ದಿವ್ಯಾ ಉರುಡುಗ, ಬಿಗ್ ಬಾಸ್ ಮನೆಯಲ್ಲಿ ಟಾಪ್ 5 ಸ್ಪರ್ಧಿಗಳ ಸಾಲಿನಲ್ಲಿ ಕೂತಿದ್ದಾರೆ. ಅರವಿಂದ್ ಜೊತೆಗಿನ ಲವ್ ಸ್ಟೋರಿ ಇಲ್ಲದಿರುತ್ತಿದ್ರೆ ಉರುಡುಗ ಇಷ್ಟು ಹೊತ್ತಿಗೆ ಮನೆಯಿಂದ ಹೊರ ಹೋಗಿರುತ್ತಿದ್ರು. ಆದರೆ ಪ್ರೀತಿಯೇ ಅವರನ್ನು ಕಾಪಾಡಿಕೊಂಡು ಬಂದಿದೆ. ಅರವಿಂದ್ ಜೊತೆಗಿನ ಒಡನಾಟವೇ ಅವರಿಗೆ ಓಟು ತಂದಿತ್ತು, ಮಾತ್ರವಲ್ಲದೆ ಬಿಗ್ ಬಾಸ್ ಕಂಟೆಂಟ್ ಒದಗಿಸಿತ್ತು.
ಇನ್ನು ಟಾಸ್ಕ್ ವಿಚಾರಕ್ಕೆ ಬಂದ್ರೆ ಉರುಡುಗ ಅದ್ಭುತ ಆಟಗಾರ್ತಿ, ಗೆಲ್ಲಲೇಬೇಕು ಅನ್ನುವ ಹಠ ಆಕೆಯಲ್ಲಿತ್ತು. ಈ ಕಾರಣಕ್ಕಾಗಿ ಮೈ ಮೇಲೆ ಬ್ಯಾಂಡೇಜ್ ಇದ್ರು ಅದನ್ನು ಲೆಕ್ಕಿಸಲಿಲ್ಲ. ಗಾಯಾಳುವಾದ ಕಾರಣಕ್ಕೆ ಆಡಲಾಗುತ್ತಿಲ್ಲ ಎಂದು ಕಣ್ಣೀರು ಹಾಕಿದ ಹುಡುಗಿ ಉರುಡುಗ. ಇದು ಆಕೆಯ ಸ್ಪರ್ಧಾಳು ಮನೋಭಾವನೆಗೆ ಸಾಕ್ಷಿ.
ಆದರೆ ಅರವಿಂದ್ ಕಾರಣಕ್ಕೆ ಆಕೆ ಸ್ವಾರ್ಥಿಯಾಗಿದ್ದು ವೀಕ್ಷಕರಿಗೆ ಇಷ್ಟವಾಗಿಲ್ಲ. ಮನೆಯವರಿಗೊಂದು ನ್ಯಾಯ, ಮನದವರಿಗೊಂದು ನ್ಯಾಯವನ್ನು ಉರುಡುಗ ಅನುಸರಿಸಿದ್ದರು. ಅರವಿಂದ್ ಬಗ್ಗೆ ಆಕೆ ಸಾಫ್ಟ್ ಕಾರ್ನರ್ ಹೊಂದಿದ್ದರು ಅನ್ನುವುದಕ್ಕೆ ಅವರು ಕೈಗೊಂಡ ಅನೇಕ ತೀರ್ಮಾನಗಳೇ ಸಾಕ್ಷಿ.
ಇನ್ನು ಮಹಾಮನೆಯ ನಾಯಕಿಯಾಗಿದ್ದ ಸಂದರ್ಭದಲ್ಲಿ ಆಕೆ ಮಾಡಿಕೊಂಡ ಎಡವಟ್ಟು ತೀರ್ಮಾನಗಳು ಸುದೀಪ್ ಕಣ್ಣು ಕೆಂಪಾಗಿಸಿತ್ತು. ಈ ಕಾರಣಕ್ಕಾಗಿ ಕಿಚ್ಚ ತರಾಟೆಗೂ ತೆಗೆದುಕೊಂಡಿದ್ದರು. ಅಷ್ಟೇ ಅಲ್ಲದೆ ಪ್ರಶಾಂತ್ ಸಂಬರಗಿಗೆ ಕಳಪೆ ಬೋರ್ಡ್ ಕೊಡುವ ಸಂದರ್ಭದಲ್ಲಿ ದಿವ್ಯಾ ನಡೆ ಕಳಪೆಯಾಗಿತ್ತು.
ಹೀಗಾಗಿ ದಿವ್ಯಾ ಉರುಡುಗ ಅವರ ಮನೆಯ ಜರ್ನಿಯನ್ನು ನೋಡಿದರೆ ಲವ್ ಸ್ಟೋರಿಯ ಕಾರಣಕ್ಕೆ ಅವರು ಮನೆಯಲ್ಲಿ ಉಳಿದುಕೊಂಡರು ಆದರೆ ಇದೇ ಲವ್ ಸ್ಟೋರಿ ಕಪ್ ಗೆಲ್ಲೋ ಪ್ರಯತ್ನಕ್ಕೆ ಉರುಳಾಗಲಿದೆ.
Discussion about this post