Advertisements

ವಾಜಪೇಯಿಯನ್ನು ದೇಶ ದ್ರೋಹಿ ಅಂದಿದ್ದರು ಸೋನಿಯಾ….!

ಅಟಲ್ ಬಿಹಾರಿ ವಾಜಪೇಯಿ ಅಜಾತ ಶತ್ರು, ಯಾವ ರಾಜಕಾರಣಿಯೂ ವಾಜಪೇಯಿ ಅವರನ್ನು ಕಠಿಣ ಶಬ್ಧಗಳಲ್ಲಿ ಟೀಕಿಸಿದ ಉದಾಹರಣೆ ಇಲ್ಲ. ವಾಜಪೇಯಿ ಅವರನ್ನು ಟೀಕಿಸಲೇ ಬೇಕು ಅನ್ನುವ ಪರಿಸ್ಥಿತಿ ಬಂದಾಗ Right Man in Wrong Party ಅನ್ನುತ್ತಿದ್ದರು.

ಮಾಜಿ ಪ್ರಧಾನಿ ವಾಜಪೇಯಿ ಅವರನ್ನು ಪಕ್ಷಾತೀತವಾಗಿ ಎಲ್ಲರೂ ಗೌರವಿಸುತ್ತಿದ್ದರು. ಆದರೆ ಕಾಂಗ್ರೆಸ್ ನ ನಿಕಟಪೂರ್ವ ಅಧ್ಯಕ್ಷರಾಗಿದ್ದ ಸೋನಿಯಾ ಗಾಂಧಿ ಮಾತ್ರ ಅಟಲ್ ಬಿಹಾರಿ ವಾಜಪೇಯಿ ವಿರುದ್ಧ ವಿವಾದಾತ್ಮಕ ಹೇಳಿಕೆ ನೀಡಿ ದೇಶದ ಜನತೆಯ ಕೆಂಗಣ್ಣಿಗೆ ಗುರಿಯಾಗಿದ್ದರು.

1999 ರಲ್ಲಿ ಉಜ್ಜೈನ್ ನಲ್ಲಿ ನಡೆದ ಸಾರ್ವಜನಿಕ ಸಭೆಯಲ್ಲಿ ಮಾತನಾಡಿದ್ದ ಸೋನಿಯಾ ಗಾಂಧಿ ಅಂದಿನ ಪ್ರಧಾನಿ ವಾಜಪೇಯಿ ಅವರನ್ನು ಗದ್ದಾರ್ (ದೇಶದ್ರೋಹಿ) ಎಂದು ಹೇಳಿದ್ದರು. ಸೋನಿಯಾ ಗಾಂಧಿ ಹೇಳಿಕೆಗೆ ತೀವ್ರ ಖಂಡನೆ ವ್ಯಕ್ತಪಡಿಸಿದ್ದ ಬಿಜೆಪಿ ಸೋನಿಯಾ ಗಾಂಧಿ ಅವರು ಸಾರ್ವಜನಿಕವಾಗಿ ಕ್ಷಮೆ ಯಾಚಿಸಬೇಕೆಂದು ಆಗ್ರಹಿಸಿದ್ದರು.

ವಾಜಪೇಯಿ ಇನ್ನಿಲ್ಲ. ಈ ಸಂದರ್ಭದಲ್ಲಿ ಆದರೂ ಸೋನಿಯಾಗಾಂಧಿ ತಮ್ಮ ಮಾತಿಗೆ ಕ್ಷಮೆಯಾಚಿಸಬಹುದಿತ್ತು. ಆದರೆ ಆ ಕೆಲಸವನ್ನು ಸೋನಿಯಾಗಾಂಧಿ ಮಾಡಿಯೇ ಇಲ್ಲ. ಹೋಗ್ಲಿ ಅವರು ದೇಶದ್ರೋಹಿ ಅನ್ನುವ ಹೇಳಿಕೆಗೆ ಸೋನಿಯಾ ಬದ್ಧರಾಗಿರುವುದಾದರೆ ಯಾವ ಕಾರಣಕ್ಕಾಗಿ ಅವರು ದೇಶ ದ್ರೋಹಿ ಅನ್ನುವುದನ್ನು ಸ್ಪಷ್ಟಪಡಿಸಬೇಕಿತ್ತು.

ಇನ್ನು ರಾಹುಲ್ ಗಾಂಧಿ ಪ್ರಧಾನಮಂತ್ರಿ ಹುದ್ದೆಯ ಮೇಲೆ ಕಣ್ಣಿಟ್ಟಿದ್ದಾರೆ. ತಾಯಿ ವಾಜಪೇಯಿ ಅವರನ್ನು ಕರೆದ ಮಾತುಗಳು ಮುಂದೊಂದು ದಿನ ಅವರಿಗೆ ಕಂಟಕವಾಗುವುದರಲ್ಲಿ ಸಂಶಯವೇ ಇಲ್ಲ.

( Image Courtesy -Yajna acharya)

Advertisements

Leave a Reply

%d bloggers like this: