ವರ್ಷವೊಂದರಲ್ಲಿ ಮಂಡ್ಯ ಜಿಲ್ಲೆಯಲ್ಲಿ ಗೌರವ ಡಾಕ್ಟರೇಟ್‌ ಪಡೆದವರು 350 ಮಂದಿ…!

ನಿಮ್ಮ ಹೆಸರಿನ ಮುಂದೆ ‘ಡಾ’ ಅನ್ನುವ ಶಬ್ದ ಸೇರಿಸಿಕೊಳ್ಳಬೇಕಾ, 30 ಸಾವಿರದಿಂದ 2 ಲಕ್ಷದವರೆಗೆ ವೆಚ್ಚ ಮಾಡಲು ಒಲವು ತೋರಿದರೆ ಗೌರವ ಡಾಕ್ಟರ್ ಪದವಿ ದೊರೆಯುತ್ತದೆ.

Get Flat 50% off on Womens Fashion

ಇಂತಹ ‘ಗೌಡಾ’ ಕೊಡಲೆಂದೇ ದೇಶ ಮತ್ತು ವಿದೇಶದಲ್ಲಿ ವಿವಿಗಳು ಕಾರ್ಯಾಚರಿಸುತ್ತಿದೆ. ಹೀಗೆ ತಮಿಳುನಾಡಿನಲ್ಲಿ ಕಾರ್ಯಾಚರಿಸುತ್ತಿರುವ ವಿವಿಯೊಂದು ಮಂಡ್ಯ ಜಿಲ್ಲೆಯ 350 ಮಂದಿಗೆ ಗೌರವ ಡಾಕ್ಟರೇಟ್ ಕೊಟ್ಟಿದೆ.

ಇದರಲ್ಲಿ ರಾಜಕಾರಣಿಗಳು, ಕಲ್ಲು ಗಣಿ, ಪೆಟ್ರೋಲ್‌ ಬಂಕ್‌ ಮಾಲೀಕರು, ಗುತ್ತಿಗೆದಾರರು, ಉದ್ಯಮಿಗಳು, ಕಲಾವಿದರು, ಶಿಕ್ಷಕರು, ಪತ್ರಕರ್ತರು ಸೇರಿದ್ದಾರೆ.

ಇನ್ನು ಗೌರವ ಡಾಕ್ಟರೇಟ್ ಸೇಲ್ ಮಾಡುವ ಸಲುವಾಗಿ ಏಜೆಂಟರನ್ನು ನೇಮಿಸಿರುವ ಸಂಸ್ಥೆ ಐದು ಮಂದಿ ಗಿರಾಕಿಗಳನ್ನು ಹುಡುಕಿಕೊಟ್ಟರೆ ಒಂದು ಉಚಿತ ಡಾಕ್ಟರೇಟ್ ಪದವಿಯನ್ನು ಕರುಣಿಸುತ್ತದೆ. ಜೊತೆಗೆ ಗೌರವ ಡಾಕ್ಟರೇಟ್ ಗೆ ಇಂತಿಷ್ಟು ದುಡ್ಡನ್ನು ನಿಗದಿ ಮಾಡಿರುವ ವಿ.ವಿ ಅದಕ್ಕಿಂತ ಹೆಚ್ಚಿನ ಮೊತ್ತ ಎಷ್ಟಾದರೂ ಪರವಾಗಿಲ್ಲ ಕಲೆಕ್ಟ್ ಮಾಡಿಕೊಳ್ಳಬಹುದಾಗಿದೆ.

ಹೀಗಾಗಿ ಕೆಲ ಸಂಘಟನೆ ಮುಖ್ಯಸ್ಥರು, ಪತ್ರಕರ್ತರು ಏಜೆಂಟ್ ಸ್ವರೂಪದಲ್ಲಿ ಭರ್ಜರಿ ಕಾಸು ಮಾಡಿಕೊಳ್ಳುತ್ತಿದ್ದಾರೆ.

ಆದರೆ ಈ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗದಿರುವುದರಿಂದ ಇಲಾಖೆಯೂ ಏನೂ ಮಾಡುವಂತಿಲ್ಲ.