Monday, April 19, 2021

ಮೋದಿ ಸರ್ಕಾರದಿಂದ ಹೊರ ಬಿತ್ತು ಮತ್ತೊಂದು ಆದೇಶ – ಕಚೇರಿಯಲ್ಲೇ ಉದ್ಯೋಗಿಗಳಿಗೆ ಸಿಗಲಿದೆ ಕೊರೋನಾ ಲಸಿಕೆ

Must read

- Advertisement -
- Advertisement -

ನವದೆಹಲಿ : ಕೊರೋನಾ ಸೋಲಿಸುವ ನಿಟ್ಟಿನಲ್ಲಿ ಈಗಾಗಲೇ ಮೂರು ಹಂತದ ಲಸಿಕಾ ಕಾರ್ಯಕ್ರಮಗಳು ನಡೆಯುತ್ತಿದೆ. ಆದರೆ ನಿರೀಕ್ಷಿತ ಮಟ್ಟದಲ್ಲಿ ಇದು ಯಶಸ್ವಿಯಾಗಿಲ್ಲ. ಜೊತೆಗೆ ಕೊರೋನಾ ಸೋಂಕು ಸೋಲಿಸಲು ಲಸಿಕೆ ಬಂದ್ರೆ ಸಾಕಪ್ಪ ಅನ್ನುತ್ತಿದ್ದ ಬಹುತೇಕರು ಲಸಿಕೆಯನ್ನೇ ಪಡೆದಿಲ್ಲ.

ಕೆಲವೇ ಕೆಲವು ರಾಜ್ಯಗಳಲ್ಲಿ ಮಾತ್ರ ಲಸಿಕಾ ವಿತರಣಾ ಕಾರ್ಯ ನಿರೀಕ್ಷಿತ ಮಟ್ಟದಲ್ಲಿ ನಡೆಯುತ್ತಿದೆ. ಅನೇಕ ರಾಜ್ಯಗಳಲ್ಲಿ ಜನರ ನಿರ್ಲಕ್ಷ್ಯದಿಂದ ಲಸಿಕೆ ವಿತರಣಾ ಕಾರ್ಯ ಆಮೆ ನಡಿಗೆಯ ವೇಗದಲ್ಲಿದೆ. ಹೀಗಾಗಿ ಲಸಿಕಾ ವಿತರಣಾ ಕಾರ್ಯಕ್ಕೆ ಚುರುಕು ಮುಟ್ಟಿಸುವ ನಿಟ್ಟಿನಲ್ಲಿ ಲಸಿಕೆ ಕಡ್ಡಾಯ ಮಾಡಿದರೆ ಹೇಗೆ ಅನ್ನುವ ಚಿಂತನೆಗಳು ನಡೆಯುತ್ತಿದೆ. ಆದರೆ ಇದು ಕಷ್ಟಕರವಾಗಿರುವ ಹಿನ್ನಲೆಯಲ್ಲಿ ಜನ ಲಸಿಕೆ ಪಡೆಯಲೇಬೇಕು ಅನ್ನುವ ಪರಿಸ್ಥಿತಿ ನಿರ್ಮಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ.

ಈ ನಡುವೆ ದೇಶದ ಉದ್ಯೋಗಿಗಳಿಗೆ ಅವರು ಕೆಲಸ ಮಾಡೋ ಸ್ಥಳಗಳಲ್ಲಿಯೇ ಕೊರೋನಾ ಲಸಿಕೆ ನೀಡಲು ಕೇಂದ್ರ ಸರ್ಕಾರ ಅನುಮತಿ ನೀಡಿದೆ ಎಂದು ಎನ್.ಡಿ.ಟಿವಿ ವರದಿ ಮಾಡಿದೆ.

ಭಾನುವಾರದಿಂದ ಈ ಲಸಿಕಾ ವಿತರಣಾ ಕಾರ್ಯಕ್ರಮ ಪ್ರಾರಂಭವಾಗಲಿದ್ದು, ಅಗತ್ಯ ಸಿದ್ದತೆಗಳನ್ನು ಮಾಡಿಕೊಳ್ಳುವಂತೆ ರಾಜ್ಯ ಸರ್ಕಾರಗಳಿಗೆ ಕೇಂದ್ರ ಆರೋಗ್ಯ ಸಚಿವಾಲಯ ಸೂಚಿಸಿದೆಯಂತೆ.

ಸರ್ಕಾರಿ ಮತ್ತು ಖಾಸಗಿ ಕಚೇರಿಗಳಲ್ಲಿ ಈ ಸೇವೆ ಪ್ರಾರಂಭವಾಗಲಿದ್ದು,

ಜಿಲ್ಲಾಧಿಕಾರಿಗಳು ಈ ಬಗ್ಗೆ ಮೇಲುಸ್ತುವಾರಿ ವಹಿಸಲಿದ್ದು, ಜೊತೆಗೆ ನೋಡೆಲ್ ಅಧಿಕಾರಿಗಳನ್ನು ನೇಮಿಸುವಂತೆ ಕೇಂದ್ರ ಸರ್ಕಾರ ಸೂಚಿಸಿದೆ ಎಂದು ವರದಿ ತಿಳಿಸಿದೆ.

ಅನೇಕ ಕಂಪನಿಗಳ ಸಿಬ್ಬಂದಿ ಕಾರ್ಯದ ಒತ್ತಡದಿಂದ ಲಸಿಕೆ ಪಡೆಯಲು ಹೋಗುತ್ತಿಲ್ಲ. ಹೀಗಾಗಿ ಕೆಲಸ ಸ್ಥಳದಲ್ಲೇ ಲಸಿಕೆ ವಿತರಣೆ ನಡೆಸಿದರೆ ಅನುಕೂಲ ಅನ್ನುವ ನಿಟ್ಟಿನಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆಯಂತೆ.

- Advertisement -
- Advertisement -
- Advertisement -

Latest article