ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಮೂರು ಧಾರವಾಹಿಗಳು ಅಕಾಲಿಕ ಅಂತ್ಯ ಕಾಣುತ್ತಿದೆ. ಮಧ್ಯಾಹ್ನದ ಹೊತ್ತಿನಲ್ಲಿ ಪ್ರಸಾರವಾಗುತ್ತಿದ್ದ ಮತ್ತೆ ವಸಂತ ಮತ್ತು ಜೀವ ಹೂವಾಗಿದೆ ಹಾಗೂ ಇಂತಿ ನಿಮ್ಮ ಆಶಾ ಧಾರವಾಹಿಯನ್ನು ವೈಂಡಪ್ ಮಾಡಲು ವಾಹಿನಿ ನಿರ್ಧರಿಸಿದೆ. ಈ ಎರಡು ಧಾರವಾಹಿಗಳು ಟಿಆರ್ಪಿ ಗಳಿಸುವಲ್ಲಿ ವಿಫಲವಾಗಿರುವುದೇ ಜರ್ನಿ ಅಂತ್ಯಕ್ಕೆ ಕಾರಣವಾಗಿದೆ.
ಮಾರ್ಚ್ 2 ರಂದು ಪ್ರಸಾರ ಪ್ರಾರಂಭಿಸಿದ ಮತ್ತೆ ವಸಂತ 600 ಎಪಿಸೋಡ್ ಗಳನ್ನು ಈಗಾಗಲೇ ಪೂರೈಸಿದೆ. ಅಕ್ಷಥಾ ದೇಶಪಾಂಡೆ ಮತ್ತು ರಕ್ಷಿತ್ ಈ ಧಾರವಾಹಿಯ ಪ್ರಮುಖ ಪಾತ್ರಕ್ಕೆ ಜೀವ ತುಂಬಿದ್ದರು.
ಇನ್ನು ಜೀವ ಹೂವಾಗಿದೆ ಧಾರವಾಹಿ ಒಡೆದ ಮನಸ್ಸುಗಳ ನಡುವಿನ ನೋವು ನಲಿವಿನ ಕಥೆಯನ್ನು ಹೊಂದಿತ್ತು. ಮೊದಲು ಶಿಲ್ಪಾ ರವಿ ಕಾಣಿಸಿಕೊಂಡಿದ್ದ ಈ ಧಾರವಾಹಿಯನ್ನು ದೀಪಾ ಕಟ್ಟಿ ಮುನ್ನಡೆಸುತ್ತಿದ್ದಾರೆ.
ಈ ಎರಡು ಧಾರವಾಹಿಗಳ ಜಾಗಕ್ಕೆ ಮತ್ತೆರೆಡು ಧಾರವಾಹಿ ಬರುತ್ತಿದೆ. ತೆಲುಗಿನ ಸ್ಟಾರ್ ಮಾ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಎನ್ನೆನ್ನೂ ಜನ್ಮಲಬಂಧಂ ಧಾರವಾಹಿ ಅನುರಾಗ ಅರಳಿತು ಟೈಟಲ್ ನಲ್ಲಿ ಕನ್ನಡಕ್ಕೆ ಡಬ್ ಆಗಲಿದೆ. ಈ ಧಾರವಾಹಿಯಲ್ಲಿ ಕಮಲಿ ಧಾರವಾಹಿಯ ಖ್ಯಾತಿಯ ರಿಶಿ ಆಲಿಯಾಸ್ ನಿರಂಜನ್ ನಟಿಸಿದ್ದಾರೆ. ಇನ್ನು ಕನ್ನಡದ ಹುಡುಗಿ ರಕ್ಷಿತಾ ನಟಿಸುತ್ತಿರುವ ಗುಪ್ಪಿದಂತ ಮನಸು ಅನ್ನೋ ತೆಲುಗು ಧಾರವಾಹಿ ಕೂಡಾ ಕನ್ನಡಕ್ಕೆ ಡಬ್ ಆಗಲಿದ್ದು , ಹೊಂಗನಸು ಟೈಟಲ್ ನಲ್ಲಿ ಪ್ರಸಾರವಾಗಲಿದೆ
Discussion about this post