Advertisements

ಕಾಂಗ್ರೆಸ್ ಗೆ ಶಾಕ್ : ಕೈ ಪಾಳಯಕ್ಕೆ ಸೇರಿದ 700 FB ಖಾತೆ ರದ್ದು

ಈ ಬಾರಿಯ ಲೋಕಸಭಾ ಚುನಾವಣೆ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಮತದಾರರನ್ನು ಸೆಳೆಯಲು ಎಲ್ಲಾ ರಾಜಕೀಯ ಪಕ್ಷಗಳು ಈ ಬಾರಿ ಸಾಮಾಜಿಕ ಜಾಲತಾಣದ ಮೊರೆ ಹೋಗಿದೆ.

ಆ ಸಲುವಾಗಿ ವಾರ್ ರೂಮ್ ಗಳನ್ನು ಸ್ಥಾಪಿಸಿಕೊಂಡಿರುವ ಪಕ್ಷಗಳು ಅನೇಕ ಖಾತೆಗಳನ್ನು ಇದಕ್ಕಾಗಿಯೇ ತೆರೆದಿದೆ. ಕೆಲವೊಂದು ಖಾತೆಗಳು ಪಕ್ಷದ ಸಾಧನೆಗಳನ್ನು ಪ್ರಚಾರ ಪಡಿಸಿದರೆ, ಮತ್ತೆ ಕೆಲವು ಖಾತೆಗಳು ಪ್ರತಿಪಕ್ಷಗಳನ್ನು ಹಣೆಯುವ ಕೆಲಸ ಮಾಡುತ್ತದೆ. ಮತ್ತೊಂದಿಷ್ಟು ಕೌಂಟರ್ ಸಲುವಾಗಿಯೇ ಇವೆ.

ಈ ನಡುವೆ ಕಾಂಗ್ರೆಸ್’ಗೆ ಫೇಸ್ ಬುಕ್ ಶಾಕಿಂಗ್ ಸುದ್ದಿ ಕೊಟ್ಟಿದ್ದು, FaceBook  ಕಾಂಗ್ರೆಸ್ ಪಕ್ಷದ 700 ಪೇಜ್ ಮತ್ತು ಖಾತೆಗಳನ್ನು ತೆಗೆದು ಹಾಕಿದೆ. 

ವಿಶೇಷ ಅಂದ್ರೆ ಈ ಎಲ್ಲವೂ ಕಾಂಗ್ರೆಸ್ ಪಕ್ಷದ ಐಟಿ ಸೆಲ್ ಜೊತೆಗೆ ಗುರುತಿಸಿಕೊಂಡಿತ್ತು.

ನಕಲಿ ಫೇಸ್’ಬುಕ್ ಖಾತೆಗಳ ವಿರುದ್ಧ ಸಾರಿರುವ ಸಮರದ ಅಂಗವಾಗಿ ಈ ಕಾರ್ಯ ನಡೆದಿದ್ದು, ಮತ್ತಷ್ಟು ಖಾತೆಗಳನ್ನು  FaceBook ಡಿಲೀಟ್ ಮಾಡೋ ಸಾಧ್ಯತೆಗಳಿದೆ.

ಇದರೊಂದಿಗೆ ಪಾಕಿಸ್ತಾನ ಮೂಲದ 103 ಪೇಜ್ ಹಾಗೂ ಗ್ರೂಪ್ ಗಳನ್ನೂ ಕೂಡಾ FaceBookನಿಂದ ತೆಗೆದುಹಾಕಲಾಗಿದೆ.

ಆದರೆ ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಕಾಂಗ್ರೆಸ್ , ಪಕ್ಷದ ಯಾವುದೇ ಅಧಿಕೃತ ಖಾತೆ ರದ್ದುಗೊಂಡಿಲ್ಲ ಅಂದಿದೆ.

ಇನ್ನು ಕಾಂಗ್ರೆಸ್ ಈ ಕುರಿತು ಸ್ಪಷ್ಟನೆ ನೀಡುತ್ತಿದ್ದಂತೆ, ಕೆಲವರು ಸಖತ್ ಆಗಿ ರೀ ಟ್ವೀಟ್ ಮಾಡಿದ್ದಾರೆ. ಕೆಲ ಮಂದಿ ಸಾಕ್ಷಿ ಕೇಳಿದ್ರೆ, ಮತ್ತೆ ಕೆಲವರು ಪಾಕಿಸ್ತಾನದ ಕಥೆ ಹೇಳಿದ್ದಾರೆ.

Advertisements

Leave a Reply

%d bloggers like this: