಪ್ರಕಾರ ಕ್ರಮ ಕೈಗೊಳ್ಳಿ ಎಂದು ಮನವಿ ಮಾಡಿದೆ.

ಹಲಸೂರು ಗೇಟ್ ಪೊಲೀಸ್ ಠಾಣೆಗೆ ಭೇಟಿ ಕೊಟ್ಟಿರುವ ಕನ್ನಡ ಚಳವಳಿ ಸಂಘಟನೆ ಮುಖಂಡ ನಾಗೇಶ್ ಲಿಖಿತ ದೂರನ್ನು ನೀಡಿದ್ದಾರೆ. ಅವರೊಬ್ಬರು ಸೆಲೆಬ್ರೆಟಿ, ಅವರನ್ನು ಫಾಲೋ ಮಾಡುವ ಅಭಿಮಾನಿಗಳಿದ್ದಾರೆ.ಸಮಾಜಕ್ಕೆ ಒಳ್ಳೆಯ ಸಂದೇಶ ಕೊಡುವ ಕೆಲಸವನ್ನು ಅವರು ಮಾಡಬೇಕೇ ಹೊರತು, ಅದನ್ನು ಬಿಟ್ಟು ಪ್ರಚೋದನೆ ಮಾಡುವ ಕೆಲಸ ಮಾಡಬಾರದು ಎಂದು ದೂರಿದ್ದಾರೆ.

ನಿಜಕ್ಕೂ ನಿವೇದಿತಾ ವಿರುದ್ಧ ಕಾನೂನು ಕ್ರಮದ ಅಗತ್ಯವಿದೆ. ಪೊಲೀಸರು ಕೊಟ್ಟ ಎಚ್ಚರಿಕೆಯನ್ನು ನಿರ್ಲಕ್ಷ್ಯ ಮಾಡುತ್ತಾರೆ ಅಂದರೆ ಏನರ್ಥ. ಬಿಗ್ ಬಾಸ್ ಮನೆಯಲ್ಲಿ ಪಾಲ್ಗೊಂಡ ತಕ್ಷಣ ನಿವೇದಿತಾ ದೊಡ್ಡ ಸೆಲೆಬ್ರೆಟಿಯಾಗುವುದಿಲ್ಲ. ಕಲ್ಲು ಮುಳ್ಳಿನ ಹಾದಿ ಸವೆಸಿ ಬಂದ ಅನೇಕರು ಸೆಲೆಬ್ರೆಟಿ ಸ್ಥಾನದಲ್ಲಿ ಕೂತಿದ್ದಾರೆ ಅನ್ನುವುದನ್ನು ಆಕೆ ನೆನಪಿಟ್ಟುಕೊಳ್ಳಬೇಕು.

ಮಂಡ್ಯಕ್ಕೆ ಪ್ರಜ್ವಲ್…ಮತ್ತೆ ದೇವೇಗೌಡರು..?

ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ಸ್ಪರ್ಧಿಸಬೇಕು, ತಂದೆಯೊಂದಿಗೆ ವಿಧಾನಸಭೆ ಪ್ರವೇಶಿಸಬೇಕು ಎಂದು ಕನಸು ಕಂಡಿದ್ದ ಪ್ರಜ್ವಲ್ ರೇವಣ್ಣ ಹಿನ್ನಡೆ ಅನುಭವಿಸಿದ್ದರು.

ಆದರೆ ಆ ವೇಳೆ ಮೊಮ್ಮಗನನ್ನು ಲೋಕಸಭೆಗೆ ಕಳುಹಿಸುವ ಭರವಸೆಯನ್ನು ದೇವೇಗೌಡರು ಕೊಟ್ಟಿದ್ದರು. ಹಾಸನಕ್ಕೆ ಮೊಮ್ಮಗನೇ ಉತ್ತರಾಧಿಕಾರಿ ಅನ್ನುವುದು ಮಾಜಿ ಪ್ರಧಾನಿಗಳ ಮಾತಾಗಿತ್ತು.

ಆದರೆ ಇದೀಗ ರಾಜಕೀಯ ಪರಿಸ್ಥಿತಿ ಬದಲಾಗಿದೆ. ರಾಜ್ಯದಲ್ಲಿ ಜೆಡಿಎಸ್ ನ ಬದ್ಧ ವೈರಿಯಾಗಿದ್ದ ಕಾಂಗ್ರೆಸ್ ಜೊತೆ ಹೊಂದಾಣಿಕೆ ಸರ್ಕಾರ ನಡೆಯುತ್ತಿದೆ. ರಾಷ್ಟ್ರಮಟ್ಟದಲ್ಲಿ ಮೋದಿಯನ್ನು ಸೋಲಿಸಲು ತೃತೀಯ ರಂಗ ರಚನೆಯಾಗುತ್ತಿದೆ.

ಹೀಗಾಗಿ ದೇವೇಗೌಡರು ಮತ್ತೆ ಲೋಕಸಭೆಗೆ ಬರಬೇಕು ಅನ್ನುವ ಇಚ್ಛೆಯನ್ನು ತೃತೀಯ ರಂಗದ ನಾಯಕರು ವ್ಯಕ್ತಪಡಿಸಿದ್ದಾರೆ. ಈ ಹಿನ್ನಲೆಯಲ್ಲಿ ಮತ್ತೆ ಚುನಾವಣೆ ಸ್ಪರ್ಧಿಸದಿರಲು ನಿರ್ಧರಿಸಿದ್ದ ರಾಜಕೀಯ ಮುತ್ಸದಿ, ಮತ್ತೊಂದು ಅವಧಿಗೆ ಲೋಕಸಭೆಗೆ ಹೋಗಲು ಸಿದ್ದತೆ ನಡೆಸಿದ್ದಾರೆ ಎನ್ನಲಾಗಿದೆ.

ಹಾಗಾದರೆ ಪ್ರಜ್ವಲ್ ರೇವಣ್ಣ ಅವರಿಗೆ ಕೊಟ್ಟ ಭರವಸೆ..?ಸಿ.ಎಸ್​. ಪುಟ್ಟರಾಜು ಅವರ ರಾಜೀನಾಮೆಯಿಂದ ತೆರವಾಗಿರುವ ಮಂಡ್ಯ ಲೋಕಸಭೆ ಕ್ಷೇತ್ರಕ್ಕೆ ಉಪಚುನಾವಣೆ ನಡೆದರೆ ಅಲ್ಲಿಂದ ಪ್ರಜ್ವಲ್​ ಅವರನ್ನು ಕಣಕ್ಕಿಳಿಸಬೇಕು ಅನ್ನುವ ಚಿಂತನೆ ನಡೆಯುತ್ತಿದೆ. ಎಂದು ತಿಳಿದು ಬಂದಿದೆ.

ರಾಷ್ಟ್ರ ಮಟ್ಟದಲ್ಲಿ ತೃತೀಯ ರಂಗ ಪ್ರಬಲಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ದೇವೇಗೌಡರಿಗೆ ಉನ್ನತ ಜವಾಬ್ದಾರಿ ದೊರೆಯುವ ಸಾಧ್ಯತೆ ಇದೆ. ಹೀಗಾಗಿ ಅವರು ಮತ್ತೆ ಹಾಸನದಿಂದ ಸ್ಪರ್ಧಿಸಲು ಆಸಕ್ತಿ ತೋರುತ್ತಿದ್ದಾರೆ ಎನ್ನಲಾಗುತ್ತಿದೆ.

ಮಂಡ್ಯ ಲೋಕಸಭಾ ಕ್ಷೇತ್ರದಲ್ಲಿ ಸ್ಪರ್ಧಿಸಲು ಜೆಡಿಎಸ್ ನ ಹಲವು ನಾಯಕರು ತುದಿಗಾಲಿನಲ್ಲಿ ನಿಂತಿದ್ದಾರೆ.ಹೀಗಾಗಿ ಪ್ರಜ್ವಲ್ ಸ್ಪರ್ಧೆ ಸಾಕಷ್ಟು ಸಮಸ್ಯೆ ತಂದೊಡ್ಡಲಿದೆ.

SSLC ವಿದ್ಯಾರ್ಥಿಯೊಂದಿಗೆ ಪರಾರಿಯಾದ 29ರ ಹರೆಯದ ಶಿಕ್ಷಕಿ

ಗುರುವನ್ನು ದೇವರಿಗೆ ಸಮಾನವಾಗಿ ನೋಡು ಅಂತಾರೆ. ಆದರೆ ಚಂಢೀಗಡದಲ್ಲಿ ಶಿಕ್ಷಕಿಯೊಬ್ಬಳು ಮಾಡಿದ ಕೆಲಸ ಇಡೀ ಶಿಕ್ಷಕ ವರ್ಗ ತಲೆ ತಗ್ಗಿಸುವಂತೆ ಮಾಡಿದೆ.

ಫತೇಹಾಬಾದಿನ ಖಾಸಗಿ ಶಾಲೆಯೊಂದರ 15 ವರ್ಷದ ಬಾಲಕನ ಮತ್ತು 29 ವರ್ಷದ ಶಿಕ್ಷಕಿ ಕಳೆದ ತಿಂಗಳ 20ರಂದು ನಾಪತ್ತೆಯಾಗಿದ್ದರು. ಶಾಲೆಯ ಶಿಕ್ಷಕಿ ಮತ್ತು ವಿದ್ಯಾರ್ಥಿ ನಾಪತ್ತೆಯಾಗಿರು ಸುದ್ದಿ ಕಿವಿಗೆ ಬೀಳುತ್ತಿದ್ದಂತೆ ಎರಡು ಕುಟುಂಬದವರನ್ನು ಶಾಲೆಗೆ ಕರೆಸಿಕೊಂಡ ಶಾಲಾ ಮುಖ್ಯಸ್ಥರು ಈ ಕುರಿತು ಮಾಹಿತಿ ನೀಡಿದ್ದಾರೆ.

ತಕ್ಷಣ ಮಗ ನಾಪತ್ತೆಯಾಗಿದ್ದಾನೆ ಎಂದು ಬಾಲಕನ ತಂದೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದರು. ಶಿಕ್ಷಕಿಯೇ ಮಗನನ್ನು ಅಪಹರಿಸಿದ್ದಾನೆ ಎಂದು ಲಿಖಿತ ದೂರು ಕೊಟ್ಟ ಹಿನ್ನಲೆಯಲ್ಲಿ ಶಿಕ್ಷಕಿ ವಿರುದ್ಧ ಕಿಡ್ನಾಪ್ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಹುಡುಕಾಟ ಪ್ರಾರಂಭಿಸಿದರು.

ಮೊದಲಿಗೆ ಪೊಲೀಸರು ಕಣ್ಣು ಹಾಕಿದ್ದು ಇವರಿಬ್ಬರ ಫೋನ್ ಕಡೆಗೆ, ಪರಿಶೀಲನೆ ನಡೆಸಿದಾಗ ಇವರಿಬ್ಬರು ಪರಸ್ಪರ ನಂಬರ್ ಬದಲಾಯಿಸಿದ್ದು, ಸತತವಾಗಿ ಸಂಪರ್ಕದಲ್ಲಿದ್ದರು ಎಂದು ಗೊತ್ತಾಗಿದೆ. ಜೊತೆಗೆ ಸಾಮಾಜಿಕ ಜಾಲತಾಣದಲ್ಲೂ ಇವರಿಬ್ಬರು ಸಂಪರ್ಕ ಹೊಂದಿದ್ದರು.

ಬಳಿಕ ಫತೇಹಾಬಾದಿನಲ್ಲೇ ಜುಲೈ 24 ರಂದು ವಿದ್ಯಾರ್ಥಿ ಮತ್ತು ಶಿಕ್ಷಕಿಯನ್ನು ಬಂಧಿಸಿದ್ದಾರೆ. ಕೋರ್ಟ್ ಶಿಕ್ಷಕಿಯನ್ನು ಜೈಲಿಗೆ ಕಳುಹಿಸಿದ್ದು, ಈಕೆ ಹೀಗ್ಯಾಕೆ ಮಾಡಿದಳು. ಪೋಷಕರ ದೂರಿನಂತೆ ಕೊಲೆ ಮಾಡುವ ಉದ್ದೇಶವಿತ್ತಾ, ಅಥವಾ ಅವರಿಬ್ಬರ ನಡುವೆ ಬೇರೆ ಸಂಬಂಧವಿತ್ತಾ ಅನ್ನುವ ಕುರಿತಂತೆ ತನಿಖೆ ನಡೆಯುತ್ತಿದೆ.

ಬಾಲಕನನ್ನು ತನ್ನೊಂದಿಗೆ ಕರೆದೊಯ್ದಿದ್ದನ್ನು ಶಿಕ್ಷಕಿ ಒಪ್ಪಿಕೊಂಡಿದ್ದು, ಅವರಿಬ್ಬರ ವೈದ್ಯಕೀಯ ಪರೀಕ್ಷೆ ಬಳಿಕವಷ್ಟೇ ಶಿಕ್ಷಕಿ ಬಾಲಕನನ್ನು ಲೈಂಗಿಕವಾಗಿ ಬಳಸಿಕೊಂಡಿದ್ದಾಳೆಯೋ, ಇಲ್ಲವೋ ಎಂಬುದು ತಿಳಿದು ಬರಲಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಶಾಲೆಯಿಂದ ನಾಪತ್ತೆಯಾದ ಇವರಿಬ್ಬರು ಮೊದಲು ಹಿಸ್ಸಾರ್ ಗೆ ಹೋಗಿದ್ದಾರೆ. ಅಲ್ಲಿಂದ ದೆಹಲಿಗೆ ಪ್ರಯಾಮಿಸಿದ್ದಾರೆ ಅಲ್ಲಿಂದ ಜಮ್ಮು ಕಾಶ್ಮೀರದ ಕಡೆಗೆ ಹೋಗಿದ್ದರು. ನಂತರ ಫತೇಹಾಬಾದ್ ಕಡೆಗೆ ಬಂದಿದ್ದಾರೆ ಎಂದು

ಪ್ರಕರಣದ ತನಿಖೆ ನಡೆಸುತ್ತಿರುವ ಪೊಲೀಸ್ ಇನ್ಸ್ ಪೆಕ್ಟರ್ ಸುರೇಂದ್ರ ಕುಮಾರ್ ತಿಳಿಸಿದ್ದಾರೆ.