ಕೊರೋನಾ ಲಸಿಕೆಗಾಗಿ ಬ್ರೆಜಿಲ್ ವಿಮಾನವನ್ನು ನಿಲ್ದಾಣದಲ್ಲೇ ಒಂದು ವಾರ ಕಾಯಿಸಿದ್ಯಾಕೆ ಪ್ರಧಾನಿ ಮೋದಿ…

ಬೆಂಗಳೂರು : ಚೈನಾ ವೈರಸ್ ಸೋಲಿಸುವ ಸಲುವಾಗಿ ಭಾರತ ಹೊರ ತಂದಿರುವ ಕೊರೋನಾ ಲಸಿಕೆ ಇದೀಗ ವಿಶ್ವದ ಗಮನ ಸೆಳೆದಿದೆ. ಜಗತ್ತಿನ ಅನೇಕ ರಾಷ್ಟ್ರಗಳು ಭಾರತದ ಸಂಜೀವಿನಿಗಾಗಿ ಮನವಿ ಸಲ್ಲಿಸಿದೆ.

ಆಫ್ರಿಕ, ಲ್ಯಾಟಿನ್, ಅಮೆರಿಕಾ, ಕೆರೆಬಿಯನ್, ಸೌದಿ ಅರೇಬಿಯಾ ಸೇರಿದಂತೆ 90ಕ್ಕೂ ಹೆಚ್ಚು ರಾಷ್ಟ್ರಗಳು ಈಗಾಗಲೇ ಲಸಿಕೆಗಾಗಿ ಸೀರಂ ಸಂಸ್ಥೆಯನ್ನು ಸಂಪರ್ಕಿಸಿದೆ.

ಆದರೆ ಮೊದಲು ಭಾರತೀಯರಿಗೆ ಲಸಿಕೆ ಅಂದಿರುವ ಭಾರತ ಸರ್ಕಾರ ಆ ನಂತರ ಉಳಿದ ದೇಶಗಳಿಗೆ ಲಸಿಕೆ ಮಾರಾಟ ಮಾಡಲು ಅನುಮತಿ ನೀಡಲಿದೆ. ಈ ನಿಟ್ಟಿನಲ್ಲಿ ಮಾರಾಟ ಪ್ರಕ್ರಿಯೆ ಕೂಡಾ ಪ್ರಾರಂಭಗೊಂಡಿದೆ.

ಈ ನಡುವೆ ಪ್ರಧಾನಿ ನರೇಂದ್ರ ಮೋದಿಯವರಿಗೆ ಪತ್ರ ಬರೆದಿದ್ದ ಬ್ರೆಜಿಲ್ ಅಧ್ಯಕ್ಷ ಜೈರ್ ಬೊಲ್ಸೋನಾರೋ, ಲಸಿಕೆಗಾಗಿ ಮನವಿ ಮಾಡಿದ್ದರು. ಇದಕ್ಕೆ ಸಕಾರತ್ಮವಾಗಿ ಸ್ಪಂದಿಸಿದ್ದ ನರೇಂದ್ರ ಮೋದಿ, ಲಸಿಕೆ ನೀಡಲು ಸಮ್ಮತಿಸಿದ್ದರು. ಈ ಸಂಬಂಧ ಸೀರಂ ಹಾಗೂ ಬ್ರೆಜಿಲ್ ಸರ್ಕಾರ ನಡುವೆ ಒಪ್ಪಂದ ಕೂಡಾ ನಡೆದಿತ್ತು.

ಬಳಿಕ ಲಸಿಕೆ ಕೊಂಡೊಯ್ಯುವ ಸಲುವಾಗಿ ವಿಮಾನ ಸಿದ್ದವಾಗಿತ್ತು. ಜನವರಿ 16 ರಂದು ಲಸಿಕೆ ಹೊತ್ತ ವಿಮಾನ ಬ್ರೆಜಿಲ್ ಗೆ ಹಾರಬೇಕಾಗಿತ್ತು. ಆದರೆ ನೆರೆ ರಾಷ್ಟ್ರಗಳೇ ಮೊದಲು ಅನ್ನುವ ಭಾರತದ ನೀತಿಯ ಅನ್ವಯ, ಬಾಂಗ್ಲಾ ದೇಶ, ನೇಪಾಳ, ಭೂತಾನ್, ಮಾಲ್ಡೀವ್ಸ್, ಮಾರಿಷಸ್ ಸೇರಿದಂತೆ ನೆರೆ ರಾಷ್ಟ್ರಗಳಿಗೆ ಲಸಿಕೆ ಮೊದಲು ಹಂಚಿಕೆಯಾಗಬೇಕಾಗಿತ್ತು. ಈ ಹಂಚಿಕೆಯಲ್ಲಿ ವಿಳಂಭವಾದ ಕಾರಣ ಬ್ರೆಜಿಲ್ ಗೆ ಲಸಿಕೆ ಕಳುಹಿಸುವುದು ವಿಳಂಭವಾಯ್ತು.

ಭಾರತದ ನೆರವಿನ ಹಸ್ತವನ್ನು ಪ್ರೀತಿಯಿಂದ ಕೊಂಡಾಡಿರುವ  ಬ್ರೆಜಿಲ್ ಅಧ್ಯಕ್ಷರು ಸ್ವಲ್ಪ ಡಿಫರೆಂಟ್ ಅನ್ನುವಂತೆ ಧನ್ಯವಾದ ಹೇಳಿದ್ದಾರೆ.