Advertisements

ಹತಾಶರಾದ್ರ ಸಿಎಂ : ಮೋದಿ ವಿರುದ್ಧ ಏಕವಚನದ ವಾಗ್ದಾಳಿ ಬೇಕಾ ಕುಮಾರಸ್ವಾಮಿಯವರೇ

ರಾಜ್ಯದ ರಾಜಕೀಯ ಎತ್ತ ಹೋಗುತ್ತಿದೆ ಅನ್ನುವುದೇ ಅರ್ಥವಾಗುತ್ತಿಲ್ಲ. ಜನರಿಗೆ ನೀತಿ ಪಾಠ ಹೇಳಬೇಕಾದವರು. ಕಾನೂನು ರೂಪಿಸುವ ಜನಪ್ರತಿನಿಧಿಗಳು ಮುಂದಿನ ತಲೆ ಮಾರಿಗೆ ಅದ್ಯಾವ ನೀತಿ ಪಾಠ ಮಾಡುತ್ತಿದ್ದಾರೋ ಗೊತ್ತಿಲ್ಲ.

ಇದೀಗ ಪ್ರಧಾನಿ ಮೋದಿ ವಿರುದ್ಧ ಏಕವಚನದಲ್ಲಿ ಮಾತನಾಡುವವರ ಸಂಖ್ಯೆ ವಿಪರೀತವಾಗತೊಡಗಿದೆ. ಖರ್ಗೆ ಬಳಿಕ ಇದೀಗ ಸಿಎಂ ಕುಮಾರಸ್ವಾಮಿ ಮೋದಿ ಮೇಲೆ ಏಕವಚನ ಪ್ರಯೋಗಿಸಿದ್ದಾರೆ.

ಬೆಂಗಳೂರು ದಕ್ಷಿಣ ಕ್ಷೇತ್ರದ ಅಭ್ಯರ್ಥಿ ಹರಿಪ್ರಸಾದ್ ಪರ ನಗರದ ವಿದ್ಯಾಪೀಠ ಸರ್ಕಲ್ ನಲ್ಲಿ ಬಹಿರಂಗ ಪ್ರಚಾರ ಸಭೆ ಉದ್ದೇಶಿ ಮಾತನಾಡಿದ ಸಿಎಂ, ಮೋದಿ ಹಿಟ್ಲರ್ ಆಗಿದ್ದು ದೇಶವನ್ನ ಹಾಳು ಮಾಡುತ್ತಿದ್ದಾನೆ. ಡಿಕ್ಟೇಟರ್ ಕ್ಕಿಂತ ಕೆಟ್ಟವನು ಎಂದು ಪ್ರಧಾನಿ ಮೋದಿ ವಿರುದ್ಧವೂ ಏಕವಚನ ದಲ್ಲಿ ಸಿಎಂ ವಾಗ್ದಾಳಿ ನಡೆಸಿ, ಮಂಡ್ಯ, ಹಾಸನದಲ್ಲಿ ಮಾತ್ರ ಗುತ್ತಿಗೆದಾರರು ಇದ್ದರಾ? ಬೇರೆ ಎಲ್ಲೂ ಗುತ್ತಿಗೆದಾರರು ಇಲ್ಲವಾ? ಇದಕ್ಕೆಲ್ಲ ನಾನು ಭಯಪಡಲ್ಲ. ಎಲ್ಲವನ್ನು ಹೋರಾಟ ಮಾಡಿ ಗೆಲ್ಲುತ್ತೇವೆ. ಮೋದಿ ಆಟ ಇನ್ನು ನಡೆಯುವುದು 15 ದಿನ ಮಾತ್ರ ಎಂದರು.

ಇಷ್ಟಕ್ಕೆ ನಿಲ್ಲಿಸದೆ ಆದಾಯ ತೆರಿಗೆ ಇಲಾಖೆ ಮುಖ್ಯಸ್ಥರ ವಿರುದ್ಧವೂ ಏಕವಚನದಲ್ಲೇ ವಾಗ್ದಾಳಿ ನಡೆಸಿದ ಸಿಎಂ, ನಮ್ಮ ಜೊತೆ ಚೆಲ್ಲಾಟ ಆಡಬೇಡಿ, ಮಂಡ್ಯಗೆ 300 ಜನ ಕಳಿಸಿದೆ ರೇಡ್ ಮಾಡಿಸುತ್ತೀಯಾ? ಎಲ್ಲಿದ್ದೀಯಾಪ್ಪಾ ಬಾಲಕೃಷ್ಣ. ಬಾಲಕೃಷ್ಣನ್ನ ರಾಜ್ಯಪಾಲ ಮಾಡುತ್ತಾರೆ, ಅದಕ್ಕೆ ಹೀಗೆಲ್ಲ ಮಾಡುತ್ತಿದ್ದಾನೆ ದೂರಿದರು.

ಇದನ್ನು ದುರಂತ ಅನ್ನದೆ ವಿಧಿಯಿಲ್ಲ. ನರೇಂದ್ರ ಮೋದಿ ದೇಶದ ಪ್ರಧಾನಿ ಅನ್ನುವುದನ್ನು ಯಾರೊಬ್ಬರೂ ಮರೆಯುವಂತಿಲ್ಲ.ರಾಜಕೀಯವಾಗಿ ನಿಮಗೆ ಪ್ರಧಾನಿಯವರ ಮೇಲೆ ಕೋಪವಿರಬಹುದು. ಒಬ್ಬ ಸಿಎಂ ಆಗಿರುವವರು ರಾಜ್ಯದ ಜನತೆಗೆ ಮೇಲ್ಪಂಕ್ತಿ ಹಾಕಿಕೊಡಬೇಕು. ನಾಡಿನ ದೊರೆ ಅನ್ನಿಸಿಕೊಂಡವರು ಮಾದರಿಯಾಗಿರಬೇಕು. ಆದರ್ಶವಾಗಿರಬೇಕು. ಅದನ್ನು ಬಿಟ್ಟು ದೇಶದ ಪ್ರಧಾನಿಗೆ ಗೌರವ ಕೊಡಲ್ಲ ಅಂದ ಮೇಲೆ ನಿಮ್ಮಿಂದ ರಾಜ್ಯದ ಪ್ರಜೆಗಳು ಕಲಿಯುವುದೇನಿದೆ.

ಇಂದು ಪ್ರಧಾನಿಯನ್ನು ಕುಮಾರಸ್ವಾಮಿ ಏಕವಚನದಲ್ಲೇ ಜಾಡಿಸಿದರು. ನಾಳೆ ಮುಖ್ಯಮಂತ್ರಿಗಳನ್ನು, ಸಂಪುಟದ ಮಂತ್ರಿಗಳನ್ನು ಇತರರು ಏಕವಚನದಲ್ಲೇ ಟೀಕಿಸುತ್ತಾರೆ. ಅಲ್ಲಿಗೆ ನಾವು ಎಲ್ಲಿಗೆ ಹೋಗಿ ತಲುಪುತ್ತೇವೆ ಯೋಚಿಸಿ. ಮತ್ತೆ ಪ್ರಜಾಪ್ರಭುತ್ವ ಅಪಾಯದಲ್ಲಿದೆ ಅನ್ನುವುದು ಸುಳ್ಳಲ್ಲ.

ಹಾಗಾದ್ರೆ ಕುಮಾರಸ್ವಾಮಿಯವರಿಗೆ ಮೋದಿಯವರ ಮೇಲೆ ಸಿಟ್ಯಾಕೆ ಗೊತ್ತಾ…. ಅದಕ್ಕೆ ಕಾರಣ ಇಲ್ಲಿದೆ.

ಗುತ್ತಿಗೆದಾರರ ಮೇಲೆ ದಾಳಿ ಮಾಡಿದ್ರೆ ಸಿಎಂಗ್ಯಾಕೆ ಉರಿ : ಚುನಾವಣಾ ಆಯೋಗದ ಕದ ತಟ್ಟಿದ IT

Advertisements

Leave a Reply

%d bloggers like this: