Sunday, April 18, 2021

ಕುಂಭ ರಾಶಿಗೆ ಪ್ರವೇಶಿಸಿದ ಗುರು – ಮೇಷದಿಂದ ಮೀನ ತನಕ ಏನು ವಿಶೇಷ

Must read

- Advertisement -
- Advertisement -

2021 ಎಪ್ರಿಲ್ 6 ರಂದು ಗುರು ಗ್ರಹ ಮಕರದಿಂದ ಕುಂಭ ರಾಶಿಗೆ ಪ್ರವೇಶಿಸಿದೆ. ಮುಂದಿನ ಏಪ್ರಿಲ್ 13 2022ರ ತನಕ ಕುಂಭ ರಾಶಿಯಲ್ಲಿ ಸಂಚರಿಸಲಿದೆ.

ಮುಂದಿನ ಒಂದು ವರ್ಷದ ಕಾಲ ಯಾವ ರಾಶಿಯವರ ಮೇಲೆ ಗುರು ಗ್ರಹ ಯಾವ ಪರಿಣಾಮ ಬೀರಲಿದೆ ಅನ್ನುವ ಮಾಹಿತಿ ಇಲ್ಲಿದೆ. ಗುರುವಿನ ಈ ಸಂಚಾರದಿಂದ ಮೇಷದಿಂದ ಮೀನದ ತನಕ ಯಾವ ರಾಶಿಗೆ ಯಾವ ಫಲ ಅನ್ನುವ ವಿವರಕ್ಕಾಗಿ ಮುಂದೆ ಓದಿ.

ಮೇಷ ರಾಶಿ : ಮೇಷ ರಾಶಿ ಅಥವಾ ಮೇಷ ಲಗ್ನ ಇವರಿಗೆ ಆರೋಗ್ಯ ಚೆನ್ನಾಗಿರುತ್ತದೆ. ಜೊತೆಗೆ ಸ್ವಲ್ಪ ಸೋಂಬೇರಿಗಳು ಆಗ್ತಾರೆ. ವಿದ್ಯಾಭ್ಯಾಸದಲ್ಲಿ ಉನ್ನತ ವ್ಯಾಸಂಗಕ್ಕೆ ತುಂಬಾ ಪೂರಕವಾಗಿದೆ.  ಕೆಲಸದಲ್ಲಿ ಬದಲಾವಣೆ ಸಾಧ್ಯ ಇದ್ದು ಪ್ರಯಾಣ ಕೂಡ ಇರಲಿದೆ, ಒಟ್ಟಿನಲ್ಲಿ ಮೇಷ ರಾಶಿಯವರಿಗೆ ಚೆನ್ನಾಗಿದೆ

ವೃಷಭ ರಾಶಿ : ವೃಷಭ ರಾಶಿ ಅಥವಾ ವೃಷಭ ಲಗ್ನದವರಿಗೆ ಆರೋಗ್ಯದಲ್ಲಿ ವ್ಯತ್ಯಾಸ ಕಂಡು ಬರಲಿದೆ. ಹೀಗಾಗಿ ಆರೋಗ್ಯ ವಿಷಯದಲ್ಲಿ ಸ್ವಲ್ಪ ಜಾಗರೂಕತೆಯಿರಲಿ. ಪ್ರಯಾಣ ಮಾಡಬೇಕಾದರೆ ಸ್ವಲ್ಪ ಎಚ್ಚರದಿಂದ ಇರಿ. ವೃಷಭ ರಾಶಿಯವರಿಗೆ ವಿಶೇಷವಾಗಿ ಭೂಮಿ ಖರೀದಿ ಅಥವಾ ಮನೆ ಕಟ್ಟುವ ಯೋಗವಿದೆ. ಅಧಿಕಾರದಲ್ಲಿ ಇರುವವರಿಗೆ ಸ್ವಲ್ಪ ಲಾಭದ ಸಾಧ್ಯತೆ ಇರುತ್ತದೆ. ಮನೆಯಲ್ಲಿ ಸಣ್ಣ ಪುಟ್ಟ ಕಿರಿಕಿರಿ ಇರುವ ಕಾರಣ ಹೆಚ್ಚಾಗಿ ಆರೋಗ್ಯದ ಬಗ್ಗೆ ಗಮನ ಹರಿಸುವುದು ಉತ್ತಮ

 ಮಿಥುನ ರಾಶಿ : ಮಿಥುನ ರಾಶಿ ಅಥವಾ ಮಿಥುನ ಲಗ್ನದವರಿಗೆ ಸ್ವಲ್ಪ ಪ್ರಯಾಣ ಇರುತ್ತದೆ. ಕೆಲಸದಲ್ಲಿ ವರ್ಗಾವಣೆಯಾಗುವ ಸಾಧ್ಯತೆ. ಅಧಿಕಾರದಲ್ಲಿ ಇದ್ದವರಿಗೆ ಕಂಕಣಭಾಗ್ಯ ಕೂಡ ಕೂಡಿಬರಲಿದೆ ಇನ್ನು ನೆರೆಹೊರೆಯವರ ಜೊತೆಗೆ ಬಾಂಧವ್ಯ ಚೆನ್ನಾಗಿರುತ್ತದೆ.

ಕಟಕ ರಾಶಿ : ಕಟಕ ರಾಶಿ ಅಥವಾ ಕಟಕ ಲಗ್ನದವರಿಗೆ ಕುಟುಂಬದಲ್ಲಿ ಮಾತಿನಿಂದ ವ್ಯತ್ಯಾಸಗಳು ಬರಬಹುದು. ಸಾಲಬಾದೆ ಜೊತೆಗೆ ಹಾಳದ ವ್ಯವಸ್ಥೆಯಲ್ಲಿ ಸ್ವಲ್ಪ ಅಡಚಣೆ ಬರಲಿದೆ. ಆರೋಗ್ಯ ವಿಷಯದಲ್ಲಿ ಸ್ವಲ್ಪ ಎಚ್ಚರವಹಿಸಿ. ಉದ್ಯೋಗಸ್ಥರಿಗೆ ಬಾಸ್ ಕಡೆಯಿಂದ ಸ್ವಲ್ಪ ಕಿರಿಕಿರಿ ತಪ್ಪಿದಲ್ಲ. ಸ್ವಲ್ಪಮಟ್ಟಿಗೆ ಕಟಕರಾಶಿಯವರು ಎಚ್ಚರವಹಿಸುವುದು ಉತ್ತಮ

ಸಿಂಹ ರಾಶಿ :  ಸಿಂಹ ರಾಶಿ ಅಥವಾ ಸಿಂಹ ಲಗ್ನದವರು ಗೊತ್ತಿರುವವರನ್ನು ನಂಬಿ ಹಣ ಕಳೆದುಕೊಳ್ಳುವ ಸಾಧ್ಯತೆ ಉದೆ. ಹಣದ ವ್ಯವಸ್ಥೆಯೂ ಕೂಡ ಏರು-ಪೇರಾಗಬಹುದು, ವ್ಯವಹಾರಸ್ಥರಿಗೆ ಸ್ವಲ್ಪ ಕಷ್ಟದ ಅವಧಿ ಇದಾಗಿದ್ದು, ಬರಬೇಕಾಗಿರುವ ಹಣ ಸರಿಯಾಗಿ ಬರೋದಿಲ್ಲ. ಜೊತೆಗೆ ಸ್ವಲ್ಪ ವ್ಯಸನಗಳಿಗೆ ಬೀಳುವ ಸಾಧ್ಯತೆ ಇದೆ. ಎಚ್ಚರಿಕೆ ವಹಿಸಿ.

 ಕನ್ಯಾ ರಾಶಿ : ಕನ್ಯಾ ರಾಶಿ ಅಥವಾ ಕನ್ಯಾ ಲಗ್ನದವರಿಗೆ ಮನೆಯಲ್ಲಿ ಗಲಾಟೆಯಾಗುವ ಸಾಧ್ಯತೆ. ಸ್ವಲ್ಪಮಟ್ಟಿಗೆ ಮನೆಯಿಂದ ಚಿಂತೆಗಳು ಬರಬಹುದು. ಹಠದ ಸ್ವಭಾವ ಹೆಚ್ಚಾಗಲಿದೆ. ಕೆಲಸದಲ್ಲಿ ತೊಂದರೆಗಳು ಬರಬಹುದು. ಮದುವೆ ವಿಳಂಬವಾಗೋ ಸಾಧ್ಯತೆ ಅಂದರೆ ಮನೆಯವರೇ ಒಪ್ಪದೇ ಇರತಕ್ಕಂತ ಸನ್ನಿವೇಶ ಬರಬಹುದು

ತುಲಾ ರಾಶಿ: ತುಲಾ ರಾಶಿ ಅಥವಾ ತುಲಾ ಲಗ್ನ ವಿಶೇಷವಾಗಿ ಇವರಿಗೆ ಅಂದರೆ ಬರವಣಿಗೆಯ ವೃತ್ತಿಯಲ್ಲಿ ಇರುವವರಿಗೆ ಮೀಡಿಯಾದವರು ಆಗಿರಬಹುದು ಪತ್ರಕರ್ತರು ಆಗಿರಬಹುದು ಇವರಿಗೆ ವಿಶೇಷವಾಗಿ ಲಾಭ ಸಿಗುತ್ತದೆ. ಪ್ರಯಾಣದಲ್ಲೂ ಲಾಭ ಸಿಗುವ ಸಾಧ್ಯತೆ ಇದೆ. ಹೊಸ ಸ್ನೇಹಿತರು ಕೂಡ ಇವರಿಗೆ ಸಿಗುತ್ತಾರೆ. ಪ್ರೀತಿಯಲ್ಲಿ ಬೀಳುವ ಸಾಧ್ಯತೆ ಇದೆ. ವಿದ್ಯಾಭ್ಯಾಸದಲ್ಲೂ ಒಳ್ಳೆಯ ಪ್ರಗತಿ.

ವೃಶ್ಚಿಕ ರಾಶಿ : ವೃಶ್ಚಿಕರಾಶಿ ಅಥವಾ ವೃಶ್ಚಿಕ ಲಗ್ನ ಇವರಿಗೆ ಸಾಧಾರಣ ಫಲವಿದೆ. ಆರೋಗ್ಯದಲ್ಲಿ ಎಚ್ಚರಿಗೆ ವಹಿಸಿ. ಮಾತಿನಿಂದಲೇ ಲಾಭ ಸಿಗುವ ಸಾಧ್ಯತೆ ಇದೆ. ವ್ಯವಹಾರಗಳು ಕೂಡ ಸಾಧಾರಣವಾಗಿ ಇರಲಿದೆ. ವಿದ್ಯಾಭ್ಯಾಸದ ಕಡೆಗೆ ಗಮನ ಹರಿಸಿ.

ಧನು ರಾಶಿ : ಧನು ರಾಶಿ ಅಥವಾ ಲಗ್ನ ಇವರಿಗೆ ಹಠಾತ್ ಪ್ರಯಾಣ ಭಾಗ್ಯ. ವಿದ್ಯಾಭ್ಯಾಸದಲ್ಲಿ ಸೋಂಬೇರಿ ತನದಿಂದ ಹಿನ್ನಡೆ. ಮನೆಯಲ್ಲಿ ಶಾಂತಿ.

ಮಕರ ರಾಶಿ : ಮಕರ ರಾಶಿ ಮಕರ ಲಗ್ನದವರು ಸ್ವಲ್ಪಮಟ್ಟಿಗೆ ಎಚ್ಚರವಹಿಸುವುದು ಉತ್ತಮ. ಇದ್ದಕ್ಕಿದ್ದಂತೆ ಮಾತಿನಿಂದ ಸಮಸ್ಯೆಗಳು ಉದ್ಭವವಾಗಬಹುದು. ಸ್ವಲ್ಪಮಟ್ಟಿಗೆ ಹಠದ ಸ್ವಭಾವ ಬೆಳೆಯುತ್ತದೆ. ಯಾರ ಮಾತನ್ನು ಕೇಳದೆ ಇರುವ ಸಾಧ್ಯತೆ ಹೆಚ್ಚು. ಮಾನಸಿಕವಾಗಿ ಖಿನ್ನತೆಗೆ ಒಳಗಾಗುವ ಸಾಧ್ಯತೆ. ಆರೋಗ್ಯ ವಿಚಾರದಲ್ಲೂ ಕೂಡ ಎಚ್ಚರವಿರಲಿ. ಯಾಕಂದರೆ ಮಕರ ರಾಶಿಯವರಿಗೆ ಸಮಯ ಅಷ್ಟೊಂದು ಉತ್ತಮವಾಗಿಲ್ಲ.

ಕುಂಭ ರಾಶಿ : ಕುಂಭ ರಾಶಿ ಅಥವಾ ಕುಂಭ ಲಗ್ನ ಇವರಿಗೆ ಬಹಳ ಒಳ್ಳೆಯ ಕಾಲ ಇದಾಗಿದೆ. ಅವಿವಾಹತರಿಗೆ ಕಂಕಣ ಭಾಗ್ಯ ಖಂಡಿತ. ಜೊತೆಗೆ ವ್ಯವಹಾರದಲ್ಲಿ ಲಾಭ ಸಿಗಲಿದೆ. ಒಟ್ಟಿನಲ್ಲಿ ಇವರಿಗೆ ಶುಭಕಾಲ

ಮೀನ ರಾಶಿ : ಮೀನ ರಾಶಿ ಅಥವಾ ಮೀನ ಲಗ್ನ ಇವರಿಗೆ ವಿಶೇಷವಾಗಿ ಅಧಿಕಾರದಲ್ಲಿ ಲಾಭ ಸಿಗಲಿದೆ.  ಸ್ವಲ್ಪ ಮಟ್ಟಿಗೆ ಅಹಂ ಜಾಸ್ತಿಯಾಗುವ ಸಾಧ್ಯತೆ. ಅವಿವಾಹಿತರಿಗೆ ವಿವಾಹ ಭಾಗ್ಯ. ವಿದ್ಯಾಭ್ಯಾಸದಲ್ಲಿ ಇರುವವರಿಗೆ ಉತ್ತಮ ಕಾಲ. ಸ್ಪರ್ಧಾತ್ಮಕ ಪರೀಕ್ಷೆ ಬರೆಯುವವರಿಗೂ ಶುಭಕಾಲವಿದು. ಪ್ರಯತ್ನಿಸಿದರೆ ಸರ್ಕಾರಿ ಕೆಲಸ ಸಿಗುವ ಸಾಧ್ಯತೆ

ಪರಿಹಾರ

ಅಶುಭ ಫಲಗಳನ್ನು ಹೊಂದಿರುವವರು ಕಡಲೆ ಬೇಳೆ, ಬಾಳೆಹಣ್ಣು ಅರಿಶಿಣ ದಾನ ಕೊಡುವುದರಿಂದ ಬರುವ ಕಷ್ಟದಲ್ಲಿ ಸ್ವಲ್ಪಮಟ್ಟಿಗೆ ಸುಧಾರಣೆ ಕಾಣಬಹುದು.  ಜೊತೆಗೆ ಗುರುವಿನ ಧ್ಯಾನದಿಂದ ಶುಭವಾಗಲಿದೆ

  • ಸ್ವಾಮಿ ಆರ್ ಎಲ್ ರಾಮಲಿಂಗಾಪುರ, ಸಂಪರ್ಕ ಸಂಖ್ಯೆ 8105026724
- Advertisement -
- Advertisement -
- Advertisement -

Latest article