Advertisements

ಬಸವಣ್ಣ ವಚನವೂ ಇಲ್ಲ… ಕನ್ನಡದ ಸಹವಾಸಕ್ಕೆ ಹೋಗದ ರಾಹುಲ್…

ಕರ್ನಾಟಕಕ್ಕೆ ಕಾಲಿಟ್ಟರೆ ಸಾಕು, ರಾಷ್ಟ್ರ ಮಟ್ಟದ ರಾಜಕಾರಣಿಗಳಿಗೆ ಕರ್ನಾಟಕದ ಸಾಧಕರು ನೆನಪಾಗಿ ಬಿಡುತ್ತಾರೆ. ಕನ್ನಡ ಮೇಲೆ ಪ್ರೀತಿ ಉಕ್ಕಿ ಹರಿಯುತ್ತದೆ. ಆದರೆ ಅವೆಲ್ಲವೂ ನಾಟಕ ಅನ್ನುವುದಕ್ಕೆ ಅವರ ಉಚ್ಛಾರಣೆಯೇ ಸಾಕ್ಷಿಯಾಗಿರುತ್ತದೆ.

ಈ ಹಿಂದೆ ಮೋದಿ, ರಾಹುಲ್ ಗಾಂಧಿ ಸಾಧಕರ ಹೆಸರು ಹೇಳಲು ಹೋಗಿ ಎಡವಟ್ಟು ಮಾಡಿಕೊಂಡಿದ್ದರು. ಹಿಂದೆ ಉಚ್ಛಾರಣೆಯಲ್ಲಿ ಕನ್ನಡ ಹೇಳಲು ಹೋಗಿ ಟ್ರೋಲ್ ಆಗಿದ್ದರು.

ಅದರಲ್ಲೂ ವಿಧಾನಸಭೆ ಚುನಾವಣೆ ಸಂದರ್ಭದಲ್ಲಿ ಕರ್ನಾಟಕಕ್ಕೆ ಬಂದಿದ್ದ ರಾಹುಲ್ ಗಾಂಧಿ, ವಿಶ್ವೇಶ್ವರಯ್ಯ ಹೆಸರು ಹೇಳಿ, ಬಸವಣ್ಣ ವಚನ ನುಡಿದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದರು.

ಹೀಗಾಗಿ ಸೋಮವಾರ ಬೀದರ್ ಗೆ ಬಂದ ರಾಹುಲ್ ಕನ್ನಡದ ಸಹವಾಸಕ್ಕೆ ಹೋಗಲಿಲ್ಲ, ಬಸವಣ್ಣ ವಚನವನ್ನೂ ನೆನಪಿಸಲಿಲ್ಲ. ಜನರ ಮನ ಗೆಲ್ಲುವ ಪ್ರಯತ್ನಕ್ಕೆ ಕೈ ಹಾಕಿ, ಬಿಜೆಪಿಯವರ ಫೇಸ್ ಬುಕ್ ಪುಟಗಳಿಗೆ ನಾನ್ಯಾಕೆ ಕಟೆಂಟ್ ಕೊಡಲಿ ಎಂದು ರಾಹುಲ್ ಸುಮ್ಮನಾಗಿದ್ದು ಸುಳ್ಳಲ್ಲ.

Advertisements

Leave a Reply

%d bloggers like this: