Advertisements

ಗ್ರಾಹಕನ ಆಹಾರಕ್ಕೆ ಬಾಯಿ ಹಾಕಿದ ಫುಡ್ ಡೆಲಿವರಿ ಬಾಯ್  

 ಆನ್ ಲೈನ್ ವ್ಯವಹಾರಗಳಲ್ಲಿ ಆಗುತ್ತಿರುವ ಮೋಸಕ್ಕೆ ಲೆಕ್ಕವಿಲ್ಲ. ಮೊಬೈಲ್ ಬುಕ್ ಮಾಡಿದ್ರೆ ಕಲ್ಲು ಇಟ್ಟು ಕಳುಹಿಸುತ್ತಾರೆ. ಆದರೆ ಚೈನಾದಲ್ಲಿ ಡೆಲಿವರಿ ಬಾಯ್ ಗಳು ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ.

ಗ್ರಾಹಕರ ಹಸಿವು ತಣಿಸಲು ಪುಡ್ ಸರಬರಾಜು ಮಾಡುವ ಇವರು ಗ್ರಾಹಕ ಅನ್ನಕ್ಕೆ ಕನ್ನ ಹಾಕಿದ್ದಾರೆ. ಆನ್ ಲೈನ್ App ಮೂಲಕ ಫುಡ್ ಬುಕ್ ಮಾಡಿದ್ರೆ ಮನೆ ಬಾಗಿಲಿಗೆ ಬರುತ್ತದೆ ಅಂದುಕೊಂಡ ಗ್ರಾಹಕರ ಕೈಗೆ ಎಂಜಲು ಮಿಶ್ರಿತ ಆಹಾರವನ್ನು ಇವರು ಒದಗಿಸುತ್ತಿದ್ದಾರೆ.

ಆದರೆ ಸಿಸಿಟಿವಿ ಅನ್ನುವ ಗೂಢಚಾರ ಬಿಡಬೇಕಲ್ವ, ಹುಡುಗರ ನಿಜಬಣ್ಣವನ್ನು ಬಯಲು ಮಾಡಿದೆ. ಚೀನಾದಲ್ಲಿ ಗ್ರಾಹಕರ ಬಹು ಅಂತಸ್ತಿನ ಮನೆಗಳಿಗೆ ಆಹಾರ ಸರಬರಾಜು ಮಾಡುವ ತೆರಳುವ ವೇಳೆ ಲಿಫ್ಟ್ ಹತ್ತುವ ಡೆಲಿವರಿ ಹುಡುಗರು ಕವರ್ ತೆರೆದು ಬಾಕ್ಸ್ ಓಪನ್ ಮಾಡಿ ಹಾಗೇ ಬಾಯಿ ಹಾಕಿ ತಿಂದು ಬಿಡುತ್ತಾರೆ.

ಇನ್ನೇನು ಲಿಫ್ಟ್ ಡೋರ್ ಒಪನ್ ಆಗುತ್ತದೆ ಅನ್ನುವಾಗ ಹಾಗೇ ಇಟ್ಟು ಬಿಡುತ್ತಾರೆ.  ಕೊನೆಗೆ ಫುಡ್ ತಲುಪಿಸಬೇಕಾದ ಜಾಗ ಬಂದ ತಕ್ಷಣ ಪ್ಯಾಕೇಟ್ ಅನ್ನು ನೀಟಾಗಿಸಿ, ಗ್ರಾಹಕಕನ ಕೈಗಿಟ್ಟು ಥ್ಯಾಂಕ್ಸ್ ಹೇಳಿ ಬರುತ್ತಾರೆ. ಇದೀಗ ಈ ವಿಡಿಯೋ ವೈರಲ್ ಆಗಿದ್ದು, ಆನ್ ಲೈನ್ ಗಳಲ್ಲಿ ಪುಢ್ ಆರ್ಡರ್ ಮಾಡುವವರು ಸಾವಿರ ಸಲ ಯೋಚಿಸುವಂತೆ ಮಾಡಿದೆ.

ವಿಡಿಯೋ ವೈರಲ್ ಆಗುತ್ತಿದ್ದಂತೆ ಸಂಬಂಧಪಟ್ಟ ಸಂಸ್ಥೆ ಗ್ರಾಹಕರ ಕ್ಷಮೆ ಯಾಚಿಸಿದೆ, ಮಾತ್ರವಲ್ಲದೆ ಡೆಲಿವರಿಯ ಹುಡುಗನನ್ನು ಕೆಲಸದಿಂದ ಕಿತ್ತು ಹಾಕಿದೆ. ಹಾಗಂತ ಇದು ಶಾಶ್ವತ ಪರಿಹಾರವೇ ನಾಳೆ ಮತ್ತೊಂದು ಮಾರ್ಗದ ಮೂಲಕ ಪೊಟ್ಟಣಕ್ಕೆ ಬಾಯಿ ಹಾಕುತ್ತಾರೆ.

Advertisements

Leave a Reply

%d bloggers like this: