ಸುಮಲತಾ ಪರ ಪ್ರಚಾರಕ್ಕೆ ಹೋಗಲ್ಲ… ದರ್ಶನ್ ಇದ್ದಾರೆ ಸಾಕು ಬಿಡಿ

ಮಂಡ್ಯ ಚುನಾವಣಾ ಕಣ ರಂಗೇರುತ್ತಿದೆ. ಸುಮಲತಾ ಪರ ಇಡೀ ಚಂದನವನ ನಿಲ್ಲುತ್ತದೆ ಅನ್ನುವ ನಿರೀಕ್ಷೆ ಇತ್ತು. ಆದರೆ ಸುದೀಪ್ ನಾನು ಪ್ರಚಾರ ಹೋಗುವುದಿಲ್ಲ ಅಂದಿದ್ದಾರೆ. ದರ್ಶನ್ ಇರುವಾಗ‌ ಅಲ್ಲಿ ನಾನ್ಯಾಕೆ‌, ಸುಮಲತಾ‌ ಅಂಬರೀಶ್ ರಾಜಕೀಯ ಎಂಟ್ರಿ‌ ಬಗ್ಗೆ ಕಿಚ್ಚ‌ ಸುದೀಪ್ ಅಚ್ಚರಿಯ ಪ್ರತಿಕ್ರಿಯೆ ಕೊಟ್ಟಿದ್ದಾರೆ.

ನನಗೆ ರಾಜಕೀಯ ಆಗಿ ಬರಲ್ಲ, ನಾನು ರಾಜಕೀಯದಿಂದ ದೂರ ಅನ್ನುವ ಮಾತುಗಳನ್ನು ಹೇಳುವ ಮೂಲಕ ಸುಮಲತಾ ಪರ ಪ್ರಚಾರಕ್ಕೆ ಹೋಗುವುದಿಲ್ಲ ಅನ್ನುವುದನ್ನು ಸ್ಪಷ್ಟಪಡಿಸಿದ್ದಾರೆ.

ಹಾಗಾದರೆ ಸುದೀಪ್ ಸುಮಲತಾ ಪರ ಪ್ರಚಾರದಿಂದ ದೂರು ಸರಿಯಲು ಕಾರಣವೇನು ಅನ್ನುವುದನ್ನು ಹುಡುಕುತ್ತಾ ಹೋದರೆ ಸಿಕ್ಕಿದ್ದು ನೂರಾರು ಕಾರಣ. ( ಪ್ರಚಾರ ಹೋಗುವುದು ಬಿಡುವುದು ಅವರಿಗೆ ಬಿಟ್ಟ ವಿಚಾರ ಮತ್ತು ಅವರ ಸ್ವಾತ್ರಂತ್ರ್ಯ ಕೂಡಾ ಹೌದು.)

ದರ್ಶನ್ ಮತ್ತು ಸುದೀಪ್ ನಡುವೆ ಹಿಂದಿನ ಸಂಬಂಧ ಉಳಿದುಕೊಂಡಿಲ್ಲ. ಅವರಿಬ್ಬರೂ ತಮ್ಮ ನಡುವೆ ಅಂತರವನ್ನು ಕಾಯ್ದುಕೊಳ್ಳುತ್ತಿದ್ದಾರೆ. ಹೀಗಾಗಿ ದರ್ಶನ್ ಹೋಗೋ ನಾನ್ಯಾಕೆ ಎಂದು ಅವರು ನಿರ್ಧರಿಸಿರುವ ಸಾಧ್ಯತೆಗಳಿದೆ.

ಕುಮಾರಸ್ವಾಮಿ ಮತ್ತು ಸುದೀಪ್ ಕುಟುಂಬದ ನಡುವೆ ಸಾಕಷ್ಟು ಒಳ್ಳೆಯ ನಂಟಿದೆ. ಸುಮಲತಾ ಪ್ರಚಾರಕ್ಕೆ ಹೋದರೆ ಈ ನಂಟಿಗೆ ಧಕ್ಕೆಯಾಗಬಹುದು ಅನ್ನುವುದು ಮತ್ತೊಂದು ಕಾರಣವಿರಬಹುದು.

ಮತ್ತೊಂದು ಗಮನಾರ್ಹ ಅಂಶ ಅಂದರೆ, ಸುಮಲತಾ ಅವರು ದರ್ಶನ್ ಬಗ್ಗೆ ಹೊಗಳಿ ಸಾಕಷ್ಟು ಸಲ ಮಾತನಾಡಿದ್ದಾರೆ. ಅವರು ನನ್ನ ದೊಡ್ಡ ಮಗ ಎಂದೇ ಕರೆದಿದ್ದಾರೆ. ಆದರೆ ಸುದೀಪ್ ಬಗ್ಗೆ ಸುಮಲತಾ ಈ ಆತ್ಮೀಯತೆ ತೋರಿಸಿದ್ದನ್ನು ನೋಡಿಲ್ಲ.

ಹಾಗಾದರೆ ಸುದೀಪ್ ಸುಮಲತಾ ಪರ ಪ್ರಚಾರಕ್ಕೆ ಹೋಗಬೇಕಿತ್ತಾ, ಓದುಗರಾದ ನೀವೇ ಹೇಳಬೇಕು.

ಹಿಂದೊಮ್ಮೆ ದರ್ಶನ್ ಸುದೀಪ್ ನಡುವಿನ ವೈಮನಸ್ಸು ಮೂಡಿದ ಸಮಯದಲ್ಲಿ ಸುಮಲತಾ ಕೊಟ್ಟ ಹೇಳಿಕೆಯನ್ನು ಈ ವೇಳೆ ನೆನಪಿಸಿಕೊಳ್ಳಬೇಕಿದೆ.

ನಟ ದರ್ಶನ್ ಹಾಗೂ ನಟ ಸುದೀಪ್ ಅವರ ನಡುವಿನ ಸಂಘರ್ಷವನ್ನು ಬಗೆಹರಿಸುವಂತೆ ಅಂಬರೀಷ್ ಅವರಿಗೆ ಹೇಳಿ ಎಂದು ಅಭಿಮಾನಿಯೊಬ್ಬ ಮಾಡಿದ್ದ ಟ್ವೀಟ್ ಗೆ ಅಂಬರೀಷ್ ಅವರ ಪತ್ನಿ ಸುಮಲತಾ ಅಂಬರೀಷ್ ಅವರು ಅದೇ ಧಾಟಿಯಲ್ಲೇ ಉತ್ತರಿಸಿದ್ದರು.

ದರ್ಶನ್ ಮತ್ತು ಸುದೀಪ್ ಅವರ ಜಗಳದಲ್ಲಿ ತಾವು ಮಧ್ಯ ಪ್ರವೇಶಿಸುವುದಿಲ್ಲ ಎಂದು ಪರೋಕ್ಷವಾಗಿ ಹೇಳಿದ್ದ ಅವರು, ಅವರಿಬ್ಬರೂ ತಮ್ಮ ತಮ್ಮ ನಿರ್ಧಾರಗಳನ್ನು ಸ್ವಂತವಾಗಿಯೇ ತೆಗೆದುಕೊಳ್ಳುವಷ್ಟು ಪ್ರಬುದ್ಧರು. ಹೀಗಾಗಿ ಅವರ ನಿರ್ಧಾರಗಳನ್ನು ನಾವು ಗೌರವಿಸಬೇಕು ಎಂದು ಟ್ವೀಟ್ ಮಾಡಿದ್ದರು.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: