ಟೀಂ ಇಂಡಿಯಾ ಆಯ್ಕೆ ಸಮಿತಿ ಸದಸ್ಯರಿಂದ ಚಹಾ ಸಪ್ಲೈ : ನಟಿ ಅನುಷ್ಕಾ ಶರ್ಮಾ ಹೇಳಿದ್ದೇನು…?

ಟೀಂ ಇಂಡಿಯಾದಲ್ಲಿ ನಾಯಕ ವಿರಾಟ್ ಕೊಹ್ಲಿ ಪತ್ನಿಗೆ ವಿಶೇಷ ಆತಿಥ್ಯ ನೀಡಲಾಗುತ್ತದೆ ಎಂಬ ಆರೋಪಕ್ಕೆ ನಟಿ ಅನುಷ್ಕಾ ಶರ್ಮಾ ಪ್ರತಿಕ್ರಿಯಿಸಿದ್ದಾರೆ. ಭಾರತ ತಂಡ ಮಾಜಿ ಆಟಗಾರ ಫಾರೂಕ್ ಇಂಜಿಯರ್​ ಮಾಡಿರುವ ಆರೋಪಕ್ಕೆ ಟ್ವೀಟ್​ ಮೂಲಕ ಸ್ಪಷ್ಟನೆ ನೀಡಿರುವ ನಟಿ, ನನ್ನ ಹಣದಿಂದಲೇ ಪಂದ್ಯಗಳ ಟಿಕೆಟ್​ಗಳನ್ನು ಖರೀದಿಸಿದ್ದೇನೆ ಅಂದಿದ್ದಾರೆ.

ಇನ್ನು ವಿಶ್ವಕಪ್ ಪಂದ್ಯವೊಂದರಲ್ಲಿ ಆಯ್ಕೆದಾರರು ತನಗೆ ಚಹಾ ವಿತರಿಸಿದ್ದರು ಎಂಬ ಆರೋಪಕ್ಕೆ ಪ್ರತಿಕ್ರಿಯಿಸಿರುವ ಅನುಷ್ಕಾ ನಾನು ಕಾಫಿ ಕುಡಿಯುತ್ತೇನೆ ಎಂದು ಸುಳ್ಳು ಸುದ್ದಿ ಹಬ್ಬಿಸಿದವರಿಗೆ ಟಾಂಗ್ ಕೊಟ್ಟಿದ್ದಾರೆ.

ಇನ್ನು ನಾನು ಭಾರತೀಯ ಕ್ರಿಕೆಟ್ ಆಡಳಿತ ಮಂಡಳಿಯಿಂದ ಇದುವರೆಗೂ ನಾನು ಯಾವುದೇ ವಿಶೇಷ ಸೌಲಭ್ಯಗಳನ್ನು ಪಡೆದುಕೊಂಡಿಲ್ಲ. ನಾನು ಕಳೆದ 11 ವರ್ಷಗಳಿಂದ ಗೌರವಯುತಳಾಗಿ ವೃತ್ತಿಜೀವನ ನಡೆಸಿದ್ದೇನೆ. ನನಗೆ ನನ್ನದೆ ಆದ ಗೌರವವಿದೆ. ಭಾರತ ಕ್ರಿಕೆಟ್ ತಂಡದ ನಾಯಕನ ಪತ್ನಿಯಾದ ಮಾತ್ರಕ್ಕೆ, ಅವರ ಕೆಟ್ಟ ಪ್ರದರ್ಶನಕ್ಕೆ ನನ್ನನ್ನು ಗುರಿಯಾಗಿಸುತ್ತಿರುವುದು ಎಷ್ಟು ಸರಿ ಎಂದು ಪ್ರಶ್ನಿಸಿರುವ ಅನುಷ್ಕಾ, ಈ ಹಿಂದೆ ನಾನು ಟೀಂ ಇಂಡಿಯಾದ ಗ್ರೂಪ್ ಫೋಟೋದಲ್ಲಿ ಕಾಣಿಸಿಕೊಂಡಿದ್ದಾಗ ವಿವಾದವಾಗಿತ್ತು. ನಾನ್ಯಾವತ್ತೂ ತಂಡದೊಂದಿಗೆ ಕಾಣಿಸಿಕೊಳ್ಳಲು ಬಯಸಿರಲಿಲ್ಲ. ಆದರೆ ಹೈ ಕಮೀಷನರ್ ಅವರ ಪತ್ನಿ ನನ್ನನ್ನು ನಿಲ್ಲುವಂತೆ ಕೇಳಿಕೊಂಡರು. ಹಾಗಾಗಿ ನಾನು ಫೋಟೊ ಪೋಸ್​ಗೆ ನಿಂತಿದ್ದೆ ಎಂದು ತಿಳಿಸಿದ್ದಾರೆ.

ಅತ್ತ ಅನುಷ್ಕಾ ಕಡೆಯಿಂದ ಖಡಕ್ಕ್ ಉತ್ತರ ಬರುತ್ತಿದ್ದಂತೆ ಕ್ಷಮೆ ಕೇಳಿರುವ ಫಾರೂಕ್ ನಾನು ಬಾಲಿವುಡ್ ನಟಿಯನ್ನು ಗುರಿ ಮಾಡಿರಲಿಲ್ಲ. ನಾನು ಕೇವಲ ಸೆಲೆಕ್ಟರ್ ಗಳನ್ನು ಗುರಿಯಾಗಿಸಿ ಈ ಮಾತುಗಳನ್ನು ಹೇಳಿದ್ದೇನೆ.

ಅನುಷ್ಕಾ ಲವ್ಲಿ ಗರ್ಲ್, ವಿರಾಟ್ ಬ್ರಿಲಿಯಂಟ್ ಕ್ಯಾಪ್ಟನ್, ರವಿಶಾಸ್ತ್ರೀ extremely good. ನಾನು ಎತ್ತಿರುವ ಅಂಶಗಳು ಇದೀಗ ಬೇರೆ ಕಡೆ ತಿರುಗಿವೆ. ನನ್ನ ಮಾತುಗಳಿಗೆ ಬೇರೆಯದ್ದೇ ಅರ್ಥ ಬಂದಿದೆ ಅಂದಿದ್ದಾರೆ.