Advertisements

ಜೋಡೆತ್ತು ಟೈಟಲ್… ಕಾಸು ಹಾಕೋರು ಸಿಕ್ರೆ ಯಶ್ ದರ್ಶನ್ ಸಿನಿಮಾ ಸೆಟ್ಟೆರುವುದು ಗ್ಯಾರಂಟಿ

ಅದು ದರ್ಶನ್ ಮತ್ತು ಯಶ್ ಉತ್ತುಂಗದಲ್ಲಿದ್ದ ಸಮಯ. ಅವರಿಬ್ಬರು ಚೆನ್ನಾಗಿಯೇ ಇದ್ರು. ಆದರೆ ಸಾಮಾಜಿಕ ಜಾಲತಾಣಗಳಲ್ಲಿ ದರ್ಶನ್ ಮತ್ತು ಯಶ್ ಒಬ್ಬರನ್ನ ಕಂಡ್ರೆ ಮತ್ತೊಬ್ಬರಿಗೆ ಆಗಲ್ಲ. ಪರಸ್ಪರ ಇಬ್ಬರು ಕೌಂಟರ್ ಡೈಲಾಗ್ ಗಳ ಮೂಲಕ ಕಿತ್ತಾಡುತ್ತಿದ್ದರು ಎಂಬ ವಿಷಯಗಳನ್ನ ಇಟ್ಟುಕೊಂಡು ಅಭಿಮಾನಿಗಳು ಕಿತ್ತಾಡುತ್ತಿದ್ದರು.

ಈಗ ಕಾಲ ಬದಲಾಗಿದೆ. ಯಶ್ ಮತ್ತು ದರ್ಶನ್ ಸುಮಲತಾ ಅಂಬರೀಶ್ ಪರ ಮಂಡ್ಯದಲ್ಲಿ ಅಬ್ಬರಿಸುತ್ತಿದ್ದಂತೆ ನಾವು ಇನ್ಮುಂದೆ ‘ಅಣ್ತಮ್ಮಾಸ್’ ಎಂದು ಅಭಿಮಾನಿಗಳು ಕೈ ಕೈ ಜೋಡಿಸಿದ್ದಾರೆ. ಮಂಡ್ಯ ಚುನಾವಣೆ ಇಬ್ಬರು ನಾಯಕರ ಅಭಿಮಾನಿಗಳನ್ನು ಒಂದಾಗಿಸಿದೆ,

ಸುಮಲತಾ ಅಂಬರೀಶ್ ಅವರೇ ಯಶ್ ಮತ್ತು ದರ್ಶನ್ ನನ್ನ ಎರಡು ಕಣ್ಣುಗಳು ಅವರಿಬ್ಬರು ನನ್ನ ಮಕ್ಕಳಿದ್ದಂತೆ ಅಂದ ಮೇಲೆ ಅಭಿಮಾನಿಗಳಿಗೆ ಹಬ್ಬವೇ ಸರಿ.

ಈ ನಡುವೆ ದರ್ಶನ್ ‘ನಮ್ಮದು ಜೋಡಿ ಎತ್ತಿನ ಗಾಡಿ’ ಅಂದ್ರೂ ಅಲ್ಲಿಂದ ಜೋಡೆತ್ತು ಪದ ಸಿಕ್ಕಾಪಟ್ಟೆ ಸೌಂಡ್ ಮಾಡಲಾರಂಭಿಸಿತು. ಎಲ್ಲಿಯವರೆಗೆ ಅಂದ್ರೆ ರಾಜ್ಯ ಮುಖ್ಯಮಂತ್ರಿಯೇ ಜೋಡೆತ್ತು ಪದಕ್ಕೆ ಪ್ರತಿಕ್ರಿಯೆ ಕೊಟ್ಟು ಬಿಟ್ಟಿದ್ದರು.

ಇದೀಗ ಯಶ್ ಮತ್ತು ದರ್ಶನ್ ಒಟ್ಟಿಗೆ ಸಿನಿಮಾ ಮಾಡ್ತಾರೆ ಅನ್ನುವ ಸುದ್ದಿ ಹರಿದಾಡುತ್ತಿದೆ.

ಜೋಡೆತ್ತು ಟೈಟಲ್ ನಲ್ಲಿ ಸಿನಿಮಾ ಮಾಡಿದ್ರೆ, ಯಶ್ ಮತ್ತು ನೀವು ನಟಿಸುತ್ತೀರಾ ಎಂದು ದರ್ಶನ್ ಅವರನ್ನು ಕೇಳಿದ್ರೆ ‘ಹುಂ’ ಅಂದಿದ್ದಾರೆ.

ಒಟ್ಟಿನಲ್ಲಿ ಟೈಟಲ್ ರೆಡಿ ಇದೆ. ಒಳ್ಳೆಯ ನಿರ್ದೇಶಕರು ಮತ್ತು ದೊಡ್ಡ ಮೊತ್ತದ ಕಾಸು ಹಾಕುವ ನಿರ್ಮಾಪಕರು ಮತ್ತು ಟೈಟಲ್ ಗೆ ಹೊಂದುವ  ಕಥೆಯೊಂದು ರೆಡಿಯಾದ್ರೆ ಚಿತ್ರ ಸೆಟ್ಟೇರುವುದರಲ್ಲಿ ಸಂಶಯವಿಲ್ಲ.

Advertisements

Leave a Reply

%d bloggers like this: