Advertisements

ಮಗನಿಗೆ ಆ ಸಂಬಂಧ ಬೇಡ – ವಿಜಯವಾಡ ಸಂಬಂಧ ಕುರಿತಂತೆ ಅನಿತಾ ಮಾತು

ಆಗಸ್ಟ್ 30ಕ್ಕೆ ಸಿಕ್ಕಾಪಟ್ಟೆ ಸುದ್ದಿಯಾಗಿದ್ದು ಸಿಎಂ ಕುಮಾರಸ್ವಾಮಿ ಪುತ್ರ ನಿಖಿಲ್ ಮದುವೆ. ಮಾಧ್ಯಮಗಳಲ್ಲಿ ಬ್ರೇಕಿಂಗ್ ಮೇಲೆ ಬ್ರೇಕಿಂಗ್ ಕೂಡಾ ಬಂದಿತ್ತು.

ಇನ್ನೇನು ಮದುವೆಯೇ ಆಗಿ ಹೋಯ್ತು ಅನ್ನುವಷ್ಟರ ಮಟ್ಟಿಗೆ ಸುದ್ದಿಗಳು ಹರಿದಾಡಿತ್ತು. ಆದರೆ ಇದೀಗ ಬೋಡೆಪುಡಿ ಶಿವಕೊಟೇಶ್ವರ ರಾವ್ ಮಗಳು ಸಹಜ ಜೊತೆ ನಿಖಿಲ್ ಮದುವೆ ನಡೆಯುತ್ತಿಲ್ಲ ಅನ್ನುವ ಸುದ್ದಿ ಬಂದಿದೆ.

ಸಹಜಗಳನ್ನು ಸೊಸೆಯನ್ನಾಗಿ ಮಾಡಿಕೊಳ್ಳಲು ಅನಿತಾ ಹಿಂದೇಟು ಹಾಕಿದ್ದಾರೆ ಅನ್ನುವ ಸುದ್ದಿ ಬಂದಿದೆ.ಪಬ್ಲಿಕ್ ಟಿವಿ ವರದಿಯ ಒಳನೋಟವನ್ನು ಗಮನಿಸಿದರೆ, ಅನ್ಯ ರಾಜ್ಯ ಮತ್ತು ಅನ್ಯ ಭಾಷೆಯ ಹುಡುಗಿಯನ್ನು ಕರೆ ತಂದರೆ ನಾಳೆ ನಿಖಿಲ್ ರಾಜಕೀಯ ಭವಿಷ್ಯಕ್ಕೆ ತೊಂದರೆಯಾಗಬಹುದು ಅನ್ನುವುದನ್ನು ಅನಿತಾ ದೂರಾಲೋಚನೆ ಮಾಡಿದಂತೆ ಕಾಣಿಸುತ್ತಿದೆ.

ಹೀಗಾಗಿ ನಮಗೆ ಈ ಸಂಬಂಧ ಬೇಡ ಎಂದು ಅನಿತಾ ಹೇಳಿದ್ದಾರೆ ಎನ್ನಲಾಗಿದೆ. ಹಾಗಿದ್ದ ಮೇಲೆ ಹೋಗಿದ್ಯಾಕೆ. ಕುಮಾರಸ್ವಾಮಿಯವರಿಗೆ ಈ ಮಗನಿಗೆ ಹೆಣ್ಣು ಕೊಡುವ ಪ್ರಸ್ತಾಪ ಬಂದಾಗ ಮನೆಗೆ ಬರುತ್ತೇವೆ ಎಂದು ಮಾತು ಕೊಟ್ಟಿದ್ದರು. ಹೀಗಾಗಿ ಮಾತು ಕೊಟ್ಟ ಮೇಲೆ ಹೋಗದೇ ಇರುವುದು ಸರಿಯಲ್ಲ ಎಂದು ಕುಮಾರಸ್ವಾಮಿ ದಂಪತಿ ಶಿವಕೊಟೇಶ್ವರ ರಾವ್ ಮನೆಗೆ ಭೇಟಿ ಕೊಟ್ಟು ಬಂದಿದ್ದಾರೆ.

ಇನ್ನು ನಿಖಿಲ್ ಗೂ ಕೂಡಾ ತನಗೆ ಹುಡುಗಿ ನೋಡಲು ಹೋಗುತ್ತಿದ್ದಾರೆ ಅನ್ನುವುದು ಗೊತ್ತೇ ಇರಲಿಲ್ಲ. ಮಾಧ್ಯಮದ ಮಂದಿ ಪದೇ ಪದೇ ಫೋನ್ ಮಾಡಿ ವಿಚಾರಿಸಿದಾಗಲೇ ನಿಖಿಲ್ ಗೆ ಈ ವಿಷಯ ಗೊತ್ತಾಗಿದೆ. ಹೀಗಾಗಿ ತಾಯಿ ಜೊತೆ ಮಾತನಾಡಿದ ನಿಖಿಲ್ ಬೆಳವಣಿಗೆ ಕುರಿತಂತೆ ವಿಚಾರಿಸಿದ್ದಾರೆ. ಈ ವೇಳೆ ಅನ್ಯ ರಾಜ್ಯ ಮತ್ತು ಅನ್ಯ ಭಾಷೆ ಹುಡುಗಿಯನ್ನು ತರುವುದಿಲ್ಲ. ಮಾತ್ರವಲ್ಲದೆ ಕನ್ನಡದ ಹುಡುಗಿಯನ್ನೇ ಸೊಸೆಯನ್ನಾಗಿ ಮಾಡುವುದಾಗಿ ಅನಿತಾ ಮಗನಿಗೆ ಭರವಸೆ ಕೊಟ್ಟಿದ್ದಾರೆ.

ಮತ್ತೊಂದು ಗಮನಾರ್ಹ ಅಂಶ ಅಂದರೆ ನಿಖಿಲ್ ಈಗಾಗಲೇ ತಂದೆ ತಾಯಿ ನೋಡುವ ಹುಡುಗಿಯನ್ನೇ ಮದುವೆಯಾಗುವುದಾಗಿ ಸ್ಪಷ್ಟ ಪಡಿಸಿದ್ದಾರೆ. ಹಿಂದೊಮ್ಮೆ ಆಗಿರುವ ತಪ್ಪು ಮತ್ತೆ ಮರುಕಳಿಸಬಾರದು ಎಂದು ತಮ್ಮ ಮದುವೆ ಜವಾಬ್ದಾರಿಯನ್ನು ಸಂಪೂರ್ಣ ತಾಯಿಗೆ ವಹಿಸಿದ್ದಾರೆ.

ಜೊತೆಗೆ ಇನ್ನು ನಾಲ್ಕೈದು ವರ್ಷ ಮದುವೆ ವಿಚಾರವಿಲ್ಲ ಎಂದು ನಿಖಿಲ್ ಸ್ಪಷ್ಟಪಡಿಸಿದ್ದಾರೆ. ಸಿನಿಮಾ ಕ್ಷೇತ್ರದ ಬಗ್ಗೆ ಅವರು ಸಾಕಷ್ಟು ಆಸಕ್ತಿ ವಹಿಸಿದ್ದು, ಚಂದನವನದಲ್ಲಿ ಗಟ್ಟಿಯಾಗಿ ನೆಲೆಯೂರಲು ಅವರು ಬಯಸಿದ್ದಾರೆ.

Advertisements

One Comment on “ಮಗನಿಗೆ ಆ ಸಂಬಂಧ ಬೇಡ – ವಿಜಯವಾಡ ಸಂಬಂಧ ಕುರಿತಂತೆ ಅನಿತಾ ಮಾತು

  1. Pingback: ನಿಖಿಲ್ ಆಯ್ತು..ಇದೀಗ ಅಂಬಿ ಪುತ್ರನ ಜೊತೆ ರಚಿತಾ….. – torrentspree

Leave a Reply

%d bloggers like this: