Advertisements

ವಾಯು ಮಾಲಿನ್ಯ ತಪಾಸಣೆ ವೇಳೆ ದೋಖಾ : ವೋಕ್ಸ್​ ವ್ಯಾಗನ್​ ಕಂಪನಿಗೆ 500 ಕೋಟಿ ರೂ ದಂಡ

ತನ್ನ ಕಂಪನಿಯ ಕಾರಿನಲ್ಲಿ ವಾಯುಮಾಲಿನ್ಯ ತಪಾಸಣೆ  ವೇಳೆ ಮಾಲಿನ್ಯದ ಮಟ್ಟ ಗೊತ್ತಾಗದಂತೆ ಮೋಸ ಮಾಡಿದ್ದಕ್ಕಾಗಿ ವೋಕ್ಸ್ ವ್ಯಾಗನ್ ​ ಕಂಪನಿಗೆ ರಾಷ್ಟ್ರೀಯ ಹಸಿರು ನ್ಯಾಯಾಧೀಕರಣ ಬರೋಬ್ಬರಿ 500 ಕೋಟಿ ರೂ. ದಂಡ ವಿಧಿಸಿದೆ.

ಮಾಡಿರುವ ತಪ್ಪಿಗೆ ಎರಡು ತಿಂಗಳ ಒಳಗಾಗಿ 500 ಕೋಟಿ ಹಣವನ್ನು ಕಾರು ನಿರ್ಮಾಣ ಸಂಸ್ಥೆ ಡೆಪಾಸಿಟ್ ಮಾಡಬೇಕು ಎಂದು NGT ಯ ಜಸ್ಟೀಲ್ ಆದರ್ಶ್ ಗೋಯಲ್ ಆದೇಶಿಸಿದ್ದಾರೆ.

ಕಾರು ಚಲಾಯಿಸುವಾಗ ಅದರಿಂದ ಎಷ್ಟು ಪ್ರಮಾಣದಲ್ಲಿ ಹೊಗೆ ಹೊರಹೋಗುತ್ತದೆ ಎಂದು ಪರಿಶೀಲಿಸಲು ವಾಯುಮಾಲಿನ್ಯದ ತಪಾಸಣೆ ನಡೆಸಲಾಗುತ್ತದೆ. ಆದರೆ, ವೋಕ್ಸ್ ವ್ಯಾಗನ್ ​ ಕಾರಿನಲ್ಲಿ ಈ ಬಗ್ಗೆ ನಿಖರ ಮಾಹಿತಿ ಗೊತ್ತಾಗದಂತೆ ಉಪಕರಣವೊಂದನ್ನು ಅಳವಡಿಸಲಾಗಿತ್ತು. ಇದರಿಂದಾಗಿ ಎಮಿಷನ್​ ಟೆಸ್ಟ್​ ವೇಳೆ ಖಚಿತವಾದ ಮಾಹಿತಿ ಸಿಗುತ್ತಿರಲಿಲ್ಲ.

2018ರ ನವೆಂಬರ್ 16 ರಂದು ‘cheat device’  ಅಳವಡಿಸಿದ್ದ ಕರ್ಮಕಾಂಡಕ್ಕೆ ಕಿಡಿ ಕಾರಿದ್ದ ಹಸಿರು ಪೀಠ 100 ಕೋಟಿ ದಂಡವನ್ನು ಕೇಂದ್ರಿಯ ಮಾಲಿನ್ಯ ನಿಯಂತ್ರಣ ಮಂಡಳಿಗೆ 24 ಗಂಟೆಯೊಳಗೆ ಕಟ್ಟಿ ಎಂದು ಆದೇಶಿಸಿತ್ತು.

ಇದರ ಮುಂದುವರಿದ ವಿಚಾರಣೆ ವೇಳೆ ಇದೀಗ 500 ಕೋಟಿ ರೂಪಾಯಿ ದಂಡ ವಿಧಿಸಲಾಗಿದೆ.

ವೋಕ್ಸ್ ವ್ಯಾಗನ್ ​ ಕಂಪನಿಯು ಭಾರತದ ಡೀಸೆಲ್​ ಕಾರುಗಳಲ್ಲಿ ಮೋಸದ ಉಪಕರಣ ಅಳವಡಿಸಿರುವುದರಿಂದ ಪರಿಸರಕ್ಕೆ ಆಗಿರುವ ಹಾನಿಯ ಕುರಿತಂತೆ ತನಿಖೆ ನಡೆಸಿದ್ದ ಕೇಂದ್ರಿಯ ಮಾಲಿನ್ಯ ನಿಯಂತ್ರಣ ಮಂಡಳಿ,  ಬೃಹತ್ ಕೈಗಾರಿಕಾ ಸಚಿವಾಲಯ,  Automotive Research Association of India (ARAI) ಮತ್ತು National Environmental Engineering Research Institute ನ ತಜ್ಞರನ್ನು ಒಳಗೊಂಡ ಸಮಿತಿ,  ದೆಹಲಿಯ ಮಾಲಿನ್ಯಕ್ಕೆ ಕೊಡುಗೆ ಮತ್ತು ಜನರ ಆರೋಗ್ಯದ ಮೇಲೆ ಬೀರಿದ ದುಷ್ಪಾರಿಣಾಮಕ್ಕೆ ದಂಡವಾಗಿ 171.34 ಕೋಟಿ ದಂಡ ವಿಧಿಸುವಂತೆ ಶಿಫಾರಸ್ಸು ಮಾಡಿತ್ತು.

ಶಾಲಾ ಶಿಕ್ಷಕಿಯೊಬ್ಬರು ಸಲ್ಲಿಸಿದ್ದ ಅರ್ಜಿ ವಿಚಾರಣೆ ಕೈಗೆತ್ತಿಕೊಂಡಿದ್ದ ಹಸಿರು ಪೀಠ ಈ ಮಹತ್ವದ ತೀರ್ಪು ಪ್ರಕಟಿಸಿದೆ ಅನ್ನುವುದು ಗಮನಾರ್ಹ.

Advertisements

One Comment on “ವಾಯು ಮಾಲಿನ್ಯ ತಪಾಸಣೆ ವೇಳೆ ದೋಖಾ : ವೋಕ್ಸ್​ ವ್ಯಾಗನ್​ ಕಂಪನಿಗೆ 500 ಕೋಟಿ ರೂ ದಂಡ

  1. Pingback: ವೋಕ್ಸ್ ವ್ಯಾಗನ್ ಮಹಾ ದೋಖಾ ಬಯಲಾಗಿದ್ದು ಹೇಗೆ..? – torrentspree

Leave a Reply

%d bloggers like this: