Friday, January 22, 2021

10 ವರ್ಷದ ಬಳಿಕ ಕನ್ನಡಕ್ಕೆ ಮರಳಿದ ಜಿಂಕೆ ಮರಿ…

Must read

ನಂದಿತಾ ಶ್ವೇತಾ ಚಂದನವನದ ಅಭಿಮಾನಿಗಳಿಗೆ ಹೊಸಬರಲ್ಲ. ಹಾಗಂತ ಅಷ್ಟೇನೂ ಪರಿಚಿತರೂ ಅಲ್ಲ.

ಅಪ್ಪಟ್ಟದ ಕನ್ನಡದ ಹುಡುಗಿಯಾಗಿದರೂ ತಮಿಳು ಚಿತ್ರ ಅಭಿಮಾನಿಗಳಿಗೆ ನೆಚ್ಚಿನ ನಟಿ ಈಕೆ.  ಕನ್ನಡದಲ್ಲಿ ನೆಲೆ ನಿಲ್ಲುವುದಕ್ಕೆ ಎಲ್ಲಾ ಅರ್ಹತೆಗಳು ಇದ್ದರೂ ಕನ್ನಡದಲ್ಲಿ ಆಕೆಗೆ ದೊಡ್ಡ ಅವಕಾಶಗಳು ಸಿಗಲಿಲ್ಲ.

ಲೂಸ್ ಮಾದ ಯೋಗಿ ಅವರ ಮೊದಲ ಸಿನಿಮಾ ‘ನಂದ ಲವ್ಸ್ ನಂದಿತಾ’ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟ ಶ್ವೇತಾ ಅವರಿಗೆ ಅವಕಾಶಗಳು ಸಿಗಲಿಲ್ಲ. ಜಿಂಕೆಮರಿ ಹಾಡು ಸೂಪರ್ ಡೂಪರ್ ಹಿಟ್ ಆದರೂ ನಿರ್ದೇಶಕರ ಪಾಲಿಗೆ ಈಕೆ ಲಕ್ ಹುಡುಗಿಯಾಗಲೇ ಇಲ್ಲ. ಹೀಗಾಗಿ ನಾಲ್ಕು ವರ್ಷದ ನಂತರ ಕಾಲಿವುಡ್ ಗೆ ಕಾಲಿಟ್ಟರು. ಈಕೆಯ ಕಾಲ್ಗುಣ ಚೆನ್ನಾಗಿದೆ ಅಂದವರು ಅವಕಾಶಗಳ ಮೇಲೆ ಅವಕಾಶ ಕೊಡುತ್ತ ಹೋದರು.

ಇದೀಗ ಮತ್ತೆ ತವರು ನೆಲ ಕೈ ಬೀಸಿ ಕರೆದಿದ್ದು, ಯಶ್ ನಟನೆಯ ‘ಕಿರಾತಕ 2’ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಈಗಾಗಲೇ 18 ಚಿತ್ರಗಳನ್ನು ನಟಿಸಿರುವ ಶ್ವೇತಾ ಅವರಿಗೆ ‘ಕಿರಾತಕ 2’ 19ನೇ ಚಿತ್ರ. ಇದರಲ್ಲಿ ಎರಡು ತೆಲುಗು ಮತ್ತು ಒಂದು ಹಿಂದಿ ಚಿತ್ರ ಸೇರಿದೆ.

s1

‘ಕಿರಾತಕ 2’ ಸಿನಿಮಾದಲ್ಲಿ ಇಬ್ಬರು ನಾಯಕಿಯರಿದ್ದು,ಒಂದು ಪಾತ್ರಕ್ಕೆ ಶ್ವೇತಾ ಆಯ್ಕೆಯಾಗಿದ್ದಾರೆ.

ಇನ್ನು ನಂದಿತಾ ಅವರಿಗೆ ಚಿತ್ರರಂಗಕ್ಕೆ ಬರುವ ಯೋಚನೆಯೇ ಇರಲಿಲ್ಲ. ಏಕಾಏಕಿ’ನಂದ ಲವ್ಸ್ ನಂದಿತಾ’ ಆಫರ್ ಬಂತು.  ಆಗಿನ್ನು ಕಾಲೇಜು ಓದುತ್ತಿದ್ದವರು ಆಫರ್ ಒಪ್ಪಿಕೊಂಡರು. ಆದರೆ ಸಿನಿಮಾ ನೋಡಿದ ಅವರಿಗೆ ಅನ್ನಿಸಿದ್ದು, ನಾನು ಇನ್ನೂ ಪಳಗಬೇಕು ಎಂದು. ಹೀಗಾಗಿ ನಟನೆಯ ತರಬೇತಿ ಕಡೆ ಹೋದರು.  ಓದು ಮುಗಿಸಿ ಒಂದಿಷ್ಟು ದಿನ ಮಾಡೆಲಿಂಗ್ ಮಾಡಿದರು.

ಅಷ್ಟು ಹೊತ್ತಿಗೆ ಕನ್ನಡದಿಂದ ಬಂದ ಆಫರ್ ಗಳು ಶ್ವೇತಾ ಅವರಿಗೆ ಇಷ್ಟವಾಗಲಿಲ್ಲ. ಹೀಗಾಗಿ ತಮಿಳಿನಿಂದ ಬಂದ ಆಫರ್ ಗೆ ಜೈ ಅಂದರು.

ತಮಿಳಿಗೆ ಹೋದ ಬಳಿಕವೂ ಶ್ವೇತಾ ಅವರಿಗೆ ಕನ್ನಡದಿಂದ ಆಫರ್ ಬಂದಿತ್ತು. ಆದರೆ ಡೇಟ್ಸ್ ಸಮಸ್ಯೆಯಿಂದ ಅವರು ರಿಜೆಕ್ಟ್ ಮಾಡಬೇಕಾಯ್ತು. ವಿಶೇಷ ಅಂದರೆ ಅವರಿಗೆ ಆಫರ್ ಬಂದ ಚಿತ್ರ ತುಂಬಾ ಚೆನ್ನಾಗಿ ಓಡಿತ್ತು.

ಇನ್ನು ಶ್ವೇತಾ ಅವರಿಗೆ ಪುನೀತ್, ದರ್ಶನ್, ಸುದೀಪ್ ಜೊತೆ ನಟಿಸಬೇಕು ಅನ್ನುವ ಆಸೆ ಇದೆ. ಪುಲಿ ಚಿತ್ರದಲ್ಲಿ ಸುದೀಪ್ ಜೊತೆ ಕೆಲಸ ಮಾಡಿದ ಅನುಭವ ಶ್ವೇತಾ ಅವರಿಗಿದೆ.

‘ನಂದ ಲವ್ಸ್ ನಂದಿತಾ’ ಚಿತ್ರದಲ್ಲಿ ಶ್ವೇತಾ ಅವರ ನಟನೆ ನೋಡಿದವರು ಪರವಾಗಿಲ್ಲ ಅಂದಿದ್ದರು. ಈಗ 10 ವರ್ಷಗಳ ಬಳಿಕ ಪಳಗಿ, ಮಾಗಿ ಯಶ್ ಜೊತೆ ಕಾಣಿಸಿಕೊಳ್ಳುತ್ತಿದ್ದಾರೆ. ಜನ ಹೇಗೆ ಸ್ವೀಕರಿಸುತ್ತಾರೆ ಕಾದು ನೋಡಬೇಕು.

- Advertisement -
- Advertisement -

Latest article