Advertisements

ಅವತ್ತು ಮನಮೋಹನ್ ಸಿಂಗ್ ರಾಜೀನಾಮೆ ತಡೆದವರೇ ವಾಜಪೇಯಿ

ಅದು 90 ರ ದಶಕ. ನರಸಿಂಹ ರಾವ್ ಕೇಂದ್ರದಲ್ಲಿ ಪ್ರಧಾನಿ ಹುದ್ದೆಯಲ್ಲಿದ್ದರು. ರಾವ್ ಸಂಪುಟದಲ್ಲಿ ಮನಮೋಹನ್ ಸಿಂಗ್ ಹಣಕಾಸು ಸಚಿವರು. ಮನಮೋಹನ್ ಅದ್ಭುತ ಆರ್ಥಿಕ ತಜ್ಞರಾಗಿದ್ದರು. ಆದ್ರೆ ಬೆಸ್ಟ್ ಹಣಕಾಸು ಸಚಿವರಾಗಿರಲಿಲ್ಲ ಅನ್ನುವ ಟೀಕೆ ಕೇಳಿ ಬಂದಿತ್ತು.

ಈ ವೇಳೆ ಲೋಕಸಭೆಯಲ್ಲಿ ಮನಮೋಹನ್ ಸಿಂಗ್ ಆರ್ಥಿಕ ನೀತಿಗಳನ್ನು ತೀವ್ರವಾಗಿ ಖಂಡಿಸಿದ್ದ ವಾಜಪೇಯಿಯವರು, ತೀವ್ರ ತರಾಟೆಗೆ ತೆಗೆದುಕೊಂಡಿದ್ದರು.

ಇದರಿಂದ ತೀವ್ರವಾಗಿ ಮನನೊಂದುಕೊಂಡ ಮನಮೋಹನ್ ಸಿಂಗ್ ನೇರವಾಗಿ ಪಿವಿ ನರಸಿಂಹ ರಾವ್ ಬಳಿ ತೆರಳಿದರು. ತಾವು ರಾಜೀನಾಮೆ ಕೊಡುತ್ತಿರುವುದಾಗಿ ತಿಳಿಸಿದರು.

ಬಳಿಕ ನರಸಿಂಹ ರಾವ್ ವಾಜಪೇಯಿ ಅವರನ್ನು ಸಂಪರ್ಕಿಸಿ  “ತಮ್ಮ ಮಾತಿನಿಂದ ನೊಂದುಕೊಂಡ ಮನಮೋಹನ್ ಸಿಂಗ್ ರಾಜೀನಾಮೆ ಕೊಡಲು ಮುಂದಾಗಿದ್ದಾರೆ. ಹೀಗಾಗಿ ಅವರಿಗೆ ಸಾಂತ್ವನ ಹೇಳಿ, ಮನವೊಲಿಸಿ ಎಂದು ಮನವಿ ಮಾಡಿದರು.

ನರಸಿಂಹ ರಾವ್ ಮನವಿಗೆ ಇಲ್ಲ ಅಲ್ಲದ ವಾಜಪೇಯಿ,ಮನಮೋಹನ್ ಸಿಂಗ್ ಜೊತೆ ಮಾತನಾಡಿ ಸಾಂತ್ವನ ಹೇಳಿದರು. ಆ ದಿನದಿಂದ ಮನಮೋಹನ್ ಸಿಂಗ್ ಅವರಿಗೆ ವಾಜಪೇಯಿ ಮೇಲಿನ ಗೌರವ ಮತ್ತಷ್ಟು ಹೆಚ್ಚಾಯಿತಂತೆ.

ಇಂತಹ ನೂರಾರು ಘಟನೆಗಳಿದೆ. ಈಗಿನ ಕಾಲದ ರಾಜಕಾರಣಿಗಳಾಗಿದ್ದರೆ, ಅಯ್ಯೋ ರಾಜೀನಾಮೆ ತಾನೇ ಕೊಡಲಿ ಅನ್ನುತ್ತಿದ್ದರೇನೋ. ಇದಕ್ಕೆ ಅವರು ಅಜಾತ ಶತ್ರು ಅನ್ನಿಸಿಕೊಂಡಿರುವುದು.

Advertisements

Leave a Reply

%d bloggers like this: