Advertisements

ಅಯ್ಯೋಯ್ಯೋ ಇದೊಂದು ಫೋಟೋ ವೈರಲ್ ಆಗ್ಲೇ ಬಾರದಿತ್ತು……

ಸಾಮಾಜಿಕ ಜಾಲತಾಣ ಅಂದ ಮೇಲೆ ಅದಕ್ಕೆ ಲಂಗಿಲ್ಲ ಲಗಾಮಿಲ್ಲ. ಅಸಲಿ ಯಾರು ನಕಲಿ ಯಾರು ಅನ್ನುವುದನ್ನು ತಿಳಿಯುವುದೇ ಕಷ್ಟ.

ಇನ್ನು ಯಾವ ಹೊತ್ತಿನಲ್ಲಿ ಸುನಾಮಿ ಎದ್ದೇಳುತ್ತದೆ ಅನ್ನುವುದೇ ಗೊತ್ತೇ ಆಗಲ್ಲ. ಬಿರು ಬೇಸಿಗೆಯಲ್ಲಿ ಮಳೆ ಸುರಿದಂತೆ ಹತ್ತಾರು ವರ್ಷಗಳ ಫೋಟೋ, ಸುದ್ದಿ ವೈರಲ್ ಆಗಿ ಬಿಡುತ್ತದೆ.

ನ್ಯೂಸ್ ಚಾನೆಲ್ ಗಳು ಬಿಗ್ ಬ್ರೇಕಿಂಗ್ ಎಂದು ಬಾಯಿ ಬಡಿದುಕೊಳ್ಳುವ ಮುಂಚೆ, ಸೋಷಿಯಲ್ ಮೀಡಿಯಾದಲ್ಲಿ ಅದು ಹಳೆಯದಾಗಿರುತ್ತದೆ.

ಇಷ್ಟೆಲ್ಲಾ ಕಥೆ ಯಾಕೆ ಅಂತೀರಾ. ಮಂಡ್ಯದಲ್ಲಿ ಸುಮಲತಾ ಅವರ ಕ್ರಮ ಸಂಖ್ಯೆ 20, ಕಹಳೆಯೂದುತ್ತಿರುವ ರೈತ  ಚಿಹ್ನೆ ಅನ್ನುವುದು ಎಲ್ಲರಿಗೆ ಗೊತ್ತಿದೆ.

ಸುಮಲತಾ ಅವರು ಕ್ರಮ ಸಂಖ್ಯೆ ಮತ್ತು ಚಿಹ್ನೆಯನ್ನು ಜನತೆಯ ಮನಸ್ಸಿನಲ್ಲಿ ಉಳಿಯುವಂತೆ ಮಾಡಲು ಹರ ಸಾಹಸ ಪಡುತ್ತಿದ್ದಾರೆ.

ಆದರೆ ಅವರ ಅಭಿಮಾನಿಗಳು ಒಂದು ಹೆಜ್ಜೆ ಮುಂದೆ ಹೋಗಿದ್ದು, ಮಂಡ್ಯದ ಮತದಾರರು ಚಿಹ್ನೆ ಮರೆಯಲೇಬಾರದು ಅನ್ನುವಂತ ಫೋಟೋ ಒಂದನ್ನು ಹೆಕ್ಕಿ ತಂದಿದ್ದಾರೆ.

ಅದ್ಯಾವುದೋ ಕಾರ್ಯಕ್ರಮದಲ್ಲಿ ಸಿದ್ದರಾಮಯ್ಯ ಮತ್ತು ಪರಮೇಶ್ವರ್ ಕಹಳೆ ಊದುತ್ತಿರುವ ಫೋಟೋ ಇದೀಗ ವೈರಲ್ ಆಗಿದೆ.

ಕಾಕತಾಳೀಯ ಅನ್ನುವಂತೆ ಕುಮಾರಸ್ವಾಮಿ ಹೇಳುತ್ತಿದ್ದಾರೆ, ಮಂಡ್ಯದಲ್ಲಿ ನಿಖಿಲ್ ಸೋಲಿಸಲು ಕಾಂಗ್ರೆಸ್ ಕೂಡಾ ಕೈ ಜೋಡಿಸಿದೆ ಎಂದು. ಅವರು ಹೇಳ್ತಾ ಇರೋದು ಮಂಡ್ಯ ನಾಯಕರನ್ನು ಉದ್ದೇಶಿಸಿ, ಆದರೆ ಫೋಟೋ ನೋಡಿದ್ರೆ….

ಹಳೆಯ ಫೋಟೋ ಇದು ಆದ್ರೆ ವರ್ತಮಾನಕ್ಕೆ ಸಖತ್ ಆಗಿಯೇ ಹೊಂದಾಣಿಕೆಯಾಗುತ್ತಿದೆ.

Advertisements

One Comment on “ಅಯ್ಯೋಯ್ಯೋ ಇದೊಂದು ಫೋಟೋ ವೈರಲ್ ಆಗ್ಲೇ ಬಾರದಿತ್ತು……

  1. Pingback: ಸುಮಲತಾ ಭದ್ರತೆ ರಾಜ್ಯ ಸರ್ಕಾರ ಜವಾಬ್ದಾರಿ : ಚುನಾವಣಾ ಆಯೋಗ ಸೂಚನೆ – torrentspree

Leave a Reply

%d bloggers like this: