Saturday, May 15, 2021
spot_img

ಡಾಕ್ಟರೇಟ್ ಗೌರವ ಪಡೆಯಲು ಹೋಗಿ 90 ಲಕ್ಷ ಕಳೆದುಕೊಂಡ ಬೆಂಗಳೂರಿನ ಟೆಕ್ಕಿ

Must read

- Advertisement -
- Advertisement -

ಬೆಂಗಳೂರು : ತಾನು ಪಡೆದಿದ್ದ Phd ಪದವಿಯನ್ನು ಕಾನೂನು ಬದ್ಧಗೊಳಿಸಲು ಹೋದ ಟೆಕ್ಕಿಯೊಬ್ಬ 90 ಲಕ್ಷ ರೂಪಾಯಿ ಕಳೆದುಕೊಂಡ ಘಟನೆ ಬೆಂಗಳೂರಿನ ಟಿ ದಾಸರಹಳ್ಳಿಯಲ್ಲಿ ನಡೆದಿದೆ. ಈ ಸಂಬಂಧ ನಾರ್ತ್ ಸಿಇಎನ್ ಕ್ರೈಮ್ ಪೊಲೀಸ್ ಠಾಣೆಯಲ್ಲಿ ಎಪ್ರಿಲ್ 8 ರಂದು ಪ್ರಕರಣ ಕೂಡಾ ದಾಖಲಾಗಿದೆ.

ಏರೋಸ್ಪೇಸ್ ಡಿಸೈನ್ ವಿಷಯದಲ್ಲಿ ಬಿಇ ಪದವಿ ಪಡೆದಿದ್ದ ಯುವಕನೊಬ್ಬ 2014ರಲ್ಲಿ ಉದ್ಯೋಗ ಸಲುವಾಗಿ ಸಂಸ್ಥೆಯೊಂದನ್ನು ಸೇರಿಕೊಂಡಿದ್ದರು. ಈ ವೇಳೆ ಅಂದೇ ಸಂಸ್ಥೆ ಅವರನ್ನು ಜರ್ಮನಿಗೆ ವರ್ಗಾವಣೆ ಮಾಡಿತ್ತು.

ಹೀಗೆ ಜರ್ಮನಿಗೆ ಹೋದ ಅವರು ತನ್ನ ಫ್ರೀ ಟೈಮ್ ನಲ್ಲಿ ವಿದ್ಯಾಭ್ಯಾಸ ಮುಂದುವರಿಸಲು ಬಯಸಿದರು. ಈ ಸಲುವಾಗಿ ದೂರ ಶಿಕ್ಷಣದ ಅವಕಾಶಗಳನ್ನು ಹುಡುಕಾಡುತ್ತಿದ್ದರು. ಈ ವೇಳೆ ಮಸ್ಟ್ ಹೆಸರಿನ ವಿವಿ ದೂರ ಶಿಕ್ಷಣ ವ್ಯವಸ್ಥೆ ಮೂಲಕ Phd ಅಧ್ಯಯನಕ್ಕೆ ಅವಕಾಶ ನೀಡುವುದಾಗಿ ಹೇಳಿತು. ಅದರಂತೆ ತರಗತಿಗೆ ಸೇರಿದ್ದ ಅವರು 2015ರಲ್ಲಿ ಕೋರ್ಸ್ ಮುಗಿಸಿದ್ದರು. ಇದಾದ ಎರಡು ವರ್ಷದ ಬಳಿಕ ಮತ್ತೆ ಬೆಂಗಳೂರಿಗೆ ಮರಳಿದ್ದಾರೆ.

ಬೆಂಗಳೂರಿಗೆ ಬಂದ ಬಳಿಕ 2018ರಲ್ಲಿ ಕರೆ ಮಾಡಿದ್ದ ಅಪರಿಚಿತನೊಬ್ಬ, ನಿಮ್ಮ Phd ಮಾನ್ಯತೆ ಪಡೆದಿಲ್ಲ, ಅದೊಂದು ಅಮಾನ್ಯ ವಿವಿಯಿಂದ ಪಡೆದ Phd ಯಾಗಿದೆ ಅಂದಿದ್ದಾರೆ. ಆದರೆ ಈ ಬಗ್ಗೆ ಅವರು ತಲೆ ಕೆಡಿಸಿಕೊಂಡಿರಲಿಲ್ಲ.

ಮತ್ತೆ 2019ರ ನವೆಂಬರ್ 19ರಂದು ದೆಹಲಿಯಲ್ಲಿರುವ ಅಮೆರಿಕಾದ ರಾಯಭಾರಿ ಕಚೇರಿಯಿಂದ ಕರೆ ಮಾಡುತ್ತಿರುವುದಾಗಿ ಹೇಳಿದ್ದ ವ್ಯಕ್ತಿಯೊಬ್ಬ ನಿಮ್ಮ Phd ಅಮಾನ್ಯವಾಗಿರುವ ಕಾರಣ ಅದನ್ನು ರದ್ದುಗೊಳಿಸಬೇಕು, ಇಲ್ಲವಾದರೆ ಲೀಗಲೈಸ್ ಮಾಡಿಕೊಳ್ಳಬೇಕು. ಎರಡರಲ್ಲಿ ಒಂದನ್ನು ಮಾಡಿಸದಿದ್ರೆ ಜೈಲು ಸೇರಬೇಕಾಗುತ್ತದೆ ಎಂದು ಬೆದರಿಸಿದ್ದಾನೆ. ಹೀಗಾಗಿ ಹೀಗಾಗಿ ಸುಮ್ನೆ ಅಪಾಯಬೇಡ ಎಂದು Phd ರದ್ದುಗೊಳಿಸುವ ಸಲುವಾಗಿ 2 ಸಾವಿರ ಡಾಲರ್ ಮೊತ್ತವನ್ನು ಅಪರಿಚಿತನಿಗೆ ಪಾವತಿಸಿದ್ದಾರೆ.

ಇದಾದ ಕೆಲ ದಿನಗಳ ಕರೆ ಮಾಡಿದ್ದ ಮತ್ತೊಬ್ಬ ವ್ಯಕ್ತಿ ನಿಮ್ಮ Phd ಯನ್ನು ರದ್ದುಗೊಳಿಸಲು ಸಾಧ್ಯವಿಲ್ಲ. ಆದರೆ Phd ಯನ್ನು ಮತ್ತೊಂದು ವಿವಿಗೆ ವರ್ಗಾಯಿಸಿ ಮಾನ್ಯಗೊಳಿಸಲು ಸಾಧ್ಯವಿದೆ. ಇದಕ್ಕಾಗಿ ನಾನು ನಿಮಗೆ ಸಹಕರಿಸುತ್ತೇನೆ ಅಂದಿದ್ದಾನೆ. ಇದಕ್ಕೆ ಒಪ್ಪಿದ ಬಳಿಕ ಕ್ಯಾಲಿಫೋರ್ನಿಯಾ ಸ್ಟೇಟ್ ಯೂನಿವರ್ಸಿಟಿಯಿಂದ Phd ಮಾನ್ಯಗೊಳಿಸುವ ಪತ್ರವೂ ಬಂದಿದೆ. ( ಬಳಿಕ ಗೊತ್ತಾಗಿದ್ದು ಅದೊಂದು ಫೇಕ್ ಸಂಸ್ಥೆ ಎಂದು)
ಇದಾದ ಬಳಿಕ ವಿದೇಶದಿಂದ ಕರೆ ಮಾಡುತ್ತಿದ್ದ ಮಂದಿ ಈ ಟೆಕ್ಕಿ ಕಡೆಯಿಂದ ಹಂತ ಹಂತವಾಗಿ ಕಾಸು ವಸೂಲಿ ಮಾಡಿದ್ದಾರೆ. ಏನಿಲ್ಲ ಅಂದರೂ ಅವರು ಪಡೆದುಕೊಂಡಿದ್ದು 1,20,000 ಡಾಲರ್ ಅಂದ್ರೆ ಭಾರತದ ರೂಪಾಯಿ ಲೆಕ್ಕಕ್ಕೆ ಸರಿ ಸುಮಾರು 90 ಲಕ್ಷ ರೂಪಾಯಿ.

ಇನ್ನೇನು ಕಳೆದುಕೊಂಡ ಮೊತ್ತ ಕೋಟಿಯನ್ನು ತಲುಪಬೇಕು ಅನ್ನುವ ಹೊತ್ತಿಗೆ ಏನೋ ಮೋಸ ನಡೆಯುತ್ತಿದೆ ಅನ್ನುವ ಅನುಮಾನ ಬಂದಿದೆ. ಹೀಗಾಗಿ ಗೆಳೆಯನೊಬ್ಬನ ಸಹಾಯದಿಂದ ಮೋಸ ಹೋದವರು ಪೊಲೀಸ್ ಠಾಣೆ ಮೆಟ್ಟಿಲು ಹತ್ತಿದ್ದಾರೆ.

- Advertisement -
- Advertisement -spot_img
- Advertisement -spot_img

Latest article