ತಂದೆಯ ರಿವಾಲ್ವರ್ ನಿಂದ ಹಾರಿದ ಗುಂಡು : ಮಗನ ಮೇಲೆ ಮಿಸ್ ಫೈರ್

ಮಂಗಳೂರು :  ತಂದೆಯ ಬಳಿ ಇದ್ದ ರಿವಾಲ್ವರ್ ನಿಂದ ಗುಂಡು ಹಾರಿದ ಪರಿಣಾಮ ಮಗ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಮಂಗಳೂರಿನಲ್ಲಿ ನಡೆದಿದೆ. ಮಂಗಳೂರಿನ ಮಾರ್ಗನ್ಸ್ ಗೇಟ್ ಬಳಿ ಈ ಘಟನೆ ನಡೆದಿದ್ದು, ಗಾಯಗೊಂಡಿರುವ ಪುತ್ರನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಗಾಯಗೊಂಡವರನ್ನು ಸುಧೀಂದ್ರ ಪ್ರಭು (14 ) ಎಂದು ಗುರುತಿಸಲಾಗಿದೆ. ಸ್ಥಳಕ್ಕೆ ಮಂಗಳೂರು ಪೊಲೀಸರು ದೌಡಾಯಿಸಿದ್ದು ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗುತ್ತಿದೆ.

ತಂದೆ ರಾಜೇಶ್ ಪ್ರಭು ಸಂಬಳದ ವಿಚಾರವಾಗಿ ನೌಕರರ ಜೊತೆಗೆ ತಗಾದೆ ಪ್ರಾರಂಭಿಸಿದ್ದರು. ಈ ವೇಳೆ ಕೋಪ ಭರದಲ್ಲಿ ರಾಜೇಶ್ ನೌಕರರ ಮೇಲೆ ಗುಂಡು ಹಾರಿಸಲು ಮುಂದಾಗಿದ್ದಾರೆ. ನೌಕರರಿಗೆ ಗುರಿಯಿಟ್ಟ ಗುಂಡು ಮದ ಸುಧೀಂದ್ರನಿಗೆ ತಗುಲಿದೆ. ರಾಜೇಶ್ ಪ್ರಭು ವೈಷ್ಣವಿ ಕಾರ್ಗೋ ಎಕ್ಸ್ ಪ್ರೆಸ್ ಅನ್ನುವ ಸಂಸ್ಥೆಯನ್ನು ನಡೆಸುತ್ತಿದ್ದಾರೆ.