Advertisements

ನಾನು ಅಷ್ಟು ಸುಲಭವಾಗಿ ನೆಗೆದು ಬೀಳ್ತೀನಾ? ಈಶ್ವರಪ್ಪಗೆ ಕುಟುಕಿದ ಕುಮಾರಸ್ವಾಮಿ

ನನ್ನ ಆರೋಗ್ಯದ ಬಗ್ಗೆಯೂ ಲೇವಡಿ ಮಾಡುತ್ತಾ ಇಲ್ಲ ಸಲ್ಲದ ಮಾತಾಡುತ್ತಿದ್ದಾರೆ. ನಿಮ್ಮಂತವರ ಆಶೀರ್ವಾದ ನನ್ನ ಮೇಲಿದೆ. ಹೀಗಿರುವಾಗಿ ನಾನು ಅಷ್ಟು ಸುಲಭವಾಗಿ ನೆಗೆದು ಬೀಳ್ತೀನಾ ಎಂದು ಸಿಎಂ ಕುಮಾರಸ್ವಾಮಿ ಹಾಸ್ಯದಿಂದಲೇ ಈಶ್ವರಪ್ಪ ಅವರಿಗೆ ಟಾಂಗ್ ಕೊಟ್ಟಿದ್ದಾರೆ.

ಶ್ರೀರಂಗಪಟ್ಟಣ ವಿಧಾನಸಭಾ ಕ್ಷೇತ್ರದಲ್ಲಿ ಪಾಲಹಳ್ಳಿ ಗ್ರಾಮದಲ್ಲಿ ಬುಧವಾರ ರೋಡ್ ಶೋ ವೇಳೆ ಮಾತನಾಡಿದ ಅವರು ಸಿಎಂ ಇವತ್ತಿನ ಜನರ ಅಭಿಮಾನವನ್ನು ಯಾರು ಬೇಕಾದರೂ ಮನಗಾಣಬಹುದು. ನಮ್ಮ ಕುಟುಂಬ ಜೊತೆ ವಿಶೇಷವಾಗಿ ನನ್ನ ಮೇಲೆ ಇಟ್ಟಿರುವ ಪ್ರೀತಿ ಎಂದಿಗೂ ಬೆಲೆ ಕಟ್ಟೋಕೆ ಆಗಲ್ಲ ಎಂದು ಕುಮಾರಸ್ವಾಮಿ ಹೇಳಿದರು. 

ಇತ್ತೀಚೆಗೆ ಈಶ್ವರಪ್ಪ ಕುಮಾರಸ್ವಾಮಿ ನೆಗೆದು ಬೀಳ್ತಾರೆ ಎಂದು ಹೇಳಿಕೆ ಕೊಟ್ಟಿದ್ದರು.

ಯುವಕರು, ತಾಯಂದಿರುವ ಉತ್ಸಾಹ ನೋಡಿದ್ರೆ ನಿಖಿಲ್ ಸೋಲಿಸಲು ಸೃಷ್ಟಿಯಾಗಿರುವ ವ್ಯೂಹಗಳಲ್ಲಿ ಯಾವುದು ಯಶಸ್ವಿಯಾಗುವುದಿಲ್ಲ. ಈಗಾಗಲೇ ನಿಖಿಲ್‌ಗೆ ಜಯ ಕೊಡಬೇಕೆಂಬ ತೀರ್ಮಾನವನ್ನು ಇಲ್ಲಿನ ಜನ ಮಾಡಿಯಾಗಿದೆ. ದೊಡ್ಡ ಅಂತರದಲ್ಲೇ ನಿಖಿಲ್ ಗೆಲ್ಲಲಿದ್ದಾನೆ, ಸಣ್ಣಪುಟ್ಟ ಅಂತರವೇನೂ ಇಲ್ಲ, ಎಂದು ಇದೇ ವೇಳೆ ಕುಮಾರಸ್ವಾಮಿ ವಿಶ್ವಾಸ ವ್ಯಕ್ತಪಡಿಸಿದರು.

ಇದೇ ವೇಳೆ ಸುಮಲತಾ ವಿರುದ್ಧ ವಾಗ್ದಾಳಿ ನಡೆಸಿದ ಸಿಎಂ ಸುಮಲತಾ ಬೆಂಬಲಿಸುವಂತೆ ಪ್ರಧಾನಿ ಮೋದಿ  ಕರೆ ನೀಡಿರುವ ವಿಚಾರ ಪ್ರಸ್ತಾಪಿಸಿ, ನನ್ನ ಬಜೆಟನ್ನು ಮಂಡ್ಯದ ಬಜೆಟ್ ಅಂತಾ ಬಿಜೆಪಿಯವರು ಆರೋಪ ಮಾಡಿದ್ದಾರೆ. ನರೇಂದ್ರ ಮೋದಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿ ಎಂದು ಕರೆ ಕೊಟ್ಟಿದ್ದಾರೆ. ಬಹುಶಃ ಪಕ್ಷೇತರ ಅಭ್ಯರ್ಥಿಯೇ ಅವರ ಪಕ್ಷದ ಅಭ್ಯರ್ಥಿಯೇ ಎಂದು ಬಿಂಬಿಸಿಕೊಂಡಿದ್ದಾರೆ ಎಂದು ಲೇವಡಿ ಮಾಡಿದರು.

Advertisements

Leave a Reply

%d bloggers like this: